أنا بنت عندي ٢٢ سنه وعندي اخ واخت اكبر مني من يومين تليفون بابا رن وهو قالي مين بيتصل وكان واحد صاحبه قولته ده كذا قالي خلاص ماشي وانا بسبب التليفون لقيت شات قدامي اخر مسدج بينهم كانت بحبك دخلت غصب عني في الشات وشوفت أنها علاقه كامله ومع ست متجوزة اول ما اخويا جه وريته الشات وفضلت اصرخ واعيط ومكنتش قادره اقعد في البيت ونزلت روحت لأختي لأنها متجوزة أنا مش قادره اتخطي اللي شوفته لا الكلام ولا الصور الي هي أغلبها مينفعش اصلا اشوفها وخصوصا ع والدي أنا حاسه اني في صدمه ومش هينفع نعرف ماما علشان صحتها والدي عرف اني شوفت الكلام ده وتعب وانا كمان روحت المستشفي أنا مش عارفه ازاي اقدر اكمل حياتي أو اعيش معاه في بيت واحد أو ازاي هقدر اسامحه
مش سهله وانا عارفه ومحدش يقدر يبسطلك الموضوع مشاعر كتير فى نفس الوقت والاغلبيه منها مشاعر اشمئزاز وغضب وصدمة محتاجة تهدى الاول من فوران المشاعر القوية دى وبعدها تفكرى فى اهم نقطة اللى هى ان بابا رغم انه قدوة ورمز الا انه انسان ووارد يغلط اللى عمله صعب بس ممكن يتصلح وهو بيدفع تمن الغلطة دلوقتى بالصورة اللى اتهزت امامكم انا عارفه انك بتفكرى ان الدنيا باظت ومفيش سبيل لاصلاحها ..لكن ممكن الامور تتحسن وتكون افضل رغم كل اللى انتى حاساه
تم النشر الثلاثاء، ٣ سبتمبر ٢٠٢٤
عزيزتي، أشعر بألمك الشديد وصدمتك في هذا الوضع الصعب الذي تمرين به. اكتشاف خيانة أحد الوالدين هو تجربة مؤلمة ومعقدة، وما تشعرين به من تضارب مشاعر هو أمر طبيعي تمامًا. أولاً، من المهم أن تعطي لنفسك الوقت لتفهمي مشاعرك. الشعور بالحزن والغضب والارتباك كل هذه مشاعر تحتاج إلى وقت حتى تهدأ. قد تكون فكرة الحديث مع شخص تثقين به حول مشاعرك، سواء كان صديقة أو أحد أفراد العائلة، مفيدة جدًا. فيما يتعلق بوالدك، قد يكون من الصعب جدًا التفكير في كيفية التعامل معه بعد ما اكتشفته. من المهم أن تتذكري أنه لا يزال إنسانًا، ولكنه ارتكب خطأ جسيمًا يؤذي العائلة. ضع في اعتبارك أن المسامحة قد تستغرق وقتًا، وقد لا تكونين قادرة على المسامحة الآن، وهذا مقبول. حاولي التركيز على ما تحتاجين إليه في هذه المرحلة، سواء كان ذلك الابتعاد بعض الشيء عن المنزل أو التواصل مع أختك للمشاركة في مشاعرك. أما بالنسبة لوالدتك، فإن حماية صحتها عزيزة على قلبك، ولهذا قد يكون من الأفضل أن تتركي الأمر مفتوحًا حتى تتضح الأمور. تذكري أن كل شخص يتعامل مع الألم بصورة مختلفة، ويمكن أن تكوني بجانب والدتك في هذا الوقت. أخيرًا، قد يكون من المفيد استشارة مختص نفسي لمساعدتك على التعامل مع كل هذه المشاعر والمواقف. الاحتفاظ بالتجارب الصعبة وحيدة لا يساهم في الشفاء، ومساعدة مختص يمكن أن تكون خطوة إيجابية. راجعي مشاعرك ببطء، وتذكري أنك لست وحدك في هذا.
تم النشر الثلاثاء، ٣ سبتمبر ٢٠٢٤
انا مقدرة جدا احساسك ده. بس حاولي انك تتكلمي مع والدك أنه يبعد عن الموضوع ده لأن الخسارة هتكون كبيرة ليه وليكم فحاولي بكل الطرق إقناعه وخليكي صبورة علشان الموضوع ده محتاج تفاهم وهدوء علشان تقدري توصلي لحل مناسب أما عن والدتك فكوني دايما معاها وجنبها وباره بيها وعلشان تخففي من الضغط النفسي عليكي حاولي تكتبي كل اللى جواكى واللى بتمري بيه ده هيخفف عنك كتير حاولي تفرغي طاقتك في حاجه بتحبيها زى الرياضه ،القراءه أو أى نشاط بتحبي تعمليه المهم متستسلميش لاحساسك ده لانه ممكن يأثر عليكي وعلى مستقبلك الدعم النفسى مهم جدا علشان كده حاولى تتكلمى مع صديقتك المقربة أو لايف كوتش اتكلمى باستمرار معاهم وشاركيهم افكارك ومشاعرك ده هيفرق معاكى جدا
تم النشر الأربعاء، ٤ سبتمبر ٢٠٢٤
عرفي بابكي انك عرفتي انتي واخواتك وكلميه من ناحية الدينية بنصوص وايات من القران وعقوبة اللي بيعمله يمكن لعل وعسي يتكسف ويتحرج ويرجع عن هذا الفعل
تم النشر الثلاثاء، ٣ سبتمبر ٢٠٢٤
يبقا اول حاجه تعترفى بغلطك فى حق والدك انك تجسستى وكمان شهرتى بيه لما عرفتى اخوكى وحطيتى والدك فى موقف مش كويس ويمكن البيت يتقلب لو امك عرفت مثلا وكل دا هيكون سببه انتى ،، انتى محتاجه دلوقتى تكلمى بابا تعتذريله اولا وثانيا تفهمى وجهة نظره من تواصله مع السيده دى متجوز تمام مش متجوز تنصحيه يتجوز ويتجنب الحرام ليس أكثر
تم النشر الثلاثاء، ٣ سبتمبر ٢٠٢٤
بصى أولا لازم تعرفى بغلطك انا لا يحق لكى انك تبصى فى شات لوالدك وكمان تعرفى اخوكى انتى مش النموذج الجيد فى إللى حصل ولا ببرر فعل والدك دا يمكن يكون متجوزها أو هيتجوزها ودا حلاله
تم النشر الثلاثاء، ٣ سبتمبر ٢٠٢٤
لعرض السؤال في فدني اضغط هنا