بصو أنا عارفه إنها طويله بس ياريت تقراوها وتفدوني!؟
دلوقتي أنا فيه بنت صحبتي بقالنا 3 سنين كنا صحاب، ف الاول كنا مع بعض عادي اللي هوا بنروح عند بعض وكده وهيا كانت طول الوقت بتشكي من اهلها وانها مش بتحبهم وكل دا.
وكانت هيا اشطر مني، هيا اكبر مني بسنه اساسا كانت تيجي في الخناقات تعايرني وتقولي انا اشطر منك و انتي مش صحبتي ومصاحباكي مصلحه لغايه ما بدات اذاكر واوصل لنفس المستوى بتاعها.
وأنا عمري ف حياتي ما عايرتها وبعدين مبقتش تعايرني بعدما وصلت لمستواها وكل دا كنا لما نتخانق مش بروح اصالحها وهيا اللي بتيجي تصالحني والدنيا بتمشي.
فضلنا سنتين ونص ع الوضع دا لغايه ما هي جت من فتره مش كبيره شدينا اوي مع بعض فجت صالحتني مرضتش اصالحها جت بعتت مامتها ومن هنا عرفتني انها مريضه نفسيا.
أنا كنت عارفه من قبل كده بس يعني كنت بعدي مش باخد ف بالي لغايه ما مامتها اكدت لي المعلومة.
من 7 شهور اتخانقنا انا وهي وقعدنا تقريبا اسبوعين منتكلمش خالص، جت هيا ف الفتره دي اتعرفت على ولد.
المهم انها عرفت مامتها على اعتقاد ان هتقولها ماشي كلميه عادي بس مامتها قالت لها متكلميهوش وكده فعملت له بلوك وشدت مع مامتها ساعتها جامد عشان متقولش لباباها وكمان عشان خلتها تقطع علاقتها بيه وهي كانت استريحت له.
المهم جاتلي ف اليوم اللي بعدو كانت بتعيط فمرضتش اعاتبها او حاجه وقلت لها تعالي ولا اكننا كنا متخانقين وقلت لها مالك وحكت لي اللي حصل وقالت لي انها ارتاحت له وعاوزاه وكده يعني فقلت لها خلاص ادخلي كلميه
بس اتفاجنا انو كان عاملها بلوك هي كانت عارفاه من على التيك توك فقلت لها خلاص ماشي اعملي اك جديد واعملي ليه فولو وادخلي كلميه ودا اللي حصل جيت بعدها حسيت اني عملت ليها حاجه غلط مكنش ينفع اساعدها ف كده.
وقلت لها انا ولا هو قالت لي انتي شايفه حياتي ومش عارفه ايه وانا مش عاوزه لا اخسرك ولا اخسره
قعدت اوعيها وأقول لها طب خفي من الكلام معاه وان مينفعش ودي مش تربيتنا وكده برضوا قالت لي ان اهلي ومتخافيش هو انسان محترم وهو لو مش محترم مش هكلمه.
المهم فعلا الولد محترم اتكلموا حوالي شهر ونص وبدأت تحصل مشاكل، المهم لما كانو يبقوا هيسيبوا بعض كانت تقول هنتحر وتقعد تعيط وكل دا فكانت تخليني ادخل أكلمه وأقنعه يرجع وهكذا لغايه ما عرفت مامتها وباباها وكل دا بدأوا يودوها لدكاتره نفسيين وكل دا بسبب انها كانت دايما بتقول انها هتنتحر
وكانت بتحاول كذا مره وكانت بتاخد برشام كتير جدا عشان تنتحر بدات في الفتره دي ابعد عنها لكن حاولت انها تنتحر بسبب كده فالمهم باباها طلع كلم الولد ووعده انه مش هيكلمها تاني بس برضوا هيا كانت بتكلمه
وكانت لما تحصل لها اي مشكلة كنت ادخل وأكلمه وأصالحهم على بعض لغايه ما مامتها قالت لي لو رجعت كلمته تاني قولي لي بس صحبتي كانت منعاني اقول حاجه وكانت بتهددني انها هتقتلني وتقولي هقتلك مش مصدقاني هقتلك والله اساسا حاولت اقتل ابويا قبل كده مش هقتلك أنتي هتقتلك وبعدين هقتل نفسي
فأنا كان ردي عليها في الكلام لو تقدري تعملي حاجه اعمليها أنا مش مسكاكي فأنا مقولتش لمامتها ولا حد لغايه ما اهلها مبقوش متقبلني خالص وكمان اهلي مش متقبلنها فجت اخر فتره الولد مبقاش عاوز يكلم صحبتي تاني خالص اتققل منها بالمعنى الحرفي.
دخلت كلمته كتير بس مفيش فايده وحاليا صحبتي طلع عليها سمعه مش كويسه خالص في المدرسه انها بتكلم ولاد وكده في المدرسه وهي مريضه نفسا بس هيا بتحبني جدا جدا اخر فتره بقت بتحبني جدا بس اهلي مش موفقين ع صحوبيتنا عشان جت فتره أثرت عليا اوي بس انا مش عارفه ابعد عنها هيا مش مخلينا عارفه ابعد عنها.
اهلي حاليا عاوزني أبعد عنها واهلها كذلك وانا حيرانه اوي مش عارفه ابعد عنها ولا اخليني جنبها عشان كل ظروفها دي
(انا عندي 14 سنه وهيا 15 سنه)
لعرض السؤال في فدني اضغط هنا
أنا اتعرفت ع بنوتة ف أولى جامعة وكنت لطيفة معاها ف المعاملة وهى كذلك وأنا لما راقبت البنت دى من بعيد شفت فيها أد إيه هى غامضة ولطيفة وعندها استقلال شخصية ومع صحباتها البنات كانت مريحة مش بتغير ولا بتقيد حد من صحباتها ودا عجبنى فيها.
توقعت هتضيف لى قيمة حقيقية وهكون مرتاحه معاها، مش هتغير علي ولا هكون مقيدة وانها عندها استقلال وليها شخصيتها المعينة ومعتزة بيها أيًا تكن فقربنا من بعض أكتر وفى بداية العلاقه كنت مبسوطة جدا عشان حسيت إن فيه كتير مشترك بينا
زى مثلاً تكلمنى ف موضوع فأقول لها لسه كنت بفكر ف الموضوع دا البارح مع نفسي أو مثلاً إننا الاتنين مهتمين بعلاقتنا بربنا كنت مرتاحة معاها يعنى بس مقدرتش أبدا افضفض معاها عن أي حاجة ولا عمرى قدرت اقولها أنا متضايقه محتاجه اتكلم معاكى ودا مهم لى بس كنت عادى ومرتاحة بردو نوعاً ما.
ونظرتها لى انى مبهرة بالنسبه لها فكنت دايما عاوزة أكون مثاليه قدامها يعنى محكيش عن اللى مضايقنى وكنت أبان مبتسمة وسعيدة حتى لو متضايقه بفضل اثبت دوما نفسي قدامها بكلامى عنى كتير وحتى لو اتكلمت كلمة مش لايقه بشخصيتى ف نظرها لما بكون مع نفسي بطلب من نفسي معملش كدا مرة تانيه بس كنت مبسوطة ف البداية.
وبعدين بعد مرور تلت أو أربع شهور من العلاقه ف مرة كنت بتكلم قدام صحبتى دى مع واحدة صاحبه ليا وحضنتها من ضهرها وهى بتكلم صاحبه ليها فلما روحنا البيت قالتلى إنها بتغير علي لما اهتم بحد قدامها فاتضايقت جدا واتوترت وخصوصا انى كنت قبل مصاحبها كنت مصاحبة إنسانة شخصيتها صعبه أوى ف الغيرة وممكن توصل معاها للعنف معايا وبالعافيه قدرت اطلع من العلاقه دى
لما حكت إنها بتغير من اهتمامى بحد قدامها أنا اتضايقت جدا بس حبيت اعدى الموضوع رغم انى مكنتش قادرة من بعدها مبقتش حابه اتكلم أو اتفاعل معاها وعايزة اتجنبها وطول الوقت حاسه بتوتر وضغط نفسي وعاوزة أهرب منها بأى طريقة
وكمان لقيتها بتقلدنى يمكن ف كلامى وحركاتى ودا كمان ضايقنى، بقيت حاسه انى بقدم طول الوقت ع عكس ما كنت برجو إن العلاقه دى تضيف لى قيمة حقيقية دعم عاطفى أو حتى تطوير بس ملقتش دا ف العلاقه وكانت عباره عن انى بقدم طول الوقت بس مش باخد اللى أتمناه ولا بتقدملى العلاقه دى بشكل يحسسنى بالرضا والسعادة
والبنت دى علقت أكثر من مرة ع موضوع الغيرة دا فمثلاً شافتنى وأنا نايمة ع كتف واحدة صحبتى فعلقت بشكل فيه هزار وعتاب خفيف بتقولى نايمة على كتف مين وبردو لما اقابل حد من صحباتى وابقى عاوزة أبين انبساطى وفرحتى أنى شفتهم ببقى متوترة اجرحها وف نفس الوقت مش عارفه اسلم على صحبتى بشوف ف وشها دايما إنها متضايقه فببقى متوترة يمكن تكون غيرتها كانت خفيفة بردو بس عقلى الباطن ربطها بغيرة الصاحبة اللى قبلها مثلاً أنا دلوقتي مش عارفه اعمل ايه خصوصا انى أنا مش حابه نرجع زى الأول وف نفس الوقت أنا بشوف إن اللى حصل مش كفايه يخلينى اسيب العلاقه واجرحها وازعلها
هل أنا كدا تخليت عنها أو سبتها بسبب عيوبها أو إيه رأيك
لعرض السؤال في فدني اضغط هنا
انا دلوقتى هقول كل اللي حاسة بيه
انا ليه دايما مش لاقي حد يسمعنى انا دايمًا بسمع لكل اللي حواليا، وأقف جنبهم فى كل حاجه مهما كانت ايه حتى لو كنت مضغوطة وعندى حاجات كتير أركنها على جنب عشان خاطرهم وانا لما احتاج حد مش بلاقيهم جنبى.
