كنت بحب بقالي تلت سنين وكنا صحاب اوي اوي ودلوقتي منعرفش حاجه عن بعض ونفسي أرجع اكلمه بس شعور اني مش قادره ده مسيطر عليا خايفه جدا ومفقتداه اوي كان جزء كبير فحياتي نفسي ارجع اتطمن عليه زي الاول بس علاقتنا معدتش تسمح ف حل؟
لعرض السؤال في فدني اضغط هنا
انا شاب عمري22 سنة مدمن قصص الحب كل يوم اشوف قصص الحب ابحث عنهم
عندي مشكل هو كي (لما) نشوف بنت تحب ولد او صديق يحب صديقه ومتعلقة فيه نحس بسعادة ونفرح كي بنت تحب هذاك الشاب وتضحي لأجله تحترمو وما تخونوش نحس انا نعيش في قصة حب نحس بالسعادة والأمان
وكي نشوف بنت تخون ولد او متحبوش او اتفعلو مشاكل او هو يحبها وهي باردة معاه نحس الاكتئاب والحزن والقلق
انا انسان انطوائي منحبش ندخل في علاقة حب نحب نشوف الكوبل يحبو بعضهم فقط، هذي سعادتي
أنا أملأ الفراغ العاطفي عندي بقصص الحب فقط، نحس انا في مكانهم فقط نكره علاقة فيها مشاكل منحبهاش وكي نشوفها يجيني اكتئاب وأتعصب كثير ونقول في راسي لماذ خانته لماذا تنفر منه لماذ كذا لماذ كدا وأتعصب.
هذي حالتي عندي 5سنين في هاذي الحالة مفهمتش هل انا طبيعي او مرض منقدرش نحبس (نوقف) القصص صار عندي إدمان معرفتش كيفاه نحبس نحب نشوف كامل ناس اتحب بعضها بدون حقد او حسد او خاينة هذي هي قصتي ادعولي.
لعرض السؤال في فدني اضغط هنا
السلام عليكم
انا بنت بعرف شخص وهو يعرفني من ٤ سنوات تقريبآ كنا نتكلم وحبني هو وانا كنت مثل نوع تعلق وكنت صغيره بوقتها ومراهقه احب اكلمه لكن بعدين بدأت احس بنفور من هذا الشخص برغم انه تكلم مع اهلي وطلبني من الهاتف ولكن اهلي لم يقبلوه لانه من غير بلد أصله
المهم انا صارحته قلت له انا لا أشعر شيء تجاهك وأصبح كلامه يزعجني يقول انا لم اضحك عليك إن اردتي قابليني مرة لأننا لم نتقابل من قبل بعدها حددي مشاعرك
وفي ذات الوقت أشعر بسوء اتجاهه اخاف ان اكون ظلمته ولكنني لا استطيع حقآ ان اكون مع شخص لا أشعر معه بشيء ويقول لي خذي الذي يحبك وليس الذي تحبيه كي لا تندمي مع الوقت على خسارتي
قلت له سيعوضني الله وهو يقول حاولي ولا يدعني رغم انني قلت له اذهب في طريقك فماذا افعل ؟ ماهي نصيحتكم ارجو الرد
لعرض السؤال في فدني اضغط هنا
أنا فجأة بقيت بحب واحد بدون أي سبب ومبقتش شايفة غيره بس هو فعلآ يتحب ومبقتش عارفة أبطل تفكير فيه وهو ميعرفش إن أنا بحبه اصلا ومليش في فكرة الارتباط وهو كمان فمفيش أمل إن احنا نرتبط وكل ما أقول إني أنا واهمة نفسي ولازم أبطل تفكير فيه أحلم به وبأحلام فيها كلام إني أستناه وإن في أمل.
كل ما آخد قرار إني أبطل تفكير فيه مبعرفش ولازم تحصل حاجة إني أشوفه صدفة فأنا مش عارفة أعمل إيه في اللي أنا فيه وآخرته إيه.
لعرض السؤال في فدني اضغط هنا
في مشاكل كتير بيني وبين خطيبي احنا بنحب بعض اوي بس مشكلته إنه مش بيعرف يعبر عن حبه بالكلام ودايما بتخانق وهو بيتعصب بسرعة وبصراحة أنا ساعات بعصبه بس هو بيحبني وفي نفس الوقت هو عنده مشاكل كتير وانا بصبر على قد ما اقدر بس عاوزه يهتم بيا زي ما أنا يهتم بيه ميكونش رده (اممم و خلاص وهنام) يا ريت نصيحة !!
