السلام عليكم..
انا شاب 38 سنه ... غير متزوج... وليس لدي قدرة مالية للذهاب الى طبيب نفسي.
الموضوع طويل جدا جدا... واحداث كثيره أدت في النهاية الي تراكمات نفسيه زادت مع مرور الزمن.. حتي وصلت الان الي...
اتحدث الي نفسي كثيرا وبصوت مسموع في المواصلات والأماكن العامه... اضع سماعه الاذن باستمرار حتي لا يسخر مني الناس.. ويعتقدون اني اتحدث في الهاتف.
اتخيل اني اتعارك واضرب الناس الذين حدثت معهم المشكله.. وأقوم بحركات لا اراديه.. وأوقات كثيره كنت ساضرب ناس في المواصلات وفي الطريق بواسطه هذه الحركات اللااراديه.
اصبحت سريع الغضب جدا جدا ولاتفه الأسباب.. لكني عندما أشعر بذلك احول ترك المكان سريعاً حتي لا اتسبب في مشكله كبيره.
حالات اكتئاب شديد علي فترات متقاربة.
فقدت جميع الاصدقاء والاقارب... بعضهم ابتعدوا بسبب غضبي.. والبعض الآخر ابتعدت عنهم انا حتي لا يتاذون بسببي ويستمر في قلبهم ذكري جميله مني.
عندما يأتي الليل لا استطيع النوم واظل اتعارك مع نفسي ومع الأشخاص الذين حدثت معهم المشاكل... أو حتي اختلق مشاكل لم تحدث مع اشخاص اعرفهم واظل اضرب الهواء واصرخ صرخات مكتومه حتي تلتهب حنجرتي.. وأبكي لأنني لا استطيع النوم.
حاولت تناول المهدئات و الأدوية التي تساعد على النوم.. دون جدوى فتوقفت عن تناولها.
اشعر كثيرا أن عقلي يضمر ويلتهم نفسه.. أصبحت مشوها جدا.
دائماً أردد بلا اراديه كلمه . (انت غبي) أو ( غبي ).. بصوت مسموع وعالي... تحدث تلقائيا مني.. في أي مكان..
هذا باختصار شديد جدا جدا.. يوجد الكثير والكثير من الأشياء التي افعلها لااراديا.
اريد استعادت حياتي... عندما احاول الصلاة.. تشتد علي هذه الأعراض التي ذكرتها في السابق... ( التحديث مع النفس والاكتئاب والغضب.. الخ).
ماذا افعل؟
لعرض السؤال في فدني اضغط هنا
تزوجت منذ 4شهور فى نفس القرية ولكن منزل أهل الزوج يقع بعيد
انا وزوجي حصلنا على مؤهلات عالية كلا منا يحمل الشهاده الجامعيه وهناك درجة من التفاهم بين عقولنا ونفس الفكر بفضل الله تعالى
ونحب بعضنا كثيرا
سافر زوجي بعد الفرح بشهر تبين من ذلك أن المعاملة تتغير بوجود زوجي فتعبت جدا
قال لي زوجي تقربي من امي وتحدثي معاها
وبالفعل قمت بذلك
كنت أتحدث وتبين أنها تقوم بنقل الكلام الى والد زوجي والى ابنتها
قالت لى انا مثل امك وانا صدقت ذلك تبين أنها تكذب كثيرا فى كثير من الأمور فصدمت
قالوا لى كوني اجتماعية
ولكن الاجتماعية عندهم أن أجلس معهم واتحدث عن الآخرين وماذا فعل فلان وماذا حصل وهكذا
وتعرضت ايضا لنزيف داخلى وذهبت إلى الأطباء ولكن لم يجدي نفعا
إلى أن تم بفضل الله معرفة ما حدث لى تبين اني تعرضت لنوع من السحر للتفريق بيني وبين زوجي
ورأيت اشياء غريبه تحدث فى شقتى قاومت ذلك بفضل الله وداومت على صلواتي وقراني وكان زوجي يري ما يحدث لنا
ولكن ما احزني إن حماتي وحمايا حين غياب زوجي لم يراعو الله
وقالوا بأني اتصنع الاشياء بقول على نفسي مريضه تمثيل
شعرت بالحزن الشديد لان كلاهما يقول لي بانكِ ابنتنا فلماذا الأقوال كثيرة ولكن الفعل الحسن والرحمة لا توجد
زوجي معي ولكن عندما يسافر اشعر عدم الأمان والاستقرار النفسي
اريد ان اقاوم مايحدث واقاوم ما حدث لى من كذب وافتراء واتقبل من حولى دون أن يغير من اخلاقي
انا أتأثر بالبيئة بشكل كبير اريد ان اكون ثابته رغم كل الشر
الذي يحاوطني مشكلتي لا أعرف اكبر دماغي واطنش الافعال الغلط
لآن حمايا وحماتى ليسوا متعلمين اي مستوي العقول متعب
المشكلة فى تقارب العقول
عندما كان حمايا مريض وزوجي ليس موجود قمت بخدمته
وقمت بدور ابنته وذهبت معه إلى الطبيب شعرت حماتى بالغيرة الشديدة وأيضا تغير على ابنها
مرضت من الأفعال التى اراه كنت اتوقع ان يكون هناك رحمة ورضا بيننا
هناك الكثير والكثير ولكنى تعبت من كثرت الكتابة
وانا الان فى بيت ابي لحين انا اقاوم ضعف نفسي اريد أن اكون قوية
ولكن تبقي الرحمة ولا افعل مثلهم مهما تعرضت للافعال السيئة منهم انا احافظ على قيم ديني وان ابقا قوية لا أتأثر باي بيئة مهما اختلفت المكان أو المبادئ
اريد ان اواثر ولا أتأثر بالسيئ من الأفعال مهما اختلف المكان
اشعر بضعف نفسي لاني بمجرد الزعل جسدى يرتجف
وأيضاً مع وسواس
استخدم الكتابة فى تخريج الأفكار تعبت
لعرض السؤال في فدني اضغط هنا
طيب انا واحدة مكنتش قريبة من ربنا قبل تلت سنين ويكاد يكون كنت في عالم موازي وكنت بقطع في الصلاة لأني مكنتش فاهمة ليه بصلي بس لما بقيت في اولي ثانوي ابتديت اصلي بسبب واحده بارك الله فيها.
حاليا من ساعة ما بدأت الدراسة في سنة تالته ثانوي بقيت لما بصلي بحس بعدم الخشوع وذكري لله قل كتير ولما بصلي بحس ان صلاتي مش مقبوله يعني لما برجع من مدرستي مثلا اكل وكدا وبعد كدا اتوضي علشان اصلي الاذن يأذن عليا التاني وانا لسه مكملتش ركعة كامله في الصلاة فهل بكدا كفرت؟!
وكذلك لما برجع بقعد شوية وبتكلم مع اهلي او بمعني اخر برتاح لأن مشوار مدرستي طويل جدا وكذلك ساعات بصلي وانا قاعده بسبب انه ساعات بتبقي رجلي وجعاني اوي او ساعات بسبب ضيق التنفس او ساعات بسبب الدوخه وبعدها ممكن اهدي وميأذنش الصلاة التانية فهل لازم اصلي الصلاة الأولي؟!
بجد انا موسوسه لدرجة اني بحس من اي تصرف غلط اني استهزأت وكفرت عندي وسواس الطهارة وسواس الصلاة وسواس القراءة وسواس الرياء وبجد حقيقي بحس لما بفضفض اني منافقة
وكمان كان المفروض مرة اصلي العشاء وفضلت أؤجل فيها علشان كان عندي ضيفة وكذلك ورايا مذاكرة بذاكرها وجمبي وجعني قبل نص الليل فلما جه نص الليل قولت انام واصحي قبل الفجر اصلي وجيت اعمل كدا بسبب قله النوم مزاجي تقلب اكتر لما حد صحاني من اهلي اتعصبت عليه ونمت تاني وصحيت قبل الصلاة بنص ساعة ومقدرتش اقوم بسبب وجع في البطن.