ولو طلبت من حد يقعد معايا عشان اتكلم معاه عشان مخنوقه كل ردوده، انتى ايه اللي خانقك انتى عندك ايه عشان يضايقك، لازم اكون مرتبطه أو فى حياتى حد عشان يكون عندى مشاكل زيهم أو اللي توافق انها تنزل معايا أو ابدا اتكلم فى اللي مضايقنى ترد تقولى هو انتى كل لما تقابلينى مش بتتكلمي غير عن اللي مضايقك من كذا وكذا؟
بجد انا تعبت، نفسى حد يسمعنى حتى لو كلامى ده تحفه، نفسى احس انهم مقدرنى زى ما بقدرهم، نفسى ألاقي واحدة منهم تقولى انا جنبك، لكن دايما عمرى ما توقعت منهم رد فعل ولقيته، دايما اشوف اللي يصدمنى بس.
دايمًا في أمرهم ودايما بسعى انى اتجمع معاهم عشان اعمل ذكريات قبل ما اسيب الجامعه بس دايما عندهم لامبالاة.
بجد انا تعبت، نفسى أتغير معاهم وأعاملهم زى ما بيعاملونى بس للاسف مش عارفه.
انا مفيش مره طلبت من حد منهم يخرج معايا أو يقعد الا بيتحج باى حاجه ولو خرج معايا أحسه يبقى مغصوب ويقعد معايا ماسك الموبايل ولا كأنى موجوده ولما اواجههم وأقول لهم انتو بتتعاملوا ليه كده معايا؟ فيه اللي يتوه وفى اللي يقلب عليك التربيزة ويطلعك انت الغلط واللي يجرج مشاعرك.
عمرهم ما قدروا مشاعرى زى ما بقدر مشاعرهم انا بقيت بحس نفسى انى انسانه تافهة بجد من زمان وانا عمرى ما لقيت حد يسمعنى ولا يهتم لكلامى انا دايمًا مهمشة مركونة على رف لوقت العوزة، انا البديل.
دايما عمرى ما حسيت أن حد بيحبنى زى ما بحبه، دايما يتغيروا عليا، أنا بقيت دايما شايفة إن اكيد فيا حاجه غلط وان العيب فيا انا، وان ليه هما مش بيحبونى زى ما بيبحوا حد تانى مع انى ممكن اكون مقدمه ليهم حاجات عمرى اللي بيحبوا ما قدمها لهم.
ليه ديما بشوف أنهم بيقلوا منى، انا ديما مقدراهم وهما مش بيقدرونى، هل عيب فيا والا فين؟ انا بجد مش عارفه ابعد عنهم انا حاسه انى جوايا نار بجد
لعرض السؤال في فدني اضغط هنا
السلام عليكم ورحمة الله وبركاته
عايزة اغير من نفسي من طباعي، عايزه أبقى بنت مهضومه عند كل الناس محبوبه كدا، عايزه أبقى ناجحه، عايزه اسعد نفسي بنفسي، عايزه احاول اسيطر علي حزني وآخد الدنيا بسهوله كدا مش عايزه أخد اي حاجه على أعصابي عايزه اغير نفسي تماما.
الحمدالله علاقتي مع ربنا كويسه خالص الحمد الله
بس انا وحيدة، بمشي لوحدي وبقعد لوحدي وكل يوم يعتبر لوحدي وممكن لو قعدت مع حد من صحابي هما بيبقوا مش صحابي هما صحاب بس مش مقربين، يعني ناس عادي.
المهم انا لما بقعد معاهم بتكلم كتير خالص ومش بسكت والله انا كنت مش كدا خالص بس حرفيا انا مش بلاقي حد يسمعني ولا بلاقي حد اقعد معاه.
أنا السنه دي دمرتني وحزينه من شهر 5 اللي فات وكل يوم عياط وبنام دايما معيطه عايزه ارجع لطبيعتي، عايزه اغير من نفسي تماما، محتاجة أصلح نفسي اكتر، محتاجة احب نفسي اكتر، محتاجة احاول اهدي نفسي في وقت غضبي محتاجة اواسي نفسي واقول لها ان الدنيا مش مستاهله ولا حد يستاهل في الدنيا دي اني ازعل علشانه.
انا اتكسرت من اهلي ومن صحابي ومن أقرب الناس ليا انا كله كسر بخاطري وكلهم آذوني والله كلهم جايين عليا في اوقات صعبه بس انا بعدت عن كله بقيت مش عارفه انا مالي بقيت تايهه بطريقه غريبه بقيت بحب أبقى لوحدي دايما.
ومن اسباب إكتئابي ان انا زعلانه على نفسي وعلى اللي وصلت له، الدنيا اُجبرتني اسيب حاجات كانت روحي فيها بقيت مش عندي شغف لأي حاجه؟
والله انامش معترضه على حكمة ربنا بس دي الحقيقه عايزه اغير من نفسي فعلا لان كدا انا هموت.
عندي امتحانات كمان شهر بحاول اطلع من اللي انا فيه وحسيت بالفعل ان طلعت شويه وبدأت اذاكر وابدأ المناهج من الاول تاني بس حرفيا انا دي اكتر سنه انا عاجزة فيها.
لعرض السؤال في فدني اضغط هنا
انا ولد عندي ١١ سنه وعندي صاحب بحبه و عاوز أجيب له هديه و لكن مش عارف أجيبله إيه
لعرض السؤال في فدني اضغط هنا
كيف اختار صديقات صالحات بالحياه العامه
لعرض السؤال في فدني اضغط هنا
كل لما بعجب بحد بلاقيه معجب ببنت تانيه في الغالب بتكون صاحبة ليا أو على معرفة بيا...... إيه السبب؟
لعرض السؤال في فدني اضغط هنا
انا عندي واحده صحبتي كانت بتحب واحد وهو كمان بيحبها بس التعرف بينهم كان صدفه عادي خالص وزي الأخوات كانت هي كام بنت تاني وكان بيعتبرهم مثلا أخواتها وشخص محترم وانا اشهد بذالك قالها انه بيحبها بس هي رفضت بسبب اللي بيحصل دا مع انها كانت بتحبه فقالها انه هييجي يتقدملها ويدخل البيت من بابه فعلا جي بس أهلها رفضوا بسبب انها كانت لسه داخله اولي جامعه وطبعا محدش يعرف انها تعرفه فهو زعل خالص وهي كانت زعلانه وقالها انهم ملهمش نصيب خلاص الحمدلله بس بعد فتره كويسه رجع كلمها سأل عليها وكدا وقالها انه عايز ييجي يتقدم تاني يس هي مردتش لانه في ناس اتقدمتلها وأهلها رافضين فكره الجواز وهي مش عايزhه هو يتبهدل ولا بترفض تاني كفايه لانه كان زعلان جامد مع انها بتحبه اوي فخلاص كدا بعد فتره هي سألت عليه وكدا وبعدها بفتره هو قالها انه هيخطب بسبب والدته وانها تعبت جامد وهو بصراحه بيحب والدته جدا فهي زعلت وعاتبته لأنها كانت منتظرة انه هيستنا عادي بس حصل العكس تقريبا الخطوبه لمده شهرين وبعد كدا عرفت انه هيجوز واجوز فعلا وهي زعلانه هل في حاجة في الموضوع مش مظبوطه وهي مش قادره تاخد بالها منها ولا اي انصحوها وربنا يجزيكم كل خير يارب
لعرض السؤال في فدني اضغط هنا
السلام عليكم
انا بنوتة عندي ١٣ سنة
مشكلتي ان انا خجولة جدا اجتماعيا بالذات في المدرسة
يعني انا في المدرسة هاااادية جدا ودايما ساكتة وقاعدة لوحدي مش بتكلم مع حد غير لو هو جه عندي وانا مش حابه ده
مش بعرف اتفاعل مع البنات ومعنديش جرأة ان انا ادخل وسطيهم واتفاعل معاهم 😔
لما اقعد معاهم مش بعرف احكي معاهم في في ايه
ومش عارفة اتعلمل بشخصيتي الحقيقية وسط كل الشخصيات المختلفة عنها
وحاسة ان انا ماعنديش شخصية في التعامل بره البيت ومش بعرف اتصرف في المواقف الاجتماعية المختلفة بره البيت وده مضايقني جدا
مع اني في البيت ببقى عادية خالص ده بره البيت بس مع الناس اللى مش متعودة عليهم
اعمل ايه عشان اكون اجتماعية واتخلص من الخجل الاجتماعي؟؟
لعرض السؤال في فدني اضغط هنا
دلوقتي أنا مش بعرف افرق من الصاحب اللي مش توكسيك أو الصحية انا مصاحبة واحده المهم هي معايا من سته ابتدائي وابتديت ازهق أو مش استقبلها لاني مش بحب حد يمش كلمه عليا أو يزن هي بتفضل تزن وساعات بعمل حاجه عشانها وانا مش بحبها يعني انهارده هي عايزاني اجي المدرسة وانا مش عايزة وفضلت ترن ساعه وكل ما بقولها مش عايزة مش قادره اجي تقعد تقولي تعالي لا وانا هدخلك المدرسة للعلم هي مش لوحدها في المدرسة معاها صاحبتها التانيه الي عادي انتي مش لوحدك عماله تقولي تعالي ومصره اني اجي لما قولتها مش هعرف اجي مش هيرضو يدخلوني المدرسة قالتلي تعالي بعد ما المدرسة تخلص انا فعلامش قادره معنديش طاقه نفسيا أو مش مؤهالا نفسيا اني اتكلم مع حد النهارده أنا متداقه سيبيني افهم أنا متدايقه ليه واحاول احسن من ده ف أنا مش عارفه هل العلاقه دي توكسيك ولا عادي و ازي افرق من الصحاب والزمايل وهل الصداقه دي صحيه ولا لا
لعرض السؤال في فدني اضغط هنا
أنا امرأة في الخمسين من عمري، أعمل كمحاسبة. لدي ابنة متزوجة وابن يعمل، وغالبًا ما أشعر بالوحدة. أتمنى الانضمام إلى جروب تنظم رحلات أو تقوم بأنشطة مفيدة أو تقدم دروسًا تعليمية. شكرًا مقدمًا.
