انا ماما ماتت وانا ٩ سنين بابا كان كل حاجة ليا بس للاسف لانه كبير فالسن معرفتش اطلع سوية كفاية او يعنى طلعت مدلعة شوية بعد موته اتعرضت لصدمة ملحقتش حتى اتقبلها انى لوحدى حتى وانا في وسط اخواتى لوحدى تماما
هم مش فاهمنى ولا انا فهماهم بس عادى كنت بمنى نفسى انى يبقالى حياة كويسة بعد الزواج لكن لسبب انا مش عارفاه زواجى محصلش انا ايوة ٢٢سنة لسه بس فعلا حاسة انى عنست من كلام انى محدش بيجيلى او انى مش محبوبة انا مش وحشة شكلا والله
فبما إني لوحدى دا خلانى افكر غلط، مرة جه قدامى بوست لابلكاشن زواج انا قلت ليه لا واجرب بس بعدين حذفته لانى حسيته غلط وحرام لكن فضولى الزفت خلانى ارجع انزله تانى واجرب اكتر منapp
وكانت كلها تجارب فاشلة ومع كل مرة كنت بتعذب اكتر لما زهقت لاول مرة اكلم ولد لاول مرة احس انى ليا حد يسألنى مالك لكن احساس انى مش صح ومش كويسة بشع انا كل كلامى كان فى حدود ادب واحترام اه بس حسيت نفسى رخيصة وانى انا الى بعرض نفسى اعمل ايه انا هتجنن ؟؟
والسلام عليكم ورحمه الله وبركاته. انا قد ايه حاسه بأنت حاسه نفسك لوحدك علشان خاطر كنت مرتبطه اكثر بماما وبعدها كنت مرتبطه كثير ببابا ودلعه لكِ فكون هو مش موجودين ففي هنا مشكله وهي انك ما بقاش في حد مكانهم اللي بيمثل القدوه او اللي بيمثل الدعم او الحد الكبير اللي شايل المسؤوليتي فكونك بقيتي حاسه ان انت لوحدك وكمان بقيتي شايفها انه ما فيش حد شايل مسؤوليتك دي لوحدها نقطه بتكون صعبه وبتحتاج ان احنا نتعامل معاها صح طيب مساله الزواج مفيش مشكله خالص انه انا خلاص انا كده كده سني عدى سن البلوغ انا 22 سنه فانا متاح لي ان انا اتزوج لكن هل احنا متأخرين على الجواز لا طبعا مش متاخرين ممكن الكلام ده او انك حاسه انك عايزه تنتقلي لمرحله ثانيه في حياتك وعايزه تحسي إن في حد انت مسؤوله منه هو اللي مخليكي تفكري في موضوع الجواز كثير قوي طيب التطبيقات بتاعه الجواز فيها مشكله هي في الحقيقه الطريقه دي من الجواز ما فيهاش مشكله لكن المشكله في ايه المشكله في ان التطبيقات دي كتير جدا موجوده دلوقتي ويعتبر نسبه كبيره منها غير موثوقه وللاسف اللي بيدخلوا عليها بيدخلوا بهدف غير الجواز خالص ومداخلين يهزروا او داخلين يتعرفوا فللأسف بتكون تجربه سيئه خليني اقول لك انه حتى ولو بالنسبه لك انت امم الطريقه دي اللي انت حابه انك تجربي بيها فكره التوافق للزواج فنتأكد ان احنا موجودين على منصه او على تطبيق يكون موثوق التطبيق ده انا اقدر ارشح لك التطبيق الصالون ليه بقى تطبيق الصالون لانه تطبيق الصالون من التطبيقات اللي موجوده عليها رقابه من الموقع على اي احد داخل يهزر او اي حد يكون غير جاد بيطرد فورا من الموقع او من التطبيق علشان ما ياذيش اي حد موجود على التطبيق طيب في ميزه كمان جميله جدا ان انا ممكن ادخل حد يكون مشارك معايا في الموضوع فو الله لو