سلام عليكم ورحمة الله،
لو سمحتم لو حد هنا متخصص او يعرف متخصص في الشبهات ياريت يوجهني ليه لأني تعرضت لشبهات ودخلت في حوار ما كان ينفع أدخله وحاسس إن قلبي وجعني أوووي 😞😥
السلام عليكم ورحمه الله وبركاته أنت جاوبتني في التعليق وقلت ان انت محتاج يعني تتخطى انك تقع في الشروع التاني خليني اقول لك انه وقوع في الشبهات في الاساس بيبقى جاي من فطره طبيعيه في الانسان وهي ان هو عاوز يسأل وعاوز يدور على اجابات الاسئله ودي حاجه ما تبقاش غلط يعني دي حاجه ربنا يعني حسينا عليها كتير وامرنا بيها ان احنا نتفكر ونتدبر طول الوقت نتفكر يعني نسال ونقول دائما ليه وازاي ودي حاجه عاديه جدا والدليل عليها ان ربنا ما أنكرش على الانبياء لما كانوا يطلبوا منه دلائل وبراهين لما كان النبي بيطلب من ربنا. وقال له لكن اللي يطمئن قلبي يعني انا مآمن يا رب بس انا عايزه قلبي يطمن واللي كان بيطلب من ربنا انه هو يشوفه هتلاقي مواقف كتيره جدا لانبياء مختلفين ربنا ما انكرش عليهم لان دي موجوده في طبيعتنا البشريه وهي الاحتياج لدلائل طيب هل ربنا حرمنا من الدلائل لا ما حرمناش من الدلائل، الدلائل موجوده حوالينا طول الوقت لانه احنا بنؤمن بوجود ربنا مش عشان احنا شفناه بس عشان شايفين كل حاجه موجوده حولنا بتقول انه ربنا موجود وكل حاجه ربنا بيأمرنا بها بيبدا يظهر لها دلائل ومع ذلك هتفضل في جزئيه مطلوبه مننا وهي الغيبيات احنا محتاجين نبقى مؤمنين انه في اشياء هتفضل مجهوله في اشياء مش هيكون ليها دليل مادي ملموس ولا اجابه كامله طول ما احنا عايشين. ومع ذلك هنفضل طول الوقت بندور على اجابات وطول الوقت مستنيين نوصل للاجابه وهرجع اقول ثاني دي مش حاجه غلط ومش حاجه عيب ودي حاجه في طبيعتنا البشريه. إيه اللي بيخليني نقع في الشبهات وازاي ما نوقعش في شبهات او نخلي الفطره الطبيعيه البشريه بتاعتنا دي تودينا لسلك غلط؟ ضروري جدا احافظ على المسار السليم في البحث عن الاجابات يعني لو انا دلوقتي عندي تساؤل يا ترى الناس اللي في الكباريه بيعملوا ايه انا قدامي طريقتين يا اما هبحث من بعيد هشوف مقالات او حاجات مكتوبه عن العالم ده الناس هناك بتعمل ايه وهلاقي قصص محكيه من الناس للاسف كانت وقعت في الخطا ده فهبقى عرفت من بعيد ايه اللي بيحصل هناك او عندي طريق ثاني وهو اللي اقول لا انا عايزه اروح اشوف بنفسي وهنا انا بحط نفسي في احتماليه الوقوع في الخطأ وهو ده بيكون الوقوع في الشبهات لما باخذ بعضي واروح للطريقة الأخطر او الاصعب في التحقق وفي الوصول للاجابه ده اللي بيخليني للاسف ممكن اقع في الغلط بدل ما اكون باخد الاجابه فقط لا غير. لما بننتجه لمصادر، المصادر دي بتكون مكتوبه مثلا عن طريق ناس ملحدين او ناس اصلا متشككين في الدين فهنا انا ما بدورش على اجابه الاسئله انا كده بحط نفسي في وضع خطر فلو عاوزين نقول انا ازاي اتجنب الوقوع في الشبهات مره ثانيه اتحقق كويس جدا جدا من الطريق اللي انا واخده علشان الاقي اجابه السؤال وعلشان فعلا الاقي رد الشبهه دي على قد ما اقدر كل ما حطيت نفسي في وضع متوسط يعني وانا باخذ الاجابات او بدور على الاجابه في مكان وسطي ولا هو متشدد للاجابه الآه ولا هو متشدد للاجابه لا هو هيساعدني افكر بشكل متفتح وهيساعدني ان انا اقدر بنفسي أميل للاجابه الصح بدل ما يكون في طريق بيشدني لطريق خطر ممكن يوقعني واقعه انا ازعل عليها زي ما للاسف حصل معاك اتمنى اكون كده جاوبتك شويه وانا معاك لو في اي اسئله انا اساعدك لو حبيت.
