وعليكم السلام ورحمه الله وبركاته. انا عارفه ان الموضوع بالنسبه لك صعب وتقيل عارفه انك مفكرتيش انك ممكن تتعرضي للموقف ده ونوعيه المشاكل دي بتكون بسبب النقطه دي بالذات ان احنا مش حاطين في بالنا ان ده موقف ممكن يحصل معانا انه احنا ممكن نعيش الاحداث دي بتبقى حاجه مش صح انها تحصل اصلا. ان احنا نفكر بالطريقه دي النوعيه دي من المواقف اللي بتحصل في حياتك بتخليكي تستعدي انك تاخدي بالك من طريقه تفكيرك وتاخدي بالك من طريقه تعاملك في الحياه فحاليا انت بعد ما بابا توفى الله يرحمه ان شاء الله يكون في مكان احسن ويجمعكم في جنه الفردوس باذن الله. اي ظروف وظروف شغل ظروف دراسه تخليني مثلا اسافر لو انا فكرت اسافر طب والدتي هتقعد مع مين هتقعد لوحدها طبعا انت شفتي انه عادي مضاد لوحدها لكن ما فكرتيش في الاحتمالات الاخرى ممكن ما تحبش تقعد لوحدها ممكن تحبي تروح تقعد مع حد ثاني طب لا هي مش هتحبي تقعد مع حد ثاني بس ممكن حد يتقدم لها يا ترى ماما ترفض ولا توافق مفكرتيش في كل الحاجات دي فخلينا نقول انه اول حاجه نتعلمها من الموقف ده ان احنا ما نوقفش نفسنا عند توقع ونبقى مصدقين التوقع ده وبس لا لازم نفكر في كل الاحتمالات لازم نحط قدامنا انه الحياه مليانه احتمالات كثير جدا. طيب نعمل ايه بقى في الموقف بتاع ماما استاذ عبد الرحمن جاوب في في الاجابه بتاعته برايي انا وايده جدا. افضل شيء انك تقعديه في وقت كده لطيف انت وماما قاعدين اتفرج على التليفزيون او عديمه تشربوا حاجه مع بعض والدنيا رايقه وتساليها بشكل بسيط جدا المهم انا كان فيه حاجه شاغله شاغل بالي كده ويعني ايه عايزه اسالك فيها؟ انت لو جات لك فرصه انك تتجوزي ما تتجوزي ولا لا هتقبلي ولا مش هتقبلي ااا هتشوفي رد فعلها ايه طبعا هي ممكن علشانك انت تقول لك لا لا الجواز ايه وحتى لو هي عندها النيه دي. وانت تبداي تقولي لها والله انا بفكر في الموضوع ومش عارفه اذا كنت انا الوضع ده ممكن لو حصل لو انت حابه تتجوزي مش عارفه انا ممكن. اعرف اتعايش مع ده ولا لا مش عارفه لو كان حد غريب او لو كان حد قريب هقدر يعني اتقبل ده ولا لا؟ قولي لها مثلا ده يعني ده في الافلام انا كنت بشوف بقى اللي هو بعد ما الزوج يتوفى ممكن يجي اخوه يبقى عايز يتجوز مراته علشان. يبقى يعني بيحفظها انها ما تتجوزش ثاني تخيلي كده لو حصل المسلسل نفس اللي بيحصل في المسلسلات ده يا ماما وعمي كان عايز يتجوزك هتعملي ايه ساعتها وابداي شوفي ولو لقيت ان هي يعني بتقول لك لا لا لو مفيش الكلام ده ولقيتي ان هي واضحه جدا خلاص تقبليه وانت ممكن يكون بس الوضع بالنسبه لك مفهوم غلط ممكن عمك بيطمن او بيحاول يراعيكم وفي غيابك لو لسه الشكوك عندك برده تقدري تتكلمي معاها بوضوح وبشكل مباشر اكثر يا ماما تواصل عمي المستمر ده شيء بيسبب ارتباك بيسبب توتر ليا ومش مريح ومش لطيف خلينا نعمل مسافه ما بينا وما بينه عشان حتى لو حد خد باله ما يشوفش ان في حاجه غلط وما يصحش واتكلمي معاها بشكل واضح. همم ويا ريت تقولي لها على عدم الارتياح ده بسبب انه انت صغيره كم مثلا بيكون في تلامس مش لطيف بيحصل معاكي وانت مش حابه ده وشخصيه عمك انت بالنسبه لك عليها علامات استفهام كثير قولي كل الكلام ده وده افضل طريق لك طيب خلينا نقول بقى لو فعلا حصل ووالدتك عندها نيه انها تتجوز عندك انت لك كل الاحقيه انك تشوفي ايه اللي هيكون مناسب ليكي في الوضع ده تقدري تقولي انا مقدرش ان انا اقول لماما ما تتجوزش لكن انا مش هرتاح مثلا في الوضع ده هم اللي يعني واجب عليهم انهم يوفروا لك وضع مريح ده بقى انك والله تقدري انك تستغني عن مامتك وتقعدي في مكان ثاني براحتك هي ليها انها تستخدم حقها وانت كمان لك حقك اللي تقدري تستخدميه ان انت تحبي انك تعيشي في مكان ثاني فتقولي لهم وفروا لي مكان ثاني انا اقدر اعيش فيه واكون في امان لكن انا مش هقدر اكون مرتاحه. وانا عايشه مع عميكا جوز مامتي انت تقدري تقولي كل ده لكن لما تعيشيش نفسك في شكوك اا تبقى ما تخلي الشيطان يضايقك من مامتك ويزعلك منها او يخليكي تعملي تصرفات زي التجسس او انك تحاولي تاخدي التليفون وتشوفي اللي فيه وده مش هتكون احسن حاجه ابدا ولا قدام ربنا ولا اا في حق مامتك.
لعرض الإجابة في فدني اضغط هنا