السلام عليكم
أنا ثانوية عامة علمي رياضة
أنا كويسة جدا في الرياضيات و الدنيا معايا حلوة اوي بحل واجبي كله صح الحمد لله و لو وقف معايا أسئلة في الغالب بيبقي سؤال او اتنين بس مش اكتر
بس بآجي في الامتحان مش بعرف أحل اوي زي الواجب و بجيب درجات وحشة.
ولما سألت مساعدين المستر قالوا لي دا الواجب بيبقي اصعب من الامتحان و كدا انا بصراحه بتوتر اوي في الامتحان و كمان لو حد اتكلم او في صوت ولا حاجه تركيزي بيقل و ببقي متشتته اوي اعمل اي عشان نفسيتي تعبت لاني ببذل مجهود جامد و ف الآخر بجيب درجه وحشه ف الامتحان
لعرض السؤال في فدني اضغط هنا
السلام عليكم ورحمة الله وبركاته
عندي شويه مشاكل ومش عارف ليهم حلول
من انا وصغير وانا دايما بطلع الاول علي المدرسه لحد ما وصلت لأولى ثانوي بس جيت في أولى ادمنت مواقع التواصل الاجتماعي بدرجة رهيبة لدرجه إنه مستواي نزل خالص وتانية ثانوية ذاكرت شوية بس كنت بعاني كتير من المتراكم عليا
انا دلوقتى في تالتة ثانوية وحرفياً انا ضايع في مواد اللغات مثلا الانجليزي وعربي وده بيسببلي إحباط
بقيت أحس ان حلي ضاع مني وان انا فاشل ... انا مراكم وبحاول الم في المتراكم اللي عليا. انا مبنامش غير ٥ ساعات في اليوم عشان اكون عملت الي عليا
بس برضو انا ضعفت جدا في الانجليزي
قولولي الحل ازاي الم الانجليزي او اكون عامل محصله كبيره جدا من الكلمات والقواعد
لعرض السؤال في فدني اضغط هنا
اريد تعلم البرمجة في سن الشباب مع توفر الهاتف والكمبيوتر
هل يمكنني تعلمها من الصفر؟
كيف ومن أين ابدأ تعلمها ؟
وما هي اسهل طريقة لتعلمها ؟
لعرض السؤال في فدني اضغط هنا
السلام عليكم
انا ثانوي عام و بقيت في تانيه ثانوي و لكن النظام بقى صعب و الحضور بقى الزامي و كل حاجه بقت صعبه فحبيت اسأل عن عيوب و مميزات إن انقل من انتظام لثانوي منازل.
و يا ريت لو حد في جامعه و كان ثانوي منازل يقولي هل موضوع ان هو منازل اثر ف حاجه؟ هم بيقولوا ملهوش ولا كليه حربيه ولا عسكريه ولا سكن في المدينه الجامعيه.
طب هل برأيكم دا هيكون مأثر عليا مستقبلياً بشكل كبير ؟ او في التقديم هل بيخلو منازل اخر ناس فعلاً ؟ مع العلم في تالته ثانوي بتحول تلقائي انتظام تاني و بيرجعلي التابلت يعني حكايه إن لنا اخسر التابلت مش هتحصل
لعرض السؤال في فدني اضغط هنا
انا حاليا في تالتة اعدادي ورايا مذاكرة كتير وامتحاناتي قربت ومش عارفة اعمل ايه
لعرض السؤال في فدني اضغط هنا
السلام عليكم ورحمه الله وبركاته
كيف اقدر انظم يومى بين حياتى الجامعيه والمذاكرة والسكن انا بروح الجامعه وارجع ع 3 كده ازاى اقدر انظم الوقت بين ده كله وانا فى سكن خارجى
لعرض السؤال في فدني اضغط هنا
اي أفضل طريقة اتعلم بيها اي لغة
تكون سهلة وبسيطه
لعرض السؤال في فدني اضغط هنا
اي هو المخرج عشان انا عندي حاجه غريبة مع اني ملتزم جدا بحاجات كتير زي الصلاة والنوم والجيم لكن المذاكرة بالذات لما يجي وقتها ببدأ اسرح واتخيل حاجات رومنسية وجنسية بالساعات حرفيا وممكن افضل كدة وقت المذاكرة كله وفي الآخر مش بذاكر واليوم بيضيع مع اني بقالي اكتر من شهر ونص نادرا لما افتح سوشيال ميديا ومش بشاهد افلام ولا مسلسلات ولا عندي أصحاب اكلمهم ولا عايز اكلم حد
لعرض السؤال في فدني اضغط هنا
عايزه اذاكر ومش عارفه مكسله وكل ما اذاكر مش بكمل مذاكره
لعرض السؤال في فدني اضغط هنا
اريد كورسات مجانية ممتازة لتعلم اللغة التركية مجانا للمبتدئين