لعرض السؤال في فدني اضغط هنا
انا تانية ثانوي في مدرستي فيه بنت الكل بيكرهها تقريبا محدش بيعاملها حلو او حتى نفسه يصاحبها و ده لان شخصيتها وحشة وتعاملها سيئ مع الناس من حوالي سنة صاحبتني و ده لانها قريبتي و عرفت إنها مريضة نفسيا و بتتابع مع دكتور نفسي بس يا جماعة اسلوبها وحش اوي مع كل الناس و بتتعامل بقسوة فظيعه فده خلاني ابعد عنها بس من فترة حصلها مشكلة كبيرة في المدرسة و بدأت تصعب عليا و عاوزة اساعدها بس مش عارفة ازاي اقرب ليها و اثر عليها ايجابيا و اخليها شاطرة دراسيا و بنت طبيعية زينا و كمان عاوزة اعرف عندها مرض نفسي ايه لانها مقالتليش بس هي عامة شخصية قاسية و باردة و مش من النوع الي بيهتم للمشاعر خالص و كمان هي على طول مش مركزة و اسلوبها في الكلام سيئ جدا و بتتنمر على الناس و عندها مشاكل مع اهلها بيعاملوها وحش و معندهاش اخوات بنات
فياريت يا جماعة تقوليلي ازاي اتعامل معاها و اثر فيها ايجابيا
لعرض السؤال في فدني اضغط هنا
السلام عليكم
انا مشكلتي حقيقي مش عارفه اتصرف فيها ازاي اتمنى الناس تقرأها و يقولولي حل
انا الحمد للّٰه ربنا هداني و بقيت البس جيب و لبس واسع و مبحطش ميكب ولا ببين رقبتي الحمد للّٰه يعني بس صحابي للأسف ربنا يهديهم بس في منهم الي بيحط ميكب و في منهم الي بيلبس ضيق و في منهم الي بتكلم شباب و في الي مش لابسه الحجاب صح ، انا نصحتهم اكتر من مره و لكن مفيش اي فايده فيه الي بيتريق ع النصيحه و الي بتتخانق معايا عشان بتدخل ف حاجه مليش دعوه بيها و في الي شايفاني اوڤر
انا بحبهم و مش متضايقة أبداً منهم و مش بحس بغرابه بينهم انا برتاح معاهم بالعكس انا حتى اختلافي ما بينهم ف اللبس و طريقه الكلام و اي حاجه ده مفرحني اني مختلفه
بس مشكلتي إن انا بحس نفسي بنصح بس محدش ف مره نصحني ف حاجه غلط عملتها، لو عملت حاجه غلط مش بعيد مياخدوش بالهم يعني انا مره قلدت واحده عشان فهمتني ان عادي اكلم ولد ع انو اخويا كلمتو بس انا بحكم تربيتي مش عارفه اتعامل معاه ف اتخانقت معاه لما حسيتو بدأ يتكلم بطريقه غريبه و عملتلو بلوك و قفلت الموضوع ده من حياتي و قررت مش هعمل كدا تاني و فعلا الحمد للّٰه معملتش كدا تاني ،و كنت بلبس ضيق جدا و كنت بحط ايلينر و ابين رقبتي و محدش منهم نصحني بالعكس وقتها في واحده منهم كنت بنصحها متبينش شعرها اتخانقت معايا و قالتلي شوفي نفسك الأول و اتريقت عليا عشان بعمل حاجات غلط و جايه بنصحها ، رغم انها طول عمرها شايفاني بعمل الغلط ولا عمرها نصحتني هي اهانتني و ذلتني بالغلط الي عملتو
بس الحمد لله اتغيرت و مبقتش اعمل اي حاجه من دي اسأل الله الثبات بس انا دايما خايفه ، خايفه اغلط منا بشر ، خايفه اغلط و محدش ينصحني ولا يلحقني ، و خايفه اغلط ونا الي بنصحهم محدش بينصح قدي ، و حاولت الاقي صُحبه صالحه و مش لاقيه
حتى ف الدروس بحس اني غريبه محدش ذيي ف اي حاجه ولا حد مقتنع ب الي انا مقتنعه بيه او حد يشجعني ع الصح كل ده انا مش لاقياه حتى اهلي ربنا يهديهم يا رب بس هم مبيصلوش بعض الصلوات في اوقاتها و امي لبسها و لفه طرحتها مش احسن حاجه يا رب اغفرلها و اهديها
انا مش عارفه اعمل ايه و كل الي حواليا كدا انا بجد خايفه اوي اوي لو غلطت محدش هيلحقني لو رجعت البس ديق محدش هينصحني ولا حتى اهلي لو فوتت صلاه بردو محدش هيلحقني و يفوقني انا خايفه
و بفضل اصبر نفسي و اقول يمكن لما اكبر ربنا يرزقني ب زوج صالح يساعدني و يشجعني بس بردو حاسه ب خوف من الغلط بشكل كبير و مش عارفه اتصرف ازاي ولا اعمل ايه لحد م الوقت ده ييجي
غير كدا بحس محتاجه تشجيع في حاجات كتيره يعني انا نفسي البس خمار و نقاب كمان و لكن اهلي اصلا كانو رافضين فكره اني البس جيب و إن ليه البناطيل حلوه عليا و لحد دلوقتي مقتنعين ب دا و بيحاولو يقنعوني ب كدا ، ف مش عارفه اخد الخطوه دي و معتقدش ابدا انهم هيوافقوا ، و عايزه احفظ قرآن انا بدأت بالإستماع بس عايز اروح مكان تحفيظ بس معنديش شجاعه اروح لوحدي عايزه حد يشجعني بجد مش عارفه اعمل ايه
و اسفه لو كنت طولت و شكراً للي قرأ للأخر
لعرض السؤال في فدني اضغط هنا
ما هي العلاقة السطحية ؟
لعرض السؤال في فدني اضغط هنا
السلام عليكم
انا زميلتي ف الشغل متقدملها واحد وهي وافقت ولسه هيعملوا قعدة تعارف وكده المهم هي بتحكيلي ان في واحدة جابت لها عريس وبتقولها مهندس فهي قالتلها هو في مشروع خطوبة ولو فشل هقولك ولقيتها من ساعتها اتغيرت 360 درجة واتقفلت من اللي متقدملها ووافقت عليه دا وفضلت تقولي انها عايزة واحد من مستواها وعايزة الاحسن
المهم هي ف الشغل اي شاب ييجي بتفضل تتكلم معاه كتير اوي وتضحك وتهزر اقولها يا بنتي متهزريش مع حد انتي في واحد متقدملك ونتي وافقتي تقولي دا لو حصل نصيب بقى ان شاء الله
واي واحد مثلا يتكلم معايا تبقى متضايقة وعايزاه يكلمها هي بس حتى لو بنتكلم ف شغل
واي حاجة عموما بتحب تظهر انها هي الي فاهمه كل حاجة واحنا مش فاهمين حاجة انا تعبت من الاسلوب بتاعها دا بجد ومش عارفة اتصرف ازاي معاها
لعرض السؤال في فدني اضغط هنا
دلوقتي ليا صحبتي من حوالي ١٣ سنه جت من حوالي ٥ شهور كده قلبت وشها عليا وبعد كده عرفت انها فمشاكل عندها حاولت اني اروح البيت ليها واجبلها حاجه بتحبها تهون عليها كلمتني باسلوب ناشف اوي ومهتمتش كبرت دماغي وقلت عادي ربنا يعينها
بعديها اكلمها واتس ترد وشويه متردش ولو ردت ترد تقول انا مخنوقه و مش عايزه اتكلم ولو سألتها في ايه تقولي انتي بتضغطيني وما الي ذلك كبرت دماغي بس بقيت من كل فتره وشويه اطمن عليها شويه بقي ترد وشويه متردش ارن عليها فون متردش عليا طب تعالي نخرج تقولي لا مع ان بلاقيها منزله صور انها خرجت مع ناس تانيه اقول عادي يمكن انا مش الشخص المثالي اللي تحكي له من وجهه نظرها.