في حد خاله عامه اي حد ممكن يكون انا معرفاه الموضوع حد بس حد من اهل الكبار مش صاحبتي طبعا ممكن يكون موجود معايا والشخص اللي هيتكلم معاه يكون عارف انه انا والدي انه انا يعني حد من قرايبي ده موجود وبيتابع معايا الكلام وكل حاجه والموضوع بيبقى في سياق ان احنا بس نشوف احنا مناسبين لبعض او ظروفنا مناسبه لبعض ولا لا دي حاجه في نقطه مهمه جدا وكانت الاستاذه ساره فالاجابه بتاعتها وجهتك ليها وانا هأكد على دي برده ضروري بدل الانشغال في ان احنا نشوف حد يكون مناسب لنا ان احنا قبلها نتاكد احنا مناسبين للجواز حاليا ولا لا فلازم ناهل نفسنا للجواز عشان ما ندخلش نفسنا في تجربه ولا مجرد ان احنا عاوزين بس نحس بإن في شخص مسؤول عننا او نحس ان احنا انتقلنا بخطوه ثانيه في حياتنا فننتقل بخطوه غلط ادخلي دوره من الدورات اللي بتكون بتأهل للزواج تعرفي منها تفاصيل كتير تعرفي ازاي تختاري الشخص صح تعرفي كل الكلام ده علشان تبدئي تأهلي نفسك للموضوع مظبوط نقطه اخيره ومهمه جدا جدا ضروري يكون في عندك قدوه ضروري يكون في عندك سند تبعديش عن اخواتك حتى لو انتم مختلفين عن بعض لكن هم اكيد بيخافوا عليك زي ماما وبابا وتقدري انك تحطي ثقتك فيهم ويكونوا سندك ولما تحتاجي حاجه تروحي لهم ولما تحتاري في شيء تتكلمي معاهم قربي منهم اكثر علشان انت محتاجة ده جدًا جدًا، ميفنعش تكوني بدون شخص تحسي إن هو سند لكِ، ومتستنيش الجواز إنه يحقق لك النقطة دي علشان ده احتمال كبير جدا يوقعك في اختيار غلط
تم النشر الأحد، ٢ مارس ٢٠٢٥
انا هقولِك على حاجة واحده بس وهيا كونِك عملتي حاجة وعرفتي إنها غلط وبطلتيها خلاص متعمليهاش ،متحمليش نفسك فوق طاقتها تمام.. بخصوس الجواز شوفي ده رِزق مكتوب لـ ناس و ناس بس انتي هتاخدي بالاسباب عشان الرزق ده وهو إنك تعدِّي نفسك للجواز مش مطلوب منك تروحي تعرضي نفسك على الرجاله لكذه سبب الحقيقة اولا إحنا مش في مجتمع الصحابه حضرتك مش هيقولو دي عاوزة راجل يصونها وعاوزة تعف نفسها عن الحرام و الكلام ده لاء هيقولو كلام مش كويس خالص وده الأغلبيه فَـ ليه تعملي كده وسط ناس بتفكر بالطريقة دي اساسا... عندي ترشيح ليكِ عشان لمَّا تيجي تتجوزي حاجة كده عشان تجهزي نفسك للجواز وده من ضمن الأخد بالأسباب فاهمة... في دورات علىٰ يوتيوب لتأهِيل المُقبلين على الزواج ودي تشمل الديانات كُلها في حالة كونِك مش مسلمة... وممكن أرشحلك دورة هيا شغالة حاليا للدكتور عبد الرحمن ذاكِر الهاشمِي الدورة إسمها أ ب زواج هتفيدك بإذن الله... كمان من ضمن الأخد بالأسباي إنك تعدِّي نفسك تكونِي أم صالحة " كويسة " فاهمة وبردك هتلاقي دورات كتير على يوتيوب وهتلاقي الدكتور اللي رشحتهولك عامل دورة كمان... ربنا ينفعك وينفع بيكِ ويقر عينِك 🤲🏻💕"
تم النشر الأحد، ٢ مارس ٢٠٢٥