لعرض السؤال في فدني اضغط هنا
فيه شاب بتعامل معاه بقالنا اسبوع و نص هو عاجبني جدا كشخصيا و كعقليا و انا كنت من الصعب اقتنع بحد بسهوله لدرجه اني نزلت معاه و قعدنا في كافيه مره واحده بس و بعدها حسيت اني حبيته وانا قاعده معاه
و من بعدها حاسه اني عايزه كل شويه اشوفه و كل شويه اكلمه مع اني تقيله جداا و كان من الصعب بردو احس بكده هو لسه متخرج و حاليا بدون وظيفه و انا اتخرجت و بشتغل احنا قد بعض بس عشان سنين كليته كانت كتير فالمهم طلبت منه انه يعدي عليا بعد الشغل و نشوف بعض قالي اسباب تخليه ميقابلنيش النهارده فمش عارفه هل ده ممكن يكون بسبب ظروف ماديه ولا هو مش حابب يشوفني ولا ايه بالظبط
انا عمري ما كنت بتمني ارتبط بجد قد ما اتمنيته و محتاجه اعرف كمان اتعامل معاه ازاي يعني ابقي تقيله اوي عشان ينجذبلي اكتر ولا اهتم أزيد ولا اتعامل ازاي
لعرض السؤال في فدني اضغط هنا
انا مطلقه وعندي ولد ٨ سنوات ومنتقبه منذ عام ونصف أعجبت برجل صالح يصغرني كثيرا
هو طبيب بيطري أعجبت به قبل نقابي كنت محجبه حجاب متبرج لم يكن الأفضل ..وحينما لبست النقاب بارك لي هذه الخطوة تفاجأت واستبشرت حينها ..لأنه كان أول من رآني بعد نزولي من بيتي..
فكانت ثاني فرحه لي بعد فرحة أمي لي بهذا القرار بفضل الله.. وارتبطت نفسي به أكثر ولكن بعدها ترك العياده ، وانتقل إلى منطقة أخرى كما قال لي أحد الموظفين لي في المكان .. وظل يشغل تفكيري من حين لآخر وسألت عليه خِفية مع بعض زملائه لأنه أيضا كان حنونا على قطتي ولم تكن تتضايق معه كما يحدث معها مع باقي الأطباء ..
وفي يوم ما ..قررت أن أرسل له رساله عبر التليجرام ظننا مني أنه سيعود للعيادة مرة أخرى وكنت أريد الاطمئنان عليه، وذكرته بي وبابني وبقطتي وبعثت بصورهم ، وذكرته بمباركته لي حينما لبست النقاب فتذكرني وسعد كثيرا بكلماتي الطيبه له..
وسعدت برده علي بهذا الشكل اللطيف وتمنيت لو عقارب الساعه توقفت عند هذه اللحظه مدة أطول وطال الحديث أكثر
فهذه كانت أول مره نتحدث فيها...
بعد مرور سنه ونصف من مغادرته للمكان
ولكنه قال لي : أنا بالمطار متجه إلى المملكه العربيه السعوديه وسبحان الله بالأمس كنت عندكم في العياده أسلم على أصدقائي وأودعهم ...شعرت بإختلاط مشاعري بين الحزن
والفرحة ..
لأنه أصبح سعيدا لطالما كنت أراه مهموما
وحزن أنه رحل عن الوطن تماما...
احاول ان ارسل له بين الحين والآخر سؤالا يخص قطتي ويرد عليه على قدر ..لا أكثر ولا أقل ما العمل ؟؟ وأنا أكبره بعشر سنوات تقريبا ولكني أصغر شكل ومطلقه وهو مازال أعزب ..
كيف أعبر له عن مشاعري وكلي خجل وخوف على قلبي واحساسي وكيف أطلب منه الحلال بالزواج وهذا ليس بطبعي أن أبادر وأقول ...ما الحل ؟
وأريد أن أقطع الشك باليقين وأُنهي على هذا التعلق ...
خاصة أنه رجل محترم فقلبي تعلق بأخلاقه الحميده وهيئته الطيبه ..