ويوم ارحلها البيت تتعامل معايا حلو وتاني يوم متعبرنيش ومهما سألتها مالك مترضاش تقولي جه بعد كده كتب كتاب اخوها عزمتني قلت ماشي كانت مطنشاني جدا قلت عادي اخوها بيتجوز وهي متاثره و كده جه بعد كتب كتاب عايزين يابنتي نخرج لا مش فاضيه شهر بتحايل عليها اشوفها او حتي ننزل اساعدها تقولي لا مش فاضيه قلت تمام.
جه فالفرح سلمت عليا زي زي المعازيم وقفت اسقف لقيتها واقفه بعيد جنب اخوها قلت عادي اخوها ومشغوله أفاجئ بإيه بقي ان لها واحده صحبتها تانيه واقفه بترقص جنبها و صحبتها دي مش من نفس مدينه بتاعتنا يعني البنت دي جت قعدت معاها وباتت كمان الله واعلم وواقفين بيرقصوا مع بعض اللي هو عندك طاقه لكل الناس وانا لا.
اضايقت جدا جيت امشي من الفرح لقيتها مدياني ضهرها اتكسفت و مشيت.
سؤال هنا دلوقتي عيد ميلادها قرب و انا قبل كل عيد ميلاد كنت بجبلها هديه و صور و كده انا بجد مش عارفه ابعت لها رساله ولا انزل صور وخلاص ولا ايه كذا حد من دايره معرفي قالي متعمليش حاجه للعلم سالتها كذا مره انتي يابنتي مضايقه مني فحاجه وكل مره كانت بتقولي لا
لعرض السؤال في فدني اضغط هنا
مساء الخير
كنت اعرف واحده من سنه حسيت انها جدعه واثقه من نفسها برغم ظروف الطلاق وشخصيتها قويه كانت تعرف ناس انا برضو اعرفهم وكانوا بيتكلموا عليها وحش المهم حصل مشكله بينهم والعلاقة بينى وبينها بقت قويه وبعدين هما اقنعوا جوزى بكلام وحش عليها وطلب منى انى اقطع علاقتي بيها وبعد كده انا قولتها اللى قاله جوزى لما واجهتهم طلعوا انى انا كذابه ومحصلش وجوزى وقف معاهم وهى صدقتهم وبعدت عنى هل انا عليا ذنب وانى كده وحشه للعلم هى بتحكي ليهم كل حاجه انا مش عارفه وحاسة بتأنيب الضمير
لعرض السؤال في فدني اضغط هنا
السلام عليكم
انا كان عندي واحده من صحابي انا كنت بحبها جدا وبطمن لها على اسراري فالمهم هم اثنين توام فانا قلت لهم كل اسراري وهما فضحوا اسراري دلوقتي هما عمالين يحاولوا واحده فيهم بتعتذر لي واحده من غير ما تعتذر لي جايه تتكلم معايا ولا كان حاجه حصلت رغم ان هم اساسا مفيش واحده يعني في بنت فيهم اعترفت بغلطتها وتاسفت لي دي انا سامحتها بالنسبه للبنت الثانيه يعني بتنكر ان هي قالت حاجه وتنكر ان هي عملت حاجه وجايه تتكلم معايا ولا كانها عملت اي حاجه دلوقتي انا مش عارفاها هل اسامحها او لا؟ ملاحظه هي ما تعرفش ان انا عرفت ان هي فضحت اسراري لانها فضحتها من ورايا
لعرض السؤال في فدني اضغط هنا
وحدة صحبتي بتحكيلي عن علاقتها مع شخص أنا كنت بحبه و هي متعرفش حاجة و انا بتوجع اوي لما بتحكيلي هل أنا اقولها مش عايزة اعرف حاجة حتى لو هتزعل مني بس اريح نفسي و قلبي ولا افضل اسمع و استحمل عشان متزعلش مني
لعرض السؤال في فدني اضغط هنا
أنا بنت من فتره أنا وواحد زميلي اتصاحبنا وقربنا من بعض وبقينا بيست فريند وكل حاجه بنحكيها لبعض بس هو كان مرتبط وانفصل قبل ما يعرفني المهم الاول كان معظم كلامه عنها وكدا وماكنش بطريقه ايجابيه أنه كره الحب والصنف عموما بسببها وكدا وساعات بحس أنه لسه بيحبها بس مش عايز يرجع ليها ومن فتره كلامه معايا وطريقته كانت قريبه اوي مش مجرد اصحاب بس أنا كنت بعمل عبيطه و المشكله اتعلقت بيه بس هو طلع شايفني صاحبه او مش عارفه بحس أنه مش عايز يخسرني لكن بردو مش عايز يبقي في حاجه معرفش بقى وباليومين والتلاته ميكلمنيش وفجاه يتكلم وساعات كلامنا يطول وساعات ممكن تبقي مسدج واحده في الاسبوع وبقى بيتأخر عليا في الرد وانا بعمل أنه مش فارق بس حاسه أنه مش من حقي ازعل لان احنا اصحاب وبس وهو موعدنيش بحاجه غلطتي اني اتعلقت بيه عايزه حل وكمان أنا بحاول ابعد مش عارفه بحس أنه بقي خلاص شخص مهم في حياتي
لعرض السؤال في فدني اضغط هنا
السلام عليكم ورحمه الله وبركاته
انا صاحبتي دي كانت معانا يعني جارتي وصاحبتي من اول ما اتولدت هي دمج وانا مش بهينها هي فعلا دمج مخها على قدها او بتفهم على قدها وكتومه قوي وانطوائية قوي تقريبا مش مصاحبة غيري لانها عمرها ما بتكلم حد سواء ف مدرسة او غيره وانا حقيقه مش عارفه اتعامل معها بتكلم انا بس هي بتتكلم مش معايا غير نادرا هي بس تفضل تسمع دي حاجه كويسه بس انا برده عايزه حد يكلمني وكده بس مش عارفه.
وعندي صاحبتي الثانيه كنت اعرفها من اولي ابتدائي، صاحبتي اللي هي جارتي دي لما باباها توفى راحت عند اهل مامتها هي واهلها لحد تقريبا سته ابتدائي كده فأنا قربت من صاحبتي الثانيه وكده يعني اه كان بيحصل ساعات لحظات غدر بس كنت بصراحه كنا بنرجع تاني زي الاول واحسن،
احنا خلاص كبرنا شويه لسه صاحبتي زي ما هي ولسه دمج زي ما هي ولسه قريبه من صاحبتي الثانيه دي صاحبتي الثانيه دي هي فعلا اه يعني بتعمل حركات مش كويسه كثير بس يعني بصراحه وساعات بتستبداني بواحده تانيه هو حوار كبير بس يعني مش بشوف ده شيئ يستحق اني اتخانق معاه بسببه المهم احنا من بعض بس يعني فدلوقتي صاحبتي اللي هي جارتي دي يعني هي دلوقتي بتقولي ان يعني انتي لو عايزه اسيبكم مع بعض ماشي، وانا مش عارفه اتصرف معاها ازاي بصراحه، يعني مش عارفه اتصرف معها ازاي او اتعامل معاها ازاي وفي نفس الوقت انا برتاح اكثر بحس اكتر يعني مع صاحبتي الثانيه دي او بحب اكون اكتر مع صاحبتي اللي هي عرفتها ف اولي ابتدائي لكن جارتي دي اللي هو بحبك ونعم وكل حاجه بس مش مش اللي هو مش قوي عشان انا لما بكون مع صاحبتي الثانيه دي اللي هو بحس ان انا اصلا مش عايزه صاحبتي اللي هي جارتي دي مش عايزاها اصلا ومش عايزاها تمشي معانا او مش عايزاها اصلا تكون معايا او حوالينا يعني وكده فانا مش عارفه بصراحه اتصرف ازاي ومش عارفه اتعامل مع صاحبتي اللي هي جارتي دي ازاي ارد عليها ازاي انا مش عارفه انصحوني يعني
انا مش عايزة اظلم جارتي معايا كفاية اني سببتبها جرح اصلا بس هي انطوائية وعايزاني دايما معاها ومتكلمش مع غيرها وانا اجتماعيه وبحب الناس وصحابي كتير وبحب صحبتي التانيه دي ف اعمل اي بجد
لعرض السؤال في فدني اضغط هنا
السلام عليكم
انا ممكن ابقي بتعامل مع زمايلي أو صحابي عادي ومندمجة معاهم فجأة بفصل مبيبقاش عندي طاقة لا جسدية ولا نفسية وببقي متجمدة ف ازاي اقدر احل المشكلة دي ؟ وايه اللي ممكن يكون السبب؟
لعرض السؤال في فدني اضغط هنا
السلام عليكم
انا بشتغل ف مركز علاج طبيعي سكرتيرة ومعايا بنتين اسيستنت للدكتور يعني بيشتغلو هما للحالات وكده
بقالنا 4 شهور
زميلتي واحدة منهم كانت شغالة مع الدكتور ف مكان تاني بس الدكتور لما فتح المركز دا جابها معاه تشتغل يعني هي بقالها سنتين مع الدكتور و انا جيت وزميلتنا التالتة جت وبقينا نشتغل سوا
ف حصل موقف كده ف الشغل بين زميلاتي الاتنين بسبب جهاز ف زميلتي القديمة دي معجبهاش الوضع ف قررت تسيب الشغل هي فيها صفات صعبة التحمل شوية ولكن هي من جواها طيبة وانا اتعودت عليها ومدايقة جدا انها مشيت ومش قادرة اشوف المكان من غيرها وف نفس الوقت الدكتور مش قابل وجودها عشان هي مش عايزة تنفذ كلامه لان في جهاز الحالة بتقعد عليه 3 ساعات ف الي هيشتغل بيه هيتعب جدا ف لازم الشغل يتقسم بين زميلاتي ف زميلتي التانية دي مفيهاش صحة خالص ف الدكتور قالها تشتغل نص ساعة بس ع الجهاز دا وقال لزميلتي التانية الي هي القديمة تشتغل ساعة ونص هو المفروض وضع مؤقت لغاية م يجيب حد يشتغل ع الجهاز دا يعني ف زميلتي قالتله دا ظلم وهمشي ومشيت فعلا
انا عايزاها ترجع بس مش عارفة اعمل اي او اي الحل..المكان وحش جدا من غيرها وكمان هي الي مأسسة المكلن يعتبر وهي الي معلمانا الشغل انا وزميلتي دي
لعرض السؤال في فدني اضغط هنا
السلام عليكم
انا رايحه تانيه كليه و ف سنه أولي حكيت لواحده صحبتي سر كبير جدا عن اهلي ( مشاكل عائليه حساسه)
المهم دلوقتي انا رايحه تانيه و هشوفها و علاقتي بيها من بعد م خلصت امتحانات ضعيفه جدا مع العلم هي بتقولش اسرار كبيره و بتداري بس بتحب تعرف انا وصلت لاي ف المشكله اللي عندي ...انا خايفه اقابلها عشان علاقتنا تغيرت و مكنش ينفع اثق ف حد بالسهوله دي وخصوصا اني كنت سنه أولي ...بفكر اكذب عليها و اقولها أن الحوار ده طلع مش حقيقي و اني بس كنت فاهمه الموضوع غلط عشان لو لا قدر الله حصل مشكله متمسكهاش عليها
أنا ف العادي مبحكيش لحد انا لغايه دلوقتي ندمانه جدا جدا ع اللي قولته و مش عارفه اتصرف ازاي
متضايقه جدا من نفسي
لعرض السؤال في فدني اضغط هنا
أنا لا اطيق صديقة لي في الدراسه وهذا بسبب كذبها علي وخداعها المستمر حيث أنها تلهيني عن المذاكره لتذاكر هي فـأصبحت لا أطيقها إطلاقا ولا أريد سماع صوتها ولا سيرتها وان سمعت عنها أغتم وأعاني من ضيق في نفسي وهي تحبني ولكن تحب نفسها أكثر فـأريد حل لقطع علاقتي بها ولكن بدون جرح مشاعرها.
