السلام عليكم، أخبار الثقة بالنفس إيه؟ أحيانًا لو فيه مشكلة في ثقتنا بنفسنا أو مترددين أو عندنا رهبة من الناس، بنتوتر من نظراتهم وممكن يتهيأ لنا إنها مش نظرات لطيفة أو زي ما وصفتيها. هل الناس دي كلها في محيطك المعروف؟ يعني أقارب، جيران، سكان منطقتك؟ ولا حتى الناس العادية الغريبة في الشوارع، في مدرستك أو كليتك، كلهم بتحسي إنهم بينظروا لك بنفس الطريقة؟ شايفة الحل بالنسبة لك في حاجتين، الثقة في النفس والتجاهل. ما دام أنتِ شايفة إن مفيش مشكلة فيكِ وماشية صح وعلاقتك بربنا كويسة فأي شيء تاني مش مهم، لا رأي الناس فيكِ ولا نظراتهم. تجاهلي النظرات واعتبري إنها مجرد تهيؤات أو حتى ناس مش فاهماكِ أو واخدة فاكرة غلط عنك، كل ده لا يخصك ولا يأثر فيكِ. اهتمي بنفسك وتطويرها وركزي على حياتك، كل خطوة هتتقدميها هتمنحك رضا عن نفسك وثقة أكتر. بالتوفيق إن شاء الله.
بصي و المشكله مش في المظهر المشكله ممكن تكون الشخص واخد عنك فكره وحشه او حد اتكلم مع حد بالسوء حرصي من الناس ممكن يكون صاحبه ليكي وبنحاول تاذي خلي بالك ممكن تسالي بنت تقولي ليه فيه ايه وهي حاجه غلط لو هي بتبصلكي زي الناس ممكن توضحلك او ممكن انتي مش واثقه في نفسك
تم النشر الأحد، ١٦ مارس ٢٠٢٥
لعرض الإجابة في فدني اضغط هنا