اريد معرفة هل يمكن لتقص الفيتامينات ان يلعب دورًا في الصحة الجسدية والنفسية ويمكن ان يسبب نوبات الهلع و الخوف من الجنون بكثرة التفكير والخوف من الموت أم ان الاكتئاب له علاقة في الأمر ،
فأنا في سن 19 عام واشعر بمشاعر سلبية ولا استطيع ان اعيش سعيدة مثل اصدقائي، حتى نفسي اهملتها، اهملت دراستي، أحس كأنني في مكان مظلم ولا يقدر اي شخص ان ينقدني من ذلك المكان.
اصبحت لا استطيع التحمل و عندي آلام في بطني في بعض الأحيان يكون شديد و عندي شحوب الوجه و وبدأت افقد وزني و احس بآلام مستمر في ظهري وعقلي لا ينتهي من الأفكار السلبية وانني لن اتخلص من هذه الحالة الصعبة وانني سأجن في الآخير.
كل هذا يجعلني ليس لديّ الشهية للأكل اهلي ما حابين انني اذهب لطبيب نفسي ابدا وانا اعيش مرحلة من حياتي صعبة جدا انفعل و اتألم و ومللت من كل شيء لدرجة لم اجد حل فأريد حلا ارجوكم ارجوكم انا حقا في حالة صعبة
لعرض السؤال في فدني اضغط هنا
السلام عليكم
أنا عندى ٢٣ سنه، أنا عامة بتعب من السفر أو العربيات وبدوخ جدا من أنا وصغيره مؤخرا من اربع شهور كدا بقيت فى الطريق أشوف أي عربيه ماشيه في الشارع اتخيل أنها عدت عليا وعملت حادثه وكل عربيه بتعدى بشوف نفسى ميته تحتها بطريقه شكل وبقيت بدوخ لما اشوف العربيات وبحس بهبوط ،
فأنا مش عارفه ليه بيحصل كدا وهل دا عااادى 😔💆
لعرض السؤال في فدني اضغط هنا
ياجماعه معلش ف بنت حكتلي أن عمها كان بيقولها تعالى هلعب معاكي لعبه بس متقوليش لحد وهي كنت طفله عندها ٨ سنين لسه مش فاهمه حاجه المهم اللعبه دي كانت ألعاب جنسيه هو كان بيشبع رغباته بيها لانه مريض نفسي بجد وهي مكنتش فاهمه ايه دا لحد ما كبرت واستوعبت وحرفيا هي عندها ١٩ سنه وكل ما تفتكر تحس انها بتكره نفسها ومش متقبلة فكره الجواز على الرغم انها عايزه تتجوز وتعمل أسرة وهي شخصيه كويسه بس كل ما تفتكر أن هي بعد الجواز هتبقى مع جوزها وهيحصل علاقه زوجيه تخاف وتترعب وترفض الفكره انا حاولت أنصحها كتير أنها تتخطها وهي بنت الحمدالله مفقدتش عذريتها بس مش عارفه اعمل ايه لو حد عنده نصيحه ياريت بجد
لعرض السؤال في فدني اضغط هنا
أنا ثالثه ثانوي عام، مش عارفه اذاكر ولا عارفه أركز في دراستي وديما في معظم امتحانات الدروس بغش عشان المستر ميزعقش ونفسيتي وحشه ومش عارفه أنتظم في الصلاة. نفسي أفضل اصلي واحفظ قرآن ويبقى عندي معلومات عن الدين لأن فعلا فعلا في أسواء حالاتي.
زمان كنت منتظمه لكن دلوقتي لا، كان في حياتي شخص ما وبسببه عملت حاجات كتير وحشة تزعل ربنا، فأنا نفسي ربنا يسامحني وأي حاجه وحشه تتمسح من عند ربنا او حتى تخفف الدنيا عليا وكل ما أحاول أعمل ده واقرب من ربنا انتظم كام يوم وارجع تاني أنا مش عارفه اعمل ايه محتاجه حل ضروري لاني تعبانه جدا ومكسوره
لعرض السؤال في فدني اضغط هنا
عندي مشكلة اني دائما بخاف أقرب من اي انسان مع اني اجتماعية بس بخاف أصدق الكلام والمدح، بخاف اتعلق و اول حدا بعطيه فرصة وأجرب أقرب بصير خايفة خوف مو طبيعي انو يمشي و بضل قول انت هتمشي و نفسيتي تتعب وفوت باكتئاب بدون ما يصير شي اول ماحس انه ها الحدا ممكن يمشي بنت او ولد
وعند أقل مشكلة بفكر ان كلشي انتهى او انو كان كلامه كلو كذب ها المشكلة الها عندي ٤ سنين ماعم اعرف لا اعطي ناس فرصة جديدة ولا اتخطى الناس القديمة
لعرض السؤال في فدني اضغط هنا
قلبى متقطع و أنا نازلة بكرا اول امتحان منغير بابا انا مكسورة اوى و حاسة بنار فى قلبى مش مصدقة نفسى و محدش حاسس بيا فى البيت
لعرض السؤال في فدني اضغط هنا
عندي سؤال مهم جدا
انا حاليا قربت علي ٢٣ سنه كنت مخطوبه مره سابقه ومرتاحتش ففسخت وكنت قارئه فاتحه من اسبوعين وهو مارتاحش وانا كنت راضية بيه جدا وكنت فرحانه علي الاخر بس محصلش نصيب 🥲
المهم ياجماعه أنا مش بيتقدملي ناس تستاهل خالص بحس بكده فأنا خايفه العمر يعدي وافضل لوحدي
علما أن أنا بتعب من الوحده جداا جدااا
أنا لأجل التخلص من الوحده كنت بشتغل شغلانتين كنت كل يوم في شغل بس تعبت وبعدين قررت أقرب من ربنا وأدركت أن الشغل التاني هيخليني أقصر في حق ربنا ف سيبته وخلاص
أنا خايفه أعنس اووووي علما ان نسبه العنوسه زادت جدا وكمان يلاقي بنات كتيررر حلوه خاالص ونفسهم يتجوزوا ومش بيرزقوا في الحته دي فأنا خايفه افضل لوحدي كده وانا معرفش اصلا افضل لوحدي كده اعمل اي ؟؟؟
لعرض السؤال في فدني اضغط هنا
انا أولي ثانوي، من فتره مش طويله كنت بذاكر عادي و بحل عادي و مفيش مشكله و قبل الامتحانات بأسبوع تقريبا بدأت اقلق جامد و الموضوع مبدأش تدريجي بدأ فجأه مش عارفه اكل ولا انام ولا حتي عارفه احل صح من كميه التوتر النفسي ال انا فيه و بفكر في حاجات كتير كلها لسه بدري عليها اوي. انا تعبت و امتحاناتي الاساسيه كمان تلت ايام و شفت حلول كتير مفيش ولا حاجه نفعت حد يساعدني
لعرض السؤال في فدني اضغط هنا
بالنسبه لشخص بيعانى من الشذوذ الجنسي وبيعافر وطالع عينه علشان يخلص وعمل بلوك لكل موقع لكل شخص لكل حاجه بتشده للأمر القذر دا ويصبر فتره ثم ينتكس يرجع يشيل الحظر ويتصل ،،،
ووحده وحده شكلى هقابل ناااس ودا ممكن اعمل فى نفسي حاجه لو حصلت الأمر تحس انى ملبوس مش أنا اللى بتحكم فى نفسي تعبت اوى
رحت للدكاتره مش دكتور واحد ،دعيت ربنا كتير ،لكن أنا بشر ،الامور بتكون أسهل لما بطلع برا المحافظة بتاعتى لطلب الشغل أول ما أحس إني فى مكان محدش يعرفنى فيه ممكن اعمل اى حاجه ،
يانااااااس حد يلحقنى قبل ما أدمر نفسي والله بتكلم بكل ما تبقى منى من صلاح ،بصلى ،وملتزم ،بخاف اعمل لايك على منشور ظهرت فيه بنت متبرجه ،او اغنيه ،لكن فالأمر دا أعمل إيه ،ياااااارب نجينى يااااارب اللهم أصرف عنى وعن كل اللى زيى السوء والفحشاء واجعلنا من عبادك المخلصيين
لعرض السؤال في فدني اضغط هنا
كنت محتاجه تفسير .
