بتتعاملوا ازاي مع الاب البخيل ف كل حاجه سواء من الناحيه الماديه أو من ناحية الحنيه ولين القلب
بتتعاملوا ازاي مع اب قاسي معندوش تفاهم ولو فيه غلطه عملتها مش قدامه حاجه غير الضرب وده من أهم أسباب فشلي ف الثانويه رغم اني كنت ممتازه ف كل مراحلي التعليميه وكنت حطه ف دماغي هدف وكليه معينه وكله كان مراهن عليا حرفيا لكن جه ف الثانوي وكان بيتعصب كتير ف كان بيضرب كتير ف فشلت وبيعايروني لحد النهارده بالفشل ده الل انا مش قادره اتعافى منه.. حتي مبيعرفش يقول كلمة حلوه ودايما وبيقلل من بنته قدام الناس وحتي لما بتتعب أو لما بتشتكي من تعب عندها مش ييوديها حتي لدكتور الا لو لقاها خلاص جابت آخرها
بتتعاملوا ازاي مع الاب الل حارم بنته من الخروج بره لا لصحابها هو من البيت للجامعه ومن الجامعه للبيت ولا حتي فرح ولا شبكه الا اذا كانت واحده عارف أهلها كويس كده يوافق غير كده لا ممنوع،، وبسبب الموضوع ده خايفه اكون لوحدي يوم فرحي ومش معايا حد لاني مبروحش لحد
بتتاقلموا ازاي بقا ف بيت كل يوم خناق وزعيق من يوم م اتولدت تقريبا ومشاكل بين الاب والام مستمره وتعب نفسي رهيب لحد دلوقتي مش قادره اتاقلم معاه
بصراحه فيه حاجات كتير ف قلبي بس ده الل افتكرته وحسه اني بفكر بصوت عالي مش بكتب بوست
السلام عليكم ورحمه الله وبركاته. الحقيقه مش هقول لك ان ليه حاجه يكون سهل التعامل معاها قوي ليها طريقه معينه. لانه البخل بيبقى في كل حاجه خلاص الانسان البخيل بيبقى بخيل في كل حاجه. بخيل في الفلوس وبشيل المشاعر. فالمهم ان انت تكوني فعلا اممم مصنفه باباكي بخيل لانه فعلا بخيل لانه اوقات بيكون اداره الاب الماليه انها مش سامحه بالحاجات اللي احنا عاوزينها ولكن الموضوع ما يكونش بخل يعني هو يكون ليه توجهات في ان هو يصرف الفلوس بشكل ثاني مثلا بشكل استثماري او حاجه فاحنا نبقى شايفين ان هو بخيل فلو هو مثلا في الدخل بتاعه بيديكم منه قدر ضئيل جدا فانتوا محرومين من الاساسيات او الاساسيات موجوده بالعافيه رغم ان هو موجود معه بس بيشيل الفلوس فهو كده بخيل. لو هو بيتكلم رغم ان الدنيا غليت بس لسه بيتكلم مثلا بالاسعار القديمه او بيحاسبنا على اسعار قديمه وبيطلب مننا نوفر يبقى هو بخيل لكن لو هو بيشوف انه الاحسن يحط الفلوس هنا وبلاش نحطها هنا وبلاش الافوره في الرفاهيه دي وبلاش ده هو كده مش بخيل ولكن هو ادارته الماليه بالنسبه لكم مضايقاك. مساله طبعا الضرب او البخل العاطفي. اييي بتفرق جدا مع البنات وانا مقدره قد ايه هي فارقه معاكي وعامله معاكي تاثير سلبي خلاص اللي حصل في الثانويه العامه خلاص حصل حصل قدر الله وما شاء فعل. واللي محتاجه انت تشوفيه انك همم تبصي على الموضوع على قد ما تقدري انك تتجنبي الحاجات اللي بتستفز لوالدك وبتوصل لحد الدار اه الحقيقه ان هي دي الطريقه الوحيده ان احنا بنحوده بنحوده بنبعد عن الحاجات اللي بتستفزه اللي بتخليه يتلكك وايه ويقابل ده بان هو يضرب وياذينا جسديه. اممم ان هو بيكون له راي في موضوع ان هو يوديكي مناسبات الا لو الناس يعرفهم دي حدود بقى يعني مش نقدر نتكلم فيها لان بتحتاجي انك تتقبلي