لعرض السؤال في فدني اضغط هنا
انا عندي وسوسه في الصلاه يعني ممكن اصلي الفرض وعيد اصلي تاني وثالث ممكن اغيب نص ساعه بصلي فرض فبزهق بقعد اعيط مش عارفه ده ابتلاء من ربنا ممكن قطع نص الصلاه اصلي ركعه والركعه الثانيه واحس ان انا ما قلتش السوره صح فهطلع من الصلاه بعد اما اخلص بفتكر اني ما سلمتش لما نبقى فاكره ان انا سلمت بس جنب واحد دايما عندي وسوسه جامد في الصلاه كانت الاول في الوضوء بس انا عالجتها قعدت قلت حتى لو انه اتوضيت غلط هصلي مش ساعات كنت بروح اتوضى تاني بتضايق جدا لما بقعد اصلي الفرض كذا مره رغم ان انا ما كنتش كده خالص فمش عارفه اعمل ايه يعني ممكن اصلي العصر والمثل اللي انا نسيت اقول الله اكبر وانا جايه ارفع اعمل لي هيسوس جامد قوي في دماغي مش عارفه اطلع منه وبقيت اكسل ان اقوم اصلي عشان ببقى ناعية هم ان انا هصلي الفرض كذا مره رغم ان كذا حد قال مفروض اصلي الفرد مره واحده لان ربنا بيحسبه من اول مره انك ما ينفعش تصلي الفرد كذا مره لأسباب غير منطقيه اللي عنده حل ممكن يفيدني يفيدني بيه لو سمحتوا
لعرض السؤال في فدني اضغط هنا
في عالم آخر
انا تحت ضغوط عمل كبيسة
○وللأسف أعاني من العشوائية وعدم تنظيم الوقت وقلة البركة في الوقت
○ومع الوقت تتراكم الأعمال
○والوقت يمر امام عيني وانا فاقد السيطرة
بسبب نشاط عالي للدماغ والانشغال في الخيالات و فرط التفكير والسرح فأجد الكثير والكثير من الأفكار في رأسي واني لا استطيع التحكم بها
احاول عمل جداول وقوائم مهام ولكن اسوف
فما رأيكم
لعرض السؤال في فدني اضغط هنا
حياتى لم تكن سهله لكن كنت أمتلك شخصيه قويه إنما الان لا أقدر ان استمتع بحياتي دائما الخوف يمتلكنى ولم اعد اثق بالناس بسهوله وعندى خوف غير عادى من الشتاء من سنة ٢٠١٩ وبسبب هذا الخوف لااستطيع ان استمتع بحياتي ولا اقوم بواجباتى تجاه اولادى وبيتى وأشعر دائما بالتقصير هل يوجد حل لكل ما انا فيه
لعرض السؤال في فدني اضغط هنا
أنا طالب في كلية العلاج الطبيعي أعاني من فرط التفكير
•فدماغي يعمل طوال اليوم أثناء الاستيقاظ
• ولا أستطيع التحكم بتفكيري فأسرح بالخيال ويلفتني كل شئ مثلا اذا سمعت صوت سيارة بالخارج قد أتخيل أنني في سفر داخل السيارة إلى مكان بعيد وهكذا
• وأرهقت من ساعات وساعات من التفكير اللانهائي وكأن هناك شخص ثرثار يتحدث في دماغي
• وهذا أثر علي بشكل مخيف نفسيا وجسديا وعمليا
١-اشعر بخيبة الأمل كلما قارنت الخيال بالواقع
٢-ارهاق جسدي وعبوس أثناء الضوضاء
٣-انشغل في الخيال عن العمل ، لا أحتمل أي ضوضاء فأشعر بإزعاج مهول لأن دماغي صاخب بالأصوات فلا أتحمل أي صوت خارجي وللأسف ومطالب بقضاء ساعات طويلة في الكلية المزدحمة وأشعر حينها أن جسمي سينفجر
أظن أن لكل مشكلة حل ولدي أمل أن يكتب الله الحل من خبرة أحدكم
لعرض السؤال في فدني اضغط هنا
انا شاب صغير وشاكك اني موسوس بطريقة بشعة مشكلة مثلا وانا بكلم عادي لو قلت كلمة على شخص كلمة عادية او اكلمت في العموم اقعد افكر في الكلام الي قلتله واشك في نفسي اني قلت غيبة وانا اصلا مقولتش غيبة ولا حاجة
لو بكلم عادي او حصل موقف عادي مع أهلي واحس ان موقف ده عقيت فيه أهلي او انا ماشي في شارع بغض بصري بوسوس اوي في غض البصر حتى لما سألت معلمي في المسجد قال اني متكهربش لما اشوف بنت او مثلا مزحت مثلا فيجيلي وساوس اني بستهزء بالدين
حاجات كتير وكنت بتوب في اليوم كتير في أيام كنت بتوصل فيها اني بتوب ٤ مرات في اليوم وفي الأول اصلا كان في وساوس قهرية في العقيدة بس انا دلوقتي يعني مبقتش مهتم يعني فمش قلقان اوي مش وساوس بتاعت العقيدة
مثلا لو كنت باكل واتبقى بواقي حاجة بسيطة خالص بوسوس فيها والهمة بتاعتي وحشة دايما وكل ما ارفعها بتنزل بسرعة والحالة دي معايا من بداية قربي من ربنا بالنوافل وبليل برضو بخاف لما اكون لوحدي بليل وخيالي بيسرح ومش بصلي بتركيز بصلي وانا قلقان وفي الدعاء في سجود برضو
وموضوع برضو انا تعبت فيه بجد ومسببلي قلق واصلا مش عايز اكلم فيه عشان محدش يحتقرني بس هقوله يعني اني باخد درس قرآن من معلمة وبنسبة للضوابط فكلها تمام يعني انا بغض بصري وهي منقبة ومفيش خلوة وهي كبيرة في السن مش شابة اقصد يعني بس انا بوسوس معاها اوي ولو حصل مواقف فيها مزاح معاها يعني المواقف دي تشغل دماغي وبيجيلي بقا وساوس او والله معرفش اصلا وساوس ولا لا إني لما بسألها سؤال او بكلم معاها اني بعمل كده عشان متعلق بيها وان ده حرام وتقريبا اصلا من كتر تفكير عقلي باطن بقا بيحلم بيها فيعني موضوع قلقني اوي ومش عارف اكلم مع حد فيه وفي حاجات تانية بوسوس فيها بس مش قادر اكلم بجد
لعرض السؤال في فدني اضغط هنا
لو سمحت انا جالي نوبه هلع من فتره وبعدها وساوس وافكار غير منطقيه وغريبه وبتخوفني واحلام غريبه وكتيره ومزعجه وكأني بين الواقع والخيال ونوم متقطع وموخرا بقيت احس ان في ناس بتكلم فدماغي من منطقه الجبهه كدا خصوصا في مرحله الدخول في النوم وبحس ان دماغي كأنها بتتفكك وتروح في حته تانيه وصوت بينده عليا اثناء النوم كدا احلم حلم كأني عيشاه وارجع تاني اصحي النوم اي تفسير دا و روحت لدكتور وحاليا لسه بادئه من يومين اخد دواء سيرباس واميبريد ٥٠
لعرض السؤال في فدني اضغط هنا
سلام عليكم
نفسي فيها حاجة وحشة ، بيجيني كبر ورياء ، نرجسي جداً يعني ، وحاولت أصلح من نفسي مش عارف
أنا حرفياً بعاني من ضعف شخصية مش طبيعي وطول الوقت تعبان وبعمل حاجات وحشة مع نفسي ثم مع الغير وتعبت من مدح أهلي ليا ، عشان طول الوقت قاعد ساكت ومش بعمل حاجة لحد ، فجأة نفسي بيجيلها شعور وحش
وطول الوقت بيجيلي أفكار وحشة عن الدين وعن سيدنا النبي وعن ذات الله
تقريباً وصلت لدرجة نفاق مش طبيعية
وأهلي مش بيساعدوني
وأنا مش عارف أساعد نفسي
لعرض السؤال في فدني اضغط هنا
انا عندي 18 سنه
في مره اتزنقت وكنت عاوز اروح الحمام وأنا ف الدرس وخفت وجالي وسواس انا ان ممكن اعمل حمام ع نفسي وخايف ع طول وديما افكر ف إن اعمل حمام ع نفسي بس مفيش حاجه بتحصل بس بخاف لدرجة اني كنت بخاف اروح الدروس او اروح اصلي وبقيت اروح اي مكان خايف وبقالي بالضبط سنه وجالي اكتئاب وزعل على نفسي إن انا لسه صغير ويحصلي كدا وقلبت معايه بأضرار تانيه بقا عندي توتر وبقيت بتمنى الموت وبقيت عصبي جامد لدرجه اني مبكلمش اهلي بس مش عارف والله اي دا مرض ولا بلاء مش عارف وياريت حد يشوف حالتي دي لاني اقسم بالله تعبت جامد
لعرض السؤال في فدني اضغط هنا
انا 3 ثانوي تمريض، دايما بحس ان انا شخص مش كويس ومحتاجة تعديل في حاجة، انا كنت شخصية هادية ولطيفة دلوقتي بقيت كل ما اتكلم احاسب نفسي كتير هل انا محترمه ولا طريقة كلامي وحشة حتي عندي وسواس في الدراسة وبخاف اني متفوقش في دراستي وكله يخيب ظنه فيا كل ما بمسك التليفون شوية بحس اني بضيع وقت كتير لو مسكت التيلفون شوية مبذكرش كتير او انا اللي بحس كدا وبحس اني محتاجة ضبط سلوك
بجد مش عارفة اتصرف وكل شوية الوسواس تزيد
لعرض السؤال في فدني اضغط هنا
دائما ما أفكر في ابسط الاشياء وادقق في ابسط التفاصيل وهذا الشئ يؤثر علي حياتي بشكل كبير جدا فأنا شخص حساس لاقصي حد ذهبت الي طبيب نفسي من حوالي 3 سنوات واستمر الأمر معي حوالي سنتين وتوقفت عن العلاج لعدة اشهر ثم عدت للعلاج منذ فترة قريبة لكن لا اشعر بتحسن ابدا مع العلم اني الحمد لله محافظة علي فروضي الدينية ولكن اخاف علي ابي وامي من الموت واخاف علي اخوتي من الدنيا واخاف علي نفسي من المرض وهذا الموضوع يسبب لي مشاكل كثيرة جدا وايضا تعرضت لصدمات الطفولة ومعاملة سيئة لي ولأمي واخوتي من الأقارب فهذا الأمر يؤثر كثيرا علي نفسيتي اريد حل انا لا استطيع النوم ولا استطيع ممارسة حياتي بشكل عادي ومن لا يوجد لديه حل فليدع لي ولأهلي وله بالمثل واكثر
لعرض السؤال في فدني اضغط هنا
يا ريت اللي يعرف يشخصني يرد 😔
أنا ١٨ سنه
مشكلتي إني بحس بضغط كبير اوي و توتر لما بكون قُدام أشخاص معينه و ينظروا لي كتير و أنا بتكلم مع حد تاني بحس إني مش عارفه أتكلم أو اضحك او افتح بؤي و بحس برعشه في وجهي بعيني و شفايفي بتكون واضحه جدا وعقلي بيفكر كتير اوي و برتعش و من فتره اعتزلت كل الناس و اصحابي لمده مش بتكلم مع حد ابدا و طول الوقت عصبيه جدا جدا و بفكر طول الوقت كتير جدا.
