مش عاوز افرض علي زوجتي اسم مولودنا الجديد وبالذات عشان هو علي اسم ابويا عاوز اقنعها بيه وكانها اختارته معايا مش عاوز اسلوب اني افرض عليها
اقترح عليها الأمر بشكل مباشر ولكن ضيف اسبابك ويكون ده في إطار نقاش هادئ بكل حب وشوف رأيها .. وأن اعترضت فلا بأس أنكم تبحثوا عن اسم تاني تتفقوا عليه.
تم النشر الخميس، ١٨ مايو ٢٠٢٣
اولا جزاك الله خيرا انك بتراعي شعورها ومش عاوز تحسيها بالاجبار في الاسم لان الموضوع ده فعلا بيكون سبب نكد كتير جدا شفته في اوساط النساء ثانيا هو الشخص مش بيتخلد باسمه ولكن بافعاله وسيرته فحضرتك لو اسم والدك يعني اسفه قديم او مش ماشي مع الاسماء الدارجه الطبيعيه ( وليست المستحدثه) الايام دي فايه سبب رغبة حضرتك في تسميته !!! بالنسبه لزوجة حضرتك ممكن تقعدوا سوا وتخليها تقول ٣ اسماء مثلا حاباهم اكتر حاجه وحضرتك تقول ٣ حاببهم برضه منهم اسم والدك وتتناقشوا فيهم بهدوء هتلاقوا نفسكم بتستبعدوا بعض الاسماء وفي وسط النقاش تحاول تحببها في اسم والدك ان كان من معناه او من صفة حد متسمي بيه او من سيرة حد من الصحابه مثلا لو هو اسم صحابي وهكذا وهترسوا على اسمين في الاخر هتختاروا بينهم واخيرا كل طفل بيبقى نازل باسمه مهما اخترنا وخططنا بينزل وبتلاقيه تسمى باسم خاص ربنا كتبهوله وبتكون مستغرب ازاي ده حصل. والموقف ده حصل كثير جدا جدا مع ناس كتير اوي ربنا يرزقكم مولود سليم معافى صالح مصلح ويعينك على تربيته والاحسان اليه ويرزقكم بره ويقر اعينكم به
تم النشر الخميس، ١٨ مايو ٢٠٢٣
اقترحه عليها مره واحده وقولها لو كانت دى رغبتك انتى كمان دى حاجة هتسعدنى جدا ....ومتتكلمش تانى. الستات مش بتحب الزن وكمان عاطفتها هتغلبها انها تسعدك ....ده كمان لو انت بتراضيها كتير هيكون ده اسهل ليها وهتميل ليه جبرا لخاطرك.
تم النشر الأحد، ٢١ مايو ٢٠٢٣
حاول تتناقش معاها بهدوء وفهمها انك نفسك ف كدا اوي ، ولو هيا بتحبك هتبقا مبسوطه لانبساطك ، وخليك معاها صريح وهادي وحنين ، لان الست بتيجي بالحنيه.
تم النشر الجمعة، ١٩ مايو ٢٠٢٣
اعمل معاها صفقة إذا سميتم المولود بالاسم اللي انت عايزه إذا ربنا رزقكم مولود بعده تسميه هي كما شاءت
تم النشر الخميس، ١٨ مايو ٢٠٢٣
لعرض السؤال في فدني اضغط هنا