ماذا أفعل حيال ندمي المستمر على أخطائي في الماضي؟

Question

السلام عليكم ، مشكلتي إن قبل ٣ سنين، كنت شخصيه تانيه و تفكير تاني و كنت بعمل حاجات غلط كتيره مكنتش بحب السوشيال بس كان عندي موقع واحد بس اللي بقعد عليه و بنزل ستوريز صوري و فيديوهات ووقتها كنت محجبه بس ببين رقبتي و كان عندي شباب في الأكونت ولما كانو بيعملو ريبلاي كنت برد عليهم و جت حبه واحد كدا فتح كلام وأنا كنت برد بس انا كنت ثابته على مبدأ مستحيل إن اخليه يتجاوز حدوده و كنت وقتها واحده صحبتي فهمتني ان عادي لو كلمتي واحد ع أساس اخوكي او زميلك وأنا كنت ماشيه ع اساس كدا كنا بنتكلم كتير على مواضيع مختلفه زي مثلا القطه بتاعته و كان بيحكلي مشاكله هو و ابوه ، انا الحقيقه مكنتش بحكي حاجه انا كنت بسمع و برد و كان بياخد رأيي في مواقف حصلت معاه ويتصرف ازاي و كنت بقول له ، و كان هو بيعرف يغني و انا بردو فكنت بغني ف ريك و هو يغني و كان معجب بصوتي ف الغنا، مكنتش اعرف وقتها ان حرام يسمع صوتي و أنا بغني المهم بعدها جت فتره و أنا الي وقفت و قطعت خالص و مبقتش اتكلم ولا نتكلم خالص ف فتره لما كنت عارفاه كان في واحد تاني بيكلمني على أساس زمايل و اخوات بردو بس ده كان من نفس المحافظه اللي انا عايشه فيها ، انا رغم اللي بكلمهم بس مكنتش بحب ان واحد يقولي كلام حلو ولا ارتبط ولا القرف ده خالص كنت ع اساس اخوات و ان انا فاهمه ان عادي بس هو مش عادي طبعاً الولد ده اتعدى حدوده اوي و طلب نتقابل كذا مره و رفضت لحد م أنا بردو اللي قفلت معاه وقلت له ان انا مش ذي البنات التانيه و بالنسبالي مينفعش انزل مع ولد و معلش انا كدا قديمه شويه فقالي لاء انتي صح قلت له طب محسسني ان انا غلط ليه قالي بحبك ف قفلت معاه و عملت له بلوك من كل حته و ف مره تانيه واحد كان بيكلمني بس ال هو رد ع ستوريز كتيره و انا ارد و يحكي لي حاجه عنه و هكذا مع كذا حد بس الباقي مكنوش بيتكلمو كتير زي اول اتنين المهم أنا تبت من حوار ان اكلم ولد ع اساس اخويا لما عرفت ان حرام و كمان مسحت الأكونت خالص لإن انا اصلا مبحبش السوشيال و وقفت إن اعمل كدا او انزل حاجه تخصني و بقى ف مخي جمله " ليه اخلي واحد يشوف صورتي هو مين اصلا عشان يشوف صوري ولا يكلمني حتى " و دلوقتي مبقاش حد يجرؤ بس يفتح معايا موضوع و كمان الحمد لله الذي هداني ظبطت حجابي و بقيت البس جيب و اغطي رقبتي و اتغيرت تماماً أنا كل شويه احس بالذنب و الندم ان جيه يوم و كلمت شباب ، رغم ان انا مكنتش بتكلم ف حاجه مش كويسه ولا دخلت ف علاقه نهائي بس بحس بندم كبير اوي اوي عشان أنا اهلي بيثقوا فيا بشكل كبير جدا ربنا يديم ثقتهم فيا بس انا دايما بيجيلي شعور ان انا خنت الثقه دي و ان انا مستحقش ثقتهم فيا مش عارفه اتخلص من الشعور ده بندم كتير اوي و ان ليه عملت كدا بقالي طول ٣ سنين بندم ع كل لحظه خليت واحد يشوف فيها صورتي او كلمت واحد او حتى سمعت الناس اغاني فيديو بجد مش عارفه اتخلص من االاحساس ده و كل مفتكر بقرف من نفسي اوي لإن طول عمري من صغري و انا عندي عزه نفس و مكنش اي واحد يجرؤ يقولي كلمه بس و لا حتى كنت ببص كدا ف وش واحد وأنا ماشيه ف الشارع عشان ميفتكرش نفسه الحلو الِلي مفيش منو اتنين و لحد دلوقتي بعمل كدا بس باجي اقول ما أنا جت فتره و خالفت كل ده رغم ان كان عندي نفس المبادئ بس مش فاهمه انا ليه عملت كدا؟ ازاي اصلا ارد ع شباب و يكلموني ندمانه اوي و ده مخليني كل ما أحب نفسي اكرهها من اللي عملته و كنت بلبس ضيق و بناطيل ساعات ، كنت حاسه ان انا بقلد اللي حواليا مكنتش نفسي الحقيقيه بس اكتشفت نفسي و مسحت كل حاجه تخص حياتي القديمه و اي حاجه كنت بعملها زمان مبقتش اعملها تاني و قررت مهتمش باللي يقول اي حاجه و حبيت اختلافي جدا بس بجد كل مفتكر الي عملته ازعل و مش عارفه اتخلص من تفكيري في الماضي ، اسفه إن طولت بس أرجوكم عايزه حل عشان فعلا تعبت