مع القريبين مني مش كده خالص و محدش يلاحظ عليا لأني ف مكانه اجتماعيه كويسه و شخصيتي قُدام الناس بكامل اناقتي دايما بلبس أحسن لبس و أبين للناس إن الlife style أحسن حاجه و متفوقه دراسيا كمان بحس إن نظرتهم ليا بتخليني ارتعش و فمي ما اقدر افتحه بس بحس إن اللي عندي ده كله من الاسره لانهم دايما يتخانقو مع بعض كبار و صغار و لأني متربيه من ونا صغيره بالشده و اقل غلطه كنت بتعاقب بالضرب و دلوقتي بعاني من الoverthinking دايما بفكر جدا ف حاجات مش عايزه أفكر فيها🙂
انا مش عارفه عندي رهاب اجتماعي ولا لا بس اللي لاحظته إني بقدر انزل لوحدي عادي و اشتري و اخرج و اكلم ناس أول مره اشوفها و اهزر معاهم و كنت ف اليوم التعارفي للجامعه اتعرفت على ناس كتير و مكانش في اي stress و كنت اجتماعيه جدا و مش عارفه انا عندي وسواس ولا توتر ولا في اي
لعرض السؤال في فدني اضغط هنا
انا بعاني من اكتئاب حاد شديد مدمر حياتي من 5 سنين رحت لدكتور مخ واعصاب تخصص نفسي
كتب ادوية كتيرة كنت بداوم لفتره وبنقطع وبرجع تاني ليها بسبب الانتكاسات
أفكار الانتحار ملحه بشكل جنوني، نفذت واحده منهم بس اتراجعت من الخوف. مدمرة تماما ومش لاقيه حل، ومش مقتنعه بالعلاج السلوكي لأنه صعب اتكلم بسهولة
اعراضه هدتني جسمانيا وروحي بيتم سحبها ببطء. هل في اقتراح؟ اخد جلسات كهربائيّة، وارجع تاني للدواء؟
لعرض السؤال في فدني اضغط هنا
ازيكم
بكتب الكلام دا بعد تفكير طويل بس انا امي بتدعي عليا من وانا طفله،!!!!!
حاليا انا عندي حاجه وعشرين سنه ومهما تلقت نصايح بدون اي فايده مازالت مستمره وانا صغيره ربنا ابتلاني بمرض مزمن والحمد لله منَّ عليا بالشفاء بس امي بتعايرني بمرضي وتعبها معايا الي الان اكتر من حاجه وعشرين سنه بتدعي عليا بالسكته القلبيه او حاجه تخبطني وبتقولي الدعاء ليه مش عايز يستجاب !!!!!
حرفيا ع اقل حركه اعملها بقصد او بدون قصد بتدعي عليا ف كل وقت حتي وقت الاذان وكمان في رمضان وانا تعبت مش عارفه أراضيها ومش عارفه عملت اي او ذنبي دا غير اني بسمع أفظع الكلام ومقدرش اذكره طبعا نفسيتي ادمرت بقي عندي وسواس قهري بقيت مستنيه استجابه دعاها اي وقت والله العظيم انا كل يوم ما بنام من التفكير والقهر .
لعرض السؤال في فدني اضغط هنا
🥥🍇كياف اتخلص من و سواس المذاكرة
لعرض السؤال في فدني اضغط هنا
انا كنت شخصا واثقا جدا من نفسي وكنت شخصا محبوبا جدا من الناس وكنت شخصا ايجابيا جدا وكانت حياتي رائعة جدا وكنت اتلقي المديح من طرف الناس ولكن في ظرف اسبوع بدات ابحت عن الكمال ونسيت ان كل شخصية لديها عيوب وفجأة بدأت احس كل الناس تراني بطريقة سلبية وتضحك علي وأصبحت لدي حساسية من النقد والكلمات التي لا تؤثر علي اصبحت تؤثر علي جدا وأصبحت أدخل في حالات اكتئاب وبقي لدي 6 ايام لاعود الي المدرسة وأخاف من الناس ارجوكم أنا أريد ان اعود الي حالتي الاولي واتخلص من هدا الشعور
لعرض السؤال في فدني اضغط هنا
السلام عليكم
أنا متزوجة ومعايا طفل وعندي وسواس الموت نفسي اخف من واسواس الموت افيدومي
لعرض السؤال في فدني اضغط هنا
في بعض الاحيان اجلس مع الاصدقاء وهم يطلقون النكات مع بعضهم وقد كان لدى احد الاصدقاء كلب وفجأة قال احد الاصدقاء ان الكلب افضل مني ولكن انا محتار هل كان يقول ان الكلب يشبهني او كان يمزح فقط وانا مريض واشك في نفسي وليس لدي تقة في النفس وأجدني انغلق علي نفسي من ابسط كلمة ارجوكم اريد الحل لانني تعبت من هده الوساوس وهده الشكوك
لعرض السؤال في فدني اضغط هنا
انا خلصت ثانوية عامة وامتحنت بشق الانفس بسبب نوبات هلع الشديدة الى كانت بتحصلى طول السنة وسواس الموت +الاعراض الجسدية الصعبة جداا وللاسف كنت يحارب عشان امتحن وكان بيحصلي اغماءات وكل ده بالامتحانات الحمد الله نجحت بس مش المجموع الى هو بمستوايا وتفوقى طول سنواتى الدراسية الى قبل الابتلاء الى اصابنى فى هذه السنة حلمى ضاع للاسف بسبب الى مريت بيه ده وتعب وتفوق ١٢سنة لم اصل للمراد وكنت مفكرة لما اخلص كمان من السنة هرتاح من النوبات شوية لكن للاسف موجودة والخفقان والاعراض بقيت اشك ان عندى حاجة جسدية بس الدكاترة بيقولوا مفيش حاجة جسدية انا حاسة انى تايهة اوىي مش عارفة اقوم من تانى ولا عارفة اتخطى السنة دى ولا عارفة امارس حياتى ٢٤ساعة نايمة على السرير لان الاعراض بتاعة النوبات والخوف الملازم طول الوقت تاعبنى وهالكنى حرفيا مبخرجش الا للضرورة لدكتور واذا خرجت دوخة وخفقان وتزداد. النوبات انا مش عارفة ايه سبب كل ده وليه حياتى مرة واحدة تدمرت ليه كدة دى مش انا ولا دى حياتى انا مش عارفة اعمل ايه حرفيا بموت كل لحظة كتبت جزء بسيط جدااااا بالى بمر بيه لعل حتى لما اكتب الاقى حد يقولى اعمل ايه او الاقى نصيحة تفيد حالتى دى
لعرض السؤال في فدني اضغط هنا
يوجد شخصية عنيفة بداخلى وأنا لا أعلم
لما بسأل نفسى عن حاجات وبيجى موقف يظهر حاجه تانيه خالص كنت فاكره انى اتعالجت من صدمات الطفوله والمراهقه وبقيت متقبله المشاكل دى وخلاص فى مشاكل وصدمات بفتكر انى اتعالجت منها وفالآخر تطلع تراكمات وكمان متعالجتش ولسه موجوده بكون مش عارفه ويجى موقف يظهر ده.
