دلوقتي انا عندي 25 سنه معايا ليسانس الحقوق مشكلتي اني بتأثر بكلام اللي حواليا بصدق اللي بيتقلي وبكدب نفسي ومن ضمن اللي مصدقاه اني مش عايزه اعمل حاجه ولا دايما بحس بالفشل معنديش صبر علي التجربة مره واتنين بقفل وبزعل اوي نفسي اتطور اللغه بتاعتي واعرف اتكلم بالانجليزي لو واظبت نقول اسبوع اقعد شهر قصاده من غير ما اذاكر وخايفه اتجوز و دايما دايما بعمل سيناريوهات وحشه في دماغي لكل حاجه
انا مش عارفه انا المفروض اسال علي ايه بالظبط بس اللي عنده وصف او علاج للكلام ده يقول بلله عليكم
أولا معني انك بيؤثر عليكي كلام الحوليكي انك شخصية حساسة دي طبيعتك .....لازم تعرفي أن احنا بشر و تقتنعي بده أن كل واحد فينا عندوا عيب و ميزة مفيش حد كامل معندوش عيوب........ ثانيا كلام الناس يعتمد علي الناس يعني لو انا قلتلك انتي حلو و فنفس الوقت واحد تاني قال انتي (اسف ) وحشة فكري كده لو كلام الناس مقياس طب لية اختلفنا في الرأي هل هنالك مقياس يختلف فيه ؟؟؟ اكيد لا ف الافضل متحطوهوش في دماغك حلو او وحش.....اهتمامك بكلام الناس هو المولد عندك عدم الصبر و في حاجة تانية لاحظتها ممكن تكون مش صح هي انك مستعجلة علي اكتساب المهارة و دة مش صح لازم كل حاجة تاخد وقتها وعلي مهلك متستعجليش .... بالنسبة للانجليزي في طريقه حلوة جدا بتطور عندك جميع مهارات اللغه هي ١. اسمعي انجليزي (من جوجل برودكاست اكتبي learn English هيجبلك كذا واحد اختاري اي واحد ) أولا السمع هتخليكي تتكلمي انجليزي من غير ماتخدي بالك. ازي يعني ؟؟ سوال هو الطفل ازي بيتكلم من غير محد يعلموا ؟؟ الإجابة بكل بساطة هو انو بيسمع اللغه كثير فبيحفظها و يعرف ده بابا و دي ماما و دة شباك و هكذا.. ٢ . احفظي كلمات بس مش بالطريقة المعتادة يعني احفظي بالصور انا عارف الموضوع يضحك بس دي ابسط طريقه لحفظ الكلمات عشان لما تشوفي حاجة مخك يفتكرها علي طول من غير ترجمة ٣. هاتي ورقة و قلم و اكتب الحصل معاكي في اليوم بالانجليزيه بالاستعانة ب ترجمة جوجل كدة هتنمري ايدك علي الكتابة ٤. عشان انتي بنت ف مش هينفع تخوشي جروبات انجليزي وكدة ، ممكن تمارسي اللغة مع اصدقائك او اخواتك لو مش هينفع ف سجلي الكلام و ردي علي نفسك عارف الموضوع يضحك بس لازم تمارسي اللغة .... السيناريوهات السيئة في دماغك دليل علي التفكير الزيادة و التفكير السلبي و دة غلط جدا حاولي متفكريش كتير و خوفك من الجواز شئ مش غريب في بنات كتير كدة بس سبيها علي الله و قربي من ربنا صدقيني اهم حاجة و ارجوكي ارجوكي ارجوكي بلاش التفكير. الزيادة و التفكير السلبي حاولت اختصر و انشاء الله تتحسني معلش طولت عليكي
تم النشر الجمعة، ٩ فبراير ٢٠٢٤