الحدود بتاعه اهلك اللي هو على حسب دماغهم طريقه تفكيرهم قعدوا تقبلي ده مش هيبقى عندك اتجاه ثاني يعني عموما المشاكل الاسريه تعملي قصادها ايه انك تقوي نفسك نفسيا وما تخليش الدنيا ضيقه عليك في يدوبك اللي بيحصل في البيت وبس لا انت وسعي على نفسك الدنيا حتى لو مش بتتحركي من البيت الحمد لله دلوقتي الدنيا كلها مفتوحه اونلاين فالحمد لله في ايدك انترنت انطلقي في الحياه اهتمي بهواياته بحاجات اتعلمي اعرفي اكثر عن الدنيا اعرفي اكتر عن تعملي ايه في الحاجات دي اييي بعيدا عن خناقه البيتش من دماغي وانا نفسيتي مجال انه انا بس ابقى محصوره في مشاكل البيت لا ده يعني لو انا الدنيا مشغوله عندي قوي اصلا لما يحصل مشكله في البيت تحس انه ما لهاش مكان ان انا افكر فيه يا جماعه خلاص روحوا انتوا اتخانقوا وانا. انا عندي اهتماماتي. طبعا هتتقصري ده هيبقى عائق ولكن ده اللي هياكد قد ايه انت قدرتي تخلي نفسك قويه. والقوه ما بتجيش ببلاش الحديد ما بيبقاش قوي الا لما بيتعرض لحراره شديده جدا جدا جدا في الاول فده برده بيحصل معانا في نفسيتنا استمري واشتغلي على نفسك وهتلاقي نفسك احلى بكتير والمشاكل مش هتاثر عليك زي زمان.
تم النشر السبت، ١٠ أغسطس ٢٠٢٤
كيف يتعامل المؤمن مع الابتلاءات؟ بالصبر والدعاء. تصبري وأكثري من الدعاء وتجنبي الاحتكاك المباشر مع والدك خاصة في أوقات غضبه. كذلك حاولي التقرب من والدك وإخوتك ووثقي علاقتك بهم لتحصلي على الدعم النفسي. بالنسبة لمخاوفك من الوحدة يوم زفافك، لا تفكري كثيرًا، ربما ييسر الله لصديقاتك بالمجيء، قد يتفهمن موقف والدك والذي بسببه لم تحضري زفافهن. بالمناسبة، إن شاء الله تكون فرحتك يومها أكبر من تفتقدي أحدًا.
تم النشر الجمعة، ٩ أغسطس ٢٠٢٤
أولاً، أنا آسفة جدًا لسماع كل اللي مريت بيه. الوضع اللي بتتحدثي عنه صعب فعلًا، وأنتي تستحقي تنالي الحب والدعم. شوية نصائح ممكن تساعدك: حاولي تفهمي وجهة نظره : أحيانًا الأهل بيبقى عندهم مخاوف أو تجارب قديمة تخليهم يتصرفوا بالطريقة دي. ممكن تحاولي تفهمي الأسباب ورائها وتصرفاتك. التواصل : إذا كان ممكن، حاولي تتحدثي مع أبوكي في أوقات هادية. قولي له عن مشاعرك وأحلامك، وضحي له إنه تصرفاته بتأثر عليك بشكل كبير. ضبطي نفسيتك : حاولي تلاقي طرق تساعدك تحسني من حالتك النفسية، زي الكتابة، الرسم، أو ممارسة هوايات بتحبيها. دي حاجات بتساعدنا نخرج الطاقة السلبية. دوري على الدعم من أصدقائك : لو عندك أي أصدقاء قريبيك، حاولي تخرجي معاهم أو تتواصلي معاهم، حتى لو بشكل بسيط. الصداقة بتسهل الأمور. ابحثي عن أهدافك : رغم كل اللي بتعيشيه، حاولي تحطي أهداف لنفسك، حتى لو كانت صغيرة. النجاح في حاجة معينة هيديك ثقة بنفسك. حاولي تتحدثي مع متخصص : لو حسيت إن الموضوع صعب جدًا، ممكن يكون مفيد تتحدثي مع معالج نفسي أو شخص متخصص يساعدك في التعبير عن مشاعرك والتعامل مع الضغوط. أنتي مش لوحدك، وكل تجربة بتعدي منها ممكن تقويكي وتخليك أقوى. خدي الأمور وحدة وحدة، وحاولي تحطي سلامك الداخلي كأولوية.
تم النشر الخميس، ٨ أغسطس ٢٠٢٤
لعرض السؤال في فدني اضغط هنا