عندي مشكلة كبيرة و خايفة اوي..أنا في الأول مكنتش ملتزمة بالصلاة أوي بس الحمدلله دلوقتي التزمت بيها و بحاول علي قد ما اقدر اني استقيم و كده ..سوية ولاقيت كلام غريب اوي جوايا و نفسي بتقوله يعني كلام عن العقيدة يعني ..مكنتش عارفه ايه ده في الأول و خايفة أكون كفرت أعوذ بالله العلي العظيم من الكفر بعدين عرفت أن ده من الشيطان يعني وأن ده مرض إسمه الوسواس القهري و مخليني عايشة مخنوقة علطول و خايفة بس اطمنت يعني لما عرفت أن ده حصل أيام سيدنا (محمد صلى الله عليه وسلم وعلى آله وصحبه أجمعين) و أن ربنا تجاوز لأمة محمد عن ما حدثت نفسها به شرط ألا تتفوه به أو تعمل و الحمدلله ربنا يقويني علي الوساوس دي ..بس أنا تعبت والله و مش عارفه أعمل إيه عشان الوساوس دي تختفي لأنها مخلياني عايزة أموت نفسي ولا اني أكفر بربي أو أكون مشركة..بتجيلي في كل وقت و أنا بصلي وأنا بقرأ قرآن ده حتي و أنا بقول الأذكار و بعدين زادت الوساوس دي و بقت تيجيلي في أي وقت وساعات بتقل شوية..فا ياريت اللي عنده حل لمشكلتي يدلني على طريق العلاج و ربنا هو الشافي لا شفاء إلا شفاؤه..شكرا لكم
استغلي النقطة دي ف اتك تعرفي العقيدة عشان تنهي على وسوسة الشيطان تماما بإنك عارفة الرد الصحيح لكل الأسئلة اللي بتشكك ف الدين ..أنصحك تسمعي دورة الباشمهندس علاء حامد لدراسة العقيدة ..اسمها دورة أصول الإيمان لعلاء حامد
تم النشر الجمعة، ٢٨ أبريل ٢٠٢٣
بصي من بعد معاناة وتجربه احب اقولك كذا حاجه نفعتني بفضل الله اول حاجه تعمليها انك تطنشي كل ال بيجي في دماغك ده ولا تستجيبي له باي شكل النبي عليه الصلاة والسلام قال (فليستعذ بالله ولينته ) يعني ايه ينتهي يعني يطنش الفكرة تماما كان شيئا لم يكن وفي حديث تاني يقول امنت بالله وبرسوله بصي انت طبعا بتحسي بالذنب من الكلام ال بيكون جوة نفسك وبيكون كلام كفر وشرك صريح ولكن هو في الاخر شيطان ..شيطان وظيفته يحزنك ويفسد عليك دينك وحياتك انت لو استجبت الكلام وقعدتي تاخدي وتدي معاه هتلاقي نفسك لو بتقري قران وقتها هتقومي وتقدوقفي قراءة لو بتصلي هتحاولي تطلعي من الصلاة وهكذا ملاحظتيش ابدا انه بيجي كتير في اوقات الطاعه والعباده !!!! ليه بقى ؟؟ عشان يشغلك هو شيطان لعين وابتلاء بيكون شديد شويه ولكن علاجه بعد معاناه عرفت انه التطنيش انا لسه كنت بتكلم مع واحده عزيزة جدا علي كانت بتسأل نفس سؤالك قلتلها تعرفي تتنحي عليه زي ما بيتنح عليك يعني ازاي يجيلك يقولك جمله معينه ( وانا مش حابه اكتب امثله ) بس اختاري انت اي جمله من ال بيتكرروا جواكي واعملي ال هقولك عليه هنفترض انه جالك وانت بتقراي قران هيقول الجمله ......» هتستمري في قراءة الايات كانك مسمعتيش حاجه هيكررها او هيقول غيرها ......»