يعنى انا كنت الاخت الصغيره المدلعه لحد من اربع سنين جت اختى الصغيره واللى حواليا قعدوا يقولولى بهزار أن مكانى اتاخد وان انا خلاص مبقتش الدلوعه وكنت بستغرب نفسي ان انا مش متضايقه ولا بغير منها لحد ما بيحصل موقف بطلع رد فعل بعدها بقول هو انا ازاى كنت حاقده عليها الحقد ده وانا معرفش يعنى من شويه كنت بهزر معاها وفاكره انى بحبها جدا جدا لحد ما اكتشفت انها دخلت تلعب فى الحاجات إلى انا مخبياها عنها وبوظتها كلها دخلت اتعصبت بطريقه غبيه وقعدت اضرب فيها جامد وهى كانت نايمه للعلم هى عندها 5 سنين المهم بعدين دلوقتى فكرت ازاى انا طلعت رد الفعل الغبي ده ازاى لما بزعق ليها لو احنا لوحدنا بقولها كلام ميتقالش لطفله زى أن انا إلى جيت الاول وإن هى غبيه وبارده وهكذا وبكون تقريبا مش فى وعى الكامل وبسأل نفسي بعدها ازاى انا بحبها اوى كده ورغم كده جوايا كلام حقود مكنتش اعرف بيه غير لما اتحطيت فى موقف عصبنى وطلعتو الناس بتقول الكلام الى بتقولو وانت متعصب بيكون تراكمات وحقيقه طب معقول انا بكون بحب حد ولما اتخانق معاه اقولو كلام معرفش انو كان جوايا ؟ وده بيحصل مع كذا حد مش هى بس وكمان انا اتخيلت انى بضربها جامد لحد ما فقدت الوعى انا بتخيل تخيلات عنيفه بس بقول لنفسي ازاى انا اتخيلت كده هل ده طبيعي لما حد يتعصب ؟
لعرض السؤال في فدني اضغط هنا
في الصف الثالث الاعدادي عانيت من وساوس كفرية بعدما كنت شخص ملتزم وكان جزء من السبب اني كنت اسأل عن كل شبهة تراودني فيزيد الوضع سوء لان الشبهة كانت تثبت في رأسي وتلح عليا مرارا وتكرارا للبحث عليها حتى يمكن أن اجن اذا لم يكن هاتفي معي للبحث عن السؤال وتدهورت حالتي وانخفض مستواي الدراسي ثم تعافيت تدريجيا وذهبت الى الثانوية في الصف الأول والثاني الأمر كان عادي او كنت لا زلت قادرة على تجاهله لكني كنت اعاني من فترات متباعدة على مدار السنة يتكرر فيه الأمر بشكل مختلف فكنت اهرب بالنوم ولا اقدر على المذاكرة
المهم اني حاليا في الصف الثالث الثانوي وهي سنة مهمة جدا بدأت معي بعودة الوساوس في الدراسة والدين والعلم والحياة وكل شئ وكنت ابحث مرارا وتكرارا ووقتي يضيع ولا استطيع التركيز في المذاكرة او الحصص واخاف واتوتر ويضيق صدري وأريد البكاء دايما واتمنى الموت اكثر من مرة وأشعر اني سأفعل بالرغم من اني متفوقة الحمد لله ولكن اعاني من إحباط وحزن ومهامي اليومية تأخذ وقت طويل ولا أستطيع انجاز اي منها وقلت شهيتي وتواصلي مع من حولي واصبحت حزينة دائما وانام كثيرا جدت بعد وقت كبير من التفكير تعبت والله تعبت وعايزة حل مش عارفة اعيش اقسم بالله انا عارفة ان ده مش انا بس مش لاقية حل
وفقدت الشغف في مستقبلي لا أعرف لماذا واستغرب وقت طويل افكر في الاحداث السلبية التي حدثت لي
لعرض السؤال في فدني اضغط هنا
كان عندي من فتره نوبات هلع وخوف ووساوس قهريه اني ممكن يجن عقلي بعدين راحت الوساوس كلها عندي يمكن وساوس اخري مش بتروح كنت شغال ف بيئة عمل مزعجه وصعبه لمده سنتين ونص تركت العمل من جالي وسواس قلت يمكن تعبني نفسي ورحت ومكنتش انام رحت لدكتور نفسي كتبلي دواء النوم يخليني انام المشكله عندي ف اني عندي خوف من الشغل لما اتخيل اني مثلا ف البيت وهتابع شغل اخاف او ان اشوف حد شغال مثلا اخاف اقول ليه هو شغال علطول كده بيجيني توقع انه شغال حياته كلها مبيروحش وفكره ان اتخيل ان حد يشتغل بالبيت وتجيني اسئله كتير عن الشغل واخاف مثلا زي ايه الواحد بشتغل وليه الحياه كلها عباره عن ناس تشتغل بس محتاجه مساعده
لعرض السؤال في فدني اضغط هنا
عندي مشكلة إني دايماً مشتت، تركيزي بيروح بسرعة شديد النسيان وده مأثر على دراستي خصوصاً ان دراستي صعبة ومحتاجة ذاكرة حلوة، عندي شغف لتعلم حاجات كتير وبتعلم بس ساعات بحس ان عندي نقطة كده بوصلها مش بتحرك بعدها، عندي Adhd وده كان باين من صغري لأني شخص بيفكر كتير وعشوائي، ودايما لما بحاول اعتدل في شئ في اصوات في دماغي بتيجي تحقر فيا بسبب ذنب مش عارف اتخلص منه لأني متعلق بيه وده برضو عائد على حتى تركيزي في العبادات شبه مش موجود بحس ان بعمل شوية حركات
لعرض السؤال في فدني اضغط هنا
انا عندي وسوسه دايما او هس هس يعني ان انا تخنت لما ادخل كده او 2 كيلو ببقى ببقى مقهورة، بروح لدكتور على طول... على طول شايفه نفسه تخينه على طول عايزه اقلل من اكلي حتى لو انا جعانه ما باكلش ايه دايما عندي هاجس إني انا تخينه ولو باكل بتخن ولازم امنع كل السكريات بالشهور واللحوم والفاكهه والخضار وكل حاجه والمخبوزات ساعات بغيب طول النهار ما اكلش اي حاجه وافضل اشرب في ميه بس لحد ما يكونش قادره عايزه دايما نوصل لجسم مثالي ولا بقى تخينه قوي ولا رفيعه قوي ابقى في الوسط رحت الجيم واخذت حبوب مكمل غذائي ولعبت رياضه ولعبت تمارين خلال شهري كان جسمي استجاب وكان حلو بعديها وقفت لان انا لسه متجوزه جديد وربنا ما كرمنيش بالخلفه فقالوا لي غلط عشان الخلفة فقعدت لقيت جسمي زاد بقيت 72 كيلو بدل ما كنت 65 و 63 فانا حسيت نفسي تخنت وده بان علي وعايزه اخس دلوقتي وما عنديش قابليه ساعات اشوف نفسي حلوه مش عايزه احس إني تخينه جامد فلو حد عارف طريقه ان انا اخس بيها واشد بها جسمي واثبت وزني بيها يا ريت يقول لي انا كنت متابعه مع دكتور وما كنتش ماشيه على النظام بالضبط ما امشي عليه اسبوع او اسبوع لا انا دلوقتي مش راضيه عن نفسي يا ريت تفيدوني
لعرض السؤال في فدني اضغط هنا
علاج قوي الوسواس القهري من خلال سلبيات قديمة مفجعة بالإضافة لكسل في العبادات مع مراعاه تعبي من الأدوية التي تفتح الشهية ومادة الريسبردال