لعرض السؤال في فدني اضغط هنا
انا عندي مشكله انا بحب واحد من خمس سنين وطول الخمس سنين دول كنت بحس بحبه ليا بس هو مكنش بيبينلى اي حاجه لكن عنيه و مواقفه هي اللى كانت بتفضحه وكمان بحس انه بيغير عليا بس احنا مش بنتكلم خالص
وحبنا ده عباره عن تعامل بالنظرات بس عشان هو شخص محترم وعمره ما جه وكلمني ولا طلب مني رقم تليفوني حتى عشان هو محترم وعمره ما كلم بنت حتى
انا بقول كده عشان احنا جيران وهو قدامي طول الوقت بس انا معرفش كل حاجه عن حياته الشخصه غير معلومات بسيطة
وفي يوم كده كنت بكلم واحده صحبتي في الفون وهو شافني وفضل باصص عاليا كأنه غيران و بعد كده مشي راح شغله من غير ما يبصلي حتى ولا يعبرني وبعدها بكام يوم جت اخته اللى اصغر منه عندها 14سنه تقريباً وقالت لأختي انه اخوها خطب واحده تانيه واسمها حنين وجميله وإلخ.. إلخ
انا اول ماسمعت كده اتضايقت اووي عشان انا مش بحبه انا بعشقه بدمنه وعمري ما تخيلت انه يكون لحد تاني غيري وكل اما اشوفه الاقيه زعلان وبيسمع اغاني حزينه وباين على شكله ان ده مش شكل واحد مخطوب خالص
انا مصدقتش اللى اخته قالته ودلوقتي من كام شهر كده مامته جد ولمحت لماما انهم حابين يدخلوا عليتنا ويكونو فرد منها وكده بس ماما قالت لها انها مش بتفكر في جواز دلوقتي لما عيالها يتعلموا ويكملوا تعليمهم يبقى تجوزهم
اصل مامته مقالتش هي عاوزه مين بالظبط لابنها من عليتنا وكده اصل احنا 4 بنات اخوات وكده وانا دلوقتي ف أولى ثانوي ومن كام يوم بردو اخته قالت لأختي بردو إن اخوها مخطوب لواحده اسمها شمس واصلا هو باين عليه انه بيحبني انا ومش بيحب ولا مخطوب اصلا لأي واحده تاني دا انا قبل كده شوفته لابس دبله وكده وهو عشان عارف اني هشوف الدبله دي في ايده وهزعل وكده راح قال قدامي عشان يلمح لي ان الدبله دي مش بتاعته دي بتاعت اخوه الكبير وانه واخدها من وراه وكده وانها كمان واسعه عاليه
بس انا واثقه انه بيحبني حتى لما حكيت لصحابي وقلت لهم عليه قالوا لى انه بيحبك ولما شافوه وهو بيبص عليا وانا مش واخده بالي قالوا لي انه بيحبني ومهتم بيا و الحب باين عليه... ومن كام شهر احنا عزلنا و روحنا سكنا في بيت في نفس الشارع بس في اخره وهو عشان يشوفني كان بيجي من شغله من الشارع من ورا ناحية بيتي الجديد عشان يشوفني ودلوقتي انا هسيب المنطقه كلها عشان احنا هنعزل تاني
وانا خايفه انه يسيبني ويحب حد تاني غيري وخايفه بردو انه ميعرفش مكاني مع انه عارف مكان المدرسه بتاعي عشان هو وصلني عندها قبل كده بس مش عارفه بقى انا مش هقدر اعيش من غيره ولا حتى اني اشوفه مع غيري انا اللى مدايقني اني انا كنت اعرف اخباره كلها عشان احنا كنا جيران
ودلوقتي انا همشي ومش هعرف عنه حاجه
انا بس عاوزه اعرف هل الشخص ده بيحبني زي ما انا كمان بحبه وزي ما بيقوله عليه صحابي ولا لأ؟ وهل هو لو بيحبني هيجيلي زي ما جالي قبل كده عشان يشوفني لما وحشتوه وكده ولا مش هيجي ويقول خلاص ماهي مش نصيبي وخلاص مش عاوزها ولا هيفضل ورايا حتى لو رحت
وعاوزه اعرف بردو هي ليه اخته كانت بتعمل كده وليه قالت الكلام ده كله وعشان اي اما هو مش صح ؟
*للمعلومات *
هو مجاش مره وقالي انه بيحبني هو كان شخص تحسوا كده غامض في تصرفاته اوقات احس من حركاته انه بيحبني واوقات بحس انه لأ
واحنا بنحب بعض بالنظرات يعني مش بنتكلم خالص ولا حتى معاه رقم الفون بتاعي ولا انا بردو (عاوزه حد يرد عليا بسرعه عشان انا بجد في مأساه ومش عارفه اعمل اي)
لعرض السؤال في فدني اضغط هنا
السلام عليكم
انا مكتوب كتابي وابتديت المشاكل بينا تكتر وبدأ اهتمامه يقل وحاسه أنه معتش بيحبني وآخر مشكله مكلمنيش 3ايام ولما اتكلمنا مبرراته مش مقنعه خالص
اتعاتبت معاه وواجهته وكنت عارفه أنه كان بيحب في الماضي والبنت دي تبقي بنت عمه وكان بيحبها وسبها وجه اتقدم لي في نفس الوقت اللي هي اتخطبت فيه وخلاني أحبه
ومعلومه انا عارفه بالقصه دي بقالي يومين وانا عرفاه بقالي سنه وشهرين أخدت بالي لما اتغير معايا وحاسه أن هي لسه في باله ومضايق ومش عايزني اتعامل معاها خالص
وكانت في حاله صحيه مش كويسه وكان زعلان جدا عليها ومتغير معايا في الوقت اللي هي كانت تعبانه فيه تصرفاته مش مريحاني ولما اجتمعت معاهم شفت نظرات من أهل البنت دي مش حلوه خالص ليا
انا حاسه أنه منسهاش وبيفكر فيها لسه اعمل اي انا بحبه جدا وهو قالي انا مكنتش عايز اقولك علي شان مخسركيش ودي حاجه في الماضي ملكيش تحاسبيني عليها قلت له ايوه عندك حق بس انا مش مطمنه وحاسه أن قلبه مش معايا الفتره دي عايزه حل لو سمحت
لعرض السؤال في فدني اضغط هنا
مبدئيًا كده انا في واحد أعرفه من فتره كبيره بس معرفه سطحيه اوي، اللي هو شكلًا كده بس واعرف اسمه.
