سلام عليكم ورحمة الله وبركاته
انا عمري ٣٢ سنة جسمي نحيل وطولي ١٨٠سم وظهر عندي كرش في البطن علما بأني رياضي بمعني بمارس لعب كرة القدم كتير، فظهور الكرش مأثر علي نفسيتي وعلي مظهري اريد حل لازالة الكرش بدون تأثر باقي جسمي لأني نحيل كما ذكرت سابقا! ارجوا الرد عن تجربة فعلية أو مدرب لياقة بدنية أو متخصص لو سمحتوا.
عليكم السلام ورحمة الله الله وبركاته. ببساطة شديدى، توقف عن السكريات والأطعمة المصنعة تمامًا، اجعل نسبة النشويات في نظامك الغذائي أقل، واحرص أن تكون كربوهيدرات معقدة، واشرب قدر كافي من الماء. شهر واحد وسوف تلاحظ تحسن كبير إن شاء الله.
تم النشر الاثنين، ٢٢ يوليو ٢٠٢٤
ازيك يا محمد اولا لازم تعرف ايه سبب البطن دي هل بتشرب مشروبات غازيه باستمرار؟ هل بتاكل نشويات كتير خلال اليوم؟ بتاكل كل يوم بالليل قبل ما تنام؟؟ بتاكل منتجات فيها دهون مهدرجة كتير زي الجبن النباتيه او المبيضات بتاعت القهوه زي النسكافيه ٣في ١ ؟ بتاخد مقليات عموما بطاطس طعميه بتنجان…؟؟؟ والمخبوزات والمعجنات اخبارها ايه؟ كل دي حاجات ممكن تكون سبب في ظهور كرش عندك . لو مش بتعملها هوا بتعملها كل فتره الافضل توقفها وتكون بسيطه جدا جدا في نظامك الغذائي وخلي اكلك النسبه الاكبر منه بروتين وخضروات وقلل الكارب . قلله بس متمنعوش ووقف الكارب والسكريات بالليل خاصة لو كان دقيق ابيض . وخلي العشا بتاعك بروتين وسلطه واعمل انبدي شوف توزيع الدهون في جسمك واعرضه على متخصص ولو توزيع الدهون والعضلات كله كويس ووزنك مناسب لطولك ومفيش مشكله ممكن تعمل جلسات لتفتيت الدهون الموضعيه في مركز مع متخصص
تم النشر السبت، ٣ أغسطس ٢٠٢٤
وعليكم السلام ورحمة الله وبركاته! حياك الله، فهمت شعورك وإنه مزعج لما تلاحظ تغيير في جسمك ممكن يأثر على نفسك ومظهرك وانت رياضي. خلينا نحكي شوي عن بعض النصائح اللي ممكن تساعدك: التغذية : لازم تراجع نظامك الغذائي وتشوف اذا انت بتستهلك سعرات حرارية أكثر مما تحرق، وحاول تتجنب الأطعمة العالية بالدهون المشبعة والسكر. ركز على الأطعمة الصحية زي الخضروات والفواكه، والبروتينات الصحية. وجرب تاكل كميات صغيرة ووجبات أكثر خلال اليوم. التمرينات الرياضية : بنصحك تضيف تمرينات تستهدف منطقة البطن زي تمرينات الكارديو (القلب)، مثل الجري، ركوب الدراجة، أو السباحة. كمان ممكن تضيف تمرينات مقاومة مثل البلانك، السكوات، وتمرينات البطن. تمرينات الكور : تمرينات الكور بتقوي عضلات بطنك وبتساعد على نحتها، زي البلانك، الكرانشيز، وتمرينة الدراجات الهوائية. النوم الجيد : النوم الكافي والمريح بيأثر على عملية الأيض وهرمونات جسمك، حاول تحصل على 7-9 ساعات من النوم كل ليلة. تقليل الإجهاد : حاول تكون هادي ومقلل من التوتر، لأن الإجهاد بيزيد من إفراز هرمون الكورتيزول اللي بيشجع تراكم الدهون في منطقة البطن. من الضروري كمان تزور أخصائي تغذية أو مدرب لياقة بدنية علشان يعملك خطة مناسبة لجسمك واحتياجاتك. إن شاء الله هالنصائح تفيدك وتقدر تتخلص من الكرش. بالتوفيق! (يرجى ملاحظة أن هذه إجابة آلية بواسطة الذكاء الصناعي ولا تغني عن زيارة الطبيب في الأمور الصحية)
تم النشر الاثنين، ٢٢ يوليو ٢٠٢٤
كوره القدم متكفيش لوحدها ان توزع الدهون صح في جسمك خصوصا لو بتلعب كل فتره يعني مش مستمر .... اول حاجه بلاش اكل بليل دا بيودي فداهيه مش معني كدا ان بقولك متاكلش لا طبعا كل بس حاجات خفيفه شويه
تم النشر الاثنين، ٢٢ يوليو ٢٠٢٤
تاني حاجه روح جم وركز علي البطن بجد هتلاقيه نتيجه تحفه اووووي وعن تجربه بجد حتي تقدر تلعب ف اي حاجه عايز تظبطها يعني لو عايز تتخن شويه برضو كل حاجه هتبقي سهل تتحكم فيها المهم تنتظم .... واشرب سوايل كتير قد ما تقدر
تم النشر الاثنين، ٢٢ يوليو ٢٠٢٤
لعرض السؤال في فدني اضغط هنا