انا تالته ثانوي كان عندي حلم كان نفسي ادخل طب
دايما عندي طموح كبير واحلام كتير بس قلت سعي مش بشتغل ولا بسعى علشان احقق حلمي
دلوقتي فاضل شهرين على امتحاناتي وانا مذاكرتش حاجه ومش عارفه اثبت على المذكرة وخلاص حاسه حلمي بيضيع اعمل اى
لعرض السؤال في فدني اضغط هنا
يعمل ايه اللي مش عارف يدفع نفسه للمذاكرة وبيحاول كتير اوي ومش عارف
لعرض السؤال في فدني اضغط هنا
انا طالبه في تالته اعدادي وحاليا انا في الترم التاني والترم الاول جبت مجموع وحش وهو 127 من 140 وعايزه اجيب فوق 136 في الترم ده وفاضل اقل من شهرين على الامتحانات وانا مراكمه كل حاجه اعمل ايه
لعرض السؤال في فدني اضغط هنا
السلام عليكم ورحمة الله وبركاته
أنا هلق طالبة ثانوي ومابقي للامتحان غير شهر وشوي بس المشكلة انو ماعم أدرس ولا عم يجي على بالي أدرس وإذا درست ما بدرس متل العالم بحس بسبب إنو صار كم سنة عم أعيدها بسبب الظروف مو رسوب كل مرة بصير عندي ظرف وحتى كنت ملتزمة اكتر من هلق بس مابعرف شو صايبني @Mai Mahfouz
لعرض السؤال في فدني اضغط هنا
السلام عليكم ورحمة الله وبركاته،
انا ثانويه عامه، مش عارفه ابدا الموضوع ازاي بس انا خايفه اوي انا مش بذاكر ولا بعمل الي عليا وعايزه اذاكر بس مش عارفه زهقت من كل حاجه زهقت من معامله اهلي وانهم فارضين سيطرتهم عليا وعندي في اقل ماده كتابين ومش بحل يعني الاحياء عندي فيها 4 كتب ومش حاله غير شويه لا يٕذكرو ونفسي احلهم
والله نفسي اخلص حل الكتب الي عندي بس احنا في نص 4 وخايفه بجد ولسه يعتبر مبداتش انجلش وكل شويه افكر هل هلحق هل هجيب طب زي م بتمنى مش عارفه انا خايفه اوي وعارفه اني حيوانه اني مذاكرتش من اول السنه ومش عارفه كنت بهبب اي وحتى دلوقتي خايفه لاجي بعد اما السنه تخلص اقول مذاكرتش لي ومنيلتش لي واقعد اعيط انا مش عارفه ابدا اصلا حاسه بتقل مخنوقه
مش عارفه فيا اي مع اني بذاكر وبعرف الم بس مش عارفه مالي والوقت بيضيع بسرعه وبنام كتير اوي اوي اوي، وبابا قلقان جامد وحاسس انه هو الي ثانويه مش انا معان بصراحه الحوار مش فارقلي اوي هو كدا كدا هنموت فطظ بس انا مدايقه عشان ماما وبابا انهم شايلين همي وبابا حرفيا مش مقصر معايا في فلوس وجايبلي كتب كتير من اول السنه ودلوقتي بحتاس نفسي احلهم واحل المراجعه دايما بطمن نفسي اني هلحق بس انا بقول كدا من شهر 1 ولسه مهببتش حاجه والله خايفه اوي نفسي ابقى دكتوره بس مش عارفه في ايييي
لعرض السؤال في فدني اضغط هنا
طيب انا الصراحه مش عارفه ابدأ منين بس انا معنديش اي شغف لأي حاجه في اكتر وقت لازم أنجز فيه واعمل حاجات كتير واكون عمليه بس مش عارفه ابدأ منين وازاي وخايفه في نفس الوقت لو رجع الشغف في الآخر النتيجه متكنش مرضيه واللي عملته كان علي الفاضي.
انا في تانيه اعدادي حاليا انا في الترم الثاني اللي المفروض كنت اعوض فيه
بس حاسه فات الأوان عشان انا مراكمه حاجات كتير بالذات اني خارجه من رمضان وعيد وكمان هنبدأ نخلص المنهج ونراجع خايفه ملحقش أنجز خايفه اتعب وانجز وكله يروح على الفاضي في الاخر.
انا عارفه ان تنظيم الوقت ده اللي هيضبط حياتي من كل الاتجاهات بس عايزه اعرف عايزه حلول عايزه جدول ينظم حياتي الدراسيه مع العلم انا بروح المدرسه عندي دروس كل يوم مفيش يوم اجازه خالص
كمان بروح دروسي مواصلات رايح جاي انا فعلا محتاجه اني أنظم وقتي بس مش عارفه ازاي عايزه حد يفيدني ومحدش يقولي اعملي جدول لأني فاشله مش بعرف أعمل حاجه انا عايزه كل حاجه بالتفصيل عشان انا بقول فاقده الشغف فحتى فاقده الشغف اني اقعد اضبط وقتي وحياتي فمحتاجه حد يساعدني اقوم على رجلي كده واشد حيلي وحد يحفزني كده اقوم آكل الكتب أكل وبعدها أكيد هعتمد علي نفسي بس محتاجه ذقه لأن مفيش طاقه.