الشخصيه دي بعتلها ادد ع الفيس اما لقيتها بالصدفه وفضلت العلاقه ما بينا عباره عن اننا بنشوف استوريهات بعض وهو بس اللي بيعملي رياكتات عليها
واحده واحده دخل كلمني، الكلام ده بعد قيمه سنه سنه ونص كده ع ده الحال، دخل بقي كلمني قال لي عامله ايه قلت له الحمد لله قال لي طب ابقي سمعيني صوتك طيب قلت له ماشي بس انت يعني مبعتليش ولا فويس حتى قال لي عادي يا ستي انتي ابقي كلميني أما تفتحي.
فتح تاني يوم واتكلمنا وقال لي انه معجب بيا وقعد يزن عليا نتكلم فيديو ودي كانت حاجه غريبه اوي بالنسبة لي لأن دي اول مره نتكلم يعتبر وهو كده كده شافني كتير.
رفضت الفيديو كول والفويس وكل حاجه وتخيلت انه بعد الرفض ده مش هيكلمني بس اتفاجئت بيه إنه بيكلمني تاني وتالت وبيطلب نفس الطلب عادي ولاحظت كمان انه بعد كل مره بيكلمني فيها لازم يقفل يوم على الأقل
بس المره دي طول بقي والحوار بقاله خمس تيام كده وداخل في اسبوع فكده الشخصيه دي نواياها ايه من ناحيتي هو بيقول إنه بيحبني وبيقعد يقول لي كده ويحلف لي بدون سبب
واخر مره كنا بنتكلم عادي قبل ما يقفل الخمس تيام لقيته بيقول لي انا نفسي اخطبك
هو قال لي انا اقسم بالله بحبك وبعت لي رقمه المره اللي قبل الاخيره اللي اتكلمنا فيها فانا شاكه إنه بيعمل كده ويقفل عشان أرن عليه ويكلمني صوت زي ما هو عايز فمش عارفه بقى في ايه بالظبط أو الشخص ده بيحبني بجد فعلا ولا لا وليه دائما بعد ما بيكلمني لازم بيختفي فتره ع الأقل يوم وليه طول المره دي
عندي اسئله كتيره بجد ومفيش جواب مقنع ومش عارفه الوضع ده طبيعي ولا لا هو عامة بطل يطلب الفيديو كول ده بس مصر ع الفون وهو مبيعرفش يقرأ ويكتب كويس ع فكره للعلم
لعرض السؤال في فدني اضغط هنا
ماذا ان كنت احب فتاة بنية انني سأتزوجها وأحبها منذ حوالي ٤ سنوات واعتقد انها تحبني ان لم اكن متأكدا ولكني لست متعلقا بها ولا اعصي الله هل استمر في هذا
لعرض السؤال في فدني اضغط هنا
السلام عليكم،
أنا نور عمري 18سنة مررت بمواقف كثيرة هذا العام، الأسوأ كان أكثر من الجيد.
تعرفت على شخص كان يدرس معي في دروس الدعم لأنني إجتزت البكالوريوس العام الماضي 2024
اول مرة تحدثا كان عندما كنا ننتظر الدخول للدراسة كان حديثا عفويا يعني مع مجموعة من الزملاء حول الجامعة والتخصصات... الخ،
مر اسبوع وكنا في مكان الدراسة طلبت مني فتاة ان اعطيها حسابي على تلجرام ففتحت الهاتف واريتها اياه كنا نجلس في الطاولة الاولى في المنتصف بينما هو كان يجلس في الطاولة الاولى ايضا لكن بعيدا عنا،
عدت للبيت وبدأت الدراسة حتى تلقيت رسالة منه كان عنوانها I have a question فأجبته؟ ويا ليتني لم اجب عن هذه الرسالة ياليت 😞
بدأ يحدثني وقالي لي انا فلان الذي يدرس معك والذي اجلس في الطاولة الاولى واريد ان اصبح طبيب (مع العلم انه متحصل على شهادة البكالوريوس) وكان يعيدها ليأخذ معدل جيد ليدخل لكلية الطب،
كان يسألني عن اهتمامي وماذا أفضل، نصحني نصائح للدراسة وبدأ يحكي لي عن نفسه وفي اول يوم حدثني انه مجروح وكانت له صديقة اسمها مريم ماتت وتعاطفت معه وحاولت التخفيف عنه ويبنما انا احاول تضميد جراحه جرحني جرحا قاتلا ومضى في صمت.
