انا بنت عندي 19 سنة، في اولي جامعه حبيت واحد من تانيه اعدادي سبنا بعض فتره ثانوي ورجعت ونا في اولي جامعه كان عندي امتحان الصبح كان في ولد بيذاكر ليااا عشان الامتحان الصبح مع العلم اصحابي هما اللي زنو عليا جامد المهم الشخص ده عرف بهدلني وشتمني بس غصب عني فضلت مستحمله عشان بحبو الموضوع ده كان في شهر واحد لحد امبارح كنت بحاول معوو ان الثقه ترجع مره يرجع ويقول بحبك ومره يغلطت فيا جامد انا نفسيتي تعبت اووووووووي وفعلا بحبو بس مش عارفه اكمل وال لا علما اني مره كنت هموت نفسي عشانو برجع اقول ربنا هيعوضني عن حد احسن منو يكون ف الحلال ومش عايزه اغضب ربنا مني انا تااايه جدا مش عارفه اعمل محتاجه مساعدة جدا
هو انا كنت ممكن ما اكملش بصراحه قراءه التفاصيل سؤالك من العنوان بس هنكمل في علاقه لا ما تكمليش في اي علاقه ما تكمليش في اي علاقه طالما هي مش في الاطار الصح لان مساوئها اكبر بكثير من مميزاتها لو هي باين ان هي فيها مميزات باي شكل من الاشكال او يكون في حاجه انت بتاخديها من العلاقه دي وقفي العلاقه دي وان كان مكتوب في ارتباط ما بينك وما بين الشخص ده. في اتجاه يقربكم من بعض هتلاقي الامور مشيت في الاتجاه ده ما فيش خلاص.
تم النشر الأربعاء، ٢١ أغسطس ٢٠٢٤
يعني انتي عارفة إن فيه حلال أهو وبتسألي إن كان ربنا ممكن يعوضك بحد أحسن منه في الحلال. فليه بقى من الأول يا بنت الحلال؟ يعني شخص مؤذي وبيبهدلك ويشتمك... شايفة نفسك للدرجة دي قليلة ومتستحقيش حد يحبك ويعززك؟ شايفة مشاعرك للدرجة دي قليلة ومهانة ولا تستحق إنك تصونيها للي يعرف قيمتها ويقدرها؟ اللي انتي فيه ده مش حب. ده اسمه تعلق مرضي. شخص زي ده عمره ما أحبك لأن اللي بيحب حد مش بيؤذيه ولا بيهينه ويشتمه لأي مبرر... اللي بيحب واحدة بيقدرها ويحافظ عليها من نفسه ويصونها لحد ما يقدر يتقدم لها في الحلال. غير كده الذكور كلهم بيتسلوا وما دام البنات تركت قلوبها ومشاعرها مباحة فخلاص... عادي بالنسبة لهم يدوسوا عليهم ويلعبوا بأكتر من بنت في نفس الوقت وكل بنت بتبقى فاكرة إنها الوحيدة اللي في القلب لحد ما بتتصدم بالحقيقة وتنكسر. اقطعي علاقتكِ بالشخص ده لمصلحتكِ وقربي من ربنا واستغفري عن الفترة اللي فاتت ما دام من جواكِ عارفة إنها مكنتش حلال. معلش لو كلامي كان قاسي شوية بس أنا زي أختكِ الكبيرة وأكيد تهمني مصلحتك انتي وكل البنات اللي قرأت مشاكلهم على التطبيق وغيرهم. ربنا يحفظكم جميعًا.
تم النشر الأربعاء، ٢١ أغسطس ٢٠٢٤
صباح الفل! أولا، حابة أقول لك إن مشاعر الحب ممكن تكون قوية جداً ومؤثرة، بس لازم نفكر في مصلحتنا كمان. واضح إن العلاقة دي مأثرة عليك بشكل سلبي، وده مش شيء عايزاه لنفسك. لو هو شتمك وأذاك كده، ليه تفضلي تحاولي تكسبي الثقة بحد زي ده؟ الحب المفروض يكون حاجة حلوة ما يجرحناش، وبالأخص إنك عارفة إنك كنت في حالة صعبة قبل كده. فكري في نفسك واسترجعي ثقتك بنفسك، وكل ما تفكري في إنه يحبك، فكري كمان في اللي نفسك تعيشيه وتستحقيه. حاولي تبعدي شوية عن شغلك في التفكير فيه ومتسمحيش لأفكار سلبية تؤثر على صحتك النفسية. ربنا دايمًا عنده خطط أحسن، ومش كل التجارب اللي بنمر بيها تكون للشر. خدي وقت لنفسك، وبعدي عن كل حاجة تخليك تشعري بالألم. واعرفي إنك تستحقي حب واحترام حقيقيين. لو محتاجه تتكلمي أكتر، أنا هنا!
تم النشر الأربعاء، ٢١ أغسطس ٢٠٢٤
مش عارفه تسيبيه ولا لا!... حبيبتي فوقي لنفسك انتي مش شايفه قدامك لانك محكمه قلبك على عقلك وده أكبر غلط وهيدخلك ف مشاكل كتير ف استعيني بالله وفكري تاني بعقلكككك.. العقل الل ربنا ميزنا بيه عن بقيت مخلوقاته ( مش القلب) ف انتي اكبر من انك تتهاني وتتشتمي من واحد زي ده.. لو بيحبك مكنش غلط فيكي ولو بهزار ولو بيحبك كان دخل البيت من بابه ومرضيش يكلمك ف السر ولو بيحبك كان عما عمل حاجات كتير اوي... انما انتي معلقه نفسك بواحد يعتبر بيتسلي وبيسلي وقته ف فوقي واقفلي معاه خالص وبلكي من كل ناحيه وربنا هيعوضك عوض كبير اوي
تم النشر الأربعاء، ٢١ أغسطس ٢٠٢٤
عندك حق والله عندك حق دي غلطتي من الاول عندك حق
تم النشر الأربعاء، ٢١ أغسطس ٢٠٢٤
لعرض السؤال في فدني اضغط هنا