لعرض السؤال في فدني اضغط هنا
انا كنت مصاحبه واحده صاحبتي هم اتنين توام اخوات كنت بحبهم جدا وشاركتهم اسراري للاسف وهم دلوقتي بيهددوني باسراري وفضحوا شوية من اسراري ولسه معاهم اسرار ثانية وعايزين يفضحوها وبيهددوني وانا عماله ادعي عليهم والدعاء مش راضي يستجاب هل فعلا انا عليا ذنب اني بدعي عليهم ام لا
وانا خايفه قوي ان هم يفضحوا بقية اسراري وبجد هم بيقولوا عليا كلام وحش وبيجيبوا كلام من عندهم كمان زياده.
لعرض السؤال في فدني اضغط هنا
انا تعبت بجد نفسي احس اني حلوة نفسي الاقي حد يحبني حتى
انا الحمدلله حلوة شكلا وطيبة جدا ومحترمة بس بستغرب ان محدش بصلي ولا حد حب يرتبط بيا فالكلية او فالمدرسة رغم اني عارفة انه حرام وعلى طول بحب من طرف واحد حتى بقيت اتضايق من صاحبتي فالكلية تكلمني على الولد اللي هي مرتبطة بيه وانه مش قادر يستغنى عنها حتى الولد اللي حبيته راح بعتلها هي ادد عالفيس ومبعتليش وجت قالتلي وغاظتني بس بهزار مش قصدها بس انا من جوايا اتضايقت وزعلت وعيني دمعت وبقيت اخاف اخدها فأي نشاط فالكلية معايا لحسن تخطف هي الأنظار ومحدش يبصلي تعبت من الشعور ده وبقعد اسأل نفسي هي احسن مني فإيه طيب ورغم اني عندي ١٩ سنة بس اي بنت بتتجوز من عيلتنا بيبقى عندها حاجة وعشرين بس بتضايق وبحس اني وحشة مثلا ومببقاش فرحانلهم زي زمان وانا صغيرة بقيت خايفة اصلا
لعرض السؤال في فدني اضغط هنا
ازاي انهي علاقتي بأصدقاء ثانوي؟.... أنا خلصت تالته ثانوي و داخله اولى جامعه السنادي و عندي 3 زملاء يعتبروا أقرب زملاء ليا من زملاء ثانوي كلهم و كنت بخرج معاهم و بروح الحصص معاهم بس بعد كده أدركت إنهم مش مناسبين ليا أصدقاء و مش عاوزة استمر في علاقتي معاهم بس مش عارفة ازاي انهي علاقتي بيهم بأسلوب بسيط و محترم من غير ما اضايق حد فيهم أو اضايق نفسي فأتمنى حد يساعدني يقولي أعمل أيه
لعرض السؤال في فدني اضغط هنا
السلام عليكم
انا كنت انا وواحده صحبتي علاقتنا كانت كويسه جدا جدا لدرجه ان لما حد كان بيزعل التاني كنا بناخد حق بعض مع ان المسافات بينا بعيده اووي حرفيا احنا اتعرفنا علي بعض سوشيال واتكلمنا كتير وبقينا اكتر من الصحاب بقالنا كدا ٨ شهور مع بعض احنا كانت علاقتنا كويسه جدا لحد شهر ٦ كانت كويسه اتعرفنا بقا على بنت كمان وكدا من السوشيال بردو بس هي طلعت من نفس المكان اللي صحبتي ساكنه فيه المهم من وقت ما البنت دي دخلت حياتنا واحنا في خناقاتي كتير وطول الوقت بنتخانق مع ان وربنا احنا كنا في روم كبير خالص وكدا ومن كتر ما انا وصحبتي دي بنخاف على بعض كانوا بيفتكروا اننا اخوات بسبب صحوبيتنا دي اول ما البنت دي ظهرت واحنا بدأنا لا طايقيين بعض ولا بنتكلم زي الاول بقينا كارهين بعض صحبتي بقا بدأت تنتمي للبنت دي وبدأت تحبها اكتر وكل اما اي مشكله تحصل مش بتقف جمبي ولما قولتلها انتي زعلانه علشانها مش علشاني قالتلي ايوا طبعا اما هزعل على مين غيرها وانا لما كنت صدقت ان لقيت حد احبه ب لدرجه ان حبيتها اكتر من نفسي وكل اما اقابل حد من نفس المكان اللي انا ساكنه فيه أقعد اقولهم انا عايزه اروح اقابل صحبتي دي لو كانت جمبي كنت مش سيبها لحظه المهم صحبتي دي جات فتره كانت زعلانه مع انها كانت زعلتني بسبب كلامها دخلتلها وقولتلها مالك وحاولت اسمع منها بردو وحليت معاها مشكلتها وهي بردو مصممه ان البنت التانيه دي هي كل حاجه ب النسبه ليها انا كنت في يوم بفتح الروم اللي احنا فيه لقيت البنت دي شتماني وكدا وانا والله مش بحب ازعل حد مني المهم علشان مغلطش فيها قدام حد دخلتلها برايفيت بس البنت شتمت شتايم غير لائقه بمستوي انها بنت ف دخلت ل صحبتي وصحبتي بردو مصممه ان هي مش غلطانه وان انا اللي غلطانه وانا كذا وكذا ف حرفيا انا كل اما بشوفهم بيتكلموا مع بعض بتوجع لان اللي بينا مش حاجات قليله يعني هي وقتها كله بقا معاها مت انهم مش بيشوفواا بعض كتير ولا بيمشوا مع بعض خالص بس بيتكلموا ف الدروس انا حاولت اتخطى والله وحاولت ابعد ما انا هعمل اي ومش جابه ان افرق بينهم حاليا انا بحاول ان اتخطى وكنت عايزه اعمل ل صحبتي دي بلوك بس مش قادره اعملها ومايهونش عليا كدا بس انا عملت للبنت التانيه علشان شتمتني بطريقه مش كويسه خالص كل اللي انا عايزاه ان ازاي ابعد عنها وازاي ما اتوجعش انا والله بجد طول ما انا فاتحه الواتس بحس ب الخوف انا لما صحبتي دي قالتلي انا انا هزعل على مين غيرها وقتها جسمي كله بدأ يرتعش ومكنتش قادره اكتب ولا اقول لها أي كل اللي انا عايزاه ان ازاي اتخطاها وازاي ابعد عنها وعن اي حد يجرحني انا والله عانيت من نفس المشكله دي بردو بس مع صاحبه عمري وكنا مع بعض بقالنا ٨ سنين بس بعدنا دلوقتي خالص وهي اللي بردو كان الغلط من عندها كنت بردو مهما اعمل معاها كانت تشوفني دايما وحشه انا مبقاش عندي طاقه انا الفتره دي مدمره نفسيا خالص مع ان الحمدالله بصلي فروضي كلها ف وقتها بس انا انخذلت حرفيا من اهلي وصحابي يعني انا حاليا في مشاكل حصلت بيني انا وعماني وعمي وكدا ف المشاكل كلها أثرت عليا بقيت يتمنى اليوم اللي اموت فيه انا حاليا حاسه ان عايشه في وهم نص صحابي توكسيك وكلهم كدابين انا بقيت وحيده من كل الجوانب بجد حتى في وقت فراغي مش بلاقي حد اتكلم معاه خالص بقعد والله ابعت لنفسي من على الواتس وبقعد اكلم نفسي وبتخيل أشخاص بتكلمني بعملهم أسماء مستعاره وبقعد اتكلم وكان في حد بيكلمني طيب ازاي اتخطى كل الاذى اللي في حياتي دا ازاي احاول ان مشغلش بالي بأي حاجه توجعني انا في دراستي ومش قادره اعمل اي حاجه وياخد ادويه للإرهاق علشان اقدر اكمل يومي ممكن تساعدوني والنبي ازاي اتخطى اي حاجه حصلتلي في حياتي ارجو الرد
لعرض السؤال في فدني اضغط هنا
لحد امتى هفضل وحيدة ومحدش شبهي ولا حد فاهمني
مفيش حد فاهم دماغي ولا فاهم مشاعري وكله بيجري ورا التريند، الحاجة اللي بشوفها حلوة وفاكرة انه ده الطبيعي وكله شايفها حلوة زيي بلاقي العكس، والحاجة الوحشة بلاقي الناس منبهرة بيها ومتجمعة عليها.