انا بنت عندي ١٧ سنه و امي ربنا يبارك فيها عايشه الحمدلله
و انا بكلم واحد و ماما متعرفش و عارفه أن دا غلط بس انا كلامي معاه بحدود والله
و حلمت أن امي كانت تعبانه جدا و راحت المستشفي و بعد ما راحت المستشفي مرات عمي كانت بتتكلم عليها ف انا رديت عليها بدافع عن امي و قولت كل اللى أهلى عملوه مع امي وحش (بابا متوفي من ١٢ سنه و اهل بابا كانوا بيعملوها وحش) و بعد كدا لقيت نفسي كنت نايمه و صحيت لقيت أن دا حقيقه مكنش حلم و بعد كدا الحلم اتكمل ان الشخص اللى انا بكلمه دا كان معايا في الحلم و اخواتي كانت اختي الكبيره معايا(من بابا)و اختي الصغيره(من جوز ماما اللى معاها حاليا) و اخويا الصغير مكنش موجود (من جوز ماما اللى طلقها) ف انا اتعاركت مع اختي و روحت ادور على اخويا و الشخص اللى بكلمه دا فضل معايا كان طول الحلم بيواسيني و انا رايحه ادور على اخويا لقيت اختي الصغيره ماشيه ورايا بتنادي عليا رجعتلها و فضلت اعيط كتير و قعدت اقول لربنا ليه كتير و أقوله طب اختي دي ازاي هتعيش من غير ام و كنت طول الحلم ببكي كتير و رموشي وقعت من كتر العياط
لعرض السؤال في فدني اضغط هنا
السلام عليكم
انا عندى 17 سنه مش عارفه هتكلم ازاى واكيد مش هعرف اشرح انا محكتش لحد ومش عارفه هقولها ازاى انا مش بحضر دروس برايفت بحضر ف سنتر المهم ف درس الماث الاسستنت بتاع المستر هو ابنه وبصراحه الاسستنت مش محترم وبيضايقنى وكمان قالى لو قلت لحد هيقول انى بكدب واننا مرتبطين وانا كنت راضيه
بس والله انا مش بكلم ولاد خالص وهو بكرهه جدااا وعمرى ما كنت راضيه على اللى بيعمله المشكله اني يعني معروفه انى شجاعه شويه يعني لو حد حكالى بيحصل معاه كده كنت هساعده وهخليه يبقى شجاع لكن انا متخيلتش كل ده يطلع مجرد كلام
انا اول لما بيقرب منى مش بعرف اتنفس خالص مع انى معنديش اى مشاكل ف التنفس وجسمى كله بيفضل يترعش بجد هو بيخوفنى اوووى وكمان انا لما بحاول ابعده او اضربه بحس اني مش عارفة اعمل حاجه غبت كذا حصه بس اهلى بيزعقوا كمان انا بقيت بتصرف بطريقه مش فاهماها يعني بقيت اتعصب على اى حاجه ودايما على التليفون ومش بذاكر وده ممكن يخليهم يصدقوا الاسستنت
وبقيت دايما اعمل سيلف هارم كتيير وبعور نفسى جامد ولو نمت وحد مسك كتفى او او بيعدل الغطا ممكن اقوم مخضوضه بحلم بأحلام مخيفه كمان كل يوم برجع وبطنى بتوجعنى ومش بحب اعيط قدام حد بس لما بدخل اوضتى بفضل اعيط لدرجه مش بقدر اقوم من على السرير وانا استحاله احكى لاهلى لانهم مش هيصدقوا وكمان هيعاقبونى وانا صغيره مش هعرف اروح لدكتور نفسى وانا بجد تعبت اووى انا بقيت دايما خايفه وتعبانه ومش فاهمه مالى بجد
وكمان رسايله وتهديداته بتخوفنى اووى ممكن تساعدونى بس غير المحضر او اعرف اهلى عشان هو بيتجاوز حدوده وبيعمل حاجات بصراحه عيب مش هقدر اقولها معرفش بصراحة انا كتبت ازاى ممكن كلامى مش مفهموم بس اتمنى تفهمونى❤🥺
لعرض السؤال في فدني اضغط هنا
انا شاب من عيله ليست غنيه وليست فقيره ولكن قريبه من المتوسطة من محافظة الدقهلية وأبي يسافر القاهره للعمل وانا بسبب شدة الحراره في الجو أذهب لانام علي سريره لان سريري كان شديد الحراره وبعدين أتى ابي من القاهره فانتقلت من سريره إلى سرير اخي لانام وانا كنت انام الساعه واحده بعد منتصف الليل فذهبت لانام وبيدي الهاتف وكنت اعاني ساعتها من اني لا اقدر على ان اتنهد بسكل سهولة
هذه كانت مشكله عندي وانا صغير ولكن تعاملت معها واصبحت اتنهد بشكل طبيعي واقصد بالتنهد هاذا هو الذي ياتي بعد الشهيق والزفير ومن الممكن ان لا تاخد بالك منه
المهم ذهبت لانام وكنت اشعر بالنوم لم انم وفضلت مستيقظ حتي الساعه 6صباح كان سرير اخي اقل حراره من سريري ولكن سرير ابي حراره ليست شديده، اخذت حمام بارد وذهبت لانام في الصاله علي الكنبه وصدرت المروحه امامي وانا لست مرتدي غير الملابس الداخليه بعد الظهر او قبل الظهر لا اتذكر بالتحديد
اخذت برشام بروفين 400ميج وذهبت لانام علي سرير ابي نمت بس مش نوم عميق الي بعد العصر وحل اليل واصبت بالحمى او وجع في عظام جسمي فاخذت ابره تركيبه للبرد ولكن كنت قلق من عدم نومي في الليل الماضية حل المساء كما قلت وعرضت هذه المشكله على جوجل فوجدت في التعليقات مثل مشكلتي ولكن تختلف انها تحصل معه من زمان ويعاني منها من فتره وقالوا له في التعليقات انه عندما ينام لا يفكر في النوم ويتبع روتين معين وياخد دوا لا اذكر اسمه يمنعه من التفكير المفرط بالليل ويقول اذكار المساء فارتاح بالي قليلا وعندما حل اليل في الساعه واحده بعد منتصف الليل ذهبت لانام عملت بنصيحه التي تم ذكرها بتعليقات الشاب ولكن بدون ان اخذ الدواء الذي قالوه له ونمت والحمدلله وعدت لايام ورجعت هذه الحاله من تاني اصبحت مثل ما ذكرت لك في لاول فارجو تشخيص ممتاز وان تطمنني
لعرض السؤال في فدني اضغط هنا
السلام عليكم
انا مكتوب كتابي وابتديت المشاكل بينا تكتر وبدأ اهتمامه يقل وحاسه أنه معتش بيحبني وآخر مشكله مكلمنيش 3ايام ولما اتكلمنا مبرراته مش مقنعه خالص
اتعاتبت معاه وواجهته وكنت عارفه أنه كان بيحب في الماضي والبنت دي تبقي بنت عمه وكان بيحبها وسبها وجه اتقدم لي في نفس الوقت اللي هي اتخطبت فيه وخلاني أحبه
ومعلومه انا عارفه بالقصه دي بقالي يومين وانا عرفاه بقالي سنه وشهرين أخدت بالي لما اتغير معايا وحاسه أن هي لسه في باله ومضايق ومش عايزني اتعامل معاها خالص
وكانت في حاله صحيه مش كويسه وكان زعلان جدا عليها ومتغير معايا في الوقت اللي هي كانت تعبانه فيه تصرفاته مش مريحاني ولما اجتمعت معاهم شفت نظرات من أهل البنت دي مش حلوه خالص ليا
انا حاسه أنه منسهاش وبيفكر فيها لسه اعمل اي انا بحبه جدا وهو قالي انا مكنتش عايز اقولك علي شان مخسركيش ودي حاجه في الماضي ملكيش تحاسبيني عليها قلت له ايوه عندك حق بس انا مش مطمنه وحاسه أن قلبه مش معايا الفتره دي عايزه حل لو سمحت
لعرض السؤال في فدني اضغط هنا
كنت علي علاقة بشاب لمدة شهور وكنت حاسة إني بحبه لوحدي، مكنش فيه اهتمام منه ولا كلمة حلوة كان كلامه قليل حتي في الشات مكنش بيحكي معايا في أي تفاصيل عنه ولا عن أهله، وكان معظم كلامه بيبقي فيه ايحاءات وكلام مش كويس
وكنت لما بواجهه أو بعاتبه ع الطريقة دي يقولي بهزر ودي طريقة كلامي للأسف قابلته كذا مرة وكان بيحاول يعمل تجاوزات معايا وانا كنت برفض وكان بيتضايق بسبب كده واتصورت معاه في تلفونه سيلفي.
