ازاي اقدر اعمل صحاب على الرغم من أني شخص انطوائي !
اول حاجة كونك شخص انطوائي ميمنعش أن يكون عندك صحاب كتير ده نوع شخصيتك ال كتير هيفضلوها كمان و يمكن يكون سبب فإن يكون ليك صحاب اتصرف ع طبيعتك دي اهم حاجة و سيب سواء الدراسة أو الشغل ايا كان مجالك يفتحلك تعامل مع الناس و ساعتها هتلاقيهم بقو صحابك لوحدهم ،، حاول تستغل لو في فرصة تقولهم تتقابلو تخرجوا مثلا ،، كونك ولد دي حاجة كويسة لو عندك قهاوي تقعدو تلعبون دومينو حتى😂 نصيحتي بس متغلطش غلطتي و تحاول تقرب أو تعمل صحاب من خلال انك تحميلهم حجات شخصية عنك فجأة يعني سيب أسرارك و حياتك ع جنب و اتكلمت فأي حاجة تانية
تم النشر الأحد، ٢٣ يوليو ٢٠٢٣
بص هقولك ملخص 11 سنة دراسة انطوائي و ملخص سنتين دراسة شبة انطوائي و إجتماعي أول حاجه اسمحلي اسئلك أنت عايز يبقى عندك صحاب ليه ؟ أول فتره (11 سنة) من أوله ابتدائي لحد نهاية الترم الأول فى الصف الثاني الثانوي مكنتش فيها بخرج كانت علاقتي بالناس على الالعاب فقط و فى الدروس و معرفش يعني أى خروجات ولا شلة صحاب حوليك ولا أى حاجه أقولك حاجه كمان مكنتش فى الفتره دي مهتم بالدين ولا بتعاليموا أو فروضوا ولا حتي صلاة الجمعة كنت منتظم فيها .. يعني الحاله خربانه خالص بعيد عنك 😅 و غيرها و غيرها من الافعال و السلوكيات السيئة اللي كانت عندي 🙄😅 تفتكر كل ده اتعدل إزاي (هسيبك تحاول تعرف لوحدك) بعد لما الفتره دي خلصت و حصل حاجه كده كل حاجه تغيرت كل حاجه نظرتي للناس اللي حوليا نظرتي لنفسي نظرتي للدنيا كلها اتغيرت و مش باڤور ولله بس ديه الحقيقة أدركت إني مش وحيد زي نا كنت فاكر أدركت إني حوليا ناس كتير لكن مكنتش شايفهم ادركت إني مش زي الشخص اللي لما كنت بشوفوا كنت بحس إني انطوائي فعلاً أدركت إني أحسن منو فى حاجات كتير و بدل ما أنا كنت بتصرف مع الناس زي ما أنا عايز و أقول هما يستاهلوا كده أنا عاملتهم بنفسي بطبيعتي بمبادئي عملتهم بالتي هيا أحسن وبس و توته توته خلصت الحدودته 😂😂 لو وصلت لحد هنا و مفهمتش حاجه احييك قصتك مختلفه كل الاختلاف عن قصتي و ممكن تطلع أحسن مني بمراحل حاجه كمان و ديه نصيحه مهما مين قالك أنت انطوائي ولا مهما أنت قولت لنفسك أنت انطوائي افتكر إن مفيش حد مش انطوائي كل واحد عندو نسبة من الانطوائية و آخر حاجه بلاش دايما تحبط نفسك و مش هقولك أنزل و روح و اتعرف على ناس أنا هقولك عيشها علشان لما تفتكرها تقول أيوا أنا حصل معايا كذه و كذه و تبتسم و افتكر الحياة دي فرصه توديك لحياة تانية و لو ضيعتها ديه الحاجه الوحيده اللي مفيش فرصه تانيه ليها و أتمني أكون أفدتك بقصة قبل النوم ديه 😂 مقولة كل ما بحس إني مش فاهم حاجه بسمعها ( من يدرك رحمة ربه ستزيد رحمته، و من يكبر قلبة و فى داخله سوادً يكبر معه، ستعمى عيناه عن جمال الله، و سيحرم طوال عمره عن لطفه الخفي) مقولة تانية بفتكر بيها إني لسا قدامي شوط طويل و مش لازم أحبط دلوقتي (أكتب على اليوتيوب السعادة خمسة هتلاقي اتنين قاعدين على منحدر و بيتكلموا أسمعوا و أبدع سمعك) ملحوظة (المقولة الاوله لو عايز الفيديو بتعها اكتبه برضوا على اليوتيوب و هتلاقيه ) وبس.
تم النشر الاثنين، ٢٤ يوليو ٢٠٢٣
اتعرف على ناس اجتماعية ،متبقاش قافل على نفسك عادى اكسر الحاجز بتاع انك مش عاوز تتكلم أو كدا لان اغلب الناس مبتحبش تكون هى الي تبقى المبادرة ،يعنى ممكن تبادر بالتعامل انت ولو شخصيتك حلوة هيحبوك ،اقصد متستناش ان الى قدامك هو الى ييجى يكلمك مرة بمرة هتلاقى بقا عندك معارف
تم النشر الأحد، ٢٣ يوليو ٢٠٢٣
انا هنا اهو 🫀
تم النشر الاثنين، ٢٤ يوليو ٢٠٢٣
شارك في لعبة جماعية،، كورس تطور مهارات او كورس لغة
تم النشر الأحد، ٢٣ يوليو ٢٠٢٣
لعرض السؤال في فدني اضغط هنا