نفسي الاقي الناس شبهي او على الاقل طبيعيين، مش بعرف ابقى سعيدة لان محدش شبهي ولا حد عنده نفس اهتماماتي، اصعب شعور بجد.
أبسط مثال اني بحب القطط اوي ولما بشوف قطة فالشارع بحب اشيلها واقعد احسس عليها وعلى شعرها مش بزهق بجد بعشقهم ودي متعة بالنسبالي اني احضنها واقعد احسس عليها كله بيقولي قرف وماما تقولي امراض، ماما بالنسبالها مدام باكل وبشرب وبتفرج على التليفزيون خلاص ابقى سعيدة، دي مش سعادتي انا بحب القطط ونفسي اربي قطة من زمان ومحدش من البيت عايز ولا موافق، حتى الاكلات اللي بحبها غير الاكلات اللي بيحبوها وبيصرفوا فلوسهم على حجات اغلى ومش حلوة، جدو بس هو اللي شبهي في العيلة وده بقابله كل اسبوع في يوم واحد حتى ماما مش بترضى تخليني ابات عند جدو وتيتة، محدش طيب زيي ولا حد بيراعي غيره زيي، ببقى نفسي اتصور صورة حلوة بيصوروني وخلاص مش زي ما أنا بصورهم ماما كتر خيرها بتعمل اللي عليها لكن اخويا بقعد اصور فيه بحب اجي اطلب صورة يصورهالي وخلاص ويضايق وميعوزش يصورني تاني بجد حاجة تقرف وعيل اناني.
محدش شبهي فأي حاجة فالدنيا دي انا تعبت وحاسة اني عايشة من غير طعم بجد
ببقى سعيدة لما بقعد مع صحاب زمان ودول مش بعرف اقابلهم خلاص الا فين وفين.
لعرض السؤال في فدني اضغط هنا
خسارة افضل صديق تؤثر عل حياتك تحاول ترجعه ولا تعيش حياتك بدونه؟؟
لعرض السؤال في فدني اضغط هنا
مشكلتي تتمحور حول شعوري بالانطوائية والوحدة بحس إني مش قادرة الاقي أصدقاء يشاركوني اهتماماتي ويفهموني صح وده بياثر عليّ، عندي صعوبة في التعبير عن مشاعري وبفضل أحتفظ بها لنفسي وكمان عدم حصولي على الدعم العاطفي اللي محتاجاه بيزيد من شعوري بالحزن.
لعرض السؤال في فدني اضغط هنا
سؤالي هو ليه محدش بيحبني ليه معنديش صحاب خالص أنا فيا عيب أن أنا قفل اوي مبعرفش ابدا حديث مع حد مش بعرف ابدا الكلام فعشان كده محدش بيحب يقعد معايا ممكن تقولولي اعمل ايه لحل المشكله دي
لعرض السؤال في فدني اضغط هنا
انا اتخنقت انا وصحبتي يمكن بقالنا سنة والسبب ان واحنا كنا بناخد درس عربي والمدرسة كانت سابقة المدرس واحنا كنا عندنا امتحانات في المدرسة فانا قولتلها ان احتمال اسيب مدرس ده ده ماخرنا في المنهج واللي جاي كدا مش هفهمه راحت وقالت للمدرس نفس كلامي بالحرف وانا مدرس ده كان بيعاملني كويس بقا بيعاملني وحش بعدها مع اني كنت بفضفض معاه بكلمتين عادي وبعده زعلت منها جامد لاني اتحرجت حرجني في نص مجموعه وبعدا كدا حاولت تصالحني وتقول انا عملت ايه وقولتلها قالت مكنتش اقصد كنت بهزر وعادي بس انا زعلت واخدت جنب مسبتنيش غير لما تصالحنا وخالص صفيت من ناحيتها بعد كدا فضل كلامنا يقل ومرة واحدة راحت جايه هي اللي قطعت معايا وبقت تشوفيني ولا كانها تعرفني ولا كأننا صحاب رغم ان احنا عشرة عمر وصحاب من واحنا في خمسة ابتدائي وحقيقي انا مش عارفه هي عملت كدا ليه
لعرض السؤال في فدني اضغط هنا
انا قي الابتدائي دخلت منزليه تعليم لي صف ثالث
الصف الربع دخلت مدرسه خاصه كان في الفصل ثلاثه فقط انتو متخيلن المهم انا بعدها لقيت انهم مايبو يتكلمو معي و يعاملوني زي انهم يكرهوني يعني ألقى وحده في وذنها ويبدو هم ثلاثه يتكلمو عليا وكدا و بقيت وحدي في الاستراحه في اي وقت حتي في الخامس و السادس ايات بنت جديده فابدنا أصدقاء اسبوعين واغلقت المدرسه بعدها رحت مدرسه تانيه خاصه كان فيها 30 طالبه كنت انا هاديه جدا ولكن لم استطيع ان اعمل صداقات لحد اليوم لا استطيع لا أعرف لماذا و كيف ولكن في الثامن عملت صداقه ولكن كانت يعني مش افضل صاحبه لأنها كانت تكلم شباب وكدا، انا انصحها بعدها هي استغفلتني و اخدت الهاتف علي العموم قصه طويله ولكن انا الان دخله ثانوي ولا اعرف كيف اصنع صداقات بجد انا بحس نفسي غربيه كدا كل عندهم صداقات الا انا
لعرض السؤال في فدني اضغط هنا
السلام عليكم ورحمة الله وبركاته
انا ليا واحده صحبتي تالته ثانوي لسه بادئين بتيجي معايا درس فيزيا برايفت بمبلغ مش قليل في الشهر بس انا اكتشفت انها مش بتحل الواجب لوحدها وبتاخده من كراسه الاجابات والدليل انها بتحل الواجب من غير خطوات وكمان هيا قالت لي كدا بلسانها بهزار يعني كدا وانا قولت لها انها كدا مش هتستفاد حاجه وحرام الفلوس اللي بتندفع كل شهر وفي اخر حصة لينا من يوم كدا المس ادتنا سوال تافه وهيا معرفتش تحله فصراحه صعبت عليا وفكرت في الموضوع كتير باني انصحها تاني بقوه او اقول للمس علطول عشان تشوف حل قبل ما الماده تضيع منها ومش عارفه اعمل ايه، وصحبتي دي كويسه وباين عليها محترمه يعني هو اه انا معرفهاش من زمان دا هو تقريبا من اقل من شهر بس صحاب يعني ولو قلت للمس هخلي المس متعرفهاش اني انا اللي قلت لها بس صحبتي دي ممكن تعرف لانها مقلتش لحد غيري ويمكن ربنا خلاها تقولي عشان اصحيها قبل فوات الاوان.
ما رأيكم ماذا افعل؟؟
لعرض السؤال في فدني اضغط هنا
انا عندي 15 سنه يعني اولي ثانوي واحده صحبتي هيا مش صحبتي اوي بس بنتكلم يعني لقيتها داخله تكلمني وتس بتقولي إن في شخص معجب بيا وبيحبني اوي طبعاً افتكرتها بتهزر وخدتها بهزار قالتلي والله بتكلم بجد بقولها مين قالتلي اسمو وكده الولد دا جارنا وقدي في نفس السنه الدراسيه لكن مش نفس السن هما الولد وصحبتي دول يعتبرو قرايب لقتها بتقولي وانا بكلمها لقتها بتقولي هيبعتلك طبعاً وقتها عملت بلوك لقيتو داخل يكلمني عن طريق صحبتي ولقيها بعتالي الكلام اللي عاوز يبعتو قالتلي فكي البلوك هيقلك حاجه واعملي بلوك تاني فكيت البلوك وقلت له عاوز ايه قعد يقولي انو بيحبني اوي وبجد عمرو ما هيتسلي بيا وبيحبني اوي وقعد يتحيل عليا كتير اننا نتكلم طبعاً قعدت اقولو انا اسفه والله ما هينفع انا عمري ما كلمت ولد ولا عمري هكلم عشان عمري ما هخون ثقه اهلي فيا عملت بلوك تاني لقيتو بردو بعت عن طريق صحبتي لقيتها بتقولي هيقولك حاجه واعملي بلوك بعدها فكيت البلوك دخلت قولتلو عاوز ايه لقيت الشيطان بدا يوزني وبدات اتكلم مسكت نفسي وقلتلو انا اسفه لو جرحتك بس انا عمري ما هكلم ولاد في حياتي قالي هوريكي طريقه تخفي بيها الشات اللي بيني وبينك طبعاً رفضت قولتلو انا اسفه مينفعش اولا عشان السن وعشان كمان انا اهلي مش جايبنلي تليفون عشان اكلم ولاد وبعدها عملت بلوك بس طريقه كلامو والمحايلة بتعتو تحسو بيحبني بجد بس انت عمري ما هكلمو ،واكتشفت إني صحبتي بتكلمو رغم انهم مش قرايب اوي يعني هيا قالتلي انها صحبتو قولتها بتحبيه قالتلي لا هوا بيحبك انتي ،هل اكلم صحبتي دي تاني ولا اعملها بلوك وهل اللي عملتو مع الولد دا كان صح إني عملت بلوك.