السلام عليكم ورحمة الله وبركاته ❤❤من الاول كده كل اللي قولتية حااليا بيدل علي ضعف الشخصيه معلش بس هكلمك بصراحه انتي دلوقتي عندك 25 سنه يعني في مرحله تقدم دايماا قولي لنفسك انا ليه اسمع كلام شخص واسمع كلام الناس لان كلامهم ده بيدمرك عاطفيا ودلوقت بيدمر حياتك لانك كده هيضيع مستقبلك وعشان مين معلش ليه تضيعي مجهودك في السنين دي كله ولماا في ايدك تشتغلي وتتحملي مسئوليه الناس دول كانو فين وانتي تعبانه في المذاكره كانو فين وانتي مكسوره من جواكي محدش هيحس او اصح محدش هيفهمك اكتر من نفسك وغير كده انتي اللي بايدك تخليهم يتكلمو او لا بختصرر لا احد يستطيع ان يشعركِ بنقص دون موافقتك حطيلهم حدود وقولي ليهم اسكوتو ومتخليش حد يقلل منك او من حياتك وشخصيتك لان انتي اللي بنيتي كل ده بايدك ومحدش من الناس دول كانو معاكي ليه دلوقتي تفكري فيهم او تسمعيهم حتي فوكك من كل اللي حوليكي ده واهتمي بمستقبلك واهتمي بلناس اللي بيحبوكي فعلا وهيكونو مبسوطين لماا بشفوفوكي نجاحة ومبسوطة خلي انجزاتك هي اللي تتكلم عنك ورد فغلك مش بكلام وبس واسمعي فديوهات تحفيز كتير هتفيد واللهي وانتي اللي تقدري تعملي اي حاجه انتي عوزه وتقدري توقفيهم عند حدهم بس خلي الكلام ده دايما في دماغك وقولي انا قويه انا قيمتي كبيره انا اقدر اعمل كل حاجه وفي الوقت ده بس اقدر اقول انك نجاحتي لان مشكلتك دي حاجه معنويه مش ماديه تكشفي وتخدي علاج وتتعلجي لا انتي اللي تشفي نفسك بنفسك وهم حاجه الله سبحانه وتعالي لازم تكوني قريب جدا جدا من الله عشان تقدري تنجاحي في حياتك الله ثم الله ثم الله ثم الله ♥ ومعلش لو طولت عليكي بكلام واتمني اكون قدرت اساعدك وابقي طمنيني عليكي عملتي ايه. بتوفيق يجميل ❤❤
تم النشر السبت، ١٠ فبراير ٢٠٢٤
لازم تبقى عندك ثقة بالنفس وفى قراراتك وانك متخافيش حتى لو ختى قرار غلط
تم النشر الجمعة، ٩ فبراير ٢٠٢٤
انت ممكن بس في قلة ثقة بالنفس حاولي تخلي حد مقرب يساعدك أو خدوا كورسات سوا ودخلي نفسك في مود المنافسة ولو حاسة بعدم تقدير ذاتي ممكن تروحي لمعالج نفسي مش عيب
تم النشر الجمعة، ٩ فبراير ٢٠٢٤
المشكلة باختصار تتعلق بضعف الاحساس بقيمة الذات، وتوقع الفشل دائما، واي كلمة من حد ممكن تأثر. إلى جانب سوء في تخطيط الأهداف وبالتالي عدم تنفذها. حاولي تقرأي عن تقدير الذات وتنمية الثقه بالنفس. وعن تخطيط الأهداف
تم النشر الجمعة، ٩ فبراير ٢٠٢٤
كل اللى اتقال جميل جدا بس اهم حاجه تلتزمى بيه وعشان تقدرى تعملى دا لازم تقربى من ربنا جدا مش عشان كدا بس عشان تبقا كل جوانب حياتك ناجحه لان ديما الشيطان مش عايز الإنسان ناجح ف بيدخله من نقاط ضعفه وهو عن طريق التفكير و بيشتتك عشان متوصليش عشان كدا التزمى بالفروض ف وقتها والتزمى بالاذكار كل يوم بس اهم حاجه استشعرى علاقتك بربنا وحسيها وانتى بتعملى شغل البيت اقعدى استغفرى ربنا عشان متديش فرصه لنفسك بالتفكير دا وف نفس الوقت الاستغفار هتاخدى حسنات وبرضو الاستغفار بيحقق الاحلام التزمى بالكلام دا شهر وتعالى على نفسك ف الاول ممكن يكون صعب بس بعد شهر الموضوع هيبقا سهل وبتعمليه بتلقائية معلش طولت عليكي
