السلام عليكم ورحمه الله وبركاته. الحقيقه مش هقول لك ان ليه حاجه يكون سهل التعامل معاها قوي ليها طريقه معينه. لانه البخل بيبقى في كل حاجه خلاص الانسان البخيل بيبقى بخيل في كل حاجه. بخيل في الفلوس وبشيل المشاعر. فالمهم ان انت تكوني فعلا اممم مصنفه باباكي بخيل لانه فعلا بخيل لانه اوقات بيكون اداره الاب الماليه انها مش سامحه بالحاجات اللي احنا عاوزينها ولكن الموضوع ما يكونش بخل يعني هو يكون ليه توجهات في ان هو يصرف الفلوس بشكل ثاني مثلا بشكل استثماري او حاجه فاحنا نبقى شايفين ان هو بخيل فلو هو مثلا في الدخل بتاعه بيديكم منه قدر ضئيل جدا فانتوا محرومين من الاساسيات او الاساسيات موجوده بالعافيه رغم ان هو موجود معه بس بيشيل الفلوس فهو كده بخيل. لو هو بيتكلم رغم ان الدنيا غليت بس لسه بيتكلم مثلا بالاسعار القديمه او بيحاسبنا على اسعار قديمه وبيطلب مننا نوفر يبقى هو بخيل لكن لو هو بيشوف انه الاحسن يحط الفلوس هنا وبلاش نحطها هنا وبلاش الافوره في الرفاهيه دي وبلاش ده هو كده مش بخيل ولكن هو ادارته الماليه بالنسبه لكم مضايقاك. مساله طبعا الضرب او البخل العاطفي. اييي بتفرق جدا مع البنات وانا مقدره قد ايه هي فارقه معاكي وعامله معاكي تاثير سلبي خلاص اللي حصل في الثانويه العامه خلاص حصل حصل قدر الله وما شاء فعل. واللي محتاجه انت تشوفيه انك همم تبصي على الموضوع على قد ما تقدري انك تتجنبي الحاجات اللي بتستفز لوالدك وبتوصل لحد الدار اه الحقيقه ان هي دي الطريقه الوحيده ان احنا بنحوده بنحوده بنبعد عن الحاجات اللي بتستفزه اللي بتخليه يتلكك وايه ويقابل ده بان هو يضرب وياذينا جسديه. اممم ان هو بيكون له راي في موضوع ان هو يوديكي مناسبات الا لو الناس يعرفهم دي حدود بقى يعني مش نقدر نتكلم فيها لان بتحتاجي انك تتقبلي الحدود بتاعه اهلك اللي هو على حسب دماغهم طريقه تفكيرهم قعدوا تقبلي ده مش هيبقى عندك اتجاه ثاني يعني عموما المشاكل الاسريه تعملي قصادها ايه انك تقوي نفسك نفسيا وما تخليش الدنيا ضيقه عليك في يدوبك اللي بيحصل في البيت وبس لا انت وسعي على نفسك الدنيا حتى لو مش بتتحركي من البيت الحمد لله دلوقتي الدنيا كلها مفتوحه اونلاين فالحمد لله في ايدك انترنت انطلقي في الحياه اهتمي بهواياته بحاجات اتعلمي اعرفي اكثر عن الدنيا اعرفي اكتر عن تعملي ايه في الحاجات دي اييي بعيدا عن خناقه البيتش من دماغي وانا نفسيتي مجال انه انا بس ابقى محصوره في مشاكل البيت لا ده يعني لو انا الدنيا مشغوله عندي قوي اصلا لما يحصل مشكله في البيت تحس انه ما لهاش مكان ان انا افكر فيه يا جماعه خلاص روحوا انتوا اتخانقوا وانا. انا عندي اهتماماتي. طبعا هتتقصري ده هيبقى عائق ولكن ده اللي هياكد قد ايه انت قدرتي تخلي نفسك قويه. والقوه ما بتجيش ببلاش الحديد ما بيبقاش قوي الا لما بيتعرض لحراره شديده جدا جدا جدا في الاول فده برده بيحصل معانا في نفسيتنا استمري واشتغلي على نفسك وهتلاقي نفسك احلى بكتير والمشاكل مش هتاثر عليك زي زمان.