لعرض السؤال في فدني اضغط هنا
السلام عليكم و رحمه اللّٰه و بركاته
الحمد لله الذي هداني
كنت سابقاً ارتدي ملابس ضيقة و كنت سابقاً أسمع الأغاني و كنت أشتُم أيضاً و أفعل بعض العادات السيئه مثل الذنوب الجارية و نشر صوري على مواقع التواصل الإجتماعي و كنت حينما ارتدي حجابي لا اغطي رقبتي
و لكن كان لدي بعض الصُحبة كانو يرتدون حجاباً صحيح ولا ينشرون صورهم على مواقع التواصل الإجتماعي
ولكنهم مع الوقت اصبحوا مقلدين لي في كل تصرفاتي السيئة
و لكني تُبت إلى الله عز و جل وأصبحت ارتدي حجاباً صحيحاً و ملابس فضفاضة و لا انشر صوري على مواقع التواصل الإجتماعي ولا اسمع الأغاني ولا اشتم
و لكن اصدقائي لم يتوبوا بعد
رغم أني نصحتهم كثيراً وأصبحت ادلهم على الخير
و لكنهم ظلوا على ذنبهم اسأل الله ان يهديهم لصراطه المستقيم
و لكن غالباً ما أحزن و أشعر إني السبب في كل هذا و لا استطيع ماذا أفعل و أشعر بالخوف و الذنب
هل سيغفر لي الله ذنبي أم كلما فعل اصدقائي تلك الذنوب آخذ أنا السيئات الكثيره
اعلم أن الله غفور رحيم و لكني كثيراً ما احزن على ما صنعت بهم و دائما أشعر بالذنب
ارجو ان كان هناك منكم أحد يفقه في دين الله فليفيدني .
و السلام عليكم و رحمه اللّٰه و بركاته
لعرض السؤال في فدني اضغط هنا
انا حابة انشر مشكلتي علشان بصراحه مش عارفة اخد قرار ومش عارفة اي الصح انا دلوقتي داخلة رابعه كلية انا اتصاحبت علي بنت في ثانوية عامه وبقينا صحاب ونروح دروس مع بعض وحبيتها اوي زي اختي وأهلها حبوني جدا وبيشكروا دايما فيا لحد دلوقتي هي وقتها كانت شبهي ودخلنا نفس الكلية والقسم وعدت اولي كلية بذكريات حلوة اوي واي حد كان بيشوفنا كان بيحلف بصحوبيتنا وقد اي احنا بنحب بعض وزي الأخوات وكانوا بيقولولنا دا في وشنا المهم مع الوقت في تانيه كلية بقت تتغير شوية بسبب حصل مشكلة اننا دخلنا شلة بنات وكانوا عايزين نبعد وكدا المهم هي بقت تجيب لبس ومش عارفة اي والبنات يقولولها حلو دا انتي جامده ومش عارفه مع الوقت بقت بتتغير معايا اوي في المعامله انا مش بشكر في نفسي بس انا بستجدع مع اي حد في مواقف كتير في الكلية وقفت معاها فيها ولما الدنيا اتعكست هي موقفتش معايا ولا عملت اي حاجة وتقولي أعمل اي يعني وكنت بعدي عادي مع الوقت دايما عايزة تحسسني ان لو عندي مشكلة او حاجة في عادي إنما لو هي لا ازاي لازم أقف جمبها ولو عملت غير كدا ابقي ندلة ولما بنتخانق وتيجي تشوفني مثلا بتعدي من جمبي ولا كأنها شايفاني المهم احنا بنتخانق كتير اوي بس بنرجع تاني بس انا حساسه اوي لما بنتخانق بعيط وازعل علشان صحبتي وازاي نبعد بس هي بالعكس بتنزل استوريهات تلقيحات عاليا وتشوفني وتتجاهلني وفي بنات انا متخانقة معاهم لما انا وهي اتخانقنا هما راحو يكلموها عليا وهي فضلت تسمعهم ومقالتش حاجة وللعلم هي اللي جت حكتلي وبقولها وانتي ازاي تسكتي تقولي لا ما انا عايزة اجيب آخرهم بصراحه في حاجات كتير اوي من دي بتحصل بس حاولت اختصر انا عايزة رأيكو اعمل معاها اي دلوقتي وعلفكره هي بتتعامل معايا وتكلمني فين وفين وفيه صحاب جداد في حياتها لما باخدها بهزار ما انتي خلاص صاحبتي غيري ومبقتش مهمه في حياتك تفضل تقولي دا صاحبتي وكلام اصلا هي مبتعملش غير عكسه علي ارض الواقع زي انها تكلمهم او يتفقوا يخرجوا وكدا
لعرض السؤال في فدني اضغط هنا
السلام عليكم انا أشك اني احب شقيق صديقتي لكن أشك في انه مجرد إعجاب و أحيانا أشعر من تصرفاته بأنه يحبني لأني كثيرا أراه ينظر لي بطرف عينه ولا يوجد كلام بيننا لأنه في الريف ممنوع وانا معجبة بحسن هندامه وخفة ظله لكن هو كان على علاقة بفتاة أخرى منذ فترة وأحس ان هذا به خيانة لصديقتي
لعرض السؤال في فدني اضغط هنا
كان لي صديقه تعرفت عليها من السوشيال من سنة ونصف تقريبا كنت احفظ معها قران وتطورت علاقتنا جدا وبدأت لا اريد ان تبتعد عني وافكر فيها كثير حتى انها سيطرت على كل حياتي مع انها بعيده جدا ولا مره تقابلنا بس شوفتها وكنت أخبرها بكل تفاصيله في حياتي واسراري وحدثت اني ببقي مضايقة لما ماتفتح ولما بنتناقس في أمر بتقول لي أن دماغي صغيرة ومن هذا الكلام بس بطريقه معسوله انا تعبت بس مش قادره ابعد عشان انا مش من الساهل اسيب بدون سبب وانا ندمانه اني كنت بقول ليها أسراري مع اني مشفتش منها حاجه وحشه ولا افشت سري بس انا عملت ليها بلوك وهرفع بعد شهر عشان مكلمهاش زي الاول وكل شهر هعمل كده إن شاء الله عشان ابعد بس مش عالطول
قولولي اعمل ايه
لعرض السؤال في فدني اضغط هنا
السلام عليكم و رحمه الله .انا عندى صديقة دايما كان بيحصل بينا مشاكل و بيتخانق و كانت بتشتمنى مرات كنت برد و مرات لا و بعد فتره كانت بتيجى تصالحني و انا كنت بسامح بس اخر خناقه بينا هي عملت غلطات في الدين اولا انها قالت إنها مش عايزه تعرفنى تانى و هي علشان تقول كده لازم يكون ليها سبب شرعى ثانيا انها قالتلى ارجع الهدايا الي هي عطتهالى في عيد ميلادى و كمان شتمتني و عملت بلوك ف انا رجعت الهدايا مع واحده صحبتنا ليها و سبت ورقه نصحتها فيها و قلتلها انى هسلم بس لو شوفتها و ده علشان مكنش مهاجره ليها و اخد ذنوب . و هي دلوقتى عايزه تصالحني و انا رافضه و بقولها ان انا كده يعتبر صالحتك لانى هكلم عليكى و هي مصره و بتقول لا + ان دي مش اول مره تعمل معايا مواقف كتير وحشه و انا بصراحه نفسيتي تعبت بسببها بقيت بحس لما بكلمها بالكئابه و السلبيه و عدم الراحه و انا شايفه ان موقفي صح و افضل ثابته عليه .رايكو اعمل ايه
لعرض السؤال في فدني اضغط هنا
اذا كان لي صديقه و احبها بشده وهي كذالك و حدث بيننا القليل من الخلافات و غالباً السبب انا
و من الممكن انا تبتعد عني
في تلك الحاله من وجهة نظر الطب النفسي
هل يمكنني أن أطلب منها أن تبقي ولا تبتعد عني لاني حقا احبها و هي من أهم و أقرب البشر الي ام سيكون ذالك شئ سئ
لعرض السؤال في فدني اضغط هنا