لعرض السؤال في فدني اضغط هنا
ادق واشمل. المصادر الاحصائيه. سجلات الهجره ام الدوريات ام التعدادات السكانيه ام الاحصاءات؟
لعرض السؤال في فدني اضغط هنا
عايزه اتعلم انجليزي اوي واكون كويسه فيه
بس مش عارفه اتعلم منين ولما ببدأ ممبقاش قادره اكمل سواء بقي في أي حاجه
مش بكمل اي حاجه الآخر
لعرض السؤال في فدني اضغط هنا
انا مدرسه وفي عندي طفل امه بتقول تشخيصه adhd هو الطفل وشاطر بس متمرد وعنيد وعايز يتعلم علي هوا
ومعنديش خبره في النوع ده اول مره اشوف طفل بشخصيته ...انا حازمه بس بخاف احزم معاه يتمرد
ايه الطريقه الصحيحه لتواصل معاه و ان يستوعب مني بشكل افضل ...وانا ملاحظه امه مدلعه وبتتحايل عليه مش عارفه تسيطر عليه
ارجو الافاده من متخصيص ايه افضل طريقة لتعامل المدرس مع اطفال adhd
لعرض السؤال في فدني اضغط هنا
السلام عليكم ورحمة وبركاته
انا طالبه فى الصف الثالث الثانوي علمى علوم وعندي طموح ونفسي ادخل طب بس انا من ساعة مادخلت تالته وانا مقصره فى كل حاجه مذاكرتى حتى مقصره مع ربنا اوقات بسيب فروض ومش بقرا فى القران وعندي تراكمات وبفضل ماسكه الفون بساعات كتيره وانا حياتى دلوقتي بايظه
نفسى اهتم بمذاكرتى واذاكر بالساعات ونفسى بجد اتقرب من ربنا والسلام عليكم ورحمه الله وبركاته
لعرض السؤال في فدني اضغط هنا
ماذا بعد حفظ قائمة الخمس آلاف كلمة الخاصة بأوكسفورد
لعرض السؤال في فدني اضغط هنا
السلام عليكم
اريد التحدث عن شيء يؤثر في نفسيتي بشكل كبير و هو الدراسه
أنا في الصف الثاني الثانوي و الجميع يقول لي أن أعيش حياتي في هذا السن قبل الدخول للصف الثالث الثانوي و أنا حقاً أريد أن اقوم بأشياء كثيره كتنميه هوايه و تمرن شيء معين و لكن لا أجد وقتاً للدراسه نفسها
القرارات الجديده مثل أن نذهب يومياً للمدرسه ولا نستطيع الغياب و إلا سيتم فصلنا تماماً من المدرسه أصعب علي حياتي كلها
اصبح روتيني متكرر يومياً - الذهاب للمدرسه ثم الذهاب للدروس و بعدها أرجع في وقت متأخر و أنام و هكذا على نفس الروتين - حتى أنني لا أجد وقتاً لكي اذاكر دروسي بنفسي و هذا يجلعني دوماً اشعر إنني لا استفاد أي شيء أبداً خاصةً انني انسى بسرعه كبيره حينما اعود من الدرس و انام أستيقظ و كأنني لم أخذ اي دروس و أكون قد نسيت الدرس
و قمت بعمل عملية لفتره و هي في عيني و ذلك صعب علي كل شيء
حيث اضطررت للغياب من المدرسه لمده كبيره و ذلك بسبب عيني لأنه ممنوع علي النزول في الصباح
و لم اذهب دروسي الخصوصية و جلست بالمنزل و قررت انني سأدرس في الفتره التي تتحسن بها عيني
و لكن اخذت الكثير من الانذارات بالمدرسه و اضطررت لعمل اجازه مرضيه و هذه الإجراءات اخذت مني وقت طويل و اصبحت مرهقه بشده حتى أنهم أصَّروا على نزولي في الشمس للذهاب لعمل فحص للتأكد من صحه كلامي و ظللت من الساعه ٧ صباحاً حتى وقت العصر و أنا بالخارج و كل هذا لعمل اجازه مرضيه
و كنت اتألم و لكن بالطبع لم و لن يشعر بي أحد
و لكن تمت الإجراءات بعد تعب شديد و الأن يجب علي أن ادرس في هذه الإجازه لأن الوقت سينفذ مني
في الحقيقه أنا اشعر بالإرهاق الذي لم اشعر به في حياتي أبداً و أشعر أني قد تعبت من الدراسه و من كل شيئ ولا أجد وقتاً لنفسي حتى و إن قررت إسعاد نفسي بعمل أشياء جديده مثل مشاهده فيلم حينها اشعر بالحزن اكثر ولا اشعر بالسعاده مطلقاً لأنه حينما اتذكر أنني ورائي دروس كثيره علي أن انهيها أحزن اكثر