هتستمري في القرايه برضه وهكذا مهما يغير في الموضوع او الجمله اعملي نفسك مش سامعه وتاكدي تماما انك مفيش عليك ايذ نب لانه هيمسك في النقطه دي ويحسسك انك كده بتاخدي ذنب ولازم تردي عالكلام ال بيتقال جوة نفسك ومينفعش تعدي الكلام ووووووو مفيش مانع مع التطنيش انك تقولي اعوذ بالله من الشيطان الرجيم امنت بالله ورسوله ولكن لانه بيزن كتير وبيحاول كتير فممكن متقدريش تفضلي تقولي كده كل دقيقه انت ممكن تقولي مرة بس في الاول وبعدين طنشيه تماما زي ما قلتلك ماشي اوعي تستجيبي .... طنشيه تماما كانه هوا .فاهماني ... كانه هوا لو عملت كده هتنتصري عليه وهترتاحي وهتكوني نفذتي نصيحه النبي صلى الله عليه وسلم عارفه لما يجي لك ابنك يقولك ماما عايز اخرج العب في الشارع تقوليله لا مينفعش ماما عايز اخرج العب في الشارع تقوليله لا مينفعش عايز العب في الشارع ...مينفعش فيها ايه لما العب في الشارع ....مينفعش بحب العب في الشارع ....مينفعش هتبسط اكتر لو لعبت في الشارع ....مينفعش هنكد عليك واعيط وابهدل الدنيا .... اخبط دماغك في الحيط وبتسيبيه تماما وبتشوفي كل ال وراك لغايه ما هو يتهد من العياط ويروح يتلهي في اي لعبه جوة البيت شفتي الاصرار بتاع الام ده عاوزاك تكوني كده قال لك جمله اعوذ بالله امنت بالله ورسوله عادها تاني اعوذ بالله امنت بالله ورسوله قالها بشكل مختلف اعوذ بالله امنت بالله ورسوله او من البدايه تقوليها مرة واحده وتسيبيه يخبط دماغه في الحيط فاهماني ثاني حاجه متتوقعيش ان ده ينتهي او يختفي هو بيفضل معاك يروح ويجي على فترات من حياتك فمتركزيش انه يختفي ولكن ركزي في خطوات محاربته ال قلتهالك فوق دي ثالث حاجه دايما وباستمرار تدعي رب اعوذ بك من همزات الشياطين واعوذ بك رب ان يحضرون اللهم اشفني من الوسواس القهري واصرف عني اذاه دي دعوة كده تبقى مستمرة تدعيها في صلواتك تدعيها كل يوم المهم تدعيها باستمرار رابع حاجه انصحك تعملي حجامه دمويه بتقلل اثر الموضوع ده بشكل ملحوظ بس اعمليها عند واحده شاطرة وفاهمه وايدها خفيفه خامس حاجه حافظي على اذكار الصباح والمساء كويس وركزي جدا وانت بتقراي المعوذات لانه فيهم استعاذة من شر الوسواس الخناس الذي يوسوس في صدور الناس افتكري كويس جدا انك اقوى منه وان كيد الشيطان كان ضعيفا وانه ليس له سلطان على الذين امنوا وعلى ربهم يتوكلون وانما النجوى من الشيطان ليحزن الذين امنوا وليس بضارهم شيئا الا باذن الله النجوى هي حديث النفس ..والتلات سطور ال فاتو دي ايات قرآنيه اقرايها بقلبك كده هترتاحي جدا جدا مهما حصل ومهما قال طنشيه طنشيه طنشيه
تم النشر الجمعة، ٢٨ أبريل ٢٠٢٣