شعورك وندمك مش معناه انك وحشة، بالعكس انت جميلة وعارفة انه غلط طب عرفنا الغلط يبقى منعملوش تاني متفهمة مشاعرك وانك بحاجة لمساندة ودعم ومشاركة، ولكن المشاعر دي لها منفذ حلال وهو الأسرة اخواتك في المقام الأول حسني تواصل معاهم وزوجك فيما بعد ولحد ما تتجوزي، تشغلي نفسك بنفسك عشان متبقاش مشاعر الفراغ العاطفي مسيطرة عليك اتعلمي مهارات جديدة انزلي شغل طوري من ذاتك كوني علاقات اجتماعية اعرفي بنات كويسة غيري التواصل بينك وبين اخواتك للأفضل ولو مقدرناش مرة نحاول اتنين وعشرة انت جميلة ومشاعرك طيبة وهتقدري تغيري الحال للأفضل
تم النشر الأحد، ٢ مارس ٢٠٢٥
هاي التطبيقات بشكل عام مش آمنة بالمرة، انتي شو بضمنك مين الي بحكي معك، صح؟ انتي ادعي بس واتقربي من الله عز وجل، وهينا برمضان شهر الخير، استغليه بالعبادات، وما تخلي كلام الناس يأثر عليكي أو تفكري لوهله انك عنستي، بالعكس لساتك صغيرة والعمر قدامك عيشيه وما تحملي هم الي جاي، الله ما بنسى حدا، انتي صبرتي وتحملتي اشي مش الكل بقدر يتحمله، وان شاء الله الله برزقك بزوج صالح يخاف ويتقي الله فيكي، انتي بتجنني وبتستاهلي كل خير، وإذا إلك نصيب بشغلة بتوخديها، انتي بس سلمي أمورك لله وان شاء الله بتتوفقي بحياتك💗
تم النشر الأحد، ٢ مارس ٢٠٢٥
عزيزتي، أولاً، أود أن أعرب عن خالص تعازيّ لك في فقدان والدتك، ولا شك أن فقدان شخص عزيز في سن صغيرة يمكن أن يترك أثرًا عميقًا في النفس. من الواضح أنك تواجهين تحديات كبيرة في حياتك، وأريدك أن تعرفي أنك لست وحدك في هذه الرحلة. أنت تعيشين شعور العزلة والافتقار إلى الحب والدعم، وهذا أمر طبيعي بعد فقدان شخص محبوب. من المهم أن تتواصلي مع أشخاص يمكنهم فهمك ودعمك، سواء كان ذلك من خلال الأصدقاء أو أفراد العائلة أو حتى مجموعات الدعم. بخصوص الزواج، أود أن أذكّرك أن كل شيء يأتي في وقته المناسب. ربما تشعرين بالضغط بسبب التعليقات من حولك، لكن المهم هو أن تحافظي على نفسك وعلى قيمك. إليك بعض النصائح التي يمكن أن تساعدك في هذه المرحلة: تطوير الذات : حاولي أن تستثمري في نفسك من خلال التعليم أو الهوايات أو أي شيء يجعلك تشعرين بالقوة والثقة. البحث عن الدعم : حاولي التحدث إلى صديقة موثوقة أو أحد أفراد العائلة عن مشاعرك، أو حتى التفكير في استشارة مختص نفسي لمساعدتك في التعبير عن مشاعرك والتعامل معها. تذكري أنك لست وحدك : الكثير من النساء يشعرن بنفس المشاعر، ولا عيب في طلب المساعدة أو الدعم. تجنب الأفكار السلبية : حاولي التركيز على إيجابيات حياتك وما يمكنك فعله بدلاً من الاستغراق في التفكير السلبي. الصبر : الحياة مليئة بالتحديات، ولكن بالصبر والإرادة يمكن أن تتجاوزي هذه الصعوبات وتجدين السعادة مرة أخرى. تذكّري، أنت ذات قيمة رائعة، ولا تدعي أي شيء أو أي شخص يجعلك تشعرين بأنك أقل مما تستحقين. إذا كنت بحاجة لأي مساعدة إضافية أو استشارة، لا تترددي في التواصل مع شخص يمكنه دعمك.
