السلام عليكم، شعورك ده طبيعي جدًا مع سنك وكتير بيمروا بحالتك، المشكلة هتكون لو اعتمدت على طرق غلط لملأ الفراغ العاطفي وتفريغ الحاجة الجنسية. مشكلتك نفسها أساسها الفراغ، إذا خليت عندك هدف كبير تسعى وراءه وملأت وقتك للدرجة اللي معها مش هيتبقى وقت تفكر في حاجة جنسية أو على الأقل مش هتلاقي وقت تلجأ لطرق سيئة ممكن تجرك لسلوكيات أسوأ يكون لها أثر سلبي ومدمر على حياتك ومستقبلك. حاليًا، علاقتك بربنا وعباداتك عاملة إيه؟ هل فيه أي تقصير منك؟ عامل إيه في دراستك؟ عندك وقت فراغ قد إيه؟ عندك أي أهداف ممكن تشتغل عليها الفترة الجاية؟ بتمارس أي هوايات أو بتمارس رياضة معينة ممكن تفرغ فيها طاقتك؟ اقعد مع نفسك وقيّم النقاط دي في حياتك وشوف إيه ممكن تشتغل عليه من أهداف وإيه الطرق اللي ممكن تملأ بها وقتك وتفرغ طاقتك. أرجو أكون أفدتك شوية وإن شاء الله حد من المختصين يعطيك نصائح أكثر عملية وتخصصًا تكون أكثر إفادة لك. بالتوفيق.
لعرض الإجابة في فدني اضغط هنا