كان مقرب مني اوي وأنا اسفة يعني في اللفظ بس قبلته من خده طلب مني كده وأنا كنت مغيبة ووافقت.
كنت خايفة ورفضت في الاول وهو أقنعني إنها للذكري وكده ولما قلت له فين الصور دي راح قالي متحفظوش في الموبايل.
أنا مش عارفة هو بيكدب عليا ولا لا طريقته دي كانت بتزيد وكان استغلالي معايا اوي شهواني مع العلم ان طريقتي معاه كانت عادية جدا ولبسي محترم وكنت بعامله بأحسن ما يكون وبثق فيه و كنت بعديله وبعاتبه كتير علي أمل إنه يتغير بس مكنتش بتجاوب معاه في كل حاجة وكان بيبقي بيجبرني إنه يعمل كدة بس كنت بقاومه علي قد ما اقدر.
أنا عارفة إني غلطت وعكيت كتير وندمانة أوي ع العلاقة دي وتبت لربنا وشيلته من حياتي تماما وعملتله بلوك من كل حتة وشلته من دماغي وهو محاولش حتي يتواصل معايا تاني.
لينا دلوقتي 4 شهور ونص تقريبا بعيدة عنه وهو متواصلش معايا أبدا من ساعة ما عملت بلوك بس الهدوء ده مخوفني وخايفة لايكون بيكدب عليا في موضوع الصور وتكون لسه معاه وممكن يستعملهم ضدي أو يحاول يرجع يهددني بيهم أو يهددني عموما.
ايه الحل؟!
لعرض السؤال في فدني اضغط هنا
بصراحه انا طالبه والامتحان يوم ١١ .١ وبقيلي ٧ دروس ومش عارفه اخلصهم ازاي وحاسه بضيق نفسي ومش بعرف انام وبعيط كتير انصحوني اعمل ايه
لعرض السؤال في فدني اضغط هنا
السلام عليكم ورحمة الله وبركاته.
مش اول مره احس الاحساس ده لا ده علي طول ملازمني
دايما ابويا وامي بيفضلوا (اختي) عني عمرهم ما بيساوي بيني وبينها دايما هي الأحسن والافضل بالنسبة لهم لأنها اشطر مني في التعليم رغم انها 1 ثانوي
بتأذى دايما بالتفكير ف كده وبنهار حرفيا بشكل كلي مش عارف اعمل ايه،
اللي بتطلبه بيجي لها ف وقتها انما انا لو طلبت مبيجليش دايما في كل حاجه بطلبها يقولوا لي انت الكبير اطلع واشتغل وهات لنفسك
اشتغل وانا ف دراسه؟ (للعلم انا طالب ثانويه عامه 3 ثانوي)
كل م اطلب ميجليش الحاجه بلبس وبصرف من معايا لكن معييش فلوس حاليا وانا حاليا في 3 ثانوي وشقتنا اوضه وصاله بقعد ف الاوضه اذاكر الاقيهم بيقولوا لي يلا عشان ننام واطلع الصاله اذاكر برضو يقولوا لي اطفي النور
مبقتش عارف اذاكر ولو اختي اللي طلبت كده هيمشوا كلامهم عليا ويفتحوا النور وهيخلوها تذاكر
اللي أنا عمال افكر فيه هما ليه مش مقدرين اني في 3 ثانوي مش مهم انا يدمروني بكلامهم او بأي حاجه ميهمنيش بس يسيبوني اذاكر
ياريتني كنت اقدر اختار اهلي (مش كرهاا فيهم والله) بالعكس ده انا كل ساعه مش كل يوم بفكر فيهم قبل مني ودايما بتمنى من ربنا اني أبقى حاجه كويسه ويبقي معايا فلوس عشان اغير شقتنا واجيب شقه اكبر
دايما نفسي اجيبلهم الحلو كله وكل اللي نفسهم فيه والله انا مبفتكرش نفسي غير بعدهم نفسي اتبسط ولو يوم حتي، وانا هتأذي حتي ف دراستي بسببهم
دلوقتى مش عارف اعمل ايه بقيت خايف بسببهم مجبش مجموع
هل ازعقلهم؟ ولا اسكت وارضي ربنا عشان ربنا يراضيني دايما بحس اني قليل بسببهم وهبقا فاشل في نفس الوقت ربنا بيديني شغف وبيقولي أنت هتنجح بس هما ليه بيعاملوني كده ومش زيها ليه دايما مميزنها عني (انا والله عمري ما كرهتها وبتمنى لها كل خير وبحبها يمكن اكتر من نفسي وهي بحسها اوقات طيقاني واوقات لا) بس يساوي بينا اهلي، ده حتي انا الولد الوحيد علي اخواتي خايف من كتر الزعل اللي جوايا يتولد قسوه واقسي عليهم وانساهم لما اكبر انا كل حته جوايا بتتأذي والله انا اسف لنفسي. بس كنت عايز اعرف اتصرف ازاي؟
لعرض السؤال في فدني اضغط هنا
انا واهلى بقالنا كام سنه بيحصل لنا اضطرابات ومشاكل وتغيرات كتير بالذات اخر كام سنه،
وانا مدركه اننا بنتعرض لابتلاء كبير بسبب قلة الفلوس بشكل مفاجئ
من كام سنه كان ماديتنا كويسه جدا بالنسبة لنا الحمد لله ولكن فجأه بدأت الالتزامات تكتر بشكل مفاجىء وحاجات كتير بتحصل
العربيه كل شويه بتعمل حادثه وبتتصلح بآلافات، استلفنا تقريبا من نص الكوكب وعملنا قرض مرتين وتفاصيل اكتر لكن الحمد لله على كل شىء ،
اكتر حاجه مؤلمه بالنسبه ليه ان بابا بيعافر من زمان من وهو لسه شاب سافر السعوديه في التسعينات ونزل مصر اتعرف على ماما وخلفونا هناك وعيشنا كذا سنه وكانت حياتنا كويسه جدا جدا لحد ما الشركه اتصفت
وبابا قال هينزل مصر تانى وكان اسوأ قرار وندمان عليه وبعد مانزل الوضع على مرور السنين بيكون اسوأ لحد من كام سنه الوضع بقا غير يطاق فعلا احنا بنعيش في ايام بجد بنأجل تعبنا كتير كتير عشان الادويه غاليه بعد ما كنا عايشين احسن من ناس كتير في السعوديه نفسها وحاجات كتير
معرفش ليه حالنا اتغير بالشكل المخيف ده وبابا نفسيته تعبت جدا لانه مش عارف يعمل ايه تانى بابا حاليا 57 سنه وكمان حصل مشكله يوم الجمعه اللي فات كبيره جدا وبابا انهار جامد وقال انو مش في إيده حاجه وان معدش قادر وان وشي بقا صغير جدا لما يكون هو مدير مصنع وبيستلف من العملاء الأقل منه
احنا مرتبنا كويس جدا ولكن بيحصلنا ابتلاءات كتير جدا وبشكل مستمر بتخلينا نستلف ونتعب نفسيا
كلمت ربنا كتير ودعيت وانا بصلى وعملت كل حاجه اتمنى ربنا يسمعنى ويرجع البركه تانى ف حياتنا لان فعلا انا مش قادره خالص حاسه انى عبء كبير على أهلي وانا 17 سنه فعلا مش قدامى حاجه اعملها خالص وبابا ساب البيت وقال هيرجع بعد شهر وبعدين كلم ماما امبارح وقالها انه هيسافر الإمارات طب انا معرفش ايه كميه التعب اللي ف بابا اللي تخليه يسافر ويتشحطط وهو خلاص على المعاش
طب هيلاقى شغل فين ولا امتى بجد معرفش الموضوع فيه تفاصيل بس بجد انا معرفش اساسا ايه السؤال انا بفضفض بس والله وادعولى كتير كتير ربنا يحل الابتلاء ده مش عشاني عشان بابا حتى ونفسيته هو غالي عندى وتعب ف حياته وتفاصيل صعبه جدا بس الحمد لله على كل شيء.
