انا بكره اتعامل مع الناس انا بحب اقعد ف الاوضه لوحدي لفترات طويله و مبحبش اتكلم مع حد عشان غالبا الكلام مع الناس بيبقي فيه اختلافات كتيره و خناقات و صداع و بحس ده بيتعبني و يضيع وقتي ف كلام فاضي بس انا شفت حديث ان المؤمن الي بيختلط بالناس و يصبر علي اذاهم خير من المؤمن المنعزل عن الناس ف انا مش عارف اعمل ايه
كلمة كره ديه كبيرة اوي ... ليه بتكره التعامل معاهم؟ هل فقط اللي انت ذكرته ان بيبقى فيه بعض الخلافات والنقاشات؟ طيب وفيها اي لما يكون حتى في بعض النقاش والخلاف بينك وبينهم؟ يعني هل اساسا احنا صح فقط وهم صح فقط؟ طيب ما انت ممكن تكون شخص انتقائي في تعاملك مع الناس ... يعني ايه شخص انتقائي؟ يعنى مش اي حد يبقى صاحبك، مش اي نقاش تدخله، مش اي حاجة تشدك. في ناس ممكن تصاحب اي حد وكل الناس وحبيب الكل .. وفيه ناس محددة في اختيارتها هقولك مثال لو عندك 5 ابواب .. وفي كل باب فيه جماعة من الناس بيتكلموا في موضوع ما. هقولك مثلا ممكن اعمل ايه؟ والله انا مثلا لو في مود مش حابب اني اقعد مع حد مش هقعد، لو مشغولة وعندي حاجات اعملها مش هقعد هشوف اللي ورايا. اما لو الدنيا تمام هروح اشوف الناس ديه بتتكلم في ايه واشوف الموضوع اللي عاجبني واروح اسمع واتناقش معاهم لو حابه. قعدة الناس مدرسة تانية رحلة تانية .. ممكن حد ياخد رحلته من كتاب وفيه حد ياخد رحلته من الناس. يسمعهم ويشوف حكاويهم، ولو فيه مشكلة ممكن الواحد يقدم دعم فيها. متقفلش على نفسك اوي كده، وانتقى الناس اللي هتقعد معاهم.
تم النشر الاثنين، ٢٣ يناير ٢٠٢٣
كلمة كره ديه كبيرة اوي ... ليه بتكره التعامل معاهم؟ هل فقط اللي انت ذكرته ان بيبقى فيه بعض الخلافات والنقاشات؟ طيب وفيها اي لما يكون حتى في بعض النقاش والخلاف بينك وبينهم؟ يعني هل اساسا احنا صح فقط وهم صح فقط؟ طيب ما انت ممكن تكون شخص انتقائي في تعاملك مع الناس ... يعني ايه شخص انتقائي؟ يعنى مش اي حد يبقى صاحبك، مش اي نقاش تدخله، مش اي حاجة تشدك. في ناس ممكن تصاحب اي حد وكل الناس وحبيب الكل .. وفيه ناس محددة في اختيارتها هقولك مثال لو عندك 5 ابواب .. وفي كل باب فيه جماعة من الناس بيتكلموا في موضوع ما. هقولك مثلا ممكن اعمل ايه؟ والله انا مثلا لو في مود مش حابب اني اقعد مع حد مش هقعد، لو مشغولة وعندي حاجات اعملها مش هقعد هشوف اللي ورايا. اما لو الدنيا تمام هروح اشوف الناس ديه بتتكلم في ايه واشوف الموضوع اللي عاجبني واروح اسمع واتناقش معاهم لو حابه. قعدة الناس مدرسة تانية رحلة تانية .. ممكن حد ياخد رحلته من كتاب وفيه حد ياخد رحلته من الناس. يسمعهم ويشوف حكاويهم، ولو فيه مشكلة ممكن الواحد يقدم دعم فيها. متقفلش على نفسك اوي كده، وانتقى الناس اللي هتقعد معاهم.
تم النشر الاثنين، ٢٣ يناير ٢٠٢٣
طيب انت كده مستوعب معنى الحديث يبقي لو انت منعزل تماما مينفعش ومش ده اللى هيخليك تبقي فى احسن حال. يبقي نجاهد نفسنا ونكون متفاعلين فى المجتمع شويه ولكن بحدود عشان متحسش انك بتتأذى من اختلافات الشخصيات لكن لو كده كده انت بتعمل ده ...فيبقي مفيش مشكلة ومحتاج بس تتقبل اختلاف الاخرين ومش كل ما تلاقى حاجة مختلفه من اللى قدامك تنفعل وتثور.
تم النشر الاثنين، ٢٣ يناير ٢٠٢٣
هو ف الاصل الانسان كائن اجتماعي يعني مخلوق يتعامل مع الناس يودهم ويسأل عنهم ويودوه ويسألوا عنه والا مكنش الرسول عليه الصلاه والسلام وصى بسابع جار لكن انك تجتنب المشاكل دي مختلفه عن انك تجتنب الناس كلهم الطبيعي تتعامل مع الناس ولو لقيت جدل كبير معاهم وانت قادر ترد عليه اجتنبه عشان تفضل علاقتك طيبه بالناس ومتكسبش عداوه مع حد بس مش ضعف منك وخوف من المواجه والتعامل مع الناس ف ممكن تتعامل مع الناس بس بحدود واول متلاقي خناق وصداع ملهوش لازمه استأذن وامشي بس ميوقفش علاقاتك الاجتماعيه تماما
تم النشر الاثنين، ٢٣ يناير ٢٠٢٣
بالعكس التعامل مع الناس في الزمن ده بحدود احسن حاجه بس مش لدرجة العزله يعني تتعامل عادي بس مش اي حد يدخل في تفاصيل حياتك ويعرف أسرارك ونقاط ضعفك حاول تختار حد يكون شبهك في طباعك ويكون محترم وابن اصول
تم النشر الأحد، ٢٢ يناير ٢٠٢٣
العفو وربنا معاك ويكفيك شر الناس ياااارب
تم النشر الأحد، ٢٢ يناير ٢٠٢٣
عندك حق انا هحاول اعمل كدا عشان الموضوع بقي بيزهقني جدا و شكرا لاجابتك
تم النشر الأحد، ٢٢ يناير ٢٠٢٣
ايوه تتكلم معاهم عادي في المواضيع العامه لكن في الحاجه اللي تخصك ما تخلهاش مشاع وبعدين اوقات الصمت بيكون هيبه لصاحبه يعني في ناس ما ينفعش تكتر معاهم مافيش اكتر من سلام عليكم وازيكم وشكرا علي كده
تم النشر الأحد، ٢٢ يناير ٢٠٢٣
المشكله ان غصب عنك بتقابلي ناس جديده كل شويه سواء ف الكليه او في المحافظه الي انتي فيها و الواحد بيتضطر يتعامل معاهم بس انا مشكلتي انا بتكلم مع الناس كتير عشان محسسهمش اني كارهم لكن انا هحاول اقلل من التعامل ده علي قد م اقدر
تم النشر الأحد، ٢٢ يناير ٢٠٢٣
لعرض السؤال في فدني اضغط هنا