تم النشر الاثنين، ٧ أبريل ٢٠٢٥
السلام عليكم ورحمه الله وبركاته هو ايه المشكله ديت سببها حاجتين، اول شيء الفضول، ان الشخص يكون عنده فضول انه يخش على صفحات الملحدين وبناقشتهم فهو معندوش علم فالاسئله بتقع في قلبه مش لاقيها رد يقوم يحتار بعد مشاعر السلبيه ويبدأ ايه يحصل تشكك والكلام ده يعني ثاني شيء الفراغ الفراغ هو اللي ايه بيساعد ان الموضوع ده يكبر عنده فتلاقي الشبهة مثلا يعني الشبه لو وقع واحد مشغول طول اليوم مش هياخد باله منها لكن لو وقعت في صدر واحد مش مشغول وعنده فراغ طبعا يعني هتعمل معاه مشاكل كتير جدا يعني ده بالنسبه للاسباب يعني فالطبيعي انه ما يخش على مواقع ولا صفحات فيها شبهات ثاني شيء بغض الامكان اكون مشغول في يوم يعني عشان الشبهات ما تاكلش دماغي يعني ده بالنسبه لاسباب بالنسبه للحلول هو في حل ممكن حاجه ترفع اسئلتك على أي مواقع اسلاميه يعني في ايه موقع اسمه "سؤال وجواب" ممتاز بتاع الدكتور محمد صلاح المنجد حد ممتاز جدا ترفع السؤال في لجان متخصصه بترد عليك ورد كويس جدا فلما يجي لك الرد الشبهات كده في حلين يا اما لما تسمع الرد لما تقرأ تقتنع به يبقى الموضوع اتحل يا اما وده وارد تكرار الرد ما تقتنعش بيه طب ايه الحل ما اقتنعتش بيه ولا حاجه هتعمل زي ما انا او في الصحاب كان الصحابه النبي عليه الصلاه والسلام قال رسول الله الواحد يجد فيه صدورنا ما يتعارض ما يقوله قال الله اكبر الحمد لله الذي جعل وسوسته الى هذا يعني ده اخر وسوسته للانسان انه يوسوس لهم بحاجات يعني ايه يقول من خلق السماوات الارض من خلق مش عارف ايه طب من خلق ربنا قال لهم تستعيذ بالله وتنتهي اول ما الشيطان يقول لك مثلا بدون شبهات يعني ان ان من خلق السماوات ربنا طب مين خلق ربنا النبي قال لا ساعتها تقول اعوذ بالله من الشيطان الرجيم وتنتهي وهو ده العلاج الاوحد في الباب ده الهدي النبوي النبي عليه الصلاه والسلام اللي بيجوا من السماء هو ده العلاج قال العلاج الا هو تستعيذ بالله من الشيطان الرجيم وتنتهي، تنتهي عن البعد نتطلع شبهات تنتهي انك تفكر حتى مع نفسك الا وهو حاجه اسمها "حفظ الخواطر" انا الخاطر اللي بيجيلي ما اقعدش اخد وادي معاه عشان ده هياثر بالسلب اكثر واكثر يعني ده الهدي النبوي لحد ما ترتاح وجسمك يرتاح ودنيا تبقى كويسه معاك. يعني تهدى من المشاعر السلبيه دي وبعد كده بقرا في الدين براحتك واقرأ الشبهات دي والرد عليها براحتك جدا بس في الوقت ده اللي انت فيه تعبان ده لا الصح انك تنتهي وتحارب خواطرك لحد موضوع يبعد عنك خالص. والله تعالى اعلى واعلم.
تم النشر الاثنين، ٧ أبريل ٢٠٢٥
السلام عليكم، هل محتاج تتواصل مع مختص يعني ولا مجرد إنك هتبحث في محتواهم عن ردود للشبهات اللي تعرضت لها؟ وجع قلبك ده أنا متفهماه لكن حاول تهدأ وتقوم تتوضأ وتصلي وتدعو الله وبعدها تقرأ في المصحف بتدبر، الصلاة وقراءة القرآن بتمنح راحة نفسية وسكينة. *** مش عارفة بالنسبة لمختص تتواصل معه مباشرة لكن هرشح لك بعض المواقع والقنوات المختصة بالرد على الشبهات إذا حبيت تبحث عن أسئلتك، وإن شاء الله باقي الأعضاء إذا حد منهم يعرف مختص يقدر يوجهك له فأكيد هيجاوبك. *** من قنوات اليوتيوب: قناة د هيثم طلعت. https://www.youtube.com/@Dr.Haitham_Talaat قناة د. إياد القنيبي. https://www.youtube.com/@eyadqunaibi قناة د. سامي عامري https://www.youtube.com/@DrSamiAmeri من المواقع: موقع المحاورون https://almohaweron.co/ موقع المبادرة لد. سامي عامري https://almobadarah.com/ نصيحة أخيرة، حاول متعرضش نفسك للشبهات وتركز على اكتساب العلم وتقوية العقيدة والإيمان، موضوع الشبهات وحوارات الأديان ده مينفعش أبدًا مهما كان ظنك فيما عندك من علم إنك تدخله، المناظرات وغيرها محتاجة ناس متخصصة زي ما أنت سألت دلوقتي. بالتوفيق.
تم النشر الاثنين، ٧ أبريل ٢٠٢٥
اتخطى الشبهات دي واتخطي الوقوع فيها
تم النشر الاثنين، ٧ أبريل ٢٠٢٥
انت محتاج تتأكد من الشبهات ولا عاوز تتخطى وتتجاوز الوقوع فى الشبهات مره اخرى ؟
تم النشر الاثنين، ٧ أبريل ٢٠٢٥
ديننا قوي وسابق لكل شيء وصالح لكل وقت و ٩٩ % من الشبه رد عليها العلماء قبل ١٠٠٠ سنة على الاقل
تم النشر الخميس، ١٠ أبريل ٢٠٢٥
الدكتور هيثم طلعت واتساب 00201100747519
تم النشر الثلاثاء، ٨ أبريل ٢٠٢٥
انت بهوية مجهوله هنا ...لا يوجد قلق
تم النشر الثلاثاء، ٨ أبريل ٢٠٢٥
متأكد أخي؟.... اخاف عرضها على الناس
تم النشر الثلاثاء، ٨ أبريل ٢٠٢٥
اكتب الشبهة اسفل هذا التعليق وسأكتب لك رد بعون الله عليها
تم النشر الثلاثاء، ٨ أبريل ٢٠٢٥
لعرض السؤال في فدني اضغط هنا