لعرض السؤال في فدني اضغط هنا
هو ليه الانسان بيخاف من البشر اللي حاوليه؟
لعرض السؤال في فدني اضغط هنا
مرحبا.. منذ كنت صغيره اعاني من عنف الجسدي ونفسي من والدي وعندما أصبح عمري ٢٠ سنه أصبحت اعاني من نوبات فزع في كل ساعه لأي سبب ربما بسبب صوت أو دخول شخص لي من دون انتباه افزع وخاف وقلبي يؤلمني إلى أن تطورت حاله عندما توفي والدي أصبحت اخاف أكثر اتخبئ في أماكن مغلقه وابكي بصمت وجسدي يرتجف الخوف بأن والدي سيخرج ويعنفني في حاله فزع انا فيها لا أفكر بطريقه سليمه وانسى بأن والدي توفي منذ فتره بل اختبي لاجل الأ يجدني أصبحت حالتي اسوء بجامعه لا استطيع الجلوس باطمئنان بالمنزل أيضا في كل مكان.. أصبح شعور آمان حلم مستحيل منال
لعرض السؤال في فدني اضغط هنا
السلام عليكم.
انا فى تالته ثانوى للعلم انا ادبى والسنه اللى فاتت جبت مجموع كويس وكنت من الأوائل
من شهر كدا تقريبا حصل ليا مواقف وحاجات صعبه
يوم كان عندى فيه درسين والدرسين دول بعيد عن المكان اللى انا عايشه فيه المهم اليوم دا تعبت فى الدرس الاول وجالى سخونيه برعشه
كانت أول مره تحصلى المهم اخدت دوا وبقيت كويسه بس بعديها بكام يوم فيه واحده اصحابى اختها اتوفت وانا من ساعتها وانا مش عارفه مالى يوم ما اخت صحبتى ماتت تعبت كدا وروحت تانى يوم للدكتور وطلع عندى جرثومه معده والدكتور قالى كورس العلاج وكدا
وقال إن العلاج جامد وبيتعب وهو قال كدا وانا خفت انى اخد الدوا وسألت ناس كتير ناس تقول خديه وناس تقول لا بس بعد اسبوعين اخدته والاربع ايام اللى اخدته فيهم مشفتش النوم لغايه اليوم الرابع وجاتلى نوبه هلع وللعلم الفتره اللى بعد موت اخت صحبتى كانت نفسيتى وحشه جدا مع انى مكنش ليا اي تعامل معاها
ودايما خايفه اموت زيها وبعد ما حصل اول نوبه هلع رحت طبعا للدكتور وكشفت بس طبعا الدكتور قالى دا برد فأنا بصراحه مقنتعتش بيه ورحت لدكتور تانى ساعتها عرفت انى عندى سخونيه وحصل حاجات كتيره هناك عند الدكتور وزادت المشكله اكتر
المهم الدكتور قالى انى أوقف الدوا واخدت دوا تانى بس المشكله لسه موجوده دايما تعبانه ومشتته وخايفه اموت ومش بنام ولا باكل زى ما كنت ومش عارفه اعمل اي فى النوم ودايما دماغى مش بتبطل تفكير فى حاجات وحشه
وكل دا مأثر تأثير كبير على مذاكرتى ويحصل لى اعراض زي ظهرى يوجعني ورأسى من عند الرقبه وحياتى اتغيرت خالص مش عارفه ارجع زى ما كنت لو ممكن اي حد يفيدنى ويساعدنى انى اتخلص من اللى انا فيه وللعلم ان انا الفتره دى كنت مقربه من ربنا وبقرأ قرآن وأذكار وكل حاجه الحمدلله بس برده لسه تعبانه ومش عارفه هل دا تعب جسمى ولا نفسي .
معلش كتبت كتير بس فعلا فيه حاجات مينفعش مقولهاش.
لعرض السؤال في فدني اضغط هنا
انا البنت بتاعت مشكله الثانويه العامه شفت كلام دكتور مي وبصراحه فرق معايا جدا بس انا عايزه اعرف ازاي ابدا من جديد منغير ما نفسيتي تكون مدمره ومتاثرش باللي حواليا وصحابي اللي بقوا كلهم ف الكليات ومزعلش علي حالي واستقبل قضاء ربنا برضا انا بصلي الحمدلله وبحاول اكون دايما قريبه من ربنا وطبعا مع بابا ف الظرف اللي هو فيه ربنا يشفيه بس انا مش عارفه ابدا مذاكره من تاني صح بعد الحصل وداخلين ف شهر ١ ف اعمل ايه عشان نفسيتي تتحسن وارجع اذاكر
لعرض السؤال في فدني اضغط هنا
والدي كان الداعم الأساسى ليا فى امتحاناتى ودراستى و كان بيسهل عليا كل صعب بعد ربنا لدرجة من خوفه عليا كان بيوصلنى كل يوم و مش سايبنى فى التليفون أنا داخلة امتحانات لأول مرة من غيره و موجوعة أوى و مش عارفه اشيله من تفكيرى و لا عارفه أنسى أن آخر مرة امتحنت السنة اللى فاتت رغم تعبه كان جنبى و جاى على نفسه علشانى
لعرض السؤال في فدني اضغط هنا
يا جماعه انا تعبت ممكن حد يرد عليا
اولا انا عندى ١٧ سنة وفى ٣ ثانوى دلوقتي وده مأثر على نفسيتى وكل يوم وكل ثانيه بفكر في الموضوع ده ومأثر على مذاكرتى وطول الوقت خايفه
انا معايا توأم ولد كنا صغيرين اعتقد في ٣ ابتدائى كده كان ياخدني ويعمل حاجات مش كويسه المهم انا مرة على مرة كنت برفض وكنت معرفش أي حاجه ومعايا اخويا اكبر منى كان بيقف ورايا وكنت صغيره برضو كان بيعمل حاجات مش كويسه وكان بيمسكنى من أماكن مش كويسه.
المهم بلغت وقلت لماما وقالت لي متخليش حد يلمسك وبعدها كنت انا ونايمه بحس حد بيلمسنى وبعدها بتحرك وبعدها بلاقى اخويا الكبير اللي المفروض سندى المهم عرفت عن موضوع غشاء البكارة ده ومكنتش أعرف حاجه حرفيا لما عرفت وادركت حكيت لماما الموضوع لان انا يا جماعه لو عايزة حاجه غلط مكنتش حكيت لماما
المهم عاقبتهم وبطلو يعملو كده بس انا لسه مأثر فيا كل اللي كان يعملوه معايا وخايفه أوي اوي ليكون حصل حاجه في الغشاء مع العلم عمرى ما شفت دم غير في الطمث بس وهما لما كان بيلمسو يلمسو من برا المهم مأثر على نفسيتى وخايفة وانا حكيت لماما بس هيا شتمتهم بس وبطلوا قولولى اعمل ايه طمنونى
لعرض السؤال في فدني اضغط هنا
السلام عليكم ورحمة الله وبركاته
انا بنت عندى عندى 19سنه فرحى ف شهر 4الجاى وانا مش عذ*راء...... اللى حصل غصب عنى قريبى اغتصب*نى. وانا صغيره جداً 5سنين تقريبا ومش عارفه اعمل اى اقول لخطيبى ولا اعمل اى
للعلم اهلى ميعرفوش حاجه وانا لحد دلوقتي بشوف احلام باللى حصل ومش عارفه اذا كان تم الاعتداء ولا لاء عشان كنت صغيره
ارجو الافاده 😔💔💔
لعرض السؤال في فدني اضغط هنا
امتحاناتي قربت مفضلش غير 15 يوم همتحن في 4 مواد مضغوطه في التفكير والخوف ومش عارفه اذاكر والمعلومه مش بثبت أرجوكم فيدوني عشان انا تعبانه جداً من كثرة التفكير المفروض اكون لميت الاربع مواد من بدري بس بسبب التفكير الزايد مش عارفه
لعرض السؤال في فدني اضغط هنا
انا ف تالتة ثانوي انا تعبانة خالص وبمر بظروف صعبة وفيه مشاكل ومش عارفه اركز ف اي حاجة
لعرض السؤال في فدني اضغط هنا
اشعر احيانا أني اعاني الرهاب الاجتماعي في بعض المواقف وتعرضت لكثير من الصدمات في طفولتي منها خلافات ومشاكل عائلية او لنقل تعامل بعض الاشخاص بطريقه سيئة معي مثل جدتي مثلا.