لعرض السؤال في فدني اضغط هنا
السلام عليكم
انا في تالته ثانوي بعاني من توتر شديد بيوصل لاختناق بتوتر من أقل حاجه وبقلق من اي حاجه حتي لو كانت بسيطه خايفه دا يأثر عليا في الامتحانات ومقدرش احل كويس وخايفه برضو موصلش لحلمي أقلل التوتر ازاي
لعرض السؤال في فدني اضغط هنا
السلام عليكم
أنا طالب مؤجل ٣ مواد ثانوية عامة من السنة اللي فاتت (امتحنت ٤ مواد السنة اللي فاتت وباقي ٣ مواد) وأنا لسه مبداتش السنة دي ممكن ال٣ مواد يخلصوا في الفترة المتبقية؟؟
لعرض السؤال في فدني اضغط هنا
انا في ثانويه عامه السنادي الحمد كنت داخله السنه بجد بس دا اول شهر بس بعد كدا سيطرت علي دماغي فكره ان لسه بدري علي الامتحانات و مش لازم اذاكر دلوقتي انهارده باقي شهرين أو أقل علي امتحاناتي و انا لا أفقه شئ في اي ماده هل حد يقدر يفدني بطريقه تلملي المنهج في وقت قصير بحيث اني الحق ادرب علي حل شامل و امتحانات و بلاش كلام محبط علشان والله ما ناقصه🙂
لعرض السؤال في فدني اضغط هنا
انا طالبه فرقه رابعه من اوائل دفعتي اول ما دخلت الكليه صاحبت بنات كانوا الاوائل بس كان ترتبيهم السابع والثامن وبعدين في تانيه بقوا أعلى وفي تالته لقيتهم مركز اول وتاني وانا التالت طيب كده ازاي الدكتور قال هما بيعملوا تحسين من سنه أولى يعني بياخدو مواد في الصيف ويحسنهوا المهم هما اصحابي وعملوا كده من ورايا ولم قلت ليه مقولتوش ليا قالولي كل واحد يخاف علي مصلحتوا وبقا يقولوا عليا اعداء النجاح وانا ببصلهم في نجحهم كرهوني في الكليه وفيهم واحده مش بتبطل كلام عليا حتي مع صحابي بنت فظيعه بجد مش عارفه اعمل ايه
لعرض السؤال في فدني اضغط هنا
في الواقع أنا كنت طول عمري متفوق في المرحلة ما قبل الجامعية، متفوق يعني بالنسبة لزمايلي المذاكرة هي انا والترتيب على الدفعة هو انا
لحد ما خلصت الثانوي وجبت 99% الحمد لله
لكني كنت داخل الكلية بروح ان خلاص مضى عهد المذاكرة، انا هنا عشان اعمل كل حاجة واخر حاجة فيهم خالص هي المذاكرة
في الحقيقة ادائي في الجامعة يقرف حرفيا
دور تاني طول الوقت وكذا مرة ببقى على حافة إني أعيد السنة
ودا طول خمس سنين الكلية، ودفعتي اتخرجت من حوالي خمس شهور وانا طول الفترة دي بمتحن مواد الدور التاني والمواد اللي كنت مأجلها
نجحت في كل المواد وباقيلي بس مادة واحدة بس امتحانها في خلال اربع ايام، ومرة تانية انا على حافة اني اعيد السنة لو منجحتش في المادة دي
فيه حاجز طول الوقت بيني وبين المذاكرة للجامعة مع اني بذاكر لحجات تانية كتير ومعنديش جزئية الكسل اوي، انا حرفيا طول الوقت بذاكر حجات تانية حتى في نفس المجال، بس لما يتعلق الأمر بالجامعة مبعرفش
وبقيت بحلم طول الوقت ان انا في امتحان للجامعة ومش مذاكر وهشيل المادة
لعرض السؤال في فدني اضغط هنا
انا كنت طالبه في ثانويه عامه في مدرسة خاصه و في تالته ثانوي في سنة 2023 ابويا سحب الملف من مدرسة خاصه و حوله لمدرسة حكومه بس موداش الملف للمدرسة اللي تحولت عليها بس انا لما جيت اعمل الاستماره اكتشفت ان الملف متقدمش اصلا في المدرسة الحكومه دي و بعد كدا و رحت اديت الملف دا للمدرسة الحكومه
كان فاضل يوم و التقديم علي الاستماره يقفل فالمدير قالي هحاول اني اقبل الملف دلوقتي وكدا وأخده مني بس في الاخر معرفتش اعمل الورق او أطلعه فمعرفتش ادخل امتحانات و ابويا رفض اني اكمل لانو بيكره تعليم البنات
و انا مامتي متوفيه وكدا وملقتش حد يقف معايا فالمهم بعد سنه رحت جبت الملف عشان كنت هتجوز و كدا و كنت عاوزه شهادة الميلاد و بعد كدا سبت وقتها خطيبي لانو كان رافض فكرة اني ارجع تاني للدراسة و اتخطبت لمحاسب و كتبنا كتابنا و انا عندي طموح اكمل تالته ثانوي و ادخل جامعه و هتجوز بعد كام شهر فكنت عاوزه اعرف لو اني هقدر اكمل دراسه ولا لأ وياريت لو ينفع لان دا حلم حياتي و نفسي أحققه كمان انا موليد سوهاج بس عايشه في اسكندريه وكل تعليمي في اسكندريه من وانا في حضانه و هتجوز في القاهره فممكن اعرف لو هقدر اكمل و هكمل ازاي لو سمحتوا تردوا عليا ونبي
لعرض السؤال في فدني اضغط هنا
انا حاليا شهادة في الدراسة بس عندي والدي بيزعق كتيير و بيتعصب و مبيشوفش حد غلطان ولا بيدي أعذار لحد و داخلي نفسيتي وحشه و مذاكرتي بايظة و عايزة اجيب درجات معينة اعمل ايه ؟؟ بسرعه
لعرض السؤال في فدني اضغط هنا
أنا في تالتة اعدادي والامتحانات يوم ١٨ وانا مش مظبط في المواد، يعني الإنجليزي حالل تقريبا ٤ محافظات بس مش مراجع على جرامر كويس بس مذاكر منهج الحمد لله
والماث مخلص المنهج بس أنا مش بآخد درس فيه أنا بذاكر من ع النت، فيه مدرس شاطر جدا على يوتيوب بيشرح ماث انا بجد مش بفهم غير منه وهو عامل مراجعة بس حاسس إنه بيشرح المسائل الصعبة بس وكمان مش بيشرح وهو بيحل فأنا مبقاش مستوعب اوي فدلوقتي بقيت بسمع مراجعات بتاع السنة اللي فاتت
والعربي لسالي تقريبا درس واحد قراءة واكون خاصت المنهج والنحو معرفش فيه حاجة يعني مذاكر المنادى كويس بس مش حالل عليه كويس صراحة والباقي على الله
والدراسات مبدأتش أحل محافظات محلتش ولا محافظة وانا مذاكر المنهج بس حاسس اني جايلي غيبوبة والمنهج كله أنا مش فاكره بالذات الجغرافيا معقدة اوي وداخلة في بعضها والساينس بآخد درس وخلصت المنهج الحمد لله، بس انا قلقان عشان أنا مش هغش إن شاء الله وربنا يثبتني على الفتنة دي بجد
فانا خايف مجبش مجموع ثانوي وانا بذاكر ومش بضيع وقت في اليوم بس بحس اني مش بنتج يعني ممكن اذاكر ٥ ساعات بس برضوا احس انس معملتش حاجة او مظبطش المنهج بس اكون بذاكر بتركيز والله
وثاني حاجة بحس ان الدروس مش بستفاد منها ومجرد تضييع للوقت وبحس بإحباط لما اروح درس ومستفدتش حاجة زي العربي درس عربي مراجعة النحو مش ببقى فاهم حاجة وبضيع في الوقت بس وهكذا الانجليزي بحس اني لو كنت ذاكرت في البيت كان أحسن لي وانا لو عليا اذاكر في البيت بس المدرسين هيخدوا عني فكرة وحشة وهكذا وعندي وساوس قهرية بجد بتضيع لي وقتي كل يوم ومش بذاكر بسببها
واهلي بيطلبوا مني طلبات كتير وانا عايز اذاكر ومش فاضي صراحة وانا مش عارف مفروض اصبر على ده ابتلاء ولا ايه مش عارف
لعرض السؤال في فدني اضغط هنا
كيف احصل على الدرجات النهائية في المواد العلمية في الثانوية العامه وكيف ارتب وقتي في اخر الأيام؟
لعرض السؤال في فدني اضغط هنا
حاليا انا مشتته جدا لأبعد حد حاسه اني تايهة جدا وحاسه اني مكتومه عاوزة اعيط بس مفيش دموع كل الناس واقفه ضدي حاسه اني لوحدي
امتحاناتي يوم السبت ومذاكرتش حاجه عندي بردو مش طبيعي علطول عاوزة انام مش بذاكر غير اما اشرب منبهات زي النسكافيه وكدا بجد محتاجه حل لاني بضيع حرفيا وحاسه ان حالتي بتسوء يوم عن يوم
لعرض السؤال في فدني اضغط هنا
السلام عليكم و رحمة الله وبركاته
حقيقي مش راضيه عن نفسي خالص السنه دي مش من ناحيه 2025 لأ بتكلم من ناحيه الدراسه لان كدا كدا الترم كان بدأ في 2024 بصراحه
وانا السنه دي اقسم بالله دمرتني والحزن وجع قلبي فعلا إكتئاب لمشاكل كتير وكنت لوحدي دايما كنت بعيط قبل ما انام كتير واسمع القرآن واحط هاند فري في ودني وفيها قرآن
وكنت اعيط كتير اوي عيطت في الصلاه كتير ودعيت لربنا كتير حقيقي
دمرت نفسي اوي بجد اقسم بالله لوحدي وعشت حاجات مفيش حد يتحملها بس الحمد الله لا يكلف الله نفسا إلا وسعها وانا راضيه والله بكل حاجه بتحصلي بس خلاص امتحاناتى بعد ٣ ايام وحقيقي خايفه مرعوبه
بصراحه ذاكرت بس مش زي كل سنهK مش راضيه عن نفسي خالص بس والله كل مره كنت بتدمر فيها وارجع للصف كنت بحاول اطلع من اللي انا فيه وكنت بتقدم للأحسن والله اتقدمت في 2024 لحاجات كتير على قد ما هي دمرتني قوي ووجعت قلبي واخدت جزء من روحي بس والله اقدر اقول ان دي اكتر سنه التزمت فيها بالصلاه وقرآه القرآن والأذكار والادعيه بس اتدمرت قوي
والمشكله ان كل اما بآجي اذاكر يلاقيني عايزه انام وبفضل اتثاوب كتير ودموع بتنزل كتير ويبقا هموت وانام اقوم من على الكتاب ببقا خلاص النوم راح بجد بنام كتير اوي بس والله يكفيني ان بحاول حقيقي والله عايزه اعيط وانا بكتب الكلام دا مش عارفه اوصف انا حسيت بإيه ولا مريت بيه وشعوري إحساسي كان ايه وقتها
بس حقيقي نفسي ربنا يعوضني عن كل اللي حصلي دايما بقعد مع نفسي وبقول يا ترى ربنا هيعوضني خير بعد كل اللي حصلي والله حقيقي 2024 كلها كنت بعيط فيها كل يوم والله بس عيطت كتير في اصلاه وطلبت من ربنا حاجات كتير يا ترى فعلا هيعوضني انا واثقه في ربنا والله بس نفسي الاقي ربنا عوضني من ناحيه حاجات كتير
بقول عايزه العوض دا يجيلي في كليه حلوه السنه الجايه كدا واكون مفرحه أهلي واعوضهم عن أي أذى مروا بيه بس وقتها اقول ربنا عوضني وبصوت عالي واعيط من كتر الفرحه
تخيلوا كدا لما تبقا واحده في تانيه ثانوي وعندنا ١٦ حقيقي حاسه ان انا عايشه في وهم ومش في واقع انا مش عايشه حياتي زي اي حد في سني والله متدمره
عايزه اصوت بصوت عالي واقول للدنيا انها ترحمني شويه وتخف عني حقيقي لان والله ما قادره استحمل كدا اتحمل فوق طاقتي كتير
والله خايفه اوي مرعوبه بس بجد انا حاسه ان انا مش حاسه باي حاجه بتحصل حواليا وحاسه ان جسمي تقيل كدا وحاسه ان انا متبنجه بجد
يعني فيه حاجات كتير ببقا بعملها بصعوبه يعني مثلا اكون ف الدرس. وعارفه إجابة السؤال بس مش عارفه اجمع الكلام ولا عارفه اقوله حاسه ان ببقى مش مدركه لأفعالي
اهلي بردو يكلموني ويطلبوا مني حاجه بقول حاضر وأنسى هما كانوا عايزين ايه بجد حاسه ان انا عايزه اتكلم بس مش عارفه اقول ايه حاسه بالهزيمه من كل الاتجاهات متدمره اوي والله اول مره اتكلم واول مره اقول اللي جوايا بس بجد مش عارفه اعبر عن احساسي ولا عارفه احكي
فيه كلام كتير محتاجه اقوله بس مش عارفه والله حقيقي
متكتفة خالص والله وقلبي واجعني اوي طول الفتره دي موجوعه من جوه َبحاول ابين ان انا بخير بس يمكن دا أثر معايا
انا فيه وقت بيجي عليا ان انا مش فارق معايا الامتحانات ومش مهم اذاكر عادي بجد بس مش بإيدي والله ما بإيدي اول ما 2024 خلصت بجد كنت فرحانه ومسحت كل صوره كانت خاصه بالسنه دي هو بردو السنين اللي قبلها هي السبب في اللي انا فيه بس دي كانت اكتر سنه افتكرت فيها كل حاجه حصلت معايا وفيه مواقف جديده حصلت
في السنه دي كنت بنزل حزن كتير ف بعض صحابي اللي اكبر مني قالوا ان دي شخصيتي بتبني كدا علشان دي الفتره اللي شخصيتي هتتكون فيها بجد مش بعرف اتكلم مع حد انا عرفاه احيانا ببقا محتاجه اتكلم مع حد معرفهوش وبعدين بعد اما اخلص كلامي يختفي الشخص دا
حاولت اكتب كل اللي بحس بيه بس دا مش كفايا لللي جوايا ولا بيأثر معايا في اي حاجه كله قالي اعملي حاجه بتحبيها
حقيقي انا مش بحب حاجه خالص ومفيش حاجه بقت بتفرحني
طب اذاكر ازاي ف ال ٣ ايام دول هو انا عارفه في المنهج بردو يعني راجعته اكتر من مره بس بحس ان انا مش بذاكر او أن انا مش فاهمه اللي ذاكرته يعني اللي بذاكره مش بيعمل معايا اي حاجه حقيقي يعني حاسه ان انا مش عارقه حاجه ف المنهج
بس حقيقي صوت التفكير في دماغي مشتتني ودا بيأثر على مذاكرتي وبنام كتير علشان اهرب من الوجع وبقالي اكتر من اسبوع مش عارفه اكل حاسه ان انا مش عايزه حاجه او أن انا مش جعانه كدا اسقه ان طولت بس ارتاحت شويه والله والنبي ادعولي ربنا يخفف عني
لعرض السؤال في فدني اضغط هنا
انا أولي ثانوي، من فتره مش طويله كنت بذاكر عادي و بحل عادي و مفيش مشكله و قبل الامتحانات بأسبوع تقريبا بدأت اقلق جامد و الموضوع مبدأش تدريجي بدأ فجأه مش عارفه اكل ولا انام ولا حتي عارفه احل صح من كميه التوتر النفسي ال انا فيه و بفكر في حاجات كتير كلها لسه بدري عليها اوي. انا تعبت و امتحاناتي الاساسيه كمان تلت ايام و شفت حلول كتير مفيش ولا حاجه نفعت حد يساعدني
لعرض السؤال في فدني اضغط هنا
السلام عليكم ورحمة الله
انا في ثانويه عامه النظام الجديد ومحتاره أبدأ جيولوجيا في السنتر ولا يوتيوب ولا اونلاين
هي الفرنساوي وبقول مش مستاهله اضيع وقت في السنتر والمواصلات والجيولوجيا هما 13درجه وأذاكرها ف البيت ومحتاره ابدا دلوقتي ولا قبل الامتحانات
اعمل اييه؟
لعرض السؤال في فدني اضغط هنا
أنا عندي مشكلة اللي هو انا قاعده بذاكر كده مش عارفه اصفي قدر كامل من المذاكره او قدر كافي، مش عارفه ابدأ منين
شفت فيديوهات عشان ارجع شغفي وكده. اتاثر لحظيا بعد كده آجي امسك الكتاب مش عارفه ابدا منين متلخبطه، يعني مش عارفه اذاكر انجليزي رياضه دراسات علوم.
في ثالثه اعدادي، وكمان قربنا على الامتحانات جدا.
فانا يعني متضايقه قوي ان انا بضيع تعب بابا وماما كده على الفاضي. خصوصا ان انا قربت جدا من الامتحان لسه حوالي من 15 يوم بس.
مع ان انا شاطره وطول السنه الحمد لله بذاكر ومش سايبه اي حاجه تتراكم عليا السنه دي من غير اي سنه مركزه جدا فيها وما رضيتش ان انا اخلي اي حاجه تتراكم عليا.
حسبتها جدا جدا عارفه منين حاجه مضايقاني قوي والحمد لله مصليه كل حاجه مش عارفه لسه في حاجه.
مش عارفه برده اعمل ايه ابدا انجليزي دراسات رياضه علوم اي شيء مش عارفه؟ وحاسه بخنقه من كده يعني انا مخنوقه من كده ان انا وقتي بيضيع من الفاضي يعني انا اللي هما ال10 ايام اللي لسه متبقين عندي
مش عارفه اذاكرهم ليه، مش عارفه اصفي حوالي ساعتين بس في اليوم ليه بردك مش عارفه مش عارفه ابدا من اي مادة من اي جزئيه
اعمل ايه اراجع ولا اذاكر ولا احل مش عارفه.
انا هعيط والله يعني انا بزعل قوي على الأيام اللي بتضيع دي وفي الاخر هراجع اخر السنه مع اني من اول السنه بذاكر وفي الاخر على آخر اهم فتره وجايه ابوظها لا مش هينفع ابدا.
انا حاسه التشتت جامد رهيب تشتت موت يعني متوتره ومتشتته وخايفه من الامتحانات وخصوصا ان هيجي اربع نماذج مختلفين يعني ما شاء الله على حظي الجميل جدا.
وخايفه قوي من كل المواد. يعني لعله خير فعلا بس يعني انا بصراحه انا عايزه بس كلمتين تلاته اربعه بس يخلوني ارجع اذاكر تاني عشان اللي انا كده بعمله او اركز او مش عارفه ابدا منين يعني انا عايزه نصيحه بس كده ابدا منين اعمل ايه كده؟
لعرض السؤال في فدني اضغط هنا
السلام عليكم انا بنت ولسه علي الامتحانات ١٨يوم وانا بذاكر وبعمل اللي عليا بس مش بعرف اسهر خالص لو قمت بدري بصداع اوي والايام الفاضيه ايام بسيطه ومش عرفه اعمل ايه وكمان انا في الرياضيات فاقده الذاكرة وقرارات الوزير ربنا يصلح حاله ناوي يخلص عليا وكمان عندي بنت عم في نفس السنه وهم عامليني نكره ومش عارفين اصلا انا في سنه كام وانا نفسي اجيب درجه حلوه تدخلني ثانوي ارجوكم عايزه حل
لعرض السؤال في فدني اضغط هنا
جماعة انا بدرس كبميوتر ساينس ومن صغري مكنتش متعود علي اي مذاكرة بس انا في الكلية دلوقتي وعندي تاسكات وحاجات كتير تتذاكر وانا مش عارف اجبر نفسي اني اقعد اذاكر اللي عليا ..
مسحت اي ابلكيشنز بتاخد وقتي وبعدت عن اي مشتتات بس حرفيا ممكن اقعد ع اللاب طول الوقت متنح للشاشة ومش بعمل حاجه
فـلو حد عنده افكار معينه في الموضوع دا
لعرض السؤال في فدني اضغط هنا
واول الترم كنت بركز مع الاستاذ وبفهم منه دلوقتي المستر خلص النحو وانا اصلا ٣ اربع دروس النحو مكنتش بركز في الاستاذ عشان موضوع ده فانا شايف اسيب الدرس واراجع لواحدي قبل امتحانات عشان انا اصلا مش بركز مع الاستاذ انا بس مشكلة برضو اني مراكم تقريبا ٨ دروس والنحو على اول درس درسين وباقي على الله وبرضوا نفس المشكلة في الماث
لعرض السؤال في فدني اضغط هنا
عاوزة اذاكر بس مش عارفة كل لما اجي افتح كتاب مش بعرف اذاكر والتلفون ده مشكله بالنسبه ليا مبقدرش استغنى عنه لمده دقيقه واحده والمشكله عليا مواد متراكمه وامتحاناتي كمان شهر بالظبط
لعرض السؤال في فدني اضغط هنا
متي سوف يتم نزول جدول اختبارات الصف الاول الثانوي لهذا العام
لعرض السؤال في فدني اضغط هنا
السلام عليكم ورحمه الله وبركاته
انا بنت عندها 14حاليا انا في تانيه اعدادي وده اخر شهر علي امتحانات نص السنه
انا كنت شاطره جدا في ابتدائي برغم أن كان في مشاكل في البيت على طول ولكن لما دخلت اعدادي معدتش شاطره مثل ما كنت في ابتدائي معلومه وذلك مع استمرار مشاكل البيت
انا عارفه اني لو ذاكرت كل حاجه هتكون تمام وماشيه في حياتي ولكن مش بقدر اقعد اذاكر زي زمان في شغف بس مش عارفه اذاكر برده أو بمعني اصح بكسل اذاكر السنه اللي فاتت يعني في أولي اعدادي كل صحابي طلعوا من الاوائل وانا لأ برغم اني اول مره طلعت من الاوائل كانت في سنه سته ابتدائي
انا حياتي اتغيرت من اول ما دخلت اعدادي ودخلت مدرسه الاعداديه مش عارفه ممكن يكون بسبب الأجواء الجديدة بتاعت المدرسة ولا المشكله فيا انا بابا دايما بيقولي انو من اول ما اتولدت وهو شايفني دكتوره كل لما بيقولي الكلام ده بحس بحمل كبير جدا ببقي عايزه احقق له حلمه ده وده حلمي كمان اني اكون دكتوره
مشكله كمان بتواجهني أثناء حياتي الدراسيه اني دايما بنظر للبنات اللي احسن مني واشطر مني واجمل مني وببقي نفسي اكون زيهم وبقول ليه انا مش زيهم مع اني اقدر اكافح بس بكسل مع اني برده هدفي قدامي وهو اني اطلع من الاوائل بس مش عارفه اشتغل على ده
كمان حاجه انا السنه اللي فاتت كنت الترم الاول جبت مجموع عالي جدا ولكن في الترم التاني في شهر رمضان تعبت اوي لفتره كبيره وفقدت شغفي وفكره أن المنهج متراكم وانا تعباته وعاجزه اني اعمل حاجه كانت بتخليني افكر اني عايزه اموت عشان ده الحل اللي يخلصني من اللي انا فيه بس انا برده مؤمنه بالله وبحاول اصبر واستغفر الله انا حالياً نفسي اتغير واذاكر بجد عشاني وعشان اهلي انا فعلا لما بكون مذاكره ومخلصه كل اللي ورايا برتاح وبكون مبسوطه ومش هاممني حاجه
هي دي مشكلتي كل مره بتبدأ فيها السنه الدراسيه لو حد عنه حل ارجوا الافادة مع اني عارفه احل وهو اني اذاكر .
لعرض السؤال في فدني اضغط هنا
انا وعد، صحابي بياخدوا دروس اونلاين فمامتي جابتلي تليفون
وبدأت اذاكر كده بس حسيت اني مش فاهمه حاجه
والامتحان فاضل عليه شهر وانا لس ملمتش المنهج
دورت علي مدرسين اخد مراجعه مفيش حد رضي بيه
اعمل ايه
لعرض السؤال في فدني اضغط هنا
انا ف تالته ثانوي ودخلت علمي رياضه وانا مستوايا مش احسن حاجه في الرياضيات وحصلي مشاكل في اول السنه ولسه مبدأتش اي مواد
ابدأ ازاي عشان أضمن إني هجيب درجه كويسه في النهاية، ولو بدات دلوقت هلحق اصلا ولا لا اعمل إيه اللي مر بتجربه زي كد يقولي حل
لعرض السؤال في فدني اضغط هنا
السلام عليكم
عندي مشكلة إني بطيئة في المذاكرة ودا بيأثر عليا جامد في ليالي الامتحان والامتحانات الشامله بتاعت الدروس وأنا بطيئة بالرغم من عدم استخدامي للتيلفون أثناء المذاكرة، ياريت أي حد عنده معلومة يفيدني عشان امتحاناتي قربت وبجد الموضوع راعبني.
لعرض السؤال في فدني اضغط هنا
السلام عليكم
أنا ثانوية عامة علمي رياضة
أنا كويسة جدا في الرياضيات و الدنيا معايا حلوة اوي بحل واجبي كله صح الحمد لله و لو وقف معايا أسئلة في الغالب بيبقي سؤال او اتنين بس مش اكتر
بس بآجي في الامتحان مش بعرف أحل اوي زي الواجب و بجيب درجات وحشة.
ولما سألت مساعدين المستر قالوا لي دا الواجب بيبقي اصعب من الامتحان و كدا انا بصراحه بتوتر اوي في الامتحان و كمان لو حد اتكلم او في صوت ولا حاجه تركيزي بيقل و ببقي متشتته اوي اعمل اي عشان نفسيتي تعبت لاني ببذل مجهود جامد و ف الآخر بجيب درجه وحشه ف الامتحان
لعرض السؤال في فدني اضغط هنا
السلام عليكم ورحمة الله وبركاته
عندي شويه مشاكل ومش عارف ليهم حلول
من انا وصغير وانا دايما بطلع الاول علي المدرسه لحد ما وصلت لأولى ثانوي بس جيت في أولى ادمنت مواقع التواصل الاجتماعي بدرجة رهيبة لدرجه إنه مستواي نزل خالص وتانية ثانوية ذاكرت شوية بس كنت بعاني كتير من المتراكم عليا
انا دلوقتى في تالتة ثانوية وحرفياً انا ضايع في مواد اللغات مثلا الانجليزي وعربي وده بيسببلي إحباط
بقيت أحس ان حلي ضاع مني وان انا فاشل ... انا مراكم وبحاول الم في المتراكم اللي عليا. انا مبنامش غير ٥ ساعات في اليوم عشان اكون عملت الي عليا
بس برضو انا ضعفت جدا في الانجليزي
قولولي الحل ازاي الم الانجليزي او اكون عامل محصله كبيره جدا من الكلمات والقواعد
لعرض السؤال في فدني اضغط هنا
انا حاليا في تالتة اعدادي ورايا مذاكرة كتير وامتحاناتي قربت ومش عارفة اعمل ايه
لعرض السؤال في فدني اضغط هنا
السلام عليكم
اريد التحدث عن شيء يؤثر في نفسيتي بشكل كبير و هو الدراسه
أنا في الصف الثاني الثانوي و الجميع يقول لي أن أعيش حياتي في هذا السن قبل الدخول للصف الثالث الثانوي و أنا حقاً أريد أن اقوم بأشياء كثيره كتنميه هوايه و تمرن شيء معين و لكن لا أجد وقتاً للدراسه نفسها
القرارات الجديده مثل أن نذهب يومياً للمدرسه ولا نستطيع الغياب و إلا سيتم فصلنا تماماً من المدرسه أصعب علي حياتي كلها
اصبح روتيني متكرر يومياً - الذهاب للمدرسه ثم الذهاب للدروس و بعدها أرجع في وقت متأخر و أنام و هكذا على نفس الروتين - حتى أنني لا أجد وقتاً لكي اذاكر دروسي بنفسي و هذا يجلعني دوماً اشعر إنني لا استفاد أي شيء أبداً خاصةً انني انسى بسرعه كبيره حينما اعود من الدرس و انام أستيقظ و كأنني لم أخذ اي دروس و أكون قد نسيت الدرس
و قمت بعمل عملية لفتره و هي في عيني و ذلك صعب علي كل شيء
حيث اضطررت للغياب من المدرسه لمده كبيره و ذلك بسبب عيني لأنه ممنوع علي النزول في الصباح
و لم اذهب دروسي الخصوصية و جلست بالمنزل و قررت انني سأدرس في الفتره التي تتحسن بها عيني
و لكن اخذت الكثير من الانذارات بالمدرسه و اضطررت لعمل اجازه مرضيه و هذه الإجراءات اخذت مني وقت طويل و اصبحت مرهقه بشده حتى أنهم أصَّروا على نزولي في الشمس للذهاب لعمل فحص للتأكد من صحه كلامي و ظللت من الساعه ٧ صباحاً حتى وقت العصر و أنا بالخارج و كل هذا لعمل اجازه مرضيه
و كنت اتألم و لكن بالطبع لم و لن يشعر بي أحد
و لكن تمت الإجراءات بعد تعب شديد و الأن يجب علي أن ادرس في هذه الإجازه لأن الوقت سينفذ مني
في الحقيقه أنا اشعر بالإرهاق الذي لم اشعر به في حياتي أبداً و أشعر أني قد تعبت من الدراسه و من كل شيئ ولا أجد وقتاً لنفسي حتى و إن قررت إسعاد نفسي بعمل أشياء جديده مثل مشاهده فيلم حينها اشعر بالحزن اكثر ولا اشعر بالسعاده مطلقاً لأنه حينما اتذكر أنني ورائي دروس كثيره علي أن انهيها أحزن اكثر
و أيضاً فقدت كل شغفي في الدراسه و فقدت إحساسي بالرغبه في تحقيق أهدافي او تحسين درجاتي و اصبح لا يهمني مستواي الذي اصبح يسوء يوماً بعد يوم
أنا مستواي الدراسي في السنين التي مضت كان عالياً و كنت اريد المحافظه عليه حتى الوصول للصف الثالث الثانوي لكي أُحصل مجموع كبير و لكن لم اتوقع قط حدوث كل هذا نزل مستواي من قبل دخول الصف الثالث و اصبحت اشعر بالإرهاق كلما أمسكت كتاب
خاصه حينما اتذكر أن اجازه نصف العام ليست إلا إسبوع و أجازه أخر العام حوالي شهر و لا أشعر أبدا ان بعد كل هذا ستكفيني تلك الفتره لأخذ استراحه من هذا العذاب الذي اصبحت فيه
و نفسيتي أصبحت سيئه للغايه اصبحت اريد فقط النوم ولا ارغب بالإستيقاظ لكي لا أواجه هذه المشاكل التي لا تنتهي و اصبحت ابكي من كل شيئ اتعرض له او اي كلمه تقال لي ابكي منها بشكل هيستيري و عيني تصبح حمراء و كأنها قد تلونت بالدماء و مؤخراً يظهر لي شعر ابيض و يوجد حبوب في وجهي كثيره تزداد كلما حزنت و نغذات قلبيه مفاجأه و كحه تزاد كلما شعرت بالتوتر أو الحزن ولا استطيع الراحه حتى و أنا مريضه دائماً اشعر أن المرض يضيع وقتي و أنني كالعبيد لا يجب عليا الراحه حتى و إن كنت سأموت
اصبح نظام التعليم ظالم لأقصى حد ولا يهتم بالطلاب أبدا او بحالتهم الصحيه او النفسيه اصبحوا كل ما يهمهم هو الإختبارات التي اصبحت عاده الأن كل يوم اختبار و كل يوم ذهاب للمدرسه
لا اعتقد أبدا انني سأتحمل الرجوع للمدرسه بعد انتهاء اجازتي لست جاهزه لأي شيئ ارغب فقط بالراحه من كل شيئ و الهروب أريد حلاً بأسرع وقت و اعتذر عن الإطاله
لعرض السؤال في فدني اضغط هنا
السلام عليكم
أنا دفعة ٢٠٢٠، شلت ٤ مواد، دخلت السنه اللي بعدها نجحت ف ٣ بس ومعايا عربي قعدت من ساعتها.
اعمل ايه عشان اقدم تاني واخش الماده واحكولي عن كرم ربنا لان حاسه اني فاشله
لعرض السؤال في فدني اضغط هنا
السلام عليكم ورحمه الله وبركاته أنا طالبه في ثانويه عامه 2025 بذاكر وبحل قبل ما اروح أي امتحان شامل بس في الاخر بجيب درجات وحشه اوي مش بعدي النص وده عاملي مشكله وخلاني مش عايزه اذاكر ممكن حل
لعرض السؤال في فدني اضغط هنا
حاليا انا طالب ثانوي عام و مررت بفترات خلتني مذكرش بقدر الكافي خالص ودايما كان عندي احساس بتسويف المبالغ فيه وغير مشاكل زي تنظيم الوقت وسوء الصحة البدنية بشكل عام بسبب بعض المضاعفات اللي عندي وكمان انا عايز اني اتغلب علي بعض الإدمانات اللي عندي زي ادمان الاكل ومع العلم ان جسمي مش مليان اوي ولكن حاسس بقلة الصحة والضغط الدراسة بسبب التركيات وغيرها وعايز أنظم الكلام ده بس مش عارف وفي دايما وسواس كل لما دراسة اللي هي انت مستحيل تدخل الكلية دي ومش عارف اي وطبعا ربنا هو الرزاق ودي حاجه في يد الله وانا بدور علي حاجة تساعدنا في تنظيم الضغط وكل الحورات الكتير دي علشان انا مش عارف ليه شايف أنه جبال فالرجو الإفادة
لعرض السؤال في فدني اضغط هنا
حاليا انا طالب في الصف الثالث الثانوي وغير كل ده انا مدمن في بداية رحلة التعافي ولكن اعاني من اعراض انسحاب قوية ناتج عن الإدمان ومنها ضعف البدن والصداع المزمنة وألم في الظهر ولا اعرف ازاي اتعامل مع كل ده وغير الضغط الدراسي والدروس وضغط التركمات اللي عليا ف اتوكل على الله واسالكم الإفادة والدعاء
لعرض السؤال في فدني اضغط هنا
انا طالبه طب وبما اني ادرس الطب فتخصصي يحتاج لساعات دراسه اطول وبتركيز وانا افتقر لهذا الشي اي ان كل ما احاول ان اجلس واذاكر اقصى وقت هو ساعه الى ساعه ونصف وبعدها اخسر تركيزي حاولت توزيع وقتي وابعدت كل سبل التشتيت ولكن لا فائدة وهذا الشيء بدأ بأثر على درجاتي وبالتالي نفسيتي ما الحل ارجوكم
لعرض السؤال في فدني اضغط هنا
السلام عليكم ورحمة الله وبركاته
انا حاليا في تالته ثانوي ونفسي اجيب مجموع كويس بس انا أقصى حاجه بذاكرها 3ساعات بس ويمكن اقل كمان ومستوايا مش كويس فالدروس ومدمنة سوشيال ميديا وبنام كتير ومش عارفه اعمل ايه، حاولت اظبط كل دا بس بفشل كل مره ممكن حد يساعدني
لعرض السؤال في فدني اضغط هنا
انا كنت علمي علوم في الثانويه لكن انا كنت دفعه التابلت وكانت المجاميع مش قد كده فمعرفتش ادخل الكليه بسبب التنسيق فكنت عايزه ادخل كليه الطب فلو حد يعرف طريقه ادرس بيها الطب يعني كليه مفتوحه او اكاديميه لو حد يعرف يقدر يفدني بيها
لعرض السؤال في فدني اضغط هنا
انا فى الصف الثالث الاعدادى امتحاناتي بعد ثلاث اشهر ولسة ما بدءتش مذاكرة و زمايلى وصلو نص المنهج وانا كنت فى المستشفى ولما خرجت لقيت نفسى مش فاهمة حاجة ومش عارفة ذاكر
لعرض السؤال في فدني اضغط هنا
مشكله في دراستي
انا عايزه اراجع للي فات مني من الرياضيات وصعب مع المزاكره الحاليه
لعرض السؤال في فدني اضغط هنا
انا طالبة 3ث السنادي عمري ما كنت متعوده ع المذاكره والموضوع تاعبني جدا دلوقتي عايزه اذاكر بس مش عارفه اقعد ع الكتاب دقيقتين ع بعض نفسي ادخل طب اوى اهلي حاطين حمل كبير عليا وانا اتخنقت وزهقت والله ومش عارفة اعمل اى وراكمت كتير اوى وتعبت بجد
لعرض السؤال في فدني اضغط هنا
السلام عليكم ورحمة الله وبركاته
انا تالته ثانوي السنادي ومن وانا في اعدادي اهملت الدراسه جدا بحكم كورونا وبعدين ابحاث وبعدين امتحان ابتديت افوق من اولى ثانوي وخدتها جد وكنت فعلا في دروسي بنسبة 70% متفوقه بس دخلت تانيه بدأت بواقع تاني والدتي سافرت وانا كنت لوحدي مع اخويا وانا الكبيره بس اخويا اصغر مني بسنتين مش صغير بس بحكم اني الكبيره فأنا اللي بشيل الليله وكده فأهملت برضو وقولت هاخدها اون لاين وكده فعلآ خدتها اون لاين واهتميت اكتر في المراجعات وطلعت بملحق بس امتحنته وعديت وبعدين حاليآ في تالته ثانوي والدراسه بدأت من بدري والدروس اصلا من شهر سبعه وانا لسه معملتش حاجه والمشكلة ان والدتي تعبت جامد السنادي فمش بتقدر تعمل حاجه في البيت زي الاول طبعآ فبقيت مسؤله اكتر و طبعآ مش عاوزه اقولها على فلوس دروس لأن حرفيآ اسعارها خوزعبلية وهي جلسات العلاج والادويه غاليه جدا وانا قولتلها هاخدها اون لاين بس مبتحركش ممكن اعمل سيرش وبتاع بس مسمعش درس او كمل شرح اعمل ايه
لعرض السؤال في فدني اضغط هنا
أنا كنت طالب في تالته ثانوي وبعد ثلاثة سنوات إعادة لتالتة ثانوي بدون دخول ولا مادة وولا إمتحان ، أهلى حولولى صناعى، وبكدا مش فاضل غير فرصة أخيرة لدخول إمتحانات الثانوية العامة بالنسبة ليا، وفى الحقيقة أنا مش مقتنع بالتعليم الفنى وشايف إنه طريق مسدود مش بيوصل لأى حاجة، دلوقتى الناس هتسألنى ليه مدخلتش ولا مادة بعد تلات سنين اعادة، اجابة السؤال دا هتكون إنى كنت بأشعر إنى مش مذاكر كويس ودا مش مجرد شعور، أنا فعلا مزاكرتش،
طيب ليه مذاكرتش؟
لأن أنا معرفش غير طريقتين ملهمش تالت للمذاكرة بالنسبة ليا ، الطريقة الأولى وهي قراءة الدرس بصوت وبكدا بفهم وبحفظ بشكل كويس، ولكن الطريقة دى مش بقدر أستمر عليها لفترات طويلة لأنها طريقة مجهدة جدا،
الطريقة التانية وهي إنى بقرأ الدرس بعينى بدون صوت ولكن مشكلة الطريقة دى هيا إنى بفهم كويس بس الحفظ بيكون ضعيف، وهي الطريقة التانية إللى بقدر أستمر عليها ولكن الحفظ بيكون ضعيف، يعني بنسى المعلومة بسرعة.
وأنا المشكلة دى مش لاقى ليها حل لحد دلوقتى، الأولى مش بقدر أستمر عليها، والتانية بنسى المعلومة بسرعة وبرضة مش بقدر اذاكر بيها.
رجاء حد يساعدنى فى حل المشكلة دى وبلاش تجريح،
لأنى والله تعبت نفسيا وأهلى ودونى لكذا دكتور نفسي، انهرت ودلوقتى بأشعر بعد التلات سنين إعادة إنى إنسان مسلوب الإرادة مقدرش أعمل أى حاجه فى أى حاجة، وحاليا أنا أشبه بالأموات مش بأعمل أى شئ مفيد فى حياتى ومش قادر كمان أتخطى نقطة إنى زمايلى إللى كانو فى دفعتى هيبقوا السنة دى فى رابعة كلية وأنا لسة مخلصتش ثانوية عامة مع العلم إنى كنت متفوق فى الإعدادية وفى أولى وتانية كنت كويس برضو، النقطة دى مأثرة فى بشكل كبير وتعبانى نفسيا، فلو سمحتوا حد يساعدنى فى حل المشكلة إللى أنا فيها دى وترشدونى أعمل إيه؟
لعرض السؤال في فدني اضغط هنا
اريد حل لمشكلتي هذه السنه الاهم لي ف مسيرتي الدراسيه ستكون الاختبارات السنه كامله والمواد بها صعوبه كبيره كيف يمكنني ان انظم وقتي للدراسه اريد ان احصل على المركز الاول هذه السنه
لعرض السؤال في فدني اضغط هنا
انا بتوتر اوي في الامتحانات وفي تسميعات وبفقد تركيزي، كيف اتخلص من التوتر وهل فيه أدوية مناسبة؟ أنا طالبه تالته ثانوي
لعرض السؤال في فدني اضغط هنا
عايزه مكان بيدي كورس انجليزي كويس وموثوق فيه ويكون سعره كويس+لو حد خد كورس في معهد القوات المسلحة ياريت يساعدني لاني مش هقدر على مصاريفه
لعرض السؤال في فدني اضغط هنا
السلام عليكم ورحمة الله وبركاته
انا الصراحه فشلت في حياتي وفي دراستي كمان ولسه مخلصتش ثانويه عامه عشان ماده الجيولوجيا ورحت امتحنتها في الدور التاني وخايفه معديش التفكير هيموتني ومرعوبه الامتحان مكنش سهل خالص ومش عارفه اعمل ايه دلوقت ويا ترى هنجح ولا صدمه يوم النتيجه والانهيار اللي كنت فيه هيحصل تاني ولا هعمل اي اصلا لو حصل حاجه بفكر مكملش تعليم اصلا والله نفسيتي متدمره حد يطمني او انا اعمل اي دلوقت
لعرض السؤال في فدني اضغط هنا
ممكن حد يفيدنى ازاى اتخلص من الخوف من الامتحانات انا فى تالته ثانوى انا اقدر احله بس بتوتر وانسى كل حاجه ذكرتها
لعرض السؤال في فدني اضغط هنا
لعرض جميع الاسئلة في فدني اضغط هنا