باذن الله
تم النشر السبت، ١٠ أغسطس ٢٠٢٤
برافو عليكى وان شاء الله توصلى لحل يساعدك تحسى احساس احسن
تم النشر السبت، ١٠ أغسطس ٢٠٢٤
تمام هحاول اغير من نفسي واشوف حل وسطي ليا وله... + أشكرك جدا بجد ❤️
تم النشر السبت، ١٠ أغسطس ٢٠٢٤
تم النشر السبت، ١٠ أغسطس ٢٠٢٤
مع العلم اني برضه اني وانا ف ابتدائي كنت دايما اشتكي من ضيق التنفس وكنت طبعا بعقلية طفلة عماله اقول اني هموت ومش هعيش واعيط والكلام ده كله وكنت بقوله كل فتره اني مبعرفش احد نفسي كويس غير بصعوبه وهو يقولي هنشوفلك دكتور كويس 😅.. واهو انا دلوقتي ف رابعه جامعه أهو ولسه ضيق التنفس ملازمني كل فتره كده... وفيه مواقف كتير اوي بس اهو بحكي أجزاء كده يمكن استريح شويه
تم النشر السبت، ١٠ أغسطس ٢٠٢٤
أشكرك جدا علي كلامك لكن احنا حالتنا الماديه مش ضئيله للدرجه يعني انا ابويا وامي مدرسين وحالتنا الحمد لله معقوله.. الفكره ان أى حاجه عموما اطلبها لازم جملة مفيش فلوس أو المسؤليه صعبه أو مش معايا غير ٣٠٠ جنيه بس ف الل هو مليون حجه تحسسك اننا مش لاقيين ناكل حرفيا ف انا بمجرد اني اسمع منه الكلام ده نفسي بتتقفل عن الحاجه ومش بلحّ فيها الل هو خلاص مش عاوزه اجيب مش مشكله بس انا من جوايا منهاره والله ولكن مش ببين له أي حاجه بقوله خلاص لما الظروف تتحسن ابقي اجيب... والظروف متحسنتش من ايام م كنت ف ابتدائي وكنت بطلب منه جاكيت معين كده كنت هموت عليه ومش جابه لدرجه اني والله كنت حلمت اني اشتريته من كتر تعلقي بيه.. والل مزعلني اني لسه فاكره الموقف ده من رابعه ابتدائي تقريبا ف حرفيا انا حسه اني عايشه علشان اتمنى بس... طب انا هقولك.. مثلا ف اي ظرف تعبت فيه مفيش اهتمام من سنتين كده كشفت لقيت عندي تكيسات والدكتوره طلبت تحاليل معملتهاش.. بقالي ٤ شهور فيه مشكله ف دماغي ومفيش اهتمام حتى قلتله هبقي اروح المستشفى مع اخويا قالي لا هنبقي نشوف دكتور كويس وكل م اشتكيله من حاجه يقولي هنبقي نشوف دكتور كويس وخلاص.. ف بجد انا نفسيتي وصحتي بقو تحت الصفر ومعنتش عارفه اعمل ايه بقيت كل م اتعب ادعي ان ربنا يشفيني من عنده... وبالنسبه للشغل الاونلاين ف هيا فكره كويسه جدا لكن بابا موسوس بطريقه لا تطاق لو شافني ماسكه الفون انا أو أي حد يقعد يقول ماسكينه ليه دا شيطان ده والنفس اماره بالسوء وكلام من ده... لدرجه ان صاحبتي لما تجيلي وبتكون ماسكه الفون بتاعتها وبتسمع صوت بابا جاي والله والله بتقفله وتحطه ورا ضهرها لانه شافنا ماسكين الفون مره وقعد يزعق ويقول كلام مينفعش يقوله قدام صاحبتي ف حقيقي انا تعبت...
تم النشر السبت، ١٠ أغسطس ٢٠٢٤
لعرض الإجابة في فدني اضغط هنا