وكنت استفيق او اصحي علي مشاكل كثيرا وصوت مرتفع وخلافات ومعظمها كانت بسبب ابي او جدتي او باقي العائلة
وتعرضت لمواقف في طفولاتي وضغوطات عائلية كثيرة جدا وكانت تسبب لي مشاكل نفسيه وكنت افكر فيها كثيرا ودخلت في مواقف سيئة جدا وجميعها او معظمها كانت تتمحور من العائلة
ولهذا كنت احاول اصلاح او معالجه هذه المشاكل وانجح احيانا واحيانا اخري لا
وهذا جعل جزء من عائلتي يعتمدون عليّ في كثير من الاشياء مثل المشكلات او الخلافات وأنا صغير السن ولكن هذا دفعني إلى التعلم وتقويه عقلي والتفكر المنطقي والتحليل وكل هذا اكتسبته
ولكن ايضا اكتسبت مشاعر وصفات سيئة ايضا مثل الرهاب الاجتماعي او التوتر او الخوف من الاصوات العاليه والقلق والرجفه والتفكير الكثير وهذا جعلني اخاف من الشيء وما وراه
وجعلني لا اثق بأحد ومخي دائم التفكير والتحليل
وهذا جعلني اخاف من اي شي كأن ادخل صراعات او شي من هذا القبيل ولكن في الواقع انا ادافع عن نفسي جيدا وادخل صراعات وادفع نفسي فيها لكي لا اخاف ولكن الخوف بداخلي.
**
هذا كله جلب لي امراض جسديه خصوصا عندما تعرضت لموقف او صدمه جديده من حوالي سنه وهذا جعلني اخاف قليلا او لنقل انه أدى الي زيادة القلق والتفكر والخوف.
وهذا جعلني افكر في هذا الموقف كثيراا ولا استطيع نسيانه والوم نفسي واحيانا اخري يزعجني هذا وعندما اتذكر الموقف احس او اشعر بألم في بطني او نغزه و من ثم لا اشعر بأطراف يدي ولا رجلي
وهذا يجعلني اقلق واتوتر كثيرااا
مما أدى لازدياد المشاكل الجسديه عندي فأصبحت اعاني من ارتجاع المري والغازات والم في البطن وعدم الامتصاص الجيد للاكل وفقدان الوزن الحاد وضعف الاعصاب والنسيان الكثيرر وصعوبه في بلع الطعام وشرب الماء وضيق في التنفس وليونه في العظام وخشونه في الركبه وطقطقه العظام وفقدان التركيز والتفكير الزائد واضطرابات في النوم وقله في الانتاجية.
ومهما أكلت اكل صحي ومفيد وبانتظام او اخذت دواء حسب خطه علاجيه محكمه او فيتامينات لا يفعلوا شيئا
واصبحت لا اريد الخروج من المنزل وعندما اخرج احس انني لست في جسدي وكانني في لعبه فديو جيمز
افقد التواصل وانفصل عن الواقع واتعامل مع الناس بصعوبه رغم اني كنت لا اعاني من هذا ولكن من آخر صدمه صرت اعانيها اصبحت افقد التواصل الخارجي بأكمله واصبحت اشك في نفسي وأجد صعوبه في التعامل مع الاخرين رغم ان من طبيعتي إني مرن واستطيع الاندماج بسهوله مع اي شخص كان اصبحت أنظر الي يدي اين اضعها وكأن يدي عاله علي
اصبحت اسهر وانام كثيرا لصعوبه النوم ولهذا حاولت ابحث عن طرق علاجيه.
مثل التنفس بانتظام والاسترخاء ولكنها لا تجدي نفعا.
برأيكم ماذا افعل لعلاج هذه المشاكل
اعذروني قد تجدون بعض الاخطاء الاملائيه ولهذا لاني جديد علي نظام الاندرويد
واعذروني علي الاطاله ولكم جزيلا الشكر
لعرض السؤال في فدني اضغط هنا
اعاني من ضعف نظر شديد و نظارتي الأصلية عدساتها تكون سميكة وتكبر العينين ومع كل التطورات في مجالات الإبصار و النظارات كل النظارات تلفت النظر لسمك العدسات و تكبير العينين ،
لذلك انا ارتدي العدسات اللاصقة منذ سنين طويلة خارج المنزل ، واصبحت أخفي إرتداء النظارات أمام الجميع ، لدرجة حتى وجودي في سكن شباب مشترك كنت احاول ان اخفي النظارات وارتدي العدسات فقط امامهم.
لقد تعبت من العدسات واصبحت لدي مشاكل مزمنة في عيناي و الأمر بدا واضحا انه لا مفر من العودة للبس النظارات ولكن حتى هذه اللحظة لا اتمكن من ذلك ولدي عقد منذ الطفولة من التنمر الشديد ونظرات الناس التي كنت أواجهها ، ارجو المساعدة في كيفية تخطي ذلك
وشكرا
لعرض السؤال في فدني اضغط هنا
اوقات كتيرة بحس إن أنا خايفه ، خايفه اخسر الناس اللي بحبها خايفه اكبر و خايفه من المستقبل و خايفه من اي حاجه جايه
خوف من تعب و خوف من الفشل و خوف من الخساره كل أنواع الخوف
بحس بضيق لما بفكر من خساره اي حاجه من النعم بالذات الصحه
بخاف اوي وبزعل اوي على الناس الي خسرتها وبتأثر بحياه اللي حواليا واللي مش لاقيين بيت و اللي مش لاقيين اكل بزعل زياده عشانهم
و لما بكون في وقت سعيد مع عيلتي او صحابي بخاف العمر يعدي وتبقى دي مجرد ذكريات و تتنسي
الإحساس دا مش عارفه اتخلص منو
نفسي اخلص منو بأي شكل
و فجأه بحس ان خايفه حتى انام مش عايزه انام و في نفس الوقت مش عايزه افكر
بحس عقلي بيهيألي حاجات و مواقف محصلتش بس بغرض ان يخليني اخاف او ازعل او اكتئب
بحس ان عقلي ضدي بحسو جزء منفصل عني بيفكر بأسلوب سيئ و يخليني احلم احلام تدخلني في عالم تاني مش عايزه ادخله و مش عايزه اعيش اللي جواه
مش عارفه اوقف عقلي من التفكير السلبي و مش عارفه اخليه يبطل يجبلي سيناريوهات تخليني أخاف
إزاي أقدر اعمل ده عشان أنا تعبت
بقيت بصدع من التفكير بشكل كبير و بقا عندي أرق بقى النوم صعب بالنسبالي
ارجوكم افيدوني عشان انا تعبانه جداً من عقلي حقيقي م شعارفه ولا اذاكر ولا اعيش الحياه بشكل طبيعي
لعرض السؤال في فدني اضغط هنا
السلام عليكم ورحمة الله وبركاته
كنت حابب استشير حد في مشكلتي
انا بشتغل في محل ملابس واكسسوارات حريمي المشكله هنا اني بشتغل فس شرم الشيخ وشغلي يعتبر ٨٠٪ منه مع اجانب وانا مش معاايا لغه والمشكله اني عندي مشكله فالذاكره مش بحفظ واي حاجه بتعلمها بنساها ومش عارف اتعامل مع الزباين الي بتدخل عندي لازم انادي لحد شغال معايا وبيعرف يتكلم لغه ودا محسسني بالعجز اعمل ايه علشان اتخطي المشكله دي
لعرض السؤال في فدني اضغط هنا
أنا في أولى ثانوي عام وخايفه جدا وباقي في اخر شهر بتوتر جامد ومن كتر التوتر بنسى المعلومات وحاسة إني تايهه مش عارفه اروح فين ولا آجي منين ومهما أذاكر بحس في حاجه ناقصه والدرجات مش احسن حاجه
لعرض السؤال في فدني اضغط هنا
والدى اتوفى من ٦ أشهر و هو شخص حنين جدا و جميل و بسبب الوفاة انا مخنوقة جداً و حاسة انى لوحدى و محتاجة بابا اوى خصوصاً أنى داخلة على امتحانات
لعرض السؤال في فدني اضغط هنا
عاوزة اذاكر بس مش عارفة كل لما اجي افتح كتاب مش بعرف اذاكر والتلفون ده مشكله بالنسبه ليا مبقدرش استغنى عنه لمده دقيقه واحده والمشكله عليا مواد متراكمه وامتحاناتي كمان شهر بالظبط
لعرض السؤال في فدني اضغط هنا
معكم أخوكم أحمد من سوريا مقيم في مصر - الموضوع بدأ معي من سنتين حيث بدأت أخاف أجلس بأي مكان لوحدي ثم أخاف أمشي بالشارع لوحدي وهناك حزن وشعور بالاكتئاب وأعاني خلال ١٣ سنة في مصر.
