السلام عليكم
أنا جوايا زعل رهيب، أنا بتعرض للتنمر في شغلي. أنا اصغر حد في التيم، وهي دي لغة هزارهم مع بعض انا حاولت اتقبل الهزار بس انا لغتي مش التنمر ... مش هقدر اتنمر علي حد أخاف من ربنا اوي، بس أنا زعلانة زعل رهيب لدرجه العياط وانا بعمل اي حاجة هم حرفيا بقى في تمادي في الهزار شكلي وجسمي وصوتي وحتى صوتي دي بتحرجني ممكن اكون بتكلم وفجأة الاقيهم بيقولو اسكتي صوتك وحش او مش فاهمين منك حاجة ويضحكو عليا... الموضوع ده اما اتكلمت بمنتهي العقل ان عيب يحصل كده وانا مش متقبلة بقوا يتريقوا وبعدها يقولوا بس عشان بتتقمص انا بجد اعمل ايه ؟؟
ومش هسيب الشغل عشان مفيش شغل تاني.
وعليكم السلام ورحمة الله وبركاته التجاهل هو الحل سيبي اللي بيتكلم يتكلم تجاهلك ليهم هيستفزهم بعدين متسبيش شغلك علشان حد وصوتك حلو وشكلك حلو من غير م شوفك انتي مميزه علشان كدا بيتكلموا عليكي متخليش اي حد يهز ثقتك ف نفسك وبالتوفيق ليكي
تم النشر الأحد، ٢١ يوليو ٢٠٢٤
انا شايفه انك لازم توقفيهم عند حدهم وانوهزارهم بالطريقه دي بيضايقك لازم تعترفي ليهم بكدا بس في الاول خالص انا متأكده من انك شخصيه مميزه وعسوله حاولي تثقي في نفسك مهما الكلام اللي قالوه فهما ناقصين بيعوضوا النقص اللي فيهم في انهم ينتقدوا الناس التانيه
تم النشر الأحد، ٢١ يوليو ٢٠٢٤
فى البداية.انتى اكيد شخصية مميزة فى حاجات كتير عن اللى حواليكى . التنمر ده صعب جدا وكتير مننا اتعرض ليه . احساس انك بتتعرضى للتنمر ده صعب جدا لكن حاولى انك متستسلميش انك تتأثرى باللى حواليكى. حاولى انك تثقى بنفسك وتقول انك مميزة ومختلفة عن اللى حواليكى اثبتى نفسك فى شغلك واستمرى وتجاهلى كل السلبيات دى صدقينى هما لما يحسوا بالتجاهل وانك مش فارق معاكى هيبعدوا عنك لو ليكى صديقه مقربه أو لايف كوتش اتكلمى باستمرار معاهم وشاركيهم افكارك لأن الدعم النفسى مهم جدا اكتبى كل اللى جواكى باستمرار وسجلى كل إنجازاتك ده هيفرق معاكى جدا وافتكرى دايما أن ربنا معاكى فى كل خطواتك وبيساعدك وانك قوية وهتقدرى 🌷
تم النشر الأربعاء، ٢٤ يوليو ٢٠٢٤
افضل حل للموضوع ده هو التجاهل لفترة معينة ميبقاش في نقاشات بينك وبينهم خارج حدود العمل ولو حد اتريق و سخر منك اكتفي بالنظر إليه مع عدم إعطاء رد فعل مع الوقت هتكوني حطيتي حدود للتعامل بينك وبينهم
تم النشر الاثنين، ٢٢ يوليو ٢٠٢٤
بصي اتجهليهم خالص انا عارفة انك بتديقي منهم بس اتجليهم خالص وانتي كده برده بتخدي حسنات وأجر كبير وبردو لازما توقفيهم عن الحاجات اللي هم بيعملوها واتفوقي في شغلك اكتر وميهمكيش خالص اللي هم بيعملوا وانا عارفة احساسك بس متزعليش وربنا مابيسبس حق حد
تم النشر الاثنين، ٢٢ يوليو ٢٠٢٤
خلي عندك ثقه في نفسك وتجنبيهم ومتقعديش معاهم روحي شغلك بس واعملي اللي عليكي وسيبيهم يتكلمو براحتهم ومتحطيش ف دماغك
تم النشر الأحد، ٢١ يوليو ٢٠٢٤
للأسف في مجتمعنا يعتقد الناس أن الإساءة للآخرين والسخرية منهم لأي سبب هو نوع من الهزار وخفة الدم. كوني أكثر حزمًا معهم وإن كنتِ لن تستطيعي الرد عليهم بأدب تجاهليهم أو قدمي شكوى فيهم لإدارة العمل. والأهم لا تجعليهم يهزون ثقتك بنفسك.
تم النشر الأحد، ٢١ يوليو ٢٠٢٤
وعليكم السلام حبيبتي، أنا متفهمة تمامًا الإحساس اللي بتمري بيه وواضح إنك في موقف صعب. أول حاجة حابة أقولك إياها هي إن التنمر أبدًا مش مقبول في أي بيئة عمل، ولما الموضوع يوصل لحد العياط وزعل رهيب، الأمور محتاجة تتعامل بجدية. خليكي واثقة بنفسك: لازم تعرفي إن كلامهم وتنمرهم مش بيعكس قيمتك أو مدى جديتك في الشغل. صوتك، شكلك، شخصيتك كل دي حاجات تميزك ومش لازم تخلي حد يحسسك إنهم نقاط ضعف. وثقي كل حاجة: أي تعليق أو تنمر جديد بيتعرض ليه، اكتبيه بالتاريخ والتفاصيل. علشان لو الأمور استمرت وحتى ممكن البقاء عند اللزوم للمصاعد القانونية أو رفع شكوى لإدارة الشركة. تواصلي مع الإدارة: لو في حد موثوق فيه في الإدارة ممكن تتكلمي معه بخصوص الموضوع ده، حاولي تجيبي دليل وتشرحي قد إيه الموقف ده مأثر على صحتك النفسية وإنتاجيتك في العمل. حقيقي دعمك الشخصي: حاولي تتواصلي مع ناس مقربين وصحابك لتدعموك وتدوا ليك القوة لأنك محتاجة دعم نفسي في الفترة دي. التطوير المستمر: اتعلمي حاجات جديدة وواصلي التطور في وظيفتك، المجهود الشخصي بيخلي موقفك أقوى ويظهر قدراتك الحقيقية. لو استمر الوضع على ما هو عليه: لو فعلاً مش لاقية تغيير بعد المحاولات دي، فكري بجدية في وضع خطة للبحث عن شغل جديد، بس في الوقت الحالي، حافظي على أداءك ومهاراتك. التنمر حاجة مؤذية ومش لازم أبدًا تكوني بتمري بيها، بس المهم تتعاملين معها بالقوة والحزم وإنك تتأكدي إنك مش لوحدك. أنا هنا دايمًا لو حبيتي تتكلمي أكتر أو تحتاجي مساعدة تانية. ربنا يقويك ويحفظك يا جميلة 🌸.
تم النشر الأحد، ٢١ يوليو ٢٠٢٤
لعرض السؤال في فدني اضغط هنا