كان اول من يعايدني بعيد ميلادي واظهر لي اهتماما لم ارى مثله من قبل كان يقول لي انك اجمل فتاة في عيني وانتي ذكية... الخ
لكن كل هذا في التلكرام اما في الواقع فلا يتحدث معي واخبرني انه يأتيه شلل نصفي كلما اراد ان يحدثني وقال لي انني اجلس في الطاولة الاولى لأجلك فقط مضت الايام واصبح لا يكلمني فبعثت له لأطمئن عليه لكنه كان يرد بطريقة كأنه لايعرفتي ابدااا واصبح يتجنب النظر لي والجلوس امامي
لم يتحدث معي يوما في الواقع لكنه كان يكلم بنات اخريات ولا يأتيه لا شلل نصفي ولا كلي ويجلس امامهم بعثت له في عيد ميلاد فقال لي اقدر لكي هذا ومنذ ذلك اليوم لم نتحدث وفي الاخير اصبح طبيب ونجح وانا رسبت وتحطمت وتدمرت نفسيااا
لعرض السؤال في فدني اضغط هنا
انا كنت حد وحش اوي، اتربيت وانا صغيره تربيه قاسيه شويه وماكانش حد قريب مني
شربت سجاير وخمره وحاجات تانيه، لحد ما ارتبطت بشخص كان كل حاجه في حياتي، خلاني بطلت كل حاجه وحشه كنت بعملها وحبيته بجد وهو كان بيعشقني دي كلمه قليله، كان مستعد يعمل اي حاجه عشاني
بس للأسف احنا من ديانتين مختلفتين
بعد سنتين قلتله اننا لازم ناخد القرار ده ونبعد لان مالناش نصيب في بعض
عدى على فراقنا ٣ سنين ونص وانا مش قادره انساه
وبدخل على بروفايله كل فتره هو خطب واحده من دينه ومش قادره اشوف صورهم سوا وهو ماسك ايد واحده غيري
دلوقتي انا بقى عندي ٢٤ سنه
رجعت تاني لكل حاجه وحشه، طبعا مش زي زمان
بس بعد ماكنت واخده عهد على نفسي مش هعمل ده تاني رجعت اعمله
انا الحمد لله جميله جدا وذكيه وشاطره في شغلي ومعايا شهاده عليا ومن عيله، واي راجل في الدنيا يشوفني بيبهره جمالي وفورا يتقدملي او يحاول يتكلم معايا
اتقدملي ناس كتير اوي كويسين منهم اللي مهندس بترول منهم اللي عايش في هولندا وهنسافر هناك
بس انا ماعرفتش افتح قلبي لأي حد فيهم، مش قادره اشيله من دماغي وحتى لما بتناسى ببقى عايزه الشخص اللي هرتبط بيه يبقى فيه نفس صفاته، يعاملني بنفس الطريقه اللي كان هو بيعاملني بيها
لما بلاقي تصرف واحد مش زيه بقطع علاقتي بيه فورا
انا مش عارفه اعيش حياتي طبيعي، انا بقطع علاقتي بالناس كلها ومصغره دايرة علاقاتي جدا واللي بيحاول يدخل حياتي يا إما يعاملني بالطريقه اللي في بالي يا اما بطرده براها
حاسه اني بقيت شخص مش كويس، واني بعد ماكنت اجمل نسخه مني معاه بقيت اوحش نسخه مني بعد ماسيبنا بعض ومش عارفه ارجع كويسه تاني
وان اللي بيدخل حياتي مبهور بجمالي من بره بيلاقي شخصيتي وحياتي مش مبهرين زي شكلي ده بيخليني ازعل على نفسي واحزن اني مش عارفه اتغير
ده غير اني رجعت اخد مضاد الاكتئاب تاني بعد ماكنت وقفته وانا معاه رغم اني كنت باخده بقالي ٦ سنين
دلوقتي رجعت تاني لده
ممكن ماحدش يصدقني بس انا حد قريب من ربنا وبحبه، وبقرا قران كل يوم ومحافظه على الاذكار وحد من جواه نضيف وبصوم كتير
بس انا مشتته جدا، ومخنوقه وحاسه حياتي بتنهار
واني مش عارفه احس بأمان ولا ابقى كويسه
خايفه عمري يضيع وانا بالحال ده
انا حتى كلامي دلوقتي متلغبط، اتمنى حد يفهمني
اسفه على الاطالة.
