قاعدلي سنتين دراسة في الجامعة وعندي رغبة ملحة في الزواج عشان محتاج أعف نفسي لأني بعاني شوية، كمان لأن عندي شعور شديد بالوحدة.
جربت أكلم اهلي إني أخطب الصيف دا وهما وافقوا بس جربت أكلم ناس بيرفضوا بشدة إن بنتهم تتخطب ففترة الجامعة وكمان بيرفضوا إنهم يقبلوا الخطبة من طالب حتى لو أهله هيصرفوا عليه.
سؤالي هو إن أنا دلوقتي بتجيلي أفكار إن أنا أبحث عن أي واحدة للزواج تكون كبيرة ومطلقة مثلا أو أرملة أقضي معاها السنتين دول لحد ميتيسر الزواج من الي من سني وكدا.
الموضوع فيه عوائق كتير زي إن إمكانياتي المادية مش هتزيد عن ٥ آلاف للذهب مثلا لأني مش هقدر أبلغ أهلي، وكمان أنا فجامعة فمحافظة بعيدة وهدور على واحدة قريبة من محافظة دراستي، كمان مش هقدر أقضي معاها غير يوم واحد من الويك إند، كمان مش هقدر أصرف عليها بشكل كامل يعني محتاج إنها تكون بتصرف على نفسها وأنا هيكون عليا مصاريف اليوم الي هنقضيه.
هل الموضوع ممكن ولا مفيش أمل؟
لو حد عنده اقتراح أو مساعدة يبقى كتر خيره سواء عن مكان أو تطبيق أو فكرة.
الزواج اللي أنت بتفكر فيه اسمه زواج بنية الطلاق .. وأنت لو اشترطت عليها كدة قبل الزواج هيبقى زواج متعة ودة محرم في الإسلام بالاتفاق وإذا لم تشترط وخليتها حاجة في نيتك أنت فقط فدي حاجة مختلف في حكمها من العلماء من منعها ومنهم من أجازها والسؤال: هل ترضاه لأختك؟ أن يتقدم إليها شخص ليتزوجها وهو ناوي يقعد معاها سنتين تصرف عليه وبعدها يطلقها؟؟
تم النشر الثلاثاء، ٢٢ أغسطس ٢٠٢٣
أولا السلام عليكم فكرة إن حضرتك فكرت فى الزواج علشان تعف نفسك من الوقوع فى الحرام فى زمن ملئ بالفتن أحييك عليها..ولكن الزواج مش مجرد ملى فراغ ،الزواج أكبر وأعمق من كده بكتير دا رباط مقدس مابين اتنين وليه شروط وآداب ومينفعش يكون مؤقت لاحساسك بالوحدة الحالى..وردى على سؤالك إن الافضل إنك تشغل وقتك حاليا بدراستك و تتعلم مهارات تفيدك فى المستقبل وتطور من نفسك ولما تلاقى نفسك قادر على الزواج ماديا ونفسيا (زواج بجد بنية الاستقرار وتكوين أسرة )يبقى تتوكل على الله وتدعى ربنا ،غير كده معتقدش إن فى أهل هيوافقوا على زواج من النوع دا ...
تم النشر الثلاثاء، ١٩ سبتمبر ٢٠٢٣
اانصحك بكثرة الصوم
تم النشر الخميس، ٢٤ أغسطس ٢٠٢٣
هو غالبا اصلا الزواج المشروط دا حرام واسأل في الأزهر برضو
تم النشر الثلاثاء، ٢٢ أغسطس ٢٠٢٣
والله انا رايي انك تحاول تزعل تفكيرك في اي حاجه ثانيه الا فكرت الجواز طالما مش جاهز ليها دلوقتي
تم النشر الثلاثاء، ٥ سبتمبر ٢٠٢٣
بصراحة كلام مراهقين جدا،
تم النشر الخميس، ٢٤ أغسطس ٢٠٢٣
طب هو ربنا امرنا بالزواج وده طبيعي ومن حقكك.. بس معلش انت ليه هتبتدي حياتك بالشكل ده يعني انت عايزه تخطب تمام اوي لازم يكون جمب جامعتك شغل انت شغاله اصل مفيش اب وام يتعبوا في تربية بنتهم سنين لقدام ومصارف تهد الجبل وفي الاخر يرموا بنتهم لواحد مش هيريحها هيأكلها يوم واليوم التاني هيفضلوا جعانين محدش بيتمني كده لبنته يعني الناس بتتجوز عشان ترتاح وانت بتقول تشتغل وتصرف علي نفسها طب ليه من الاول الجواز والمرمطه دي يبقي بيت اهلها اسلم وبعدين للفت الانتباه هي المطلقه دي مش بردوا محتاجه مصاريف محتاجه تعيش عيشه مرتاحه طب ماهي ممكن تكون اطلقت لنفس السبب اللي انت عايزه!! مفيش ست هتشوف المرمطه جايه لحد عندها وتقولها اهلاً وسهلا.. وكمان انت عايزاها سنتين وبعدين تبقي تشوف بقي حياتك وتبدء من جديد انا شايفه ان تفكيرك غلط في غلط محدش بيفكر كده أصلا المفروض انت سايب بلدك ومتغرب في جامعه واكيد ليها مصاريف فالمفروض تعلمه تشتغل وتذاكر وتبقي راجل مسؤل عن نفسك ومعاك اللي يقدر يعيشك ويفتحلك بيت ابقي ساعتها فكر في الجواز..+انت لو روحت دلوقتي اتجوزت واحده مش ممكن تخلف منك وخد عندك بقي السنتين اللي انت فاكر انك هتخرج للحياه فيهم ممكن تمرمطك في المحاكم وتخليك تسف التراب بجد.. فانت راجع كده نفسك يابني وركز في مستقبلك وابني مستقبل يخليك عايش مرتاح لقدام..
تم النشر الأربعاء، ٢٣ أغسطس ٢٠٢٣
لعرض السؤال في فدني اضغط هنا