من صغرى وانا انطوأية شويه مش بحب التجمعات اوى مع حد معرفوش بفضل انى افضل قعد لوحدى وهاديه جدا مش بلاقى كلام اقولو او افتح مواضيع وممكن لو اكلمت مع حد غريب وشى يحمر وتوتر مش بحب الخروج اوى بفضل البيت اكتر كل ده اكيد مش هاينفع لما ادخل جامعة واتخرج واشتغل مثلا عايزة اقدر اتعامل مع الناس واكلم من جوايا ببقا عاوزة اقول مثلا حاجة ولاقى حاجة منعه انى اكلم
حبيبي دي حاجة بتبقى حسب طبيعة كل انسان اتربى إزاي والبيئة اللي اتربى فيها وبيدخل فيها عوامل وراثية كمان، ودا مش عيب ولا غلط دا ممكن يكون كمان ميزة إن الخجل دا يمنعك من انك تعملي حاجة غلط ودي حاجة حلوه بس ليه حاجات كتير وحشة زي انه هيمنعك برده تاخدي حقك هتتكسفى وتسكتي ودي حاجة وحشة فلازم تواجهي دا وتصلحيه، إزاي بقا؟ مع تكرار المواقف والمواصلات رايحة وجايه وانك تشيلي مسئولية نفسك دا هيخليكي تتعرضي لمواقف كتيييييييير جدا فالموقف اللي يتكرر هتكوني خلاص اتعودتي عليه وعرفتي تتعاملي معاه إزاي، وعشان أهون عليكي الموضوع عاوزة اقولك اني كنت شبهك كدا ويمكن أكتر بس ماخليتش دا يكون عائق قدامي أبدا ولا كنت باجلد نفسي زيادة عن اللازم، كنت بافتح حوار لطيف بيني وبين نفسي وافكر ازاي المرة الجاية اتصرف احسن من كدا ومشيت بمدأ إني طالما ماعملتش حاجة لا عيب ولا حرام يبقى انا صح وماحدش ليه عندي حاجة وفي المواقف الصعبة أوي كنت ممكن احكي لحد اكبر مني واخد رأيه، ودلوقتي بقيت عادي باتعامل باحترام وجريئة وباخد حقي، فماتخليش دا عائق قدامك ماتفتكريش انها مشكلة... لأ عادي خالص اقفي مع نفسك بؤاحة وهتحليها ان شاء الله
تم النشر الاثنين، ١٠ يونيو ٢٠٢٤
تم النشر الاثنين، ١٠ يونيو ٢٠٢٤
السلام عليكم ورحمه الله اهلا بيكي الخجل شعور جميل و لكن أن زاد عن الحد الطبيعي هيعطلك من ممارسه حياتك الاجتماعيه، و دا محتاج تدريب لما يكون عندك مثلا زياره عائليه جهزي نفسك قبلها بانك هتتكلمي مع فلانه و تفتحي مواضيع بسيطه ، زي الجو بقي صعب الايام دي ، و تبداي تقولي انتي بتحبي الصيف ولا الشتا و بتحبيهم ليه هتلاقي الكلام بيتفتح معاكي و مره علي مره هتلاقي نفسك افضل. العزله سلوك محتاج أنك تشغلي نفسك و تخرجي حتي لو هتنزلي تجيبي طلب بسيط بس تعودي نفسك انك تتكلمي و تشوفي الشارع و تغيري جو دا هيفرق معاكي. و طبعا المهارات الاجتماعيه مهمه جدا في حياتنا. ف حاولي تبدأي و لو حسيتي انك هتتوتري ابدأي اعملي تمارين التنفس لتخفيف التوتر هتلاقي ليها فيديوهات كتيره علي اليوتيوب. و ربنا يوفقك 💐 تحياتي لكي 🌹
تم النشر الأحد، ٩ يونيو ٢٠٢٤
فهمت شعورك، ومن الطبيعي إنه يبقى فيه تحديات لما نحب نغير من نفسنا. الحياة الاجتماعية ممكن تكون صعبة لبعض الناس، بس مع شوية تدريب ووعي، تقدر تتغير. خليني اقول لك شوية نصائح ممكن تساعدك: ابدأ بخطوات صغيرة : مش لازم تفتح مواضيع كبيرة أو تدخل في تجمعات كبيرة مرة واحدة. ممكن تبدأ بالدي السهلة، زي إنك تسأل عن حاجة بسيطة زي الطقس أو الهوايات. اهتم بتنمية مهارات الاستماع : الناس غالباً بيحبوا اللي بيسمع لهم بتركيز. فلو مش لاقي كلام تقوله، اسأل الأسئلة واستمع. تطوير الثقة بالنفس : تمرني على الوقوف قدام المراية والتعامل بحسم. كلما كان عندك ثقة بنفسك، هيكون أسهل إنك تتعامل مع الناس. ممارسة التفاعل الاجتماعي : ممكن تبدأ بأماكن تعرف فيها الناس، زي تجمعات الأسرة أو صحابك. ده هيساعدك تتعود على التعامل مع الناس في بيئة مريحة. التنفس العميق : لما تحس بالتوتر، خد نَفس عميق. ده شيء ممكن يساعدك تهدأ وتوقف التوتر اللي بتحس بيه. تحديد الأهداف الصغيرة : كل مرة تحاول تكسر حاجز الانطوائية. ممكن تحدد لنفسك هدف صغير زي إنك تتكلم مع شخص جديد في اليوم. التواصل مع مختص : لو لقيت نفسك متعذب فعلاً وما فيش تغير، ممكن يكون من المفيد إنك تستشير معالج نفسي. ده ممكن يساعدك تفهم جذور المشكلة ويعطيك أدوات حقيقية للتعامل معها. تذكري دايماً إن التغيير بياخد وقت وجهد. المهم إنك تاخدي خطوة خطوة، ومع الوقت هتلاقي نفسك بتتطور. ربنا يوفقك!
تم النشر الأحد، ٩ يونيو ٢٠٢٤
لعرض السؤال في فدني اضغط هنا