امي دايما بتعاملني بطريقه مش كويسه وبحس ان انا مش مهمه عندها وده مسببلي ازمه مش عارفه اتخطاها وبتتعامل مع اخويا بطريقه احسن مني بكتير وانا بحاول اصلح من نفسي يمكن المشكله عندي وبحاول اساعدها اكتر يمكن تحبني بس مفيش فايده انا بجد تعبت ودايما بتضغط عليا اني اذاكر واعمل واعمل واخويا بتجبله الاكل لحد عنده وهو مستواه الدراسي واطي اوي ومهما انا جبت من درجات لا عايزه احسن من كده مبتشجعنيش حتي وعايزاني دايما اساعد اخويا احل معاه الواجب وهو في اولي اعدادي وانا في اولي ثانوي يعني المفرض يعتمد علي نفسه في حل واجباته لا لازم انا اساعده عشان لو مساعدتهوش هبقي معنديش دم ومبحبش اخويا وفيه كل الصفات الوحشه وابقا جايه من الدروس تعبانه بخرج من الساعه 11 لحد الساعه 8 المغرب وارجع تتخانق معايا والمطلوب مني بعد كل التعب ده اساعد اخويا واذاكر في نفس الوقت
السلام عليكم ورحمه الله احب اقول لك يا بنتي ان لازم برده.يعني انا عايز اعرف برده هو فين الاب يعني الاب فين ولو هو متوفي مثلا رحمه الله عليه احب اقول لك ان انت اهم حاجه.ما ينفعش ان انت تعملي والدتك بطريقه مش كويسه طبعا مهما كانت هي بتميز ما بينك وبركه صغير بس انت عامليها احسن معامله عشان في الاخر يعني انت ما تحسيش اولا بر الوالدين ثانيا يعني زي ما انت زي ما انت عاملاها كويس.وما تحسيش ان انت يعني عاملاها وحشه عشان هي بتعاملك وحش لا خليكي زي ما انت.
تم النشر الجمعة، ١٨ أغسطس ٢٠٢٣
ماما يمكن شيفاكي كبرتي وبقيتي بدالها ومسؤولة عن اخوكي الاصغر .. يمكن بتعاملك بالطريقة ديه علشان من وجهة نظرها شايفة انها بتخليكي انسانة مسؤولة اكتر .. ولكن الحل انك تكلميها .. وده لازم كلميها بصراحه وعبري عن اللي جواكي ليها .. ده اسلم حل علشان متشليش منها، وعلشان تفهمي منها الحقيقة بالظبط ..
تم النشر السبت، ١٩ أغسطس ٢٠٢٣
اقولك ليه بتفرق بقى عشان القلب ملهوش سلطان ....ايوه قلب الام بيميل لاحد الابناء اكتر من الباقييين .. بس هل ده يديها الحق انها تفرق بينكم ....لا وممكن مش مسألة حب ...لكن بسبب الموروث المصرى للاسف ...ان الذكر يعامل معامله اخرى ( عشان هو ديك البرارى ) طيب ده بردوا خلاص يبقى مسلمات ونتقبله ونكمل فيه ...بردوا لا نرفضة بس بكل ادب ...مثلا ( انا اسفه يا ماما مش هقدر اعمل ده ...هو كبير كفايهة ويقدر يعمل ده لنفسه ) ( هساعده اول ما اخلص ان شاء الله ) او ( تقعدى معاه وتقوليله حته صغيره مثلا وتطلبى ممنه يحل ويصحح لنفسه ولو وقفت معاه حاجة يسألك ) واحده واحده على ماما ...عشان هى غصب عنها وكل ده بيحصل بدون وعى مش قصدها تزعلك وانتى اكيد حبك فى قلبها وغاليه عليها ...بس هنعمل ايه يا بنتى بقى ..مجتمع ذكورى ابقى اقرأى كتاب ذكر شرقى منقرض ل د.محمد طه ...هتفهمى اكتر عن اللى انا بقوله ده
تم النشر السبت، ١٩ أغسطس ٢٠٢٣
شكرا للنصيحه
تم النشر الجمعة، ١٨ أغسطس ٢٠٢٣
اعملي اللي تقدري عليه وقوليلها انك تعبانه ويادوب صحتك وتركيزك ع قدك وكدا كدا انتي وحشه ف خلاص متجيش ع نفسك
تم النشر الجمعة، ١٨ أغسطس ٢٠٢٣
لعرض السؤال في فدني اضغط هنا