عدم نجاحي بالتعامل مع الناس ومشاكل مع من حولي وأخاف أنزل أو أصعد بالمصعد لوحدي ويحصل معي دقات قلب سريعة ودوخة وإغماء وصراخ ونوبات هلع قوية عندما أكون لوحدي وهناك رهاب الاحتجاز وذهبت لسبع أطباء نفسيين دون تحسن وأتناول دواء الفافورين والامبيريد والنايت كالم والهالونيز دون تحسن فما الحل انا تعبت وعاوز ارجع انسان طبيعي
لعرض السؤال في فدني اضغط هنا
السلام عليكم ورحمه الله وبركاته
أنا طالبه ٣ث يعلم ربنا كمية التوتر والقلق والرعب اللي بعيشها كل يوم
أنا حرفيا ببكي كل يوم بالاربع والخمس والست ساعات، أنا جيت في يوم بكيت سبع بوصل لحالات التشنج العصبي من التوتر
الثانويه العامه مسببالي رعب من وانا في ٦ ابتدائي وانا كنت طول حياتي بحب المذاكره وبذاكر للأسف السنه دي بدأت معايا بدايه مش حلوه
أنا نفسيتي مدمره جدا من اللي بيحصل حواليا، أنا من محافظه في مدارس تتدفعلها فلوس وتغش وحرفيا الاغلبيه العظمي من صحابي فيها وكلهم هيجبوا مجاميع وصعبان عليا نفسي
على فكره اهلي قالوا لي تروحي المدارس دي بس انا موافقتش للأسف وندمانة جدا
اللي حصل معايا من اول السنه تشتت رهيب في المدرسين والكتب وغيرت في كل ماده ييجي حوالي ٥ او ٦ علشان اما مكنتش بفهم او مش بعرف احل
وللأسف لتراكم عليا المنهج من أوله ولا يعتبر حليت ولاحفظت ولو ذاكرت مش بعرف أحل الاسئله مش عارفه انظم وقتي كل ما أعمل جدول يدمر ومعرفش أعمله وانا مرعوبه جدا من امتحان اخر السنه
تنصحوني بإيه أجل السنه ولا أذاكر وامتحن والماده اللي تقف معايا اأجلها مع العلم اني مش مذاكره ولا حاجه وهل لو بدأت هلحق واجيب مجموع ولا بلاش اعشم نفسي وأجل ؟
لعرض السؤال في فدني اضغط هنا
هل ممكن ان الخوف يكون سبب ف ان البني ادم يكذب كتير عشان خايف يخسر شخص؟
لعرض السؤال في فدني اضغط هنا
السلام عليكم
مشكلتي اني بخاف من كل حاجه بخاف من الخروجات بخاف من المناسبات بخاف من الكلام بخاف اجرب اي حاجه مجربتهاش قبل كده متردده دايما في كل حاجه بخاف اخد القرار بخاف حتي اتكلم مع حد
لعرض السؤال في فدني اضغط هنا
أنا فتاة عمري حاليا 16 سنة من و أنا صغيرة و من زمان كنت امارس العادة السرية و لكن أنا مكنتش أعرف أنها حرام و أن مينفعش أعمل كدة لأن كنت صغيرة وقتها حوالي تقريبا و أنا عندي 9 سنين و أنا بعمل كدة و مكنش في حد موعيني ولا قايلي أن مينفعش أعمل كدة و فضلت على الحال دة كل فترة أعمل كدة بس لوحدي مش مع حد و اتفرج و افتح في مواقع و بتاع و أول مرة لما عملت كدة كان بقلم سبورة و بعد كدة كل مادة كنت بكبر في الأداة و عملت بعدها بمراية يد إللي هي الطويلة دي و بعد كدة عملت بأزازة برفان زي ما إللي ظاهرين في الصور دي كدة فا أنا عايزة أعرف هل أنا كدة فقدت الغشاء البكارة ولا لا أنا لما ايام مكنت بعمل من فترة كدة لما كنت بضغط جامد كنت بلاقي دم نازل مني بس بقول دة يمكن الدورة الشهرية لأن كانت بتنزل على أيام بس حرفيا لون الدم كأنك مخبوطة مش لون الدورة نهائي لأنها مش بتجيلي لونها كدة ابدا عارفين لما تتخبطه من حاجة و تنزل دم دة كان لونها و كان بينزل على أيام أنا معرفش في حاجة حصلت فيا كدة من الضغط إللي وقتها كنت بعمله ولا دة كدة من الحيض ولا من إيه لأن هي بجد لما بتكون عليا مش بتجيلي لونها زي ما كأني متعورة كدة لا بيكون لونها اغمض أوي مش احمر و هو كان بينزل مني لون احمر صافيي و نقط كدة في المناديل بيبقى ...
مش عارفة أعمل إيه التفكير هلكنيي و نفسي أعرف هل أنا كدة فقدتها ولا لا ؟
و ياريت لو في دكتورة هنا ترد عليا و تجاوبني لو تعرف حاجة بخصوص كدة
أنا أصلا معرفش صح إللي عملته دة و إني حكيت هنا ولا لا خايفة كمان اخد ذنوب أني حكيت هنا و على العلن 💔
لعرض السؤال في فدني اضغط هنا
وأنا في تالتة ابتدائي تقريبا تعرضت للتحرش أثناء ما كنت بشترى من البقالة اللي جمبنا من ابن صاحب البقالة.
أنا مكنتش أعرف التحرش بس اللي كنت متأكدة منه ساعتها إن حصل لي شيء مش طبيعي ومقزز وهو إنه استغل إني كنت واقفة طفلة عادية بتشترى آيس كريم وجه من ورايا وباسني.
أنا فعلا اتصدمت ورحت اعيط لماما وماما قالت لمامته وكانت حجتها إنه مش متزن نفسيا وكذا مره كان بيلمس إيدي ومواقف كتير
وكان بيقول إنه بيهزر رغم عدم إدراكي بفكرة التحرش إلا إني حسيت أن تصرفاته مكانتش طبيعية وده سبب بكائي لماما وبعدين بطلت اروح بقالى سنين ....
فى إعدادى أيام فتره الكورونا رحت بعد الدرس اتصورت صورة وكنت لابسة الطرحة والكمامة كنت لبساها بس منزلاها عشان الصورة ونزلتها استورى لقيت حد بعت لي رسالة ممكن نتعرف.
كان اكونت باين إنه فيك عملت بلوك من غير ما أرد بعدين تفاجأت بأكونت تاني في أقل من عشر دقايق حاطط الصورة اللي كنت حطاها استورى علي صورة مش كويسة تماما بين راجل وست.