و أيضاً فقدت كل شغفي في الدراسه و فقدت إحساسي بالرغبه في تحقيق أهدافي او تحسين درجاتي و اصبح لا يهمني مستواي الذي اصبح يسوء يوماً بعد يوم
أنا مستواي الدراسي في السنين التي مضت كان عالياً و كنت اريد المحافظه عليه حتى الوصول للصف الثالث الثانوي لكي أُحصل مجموع كبير و لكن لم اتوقع قط حدوث كل هذا نزل مستواي من قبل دخول الصف الثالث و اصبحت اشعر بالإرهاق كلما أمسكت كتاب
خاصه حينما اتذكر أن اجازه نصف العام ليست إلا إسبوع و أجازه أخر العام حوالي شهر و لا أشعر أبدا ان بعد كل هذا ستكفيني تلك الفتره لأخذ استراحه من هذا العذاب الذي اصبحت فيه
و نفسيتي أصبحت سيئه للغايه اصبحت اريد فقط النوم ولا ارغب بالإستيقاظ لكي لا أواجه هذه المشاكل التي لا تنتهي و اصبحت ابكي من كل شيئ اتعرض له او اي كلمه تقال لي ابكي منها بشكل هيستيري و عيني تصبح حمراء و كأنها قد تلونت بالدماء و مؤخراً يظهر لي شعر ابيض و يوجد حبوب في وجهي كثيره تزداد كلما حزنت و نغذات قلبيه مفاجأه و كحه تزاد كلما شعرت بالتوتر أو الحزن ولا استطيع الراحه حتى و أنا مريضه دائماً اشعر أن المرض يضيع وقتي و أنني كالعبيد لا يجب عليا الراحه حتى و إن كنت سأموت
اصبح نظام التعليم ظالم لأقصى حد ولا يهتم بالطلاب أبدا او بحالتهم الصحيه او النفسيه اصبحوا كل ما يهمهم هو الإختبارات التي اصبحت عاده الأن كل يوم اختبار و كل يوم ذهاب للمدرسه
لا اعتقد أبدا انني سأتحمل الرجوع للمدرسه بعد انتهاء اجازتي لست جاهزه لأي شيئ ارغب فقط بالراحه من كل شيئ و الهروب أريد حلاً بأسرع وقت و اعتذر عن الإطاله
لعرض السؤال في فدني اضغط هنا
كيف يمكنني تحدث اللغة الانجليزية بطلاقة وانا اعاني من مشكلة في نطق حرف lوrواخشي الاحراج
لعرض السؤال في فدني اضغط هنا
ازاي اتعلم لغه انجليزيه بطريقه سهله؟
لعرض السؤال في فدني اضغط هنا
أنا أعمل على مشروع تخرج بعنوان " الإحتراق النفسى لدى معلمى المرحلة الثانوية العامة" وأريد الاطلاع على الدراسات السابقة سواء كانت رسائل دكتوراة او ماجستير فى هذا الموضوع وتكون بى دى اف كى اطلع عليها
لعرض السؤال في فدني اضغط هنا
لما نيجي اذاكر النوم بيهل عليا ايه الحل
لعرض السؤال في فدني اضغط هنا
السلام عليكم ورحمه الله
انا تالته ثانوي ومش عارفه اتصرف كويس نظامي كله بايظ وعشوائي بنام كتير مش بعرف اركز في المذاكره كويس ودروسي كتيرة ومش عارفه انظمها مفيش داعم نفسي كويس لاني مش مصاحبه حد وحاسه اني مش عارفه اتصرف ومش عارفه اعمل اي حاجه
لعرض السؤال في فدني اضغط هنا
السلام عليكم
أنا فتاة أريد من حضرتكم نصائح لكيفية التحدث باللغة العربية الفصحى بدون معلم وفي وقت سريع أريد حل لهذه المشكلة لأني بحثت كثيرًا ولم اجد شيء نافع أريد ان اتحدث بدقه نحوية ومفردات عملاقة
جزاكم الله كل خير
لعرض السؤال في فدني اضغط هنا
أنا في السنة الأخيرة من الثانوية ،كان عندي امتحان في مادة بدلت مجهود وساعات من المذاكرة، كنت أدعو الله كل ما اذاكر بس ما في تحسن. قرب الامتحان دعيت الله انه يسر لي وأحله بمجهودي بدون ما أغش وحتى اذا كنت بدي أغش اريد من الله ان يعسرها علي، في يوم الامتحان صار عكس كل شي وغشيت، حتى وأنا غشيت احس اغلب الاجوبة خاطئة، احس بخيبة امل ، فقدت شغفي و مليت.
مايمكن احسن الظن بالله اني احصل على نتيجة حلوة لاني غشيت
لعرض السؤال في فدني اضغط هنا
السلام عليكم
أنا دفعة ٢٠٢٠، شلت ٤ مواد، دخلت السنه اللي بعدها نجحت ف ٣ بس ومعايا عربي قعدت من ساعتها.