لعرض السؤال في فدني اضغط هنا
انا محتاجه اتكلم مع شيخ في ان ازاي الواحد كان متقبل حاجات بقالها سنين وكان بقاله سنين متقبلها وجه دلوقتي افتكرها ورافض اللي كان بيحصل زمان وان ازاي كده (بغض النظر ان الحاجات ديه خلت البني آدم شخص ناضج) انا بتكلم علي انه ليه الواحد يبقي متقبل حاجات بقاله سنين ويفتكرها مره واحده ومش متقبلها كأنه لسه في الحاجات ديه وليه الواحد يرجع ينتكس نفسيا تاني بعد ما كان كويس ارجوكم انا محتاجه صفحه شيخ كويس ويدلني بكلام ديني يريحني ويرد عليا او رقم شيخ انا مش محتاجه دكتور نفسي لاني مش هرتاح غير من كلام شيخ او حد فاهم المشكله ديه سببها و حلها ايه من ناحيه الدينة لاني مش عايزه اوقف نفسي علي حاجات قديمه بقالها سنين ومش عارفه اساعد نفسي ازاي
لعرض السؤال في فدني اضغط هنا
انا المفروض لسه متخرجه جديد ومن صغري لحد دلوقتي عمري في حياتي ما ارتبطت بشاب ابدا كنت بروح لدروس ومدارس مختلطه كان فيها ولاد حلوين جدا شكلا لدرجه ان كل البنات كانو بيحاولو يكلموهم وانا الوحيده اللي مش بعمل كدا بحكم اني هاديه وتصرفاتي عقلانيه نوعا ما ، فيه كام واحد منهم حاول يكلمني فيس وواتس ايام ثانوي لكن عملتلهم كلهم بلوك لاني مش متعوده علي كدا كنت مراهقه ملتزمه اوي في دروسي ووقتي مليش في الشغل ده ، عدا الوقت وخلصت الجامعه وانا مفيش حد دخل حياتي اطلاقا كنت متضايقه شويه بس في نفس الوقت رافضه موضوع العريسان لاني مش عايزه اتجوز ، لحد ما بدأت انزل استوري لقيت شخص من اللي كانو بيحاولو يبعتولي زمان بيتابع استورياتي ، الولد ده بالذات كان عامل ضجه كبيره بسبب انه حلو اوي وارتبط بكذا بنت منهم واحده زميلتي فضل معاها مده طويله وبعدين سابو بعض دلوقتي انا متضايقه جدا من نفسي انا اللي طول عمري مليش في الشغل ده واي حد يحاول يكلمني ابلكه ولو عمل كدا في الواقع اتجنبه افرح ان واحد اعرفه من ثانوي بيشوف الاستوري بتاعي!!!! لا وكمان بدأت اتابع اكونتاته انا حرفيا مستصغره نفسي جدا انا ازاي اعلق نفسي بواحد زي ده واساسا ده اعجاب سطحي انا معرفهوش ولا اعرف اخلاقه وكل اللي بيعمله انه بس بيشوف الاستوري حتي مش بيبعت حاجه انا ليه عامله كدا في نفسي كدا انا صعبان عليا نفسي اني بتابع واحد الله اعلم اصلا فاكرني ولا لا صحيح بيشوف استورياتي اول بأول بس بردو تلاقيه بيتسلي الله اعلم قولولي اعمل ايه خايفه لو عملتله بلوك ارجع افكه لاني بجد لو فكيته هعمل زي المدمنه المنتكسه ساعتها هكره نفسي جدا واللي هيقولي انتي فاضيه لا مش فاضيه وبعمل مليون حاجه بس الموضوع ده شاغلني اوي مش عارفه انا ازاي اتعلقت كدا وانا اصلا طبيعتي تقيله اوي يمكن عشان بيني وبين نفسي لكن لما بصادفه في الشارع بعمل نفسي مش واخده بالي وانا من جوايا مبسوطه انا محتاجه افوق بجد
لعرض السؤال في فدني اضغط هنا
السلام عليكم بعد اذن حضرتكم انا تعبان بجد نفسي دلوقتي كل اما اكون ماشي في الشارع اسمع لفظ وحش من واحده باخد الكلام علي نفسى حتى لو اللفظ ده مش متوجهلى وبفضل افكر فيه كتير ومش عارف اذاكر كل اما اجى ازاكر افضل افكر في الموضوع ده ومش عارف اذاكر ياريت حد يفضنى ويقولى اعمل ايه
لعرض السؤال في فدني اضغط هنا
السلام عليكم ورحمة الله وبركاته
هل يوجد شيخ او مرقي هنا يفيدني
اولا منشوري ليس فيه تفسير احلام ولكن لازم اكتبه مع صياغة الكلام
كان عندي منام يتكرر عندي ثلاث مرات رايت في المره الاولى اني خايفه من الجن ياخذ شعري والمره الثانيه اخذوه والمره الثالثه عملو لي سحر بشعري ف فسرت هذا المنام عند مفسر و مرقي بنفس الوقت والصراحه اثق في تفسيره جدا واخبرته ان صديقتي مسحوره هل يمكن ان اكون قد تاثرت بها فقال لا قد يكون عندك الجن الي فيها عاشق لك واعطاني فيديو للمس وكذا وكان في بعض الصفات الي تنطبق مع حالتي ف بدائت اسمع رقيه شرعيه عن الجن العاشق وكذا ف عندما يقول اللهم احرق كل عاشق بالجسد يصير عندي رجفه باليد وابرجل ومنطقة البطن اليسرى و اول مره سمعت الرقيه صار عندي غثيان وصداع واحس بفراغ بداخلي ما كنت اقدر اسمع الرقيه كنت اخاف ولكن اجبرت نفسي على سامعها رقم يدي بعض الاحيان ترجف خوف مع العلم انا الجن ما اخاف منهم اللهم لك ف سمعت الرقيه لمدة يومين وتركتها وبعض مرات لما اسمعها اشوف انا وصديقتي وكانها ماسكه يدي وتناظرني ومره ثانيه جالسه تسحبني وترقص معي
ومرات اشوفها تناظري بنظرات غريبه وانا علاقتي جدا قويه بصديقتي ولا اقدر اتركها
ف كيف اقدر اتخلص من هذا الشي هل يوجد رقيه خاصه اقدر امشي عليها لان الصراحه ما اقدر اخبر اهلي اخاف يبعدوني عن صديقتي ولا عندي امكانيه ادخل واتابع رقيه مع شيخ خاصه
لعرض السؤال في فدني اضغط هنا
انا عايشة مع والدتي ...هي حاليا ٦٠ سنة. مؤخرا بقا ليها طباع عجيبة ديما قلقانة وخايفة وبتشك في اخواتي الكبار انه هيئذونا وهيسجنوها وهييهدلونا ...وهم محدش منهم يجرؤ يعمل كدا في الحقيقة ...قلقانة وخايفة من مشكلة مثلا النور والكهربا لو حصل شيء في العداد في الشركة هتيجي تقبض عليها لأنها هي ماسكة البيت بعد وفاة بابا وهكذا ...وتفضل طول الليل صاحية تفكر في كل حاجة ورايحة جاية واحيانا تخبط في ايدها او في رجلها بإيدها وتسرح كتير وتحلم بكوابيس ... واحيانا مترضاش تستحمى وترفض تاخد العلاج ...فكرت كذا مرة اعرضها ع دكتور نفساني لكن هي كانت بترفض وع طول بعدها تتحسن وشوية بعدها ترجع لاصعب من الاول ...مش عارفة اعمل ايه وكل دا ليه ...وخايفة يحصلها حاجة واقصر في حقها او اعمل فيها حاجة غلط وانا مش فاهمة ....