تم النشر الأحد، ٢ مارس ٢٠٢٥
حاولى تلاقى روحك إنت مش لوحدك إنت لازم تلاقى حد يحبك بجد ويتفهم ما تمرين به. إدعى الدعاء يرد القضاء الزواج رزق زيه زى المال بالضبط إدعى ربنا يرزقك زوج صالح يحن عليكى. حاولى تثقفى نفسك إقرأى القرآءه هتوسع مداركك وهتكونى اكثر وعى بالحياه
تم النشر الأحد، ٢ مارس ٢٠٢٥
ربنا يهديكي ويجعل شعورك في ميزان حسناتك ويثبك وييعدك عن الحرام
تم النشر الأحد، ٢ مارس ٢٠٢٥
اما تحفظك واجب واجب واجب ايوا الوحدة شعور قاتل فعلا بس الإندفاع في العلاقات مش كويس خالص ليكي ممكن لا قدر الله تتفاجئي بإنسان مش كويس يأذيك ، أنا مقدر والله صعوبة الوحدة وأنك تلاقي اللي تشكيله همومك وكمان الوالدين كانوا بيساهموا في سد الفجوة دي رحمهم الله، لا اقول لك إلا الصبر وإن شاء الله ربنا مأخر لك الإنسان اللي ان شاء الله هيعوضك بس الصبر ، والله ربنا كريم هو حاليا خير ملجأ للإنسان في الفترة دي قولي يا رب وهو أقرب إليك مما تتخيلين، احذفي التطبيقات السيئة دي وإن شاء الله خير وكرم قادم مصداق لقول الله على لسان نبيه الكريم ،، انا عند ظن عبدي بي، وأنا معه إن ذكرني ...،، تفاءلي بالخير فرب الخير لا يأتي الا بالخير🤍🤲
تم النشر الأحد، ٢ مارس ٢٠٢٥
ربنا ييسرلك أمرك و يرزقك بالزوج الصالح اللي يحقق كل احلامك حاولي تبعدي عن البرامج دي و تقربي من ربنا اكتر و بعدين فين اصحابك ليه محدش منهم بيسأل عليكي ممكن لو ربيتي قطة توفرلك كل احتياجاتك من مشاعر الحب و العاطفة و ثقي بالله ان رزقك مش هيكون غير ليكي
تم النشر الثلاثاء، ٤ مارس ٢٠٢٥
للأسف يا اختي دي مش مشكلتك بس دي مشكله ناس كثير اتعرضو لكدا جيل كامل بيعاني من مش بس تطبيقات الشات بل والاباحيه اللي بقت مرض العصر الحديث وأثرت في شباب كتير وأدت لمرض الفصام النفسي الشهير وبينامو بحبوب مهدئه ومنومه ومضادات اكتئاب وهما لسا في ريعان الشباب ... طيب والحل ركزي بقا الحل في الآتي حطي نظام لحياتك مواعيد نوم مواعيد صحيان هوايات وغيره واهم حاجه قلبك يتعلق بالله لا عريس ولا غير كدا ونصيبك هيجي لحد عندك دا لما تكوني قريبه من ربنا متخليش عندك اوقات فراغ واتعلي طبخ ومشاريب صحيه ولغات وحاجات مفيدة وربنا يكرمك بالزوج الصالح ويجعلك زوجه صالحه مساعده لأسرتك ولا تكوني عقبه لها
تم النشر الأحد، ٢ مارس ٢٠٢٥
حياة الوحده مش حلوه ولا مرغوبه بس اوقات بتنفرض علينا صلى ربنا يبعد عنك اى اذى وان شاء الله تلاقى ابن الحلال
تم النشر الثلاثاء، ٤ مارس ٢٠٢٥
لعرض السؤال في فدني اضغط هنا