اعمل ايه عشان اقدم تاني واخش الماده واحكولي عن كرم ربنا لان حاسه اني فاشله
لعرض السؤال في فدني اضغط هنا
حاليا انا من طلاب تالتة ثانوي و في الواقع انا نفسي اكون مهندس في السنة المقبل واحقق حلم لأهلي و لنفسي ولكن أشعر بعدم الثقة في نفسي في القيام بهذا الأمر ولا اعرف وفي الواقع انا أشعر بالقلق و ايضًا عدم الرغبة في فعل اي شيء.
للأسف الدراسة الآن سئ لحد ما ولا اعرف ماذا افعل واحيانا أشعر فقط إني اريد ان يأخذني احد في حضنه ويقول لي إن كل حاجة هتكون تمام.
كل شخص يقول لي ما مدى تأثير هذه السنة علي حياتي وده بيزود الضغط علشان انا عارف ان انا بيضع السنة مني وبصراحة الأمر كل يوم بيكون صعب وحاولت اشوف مساعدة ولكن انا عارف ان مافيش حد فاضي ولكن علي الاقل حدا يقول لي ازاي اساعد نفسي
لعرض السؤال في فدني اضغط هنا
السلام عليكم
أنا بنوته وانا بكتب روايه وانا سمعت مقوله حب رواياتك الناس هتحبها وانا بقرأ كتب عشان أكسب مهارات اكتر ونفسي انشرها وانا بقالي سنه بكتب فيها عشان فيه ناس قالت الاخبره وبس انا مش لاقيه حد يساعدني في نشرها وانا قلقه من الناس لحد ينصب عليا وايضا انا بعرف اكتب قصص وروايات وخواطر انا لدرجه حبي بدأت اطور من نفسي وانا دخله في مسابقة وطنيه ونفسي وحلمي اكسب فيها لانه هتغير حياتي وحياه اهلي وكمان انا بقلق شديد عشان انا في شهاده ولازم اذاكر عشان اجيب درجه كويسه وانا اول فرحه لبابا وماما لازم افرحهم غير اني نفسي اتعلم انجليزي وحاوت بس مش عارفة ومفيش ناس كويسين
وانا تعبت بس كل حاجه عليا وانا من درجه الخوف قلبي وضربات قلبي سريعه وخوف وتوتر وصداع كمان انا لو قلت لاهلي هيوقفني لاني ليا تاريخي مرضي في الرئة بس انا عاوزة اكمل وهي طالبة اتكلم اللغه العربيه الفصحي والجولة الأولي في شهر اربعه وامتحانات في خمسه انا مش عرفه اعمل ايه
لعرض السؤال في فدني اضغط هنا
السلام عليكم
انا بنت ومنزله برنامج اسمه hello talk وانا بسجل اول مره عملت حسابات متعددة لاني كنت خايفه من التطبيق وبعد كده عرفت انه طبيق حلو وظهرت ليا رساله ان حسابي متعلق اعمل ايه وقولوا لي هل التطبيق ده كويس ولا فييك؟
لعرض السؤال في فدني اضغط هنا
السلام عليكم ورحمه الله وبركاته أنا طالبه في ثانويه عامه 2025 بذاكر وبحل قبل ما اروح أي امتحان شامل بس في الاخر بجيب درجات وحشه اوي مش بعدي النص وده عاملي مشكله وخلاني مش عايزه اذاكر ممكن حل
لعرض السؤال في فدني اضغط هنا
بما إني بحب المكان هنا جداا وبحترم أراءكم جدا وولا مرة ندمت لما جيت اتكلمت هنا ف هتكلم شوية وبعتذر لو هطول
تعبت كتير في ثانوية عامة والتعب يمكن مكنش مقتصر على السنة لإني من زمان جدا جدا بستعد لها نفسيا ودايما أشوف نقط ضعفي علشان أتخلص منها وأوصل وأنا نسخة أحسن علشان أجيب مجموع عالي يرضيني ويرضي أهلي وفعلا تعبت جدا وضغطت على نفسي لحد ما فعلا جبت أخرى وعملت إللي يخليني أقول الحمد لله مكنش في أكتر من كده في إيدي أعمله، ااإمتحانات جات حليت كويس جدا وراجعت من نماذج مدرسين وبعدها نماذج وزارة لما نزلت بعد النتيجة وكنت حسب الحسابات والواقع هجيب مجموع الكلية اللي عاوزاها وأعلى جدا كمان، لكن شاء ربنا إنه يحصل ظلم في الكنترول من تبديل أوراق إجابات وعك كتير وألاقي نفسي جايبة في كل المواد النص يعني ساقطة ومرفوعة بدرجات رأفة، طبعا يعني إحساس طالبة مجتهدة وشاطرة بشهادة المدرسين وكتبها وامتحاناتها وحلها وتعبها تلاقي نفسها جابت كده مكنتش أنا لوحدي المعرضة للظلم بس أعرف ناس أشطر مني بمرااحل جابوا بردو مجاميع مش حلوة، الحمد لله ربنا كرمني ولحقت كلية طفولة مبكرة ودخلت قسم تربية خاصة، حاولت بصراحة أكتر من مرة أسعى في إني أحول كلية تانية أو أختار حاجة تانية علشان أدرس مجال ليه علاقة بالكيميا إللي كانت حلم حياتي أكمل فيها دراسة بس سبحان الله الموضوع مش متسير تماما ف أدرك إني هنا لحكمة معينة ف قررت ألغي فكرة التحويل وأكمل زي ما أنا..
للأسف نفسيا مش قادرة أتخطى ولا قادرة أتقبل الوضع إللي أنا فيه وإني مش بدرس الحاجة اللي بحبها " الكيميا" وكمان فكرة إني طلعت من السنة خسرانة كل حاجة، خسرت حلمي اللي ضحيت بكل حاجة وإستحملت حاجات كتير علشان ميضيعش من إيدي، صحابي إللي حصل بينا فجوة كبيرة أوي في ثانوية بسبب الدراسة وزادت لما ملقتش حد منهم جمبي في كل مرة كنت محتاجة وجودهم، الكتابة إللي بقيت مرتبطة معايا بذكرياتي كلها وأنا بعافر ووأنا بخرج الطاقة السلبية بيها مبقتش عارفة أكتب ولا طايقة، كنت بحب أذاكر جدا مبقتش طايقة أذاكر كل مكان في البيت بيفكرني بالمرات اللي ذاكرت فيه فيها أيام ثانوية.
قلت هحاول اتأقلم وأحب الكلية وأكون صحاب الكلية مش لاقية لينا مكان فيها ف قررت إن قسمي وقسم عام هيبقى ليهم محاضرات أونلاين ف بقيت بنزل الكلية يوم واحد وباقي الأيام أونلاين طبعا باقي الأسبوع بقيت قاعدة في البيت تحديدا أوضتي لا بذاكر ولا بنزل ولا بطلع كلمت صحابي وخرجت من الجروب وبعدت عنهم شوية وعزلت نفسي، الأسبوع إللي فات صاحبة ماما كلمتني انزل أتدرب عندها في المركز ومدرسة القرآن بتاعتي كلمتني أرجع أحفظ ونزلت فعلا وبدأت أحاول أعيش تاني بس غصب عني مش طايقة ومش قادرة أتقبل الكلية وإتقفلت منها تماما بسبب الإهمال الزيادة وإنعدام النظام فيها وطبعا شكلها إللي يسد النفس 😂 "الكلية كانت مدرسة والمكان مكسر بقى"
المشكلة عندي بعد دا كله إني فعلا مش قادرة أبذل بربع جنيه مجهود في المذاكرة، يعني كان نفسي أوي أعوض وأجيب تقدير وأرتب على الدفعة " الكل بيقول إن في كليتي دا سهل جداا" بس أنا خلاص بقي عندي إحساس إني فاشلة ومش هنفع وأي مجهود هعمله مش هوصل لحاجة وكمان اللي عزز عندي الفكرة نظرة أهلي وكلامهم ليا إنهم فقدوا فيا الأمل وكلامهم ديما عن إني غير مسؤولة وكسولة "مع إن غصب عني لما ببقى متدايقة بحس عضمي كله واجعني وإني مش قادرة أتحرك"..
أسفة جدا جدا على إني طولت عليكم بس أنا كنت محتاجة أتكلم بس علشان كاتمة بقالي كتير وهفرقع منهم😂😂
لعرض السؤال في فدني اضغط هنا
السلام عليكم ورحمة الله وبركاته
انا طالبه في الصف الثاني الثانوي انا مشكتي ان مستواي الدراسي بتراجع بشكل كبير جدا وبنسى كتير جدا ومش عارفه اركز ابدا وديما مشتته وعلى طول غارقه في افكاري السخيفه والله انا ضايعه فعلا.
مع العلم اني في الازهر وكمان علمي، واللي مضايقني اكتر ان الامتحان فاضلو شهرين وانا مش عارفه اعمل ايه حاسه كل حاجه ضدي.
والله انا مش سلبيه ابدا، بس التغير دا فعلا كبير وملحوظ انا في تالته اعداداي مكنتش بقوم من علي الكتاب لدرجه ان كنت باكل علي المكتب علشان مقمش ومضيعش وقت والحمد لله جبت مجمع كبير وطلعت من الاوئل ومكنتش بنسى خالص وتركيزي كله كان علي الدراسه، بس دلوقتي انا تايهه وحاسه ان مش هلاقي حل لمشكلتي دي لان انا فعلا بحاول كتير اني احل المشكله دي.
ابص الاقي نفسي متأخره جدا ومراكمه مواد واجي اذاكر احس اني مرهقه جدا وعايزه انام وبغسل وجهي وبعمل قهوه بعني اصح بحاول بكل الطرق اني منمش غير لما اخلص اللي عليا بس مش بيحصل حاسه اني متأخره جدا الكل اتقدم حتي اللي كان مسواهم ضعيف بقيو افضل مني والله انا تعبت جدا والله مش عارفه اعمل
لعرض السؤال في فدني اضغط هنا
عايزة تجارب شخصية في ازاي اقدر اعمل محتوى واسوق علي منصات التواصل الاجتماعي وايه القنوات والكورسات المجانية الي ساعدتك توصل لطريقك وبالفعل تحقق مصدر دخل باقل الامكانيات والخبرات وفكرة محتوي سهلة ومختلفه
لعرض السؤال في فدني اضغط هنا
يا جماعة انا بنت عندي ١٧سنة بقالي فترة كبيرة حياتي متغيرة و شخصيتي متغيرة اوي معنتش بهتم بدراستي و لا بقى عندي اي طموح في اي حاجة وبقيت بفكر كتير في اني عاوزة احب و ارتبط و اتجوز و مش عارفة ابطل تفكير في الحاجات دي و كمان بقى عندي خيالات رومانسية كتير و انا كنت متفوقة جدا طول عمري بس مش عارفة اايه الي حصلي و مستوايا التعليمي نزل جدا و طبعا انا عارفة اني قاصر و مينفعش اتجوز و كمان انا مش قد مسؤليات الجواز و لا اهلي هيرضوا يجوزوني دلوقتي و كمان انا عارفة ان الارتباط حرام و مستحيل ارتبط بس انا نفسي في علاقة حب و ان يكون في حياتي واحد بيهتم بيا و بيسمعلي و بيقف جمبي و يبقى ليا صديق و. حبيب و كل حاجة و دي بقيت كل رغبتي في الحياة نفسي اتخلص من الشعور ده علشان عارفة ان ده مش وقته بس مش عارفة نفسي ارجع اهتم لدراستي و يبطل يبقى عندي مشاعر الحب الغبية دي
ياريت يا جماعة تساعدوني
لعرض السؤال في فدني اضغط هنا
مليش نفس اذاكر وحاسه اني نفسيتي مش كويسه نفسي اتغير بقا
لعرض السؤال في فدني اضغط هنا
بقيت مش عارفه اذاكر حاجه، مستواي قل، تركيزي انعدم. مش بعرف اقعد ساعه على بعض نومي متلغبط و اقدر اقول على نفسي اني مدمنة موبايل
ايه الحل دلوقتي مستقبلي بيضيع
لعرض السؤال في فدني اضغط هنا
حاليا انا طالب ثانوي عام و مررت بفترات خلتني مذكرش بقدر الكافي خالص ودايما كان عندي احساس بتسويف المبالغ فيه وغير مشاكل زي تنظيم الوقت وسوء الصحة البدنية بشكل عام بسبب بعض المضاعفات اللي عندي وكمان انا عايز اني اتغلب علي بعض الإدمانات اللي عندي زي ادمان الاكل ومع العلم ان جسمي مش مليان اوي ولكن حاسس بقلة الصحة والضغط الدراسة بسبب التركيات وغيرها وعايز أنظم الكلام ده بس مش عارف وفي دايما وسواس كل لما دراسة اللي هي انت مستحيل تدخل الكلية دي ومش عارف اي وطبعا ربنا هو الرزاق ودي حاجه في يد الله وانا بدور علي حاجة تساعدنا في تنظيم الضغط وكل الحورات الكتير دي علشان انا مش عارف ليه شايف أنه جبال فالرجو الإفادة
لعرض السؤال في فدني اضغط هنا
السلام عليكم ورحمة الله وبركاته
انا في كلية خدمه اجتماعية في الفرقه الثالثه وانا حاليا بنزل تدريب في رعاية شباب المركزية في الجامعه ومطلوب مني اتحدث عن بعض المواضيع المهمه والمفيده فعن ماذا تنصحوني اتحدث
لعرض السؤال في فدني اضغط هنا
حاليا انا طالب في الصف الثالث الثانوي وغير كل ده انا مدمن في بداية رحلة التعافي ولكن اعاني من اعراض انسحاب قوية ناتج عن الإدمان ومنها ضعف البدن والصداع المزمنة وألم في الظهر ولا اعرف ازاي اتعامل مع كل ده وغير الضغط الدراسي والدروس وضغط التركمات اللي عليا ف اتوكل على الله واسالكم الإفادة والدعاء
لعرض السؤال في فدني اضغط هنا
إزاي أوجه مذاكرتي لوجه الله ويكون فيها بركة
لعرض السؤال في فدني اضغط هنا
السلام عليكم
انا تالته ثانوي عام الدنيا متلغبطه معايا بطريقه مش طبيعيه كنت ف الاول بذاكر دلوقتي ولا بذاكر ولا حتى بروح دروس نفسيتي تعبت جدا بعدت عن ربنا ومهما انوي الرجوع مش برجع.
