السلام عليكم ورحمة الله وبركاته
كنت محتاج رايكم في حاجه انا نفسي اتجوز واحده من قرايبي بس هما حالتهم الماديه عاليه اوي اوي وانا حالتي الماديه متوسطه نفسي أتجوزها اوي بس خايف اتقدملها يقول اني طمعان فيهم وخايف متقدمش اندم بس فيه فرق طبقات مجتمع عاليه اوي وانا ثانيا مقدرش اصرف عليها حتي او اجيب متطلباتها بس انا بحبها اوي وغير كدا يعني قريبي ده ميفكرش لمده ثانيه اني ممكن اتقدملها علشان فرق طبقات المجتمع عاليه ارجو انو حد يعرف يفدني
السلام عليكم ورحمه الله وبركاته. انا هديلك رأيي من كل الاتجاهات. الاتجاه الديني والتوكل على الله واذا كنت انت شايف ان انت عندك الخلق والدين والمسؤوليه والرجوله اللي تخليك تحافظ عليها وتبقى بتشتغل طول حياتك بتحاول توفر لها اللي يعيشها عيشه كريمه فمفيش هنا مشكله خالص وتوكل على الله وروح اتقدم لها ولا يكلف الله نفسا الا وسعها انت مقدرتك 1 2 3 وهتوضح لهم مقدرتك والناس دولت على حسب ميزانهم في الاختيار هيحددوا اذا كانوا هيرفضوا او هيقبلوا. من الناحيه الثقافيه او الاجتماعيه الخاصه بالمجتمع المصري فأنا بقول لك زائد كمان الزمن الحالي اللي احنا عايشينه. فيه نقطه تفرق جدا جدا. هي مهتمه بإيه، اهتماماتها في الحياه في الاغلب ايه لو هي بنت متدينه ويعني بسيطه فالموضوع هيبقى إن شاء الله بسيط ويكون مشجع جدا لو البنت دي مهتمه قوي بانها تكون صاحبه مظاهر مهتمه قوي بالنت والسوشيال ميديا والصور والحاجات دي فخليني اقول لك انه هنا الاختيار مش هيكون سهل خالص ومش بسيط لانه اهتماماتها هتخلي الرفض اقرب كثير من القبول. وبالنسبه للمجتمع المصري فلا، يعني ما بيكونش الموضوع مرحب بيه ولا مشجع ولا بيتم احترامه إلا من رحم ربي يعني نسبه قليله من الناس بتحترم الشخص اللي ذاته مش بتقعد تقيم الموضوع ماديا قوي الموضوع ليه التدخلات كتير كلها هتتحكم بناء على العيله اللي قدامك دي بيفكروا ازاي ويقدروا يقيموا ازاي وارد جدا تكون عارفهم بس ما تعرفش هم في الفكره بتاعه الجواز دي ممكن تكون وجهه نظرهم ايه فلذلك نرجع الاجابه سؤالك تعمل ايه؟ حضر نفسك. وابعت بس كده يعني شكل من اشكال التمهيد انه عن طريق مرسال او وسيط من العيله، فبلاش يكون والدك بلاش يكون اخوك بلاش يكون اي حد من بيتكم يعني اي وسيط من العيله يكون يعني من بقيه الاقارب انه فلان عنده النيه ان هو يجي يدخل البيت ويتقدم فده لو حصل انتوا ايه رايكم نخليه يجي. ودي هتكون الحاجه اللي ترفع الحرج وتختصر عليك طريق كبير جدا لان هم ممكن من البدايه يقولوا لأ طبعا احنا مش ممكن ابدا نقبل حاجه زي دي مهما كان الموضوع وفي احتمال تاني انهم يقولوا والله يشرف ونشوف الموضوع إذا كان هينفع ولا مش هينفع. اعمل ده وده هيكون افضل كثير من انك تروح وممكن تتسبب لنفسك في رفض انت وارد انك ما تقدرش تتعايش معاه بقيه حياتك.