بابا متوفي من ٨ شهور
عملنا تحاليل وظايف كبد وكلى وغدة وكله كويس ...بس هي عندها الضغط وكانت بتوقف العلاج بالشهر مع نفسها مش بتبلغني
لعرض السؤال في فدني اضغط هنا
هو حاجة غريبة بس انا بحب الخير للناس اكتر من نفسي وعندي استعداد ابقى فاشلة عادي بس باقي الناس تنجح ومتضرش بسببي
يعني وانا فتالتة اعدادي جبت مجموع عالي الحمدلله ٩٩ واختي كانت غيرانة مني عشان بصلي من صغري الفجر بفضل الله وحده حاضر ومتفوقة فأهلي على طول يفتخروا بيا قدام قرايبي وبسبب ده خصمتني وبقت توقفلي عالواحدة
وانا جالي اكتئاب ومبقتش اذاكر كتير ولما دخلت الجامعة الحمدلله شيلت مادتين وبرضو مش هاممني اهم حاجة انها متضايقش من نجاحي وانها متحسش انها وحشة بسببي
حتى عملت بيزنس بسيط جدا اني اشتغل فالجرافيك واصمم اعلانات مدرسين وكده وكمان بحب التدريس فدخلت تربية عن حب فاهلي دايما بيقولوا لاختي انها تبقى طموحة لانها مش بتسعى فمجالها لكن بيقولولي برافو عليكي واني شاطرة وطموحة بس من وراها عشان متضايقش
هم نفسهم بيخافوا يمدحوني قدامها
انا عاوزة حل ليا لاني بقيت خايفة ارجع متفوقة زي زمان لاني لو ذاكرت بإذن الله اجيب امتياز بتوفيق ربنا وبالدعاء مش شطارة مني
انا عندي فوبيا بس كل مافتكر اني يوم مانجحت اختي قلبت عليا وهي كانت اغلى حاجة عليا بقيت اكره النجاح والتميز
ارجوكم قولولي حل لاني حاسة اني بقيت مريضة نفسيا
مع العلم ان دي اختي الكبيرة وكمان هي شاطرة بس بستغرب لي بتدايق من نجاحي انا طول عمري بعاملهاحلو وحاولت اصالحها اكتر من مرة ومفيش فايدة
لعرض السؤال في فدني اضغط هنا
أنا اغتسلت من الحيض إلي الأن ثلاث مرات أخر مرة كنت متأكدة من طهري تماما وغالبا كل المرات لأني مش يغتسل غير لما أحط قطنة إذا طلعت نظيفة اغتسل بس اللي يخليني أعيد الاغتسال أني مثلا أشوف سائل أصفر أو هكذا رغم اني شوفت شيء أبيض تمام بس برضو دماغي موسوسة شوية لا حول ولا قوة إلا بالله العلي العظيم فأنا النهاردة متأكدة تماما برضو من طهري لنزول السائل الأبيض كذلك بس أنا قبلها على طول كنت أغتسلت بس صحيت لاقيت بقعة بس دم صغيرة وانا عارفة لأني كنت اتعورت وكدة بس عشان ملقتهاش في الأول فدماغي وسوستلي بس المهم حاليا متأكدة جدا من طهري وقبل ذلك كنت متأكدة برضو بس عشان عاوزة اغتسل تاني عشان استريح من التفكير فأية تبقي النية أصل لو مثلا النية كانت الأغتسال من الحيض مرة أخرى هل دة ممكن يخلي صلاتي اللي فاتت مش مقبولة بس معتقدش عشان المرات اللي اغتسلت فيها كنت متأكدة من طهري أصلا فأنا هخلي النية أني بغتسل من الحيض إذا لم أكن قد تطهرت مع أني متأكدة أني تطهرت بس النية أنه تأكيد أني متطهرة عادي صح
لعرض السؤال في فدني اضغط هنا
السلام عليكم ورحمه الله وبركاته
عندي مشكلة واحدة و هي اني مش فاهمة انا عايزة ايه و اي مشكلتي حاسة أن في كلام كتير جوايا و مهما قلته للمختصين النفسيين أو لاهلي مش بيوصلو معايا لحل مناسب مع العلم أن أفكاري و مشاعري عبارة عن فوضى كله داخل ف بعضه و بجد حاسة اني مش مستحملة بس المشكلة الأكبر اني لاحظت بشكل واضح اني معاني من القلق المفرط بالمعنى الحرفي لدرجة أن احيانا ضغطي بيوطى و بتوتر جامد و أيدي بترتعش و بحس اني ناسية حاجة و اقعد اراجع كل حاجة جبتها معايا ف الشنطة مثلا و خايفة حاجة تضيع و ابص عليهم ما يقارب ال 5 مرات و اتاكد أن السوسته مقفولة كويس و اقلق أن الشنطة ممكن تكون مقطوعة و وقتي يضيع ف قلقي و انا داخلة تالتة ثانوي و من القلق و الضغط اللي مش مظبوط بحل الاسئلة غلط بالرغم اني مذاكرة و اجيب درجة وحشة جدا و أما ابص على اجاباتي الاقيني عارفة الصح و من القلق بعلم على الغلط و بجد حاجة تقهر و خايفة من كل حاجة و عندي وساس أن في مصيبة هتحصل و بجد دي مبقتش عيشه
لعرض السؤال في فدني اضغط هنا
عندي كذا مشكله من فتره بسبب علاقات قديمه كانت كلها كدب بقيت بشوف كل الي حواليا كداب وبيغلط فيا من ورايا و وسواس كتير وممكن احلم بحد انه اذاني فالحلم واصحى اكون مضايق منه وممكن اشيل من حد بسبب سيناريوهات وحاجات ف دماغي محصلتش اصلا ولو حد غلط ف حقي وقررت اني اوجه بيجيلي رجفه كدا وايدي بتترعش مع اني مش بكون خايف بس احساس جوايا كدا لو حد يعرف اعمل اي ياريت يقولي
لعرض السؤال في فدني اضغط هنا
انا كل ما لما أشوف واحد ملتزم وبيتأثر بالقرآن أو بيبكي بستغربه وبحس كده ان فيه حاجة غلط يعني راجل ده زي كائن فضائي وكلمة متدين يعني مش فاهم متدين ده كائن فضائي يعني والي مش متدين ده كافر يعني ولا ايه والواحد متلغبط مش فاهم انا رايح فين ولا هيحصل ايه بحس ان إيماني فيه مشكلة وبحس اني تايه مش عارف هيحصل ايه يا تري هخش الجنة ولا النار متلغبط وبحس اني تايه والله ببكي على حالي ومش عارف مفروض اعمل ايه ولما اسمع درس بحس في حاجة غلط في إيماني مش مظبوطة عندي
لعرض السؤال في فدني اضغط هنا
السلام عليكم انا بيحصل معايا حاجه غريبه جدا ومرعبه فى نفس الوقت كل ما اقول حاجه بهزار أو حتى افكر بصوت عالي تحصل يعنى لما اقول مش هروح درس النهارده لازم لازم يطلع سبب من تحت الارض يخلينى مروحش اقول انا حاسه انى هتعب قبل الامتحان ومتعبش الا قبل الامتحان بالظبط بابا بردو قال انا بفكر اشترى عربيه معينه شافها واحنا عندنا عربيه بس قال بفكر اشترى دى عشان اعلمكوا عليها السواقه بعدها ب10 دقايق عملنا حادثه كبيره ونص العربيه من قدام اتدمر جدا لمجرد انو قال انو محتاج يشترى واحده جديده وكل ما نقول بتفكر نجيب حاجه القديمه تتكسر بعدها علطول وكل ما اقول حاجه تحصل بس الحجات الوحشه بس معرفش ليه وبعدين سمعت عن مقوله بتقول اقداركم تؤخذ من افواهكم طيب هو مش ربنا عارف أننا مش قاصدين أو اننا بنقول كده مجرد تفكير ليه الكلام بيتحقق وهل الواحد ياخد بالو من كل كلمه اصل فى كلام بيتقال مجرد تفكير ده انا حتى لما بفكر ف حاجه ممكن تحصل والله منغير ما اقول مجرد تفكير بس الاقيها حصلت طب ايه الحل
لعرض السؤال في فدني اضغط هنا
انا فتاة أبلغ من العمر ١٦ سنة غير متزوجة ولكن اشعر دائما بالرغبة في هذا الأمر اعاني من ألم في المنطقة الحساسة لأعلم أين في المهبل ام داخله ألم يزداد بين الشفرتين أعاني من الافرازات الكثيرة الوسواس القهري اشعر دائما في الحكة والهرش والدغدغة وأحيانا الألم المستمر ماذا افعل لا أستطيع أن اشرح لأحد أصبحت تقلق من هاذا الأمر
لعرض السؤال في فدني اضغط هنا
انا بفكر كتيير يجدعان وده مخليني سرحان طول الوقت بفكر كتير اوي وبحلل اي حاجة حتى لو تافهة يركز في حاجة ومببطلش تفكير ببقى يذاكر مثلا واسرح مبقتش اثق في نفسي زي الاول كنت الاول واثق في نفسي لدرجة يعني غريبة جدا يعني بحب نفسي جدا انا دلوقتي مش واثق في نفسي وكل ما احاول ارجع زي الاول الأفكار السلبية تعطلني انا منتظم في الصلاة وفعلا بتجيب نتيجة بس مؤقتة وبعدها برجع لحالة الشك في الذات وقدراتي زي مايكون في حد ضدي في دماغي بيوسوسلي بأفكار سلبية رغم اني عارف انها سلبية ومش حقيقية بس برضو بتأثر عليا بعد مكنت بزاكر مادة كاملة ليلة الامتحان وبكل سهولة ولأول مرة كمان وجيب اكتر من زمايلي لاني عارف قدراتي ومؤمن بنفسي جدا دلوقتي ممكن اقعد في درس اربع خمس ساعات وبتوه وبسرح دائما وساعات تانية ارجع لحالتي الطبيعية انا تعبت بجد وانا لسة في بداية تالتة ثانوي الأفكار جاية تجبلي دلوقتي يعني دانا عامل حسابي أن تالتة دي هبقى غير فيها وفعلا عندي الشغف بس الأفكار مش سيباني وتوضيح الأفكار دي بتبقى تقليل من نفسي
لعرض السؤال في فدني اضغط هنا
انا عندي 16 سنه من فتره كده من حوالي اربع سنين دايما كان بيجيلي احساس اني هموت خلاص وبدأت اتعب كتير واروح عند الدكاتره وكان معظم التحاليل بتاعتي كانت بتطلع كويسه بس من ساعتها وانا حاسه اني هموت خلاص وطول الوقت حاسه اني همدانه وتعبانه ومخنوقه ومش قادره وحاليا كنت تعبت بردو وروحت عند الدكتور وعملت تحاليل وطلع عندي حاجه اسمها حمي روماتزميه وقريت عنها حاجات كتيره اوي وعرفت عنها انها حاجه خطيره ومن ساعتها وانا طول الوقت حاسه ان ضربات قلبي سريعه وان كده خلاص هموت ومش هقوم من التعب اللي انا فيه ده ومش عارفه اعمل ايه بجد ومخنوقه اوي
انا بس عايزه اعرف هل احساس الموت ده حقيقي ولا لا؟
لعرض السؤال في فدني اضغط هنا
انا عندي مشكلة الثقة بالنفس وشخصيتي ضعيفه وحساسه شديد وبعاني من التفكير ساعدوني🥺🥺💔
لعرض السؤال في فدني اضغط هنا
لو باخد فلوس على قد ايه كلمة انتى واحده مريضه كنت بقيت مليونيره فعلا محدش تقريبا مقالهاش ليا امى وابويا واخواتى حتى اختى الصغيره اقرب صحابي كل الناس قالولى اى حد بيتعامل معايا وهو بيخرج حياتى بيقول انى حد مريض ومؤذى معرفش ليه يمكن عندهم حق ، عاوزه اقول مشكلتى النهارده وهى مشكله مضايقانى وهى ان انا مش عارفه افهم ولا احدد اسباب الأحداث الى بتحصلى ف حياتى وليه انا بعمل كده انا مش بحب اشكر ف نفسي كتير عشان مدخلش ف دور الضحيه وانى حد بقا ملاك وهكذا لا خالص انا فعلا حد كويس وجدعه جدا مع كل الى حواليا ولكن رغم كده بتفهم دايما غلط من فتره بقا بدأ يحصلى حجات غريبه بتعصب بسرعه جدا بقول كلام مؤذى للى حواليا باخد بريكات كتير ف العلاقه عشان اهدا وارجع واقول هاخد بريك تانى ولفى بينا يا دنيا ، حرفيا مفيش حاجه بتتغير خالص مبعرفش اكمل ف علاقه عادى بحس بملل وزهق وانى مش قادره استحمل وجود اهتمام ف حياتى بحس أن جوايا حد مؤذى بطريقه مش طبيعيه وحد تانى كويس جدا ونفسو يتغير صراع كبير جوايا ولكن للاسف بنسبه كبيره الشخص المؤذي هو إلى بينتصر سعات ببقا قاعده بكلم ف صاحبه ليا بحبها وقريبين جدا فجأه بحس انى عاوزه ابعد عنها ومش عاوزه اصاحبها بدون سبب ادايق منها منغير حاجه احس ان انا تقيله عليها وهكذا بإختصار هى حد كويس بس جت ف وقت غلط عاوزه افهمها ده حاولت افهمها ده بس هى متمسكه بيا معرفش ليه بس يمكن عبيطه شويه المهم بقا سعات ببقا قاعده بردو بلاقي اختى الصغير إلى عندها 5 سنين بس بتلعب عادى وتيجي تدخل الاوضه عاوزه تلعب معايا المفروض العب معاها عادى اه بعمل كده بس وانا ف نص اللعب بتعصب اقسم بالله بدون سبب وبحس انى عاوزه اقوم افرتكها واضربها عاوزه حد اطلع كل الغل إلى جوايا فيه مع انى بحبها واكيد مش هضربها كده ولكن مجرد تخيلات فقط وبعدين بقعد مع نفسي اقول ازاى فكرت كده وسعات كتير بطلع عصبيتى عليها مع انها طفله لسه حرفيا بتتعلم لسه ألف ارنب باء بطه هى دى كل حياتها ومع ذلك بحس أن الناس الي حواليا وبيحبونى عاوزه ابعد عنهم بحس انى عاوزه اكسر كل حاجه حواليا كل دى مجرد حجات بتيجى على دماغى فجأة بكون قاعده عادى وفجأه بتضايق حاولت اعالج نفسي بحاجات كتير حتى لما كنت بصلى وبقرب من ربنا مكنتش بحس أن فى حاجه ف حياتى بتتغير وانا عارفه أن مش لازم حياتنا تتغير بالصلاه لاننا بنصلى عشان ربنا مش عشان نتغير ولكن اقصد أن مفيش حاجه بتتغير حرفيا حتى معنديش ثقه اروح لدكتور نفساني ابدا ويدخل ف تفاصيل حياتى انا مش هحب كده حد فاهم حاجه ؟
لعرض السؤال في فدني اضغط هنا
عندي مشكلة بجد هو اني بعاني من الوسواس القهري فالدراسة و اي حد عنده وسواس عارف قد ايه ممكن يكون مزعج المشكلة اني عندي تبلد مشاعر برضو بتعالج منه ...علاج الوسواس الدوائي بيبلد المشاعر و العلاج المعرفي السلوكي تأثيره ضعيف مش عارفة اعمل ايه الدكتورة قالتلي الأهم دلوقتي ال ocdو المشاعر هنحاول نرجعها بس برضو مذاكرتي بتتاثر بالحالتين دول ورايا امتحان بعد اسبوع مش عارفة اعمل ايه حد عنده فكرة
لعرض السؤال في فدني اضغط هنا
تعبااان جدا ومحتاج دكتور يكون خبرة وأسلوبه حلو وعن تجربة لان حالتي نادرة شوية ومش اي حد يقدر يتعامل معاها ياريت اي حد يعرف دكتور كويس أو يقدر يرشحلي دكتور كويس عن تجربة ميتأخرش لاني قدور بقالي فترة طويلة ومش لاقي وفعلا جربت كذا دكتور ومحدش قدر يفهمني خالص
لعرض السؤال في فدني اضغط هنا
آخر فترة حاولت التقرب من اللَّه ولم اكن اضيع فرضًا والتزم على قدر الإمكان، لكن يأتيني احساس اني مهما فعلت فلن يكون اللَّه راضٍ عني او يقبل لي توبة، اعلم ان هذا من الشيطان ولكنه شعور صعب، والآن اصبحت اشعر ان الصلاة ثقيلة وبدأت اترك بعض الفروض واشعر بالضيق اذا بدأت الصلاة او استمعت للقرآن، اشعر اني منافقة وكيف اني اصلي وأُذنب بنفس الوقت؟ بدأت تأتيني شكوك بالدين وبدأت اكره الدين (استغفر اللَّه) واشعر ان اللَّه يكرهني لذلك زرع هذا الشعور في نفسي استغفر اللَّه، ساعدوني لا اعلم كيف اتصرف💔
لعرض السؤال في فدني اضغط هنا
ازاي اتخلص من التعلق المرضي انا متعلقه بي خطيبي جدا طول الوقت بيديلو اهتمام عن حدو طول الوقت عايزه اتكلم معه طول وقت فاضيه ومعنديش صحاب خااالص مش بكلم حد غيره وهو حرفيا بقا يزهق مني وحاسه انو هيسبني وهو قالي حاجه زي دي بس بطريقه غير مباشره وكمان بيشك فيها وهو خلص بعد عني بقاله كذا يوم ومش حابب يتكلم اعمل اي علشان اعالج نفسي من كل ده
لعرض السؤال في فدني اضغط هنا
جئت لأحكي ما في داخلي ولو اني ارى ان الوقت ليس مناسب نظرا للأشياء المتراكمة علي ولكن هنا اصل المشكلة ، الاشياء المتراكمة على ، اشعر بمشاعر متعاكسة متضاربة رغم ان حياتي هادئة تكاد تكون او هي على الأغلب خالية من المشاكل ولكني اشعر ان المشكلة بداخلي انا من ارى حياني بنظرة غريبة ينتابني الندم كيف لي ان اشعر هذه المشاعر وابي وامي يوفران لي كل ما احتاجه وانا بالمقابل لا افعل شئ لهما هذا ما اشعره انا لا اساعدهما في أي شيء اشعر وكأن ليس لدي قيمة في المنزل ان غبت ساعة او يوم او شهر لن يتأثروا من دوني فأنا لا املك اي مسؤولية في المنزل وهذا يصيبني بالألم الداخلي اشعر انني انانية لا افكر الا بنفسي فقط اني اذاكر لنفسي احفظ لنفسي اخطط وقتي لنفسي ولا ابالي بالآخرين ، اليست انانية ؟! ، أحياناً اشعر انني ليس لي الحق في ان احزن او اتضايق لعدة اسباب اولا انه ليس هناك سبب وجيه بينما امي وابي يحملان هموم فوق اكتافهما ثانيا انني فتاة مرفهة املك ما لا يملكه الكثير من الفتيات في عمري اصطفاني الله بكثير من النعم والوعي وانا حتى لا اذكره وهذا جانب اخر مما يضايقني اشعر وكأني ليس لي مكان بجوار الله لم اعد اقرأ اذكار الصباح والمساء وأقرأ فقط القرآن لأجل المسجد والاختبارات واشاهد المحاضرات الدينية كعادة روتينية اصبحت خالية من النوايا ، فكيف الثواب ؟! وشي اخر انني لا اتحمل مسؤولية اختياري اصبحت كثيرة الشكوى من التكاليف والمهام التي يجب ان انجزها وانا حتى لا انجزها اصبحت تتراكم حتى اخر يوم في الاختبار ، قمت بعمل جداول كثيرة مراراً وتكراراً لكنني يئست فدائما ما يمنعني كسلي وخمولي وطاقتي المنخفضة والتي دائما اشعر انها منخفضة وان ليس لي القدرة على فعل شيء ، عندما اكلف بمهمة فجأة ارى ان قلبي قد ضاق بي فبعد غد سيكون اختبار للقرآن وانا لم احفظ عندما حاولت بدأ الحفظ شعرت بالتعب وانني لا استطيع ان اكمل ولكني استطيع ان اهرب وقضيت ساعات على الهاتف بلا ملل وشاهدت فيلم كرتون فعلت كل شيء الا ان اقوم بما يجب ان افعله ، ااااه لا اعرف لماذا انا مكركبة هكذا من الداخل واحيانا ارى ان هذه امور تافهة ولا يجب ان نطلق عليها مشاكل ، فكرت العديد من المرات ان اهرب واخرج من البرامج التي انا مشتركة بها ولكن ما يمنعني انني اعلم جيدا انني سأندم فيما بعد ، ولكنها تشكل ضغطا علي برغم انها ليست بالمهام الكبيرة ولكني اريد ان اكون فارغة واعيش اجازتي ولكن في نفس الوقت اود ان تكون اجازة انتاجية واحقق العديد من الإنجازات ولكني اشاهد الاجازة تنقضي امامي دون اي جدوى وهذا يخنقني ويكأن الوقت يجري خلفي وانا لا استطيع ان اسبقه ، هناك اشياء كثيرة اود ان افعلها وان اتعلمها وان امارسها اود ان اتعلم الانجليزية ، اود ان امارس الرياضة ، واود ان اصنع كعكة ، اود ان اطرز رسمه احبها ، اود ان احلس واستمتع دون تأنيب ضمير ان هناك تراكمات خلفي وانا اتسكع ولكن لا ارى ان لدي وقت ، اصبحت اراني مهملة في كل شي حتى في نفسي اصبحت اسرح شعري كل ثلاثة أيام اصبحت لا اعتني ببشرتي ونومي مضطرب اسهر بالليل وانام بالنهار ، الكثير بداخلي ولكني احاول ان افهم لأكتب وهذا ما استطعت ان اكتبه .
لعرض السؤال في فدني اضغط هنا
السلام عليكم
انا بنت عصبيه جدا وهذا الشي مو بيدي
انا اكفر استغفر الله والله اني تعبت كل ما احاول ابتعد عن كلشي يخليني اتعصب ارجع واشوف تفسي بنفس المكان اهلي وبالاخص اختي تستفزني جدا كل ما اقول لها بعدي عني الله يرضى عليك كل ما اشوفك ما تقدر اسكت واكفر ترجع نفس الشي لما يكون عندي عطله اطلع من البيت حتى ما ابقى معاها لما اقول لها ابعدي عني والله انا مو يمك تقول تكفرين ذنبك هذا الله يحطك انتي بجهنم والله تعبت كل ما احاول ابتعد ارجع نفس الشي و اكثر هذا الشي مو بيدي اقعد وابكي واصرخ اقول ل امي ابعدو عني لا تتقربون مني ولا اتقرب منكم بس نفس الشي
احد ينصحني بس لا تتهجمون علي
لعرض السؤال في فدني اضغط هنا
السلام عليكم ورحمة الله وبركاته أنا حرفيا زعلانة ويعاني اوي في حوار الطهارة يعني أخر فترة يعني مش عارفة أي اللي بيحصل دو حاجة تتعب هشرح اللي بيحصلي الحوار بيدأمن الأول أخش الخلاء عشان اتوضي عشان متضايقش وانا بصلي وكدة فاخش الخلاء هل اعمل الخلاء وأقوم علي طول لأ بفضل قاعدةةةة عشان بحس أن لسة في بول فأفضل قاعدة قاعدة وفعلا بينزل قطرات بس أنا مكنتش كدة والحوار بقي يضايق وكمان بقعد اغتسل من البول وقت طويل ومثلا أقوم من الأغتسال وأنشف دماغي تقولي أني نسيت اغتسل ونشفت عليطول أنا بحس كدة ومش بعرف تتجاهل حرفيا أو دماغي تقولي أنه نزلت قطرات بول وانت بتنشف مش بعرف تتجاهل خالص أروح اغتسل تاني وأنشف واحس أنه نزل قطرات بول وتقريبا أغلب الوقت بيكون دة بول حقيقي فاغتسل وأنشف خلاص خلصت اخش علي الوضوء بقي أكون حاطة في دماغي أني خلاص غسلت وشي ثلاث مرات بس دماغي تقولي لا دول اتنين وساعات بشطفه تاني بس حرفيا بكون بحاول تتجاهل بس مش بقدر بقول افرضي طلع بجد وكمان أنا بعيد غسل العضو لو شكيت بالماء المستعمل اللي استعملته في غسل العضو مش بجدد المياة فهل دة يجوز وخلصت الوضوء باجي أصلي أحس أن في إفرازات بتنزل وانا بصلي وبشوف في ملابسي هل في حاجة نزلت ولا بس مش بلاقي حاجة وكمان خلال اليوم بحس كدة ونادرا لما بلاقي حاجة اصلاوالحوار دة بيضايقني ببقي حابسة نفسي أغلب الوقت وببقي عاوزة أصلي نوافل بس ببقي خايفة ينزل حاجة أو أخرج ريح وكمان أنا مرة أغتسلت بسبب تفيكري في حوار أني أحتلمت وانا مش عارفة مع أني ولا شفت معاشرة في النوم ولا شوفت إفرازات علي ملابسي بس تفكيرر تفكير تفكيررر فقررت اغتسل عشان ميكنش نزل حاجة وانا مش عارفة افتكرت اني لما اغتسل التفكير هيروح بس بعد الأغتسال كل شوية أقعد أعيد السيناريو بتاع هل أنا نويت عشان لازم النية طب أية كنت بفكر فيه أية وانا كنت داخلة بنية الأغتسال عشان لو أحتلمت وانا مش عارفة وكمان مرة كنت بصلي فجاني ريح فكتمته وأثناء الصلاة وقفت ثانية وبعدين قولت لأ أنا متأكدة أن مفيش حاجة طلعت وكملت صلاة لما خلصت صلاة دماغي كل شوية بتقولي وتعيد السيناريو وانا فاكرة أني قولت أني متأكدة أن مفيش حاجة طلعت وكتمتها وأني لو كنت حسيت اصلا انها طلعت لثانية كنت هقطع الصلاة وتعيد وتعيد ويحاول تجاهل في الحتة دي وكمان شعور الإفرازات دةة خلال اليوم والصلاة واصلا مفيش حاجة بتنزل علي ملابسي ف بكل بساطة أعمل أية عشان مش عارفة تتجاهل ونفسي أرجع زي زمان بس أنا فعلا بحس بالحاجات دي أن في قطرات بول بتنزل وفعلا بينزل وهكذا أنا مش عارفة كنت بعمل أية في قطرات البول دي لما مكنتش كدة بس حل لأني بحس انها حقيقة وأنه ماذا لو فعلا هل كدة صلاتي باطلة وهكذا يارب يعافيني من الوساوس أو مش عارفة أيدة بس أسأل الله العفو والعافية
لعرض السؤال في فدني اضغط هنا
لعرض جميع الاسئلة في فدني اضغط هنا