لعرض السؤال في فدني اضغط هنا
أنا كنت من 3 اعدادي ل حد بداية أولى كلية كدة بحلم بشخص وبحبه بس انا معرفوش ومش موجود في الحقيقة ومرة واحدة مبقتش بحلم بيه المهم وانا بمتحن ببص قدامي كده لقيته استغربت وفضلت اتأكد طلع هو فعلا
المهم جبت رقمه من جروب الدفعة وبعتله عايزة المذكرة الفلانية واتكلمنا وبعدين قالي أنه مرتبط أنا زعلت جدا وقولت خلاص مش هنتكلم تاني طلعنا فيه حاجات كتير جدا جدا شبه بعض فيها بقالي اسبوع بكلمه وقدر يرتحلي ويتكلم معايا على الرغم أنه مبيرتحش بسهولة لاي حد وبدأ يحكيلي على حاجات كتيرة وياخد رأيي في لبسه وتسريحة شعره واذكرله ويذاكرلي
واصحيه ويصحيني وعرفت عنه كل حاجة بس هو مش راضي يقولي اسم مامته قايلي اسم اخواته بس ومش راضي يوريهملي ولما بيتخانق مع البنت اللي بيكلمها بياخد رأيي في الموضوع نفسه اللي اتخنقوا عشانه بس بيزعل لما بيتخنقوا وانا بنهار
اخليه ينساها ازاي أو اخليه يحبني أنا بس ازاي بجد الموضوع مش تافهه خالص
لعرض السؤال في فدني اضغط هنا
الواقع والحقيقة
أنا لما بحب حد لازم أعرف هو مين؟
طيب ما أنا أكيد عارفة هو مين 😄
صدقيني الإجابة مش سهلة زي ما أنت متخيلة، وده بيكون سبب في فشل العديد من العلاقات. 😶 كل ده بسبب السؤال ده. معظم اللي بيحب حد دلوقت أهم عاملين هما اسمه وشكله وبس.ده نفس الإجابة اللي في بالي 😯 . مش قولتلك . طيب وايه المهم بقاا 🤔
هقول بس ركزي معايا..
أولا *الإسم والشكل هنقول ده البداية
ثانيا* شغال ايه فلو أنا عاوز أعيش أحلام مش هحب واحد مش لاقي شغل ومش لاقي فلوس،، مش مهم الفلوس حبنا أهم من أي حاجة 🥰،، كدب وأنتِ أول واحدة هتعملي حرب معاه بعد شهر من الفرح 😕
ثالثا* وده بيكون فارق لما بيكون معاه كلية محترمة وبجيلوا من ورائها دخل 😶🌫
رابعا*محترم فلو من اللي معلق سلاسل وبيشرب سجائر فدا هيكون لعبي وخائن وهيعرف عليكي بدل الواحدة ألف 😱
خامسا،*يعرف ربنا يعني بيصلي وقرآن وصيام وكدا بس مش متشدد 😲 وحتى الذرية بعد كدا تكون صالحة
سادسا* عيلته عاملة ازااي لها سمعة محترمة ولا لأ
تعامله مع أبوه وأمه واخواته لأن لو تعامله سيئ مع أهل بيته امال هيتعامل معايا ازااي 😔
👈ونصيحة لكل اخواتي البنات سن الحب أولا مينفعش اعدادى ولا ثانوي ممكن تفكر في الكلية لأن بقي عندك الوعي الكامل بالمواضيع دي👉
دول أهم ستة عوامل لإختيار حبيب وزوج مثالي
انتظروا قريبا اختيار زوجة مثالية
حبيت يكون الزوج المثالي الأول لأن مشاكل البنات ياما خالص في الفترة الحالية👋
لعرض السؤال في فدني اضغط هنا
افترقنا انا وحبيبي من فتره بسبب انتقالي لعمل آخر فنقطع التواصل ، ظل يقوم بتنزيل بوستات علي الفيس بوك عن الفراق وان الشغف يختفي مع الايام ، قمت بمراقبته على موقع تواصل اخر وهو يراني وانا اراه واخر ظهور وهكذا فبقي في اول الامر يراقبني وبعد ذلك اصبح الموضوع طبيعي ولا يفتح... احتاج ان اعرف ماذا يريد وماذا يكون احساسه
لعرض السؤال في فدني اضغط هنا
عايزة حل لاني تعبت جدا
دلوقتي انا اتعرفت على واحد هو بيني وبينه 11 سنه، كان خاطب قبل كدا المهم لينا 3 اسابيع نعرف بعض وبنتكلم وكدا هو كان بيشوفني وبيبص لي كتير وكدا المهم كان عايز يكلم بابا بس قلت له بابا رافض دلوقتي، طول المدة دي انا اللي بتصل واطمن وهو نادر لما يرن ولما اسأله يقولي غصب عني ومشغول،
هو طبيعته مبيتكلمش مع حد كتير، وعاتبته كتير وتجاهلته كتير ولكن بلا جدوى ممكن اعرف اتصرف معاه ازاي، يقولي هرن عليكِ ولا بيرن ولا بيعبرني، ويقولي معيش رصيد وهو فعلاً مبيبقاش معاه رصيد بس بيقعد باليوم مبيكلمنيش ولا يطمن عليا
لعرض السؤال في فدني اضغط هنا
إزاي أخلي مراتي تحبني بالمعنى الحقيقي للحب؟ بمعنى إنها ما تبقاش شايفة ولا عايزة غيري، ما يكونش حب مشروط بتعامل حلو، لأ توصل لمرحلة حب المراهقين اللي مش بيبقى مشروط.