سلام عليكم انا هاخد رايكم في حاجه يعني تقدرو تقولو تافهة انا لما واحده صحبتي تقرب منى بتعلق بها جدا عموما اي حد كدا مش صحبتي بس في واحده اعرفها بقالي اكتر من سنتين بس مش بنكلم بعض خلاص احنا عارفين بعض بس المهم حصل موقف خلانا نكلم بعض حبه حبه بقينا قريبين من بعد وبقت اقرب صاحبه ليااا واتعلقت بيها بنروح دورس مع بعض بنقعد مع بعض بس كنا بتخانق ع اتفه اسباب بس صراحه انا شفت منها مواقف عرفت ان هياا صتحبه موذيه لما كنا نتخانق علي حاجات تافهه كانت بتكبر الخناقات وكمان هيااا الي بتبدا الخناق وبتكون غلطانه بس لما نزعل بتعملي بلوك ونا كمان بس مكنتش اقدر اعيش من غيرها كنت ع طول انا بصالحها انما هيااا مفيش غير مرتين بس وأنا بشوف انها مش فارق معاه زعلي لما نتخانق تقعد تقولي انا وقفت معاكي في كذا وفي كذا وانا والله يجماعه وقفت معاه في مشاكل اكبر منها ده غير كدا لما اتصل بيها اوقات امها ترد عليااا وتكلمنى وحش امها بتهين فيااا وبتزعقلي ونا امي عمرها ما عملت كدا معاهاا وربنا يعلم عملتله قد حاجات ووقفت معاه بس في الاخر اتخنقنا وهي عملت ليااا بلوك من كل حته وهيااا الي بدات الخناقه ومفروض هيا الي غلطانه ونا مسحت رقمها وعملت ليها بلوك بقلنا تلات ايام متخاصمين محدش شاف تاني رايكم الي عملته ده صح انا صراحه زعلتني كتيررر منها ونا مبقتش قادره اتحمل وخلاص قفلت منها غير انها بتحقد عليااا وتقعد تتريق عليا وكمان بتكلم ع بنات كلها من وراهم ونا شايفه انه صاحبه موذيه بوجهه نظركم اعمل اي انا صراحه مش قادره اعيش من غيرها انا مش غلطانه عشان اروح اعتذر ونا عمري ما سبتها تزعل مني يوم حتي بصلحه ع طول انما هيااا سبتني تلات ايام ونا بقول الاحسن ابعد عشان كرمتي وان شاء الله ربنا يرزقني بصحبه احسن منها انتو اي رايكم ؟
لعرض السؤال في فدني اضغط هنا
عندما كنت في درسي انا في ثانيه اعدادي، رايت فتاة اعجبت بها لكن بدات تحدث اشياء غريبه مثل انها تمسك هاتفي بدون اذني و تفتح الصور ايضا وعندما قالت لها صديقتي المفضله اننا كنا منتظرين في الخارج قالت لها حسنا و ضربتني بقوة في رجلي ولم يلاحظ احد مرتين او ثلاثه و تقلدني في طريقه كلامي و كل شيء لكنها اصبحت بارده معي و ايضا جعلت اصدقائي الفتيات لانهم كلهم فتيات وانا ولد وحيد جعلتهم يخبرونها وهي قالت لهم ان هذا الكلام غير صحيح هل نبادل نفس شعور الحب انا وهي ام لا؟
لعرض السؤال في فدني اضغط هنا
السلام عليكم انا بنت تانيه كليه وصحبتي طالبه ذي واحنا مغتربين عشان الدراسه صحبتي بتكلم ولاد كتير حاولت كذا مره امنعها عشان انا بحبها بس بتسيب واحد النهارده ترتبط بواحد بكره مع انها طيبه جدا بس قولتها كتير ده حرام و و الفكره ان باباها منفصل عن مامتها اتوقع هو اللي عامل الفجوه دي في حياتها مع العلم ماشاء الله مامتها مش حرماها من حاجه دخلتها كليه خاص و و بس قولتها متكسرهاش واصبري ربنا هيعوضك بس في الحلال مش عارفه اخليها تمنع ولا ابعد عنها وال اي عشان هي ساعات بتحسسني الفكره الارتباط دي جميله وانو العوض و و انا مش عايزه اعصي ربنا ولا اخون ثقه اهلي ممكن بالله.تساعدوني
لعرض السؤال في فدني اضغط هنا
انا بنت عندي ١٤ سنه كنا في ايام امتحانات كدا وانا وناس صحابي متجمعين فأصحابي قالوا ليا ان في وحده صحبتنا تاني ومرتبطه بولد والبت دي انا بحبها اوي وشخصيتها حلوه حرفيا كل حاجه في شخصيتها وتصرفاتها حلوه بس لما عرفت انها مرتبطه بولد مصدقتش ف الاول بس عرفت من الانستا بتاعها اتاكدت بقا المشكله هنا وان صحابي قالوا ليا مقولش ليها انهم قالوا لي حاجه وانا دلوقتي عاوزه صحبتي دي تعرف اني عارفه واساعدها انها تسيب الواد عشان لو هو سابها الاول البت هتدمر حرفيا البت دي عندها مشاكل كتيره وهي حكيالي عليها قبل كدا ولقت الاهتمام عند الولد ده انا عاوزه اقف جمبها لحد ما تسيبه بس ازاي وهي مش عارفه اني عارفه اصلا وملحوظه هي مستحيل تيجي وتقول الحوار ده صحابي اللي قالوا ليا عرفوا صدفه اساسا ففكرة انها تيجي تقولي شبه مستحيل ودي مشكله تانيه اعمل ايه
انا في حيره ما بين اني اروح اقولها اني عارفه من غير ما اقولها ان صحابي قالوا ليا او اصبر شويه
وملحوظه اهلها عارفين انها مرتبطه وموافقين بس برضو مش عاوزه اسيبها كدا
لعرض السؤال في فدني اضغط هنا
السلام عليكم انا كنت اعاني في مدرستي القديمة من كره بعض التلاميذ لي بناءا على شخصيتي لما كنت طفلة لانني بقيت في تلك المدرسة مدة ١٢ سنة و كنت اعاني من التنمر كونت صداقات لكن اغلبها كانت سامة و سانتقل الى مدرسة جديدة اريد ان اعرف كيفية التعامل مع الناس و كيف اصبح محبوبة واقوي شخصيتي مع العلم في كل الصداقات السابقة كنت اتشبت للغاية باصدقائي و اعطيهم قيمة كبيرة
لعرض السؤال في فدني اضغط هنا
السلام عليكم
انا عندي ١٧ سنة في تالتة ثانوي من و انا صغيرة كنت بنت هادية جدا و كل همي المذاكرة و الدراسة و كنت بعاقب نفسي جامد لو نقصت نص درجة في مادة و كنت بحاول دايما اتنافس مع غيري مكنش عندي مشكلة في تكوين الصداقات لان كل البنات زميلاتي كان بيحبوا يصاحبو بنت شاطرة و بتعرف ترسم حلو لكن عندي مشكلة مش عارفة اقول عليها مشكلة و لا لأ بس انا عمري في حياتي ما تعلقت بحد و لا فتحت قلبي لحد و دايما بحط حدود مهما كان الشخص الي قدامي ، كنت مبحبش اجيب زميلاتي في بيتي و حتى لو لاحظتوا انا بقول زميلاتي مش اصحابي لان عمري ما حسيت ان عندي صحاب يمكن الغلط مني بس انا اتربيت على ان الصحاب اشخاص استنفع منهم و بس و لا هيكون في مشاعر ما بنا هو بس منفعة وبس... كبرت على الفكرة دي و كل الي اتكلم معاه امشي معاه بيحس اني هادية ، دايما بسمع و مش بتكلم يمكن عشان اغلب الي عرفتهم معجبتنيش شخصيتهم كنت عايزة دايما واحدة شاطرة جدا مهتمة بشكلها و دينها اسلوب كلامها حلو و ده بصراحة ملقتوش خالص طول حياتي انا بحاول ما امشيش لوحدي و لا اقعد لوحدي في الدروس بس كل يوم بتبقى بنت مختلفة اعرف اسمها و انساه مبتكملش معايا بس زي ما قلت قبل كده انا دلوقتي في اهم سنة في حياتي و نفسي اتصاحب على بنت تكون زي الي في بالي يمكن افتحلها قلبي و انفعها زي ما انا حاسة اني يمكن كده انا بستنفع منها بس يمكن ساعتها هقول انها صاحبتي مش زميلتي
لعرض السؤال في فدني اضغط هنا
بالنسبة اني ف حاجه قالقه حياتي كان عندي وحده صحبتي بحبها اكتر من نفسي مكنش في فرق بنا ابدا كانت حياتنا مع بعض اكلنا خروجنا لو اكلمت من هنا لبكرا عمري ما هوصف حبي ليها بجد المهم هي خطيبت ابن خلتي وبتغير مني علي ابن خلتي بطريقه جامده وانا مقدره لانها بتحبو اتخنقنا كتير كل حاجه كنت بحكهلها قالتها لا ابن خلتي ولا اهلي ورحت ورت صوري انا والشخص اللي بحبو ل الجماعه وسبتني كتير وكتير هنتني لا سبب نا عملتو كنت مصحبه وحده بيتها قدام وحد هي كانت بتحبو قبل ابن خلتي وجيت ف يوم انا عند البت اللي صحبتها دي وقفنا ف البلكونه وفضلو يكلمو مع بعض عليه مش هنكر انا كمان اكلمت لانها كانت شتمني بس بعد كدا حسيت بنددمي وعرفت اني مش هعرف احب بعدها تعبت اوي من غيرها رغم اللي عملتو فيا وبعتتلي صوت وقلتلي بكرهك انا عمري محبيتك ورغم كدا مش قادره ابعد عنها جويا حاجه وجعني نفسي اكلمها وغصبن عني لقتها انهارده فكلي البلوك فكيتو وشفتها منزله استوري فدوني انا بحبها اوي مش قادره انسها مش قادره اتخيلها مع وحده تانيه نفسي ارجع لا حضنها 💔💔
لعرض السؤال في فدني اضغط هنا
لعرض جميع الاسئلة في فدني اضغط هنا