تم النشر الخميس، ٢٠ فبراير ٢٠٢٥
وعليكُم السَّلام ورحمةُ اللَّـهِ وبركاته بقترح على حضرتك تروح تتقدِم لـ كذه سبب: عشان متكونش حيران و كونَك تاخد الفُرصة أحسن ما حد يجي يتقدم ليها و تزعل إنك مروحتِش. في ناس بتكون طبقات عالية عادي،بس أهل البنت عاوزين واحد يتقِي اللًَه فيها فاهِم وربّ يصلحك ويصلحها 🤲🏻.. لو فيه خير ربُّ يجعلكم من نصيب بعض،كمان فترة الخطوبة هتعرفك أكتر البنت هتقدر تعيش معاك ولا لاء فاهم... ملحوظة لو إتخطبتو بلاش تقلل من نفسك،وكمان متوعدهاش بحجات بعيدة،بس خليك عادي . وبس كده وربّ يقدملك اللِّي فيه الخير يا ريت
تم النشر الأربعاء، ١٩ فبراير ٢٠٢٥
وعليكم السلام ورحمة الله وبركاته. أخي العزيز، إن مشاعرك تجاه هذه الفتاة هي أمر نبيل وجميل، والحب لا يعرف حدودًا في الطبقات الاجتماعية. ومع ذلك، يجب أن تأخذ في اعتبارك بعض الأمور قبل اتخاذ قرار التقدم للزواج. أولا، من المهم أن تكون صريحًا مع نفسك ومع مشاعرك. إذا كنت تحبها حقًا وترى أنها شريكة حياة مناسبة لك، فهذا يعتبر بداية جدية. لكن في الوقت نفسه، يجب أن تضع في اعتبارك القضايا المالية والأساسية التي قد تؤثر على علاقتكما المستقبلية. ثانيًا، فارق الطبقات قد يكون له تأثير على العلاقة، ولكن لا يعني بالضرورة أنه يجب أن يمنعك من التقدم. عليك التفكير في كيفية معالجة هذا الفارق وكيف ستكون مع ذلك. حاول أن تتحدث مع هذه الفتاة عن مشاعرك ورغباتك دون خوف ودون أن تتوقع منها أي رد فعل محدد. ثالثًا، من المهم أن تكون لديك رؤية واضحة حول مستقبلك المالي. يجب أن تعرف كيف يمكنك تحسين وضعك المالي في المستقبل، حتى تتمكن من الارتباط مع شخص يمتلك وضعاً مختلفاً. وإذا كنت تشعر بالقلق من نظر الأقارب والمجتمع، حاول أن تعزز ثقتك بنفسك وواجه التحديات بحكمة. تذكر أن الزواج هو شراكة قائمة على الحب والفهم والدعم المتبادل. في النهاية، كل إنسان لديه مشاعره وأفكاره الخاصة، ونصيحتي لك هي أن تكون صادقًا مع نفسك ومعهم، وابدأ بخطوة صغيرة في التعبير عن مشاعرك. وأفضل التخطيط للمستقبل أن تستفيد من التعلم والتطوير الذاتي. وأدعو الله أن يوفقك في خياراتك.
تم النشر الأربعاء، ١٩ فبراير ٢٠٢٥
جرب وإن رفضت ففي فرص غيرها
تم النشر الخميس، ٢٠ فبراير ٢٠٢٥
اجيبلك من الاخر..سيبك من الفرق المادى..مش مهم..المهم المستوى الثقافي والتعلمي..لو انت اعلى منها..اتكل علي الله..وده مذهب لابد ان تمشي بيه..غير كده اصرف نظر
تم النشر الخميس، ٢٠ فبراير ٢٠٢٥
صلي استخارة وتوكل على الله لو في نصيب هتكون ليك ولو مفيش فدة هيريحك من التفكير ونشوف حياتك بدل ما رابط نفسك بيها
تم النشر الخميس، ٢٠ فبراير ٢٠٢٥
لعرض السؤال في فدني اضغط هنا