انا عامة محستش بنفسي غير وأنا بصوت ولميت ماما وإخواتى
الحقيقة إن الصورة واضح إن اللي عمل كده طفل صغير، الصورة مقصوصة بطريقة غبية لدرجة الكماموة والطرحة باينين شوية.
إيه اللي هيلبسنى كمامة وطرحة في صورة زى دى حاجة مضحكة فعلا ، ولكن ساعتها كنت منهارة حتى أختي قالت إن واضح من الكتابة إنه عيل صغير والموضوع خلص واكتشفت بعدها أن اكتر من 3 بنات غيري في الدفعه حصلل لهم نفس الموضوع من نفس الشخص المجهول هو هددني إنه هينشر الصور وأنا وقتها كنت هموت من الخوف بس أهلى طمنونى إنه مش هيقدر يعمل حاجة،
المثال الأول اللي حصل في ابتدائى والمثال التاني بتاع الصور مش مجرد تجربتين عدوا عليا في سن صغير هما سايبين أثر لحد الآن
انا بقيت بخاف من الجنس الآخر بشكل كبير
بقيت بشوف إني ممكن اتأذى وبتأتأ في الكلام لو اتكلمت مع أي راجل زى مدرس أو دخلت محل اشتري.
بفضل أتخيل إنه ممكن يعمل فيا حاجة وإن أي نظر لي وراها تفكير شيطاني مخيف.
افتكرت إني تخطيت التجارب اللي فاتت، الحقيقه إن أنا متخطتش أنا كمان وصل الموضوع بيا إني بقيت بخاف من بابا مع إن بابا كان أكتر من صاحبي وكل مكان سوا
ولكن بعد التجارب دى اتعقدت منه بلا سبب بقيت بتلعثم في الكلام معاه لو قرب مني زي إنه يحضني أو يسلم عليا وعلى إخواتي،
أتخيل إنه زيهم ممكن يكون بيفكر في مع إن بابا أحسن راجل في الدنيا بس أنا بخاف من الرجاله وبكرهم وبحتقرهم وبشوفهم شياطين بالنسبة لي
كمان لو حصل ونمت جمب بابا في يوم فى المصيف مثلا بعد ما بنرجع من البحر مببقاش عايزة أنام معاه في نفس الاوضه وماما لاحظت وبتقولى هو في حاجة حصلت قلتلها لا مفيش.
وفعلا مفيش حاجه وبابا قريب من ربنا جدا وكمان مش عايش معانا بيجى يومين في الاسبوع بس لكن انا لو نمت معاه في نفس الاوضه بيجيلى أوهام إنه ممكن يغتصبني.
ومره وانا في إعدادي ضاع منى وحدة كاملة فقررت اخد درس برايفت فطول الحصه معرفتش أركز وكنت متخيلة إن المستر ممكن يغتصبنى لأنه قال فيه دوشه برا وهقفل الباب ساعتها قلت إني مش هقدر أكمل وسيبت الدرس ولما حكيت لماما قلت لها مبجبش أروح درس لوحدى بخاف بدون تفاصيل
قالت خلاص مش مهم، الحقيقة أنا معرفش هكمل حياتي إزاي وحتى أبويا بظن فيه الظن ده وهو ملوش ذنب أنا فعلا بكره نفسي جدا جدا إني بفكر كده بس أنا فعلا مبتصورش مبخرجش بخاف أتعامل مع اى حد وبحس إني هتأذى.
كمان بغطى كاميرة التليفون علطول وعندى وسواس المراقبة وماما اتضايقت، من أي فتحة بسيطة الشباك بقول فيه حد هيبص عليا وماما بتفضل تقول إني مجنونة ومحدش قصادنا بس أنا متخيلة إن في حد مراقبني من التليفون ومن كل حاجه وإني هتأذى منهم أنا بكرهم جدا
لعرض السؤال في فدني اضغط هنا
السلام عليكم ورحمة الله وبركاته
أنا حاليا تالتة ثانوي، المفروض كنت أولى جامعة بس أجلت السنة، انا مش عارفة أعمل إيه ولا عارفه أنا عايزة إيه ولا عارفة إيه هدفي.
دايما خايفة، خايفة أكون الشخص اللي أنا عايزاه أهلي يزعلوا أو يكونوا مش فرحانين وخايفة أكون الشخص اللي هم عايزينه وأعيش في ندم طول عمري.
أنا حاسة إني عندي شغف لطريق معين ولجامعة معينة بس مش هيوافقوا أبدا. خايفة جدا وخايفة أكون أنا عايزة الجامعة دي لأنها أسهل من اللي أهلي عايزينها وأكون أنا بهرب من كدا بكدا.
مش عارفة الدنيا صعبة أوي ومش عارفة أتحرك بقالي أكتر من شهر ولا بنزل دروس ولا بذاكر ولا قادرة إني مفكرش وأسيبها لوقتها أنا عارفة إن التفكير بيضيع وقتي بس أنا مش قادرة إني أذاكر لإني مش عارفة أنا عايزة إيه كأني برسم ع الميه كل حاجه مكركبة وخربانة أوي، أفيدوني وشكرا مقدما.
لعرض السؤال في فدني اضغط هنا
صرت أشعر أن علاقة الجميع بي تغيرت، أبي وأقربائي والجميع صاروا لا ينظرون إليّ أصلا أو كلامهم معي شحيح وبه فتور كأنهم مرغمون على ذلك ولا أجرؤ على سؤالهم عن السبب ماذا أفعل وما سبب هذا الفتور منهم
لعرض السؤال في فدني اضغط هنا
أوقات كتير بيجيلي ضيق نفس ومش ببقي عارفة أخد نفسي كويس وبنهج دايما من أقل مجهود ومن حتي قراءة القرآن مش بعرف أكمل نص سطر علي بعضه من ضيق نفسي وقُصره
وأحس ساعات فجأة بدون سبب أنه جالي رهبة وضيق وخوف في قلبي وأحس أن فيه شئ كتمني فجأة
ارجو المساعدة ؟؟؟ ايه السبب ؟؟؟؟
لعرض السؤال في فدني اضغط هنا
السلام عليكم ، دايما بحس ان صلاتي غلط ومبتتقبلش معرفش ليه بس انا في حاجات كتير مكنتش عارفه انها غلط في الصلاه زى أن رجلينا تبان عادي المهم كل فتره اكتشف خطأ جديد وانا بجد متضايقة جدا جدا عشان انا بحاول كتير انتظم بس فعلا صلاتي كلها غلط في غلط الصلاه بتيجي وانا قاعده في الدرس اكيد مش هعرف اسيب الدرس الا بعد ما يخلص فكتير اوى براكم الصلوات كمان مبعرفش اركز في الصلاه اللي هي الخشوع، تقريبا عمري ما حسيت اني واقفه قدام ربنا مع اني حاولت اتخيل عشان اقدر اخشع بس بردو معرفتش وفي حاجه اسمها الافتراش تقريبا مش عارفه اعملها ابدا حرفيا مش عارفه اعملها خالص وحاجه تانيه بردو قعده معينه في التشهد مش عارفه بقا حاولت كتير بس دايما بنسى حاجه وبحس اني غلط في غلط والموضوع صعب جدا احساس ان بعد كل ده الصلاه متتقبلش
لعرض السؤال في فدني اضغط هنا
السلام عليكم انا فتاه عندى ١٨ سنه أعانى من الاكتئاب السبب هوه أن والدى قاسي جدا وأنه بيفرق في المعامله لانه تعرض لقسوه وحرفيا أنا تالته ثانوي وهو مسافر بيسال ولا بيكلمنى خالص واما بيسمع صوتى بيقفل السكه وضرب وإهانة وحياة تعيسة معاه عاوز اتاقلم ع أنه مش هيتغير وابدء استوعب وابدء يبقي الموضوع عادى
لعرض السؤال في فدني اضغط هنا
مؤخرا أشعر بفقدان الشغف تجاه الأشياء التي احبها، أهملت دراستي بشكل كبير ، وأشعر بالتوتر مع اقتراب الامتحانات ، لا يمكنني التوقف عن التفكير فيما سأفعله في المستقبل وعن مساري الدراسي ، أصبحت خائفة من أن لا أحقق اهدافي ، أو أن أحصل على الدرجات التي اريدها ، الأشياء التي كانت تسعدني مسبقا اصبحت عادية الآن .
