سلام عليكم انا شاب ايام وسني هيكون ١٥
انا عندي مشكلة أني رفيع وابويا كل شوية ينصحني بس نصيحته بتأذيني يعني انا مقدره أنه ابويا واي أب عايز ابنه يكون احسن منه وكلام ده بس مش عارف اعمل ايه، موقف مثلا بينصحني أني رفيع ولازم اهتم بجسمي بس أسلوبه بيأذيني يعني قالي ناس بتتباهي بولادها وبعدين جملة تانية .. كده يعني كأنه مستعر مني وبينصحني قدام ناس وفي شارع وصوته عالي يعني حاجة قلة قيمة اوي يعني وثقتي في نفسي قدام ناس هوه بينزلها، ولما اقوله ظروفي كده هوه برضو يطلع الغلط فيا يعني انا ابويا وامي منفصلين وعايش مع جدتي وامي وجدتي بتصرف جدتي مش بتصرف صراحة كويس وبحسهم اصلا بيطبخوا غصب عنهم ،امي مش بتعمل حاجة دائما في اليوم بضيع الوقت علي موبايل او نوم المهم يعني الحوارات دي كلها لما اقولها لأبويا وان ظروفي كده هوه برضو يطلع العيب فيا وانا ثقتي في نفسي بقت في الأرض قدام ناس من كتر ما هوه عمال يفضحني،، ارجع ثقتي في نفسي ازاي واتفادي نصايحه ازاي لأنه قليل اوي لما بينصحني لوحدي بينصحني علي طول في قدام ناس
وانا صراحة مش حابب اكلف نفسي فوق طاقتها تاني عشان عديت من مواقف دي كتير وكنت بكلف نفسي فوق طاقتها بسبب نصائح ابويا
وعليكم السلام كلم والدك في لحظه هدوء تكونوا في البيت مثلا إتصل بيه وقوله لو في البيت عايز أجيلك أتكلم معاك في موضوع مهم .. ولما توصل إبدأ الكلام بإنك عايز تغير من نفسك و أنك سمعت نصيحته و جاهز تعرف إيه الخطوات اللي المفروض تعملها عشان تغير من نفسك .. لو مقالش كلام مفيد قوله انا عرفت إن المشكلة في إني ببذل مجهود أكبر مع عدم اخذ قدر كافي من الطعام ( مع ذكر السبب المعروف وهو الظروف المادية في المنزل ) و إبدأ قوله إنك قررت تنزل الجيم و تاخد مكملات غذائية و تاكل قدر كافي في اليوم لبناء جسم وعضلات وزيادة الوزن و محتاج مساعدته المادية والمعنوية إذا هو لم يتقبل الكلام دا و رفض المساعدة ( على الأقل هتكون ضمنت عدم حديثه في هذا الأمر مره تانية لأنه إذا نصحك مره أخرى هتقوله هات الفلوس اللي هجيب بيها الأكل و أشترك في الجيم و أجيب المكملات اللي محتاجها ) أما من جهه أخرى .. ممكن تحاول تشتغل شغل مناسب ليك حتى لو ريموتلي من المنزل أو تتعلم مهاره تقدر تقدم بيها على وظيفه بجانب دراستك ومن فلوسها تجيب لنفسك الأكل الكافي لإحتياجاتك اليومية و دي حاله بتمر على ناس كتير جدا في بداية حياتهم وطبيعية جدا لأنك في طور النمو حاليا وجسدك حاليا لا يمثل جسدك المستقبلي والحمدلله انها ليست مشكله صحيه بل مجرد ما تاكل كمية مناسبه ليك و تلعب رياضة المشكله هتتحل
تم النشر الأربعاء، ٢٤ أبريل ٢٠٢٤
محتاج تقعد مع نفسك وتصدق ان كلام الناس غايه لا تدرك دي حياتك انت وانت شايف ده هل انت هتكون حابب ان انت تكون فيك عيب او انت تكون شخص متكاسل كل حاجه بتبدا بخطوه خذ الخطوه وابحث عن ازاي تحسن من شكل جسمك ومن صحتك واهتم بدراستك ومستقبلك لان هو ده اللي بيعمل الانسان وكل ما تكون متفوق في حاجه ده هيزود ثقتك من نفسك اكثر واكثر والله يصلح لك الحال
تم النشر الخميس، ٢٥ أبريل ٢٠٢٤
حب نفسك ..لو حبيت نفسك مش هيفرق معاك كلام حد حتي ابوك نصف ثقة الانسان في حبه لنفسة
تم النشر السبت، ٢٧ أبريل ٢٠٢٤
مفيش حل غير انك تصارحه بده، مهما كان رده ايه، اهم حاجه هي انك تطلع الي جواك
تم النشر الأربعاء، ٢٤ أبريل ٢٠٢٤
لعرض السؤال في فدني اضغط هنا