اعمل ايه عشان اخلص من الاكتئاب ورفض العيشه
طبعا لازم تلجأ لاخصائي نفسي علشان يشخص حالتك صح، مينفعش ابدا تقول عندي اكتئاب من نفسك، او تشخص نفسك من جوجل! ولكن لو حابب تسرد تفاصيل اكتر عن المشكلة ياريت علشان نقدر نساعدك.
تم النشر السبت، ٢٤ يونيو ٢٠٢٣
اتقرب من ربنا اكتر وهتشوف الدنيا وكانك اول مره تشوفها والله بس انت قرب وسيبك من الدنيا وخليك مع ربنا وانت هتشوف الحاجه بالطريقة اللي هتريحك
تم النشر السبت، ٢٤ يونيو ٢٠٢٣
تقبل كل حاجه وارضى.. الموضوع صعب انا عارف.. لكن هو دا الحل
تم النشر الاثنين، ٢٦ يونيو ٢٠٢٣
تحب نفسك و اعرف انت ربنا خالقك عشان ايي.... تأمين بيه و بنفسك و تكتب اللي مدايقك في ورقه او تفضفض لشخص...شوف نفسك.... نفسك تعيش ازاي و ابحث و ضور و عافر عشان توصل للشخص دا و لازم تعرف انك لازم هتطلع من دايره الراحه بتاعتك تابع ناس ايجابيه و بتحب الحياه....اكتب كل يوم تلات حاجات ممتن ليها و مواقف فرحتك حتي لو بسيطه..... جرب تعمل حاجات كتيره مختلفه و متنساش يا صديق انك تتابع شغفك و تمشي وراه عشان تتخلص من الاكتأب ولو الاكتأب اعمق من كدا بكتير فأنصحك تروح لدكتور مختص لأن جواك جرح كبير محتاج يتعالج ولو مش هتعرف فا انا بشوف ان كل واحد بإيده علاجه و انت بإيدك علاجتك ابحث لو عايز تتعالج و واحده واحده هتحب نفسك دا مجرد كلام ممكن يفيدك بس لو عايز اجابه اكتر وضوح انصحك تكتب مشكلتك اي او تحكي مشاعرك بالظبط🙏
تم النشر السبت، ٢٤ يونيو ٢٠٢٣
نصيحة تتواصل مع مختص. مش عيب إنك تروح لطبيب نفسي. الغلط إنك تسيب نفسك لحد ما توصل لمرحلة تسببلك أذى كبير دنيا وآخرة ده لو كان السبب اكتئاب مرضي. إنما لو كان السبب مشكلة أسرية فتواصل مع مختص في الأسرة يوجهك تتصرف ازاي وتعمل ايه ارشحلك محمد سعد الازهري ليه جروب علة تيليجرام إسمه الاسرة أمن وأمان وهو مختص في الأمور الاسرية وهيساعدك كثير.
تم النشر الأحد، ٢٥ يونيو ٢٠٢٣
كن مسئول عن حد او عن نفسك او عن فكره او اى حاجه تحسسك انك لو مشيت هتفرق معاها خاليك ديما مسئول عن اى حاجه واخلاق افكار جديده واتعلم حاجات جديده وقبل كل ده قرب من ربنا حافظ على صلاتك اقرا اى ايه من اى صوره عيونك تيجى عليها فتحتها صدفه واعتبرها رسالتك من ربنا ليك و مارس رياضه بتحبها
تم النشر السبت، ٢٤ يونيو ٢٠٢٣
لعرض السؤال في فدني اضغط هنا