Accepted Answer

مهم جدآ ان نتجاهل الماضي لأن احداثه انتهت ولن نملك القدرة على تغيرها وبالتركيز على الماضي كمثل الشخص الذي يسوق سيارة وهو ينظر إلى الخلف فماذا يحدث حينما نمشي في طريق ونحن ننظر إلى اخلف ؟ مؤكد اننا سوف نصطدم مما يعود علينا بالألم فهكذا هي حياتنا لا يصح أن نمشي للمستقبل ونحن ننظر إلى الماضي لأن ذلك سوف يجعلنا نصطدم بالواقع ولا نستطيع التعايش فيه لأننا ننظر إلى الماضي ونتألم به ؛ لذلك لابد من تجاهل الماضي الذي لا نملك القدرة على تغييره ونهتم بما هو قادم لان القادم نملك حرية اختياره والعيش فيه ومهما كانت ذنوب الماضي فلن تكون أعظم من رحمة الله فتفائلي وأحسني ظنك بالله ويارب يصلح حالك لكل خير

Answer

وعليكم السلام الاحساس بالذنب مش حاجة وحشه ده هيساعدك تثبتى على الطريق السليم ان شاءالله المهم تستغلى الاحساس فى انك كل مره تفتكرى الغلط تستغفرى اولا وثانيا تقررى تعملى حاجة تساعدى بيها غيرك ممكن تنصحى بنت بتبين رقبتها ممكن تجيبى لبنت طرحه هديه ممكن تجيبى حاجة وتوزعيها اطعام ده من مبدأ الحسنات يذهبن السيئات وان شاءالله ربنا شايف نيتك فى انك بتكرهى الغلط ده ومش ناويه تكرريه بكل صدق

Answer

وعليكم السلام ورحمة الله وبركاته، أشكر لك مشاركتك وتعبيرك الصادق عن مشاعرك. أود أن أقول لك أن مشاعر الندم التي تشعرين بها هي تجربة طبيعية بعد اتخاذ قرارات لم تعودين ترينها مناسبة في ضوء وعيك الحالي. هذه المشاعر قد تكون مؤلمة، ولكن يجب أن تدركي أنها تعبر عن تطورك ونضوجك كشخص. من المهم أن نبدأ بفهم أن الله تعالى غفور رحيم، وأن التوبة الصادقة تُكتب لك صدقة. لقد قمت باتخاذ خطوات إيجابية، مثل التركيز على الحجاب وتغييرات أسلوب حياتك، وهذا يدل على الجهد الذي بذلته لإصلاح نفسك. إليك بعض الاقتراحات لمساعدتك في التغلب على الندم: التصالح مع النفس: حاولي أن تذكري نفسك بأن الماضي قد ولى، وأن التغيير الذي قمت به الآن يُظهر قوتك ورغبتك في الاستقامة. استخدمي هذه التجربة كدرس يحفزك للمضي قدماً. التوجه إلى الله: تواصلي مع الله بالدعاء، واستغفري له. الاطمئنان إلى رحمة الله يساعد في تخفيف الشعور بالندم. قولي لنفسك بأنه لا يأس من رحمة الله. التأمل في المشاعر: اقبلي مشاعر الندم، لكن لا تسمحي لها بأن تحدد هويتك. بدلاً من ذلك، حاولي فحص هذه المشاعر ومعرفة ما يمكنك تعلمه منها. التركيز على الحاضر: انخرطي في أنشطة إيجابية تعزز من ثقتك بنفسك، واهتمي ببناء علاقات صحية مع الأشخاص الذين يدعمون قيمك. طلب المساعدة: إذا استمرت مشاعر الندم بشدة، قد يكون من المفيد التحدث إلى مختص نفسي أو مستشار يساعدك على معالجة هذه المشاعر بشكل أعمق. تذكري أن التغيير يحتاج إلى وقت وأن كل فرد يمر بتجارب مختلفة. ما يهم هو أن تتعلمي من الماضي وتعملي على بناء مستقبل يتماشى مع قيمك. أسأل الله أن يوفقك في مسيرتك الجديدة ويحقق لك السعادة والنجاح.

ماذا أفعل حيال ندمي المستمر على أخطائي في الماضي؟

نفسية

سؤال من احد أعضاء فدني

تم النشر الأربعاء، ٨ يناير ٢٠٢٥

3 إجابة

3 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك