انا بفضل طول اليوم استجمع معلومات وطاقات سلبيه وايجابيه وفي نهاية اليوم ببقي حاسه اني عايزه احكي لحد كل اللي انا مريت بيه طول اليوم وطبعا بجي احكي لماما تقولي طب اعملي كذا طب مش هنتكلم دلوقتي وساعات بنتخاصم انا ومامتي بسبب أن انا بتعصب بسبب كده وغصب عني ببقى عايزه اقطع النوته بتاعتي أو اكسر اي قلم رصاص أو اطرش حبر القلم الجاف وكنت بحاول اني اكتب في البنوته بدل كده بس لقيت نفسي مش برتاح زي ما بحكي لمامتي*`
لعرض السؤال في فدني اضغط هنا
مشكلتي اني بنت عندي 16 سنه عايشه في عيله سعيده جدا لحد ما اكتشفت خيانه والدي لوالدتي من وقتها وانا مش عارفه اعيش زي ما كنت بقيت مش طايقه والدي حرفيا لأن ماما مش مقصره معاه في حاجه وبقي عندي خوف اني لما اتجوز جوزي يخونني لأنو انا ممكن مكونش بنفس كمال ماما ف مش عارفه اتعايش حاسه حياتي باظت مبعرفش انام تفكير دايما
لعرض السؤال في فدني اضغط هنا
اخويا هيتجوز قريب ونفسي تكون اخت لينا خايفه اعاملها كاخت ونقرب لبعض ونكون صحاب لكن ارجع اتندم لان بسمع كتير مرات الاخ عمرها ما تكون اخت فدووني
لعرض السؤال في فدني اضغط هنا
السلام عليكم ،
مشكلتي هي ان حاسه بخسر الناس الي بحبها بسبب الجواز
بجد انا بكره الجواز شبه الموت بياخد الناس الي بنحبها ، من ونا صغيره و انا متربيه مع بنات قرايبي كنا شله ، حياتنا كلها سوا نهزر سوا و نحكي سوا و نصيف سوا ، كنت انا اصغر واحده فيهم ، كبرنا كلنا و طبعاً بدأ اول اتنين اتجوزو ورا بعض مشوفتهمش من ساعه فرحهم بعد كدا و هم غصب عنهم مبقوش ييجوا ولا بقيت اشوفهم خالص واحده منهم كنت بتواصل معاها بس بردو مكنتش بشوفها ولا بنتكلم كتير ذي زمان و التانيه قطعت خالص مبقتش تتكلم معانا ، اتبقى في العيله انا و واحده قريبتي
و طبعاً نظراً إن عمرنا متقارب ف بقيت قريبه منها اوي عن الأول كمان و بقيت بالمعنى الحرفي حياتي كلها معاها و بثق فيها اوي و بحبها اوي ، كنا متفقين سوا لا انا اتجوز ولا هي و نعيش سوا نشتغل على نفسنا و نجيب بيت و نعيش فيه و بنينا احلام كتيره على الأساس ده ،و فعلا ولا انا كنت بعجب حتى ب واحد ولا هي ، كانت شخصيتنا مختلفه عن الإتنين التانيين ، كنا اصلا فكره ان نحب واحد دي مش في بالنا و كنا بنكره الجواز جداً
مرت الأيام و السنين و هي فعلا عشان اكبر مني بقت بترفض كذا واحد يتقدملها و تقول انها مبتفكرش في الجواز و إن هي لسه صغيره و مش حِمل جواز خالص ، لحد مجيه واحد اتقدملها و وافقت عليه انا فرحتلها اوي اوي بس بعد كدا زعلت و ادايقت انها هتسيبني ، مفيش غيرنا في العيله كدا متبقاش غيري بس الي ف العيله ، بمعنى اصح بقيت وحيده ،مش قادره اتخيل ان العيله تتجمع و هي مش موجوده ذي الي قبلها مبقوش موجودين معانا بردو ، انا كنت بحب تجمعات العيله عشان اقابلها و نقعد سوا و نسهر سوا ، دلوقتي خلاص بقيت لوحدي ، معتقدش ان هحضر تجمعات العيله و انا لوحدي منغيرهم ، بجد زعلانه اوي اوي ،نفسي اعرف ليه ؟ ليه الجواز بياخد الناس الي بنحبها و ليه اصلا الجواز بجد انا بكرهو بشكل مش عادي و كل مدى مبكرهو ، ليه ييجي واحد يبوظ كل حاجه ف العيله
مش عارفه اتخلص من الإحساس ده و مش عارفه اكون جمبها ، لدرجه فكرت محضرش الفرح ، و مينفعش ابينلها إن أنا زعلانه محتاره اوي و مش عارفه اعمل ايه بجد
لعرض السؤال في فدني اضغط هنا
السلام عليكم ورحمة الله
أنا بنت وعندي 13 سنه عندي اخت اكبر مني عندها 24 سنه وبتكرهني وبتتكبر عليا ولما تيجي تضربني والمسها عشان بتوجع تقول لاهلي اني ضربتها وجالي اكتئاب نفسي بسبب الموضوع ده واهلي كلهم كانو بيحبوني وانا بعاملهم حلو ولما اختي تضربني واجي المسها بس عشان بتوجعني تقوم تكسر عليا كذا حاجة وتقول اني كسرتها وضربتها وشتمتها وكل ما احاول اجي اصالحها تصالحني
واليوم الي بعده تضربني وتهزقني وانا تعبت ناس كتير قالولي اعمل كذا حاحه وفعلا عملت وكذلك مفيش فايده وتبقا بتقول لماما انا هروق الشقه كلها وفي الاخر أمي تمشي وتقولي انتي اعملي كذا كذا كذا وهي تقول هتعمل كذا
وفي الاخر بتخليني اعمل كل حاجه وانا بقولها حاضر وتعبت من كلمة حاضر وزهقت ومحدش بيحس بيا حتى لما بتشتكي بيضربوني انا بنت وعندي 13 سنه المفروض يحترموني يعني حتى مش يحترموني عشان سني طب عشان جنسيتي حتى كنت ههرب من البيت صديقتي المفضله ليا قالت لي مش هتضيعي نفسك عشان واحدة زاي دي وصديقتي هي الي مدياني امل علي اني هكون في حياة افضل لو حد عنده حل يقولي والنبي.😭
والسلام عليكم ورحمة الله تعالى وبركاته
لعرض السؤال في فدني اضغط هنا
دلوقتى انا عندي مشكله مخلياني مش عارف اتصرف ف اي حاجه انا عندي 23 سنه كل الشغلانات ال اشتغلتها في حياتي عباره عن اشتغلت في سوبر ماركت ومنجد و التموين و توزيع منتجات على المحلات واشتغلت ف شركات
اكبر مرتب قدرت أوصله ف كل دول 3000 جنيه وطبعا منكرش أن في شغلانات انا ال سبتها وفي شغلانات أجبرت أسبها زى شغل التوزيع كدا بسبب أن انا مش ال يعتبر معايا تمن البضاعه ف يوم وليله كدا الراجل قلي أن هو هيوقف وبالتالي مقدرتش اكمل فيها
لجأت لفكره جديده أن حوشت وقدرت اجيب جهاز كمبيوتر اشتغل عليه بس منكرش أن انا خبراتي مش احسن حاجه وكمان فكره ان اشتغل على مواقع زى خمسات وupwork وكدا معرفتش اتعلم مهاره تأهلني أن ابقا مميز ف حاجه (والله ما عرفت دورت وبلاقي أن المواضيع كلها لف ودوران وان ال بيشرح كل ال همه انك تتفرج ل اكبر فتره ممكنه وخلاص)
المهم اشتغلت شغل تبع العاب زى أن لعبه اخد الاكونت جديد واوصله ل لڤل معين واسلمه واخد عليه فلوس طبعا الموضوع متعب جدا كنت بقعد 12 ساعه على الكمبيوتر والشغل كمان مش مجزي ف اخر المطاف لقيت أن انا ب الكتير بقدر اطلع 2000 بالعافيه كمان وممكن يبقا أقل
المشكله الكبيره أن انا والله ما عارف اعمل اي حاجه ف حياتي الجزء الأكبر أن حتي اهلي الدنيا متدمره معاهم انا ولدي فوق 60 سنه ولغايت دلوقتى بيشتغل وكمان قبضه نفس النظام 3000 اقسم بالله
نفسي أريحه وشيل انا شويه المركب بس المصيبه اني مش عارف كل حاجه متدمره انا بدرس المفروض ف كليه ف سنه تالته مبقتش عارف اركز في دراسه على قد ما انا مركز ازاي أحسن الظروف ال انا فيها
كل الاشغال ال ممكن تبقا كويسه نسبيآ وتجيب مرتب شبه مجزي عايزه مبلغ في البدايه
مش عارف اتصرف بجد (انا طبعا مجبتش سيرة إن المفروض انا شاب وبقا بجهز نفسي وكذا وكذا )
انا طموحاتي ف الحياه ادمرت انا لو حكيت عن أن انا ساعات قد اي دراسيآ و حتي رياضيآ محدش هيصدق أن كل الإخفاقات دى اتجمعت ف شخص واحد
دعيت ربنا كتير أن يرزقني من حيث لا احتسب
وبحاول ف اي حاجه تيجي قدامي بكل الطرق بس مش لاقي بجد
الحل الوحيد ال لقيته أن ولدي يعتبر ليه ميراث عند اخواته وجدتي (بيت عيله )ف اكيد ليه حتي نصيب ولو مش كبير يعنى بس اهو ممكن بحكم خبرتي ف الدنيا وخبرت ولدي أن نعمل فيه مشروع او اي حاجه واهو الدنيا تمشي شويه وبعد كدا الواحد يبدأ يكبر من نفسه
اقترحت عليه وتحايلت عليه كتير جدا أن يكلم جدتي ال هي أمه المفروض يعنى ويفتح معاها الموضوع دا
ال حصل عكس اي حاجه متوقعه أن هي رفضت وقلت إن البيت ابوك كتبي الشقق ال فوق ب اسمي انت ملكش حاجه غير شقتك ال عايش فيها (مع أن جدي الله يرحمه مكتبش حاجه على فكره) هي بتقول كدا ال هو كان عايز يكتب الحاجه ب اسمي بس مات قبل ما يكتبهم
على فكره هي شايفه أن ظروفنا مش احسن حاجه بس متفهمش اي الحكمه أن هي عايزه تكوش على كل حاجه
ولدي كلم اخ من اخواته
طبعا الرد كان أن هو يعمل اي يعنى وسيب كل حاجه زى ما هي لغايت ما يجي وقتها وخلاص
طبعا ال أيده ف المايه مش زى ال أيده ف النار
في فرق بين واحد محتاج وبين واحد عادي عايش دنيته والأمور مستقره
انا عارف ان المواضيع كترت بس انا بجد بحاول احكي اجزاء صغيره من حياتي
لان انا بجد مش عارف اساعد ف اي حاجه
انا حتي مش عارف اساعد نفسي انا شخصيا طب اعمل اي ول اتصرف ازاي اساعد اهلي ازاي ول اساعد نفسي ازاي ول اخلص دراسه ازاي ب المنظر دا ول انزل ادور على شغل تاني ول ادور على شغل على الكمبيوتر ولما الاقي شغل المفروض اجيب شغل بمرتب كويس ازاي
اقسم بالله انا ف اكتر فترات حياتي تايه
مبقتش عارفه فين الصح وفين الغلط وفين الفرص واروح فين واجي منين ول انا المفروض استسلم وسيب الدنيا كدا زى ما تيجي تيجي وخلاص ول اعمل اي
ياريت حد لو عنده فكره او يقدر يفيدني اعمل اي يقلي
واسف على الإطالة🙏🏻
لعرض السؤال في فدني اضغط هنا
الوقتى انا اهلى رافضيين اروح لا استشارى نفسى وانا كنت حابه اروح واستحاله انى اروح من وراهم اى الحل هما رافضين اى تواصل ليا مع استشارى نفسى بس انا حاسه انى محتجاه جدا.
أنا بصلى وبقرأ قرآن واذكار وقريبه الحمد الله وبسعى في قربى اكتر واكتر من ربنا بس محتاجه دكتور نفسى اعمل ايه فيدونى
لعرض السؤال في فدني اضغط هنا
أنا عندي مشكلة، دائما أمي مش قادره تفهمني وانا مبعرفش اتكلم معاها
اولا علشان بحس إن اللي في دماغها مش بيتغير وكمان بحس إن في حاجز كبير بيني وبينها وبكون مكسوفه منها بس رغم كل ده بحس إن أي كلمه بتقولها بتأثر فيا مع اني كبيرة ٢٥ سنه مش المفروض إن أي كلمه تقولها لي تبقي مأثره فيا كده
كلامها السلبي بيموتني ومش بعرف أتجاهل ده مع إني عارفه أنه مش بيكون قصدها بس كلامها سم مش بعرف أطلعه وفي نفس الوقت بفقد الثقه في نفسي بحس اني ولا حاجه
فبفضل افكر اني عاوزه أشتغل علي نفسي اوي علشان يبقي ليا قيمه فالبتالي كلامها ميأثرش فيا وفي نفس الوقت اللي بفكر فيه اني لازم يبقي ليا قيمه بفكر اني مش هعرف اعمل حاجه واني بضحك علي نفسي وبفضل اخترع مواقف من دماغي، فشل وزعل وكره لناس وبفضل في صراع كبير مع نفسي وبحس أن مفيش حد هيتقبلني واني لو نجحت لازم هي تساعدني علشان أنا لوحدي مش كفايه
لعرض السؤال في فدني اضغط هنا
انا ابويا اتجوز بعد وفاه امي من ٤ سنين ونص وجابها تعيش معايا انا عايشه في عذاب وبتقعد دايما تقولي ياعانس وكلامها لسه لحد دلوقتي مأثر فيا مع اني لسه صغيره ابويا جابلها شقه تانيه عشان المشاكل بس لما بشوفها صدفه اعصابي بتتوتر وبحس في رعشه في جسمي كله وانا نفسيتي مش عارفه اصلحها خالص اعمل ايه قولولي اعمل ايه انا تعبت جدا
لعرض السؤال في فدني اضغط هنا
السلام عليكم
أنا مش عارفه كيف بتكلم هذا الكلام بس الموضوع شاغلني ومش عارفه اوقف تفكير ، أنا والدي متوفي من سنة وكان عمي ييجي زيارات للبيت عشان يتطمن علينا وأخبارنا بس صارت الزيارات كثيرة وصار فيه تواصل مع امي بشكل دائم تقريبًا صار ييجي يوميًا بس بعدين سافر وضل ع تواصل مع امي بس من فترة صرت اشوف امي تخبي التلفون عنا وهي تكلمه وغيرت كلمة السر وصارت تكلمه بالليل ودائمًا وبس اقرب عليها تبعد التلفون.
أنا مش عارفه لو هم على تواصل وفي نية للزواج أو من هاي الناحية ومشكلتي الأكبر إنه بس كان ييجي علينا كان يتحرش فيني وبهاي الفترة مش طايقه أمي واحس إنها تخون والدي مع أنه متوفي بس هاي الفكرة مش عارفه أشيلها من بالي ولو رح يصير زواج أنا كيف اتصرف مش رح اعرف اعيش معهم بنفس البيت.
آسفة ع كلامي الطويل بس أنا تعبت من التفكير ساعدوني وخايفة اكون بسيء الظن بأمي عشان برضو حاسه بتأنيب إني شكيت فيها
لعرض السؤال في فدني اضغط هنا
السلام عليكم،
هناك موقف لا استطيع نسيانه و هو تحرش ابن خالي بي ، كان صديقاً لي منذ الصغر و كان مثل أخي الأكبر كنت في أغلب الوقت أقضي يومي معه لأنه يعيش في منزل جدتي "منزل عائلة"
و كنا معروفين في العائلة بقربنا الكبير لبعض لأننا تربينا سوياً
و لكن حينما كنت في المرحله الإعداديه و كان هو أكبر و اكثر وعياً مني قال لي دعينا نلعب لُعبه الغُميضه ، و انا وافقت و كان وقتها معنا ابن خالي الأخر و بنات خالاتي الذين يصغروني جميعاً ،
اغلق الضوء و بدأنا بلعب الغميضه و لكن أنا لا اعرف كيف حدث هذا و لكني كنت اشعر بلمسات كثيره و غريبه في جسدي و كان هو و كنت اهرب منه و لكنه كان يأتي إلي و يفعل ما هو أقذر و كان معه ابن خالي الأخر و لكنه كان صغيراً لا يفهم ماذا يحدث و أنا لم أستطع ماذا افعل وقتها من شده الصدمه استطعت ب أعجوبه الهروب منه و فتح الضوء و من بعد ذلك أصبحت اكرهه كعدو لي بالطبع كانت جميع العائله مُستغربه لفتره من التغير الذي حدث لي معه لأنني كنت احبه و اعامله جيداً و لكن اصبحت اعامله معامله سيئه و هو كذلك اصبح يعاملني بسوء
حينما كنت اصغر من هذا تحرش بي كذلك و لكن لم اكن في استيعابي فقد دخل علي اثناء نومي و لمسني و أيضاً اصبح يقوم ب استفزازي ب كل الطرق مثل انه في مره كان عندنا في المنزل و أنا كنت ارغب بالنوم بشده و لكن متوتره ان انام في نفس المنزل الذي ينام به لذلك قررت ان انام بالحجاب كستراً لي و حدث ما توقعته و هو انه قد دخل علي الغرفه و انا نائمه و تكلم معي و لكن لم اكن في وعيي ابداً و كان يأخد رأيي في اشياء و انا لم اكن افهم ماذا يريد و بعدها استيقظت و استوعبت انه قد دخل علي ، و مواقف اخرى كثيره مثل هذه فمثلاً حينما اذهب لجدتي كان ينزل كثيراً و لا يتركني أخذ راحتي و كان يقول لي لماذا ترتدي هذا الشيئ على رأسك أمامي السنا اخوه؟ و انا لم اكن ارد عليه كان ابن خالي الأخر يرد عليه و يقول له أنه حراماً أيضاً ان اخلع حجابي امامهم و كان يدخل للغرفه و المنزل دون دق الباب و كأنه لا يهمه ان كنت ارتدي حجابي ام لا على عكس ابن خالي الأخر فقد كان يتأكد أني سترت نفسي أولا قبل دخوله ، حقاً لا استطيع ان أفهم كيف له الجُرئه للتعامل هكذا و كأن لم يحدث شيئ ، قد
كتمت ما حدث حتى ٤ سنوات إلى الأن لا أحد يعرف ماذا حدث لكي نكره بعضنا لهذه الدرجه
و لكن الأن لن يستطيع فعل اي شيئ من هذا مجدداً لأن الحمد للّٰه قد اصبح ابن خالي الأخر الذي يصغرني شاباً ناضجاً و صالحاً مُتحلي بالصفات الحميده و ملتزماً بالصلاه ثبته اللّٰه و قد اصبح حينما اذهب لمنزل جدتي يجلس معي ولا يعطيه اي فرصه للتعامل معي لا أعلم إن كان يتذكر ما حدث او لا و لكنه سبباً في انعدام تعامل ابن خالي الأخر معي فقد كانا في صغر سنهما يحدث مشاكل بينهما كثيره و لم يكن يحبه ،و أيضاً منذ حدوث هذا الموقف كنت لا اذهب لبيت جدتي أبدا و هذا جعل الجميع يظنون انني سيئه و لا أصل الرحم ، و لكن بعد ان اصبح ابن خالي الأخر موجوداً و كالمتصدي له اصبحت اذهب بأمان و كذلك قلل نزوله للغايه و اصبحت لا أراه كثيراً مثلما كنت اراه في صغرنا ، لذلك لا ارغب في افتعال مشاكل بين العائلتين و لكن أشعر بالغيره الشديده لأن امي حتى الأن و رغم التغير السيئ الذي حل به تعامله كابنها و تحبه كثيراً هي ربته معي و تعامله كابنها الأول لدرجه أنها علقت صور له في صغره في منزلنا
و هو يتعامل معها و كأنه لم يفعل شيئ سيئ لابنتها و هذا يجعلني اشعر بالحقد و الغيره بشكل كبير
اريد حلاً اريد جعلها تكرهه بدون افتعال المشاكل
حاولت التلميح لها مثل ان اقول كثيراً أنني اكرهه للغايه و انه سيء و فتى غير جيد و كنت احاول تكبير المواقف و جعلها تشعر بالعصبيه تجاهه و لكن هذا لا يفلح اريد حل للتخلص من هذا الفتى و بدون ان اسبب ضرراً لخالي ارجو الإفاده
لعرض السؤال في فدني اضغط هنا
ابويا اتوفى من شهور و انا بصلى و بدعى و بتصدق بس حقيقى تعبت تعبت من كتر لما يحصل اى موقف بسيط اروح مفتكرة كل التفاصيل اللى هو معايا فيها انهاردة عندى امتحان و هو اللى كان بيوصلنى و بيحفزنى حلمت بيه صحيت قلبى معصور و قعدت افتكر حنيته و حبه ليا اللى مافيش منه موجوعة بجد و بحس أن كل حاجة نقصاه و مش هقدر أنى اتابع مع حد نفسى يفهمنى لأن اهلى مش معترفين بحاجة زى كده ادعولى يا جماعة و لو حد عنده حل يقولى اتمنى محدش يحسسنى أن الاحساس ده هيطول كتبت سؤال قبل كده و كذا حد قعدت يحكيلى إن الموضوع بياخد يمكن سنين و دى حاجة تعبتنى اكتر
لعرض السؤال في فدني اضغط هنا
السلام عليكم
انا بصراحه مضايقه جدا مصدومه وانا بكتب الكلام ده بس انا مش لاقيه حد يساعدني
انا اكتشفت ان اختي بتجيب للأسف سجاير وتشربها على السطح فوق لما نبقي نايمين وصدفه كانت نايمه العلبه في جيبها، ماما شافتها وخدنا الموضوع بهدوء، عديناها وهي قالت مش هعمل كده تاني وخلاص
سكتنا بس بعدها باسبوع كانت هتجيب لبس وهي عايزة تلبس قصير بلوزه مثلا علشان كده كده هي بتلبس جيبه زي أصحابها بس احنا مستحيل نعمل كده
المهم اتخانقت انا وهي ومجبتش فكنت قاعده انا وامي وأختي التانيه يعني تحت وبعدها طلعت عليها فجأة لان بصراحه مكنتش مرتحالها ففعلا لقيتها معاها علبه تاني
انا عيطت كتير قدامها وامي ضربتها وقالت مش هتعمل كده وقعدت تحلف كتيرر الموضوع عدي بس انا مش مرتاحة
في آخر كام يوم بقت تطلع فوق وتنزل بسرعه مش عارفه ليه والنهارده طلعت وقعدت كام دقيقه ونزلت أنا سايباها لان عندي امتحانات بصراحه وكمان أنا بقول هي بتعمل كده علشان تتطمن ان احنا مش مركزين معاها فترجع تعمل كده تاني
أنا مش عارفة أعمل إيه وابوي مسافر ولو عرف ممكن يتجلط فيها وانا تعبت بجد انا كل يوم بعيط وبدعي لربنا يهديه
بجد مش قادره استحمل المنظر والله كنت بخاف اراقبها مثلا اشوف المنظر ده ارجوكم اعمل ايه واسفه على الاطاله
لعرض السؤال في فدني اضغط هنا
ازاي اقدر اتخطى عدم وجود ابويا في حياتي ازاي اقدر اكمل وانا عارفه انه اتخلى عنى وسبنى ازاي ارجع ثقتى فى نفسى وابويا هو اللى كسرها
لعرض السؤال في فدني اضغط هنا
ازاي بتتعافوا من شعور انكم منبوذين و مأذيين من الناس اللي المفروض يحبوكم بطبيعة الحياة زي أهلكم صحابكم ناس بتشوفوا الحب في عيونهم ليكم و في كلامهم بس في أفعالهم انتم مش محسوبين
و ازاي بتتخطوا الأفكار دي انا بحاول أقنع نفسي أن ده بس احساس داخلي
لعرض السؤال في فدني اضغط هنا
السلام عليكم ورحمه الله وبركاته
معي مشكله ومش عارفه اعمل ايه فيها ارجو النصيحه
انا متجوزه ليا سنه ولسه ماحصلش حمل الحمد لله على كل حال طبعا بس زوجى هو اللي تعبان شي بسيط، ابوه دايما يزعق له ويعايره انه تعبان وكدا وجوزى مستحمل بس انا تعبت من الكلام عليه وحابة أتدخل بس خايفه زوجى يزعل فاتمنى نصيحه اخفف عنه بيها 🥺🥺
لعرض السؤال في فدني اضغط هنا
سلام عليكم
عندى مشكله انا بنت ف اولي كليه بابا متوفي وانا وامي عايشين سوا واخويا اغلب الوقت مسافر ف السعودية، علاقتي مع امي اسوء من السوء حرفيا
هي انسانه صعبه ودمرتني ويحاول اني أبقى كويسه معاها بس فعلا تعبت وحاولت اني انت**حر قبل كدا كتير بسببها بس دا كان زمان
الوقتي الموضوع زى ما هو بس انا بحاول وبقول هو ابتلاء بس فعلا تعبت المشكله الوقتي إن كان حلم حياتي ادرس بره واقدم ع منحه ولكن وبعد ما نويت اقدم ورغم كل اللي بتعمله فيا ورغم كرهي حرفيا ليها الا اني مش عارفه ازاي اسيبها وتسافر لو جاتلي المنحه دى فأنا بجد مش عارفه
انا نفسي اوي اقدم بس مش عارفه اى الحل او اعمل اى انا اصلا قعدتي مع امي تعب جسديا ونفسيا اقسم بالله بس بردو انا عاوزه حل انا نفسي اسافر نفسي اغير حياتي وحياتها وكل حاجه اتمني حد يقولي حل لان المنحه هتفتح خلاص وشكرا
لعرض السؤال في فدني اضغط هنا
السلام عليكم ورحمة الله وبركاته،
انا كنت مخطوبه قبل كده وانا في تالته ثانوي كنت صغيره للاسف مكنتش ليا قرار افتكر ساعتها اني مقولتش موافقه لقيت اهلي مبسوطين واتفقوا وعملوا عزومة كنت حاسه اني متخدره أقسم بالله
وعملنا فاتحه انا كنت بعيط في الفاتحه حرفيا وبنت عمي مالك والناس يبصولي وقتها بس الي فقت، لا الموضوع بجد الشخص انا مكنتش متقبلاه خالص وهما ده كويس ده محترم ده شغال وبتاع انتي مش هتتجوزي بكره ،بس أقسم بالله فعلا مكنتش بطيقه حرفيا مكنش هو الشخص الي اتمناه زوج
مكنش بيصلي الأذان يأذن ينزلوا عندي يصلوا وهو لاء كنت بتخنق ، ماما كانت تقولي قومي صلي اصلي وارجع تاني وهو قاعد كان بيضحك كتير اوي بصوت عالي جدا الي هو انت في بيت ناس عيب بجد، المهم فضلنا لحد تانيه جامعه انا فعلا نفسيتي كانت خلاص كنت بنام عياط وأصحى كذلك لما كان يجي كنت اعمل نفسي نايمه
تعبت حرفيا اخدت قرار انا مش عاوزاه كفاية ظلم للطرفين بسبب الأهل عملت له بلوك قلت لماما اخر قرار وزعقت، بابا قالي متكسفينيش قدام الناس ، صبرت برضو لاء مش عارفه، لما لقيوا خلاص وافقوا ابعتوا الشبكه جه لنا الحاجه راحت قعد يعيط لماما انا بحبها وكذا بس قالت له هي مش راضيه وكل شي نصيب
امي بقا انتي بتتبطري انتي وانتي كنت صاحبه ماما جدا
ان حاليا للاسف بقيت نفسيا ادمرت مش قادره أنسى لما اتصل عليها في مر ه بعد حوالي 7 شهور طول الفتره دي كنت في نكد بسبب إنه بيتصل برضوا عشان نرجع ب7 شهور الحمد الله خطب واحده جارتهم احسبها علي خير والله هي صحبتي كويسه جدا والله ،
المهم كان بيكلم امي انا والله في الشغل هو شغله بعيد ومامته راحت وطلبتها وانا مسافر وبتاع للاسف سمعتها بتقوله دي احلي من بنتي والله وقموره قالها مش بالشكل يا عمتي حاولي معاها تاني قالت له يا بني هي احلي من بنتي
انا سمعتها بتقول كده أقسم بالله قلبي اتكسر حرفيا ،نفسيا انا اهو آخر سنه في الجامعه نفسيا ادمرت نفسي ارجع زي الاول كان نفسي اهلي يحسوا ساعتها وينهوا الموضوع ويقفوا جمبي ،بقيت غصب عني بتعصب ع ماما
مخنوقة جدا والله العظيم، بقيت لوحدي مش عاوزه اكلم حد ،بيتقدملي ناس بس انا فعلا عاوزه واحد صالح يعيني لطريق ربنا بس بجد مش عاوزه حد بيشرب سجاير لانها جهر بالمعصية عاوزه حد تقي بجد مش اعيد الغلط تاني انا كنت صغيره هما بقى ف الي هو انتي بتحلمي انتي عاوزه نبي ارضي وهكذا ،هل انا غلطانه اعمل اي بجد اسفه ع الاطاله
لعرض السؤال في فدني اضغط هنا
السلام عليكم
انا عندي مشكلة تعباني جدا انا من وانا صغيرة بسمع بمشاكل من أمي وابويا وديما كانت بتكون بسبب واحد مشاهدة فيديوهات مش كويسة
وانا كنت اعرف من وانا صغيرة وبسمع خناقتهم ولما كبرنا امي دايما تحدث شجار لنفس السبب واحنا اطفال كنا بنسمع لكن مكناش بندخل في الموضوع اوي لكن لما كبرنا امي لو اتخانقوا تتكلم عليه وحش جدا قدامنا وعلى طول تفتش موبايله وتقولي امسحي ده وريني ده
ولما ارفض تزعل وتشاكلني وممكن متكلمنيش شهر انا بجد تعبت من شجارهم الدائم وبنهار عصبيا انا لسه بدرس بس مأثرين علي نفسيتي جدا ومليش أقارب ولا أصحاب اشتكي لهم أو حتي اتكلم معاهم حاسة اني هتخنق وبقيت بعيط علطول وبحس أن نفسي بيتقطع من العياط وقلبي هيقف مش عارفة اعمل ايه ياريت حد يفيدني ومحدش يقول ملكيش دعوة لان كده كده بدخل ف الموضوع
لعرض السؤال في فدني اضغط هنا
أنا بنت عندي 25سنه اختي عندها 29 سنه منفصله بسبب مشكله كبيره وهي غلطانه وعملت حاجه غلط وسمعتها مش كويسه وانا اختها فبالتالي سمعتي أنا كمان قدام كل الناس مش كويسه خصوصا إننا من أم واحده أنا وهي وباقي اخواتي من الاب
أنا شغاله مدرسه دروس فى البيت ونزلت السنه دي مدرسه ودخلت دروس اون لاين مش عايزه ولا ساعه فاضيه تخلي نفسيتي تتعب يمكن أنا بصيغ شويه كلام جنب بعض لكن الشعور الداخلي جوه قلبي حقيقي لا يمكن اقدر اصيغه بملايييين الكلمات ابتلاء عظيم وشديد على قلبي وانا بسعي بشكل غير عادي وساحله نفسي
هي عايشه معايا فالبيت وأنا مش قادره باي شكل اتقبل الوضع، داخلين فى سنتين وهي موجوده قبل ما هي تنفصل أنا كنت بنصحها لدرجه بوست رأسها من كتر ما كنت بتحايل عليها متعملش حاجه غلط ومش علشان الناس علشان عيالها وعلشان نفسها لكنها غلطت ...
حاولت كتير اسامحها لكن أنا مش قادره أنا زعلانه من نفسي اني بقيت مليانه بالمشاعر الوحشه دي مشاعري بقت مخليه قلبي تقيل وقاسي وأنا عمري عمري ما كنت كده أنا مش عارفه اعمل ايه أنا محتاجه مساعدة بكل ما تحمله الكلمه من معنى أنا بحس اني بدفع تمن غلط مش بتاعي وبقرف منها من اقل أقل شئ بقرف ....
اللهم لك الحمد ربنا فاتح عليا بس مش حاسه بطعم اي حاجه ولا ليا نفس اشتري لبس ولا ليا نفس اعمل رفاهيات الحياه البسيطه العاديه اللي تخلي الإنسان يتنفس حرفياً بحس اني جوه قفص خصوصا إحنا ارياف والوضع تقيل عليا وحمل وأنا حساسه
ومن غير حساسيتي هو الموضوع صعب على اي حد والله العظيم...المشكله ان هي لسه بتتكلم فى التليفون ولقينا معاها تليفون تاني وخدناه وجابت غيره قلنا نسيبه وعادي ونثق فيها هو فون عادي مش سمارت لكنها بتتكلم فيه معرفش بتكلم مين بتعمل ايه انا مش عارفه....أنا مش هصلح الكون ومحدش يقولي حلول ليها هي. ... أنا عملت كل شئ لدرجه اني كنت بطلع صدقات بنيه هدايتها
أنا عايزه نصيحه تخليني احافظ على عقلي وإيماني لأني فى مرحله صعبه وتفكير سلبي وتفكير كله شر
لعرض السؤال في فدني اضغط هنا
هو انا حاليا في المرحله الاعداديه ثالثه اعدادي يعني فأنا فكرت في فكره الحجاب الشرعي بس لقيت إن عندنا العيله مش موافقين الرأي بتقول أنت لسه صغيره وكمان ممكن مش تعرفي تثبتي عليه ولازم انت اول ما تلبسيه مش تخلعيه خالص فأنا عارضتهم طبعا عشان انا حابة اخوض التجربه وخصوصا إنه شكلا حلو اوي وكمان واسع ومحترم وأنا طبيعي جدا لبسي كله واسع ف هم قالوا لي أنت معاكي سنه ان انت تقرري يعني انت ممكن تلبسيه في اولى ثانوي فانا حاليا خفت يعني فعلا انا فكرت ان فعلا الالتزام بيه صعبه بسبب ومش عارفه وفي نفسي انا حباها وعايزه البسه عشان هو محترم وحاسه ان انا اكون مختلفه عن الكل بس انا قلت ان انا يعني مليش دعوه بحد وصراحه محتاره اوي ألبسه ولا لاء
يعني عاوزه رأيكم عشان جربت آخد تصويت من امي قالت لي براحتك وملحوظه انو ماما موافقه علي فكره الحجاب...... يعني بلييز حد يهتم ويحاول يفدني برأيه 🙂✨🖤
لعرض السؤال في فدني اضغط هنا
السلام عليكم ورحمة الله وبركاته
وانا صغيره اخواتي كانو بيضربوني واخويا الكبير كان بيعمل فيا حاجه وحشه وطول فتره الابتدائي كدا وبعدين دخلت الاعدادي واخواتي الشباب بقوا متحاكمين جامد وبيضربوني وامي بردو
وانا اصلا ابويا مكنش عايش معايا واصلا مات يعني محستش بأمان في عيلتي وفضل النظام دا يضربوني بسبب لبسي معملتش الشقه مغسلتش المواعين اسباب تافهة حرفيا ولحد ما دخلت الثانوي وانا في اجازه الكليه وانتحرت وابن عمتي لحقني ووداني المستشفي بسبب ضغطهم وهو كان طلبني وكل الناس كانت بتقولي لا
ومسدجات كانت بتجلي تخوفني من ارقام غريبه منه ورفضت رغم ان بحبه ومعجبه بي بس بعدت عشان المشاكل
وبعدين بعدت عنهم سنتين وامي كانت بتعايرني به وبيشتموني شتايم وحشه وانا غصب عني رفضته مع اني روحي فيه وبعدين عمتي قالت لي تعالي ادي لولاد أخته دروس ورحت ومكنتش اعرف إني هدخل ف حاله نفسيه كدا واشوفه مع مراته واندم ويصعب عليا نفسي اووي
ان انا حبيته وبعدت والمفروض انا مكانها وبعدين ف يوم كنت عندهم وصاحبتي رنت عليا وقالت لي عريس جايلك ومتجوز ومخلف وهو كان موجود وأنا بكلمها وصعبت عليا نفسي وعيطت
(السنتين دول اتغيرت وبقيت اعيط ع اتافه الاسباب ولما يطبطب عليا و لما حد بيقولي مالك بنهار من العياط)
وهو سالني مالك قلت له مفيش وأنا بعيط وكان بيضغط عليا وبيخليني أحكي وبعدها اخته دخلت وأنا بعيط وقلت له جالي عريس متجوز و قالي بتعيطي ليه قلت له ماما هتضغط عليا زي ما عملت معاك وقالي سيبك من الماضي قلت له انا فيه وحرفيا مدمره وكل دا وأنا بتكلم بصويت و انيهار وانا اصلا بقيت افكر فيه كتير ومش عارفه اعمل ايه ممكن حد يفدني
لعرض السؤال في فدني اضغط هنا
ع طول حاسة اني مش اجمل بنت وان مفيش حد هيشوف فيا الجمال
بتجنب ابص ف المراية
بفتكر طول الوقت كلام بابا ليا وهو بيقولي بصي لنفسك ف المرايا
هو دا جسم بنت!!!
وهكذا
ماما بتقولي لا انتي اجمل بنت وانتي اللي مش شايفة طبعا خدت كلامها ع انه مش صح عشان مهما كان دي ام ولازم تشكر ف بنتها...
حاولت ابص لنفسي ف المراية ملامحي حلوة بس بقول لاء مش جميلة خالص عندي هالات ووشي مفيهوش حاجة حلوة
ببص لنفسي بنقص
طول الوقت شايفة اني اقل من البنات
حتى اخويا لما اتخانق معايا قالي انتي مش هتتجوزي بمنظرك ده! انتي مفكره ان حد هيبصلك
مع اني لسه صغيرة وبدأت اشتغل من قريب.... حاسه اني معملتش حاجة في حياتي من تحكمات بابا الكتير فيا مش عارفة اعمل ايه واتقبل نفسي ازاي
انا بقيت اتجنب اعدي من قدام اي مرايا
لما بقعد افكر بفكر ان الناس شيفاني ازاااي وهل كلام بابا صح؟!
انا بجد معنديش ثقة في نفسي خالص و بدعي ربنا يزيدني جمال او اي حد يشوف الجمال اللي محدش شايفة فيا ده 💔
لعرض السؤال في فدني اضغط هنا
انا كنت مطلقة وعندي طفلين وبسبب ظروف الحياة وغلاء المعيشة تزوجت وسافرت وتركت ولادي مع والدهم،
بس السفر والغربة دمر شخصيتي حرفياً وصرت اعاني من قلق وخوف شديد.
الشخص يلي تزوجتو كويس بس انا بحس حالي مالي مرتاحة بلا ولادي وضميري عم يعذبني كل الوقت شو اعمل اطلب الطلاق وارجع اعيش معهم في بيت اهلي ولا ابقى زي ما انا والله واقعة بحيرة شديدة ساعدوني الله يكرمكم
لعرض السؤال في فدني اضغط هنا
انا أمى طيبة وكويسة لكن عندها عيب العصبية الفظيعة وتكبير المواضيع لأسباب بسيطة جدا وللأسف لما بتتعصب بتقول كلام صعب جدا وجارح لدرجة أنه بيتعب نفسيتي.
أحياناً لما اجيب آخري وأحس إني خلاص مش قادرة بضطر إني أحكي لوالدي عنها وبرتاح معاه جداً لكن هو توفي من فترة ومن بعدها بستحمل منها جدا لكن ساعات الكيل بيطفح وبضطر أحكي لأختى الكبيرة علشان مينفعش أحكي لحد غريب لكن للأسف أختي رغم أنها كويسة لكن دائما منحازة لماما في الغلط قبل الصح وأنا غصب عني بوصل لمرحلة إني لو محكتش لحد بتعب جدا وبدوخ وأمي مش بتتقبل الكلام بالراحة مهما عملت خلاص انا الغلطانة في كل الأحوال حقيقي تعبت مش عارفة ألاحق بين المشاكل ولا الدراسة ولا وجع فراق والدي الحبيب محدش مقدر إني أصغر واحدة والصدمة كبيرة اوى كله مكبر مني
والدي الوحيد اللي كان بيفهمني، أنا تعبانة من غيره بجد.
لعرض السؤال في فدني اضغط هنا
السلام عليكم ورحمة الله وبركاته.
مش اول مره احس الاحساس ده لا ده علي طول ملازمني
دايما ابويا وامي بيفضلوا (اختي) عني عمرهم ما بيساوي بيني وبينها دايما هي الأحسن والافضل بالنسبة لهم لأنها اشطر مني في التعليم رغم انها 1 ثانوي
بتأذى دايما بالتفكير ف كده وبنهار حرفيا بشكل كلي مش عارف اعمل ايه،
اللي بتطلبه بيجي لها ف وقتها انما انا لو طلبت مبيجليش دايما في كل حاجه بطلبها يقولوا لي انت الكبير اطلع واشتغل وهات لنفسك
اشتغل وانا ف دراسه؟ (للعلم انا طالب ثانويه عامه 3 ثانوي)
كل م اطلب ميجليش الحاجه بلبس وبصرف من معايا لكن معييش فلوس حاليا وانا حاليا في 3 ثانوي وشقتنا اوضه وصاله بقعد ف الاوضه اذاكر الاقيهم بيقولوا لي يلا عشان ننام واطلع الصاله اذاكر برضو يقولوا لي اطفي النور
مبقتش عارف اذاكر ولو اختي اللي طلبت كده هيمشوا كلامهم عليا ويفتحوا النور وهيخلوها تذاكر
اللي أنا عمال افكر فيه هما ليه مش مقدرين اني في 3 ثانوي مش مهم انا يدمروني بكلامهم او بأي حاجه ميهمنيش بس يسيبوني اذاكر
ياريتني كنت اقدر اختار اهلي (مش كرهاا فيهم والله) بالعكس ده انا كل ساعه مش كل يوم بفكر فيهم قبل مني ودايما بتمنى من ربنا اني أبقى حاجه كويسه ويبقي معايا فلوس عشان اغير شقتنا واجيب شقه اكبر
دايما نفسي اجيبلهم الحلو كله وكل اللي نفسهم فيه والله انا مبفتكرش نفسي غير بعدهم نفسي اتبسط ولو يوم حتي، وانا هتأذي حتي ف دراستي بسببهم
دلوقتى مش عارف اعمل ايه بقيت خايف بسببهم مجبش مجموع
هل ازعقلهم؟ ولا اسكت وارضي ربنا عشان ربنا يراضيني دايما بحس اني قليل بسببهم وهبقا فاشل في نفس الوقت ربنا بيديني شغف وبيقولي أنت هتنجح بس هما ليه بيعاملوني كده ومش زيها ليه دايما مميزنها عني (انا والله عمري ما كرهتها وبتمنى لها كل خير وبحبها يمكن اكتر من نفسي وهي بحسها اوقات طيقاني واوقات لا) بس يساوي بينا اهلي، ده حتي انا الولد الوحيد علي اخواتي خايف من كتر الزعل اللي جوايا يتولد قسوه واقسي عليهم وانساهم لما اكبر انا كل حته جوايا بتتأذي والله انا اسف لنفسي. بس كنت عايز اعرف اتصرف ازاي؟
لعرض السؤال في فدني اضغط هنا
اسرتي هي سبب اكتئابي لا أشعر بالراحه معهم، سرقوا كل احلامي لا اشعر بالانتما۽ لهم.
اشعر اني لا شي معهم، ليس لدي شخصية ولا يسمحوا لي بالأشياء التي أحبها. انا حقا اكرههم لانهم سبب تعاستي وحزني في هذه الحياة.
لعرض السؤال في فدني اضغط هنا
بنتي شافتني وأنا أشاهد مواقع رقص و نساء عاريات ثم أخذت التليفون المحمول اثناء النوم لتتأكد من المشاهدات وفي اليوم التالي واجهتني وهي في حالة عصبية ونفسية سيئة و ما كان علي غير أني غادرت المنزل لأهرب من المواجهة
والآن أنا لا أعرف ماذا أفعل و كيف حال ابنتي اليوم و كيف أعالج هذه الصدمة التي تسببت فيها لابنتي
لعرض السؤال في فدني اضغط هنا
انا شاب متجوز من سنة و٨ شهور عايش ف معيشة متوسطة الحمد لله
بيني وبين مراتي مشاكل عادي بتعدي وببتحل بس مش دي المشكله ... المشكلة اللي منغصة علينا حياتنا هي امي!!!!
امي بينها وبين مراتي مشاكل باستمرار.. انتي قطعتي هدومي انتي فعلتي انتي سويتي
ودخلت ع اخواتي الشباب
الكبير طبعا فيه بينه وبين امه انسجام وتوافق عجيب ف الغلط والصح وبسببها خلته طلق مراته اللي قبلها خطب مرتين واتجوزها وطلقها وبقاله سنين مش عارف يتجوز بسبب ان امه ست صعبه وهو موافقها ع رأيها وهي طبعا شايفه كل حاجه بتحصل ف البيت بسبب مراتي اي حاجه تبوظ لوحدها تخرب تتكسر اي حاجه اكيد مراتي
فكرت اعزل بيها بس ابويا راجل مبيحكمش ع حاجه ولا بيعرف ياخد اي قرار مهما اتمسكت بيه المصيبة ان كل حاجه مع ابويا الارض والبيوت وكل حاجه وهما بيحركوه وانا مش عاوز اخد غضبها وشايف مراتي مظلومة افيدووووني بالله عليكم
لعرض السؤال في فدني اضغط هنا
انا واهلى بقالنا كام سنه بيحصل لنا اضطرابات ومشاكل وتغيرات كتير بالذات اخر كام سنه،
وانا مدركه اننا بنتعرض لابتلاء كبير بسبب قلة الفلوس بشكل مفاجئ
من كام سنه كان ماديتنا كويسه جدا بالنسبة لنا الحمد لله ولكن فجأه بدأت الالتزامات تكتر بشكل مفاجىء وحاجات كتير بتحصل
العربيه كل شويه بتعمل حادثه وبتتصلح بآلافات، استلفنا تقريبا من نص الكوكب وعملنا قرض مرتين وتفاصيل اكتر لكن الحمد لله على كل شىء ،
اكتر حاجه مؤلمه بالنسبه ليه ان بابا بيعافر من زمان من وهو لسه شاب سافر السعوديه في التسعينات ونزل مصر اتعرف على ماما وخلفونا هناك وعيشنا كذا سنه وكانت حياتنا كويسه جدا جدا لحد ما الشركه اتصفت
وبابا قال هينزل مصر تانى وكان اسوأ قرار وندمان عليه وبعد مانزل الوضع على مرور السنين بيكون اسوأ لحد من كام سنه الوضع بقا غير يطاق فعلا احنا بنعيش في ايام بجد بنأجل تعبنا كتير كتير عشان الادويه غاليه بعد ما كنا عايشين احسن من ناس كتير في السعوديه نفسها وحاجات كتير
معرفش ليه حالنا اتغير بالشكل المخيف ده وبابا نفسيته تعبت جدا لانه مش عارف يعمل ايه تانى بابا حاليا 57 سنه وكمان حصل مشكله يوم الجمعه اللي فات كبيره جدا وبابا انهار جامد وقال انو مش في إيده حاجه وان معدش قادر وان وشي بقا صغير جدا لما يكون هو مدير مصنع وبيستلف من العملاء الأقل منه
احنا مرتبنا كويس جدا ولكن بيحصلنا ابتلاءات كتير جدا وبشكل مستمر بتخلينا نستلف ونتعب نفسيا
كلمت ربنا كتير ودعيت وانا بصلى وعملت كل حاجه اتمنى ربنا يسمعنى ويرجع البركه تانى ف حياتنا لان فعلا انا مش قادره خالص حاسه انى عبء كبير على أهلي وانا 17 سنه فعلا مش قدامى حاجه اعملها خالص وبابا ساب البيت وقال هيرجع بعد شهر وبعدين كلم ماما امبارح وقالها انه هيسافر الإمارات طب انا معرفش ايه كميه التعب اللي ف بابا اللي تخليه يسافر ويتشحطط وهو خلاص على المعاش
طب هيلاقى شغل فين ولا امتى بجد معرفش الموضوع فيه تفاصيل بس بجد انا معرفش اساسا ايه السؤال انا بفضفض بس والله وادعولى كتير كتير ربنا يحل الابتلاء ده مش عشاني عشان بابا حتى ونفسيته هو غالي عندى وتعب ف حياته وتفاصيل صعبه جدا بس الحمد لله على كل شيء.
لعرض السؤال في فدني اضغط هنا
امي كانت علي علاقة هاتفيه دوما مع بعض الرجال و في كل مره تكشف و نري الرسائل و نسمع المكالمات كانت تنكر كل شئ لدرجه انها كانت تأتي باللوم علينا و انا مرضي و كيف أن تفعل ذلك لم اتخطي هذا للان مع انها لا تتحدث مع أحد لكنها تتقابل معهم دوما في عملها و كل مره اذهب لزيارتها و أراهم يتحدثون معها أشعر أنها مازالت تكن مشاعر له
و مهما حاولت أن احسن علاقتي معها لا تخرج صورتها و هي معهم و صوتا يقول لا لا تنسي انها خائنه
لعرض السؤال في فدني اضغط هنا
السلام عليكم
عايزة احكي باختصار مشكلتي مع بابا
هو انسان قاسي بس بيحبنا وبيصرف علينا وكل حاجة بس مشكلتي انه قسي عليا جدا وحاجات كتير كنت ببقى عايزة أخرج رحلات ومكنش بيرضى ومرة ضربني ضرب جامد جدا
الفكرة اني مسامحة علي كل ده بس مش قادرة اتكلم معاه ابدا
لساني كأني خرسة يا دوب لو طلب حاجة بنفذها.
انا بحبه بصراحة ومسامحة ونفسي أتكلم معاه أو اعرف ايه سبب المشكلة، انا بطبيعتي اجتماعية جدا ولكن بقالي أكثر من ست سنين مبتكلمش معاه خالص ومش قادرة نهائي ونفسي اروح عند دكتور نفسي وأتعالج بس بصراحة مش هقدر ادفع ده كله من معايا لأني مش هقدر اقولهم اني رايحة اتعالج وكدا
وأخواتي نفس الكلام بالظبط مبيكلموهوش لكن لو طلب حاجة بنفذها على طول انا خايفة من ربنا اوي ونفسي اكلمه فيدوني
لعرض السؤال في فدني اضغط هنا
السلام عليكم ورحمه الله وبركاته
يعني اي ابقا تعبانة و زعلانة و الاقي اخواتي بيستفزوني و كمان أما آجي احكي حاجة لامي أو ابويا يقولوا لي احنا مشغولين
و أما اخواتي يكلموهم يسمعوهم للآخر حتى لو تعبانين و لو جيت اشتكي لامي من حاجة تفضل تقول لا ده عادي و اخواتي لو قالو كلمة يفضلو يكلموهم و يخففو عنهم و يقولوا لي بطلي تضغطي علينا و هم بيسمعو اخواتي من غير ما يقولو أنهم تعبانين
و لو طلبو حاجة من اخواتي و معملوهاش مش بيزعقو لهم و بيقولوا يا عيني دول تعبانين من الشغل و انا اللي مضغوطة و ف ثانوية عامة لو معملتش لهم حاجة يفضلو يزعقوا لي و يقولولي كلام زي التلقيح و يحسسوني بتأنيب ضمير
و هم اصلا لما بزعل من غير ما اشتكي أو اقولهم انتم زعلتوني يقولولي بطلي تحسسينا بتأنيب و ده جزائنا ف الآخر ؟
و اخواتي التانين بيفضلو يزعقو ف ماما و بابا بقلة ادب و معايرة و بيحسسوهم بتأنيب ضمير و انا بحاول ابرهم بس هم بيخنقوني و اختي الوسطانية (انا الصغيرة) لو تعبت تعب بسيط يقلقو جامد وأنا ولا كأن فيا حاجة و عندي امراض و مرض التبول الااردي
و هي عندها اكتئاب عشان معندهاش صحاب و لازم دعم نفسي و انا مش عايزين يودوني لدكتورة نفسية عشان المرض ده مسبب لي انهيار و بتجيلي نوبات هلع و خوف فجأة كتير و كل شوية
واللي بيقدرو يعيني يعملوه يقولولي معلش استحملي أنه ابتلاء و هي لما أيدها و صبعها وجعوها بسبب الشغل راحت لاحسن دكتور و انا أما وقعت جامد ف الشارع و جالي تمزق في الاربطة ودوني لدكتور رخيص و كان المفروض امشي على عكاز و ارتاح و اركب المشد حول الكاحل بس زي ما قلت دكتور رخيص وقتها يعيني كان داخل و ف أيده كوباية شاي بعد ما قومته من على الفطار بره يعيني
و أثر التمزق لسه موجود و الكاحل مائل بسبب أن الرباط ملتئمش بشكل صحيح و بجد بسببه مش عارفة احقق حلمي اني اكون لاعبة ماراثون (جري) لأن بحب الجري اوي و بجد حاسة بإهمال و مضغوطة و زعلانة
وبحاول أقرب من ربنا عشان الشيطان بيخليني افكر ف الانتحار بس والله انا مش قادرة انا بنهار نفسيا و بدنيا و عقليا
انا بقيت انسى جامد و صداع مميت و انا عندي مشكلة مش بعرف ابلع البرشام ف مش باخد مسكنات أو مضاد حيوي او اي حاجة للصداع حتى و بعاني
و نيجي بقا لاخويا اللي كل ما يشوفني يضايقني و أنا إنسانة بحط لكل حاجة ف حياتي حدود و كل شوية يستفزني و أما اتنرفز أو اشتم يقولولي مينفعش كده و انتي لسانك طويل و محتاج يتقطع و الكلام الفارغ ده
و بيقولولي صاحبي اخوكي ده معندوش صحاب و عبري عن مشاعرك لاخواتك و لينا و انا اصلا شخصيتي مش بتعرف تقول كلمة بحبك دي اصلا و انا مش هنكر اني بكون قاسية احيانا بس انا الوحيدة اللي ف البيت اللي بغير ف شخصيتي عشانهم
هم بس بينتقدوني و مش هنكر أن اخويا فعلا عايزة يتقرب مني عشان معندوش صحاب و مش هنكر أن اختي حساسة زيادة عن اللزوم و مش هنكر أن امي بتبقا مضغوطة بس انا و الله إنسانة ليا شخصية و طاقة و حدود
انا نفسي محدش يقولولي يا زنانة فبطلت ازن عليهم كل شوية
انا نفسي يبطلو يقولولي بتنكري الجميل و بتنسي الهدايا فبقيت ابطل اطلب هدايا اصلا و لو حد جابلي حاطة بشكره و بسجلها ف نوتة صغير عشان متعايرش بيها
انا نفسي يبطلو يقولولي احنا جبنالك كذا و كذا و تمنه كذا ف بطلت اطلب منهم يجيبولي حاجة و لو طلبت بديهم فلوسها عشان انا بكره أني اطلب حاجة من اخواتي و يفضلو يتكلمو عن سعرها و بحس بذل و إهانة
انا عارفة اني ف نظركو ممكن أبان أنانية أو بفكر في نفسي بس اكبر دليل على اني مش كده اني بقيت بكتم الغيظ اللي جوايا و مش برد اغلب المرات على حد و بحاول ابر امي و ابويا بس تخيلوا بعد كل ده مش بيركزو أو بيفتكرو غير اللحظات اللي ضايقتهم فيها
طبعا مجبتش سيرة اختي الكبيرة لأنها على الأقل مش بتضايقني كل شوية و يدوب بنتعارك على الهدوم بس ف يعتبر هي أحسن واحدة الحمدلله
انا بقا مش عارفة اعمل اي ف حياتي دي و امتحانات الثانوية العامة اتفضل عليها تقريبا 6 شهور و الضغط بيزيد و انا بكتئب و نوبات الهلع بتزيد و مش مستقرة نفسيا و خايفة مجبش مجموع عالي
و في حاجات كتيرة تانية بس انا ناسياها من التعب
و السلام عليكم ورحمة الله وبركاته
لعرض السؤال في فدني اضغط هنا
من حوالي ست شهور كانت خالتي عملت عمليه كبرى وهي قلب مفتوح ونتيجه لظروفها عندها ولد معاق عنده توحد وبنتها يعني الصغيره تعتبر انها ما بتعرفش حاجه يعني ما بتعرفش تعمل اي حاجه
وابنها الصغير وهو العاقل الوحيد للعيله مسافر في المانيا فانا استقبلتها في بيتي تمام خاصه انها وقفت جنب ماما في مرضها وكده الله يرحمها
وقلت كمان ردا للمعروف واغاثه مكروب ساعتين وبنتها ما بتعملش معايا اي حاجه حتى لما بقول لبنتها تعالي ساعديني هي خالتي نفسها بترفض بتقول لي لا وحتى كانت دايما تتنمر عليا ودايما تسمم بدني حتى انا كنت بتجنبها
ودرجه ان انا قلت لها انا عاوزه امشي هي قالت لي روحي عند والدك وارجعي تاني احنا لينا بالتاني يعني فقلت لها مش هينفع والدك كبير في السن ووالدي مريض قالت لي عمتك بتبعت اكل لوالدك
واكتشفت ان اني قريب يعني قريبه ماما من بعيد قالت لها يلا خلصي عشان انا هبعت الشغاله تنظف البيت وهي بتمنع ان انا يكون لي علاقه ما بيني وما بين الست دي اللي هي اسمها منى لان منى شخصيه كويسه وكده
وكمان بسبب انا انسه وبنتها انسه فهي بنتها يعني تعتبر حاله خاصه ما ينفعش انها تتجوز وهي للاسف من النوع اللي بيطلع اسرار البيوت وبتوقع اللي ما بين الناس وبتتبلى على الناس وبتشوه السمعه
فانا حصلت قطيعه ما بيني وما بينها خالص نهائيا ما بينها وبين خلاني كمان لان كان في خال كان عايز قلت له ابعث لي اللوكيشن بتاع مقبره ماما لان بابا ما يعني يعني ما كانش عارف اللوكيشن بالظبط بعته لي ومسحه قبل كده وبعدين بعته لي تاني السنه دي وقال لي الحوار قلت له على المشكله وللاسف هو ظلمني وما نصفنيش وشتمني ومسح موقع المقبره عشان يقهرني بإعاز منها هي
فهم دلوقتي بتواصلوا مع عمي علاقته بيهم فانا خايفه لا توقع ما بين والدي وما بين عمي فتنصحوني اكلم قريبه ماما اسمها منى طبعا مش هحكي لها اي حاجه هكلمها يعني مكالمه عاديه يعني بمناسبه اللي هي انتهاء السنه او كده بس في نفس الوقت خايفه ان منى تسالني خايفه من ناحيه كمان ان تقول لي صله الرحم وانا يعني بصراحه انا لمست ان في الست دي بتمارس نوع من انواع السحر
ان بنتها قالت لي انا بمارس حاجه اسمها الاسقاط النجمي وطبعا لو قلت كده لاي حد ما فيش حد هيصدقني
فتنصحوني اعمل ايه اكلم منى ولا انا برده في نفس الوقت مش عايزه افتح عليا باب هي تخشيني منه لانها من النوع لما بيحصل قطيع ما بينها وما بين شخص دايما تحط حد تبعها عين ليها عليه يعني شخص يبقى محايد وانا بصراحه انا ما اعرفش منى بس بابا بيشكر فيها
لعرض السؤال في فدني اضغط هنا
السلام عليكم
حابه ابدا المشكله من اول علشان تدوني حل بشكل صحيح
والدي بيشرب سجاير بشكل كبير وبتاخد ادويه فلوسه كلها بتروح علي الحاجتين دول من وانا كنت صغيره حاليا عندي ١٧ سنه وامي بتصرف عليا من اكل ولبس وشرب ومصاريف الشخصيه ممكن ابويا يديني بس بيديني مبالغ رمزيه زي ١٠ جنيه في الحدود دي
طول السنين من ساعه ما اتولدت وابويا وامي يتخانقوا سوا بسبب ان ابويا مبيدفعش حاجه للبيت ولا حتى بيوفر فلوس لينا قدام
طبعا ابويا جاله مرض وفقد عين واحده من عينيه وبعدها جتله جلطه فبقى بيقعد في البيت ومبيرضاش يخرج بس هو قادر على الحركه الحمد لله بعد فضل كبير من ربنا كلنا وقفنا جمبه وساعدناه بس بعد ما خف وبقى كويس مرضت وجالي اللوز وبعد كد اضطريت اعمل عمليه أنف ضروري لانها كانت حاله خطر
بس ابويا بالرغم من انه كان قادر انه يوفر لي فلوس ويعملي العمليتين لا، فضل الفلوس عليا زي كل مره من ساعتها ممكن اكون غضبانه منه لانه حتى في مرضي مفكرش فيا
كل شويه تحصل مشكله معايا انا وابويا في انه بيحتاجني اعمله شاي وفطار وأجيب له سجاير وادويه وانا غصب عني كل ما افتكر اللي حصل منه اضايق واعاند اني مش هعمل حاجه
فالنهارده حصلت مشكله انه كان عايزني انزل اجيب له فطار وفضلت اتخانق معاه واقوله مش نازله لعلم انا وهو بس اللي في البيت اما امي في الشغل علطول
المهم قلت له كل يوم هعملك الحاجات دي واتعصبنا علي بعض وابويا فضل يشتم فيا ويزعل ويقولي انا عايزكم تمشوا من هنا انا بكرهك وقالي امشي انا مش عايزك تعملي ليا حاجه انتي زلتيني انتي وامك 【وامي فعلا بيتخانق معاها علشان لأكل لانه مش بيجيب حاجه فيه】قالي ربي وقلبي غضبانين عليكي وعيط وانا عيطت استوعبت اني قسيت عليه زي ومقدرتش امسك دموعي انا كمان وحاليا انا مش عارفه فين الصح من الغلط مش عارفه اتصرف ازاي نفسيتي تعبت والله
اتصرف ازاي؟
لعرض السؤال في فدني اضغط هنا
إحساسي بالوحدة لما اخواتي بيتجمعوا عندنا صبيان وبنات وهما دايما مندمجين مع بعض وطفولتهم كانت مع بعض مواضيعهم غير تفكيري بسبب الفارق العمري بينا
الكبير عنده حوالي 42 سنة وانا الاخيرة عندي 19 رغم ان احنا من نفس الاب والام، فارق العمر كبير اوي وكلهم اكبر مني وبحس ان انا بنتهم بحس ان انا مليش اخوات ومحرومة من اخت من سني أحكي لها اسراري او اخ اهزر معاه وبتكسف لو حد فيهم بره والوقت متاخر ارن عليه وأقول له هات لي حاجه بعيط كتير اوي بسبب الموضوع دا
لعرض السؤال في فدني اضغط هنا
سلام عليكم
انا في ٣ث بس المفروض اكون في كليه بس اجلت عشان قبل الامتحان بشهر تعبت جامد و جتلي نوبه الهلع مع تورم الجفن وصداع فأجلت قبل الامتحان بأسبوع ودي مكنتش اول مره تجيلي نوبه الهلع
جتلي كذا مره و انا في الابتدائي بس مش عارفه سبب بس السنة دي بقت بتجيلي كتير وبقيت حساسه و بعيط من أقل حاجه لدرجه اهلي معش مستحملين و اخويه الكبير ديما بيعايرني اني مأجله وبسبب نوبه الهلع بيقولي انتي مجنونه والمشكله حتى بابا لما اخويه يقلل مني جمبه مش بيتكلم
من اسبوع تعبت بسبب دوخه و ضيق تنفس فكشفت جيه اخويه قالي جمب بابا انتي المشكله الوحيده اللي في حياتنا لدرجه والله كرهت نفسي و سبب الي خلني اكتب ده كنت هنتحر من كام ساعه انا فعلا بكره نفسي
لعرض السؤال في فدني اضغط هنا
ابنتي في الصف الأول الإعدادي ومن فترة اكتشفت أنها تسرق مني من أجل شراء الحلويات والاكسسوارات تكلمت معاها أكثر من مرة إلا أن وصل أنها سرقت اختها بمبلغ كبير لنفس الأسباب ولا نعرف ماذا نفعل وما الحل مع العلم أنها تأخذ. مصروف شهري
لعرض السؤال في فدني اضغط هنا
السلام عليكم.
انا اهلي منفصلين بقالهم 10 سنين تقريباً
احنا 3 بنات وعايشين مع بابا، هو اتجوز من 9 سنين وطلقها بقالو تقريباً 8 شهور وفي نفس اليوم اللي طلقها فيه اتجوز واحدة تانيه
اللي اتجوزها تبقى اخت الشخص اللي كان خطيبي وقتها انا كنت مخطوبه لاخوها وهي وبابا اتكلمو وحبوا وبعض واتفقوا على الجواز وانه يطلق مراته
بابا كان في بينه وبين مراته مشاكل كتير فهو استغل دا عشان يطلقها ومسك على غلطه ليها وطلقها وكانت حاجه تافهة واتجوز في نفس اليوم.
من وقت ما اتجوز اهتمامه بيا انا واخواتي قل جدا زي ما قلت فوق احنا 3 بنات انا 22 سنه واختي الوسطي 21 سنه والأصغر 17 سنة.
أمي متجوزه بقالها 3 سنين وعايشه في بلد تانيه بنشوفها مره او مرتين في السنه بنقعد عندها شهر وبنرجع ودايما على تواصل معاها.
بابا من وقت ما اتجوز الست اللي هي اخت الشخص اللي كان خطيبي اللي هو اصلا اذاني نفسياً وصحياً وغيره وبابا كان عارف بدا وبردو اتجوز اخته
من وقت ما اتجوزها بقى الحب كله ليها هي، بقى عصبي معانا جدا وحنين معاها حتى لو غلطت مش بيزعقلها بيتكلم معاها بهدوء عكسنا خالص
طلباتها كلها مجابه واحنا طلباتنا كلها مرفوضة بحجج كتير مرة مفيش فلوس ومرة مش وقته حتى لو كان علاج لينا او كشف
ولو هي بدأت تكح بس بيجري بيها عند الدكتور فوراً هما حالياً متجوزين بقالهم 8 شهور تقريباً وهي حامل في أواخر الشهر الخامس ومن وقت ما عرفنا انها حامل اهتمامه بيها زاد اكتر وبقى شغل البيت كله عليا انا واخواتي
انا واختي الوسطي بنشتغل وبابا كمان بيشتغل عنده سوبر ماركت ودخله كويس جدا وبابا بياخد مرتباتنا كلها ولو اخدنا جزء صغير من المرتب بيحصل مشكله ولو مراته غلطت فينا مش بيتكلم لكن لو واحده مننا زعلتها بيتعصب جدا وممكن كمان توصل للضرب احياناً وهو رافض تماماً فكره اننا نعيش عند ماما واحنا مش عارفين نعمل اي ونفسيتنا وحشه اوي انا واخواتي أتمنى تلاقولي حل
لعرض السؤال في فدني اضغط هنا
انا مخنوقه جامد ومش عارفه اتكلم مع مين حقيقي بس انا عندي مامتي حرفيا مش بتفهم كل همها كلام الناس وانا أولع عادي والموضوع دا من زمان انا حتي حاولت انتحر 3 مرات قبل كدا واخدت سم ومحصلش حاجه ودلوقتي انا ثانويه عامه وهي قرفاني حقيقي انا كل ما بصلي بقول يارب يجيلي كانسر واموت كنت ساعات اقوم بليل الفجر وادعي بكدا ودلوقتي عايزه أنتحر بس انا بخاف جدا من السكينه.وبفكر اهرب من البيت بس مش عارفه اروح فين انا.❤️🩹
لعرض السؤال في فدني اضغط هنا
السلام عليكم
انا عندي اكتر من مشكلة كلهم بدأوا لما ماما اتوفت …
اتوفت فى شهر 1 اللى فات، انا فى تانيه كلية والاخت الكبيرة وعندي اخت فى ثانوية عامه واخ فى اولى اعدادي …
المهم مسؤولية البيت كلها بقت عليا فى اول كام شهر مكنتش حاسه بحاجه لان كان فى كذا حد بيساعدني بس من ساعة ما الدراسة بدأت والمسؤلية زادت خالص ومحدش بيساعدني نهائيا
والمفروض اكون واخدة بالي من نضافة البيت واحضر فطار وغدا وعشا وفى نفس الوقت اهتم بنفسي وشكلي وحفظي للقرآن لان دي وصية امي الله يرحمها
وبالدراسة لان دي السنه اللى هيترتب عليها التخصص وبرضو المفروض اسمع لاخواتي وأذاكر لاخويا الصغير لانه كمان صعب خالص ولو اتلهيت عنه بيبقا نزل الشارع
وطبعا بابا طول اليوم فى الشغل حرفيا وانا مبحبش اضغط عليه لانه فيه اللى مكفيه وبصراحه بخاف أقول له يقوم يفكر يتجوز …
انا بجد تعبت خلاص ومعنديش طاقة مبعرفش اعمل كل حاجه دايما لازم بيبقا فى نقص وكذا حد من قرايبي شايفين ان ده دلع وانى اقدر اخد بالي من كل ده بس بجد تعبت والله وحتي شكر وتقدير من اللى فى البيت مبلاقيش نهائيا
يعني مثلا اليوم اللى معملش فيه اكل تلاقيهم بيقولو انا مش قد المسؤولية وماما مكنتش بتعمل كدا اعصابي تعبت كل يوم بصحى بدري احضر فطار وبعد كدا غدا والبس وانزل الكلية وانا مستعجلة ولو نزلت بدري اكيد بيبقا الاكل متعملش وارجع تعبانه مش عارفة اعمل اي ولا اي
لعرض السؤال في فدني اضغط هنا
السلام عليكم أنا بنت أنا دلوقتي عندي 14 سنه من كام سنه يمكن لما كان عندي 11 أو 12 سنه أمي أخدتني عند دكتورة مخ وأعصاب وقالتلها اني مجنونة وعملت لي إشاعة على المخ ، اللي بيحطو للواحد أسلاك كهربا ملونة علي شعره ، المهم،انا وقتها الحمد لله طلعت سليمه ومش محنونة وهي عارفه كدا بس معرفش هيا بتكرهني ليه
وقتها لما أخدتني مكنتش عارفه رايحين فين ومقالتليش هي أصلا وعرفت أخويا اللي أصغر مني بسنتين انننا رايحين عشان أعمل اشاعة علي المخ ، ودلوقتي أنا مش قادره أتخطى الموقف ده بقالي أكتر من سنتين أو تلات سنين
ولما آجي أقولها متعمليله كدا ( قصدي على أخويا) تقولي هو مش مجنون ، وأنا مش قادره أسامحها ولا متخيلة إن يجي يوم من الأيام وأنسي الموقف ده وأنا وعدت نفسي اني مش هسامحها في يوم من الأيام والموقف موجود في ذاكرتي زي ما يكون حصل امبارح،
وكمان هي في حاجات كتيره بتفرق بيني وبين أخويا ، حتي بابا قبل ما يتوفى بكام يوم كان موصيها انها متضربنيش أو تزعلني والله ، أدعو له بالرحمه بالله عليكم ، والسلام عليكم ورحمه الله وبركاته
لعرض السؤال في فدني اضغط هنا
السلام عليكم
انا عندي 19 سنه بعاني من مشاكل في حياتي منهم اهلي
اهلي يعتبر هما بياخدوا قرارات في حياتي المعاناه بدأت من ٦ سنين بداو يحطمون أحلامي ومستقبلي وفي عادات وتقاليد عند اهلي ان البنت مسيرها تتجوز وتعليم لا ومش مهم مين يكون الشخص المهم عندهم اني اتجوز وامشي من عندهم
جبت مجموع في الثانوي 94 في الميه ورفضوا رفض تام اني اكمل ومن تلات سنين اتقدملي واحد قريب بابا وانا كنت رافضه بس ذنوا عليا لحد ما وافقت من الضغط اللي انا فيه والحمد لله اتفسخت الخطوبه والمشكله الشخص دا عاوز يرجع تاني وانا رافضه عشان بعد الخطوبه اكتشفت انو شخص مش كويس وكداب وخاين وأهلي موافقين ان ارجعلو تاني وانا رافضه ومش عاوزة أرجع له لاني حاسه اني هروح لسجن اهلي ضاغطين عليا جامد وانا بعيط من اول ما بصحا لحد ما انام وضرب واهانه انا بصلي وبدعي ربنا كتير واسفه اني طولت وأرجو الإفادة
لعرض السؤال في فدني اضغط هنا
انا عندي 14 سنة زعلانه اوي على عمري اللي عدى وانا معملتش حاجه رغم كل الي في سني عملوا انجازات كتير
أنا دايما مدمره بعيط من غير سبب ممكن اكون قاعده عادي بضحك وبهزر فجأة الاقي نفسي بعيط وانا مش بحكي حاجه لاي حد ولا حتى لاهلي لاني بكل بساطه لو حكيت لهم هيحبوطني اكتر مش هيطمنوني
لا هيقعدوا يقولوا كنتي فين من زمان جاية تفتكري دلوقتي انتي الي عملتي كده في نفسك وبيقعدوا يدعوا عليا اشد الدعاء وعقدوني من كل حاجه في حياتي بجد
سهل عندهم انهم يقولولي كلام يجرح او يضايق ممكن اكون طالعه رايحه الدرس ماما تدعي عليا تقولي يا رب ما ترجعي خلوني مش عندي ثقه بنفسي دايما اللي على لسانهم انتي دمك تقيل انتي بتعملي كده ليه
شوفي الناس بتتعامل ازاي شكلك وحش اوي بجد يا رب تموتي
دا كل الي علي لسانهم ودايما يعايروني، أنا بقيت مش حاسه ب الامان من الدنيا دي خاالص أنا بجد تعبت اووي ومش قادره اتحمل بقيت بمشي في الشارع عنيا بدمع واعيط كان نفسي يبقوا غير كده واحكيلهم كل الي في قلبي ويطمنوني بس هما مش مقدرين اي حاجه كذا مره كنت بقول لاختي هنتحر تقولي ياريت بس بره في الشارع بقا علشان متجبليناش هنا مصيبه أنا بجد مش عارفه اعمل ايه أنا تعبت منهم اوي وتعبت من حياتي محدش محفزني علي حاجه
حد يقولي اتصرف ازاي معاهم
لعرض السؤال في فدني اضغط هنا
السلام عليكم
في موضوع زاعجني جدًا ، أمي دائمًا بتنتقدني قدام عماتي أو العيلة بشكل عام او اهلي واخواني كثير أو بيني وبينها ع انفراد ، حكيت لها لا تنتقديني على أقل مش قدام الناس بتحكيلي اذا ما انتقدت ما بتتعلمي لهيك مش عارفه شو اسوي دائمًا كلامها بجرحني وبزعلني وبأثر فيني كثير وبفقد ثقتي بنفسي خصوصًا إنها امي مش حدا غريب بس بحاول اسكت عشان أبرها شو بتنصحوني اعمل ؟
لعرض السؤال في فدني اضغط هنا
السلام عليكم و رحمة الله و بركاته
اخويا عنده 7 سنين في أولى ابتدائي لكن منزلش المدرسة من اول الترم عشان كان عامل عملية في رجله، هو من الاجازة و هو قاعد في البيت، و معندوش صحاب اوي يعتبر و مؤخرا بقينا ننزل بيه آخر الاسبوع للنادي يلعب شوية بس هو ميعرفش حد هناك.
انا الأخت الكبيرة و عندنا اخت وسطانية بس كل واحد مشغول في حاجة سواء انا سواء ماما سواء بابا ف عشان ينشغل عننا شوية بنديله الموبايل يتفرج.
الأول كان معجب بالبلابل و جبناله بلابل كتير يلعب بيها دلوقتي بقى معجب بلعبة poppy playtime و الشخصيات اللي فيها لدرجة ان ماما و بابا جابوله دبدوب شخصية huggy و هو بقى مرتبط اوي باللعبة و كل شوية مصدعنا بيها
و اليوتيوب كله عبارة عن الفيديوهات دي المشكلة ان هو بيقلدهم، عشان هي لعبة رعب فلما يتعصب بيقعد يعمل حركات زيهم كأنه بيخوفنا و يقعد يطلع صوت زيهم بالظبط و طول النهار ع كده و احنا ١٠٠ مرة نقوله متتفرجش ع الحاجات دي و نزعقله و ناخد منه الموبايل و نقوله اقفل بس هو برده مُصر ان هو يتفرج عليه،
فعايزة حل للمشكلة دي، ممكن ناس تقول كانت غلطتكم من الاول ان انتو اديتوله الموبايل يتفرج، هي الفكرة كلها ان احنا كل واحد بيبقى مشغول في حاجة و هو بيزهق لما بيلعب لوحده احنا بنلعب معاه بس بعد كده بنسيبه ف بنخليه يتسلى بيه شوية
لعرض السؤال في فدني اضغط هنا
السلام عليكم ورحمة الله
والدتي كانت منفصله عن والدي لمده 15 ورجعت من سنتين
ولكن للاسف مش بيحسسنا بحنيه ولا باي حاجه تماما يعني مفيش دماغه غير الفلوس والشرب ومفتقده ان يكون عندي اب يدعمني الفتره الي فاتت والي جايه لاني في 3ث
وخايفه فقداني لاب يخليني اكلم شاب زي البنات تقريبا كل الي حوليا كدا انصحوني احافظ علي نفسي ازاي
لعرض السؤال في فدني اضغط هنا
انا اكبر اخوتي وأحاول البر بأمي ولكنها تقسو عليّ باستمرار
يوجد لدي نت في جوالي وأمي طلبت مني أن أفتح لها ولكن بطارية هاتفي نفدت وقلت اريد ان اشحنها ولكن امي غضبت مني وقالت كل مرى وجوالك بالشاحن
وانا قلت بعد ما اشحن هاتفي سافتح لها نت حتى تنفد البطاريه ولكن امي غضبت علي فقررت ان افتح لها شبكه وهاتفي يشحن وكل مره تطلب تقول افتحي الشبكه غصب عنك وتطلب مني ان افتح لها وتصرخ علي
وعندما تطلب مني شيء تطلب بقسوه
هذا اليوم اتت اختي الصغيره وقالت انقلعي افتحي لأمي شبكه ففتحت واليوم دخلت الصاله فصرخت علي امي لكي انفذ طلب فقلت لها نفذت طلبها وبينت لها اني مستاءة من تعاملها معي وقلت لست صغيره فصرخت علي وغضبت علي
لعرض السؤال في فدني اضغط هنا
انا مطلقه عمري ٢٦ أدرس بالمتوسطه انتساب وانا متفوقه فيها احفظ القرآن وعرض علي فرصه عمل بإحدى حلقات القرآن
انا في قريه والحلقه في المدينه ولم تتيسر لي الفرصه ويتقدم لي خطاب منهم متزوجين ونادر من يتقدم لي أعزب
تقدم لي ابن عمي متزوج عمره٣٠ موظف وشكله جميل ويحبني ويريدني زوجه ثانيه بحجه ان زوجته نسبه الإنجاب لديها ضعيفه جدا لديها ابنان كانت ستموت عندما انجبت طفلها الثاني وهي حسوده لا تتمنى لي الخير أبدا وتظن اني احسدها وانا لا افكر فيها ابدا.
زوجها يريد زوجه ثانيه رغبة في الإنجاب وطمع فيني لاني جميله ولدي مواصفات متفوقه في دراستي وانيقه وواذا حدثت اي مشكله يحاول المساعده، توجد مواقف كثيره حاول مساعدتنا فيها.
هو يرغب بزوجه ثانيه من وقت طويل جدا وعندما تتزوج فتاه يغضب ويحزن رغم انه متزوج وكانت زوجته تعلم وتغضب من تصرفاته وتفرح اذا تزوجت اي فتاه عزباء لكي لا تأخذ زوجها هي كانت تخاف على زوجها مني وتخاف ان اتزوج زوجها وكانت تتكلم عني وتنشر كلام سيء وتقلل مني وكانت تحاول ان توقعني وجعلت اخوها ياخذ رقمي لكي يتواصل معي ويراسلني لكي تثبت له اني اكلم رجال وانا لا اكلم الرجال
وانا رددت على اخوها وقلت له انا لا اكلم الرجال ولكنه حاول كثيرا لكي اكلمه طلب مني ان اتعرف عليه ولكني قلت له تقدم من الباب بدون تعارف واخبرته اني شريفه وحاول اعطائي هديه وكان يرسل كثيرا ولكني حظرته وكانت خطه منها لكي تثبت لزوجها اني كلمت اخوها.
كانت تخطط مع اخوها وكان زوجها يحاول التواصل معي من ارقام غريبه واحظره واكتشف ابن عمي اني لا اكلم الرجال ولا اتواصل معهم وهو يحترمني كثيرا وحاولت امه ان تضغط على بالزواج منه واخواته يمدحونه لي ولكني رفضت خوفا من زوجته اخاف من اذاها اعتذرت منهم وهو حزن لاني رفضته واخواته
استخرت وبعد الإستخاره التقيت بزوجه ابن عمي وكان تقول وتلمح انها ستتطلق وانها ستنتحر وكانت تنشر بحاله الواتساب حزن وكانت مقهوره لأن زوجها تقدم لي
لعرض السؤال في فدني اضغط هنا
من فترة كنت بنزل مع والدي المكتب وأتعلم الشغل، لكن فجأة ألاقيه بيزعق وصوته جايب كل المكتب بالرغم إني مغلطش في شيء لسه.
المهم أمس كنا بنتكلم وكان بيعاتبني أنا علي الموقف دا إنه لما عمل كدا أنا زعلت على افتراض إني مليش حق أزعل، وبيكمل كلامه إن فيه حد من جنسية ما كان بيعلم أخوه برضو وفجأة راح ضارب أخوه كف عشان غلط .
فأنا برد عليه إنك معجب بدا وعايز تعمل كدا معايا ، فهو أنكر دا بل وكمان زعل مني اني قلت دا وفكرت في كدا.
لعرض السؤال في فدني اضغط هنا
لعرض جميع الاسئلة في فدني اضغط هنا