لعرض السؤال في فدني اضغط هنا
لو شخص بينظر ليا ولما اجي انظر لي يبعد عينو مثلا لما يكون في مسافه كبيره بينو وبيني بس يعتبر قصادي او كده بيبعد اكتر انا حتي مش قادره افهم من نظراتو هو معجب ولا كارهني ولا نظرات عادي
وش اسوي
لعرض السؤال في فدني اضغط هنا
السلام عليكم،
انا كنت بحب واحد معايا في الدراسه وقعدنا اكتر من سنتين مع بعض مكنش مجرد ارتباط بالنسبة لنا، ومن شهر ونص او اكتر ابن خالتي جه كلمني وكان عايز يتقدم لي رسمي.
انا في الاول رفضت بس اهلي مكنوش عاوزني ارفض علطول قعدوا يقولوا لي فكري فكري اشتغلت في حيرة كبيرة بسبب إن اهلي مش مقتنعين باللي بحبه بسبب ان هو لسه بيدرس وقدامه كتير لحد ما يجي رسمي
وكانو مقتنعين جدا بابن خالتي وانا مكنش عندي الشجاعه الكافيه او الثقه اللي تخليني اقنعهم باللي حبيته لحد ماجيه واتقدم رسمي وقرأنا فاتحة.
وقتها كنت قطعت علاقتي باللي بحبه وحاولت على قد ما اقدر ابعد حاولت أنسى حاولت اتعلق بابن خالتي اكتر وبالفعل عملت كدا بس الواضح إن من الاهتمام ابن خالتي اتعلق بي اسرع
انا مجرد جسد بيتحرك وبس جسد بلا روح واللي بحبه بيتعذب بسبب فراقي انا عارفة اني ظلمته بس انا كمان ظلمت نفسي من الناحية التانية عشان مقدرتش اواجه قصاد حب حياتي وحاليا ابن خالتي اتعلق بيا جدا اللي هو بالنسبة له الموت اللي هيبعدني عنه فتعبت كل ما بشوفه قلبي بيوجعني وحاليا بيحاول يتواصل معايا وانا مش عارفه اعمل إيه ارجع في قراري ولا اكمل و ارفض اني اتواصل معاه تاني
لعرض السؤال في فدني اضغط هنا
أنا عايزة حد يرد عليا لأني قربت اتجنن أو اموت من قهرة قلبي وحسرتي على نفسي
انا كنت مخطوبة بقالي 4 سنين وكان فاضل شهرين علي فرحي وحماتي حسبي الله ونعم الوكيل فيها دمرت كل حاجه في لحظة بدون سبب
هو كان زميلي ف الجامعة حبينا بعض وقررنا نتخطب عشان كل حاجه تبقى في النور وهو كان خايف انى اضيع منه اتخطبنا في سنه تانية وبعدين اتفق مع اهلي ان اول ما هنتخرج هنتجوز وكان شغال وعنده شقته تمليك وكل حاجه تمام
اشتغل خلال سنتين الجامعة ووضب شقته وعملي كل الي انا عايزاه وكان طالع عينه حرفيا ما بين دراسة وشغل واتبهدل بجد عشاني ومبخلش عليا بأي حاجه ولا قصر ف دراسته بأي شكل ما شاء الله
بعد التخرج كان المفروض مالوش جيش عشان عنده إصابة في رجله لكن للأسف دخل الجيش وضاعت مننا سنة كمان ع الفاضي وبفضل الله عدت السنه وكانت صعبة اوى عليه وعليا نفسيا ومعنويا وكل حاجه وطبعا مقدرش في خلال السنة دى يحوش ولا يعمل اى حاجه
قبل ما يخلص جيش ب 4 شهور رتبنا انا وهو اننا هنجهز جمعية اول ما يخرج يرجع شغله اللي كان فيه ويدخلها نجيب بيها الفرش ونعمل الفرح ونتجوز علي طول بعد الجيش بشهرين
وكل حاجه كانت تمام واتفق مع اهلي ع كده
وطول فترة الخطوبة هو اللي بيتفق مع اهلي على كل حاجه وهو المسؤول عن كل حاجه لأنه شايل نفسه تماما وأهله شايلين ايدهم من كل حاجه وملهمش دعوه بيه في اى شيء كأنه مش ابنهم حتي انا واهلي لا كانو بيسألو علينا ولا بيودونا ولا لهم اى احتكاك بينا نهائي
في الاول انا ووالدتي كنا بنكلم والدته ونسأل عليها وساعات نروح لها لحد ما لقيناها مش مقدرة اى حاجه بطلنا تعامل احنا كمان او بالأخص ماما لكن انا كنت بكلمها من وقت للتاني اتطمن عليها ف المناسبات وخلاص