من حوالي شهر ونص ارتبطت بواحد لأو مره فحياتي، انا طول عمري رافضه الموضوع ده وعارفه انو حرام وبعدت حتى عن صحابي اللي بيكلمو شباب بس الفتره دي مكدبش عليكم كنت حاسه اني نفسي اجرب اوي اني ارتبط وكده
وفعلا ارتبط ومن هنا بقى مبقتش اذاكر خالص تفكيري كله فيه اتوهمت انو شخص بقى خاتم القرأن وباباه شيخ وبتاع فمن حوالي اسبوع كد قررت اسيبو بسبب بصراحه كلام صحبتي وكلام معلمتي وانه كان بيتعدى حدوده ف الكلام.
المهم يعني اخدت الخطوه وسيبته وانا زعلانه جدا ولحد الان مش عارفه اتخطاه وراكمت كمية حاجات كتير جدا مش عارفه ابدأ منين درس حتى الكيمياء بكره وبسبب اني غيبت الحصه اللي فاتت ومعوضتهاش في المنصه احتمال يمشوني.
انا تعبت اوي اوي عندي بكره امتحان في القرأن ومش مراجعه برضو انا حاسه اني تايهة طول النهار نايمه يومي بايظ جد مش عارفه حتى اعدل نومي كل اللي حواليه يا دكتوره وانا فعلياااا مش عارفه اعمل اي ابدء منين.
مليش نفس اعمل اي حاجه خاالص بجد تخنت وشي باهت تماما وللاسف برضو انا بعمل العاده كل اما احس اني مخنوقه اتوجه ليها مش عارفة خالص ابطلها انا بجد عايشه ليه كل حياتي ذنوب ف ذنوب مش بعمل اي حاجه مفيده اهملت في دراستي صحتي عبادتي حتى علاقتي مع صحابي بايظه مليش نفس اتكلم مع حد انا ف فتره وحشه اوي اوي بجدد 😭😭😭
لعرض السؤال في فدني اضغط هنا
أنا بذاكر كتير لدرجة إني بنام ساعه أو ساعتان بالكتير وبنسي بطريقة فظيعة لدرجة لو واحدة صاحبتي قالت لي حاجة وأنا في الدرس يا دوبك أوصل البيت بكون نسيت كل حاجة وبنسى بسرعة ومبعرفشي أحفظ بسرعة لدرجة إني بضيع يوم كامل علشان تعريف أو سؤال
لعرض السؤال في فدني اضغط هنا
انا طالبه طب وبما اني ادرس الطب فتخصصي يحتاج لساعات دراسه اطول وبتركيز وانا افتقر لهذا الشي اي ان كل ما احاول ان اجلس واذاكر اقصى وقت هو ساعه الى ساعه ونصف وبعدها اخسر تركيزي حاولت توزيع وقتي وابعدت كل سبل التشتيت ولكن لا فائدة وهذا الشيء بدأ بأثر على درجاتي وبالتالي نفسيتي ما الحل ارجوكم
لعرض السؤال في فدني اضغط هنا
انا طالبة بكلية زراعة فرقة اولي من مصر حصلت علي مجموع 72% لكن كان حلمي دراسة كلية الطب و اهلي غير موافقين علي كلية زراعة لانهم يرون انها انسب للولد عن البنت و يريدون ان احول لكلية تربية عام واكون معلمة انا لم اكن اريد سوي الطب ولكن اخترت زراعة لانها كلية علمية في نفس مجال دراستي
قدموا لي نصيحة من وجهة نظركم و لماذا ؟
ماذا افعل و ما الصحيح؟
و هل هناك طريقة للالتحاق بكلية الطب ؟
لعرض السؤال في فدني اضغط هنا
السلام عليكم
انا اعمل مدرس احياء وعلوم متكاملة ..وأريد أن أبدأ دروس ولا اعرف كيف ابدا بالخطوة الاولى يعني باقي التفاصيل اعرفها الي حد كبير ولكن الخطوة الأولى لا اعرف كيف ابدا..
هل اروح للسنتر أقوله عايز اكون مجموعة ؟
ولكن بحس اني كده يقلل من نفسي فاهم ..