تم النشر الجمعة، ٩ فبراير ٢٠٢٤
السلام عليك يا اختي هبه اسمعي أول شي لازم تتقربي من الله خلي هدفك الاول والاخير التقرب من الله عز وجل تمام ثاني شي عن موضوع الزواج أنا بكلمك من واقع غير تجربه أنا لسا عمري ١٨ بعد ٢٧ يوم بدخل أن شاء الله ١٩ سنه ولا تزوجت وقدامي مشوار على الزواج بس الي لازم تعرفيه انك لازم تتزوجي شخص يخاااف الله فيك يكون انسان لا له بالدخان ولا له بأي شي حرام (اقل شي الظاهر قدام الناس) واعرفي أن الزواج قسمه ونصيب والله يكتب لك مافيه الخير لك ثالث شي خلي تطورك في اللغه الانجليزية يكون عبر شي مسلي كألعاب وغيرها أنا انجليزيتي كويسه ولله الحمدلله بسبب الألعاب ورابع شي اعرفي انك أن تقدمتي في حياتك خطوه راح يكون في ناس كثيرة تحاول تحط حجار ومسامير على خطوتك القادمة ف انتبهي وأخيراً اسألك بالله أن تكوني يا اختي متحجبه ومحتشمه وربي أن شاء الله يرزقك من حيث لا تحستبي كشغف وزواج وحياه فيها بركة والله يوفق الجميع
تم النشر الجمعة، ٩ فبراير ٢٠٢٤
بص لازم تمشي بمبدا وتقتنعي بيه طالما اللي بعمله مش بيغضب ربنا او مش بيضر حد يبقي مايهمكش اي كلام وعيشي حياتك واستمتعي بكل دقيقه
تم النشر السبت، ١٠ فبراير ٢٠٢٤
حلوة اوي الفكره دي بتاعت اتنين وخميس و والله بقالي كام يوم بحاول انتظم علي الذكر وبإذن الله أداوم عليه.... متشكرة جدا علي ذوقك 😍😍😍
تم النشر السبت، ١٠ فبراير ٢٠٢٤
اولا يا غاليه اتقربي من ربنا. وافتحي صفحه جديده مابينك وبين ربنا. وادعي كتير وحقيقي هتحسي بإحساس تاني والله عليكي بالحوقله والاستغفار والله والله هتتعدل كل حاجه بسبب الذكرين دول وصلي قيام الليل طبعا. وانتظمي عليهم. دي حاجه. الحاجه التانيه. جيبي دفتر او كشكول جديد. وابداي اكتبي حاجات بتحبيها في نفسك. لازم تكتبي صفات او افعل. هي عجباكي انتي بس. وبعد كدا شوفي اي اللي مدايقك وعملك مشاكل مثلا واكتبيهم كلهم تحت بعض. وشوفي اهم مشكله مثلا. زي. انك تتعلمي الانجلش مثلا اشتغلي علي المشكله دي بس ركزي عليها. يعني مثلا هديكي شويه حلول. اول حل لازم يكون معاكي صديقه تشجعك لازم تحددي اوقات انك تذاكري الانجلش. ويفضل متخلهوش كل يوم خليه مثلا كل اتنين وخميس مثلا. عشان تحسسي نفسك انك مش مضغوطه او انك في درس وبعد كدا شوفي المصدر اللي هتشتغلي منه. مثلا وذاكري انتي وصحبتك عشان تشجعوا بعض.
تم النشر السبت، ١٠ فبراير ٢٠٢٤
ربنا يكرمك ويوفقك ويرزقك
تم النشر السبت، ١٠ فبراير ٢٠٢٤
ربنا يباركلك وجزاكي الله خير علي لين اسلوبك و نصيحتك 😍😍😍😍
تم النشر الجمعة، ٩ فبراير ٢٠٢٤
شكرا على ذوقك بجد 😍😍😍😍
تم النشر الجمعة، ٩ فبراير ٢٠٢٤
كلامك جميل وبإذن الله اقدر اعمله بإذن الله
تم النشر الجمعة، ٩ فبراير ٢٠٢٤
بحاول بس بجد انا بفكر وانا بعمل حتي شغل البيت
تم النشر الجمعة، ٩ فبراير ٢٠٢٤
اشغلي كل وقتك عشان تتجنبي السيناريوهات دي
تم النشر الجمعة، ٩ فبراير ٢٠٢٤
لعرض السؤال في فدني اضغط هنا