اعمل ايه لو أنا حاسه ب مشاعر ناحية حبيب صاحبتي مع العلم انهم في فتره كانو سايبين بعض و احنا كنا قريبين جدا و لما رجعو ل بعض بعد عني علشان هو بقي معاها و انا لسه حاسه بالمشاعر دي و عملالي مشاكل كتير و حاسه اني وحشه اوي لأني حسيت ب كدا ناحيته بس دا غصب عني
بصي هو انسان غريب عشان وقت ميكون بعيد عن حبيبته يقرب من صحبتها ولما يرجعلها يبعد ف هو كان مستخدمك كمسكن لألمه عشان ميحسش انه لوحده وعشان يحس انه مرغوب فيا ومعايا حد دي فكره لازم تشوفيها لان مفيش اي مبرر لقربه منك ف الفتره دي وبعده غير كده فكري قد ايه انه فعلا لو كان مستخدمك مسكن ف الشعور ده مهين جدا ليكي وهو محترمش انك صاحبه حبيبته حتى وقرب منك ووارد كان بيقرب عشان يغيظ صحبتك وترجعله وف كل الاحوال في احتماليه انه كان بيستغلك ومع اول مشكله بينه وبين صحبتك هيقول انا غلبان وانك كنتي بتجري وراه وهتموتي عليه ويخسرك نفسك وصاحبتك مفيش حد ف الدنيا يستحق انك تخسري نفسك او صاحب بجد فكري كويس ف كلامي وهتلاقي طريقه تساعدك ع الاقل ففهم الناس حوليكي
تم النشر الجمعة، ٢٤ مارس ٢٠٢٣
هو كده واضح جدا إنك فخانه البديل.. لو آنتي واعيه بده وموافقه يبقي آنتي كده احتياجك لوجود حد معاكي حتي لو بصوره مش تستحقيها طاغي ومسيطر عليكي وكده تبقي محتاجه تقدري نفسك كويس
تم النشر الجمعة، ٢٤ مارس ٢٠٢٣
أولًا مبروك على وعيك بالمشاعر التي تشعر بها نحو زميلك. هذا يدل على صدق ونضج مشاعرك. يمكن أن يكون شعور الغيرة والألم شيئًا طبيعيًا إذا كنت عزيزًا على زميلك. ومع ذلك ، ينصح بشدة بأن تبتعدي عن هذا الشعور، بمعنى انه تحتاج إلى قبول الوضع على النحو الذي هو عليه والتركيز على الحفاظ على علاقتك بزميلك دون تعريض نفسك لآلام الحب غير المجاب. انظري إلى الصفات الإيجابية في علاقتكما، مثل الصداقة والثقة، حاولي التركيز عليها. تكلمي مع نفسك بأن الحبيب الخاص بصديقتك هو الشخص الذي قامت صديقتك بإختياره. أدركي أن الجزء الأفضل من هذا الموقف هو أن صديقتك عادت مع شريك حياتها ، مما يعني أنها سعيدة معه ولا تريد أي شيء آخر. كوني ايجابية و نشطة بمؤهلاتك و اهتماماتك حتى تشغلي عقلك عن هذا الشعور. قابلي أصدقاء آخرين، انضمي إلى نوادي اجتماعية جديدة ، حافظي على نشاطك الجسدي، وقضي وقتًا ممتعًا مع عائلتك. أخيرًا ، لا تنسي أن تسمحي لنفسك بالشعور بما تشعرين به. سيزول هذا الشعور تدريجيًا بمرور الوقت، ولكن يمكن أن تحتاج إلى الوقت اللازم لتحرير نفسك من هذا الشعور، أيضاً ، إذا كنت تشعرين بالحاجة إلى القضاء على هذا الشعور، يمكنك التحدث مع المستشار النفسي، الذي سيكون قادراً على تقديم النصائح الملائمة لك.
تم النشر الجمعة، ٢٤ مارس ٢٠٢٣
انتي قولتيها بنفسك ... ازاي مش شايفة انك كنتي علاقة تعويضية لما رجعوا لبعض سابك! ف هل انتي معتقدة ان اساسا شخص كويس؟ وهل انتي هتقبلي ان ده يحصل معاكي بعد كده؟ ويروح لصاحبتك ويسيبك؟ هتعملي ايه؟ لو بتشوفيه كتير يستحسن تبعدي وفورا.
تم النشر السبت، ٢٥ مارس ٢٠٢٣
دي مشاعر غصب عني و هحاول اتخلص منها أن شاء الله
تم النشر الجمعة، ٢٤ مارس ٢٠٢٣
إن شاء الله و نصيحة إعتزل ما يؤذيك
تم النشر الجمعة، ٢٤ مارس ٢٠٢٣
الموضوع هيبقي وحش قوي لو جالك دلوقتي عريس وراجل كمل واهلك وافقو عليه هتبقي معاه بس قلبك مع حد تاتي ودي خيانة ليه ولنفسك لأن ربنا كرم الإنسان ووضع له قواعد علشان يصونه بيها. فتخيلي لما انتي تكسري القواعد دي وتؤذي نفسك بنفسك. إتقي الله ومن يتق الله يجعل له مخرجا ويرزقه من حيث لا يحتسب. ربنا يهدينا ويهديكي
تم النشر الجمعة، ٢٤ مارس ٢٠٢٣
أنت كنتي هتبقي وحشة قوي فعلا إذا كملت في علاقة لا يرضاها الله عز وجل مع أي شخص سواء كان هذا الشخص مرتبط أو لا
تم النشر الجمعة، ٢٤ مارس ٢٠٢٣
لعرض السؤال في فدني اضغط هنا