وسواس الدين .. ده نوع الوسواس القهري كل الكلام اللي نفسك تقوليه وانتي بتصلي ومش قادرة تقوليه، ده لا يعني انك هتطلعي بره الدين .. ف لازم تدركي او تعرفي ان ده مرض مش معنى كده انك تركتي الدين او انك مش متدينة. لو انت من النوع اللي بتعيد العبادات او كمان بتعيد الوضوء ف متعمليش كده لانك في كل مرة انتي بتعملي كده انت بتغذي الوسواس فيكي اكتر واكتر، والموضوع بيزيد وبيتكرر. حاربي الفكر ده واهزميه، واعرفي انها مجرد فكرة، ملهاش وجود، وعلى فكرة وسواس الدسن بيجي لاكتر ناس متدينة، الوسواس طبيعته بتلمس على اكتر حاجه كويسة او بتعرفي تعمليها كويس. وانا مقدرة معاناتك لانك مش عارفه تطلعي الكلام ده من جواكي، او تمارسي اي سلوك مطمئن ليكي ... بس اطمني انتي ولا كافرة ولا اي حاجه. ده مرض ولا اكتر ولا اقل ... يعني كل ما حاربتي السلوك ده كل ما طلعتي لخطوة لقدام، متعظميش الفكرة مهما كانت، اي كانت الفكرة حاولي انك تتفههي منها، حاربي الفكرة بالفكرة المضادة لها، يعني انا صليت كام ركعة دلوقت، لا انا تمام وصليتهم كلهم، الافكار هي اللي بتشدني ... وكملي ، طيب انا غسلت وشي كله فعلا، اه غسلته وكملي .. كل ما حاربتي السلوك افتكري كويس انك طلعتي خطوة لقدام، متحاوليش ترجعي لوراء.
تم النشر السبت، ٢٩ أبريل ٢٠٢٣
ورد ذكر ثابت مع كثرة الاستعاذة و الاستعانة بالله علي هذا الوسواس و بإذن الله الأمور تتحسن . ونصيحة .. لو الموضوع مشتتك و شاغل تفكيرك ابدأي فرغي كل اللي في دماغك علي ورقة هتلاقي معظم الكلام ساذج و سطحي و ملوش معني و فقط الوسواس كان مسببلك تشتت و ازعاج و مش مخليكي مرتاحة ... لما تتأكدي من دا ابدأ قطعي الورق دا و ارميه في الزبالة عشان تدي ثقة لنفسك و تثبتي لـ عقلك مدي سخافة الأفكار و الوساوس دي في لحظاتك ايمانك ، و أنها فقط بتسيطر عليكي في لحظات الضعف .. استعيني بالله و الأمور هتتحسن ان شاء الله.
تم النشر الجمعة، ٢٨ أبريل ٢٠٢٣
أولاً، الله يعطيك القوة والصبر علي مرض الوسواس القهري، الذي يمكن أن يحدث مع أي شخص بسبب تأثيرات الشيطان. لكن علينا دائمًا أن نذكر أن الله أرحم الراحمين و أنه لن يفرط بنا إذا تعلقنا به، والشيطان يحاول إيقاعنا في فخ الوسواس بالعقيدة واضعًا في بالنا الكثير من الأفكار السلبية والخاطئة عن ديننا، ولكن يجب علينا الاحتفاظ بثقتنا في الله وإيماننا بعظمته. تعتبر الأذكار والصلاة والتدبر في القرآن هي وسائل للصمود أمام الوسواس الذي يريد تغلغل في قلوبنا، ولذلك أحب أن أنصحك بالاستمرار في الصلاة وقراءة القرآن وذكر الله والبحث عن الأدعية التي تساعدك في الشفاء النفسي، ويمكنك أيضًا زيارة معالج نفسي أو مقابلة مدرب حياة، حيث يمكن أن يختار الخطة العلاجية أو التأهيلية المناسبة لك. وفي النهاية، عليك بالاعتماد على الله تعالى، بأنه هو الذي يمكن أن يصلح أمر الواصلين وفي يده ملكوت كل شيء وسبحانه تعالى أمرنا دائمًا بالدعاء والاستغفار، فلا تترددي في الدعاء إليه وطلب المساعدة منه في هذه الاوقات الصعبة.
تم النشر الجمعة، ٢٨ أبريل ٢٠٢٣
لعرض السؤال في فدني اضغط هنا