تحدثت مع ذكاء اصطناعي ، بغرض معرفة المشكلة و فهمت أين تكمن، لكني لم احصل على حلول .
لعرض السؤال في فدني اضغط هنا
انا بابا اتوفي من ٥ سنين لكن قدام عيني والي الآن لم يتم التعافي.
حزينه جدا، بحاول اتأقلم مع كل شئ لكن كل دا وكل التظاهر دا اثر علي شخصيتي بالعكس واوقات كتير بالتناقض، مرة بقرب من ربنا وكل ما أفتكر اللي حصل لي وبعدها كمان ارجع تاني ابعد جامد
وفي نفس الوقت مش عاجبني حالي لأن مش دا انا انا قبل موت بابا، عارفه شخصيتي كويس وعارفه انا علي ايه، بقيت تايهه جدا جدا وتقريباً مفيش حاجه قلت مش هعملها وعملتها ومش عارفه انا هرجع امتى وهخرج امتى من كل دا بس بجد الموضوع اكتر من الصعب.
وبقيت بخاف من نفسي وعلي نفسي وحالي عشان مش دي انا ابدا، أنا بعمل كل حاجة دلوقتي غلط بس مش قادرة أفوق من أي حاج
محتاجه افوق لنفسي وحياتي تاني بس مش قادره ولا عارفه مش عارفه اوصل لنفسي اللي انا عرفاها زمان تهت وخايفه أفضل كدا ومعنديش شغف لأي حاجه، اي حاجه قدامي بشوفها أقل من العادي مش ببقي فرحانه الفرحه اللي من قلبي بجد
لعرض السؤال في فدني اضغط هنا
شىء مؤلم جدا ان الإنسان في بداية حياته يفقد أبسط الأشياء زى إنه يحس بقيمته شىء مؤلم إنك تكون في أسرة طريقة تعبير الحب لها مش بالكلام مع إن الكلام ممكن يخلى الواحد يكون عنده ثقة في نفسه.
الحقيقة اتمنيت لو والدتى فهمتنى قد إيه المجتمع ممكن يكون خطير ويؤذينى وإن في حاجات لازم أفهمها وإني لازم أحب نفسي عشان مصدقش الكلام الحلو من أي حد اتمنيت علاقتي مع والدي تفضل كويسة بالشكل بتاع زمان لما كنت كل حاجة ليه وكان كل حاجة ليا.
بعده عن البيت ساب مسافة كبيرة بينا، بتكسف أكلمه رغم إني كنت بترمي في حضنه، الموضوع زاد بعد ما أختي الصغيرة اتولدت.
هي ملهاش ذنب ولكن أنا نفسي يفهموا إني لسه صغيرة مقدرش أواجه العالم لوحدي وكنت محتاجة يوعوني أكتر قبل حتى ما أعمل كبيره من الكبائر.
كل حاجه اتغيرت بشكل مؤلم، بعدي عن أهلي وكرهي لنفسي وفشلي الدراسي وتدهور العلاقة مع أهلي وفقدت كل أصدقائي.
أشعر بالحزن حتى في اللحظات السعيدة أتمنى أن تكون والدتى تريد أن تحضنني، أحضن أهلى كل سنة مرة أو أقل وأحيانا يمر عام بدون أن يحضنوني.
من فترة صحيت من النوم وكنت أعتقد إني حضنت أمي، أدركت أنه حلم.
الموضوع أصعب بكتير، ممكن شخص يقول قومي احضنيها وكلميها، أنا فعلا بكره نفسي جدا بشوف إني فاشلة ومعنديش إرادة كل حاجة بتحط فيها فاشلة معنديش أي لازمة.
بحس إني تقيلة دايما على الناس وإني عبء على الكل دايما بكون طرف تالت رغم إني بقدم حاجات كتير في العلاقة، بعمل حاجة نفسي تتعمل لي.
مش قادرة أنسى الماضي في ذكريات كتير نسياها لكن أثرها موجود تراكم الحزن على قلبي زاد شعور ضيق النفس والكتم الداخلي أتعبني أكتر حتى في علاقتى مع ربنا أحاول ولكن دون فائدة.
ارى نفسي شخص سيء في حياة الآخرين، شخص فاشل إلى أبعد الحدود.
أتمنى ان أتخلص من آلام الماضي وأن أنسى أفعالي المقرفة في الماضي. لا أعاتب إهمال أهلي، أعاتب نفسي فقط.
لا أريد أيضًا الزواج، أشعر بالرهبة والخوف يسيطر علي وأخاف أن أموت وحيدة بداخلي صراع أريد أن أنهي حياتى ولكن أقول سأخسر الدنيا والآخرة ولا أعلم لماذا يحدث كل ذلك.
لعرض السؤال في فدني اضغط هنا
من فترة بدأت تجيلي وساوس في الصلاه وفي حاجات كتير وساعات تجيلي وساوس بالمرض وبفضل قاعدة خايفة ليحصل فيا حاجه وكل اما الاقي حد بيعاني من حاجه معينه بكون خايفه وبتخيل ان الحاجه دي حصلت لي وسمعت ان التخيل ممكن يجبلك الحاجه فده مخوفني اكتر مع ان الموضوع ده كان عندي من فتره واختفى الحمد لله بس رجع لي تاني ازاي اقدر اوقف الوساوس دي واوقف الخوف ده
لعرض السؤال في فدني اضغط هنا
أنا تعبانة مش عارفة فيا ايه، أعصابي بايظة اتشخصت من حوالي سنتين فقدان شهيه عصبي وخفيت من النحافة جسديا بس مش عارفه نفسيا خفيت ولا لاء.
على طول خايفه ومتوتره مش بنام كويس عايشه ف احلام اليقظة والخيال طول الوقت ومش بعرف أسيطر عليه، بعيط من غير سبب بزعل من غير سبب، أتخيل حاجات وحشه محصلتش كارهة الجواز والرجاله ومرعوبة من كتر اللي بسمعه حتي لما بلاقي كورس عن جواز أو بودكاست ببقى مش طايقه. على طول ف دماغي أنا هلاقي حد كويس لدرجه اني مش مصدقه بحب حد مش موجود شخصية ف روايه اتخيلت شكله وحياتي معاه وخناقات وصلح بس هو مش موجود غير ف دماغي انا حتي بسرح وانا بتفرج ع التلفزيون مش بركز خالص وبنسى واسرح وتايهه.
أنا فيا اي اعمل اي انا مرعوبه ومش عارفه من أي أو يمكن مش قادره امسك اللي خايفه منه أنا بحارب شبح مش موجود بجري ق سباق مش عارفه ع اي ولا مع مين ومش عارفه انا عايزه اي بس اللي عارفه اني بضيع ومش لاقيه ليا حل أنا كدا محتاجه دكتور نفسي ؟
لعرض السؤال في فدني اضغط هنا
السلام عليكم و رحمة الله و بركاته
أولا معترف بذنبي راجيا من الله العفو و الغفران
أنا حبيت بنت محترمة جدا و طيبة و غلبانة أغلب من الغلب بس للأسف الشيطان خلاني فهمت ده غلط حبينا بعض و حبة حبة مسكة ايد مع تجاوز حدود حصل حاجة زي علاقة سطحية بس مجتش جمبها من ناحية الفرج خالص كان مداعبات من الخلف و الحمدلله من ستر الله و رحمته لم يحدث أي أدخال و لم نقع بالزنا الموجب للحد و هذا من فضل الله لأنه يعلم أني نيتي الزواج و لكن عدم المقدرة الحالية هو السبب السؤال هي بعدها بيوم رجعت و حست أنها تعبانة و بطنها وجعاها و كانت خايفة لا يكون في حمل بس الحمدلله بعدها ب٣ايام نزلت الدورة و قعدت ٦أيام و الشهر التاني قعدت برضو ٦أيام و نزلت طبيعي بس في حبوب في وشها و بتاكل كتير نسبيا هل كدة في حمل ولا الحبوب و الأكل دول طبيعين بسبب النفسية ؟
لعرض السؤال في فدني اضغط هنا
لعرض جميع الاسئلة في فدني اضغط هنا