السلام عليكم، هل محتاج تتواصل مع مختص يعني ولا مجرد إنك هتبحث في محتواهم عن ردود للشبهات اللي تعرضت لها؟ وجع قلبك ده أنا متفهماه لكن حاول تهدأ وتقوم تتوضأ وتصلي وتدعو الله وبعدها تقرأ في المصحف بتدبر، الصلاة وقراءة القرآن بتمنح راحة نفسية وسكينة. *** مش عارفة بالنسبة لمختص تتواصل معه مباشرة لكن هرشح لك بعض المواقع والقنوات المختصة بالرد على الشبهات إذا حبيت تبحث عن أسئلتك، وإن شاء الله باقي الأعضاء إذا حد منهم يعرف مختص يقدر يوجهك له فأكيد هيجاوبك. *** من قنوات اليوتيوب: قناة د هيثم طلعت. https://www.youtube.com/@Dr.Haitham_Talaat قناة د. إياد القنيبي. https://www.youtube.com/@eyadqunaibi قناة د. سامي عامري https://www.youtube.com/@DrSamiAmeri من المواقع: موقع المحاورون https://almohaweron.co/ موقع المبادرة لد. سامي عامري https://almobadarah.com/ نصيحة أخيرة، حاول متعرضش نفسك للشبهات وتركز على اكتساب العلم وتقوية العقيدة والإيمان، موضوع الشبهات وحوارات الأديان ده مينفعش أبدًا مهما كان ظنك فيما عندك من علم إنك تدخله، المناظرات وغيرها محتاجة ناس متخصصة زي ما أنت سألت دلوقتي. بالتوفيق.
آمين يا رب، إن شاء الله تلاقي الرد. ربنا يهديك ويهدينا جميعًا للحق ويثبتنا عليه.
تم النشر الاثنين، ٧ أبريل ٢٠٢٥
أيوا اتفق وانا أصلا عمري ما أخلي حد يشعر بما أنا فيه أو يتأثر بسببي لأن هي مؤذيه فربنا يبعد عن الناس الظلمات
تم النشر الاثنين، ٧ أبريل ٢٠٢٥
تمام، هو أكيد هتلاقيها لو بحثت، لأن الشبهات أصلا مكررة ومتعادة حتى لو أعادوا تدويرها وتقديمها في صيغ مختلفة، فممكن تبحث خلال المواقع أو اكتب على جوجل رد شبهة كذا... فكرت أقول لك تكتبها هنا بس أخشى إنها تأثر على أي حد علمه قليل وتدخله في دوامة. فابحث كده في المصادر اللي قلتها لك وانتظر عامة ردود الأعضاء، ممكن حد مختص يرد عليك.
تم النشر الاثنين، ٧ أبريل ٢٠٢٥
ربنا يبارك فيك يا دكتوره هو الشبهات المعروفه انا عارفها بس فكره اني استفسر عن شبهه وقعت عليا
تم النشر الاثنين، ٧ أبريل ٢٠٢٥
لعرض الإجابة في فدني اضغط هنا