ياريت لو حد عنده فكره عن ازاي ابدأ يقولي من فضلكم
بس انا عايز أوضح حاجة ..انا اقسم بالله مببص للموضوع على أنه مادي وفلوس وكده ..انا فعلا نفسي اخد فرصة من ربنا اني احاول اصلح حاجة في الجيل اللي طالع لان كل مدى والجيل بيبوظ والفتن بتكتر ..نفسي ربنا يديني الفرصة ويستخدمني في إصلاح ولو حاجة بسيطة في المجتمع..لان ده اللي اتعلامناه في الأزهر الشريف من صغرنا ..وياريت لو حد يعرف سنتر أو حاجة يسيبلي رقم تلفونه أكلمه
انا ازهري
لعرض السؤال في فدني اضغط هنا
ساعدوني كيف اوجد حل
انا شاب ادرس في الجامعة ، دائما ما يراودني انني اقل من زملائي في المستوى التعليمي في كثير من الاحيان ، لا اعلم كيف احل هذه المشكلة و احيانا اجد صعوبة في الفهم، ساعدوني ماذا افعل
لعرض السؤال في فدني اضغط هنا
السلام عليكم ورحمة الله وبركاته
انا عندي مشكله اني لما بسمع كلام بيضايقني من ناس مقربه ليا بسكت خالص ومش برضى ارد وده بيضايقهم مني جداً وبيفضلو يقارنوني بغيرهم انا عندي 16 سنه
وكمان مش بتكلم معاهم كتير معنديش القدره اني ادخل معاهم في اي موضوع غير اني اخري اسأل عليهم، انا بكتب شعوري في ورقه احيانا وبكتب حاجات ليا ع الفون ونفسي اكون كاتبه
بس عندي تراكمات كتير مش عارفه اذاكر وبماطل علي طول نفسيتي زفت
لعرض السؤال في فدني اضغط هنا
انا ف تالته ثانوي وقربنا ندخل ع شهر ١١ وأنا لسا متراكمه كل المواد او خلينا نقول مبدتهاش يعنى مفيش ماده حاسه اني حطيت ايدى عليها كدا بمعنى اللي هو مفيش لا ماده اتقنت فيها حاجه حاسه ان الامتحانات قربت خالص وحاسه بخنقه وضيقه ف صدرى خصوصا كل ما احس انو الامتحانات قربت,
عايزه طريقه مذاكره كل ماده وازاى احل كويس نفسى السنه دى تخلص نفسى تعدى نفسى تعدى ونا راضيه او مش مهم انا ترضى أهلى
لعرض السؤال في فدني اضغط هنا
انا طالبه ازهريه فى الشهاده الاعداديه. ودخلت مسابقه وفزت على مستوى مدرستى في المسابقه دى بس حاسه ان تكملتى فيها هتعطلنى عن دراستى وان الوقت اللي بضيعه فى الاجتهاد للمسابقه مذاكرتى اولى بيه بس اهلى كلهم بيشجعونى علشان اكمل حتى المشرفه بتاعت المدرسه بتاعتى بتشجعنى وبتقولى ان انا لوخرجت هتلغى المسابقه كلها لأن مفيش حد شاطر ف المسابقه دى زيى.
والمشكله ان الموضوع ده بياخد مني وقت وجهد كبير. وانا مضغوطه جدا وبعيط لأنى مش عارفه اذاكر كويس. وايوا اهلى بيشجعونى بس مش بيساعدونى وبيضغطوا عليا وانا حاسه انى مش حمل ده كله. وانا كمان عندى اهداف تانيه اكبر من كده. بس في نفس الوقت عايزه اكمل ومش عايزه اضيع المجهود الى انا عملته. انا مش عارفه اعمل اى ممكن حد يفيدنى.؟
لعرض السؤال في فدني اضغط هنا
نفسي الاقي جروبات واتس او فيس للمذاكرة والاقي صحبة صالحة عالنت نشجع بعض عالمذاكرة زي ما في ناس يتشجع بعض عالعبادة عشات انا معنديش غير صاحبة واحدة فالكلية ومش شاطرة خالص الباقي مش شبهي ومش برتاحلهم نفسي الاقي ناس عالنت يشجعوني اجيبهم منين
انا كل يوم بقول هذاكر وهسيب السوشيال ميديا ومش بذاكر الا نص ساعة فاليوم والنهارده اقل عشان كده عاوزة حد.يشجعني
لعرض السؤال في فدني اضغط هنا
السلام عليكم ورحمة الله وبركاته
يا جماعه عايزه حد يقولي طريقه اتلعم بيها الانجليزي بسهوله ويبقي ليا روتين في يومي امشي عليه انا وبتعلم
وهل ينفع اتلعم لغتين في نفس الوقت مثلا انجليزي وفرنساوي مع بعض
وللعلم عايزه اتعلمه من الصفر
لعرض السؤال في فدني اضغط هنا
السلام عليكم ورحمة الله وبركاته
ازاي اعمل جدول لتنظيم يومي وتنظيف مذاكرتي وكمان جدول للعباده
لعرض السؤال في فدني اضغط هنا
لعرض جميع الاسئلة في فدني اضغط هنا