السلام عليكم
انا كنت بسال كده عن حاجه حاسه بتحصلي بقالها فتره مش عارفه ليه ان اوقات كده ناس بحسهم بيبصو عليا بطريقه كده كأنها مش حلوه او بقرف او كأن الشخص مضايق كده بس اوقات بحسه متكرر ومن بنات وخصوصا مثلا من الشباب او كده بس انا بحاول الحمد لله بغض بصري بس اوقات بلاحظ برضه فببقي مش عارفه هو في ايه
انا الحمد لله مظهري ومشيي مفيهوش حاجه والحمد لله ليه بقي النظرات دي معرفش وبحس ان البنات التانيه مثلا مش بيحصلهم كده وعادي وماشيين براحتهم وبثقه ومش بيحصلهم كده الا انا مش عارفه ليه بجد
وعليكم السلام ورحمه الله وبركاته. اللي انت وصفتيه ده هو نظرتك انت لنفسك مش ثابته انت مش قادره تبصي لنفسك وتبقى عندك نظره ثابته لنفسك دائما منتظره نظرات الاخرين هي اللي تخليك تبصي على نفسك بشكل معين فلذلك بتبقي وانت ماشيه بتركزي في نظرات اللي حواليك يا ترى هم بيبصوا لي ازاي يا ترى انا تمام ولا مش تمام ومحتاجه دائما التاكيد من نظراتهم فخلي بالك من النقطه دي محتاجه الاول انت تبصي على نفسك وتقولي انت شايفه نفسك ازاي لو انت شايفه نفسك جميله ولبسك النهارده مهندم هتبقي ماشيه بكل ثقه وفي الغالب هتبقي مش بتركزي اصلا في نظرات اللي حواليك لكن بما ان احنا في عندنا تردد تجاه نفسنا وده هيظهر في ان احنا هنحاول نقرا من اللي حوالينا عشان ناخد نظره يعني خلاص نعتمدها ونقول اه هو انا كده النهارده حلوه لا النهارده مش تمام لا ده النهارده فيا حاجه تثير الشمئزاز الافضل نركز مع نظرتنا نفسنا الاول.
تم النشر الأحد، ١٦ مارس ٢٠٢٥
السلام عليكم، أخبار الثقة بالنفس إيه؟ أحيانًا لو فيه مشكلة في ثقتنا بنفسنا أو مترددين أو عندنا رهبة من الناس، بنتوتر من نظراتهم وممكن يتهيأ لنا إنها مش نظرات لطيفة أو زي ما وصفتيها. هل الناس دي كلها في محيطك المعروف؟ يعني أقارب، جيران، سكان منطقتك؟ ولا حتى الناس العادية الغريبة في الشوارع، في مدرستك أو كليتك، كلهم بتحسي إنهم بينظروا لك بنفس الطريقة؟ شايفة الحل بالنسبة لك في حاجتين، الثقة في النفس والتجاهل. ما دام أنتِ شايفة إن مفيش مشكلة فيكِ وماشية صح وعلاقتك بربنا كويسة فأي شيء تاني مش مهم، لا رأي الناس فيكِ ولا نظراتهم. تجاهلي النظرات واعتبري إنها مجرد تهيؤات أو حتى ناس مش فاهماكِ أو واخدة فاكرة غلط عنك، كل ده لا يخصك ولا يأثر فيكِ. اهتمي بنفسك وتطويرها وركزي على حياتك، كل خطوة هتتقدميها هتمنحك رضا عن نفسك وثقة أكتر. بالتوفيق إن شاء الله.
تم النشر الأحد، ١٦ مارس ٢٠٢٥
السلام عليكم ، بصي هو في كذا سبب ممكن يخليكي تحسي بكده واغلبها مش ليها علاقة بيكي شخصيا احيانا الناس بتبص بطريقة معينة مش مقصود بيها حاجة ممكن يكونو سرحانين او مستغربين حاجه معية مش ليها علاقة بيكي،ممكن برضه يكون عندك احساس زيادة بالموقف وبتفسري نظراتهم بطريقة سلبية ،وده طبيعي لو كنتي حساسة شوية بالموضوع لكن لو الوقف بيتكرر مع ناس كتير ودائما بتحسي بنفس الاحساس، ممكن تسالي حد قريب منك زي صاحبة او حد من العيلة لو لاحظ حاجه،ولو مفيش اي حاجه فعلا يبقى تجاهلي وتذكري تن مش كل حاجه ليها معنى او قصد ، وعادي ان الناس تبص اوقات من غير سبب واضح
تم النشر الأحد، ١٦ مارس ٢٠٢٥
ثقي في نفسك يا حب خلي اللي يبص يبص مادام مش بتعملي حاجة غلط، وممكن اصلا تكون مجرد تهيؤات.. بالنسبة للبنات ... بوصي في عينهم ماتبصيش بعيد عشان تحسسيهم انك تمام وواثقة من نفسك بالنسبة للشباب.. سيبك منهم كدا كدا هيبصوا حتى لو بصيتي في عينهم.
تم النشر السبت، ١٥ مارس ٢٠٢٥
وعليكم السلام ورحمة الله وبركاته. أفهم مشاعرك تمامًا، فالنظرات السلبية أو الإحساس بعدم الارتياح من بعض الناس يمكن أن يكون محبطًا. من المهم أن ندرك أن الحياة الاجتماعية تحتوي على تفاعلات متعددة، وقد يكون هناك عوامل مختلفة تؤثر على سلوك الآخرين، مثل مزاجهم الشخصي أو تصوراتهم. إليك بعض النقاط التي يمكنك التفكير فيها: ثقتك بنفسك : إذا كنتِ تشعرين بالثقة في نفسك وفي شكلك، قد يؤدي ذلك إلى تقليل تأثير نظرات الآخرين عليك. حاولي التركيز على إيجابياتك وتقدير ذاتك. تأثير البيئة : في بعض الأحيان، قد تكون البيئة المحيطة بك تتسبب في شعورك بالقلق. إذا كنتِ في مكان يعكس ضغطًا اجتماعيًا أو معايير معينة، قد تشعرين بأنك تحت المجهر. تقبلي الاختلافات : ليس الجميع سيرون الأمور بنفس الطريقة. الربما بعض الأشخاص لا يأخذون في اعتبارهم مشاعرك أو ليس لديهم الوعي الكافي بما يشعر به الآخرون. التركيز على الإيجابيات : حاولي التركيز على التعليقات الإيجابية والأشخاص الذين يدعمونك. من الممكن أن يساهم ذلك في تعزيز ثقتك بنفسك. تحدثي مع شخص تثقين به : إذا كان الأمر يؤثر عليك بشكل كبير، قد تجدي من المفيد التحدث مع صديقة أو أحد أفراد العائلة حول مشاعرك. تذكري أن استخدام نظرات الآخرين لتحديد قيمتك مضلل. كوني قوية ومتمسكة بهويتك، ولتعلمي أن مشاعرك مهمة. إذا استمرت هذه المشاعر في التأثير على حياتك اليومية، يمكن أن تستفيدي من استشارة مختص في الصحة النفسية.
تم النشر السبت، ١٥ مارس ٢٠٢٥
ثقي بنفسك ولا تهتمي للاخرين
تم النشر الأحد، ١٦ مارس ٢٠٢٥
تحتاجين إن تنظري لما يمكنهم النظر له أو تسالي هل ممكن شئ علي سمعتك مخليهم كدا و جربي تسمعي بودكاست تقوي من شخصيتك و ابتسمي للبيبص بقرف
تم النشر الأحد، ١٦ مارس ٢٠٢٥
لعرض السؤال في فدني اضغط هنا