داخله ٣ث ممكن نصايح عشان خايفه اوي ونفسي افرح اهلي واجيب طب وعلفكره انا ازهر وبالله عليكم ادعولي
نصيحه من اختك الى فى تالته ثانوى لكن عام وحاليا انا بمتحن اخر مادتين اوعى توترى نفسك وخديها سنه عاديه زى اى سنه الى هتاخديه تذاكريه اول بأول والا هتدخلى فى دوامة من التراكمات ومتدخليش السنه بحماس اوى زيى هيجيلك فتره وتحسى انك زهقتى وفقدتى الشغف ومش عايزه تكملى ذاكرى طبيعى ومن الافضل تحلى فى الماده التقيله من كتابين لو مفيهاش تشتيت وسبيها على الله ربنا مش بيضيع تعب حد فى ظل الغش والسماعات وكل ده والامتحانات الطين الى بتعجزنا مفقدتش املى فى ربنا عشان انا تعبت ودرجاتى حلال فانتى ان شاء الله هتفرحى وهتفرحى اهلك بإذن الله بس اوعى تخافى وخلى عندك ثقه فى ربنا واعملى الى عليكى وربنا يوفقك
تم النشر الثلاثاء، ٩ يوليو ٢٠٢٤
السلام عليكم ورحمه الله 🔹علشان تتخطي الخوف ، اعرفي جيدا أن ٣ ثانوي زيها زي اي سنه دراسيه فقط التزمي بهذه الأمور 1️⃣ الاستعانه بالله و الدعاء بالتوفيق و السداد. 2️⃣ أختيار مدرسين كفاءه. 3️⃣ عمل جدول يومي بمواعيد الدوري و المذاكره. 4️⃣ المذاكره أول بأول حتي لا يتراكم عليكي اي جزء. 5️⃣ ممارسه انشطه بتسعدك متنوعه حتي لو مره كل اسبوع عند الانتهاء من مذاكره طول الاسبوع. 6️⃣ تكافئي نفسك كل شهر بحاجه اكبر شويه من الانشطه اللي هتمارسيعا كل اسبوع، لأنها بتديكي حافز اكبر. و ربنا يوفقك يا رب العالمين
تم النشر الثلاثاء، ٩ يوليو ٢٠٢٤
خطأ كبير إنّكِ تبدأي السنة بخوف وتعلق شديد بفكرة إنك لازم تنجحي وتفرحي أهلكِ. التوتر والخوف بيؤدوا إلى نتيجة عكسية وهيأثروا بالسلب على دراستكِ. فأهم نصيحة ممكن تحتاجيها هو إنك تهدي نفسكِ تمامًا وتبدأي السنة بثقة في توفيق الله لكِ لما تعملي اللي عليكِ. متحمليش نفسكِ ضغوط وتوقعات... مش عشان انتي مش قدها أو مش هتقدري تدخلي طب، لا... عشان الضغط هيتعبكِ ويوتركِ وهتبقي طول الوقت حاسة بخوف من إنك متكونيش قد التوقع ده أو إنكِ مش لاحقة تذاكري. ممكن أهلكِ مش بيضغطوا عليكِ بتوقعاتهم لكن لو بيعملوا كده افصلي عقلكِ تمامًا عن التوقعات دي ومتسمحيش لاي ضغط يأثر عليكِ. الثانوية العامة مش بعبع ولا حتى هي سنة مصيرية حياتك هتنقلب بعدها لو لا قدر الله محققتيش اللي انتي عاوزاه... هي سنة زي غيرها وانتي اللي تقدري تحققي النجاح مش مجرد درجات في سنة دراسية. توكلي على الله وابدأي اعملي خطة للمذاكرة والمراجعة بانتظام واعرفي طرق استغلال الوقت والتركيز وطرق المراجعة. اعملي اللي عليكِ وإن شاء الله ربنا هيكتب لكِ الخير ويرضيكِ به. بالتوفيق دائمًا.
تم النشر الثلاثاء، ٩ يوليو ٢٠٢٤
أولاً، أهلاً بيكي يا حبيبتي! تابعي نفسك وتذكري دايماً أنك قدها 💪🏼 نظمي وقتك : تقسيم المواد وجدولتها بيساعد على الاستفادة من الوقت وتجنب الضغط. خلي في جدول يومي وأسبوعي يشمل مذاكرة، راحة، وتمارين رياضية. ذكري بذكاء مش بكمية : الفهم لازم ييجي الأول، بعد كده الحلول والتطبيق. والأسئلة مش مجرد عشان نتخطى الامتحان لكن عشان نفهم المادة صح. اجعلي وقت للراحة والترفيه : بعد كل جلسة مذاكرة طويلة، خذي وقت قصير للراحة، امشي، اسمعي موسيقى، أو اعملي حاجة بتحبيها. مارسي الرياضة : الرياضة تفيد في تنشيط الجسم والعقل وتخفيف التوتر. ممكن تمشي لمدة 30 دقيقة يوميًا. استخدمي استراتيجيات المذاكرة الفعّالة : خرائط ذهنية، تلخيصات، ومراجعة سريعة قبل النوم. اجعلي علاقتك بالله قوية : استخيري وصلي دائماً لدعمه وتوجيهه. وأذكرك، النجاح رزق من الله، فدعي الله واطلبي التوفيق. ثقي بنفسك : الأهالي بيفرحوا بشطارتك وجدّيتك، مش لازم تكوني مثالية، كفاية إنك بتبذلي جهدك. وأكيد بدعيلك من قلبي، ربنا يوفقك ويحقق لك كل أحلامك، إن شاء الله تفرحيهم وتدخلي طب 🎉👩⚕️💖
تم النشر الاثنين، ٨ يوليو ٢٠٢٤
ولو الطب مجاش اعرفي ان سعيك مراحش وحافظتي على وقتك وخوضي كل التجربه وهاتي اخرك فيها والتوفيق من ربنا.
تم النشر الخميس، ١١ يوليو ٢٠٢٤
لكن هي مش صعبه اصلا. يبقى هتاخدي الدرس تذاكري وتراجعي. الأهم تراجعي عشان عقلك يألفه. حاجه كمان مهمه لو تقدري ترسمي تلوني تتمشى ماتبخليش على نفسك لان ده بيقلل الضغط وفكره انك محبوسه. اخيرا وقت الثانوي ده من عمرك خليه حلو مش نهايه الدنيا❤️وادعي ربنا كتير
تم النشر الخميس، ١١ يوليو ٢٠٢٤
اولا الجئي لربنا عشان الخوف واظبي انك تصلي قيام ليل وحاولي ماتقلبيش نومك عشان نفسيتك. دخلي صفحه قرآن كل يوم قبل ماتذاكري هتلاقي طاقه حلوه اوي تذاكري بيها. هي مش صعبه كل اللي بيوقع بيفكر بس نفسه شاطر وهيعرف يلم. الفكره في مذاكره الثانوي ده تكرار المعلومه ع ذهنك عشان تتحفظ تعرفيها تسترجيعيهاا اسرع
تم النشر الخميس، ١١ يوليو ٢٠٢٤
بجد تسلمي جزاك الله خيرا
تم النشر الجمعة، ١٢ يوليو ٢٠٢٤
هقولك ٣ نصايح كده بإذن الله ينفعوكي
تم النشر الخميس، ١١ يوليو ٢٠٢٤
لعرض السؤال في فدني اضغط هنا