وكانت مش بترد اى حاجه بنعملها وتعاملها قمة ف قلة الذوق رغم اننا مجيناش علي ابنها ف اى شيء واحسن معاملة وترحاب مننا وكفاية اصلا ان اهلي قبلوا بيه وهو صغير كده ولسه قدامه كتير لكنهم توسموا في حسن أخلاقه واعتماده علي نفسه وانه شاريني وجد مش بيلعب ولا عيل صغير زى اى شاب ف سنه
المهم اول الشهر ده بقى خرج وظبطنا الجمعية بابا كتر خيره هو اللي جابهاله ودورنا ع اماكن للفرش وقاعات للفرح وكل حاجه كانت تمام وكان بقالي سنه جبت فيها كل جهازي حرفيا من الالف للياء من أجهزة لهدوم لرفايع ومفروشات وكل حاجه وبقيت حاطه ف كل حته حاجه ومبقالهمش مكان حرفيا
جت والدته اول ما عرفت باتفاقه مع والدي قلبت الدنيا وزعقت وعيطت ورفضت تماما كأننا هنعمل حاجه حرام او حاجه غلط ولا عيب وقالت له لأ أجل سنه عشان انا عايزة ابيع شققك انت واخواتك واشتري بيت عيلة!!!
يعني القرار ده وصلت له فجأة كده! طب ما كان عندك كل السنين الي فاتت تعملي كده اشمعنا دلوقتي!
وغير كده عندها حالة وفاة ابن اخوها مات تقوله لأ لازم نأجل سنه احتراما لحالة الوفاة
المفروض والطبيعي والمتعارف عليه اى حالة وفاة بيتأجلها شهر شهرين 3 بالكتير انما سنة!! علي واحدة مخطوبة بقالها 4 سنين؟!
مش بالذمة ده حرام! يعني ده ف شرع مين؟! وليه اصلا الافترا ده !
طبعا هو رفض تماما ووقف قدامها وزعق وعمل كل حاجه راحت عاندت معاه اكتر وقالت له ملكش شقق عندي روح اتجوز ف ايجار! مستغله ان الشقق باسمها اكمنها جابتهم وهما تحت ال21 فكاتبه كل حاجه باسمها
وابوه حرفيا مش موجود مالوش كلمه ولا رأي ولا حد عارف يرجعها عن اللي ف دماغها واخواته نفس الشيء مفيش حد واقف جنبه حتي لو من وراها كلهم بيخافو منها ومحدش عارف يقول كلمة حق ترضي ربنا
حسبي الله ونعم الوكيل كسرت فرحتي وقلبي وكسرت ابنها
وفوق كل ده قابلت اهلي وكلمتهم بمنتهي قلة الذوق واحرجتهم وقالت علي خطيبي كلام كله كدب عشان تطفش اهلي وتكرههم فيه وتقول انها كانت معترضة ع الخطوبة من الأول طب م كنتي تقفي وترفضي الخطوبة جاية دلوقتي تعترضي وتعملي كده ليه بعد بنت الناس اللي ربطوها سنين جاية دلوقتي ترفضيني انا واهلي وانتى مشوفتيش مننا اى حاجه وحشة
حتى لو كانت معترضة ع الأقل دخلت بيتنا وشافتنا ناس كويسين وشافتني اد ايه بحبه وبحترمه وشافته اشتغل ووضب شقته وربنا كرمه ودلوقتي بابا جابله جمعية
يعني كتر خيرنا وزيادة ليه بقى تقف ف طريقنا وتعمل كده
هو حد دلوقتي يطول ان ابنه يتجوز وهي كأم متعبتش ف جوازته بأي شيء! ده حتى شقته حاطط فيها اكتر من نص تمنها لأنه كان بيلعب كورة زمان وكان معاه فلوس
يعني تاخد منه شقاه وتعبه وتحرق قلبي انا ووالدتي ليل نهار بنعيط من الصدمة ومن رفضها لينا ومن كل الي حصل
لأن بجد اهلي عاملوه ع انه ابنهم ووقفوا جنبه واحترمو جدعنته واعتماده علي نفسه ومشافش مننا اى حاجه وحشة ليه دى تكون جزاتنا ؟!
انا هموت من الحزن وكسرة قلبي ومش عارفه ليه كل ده حصل !!!!
لعرض السؤال في فدني اضغط هنا
السلام عليكم
انا محتاره جدا ومش عارفه اخد قرار انا بحب واحد جدا وبحبه بصدق وهو بيحبنى بس على طول يتكلم معايا ف كلام خارجى كلام عيب خالص وانا كذا مرة نبهته وبعدت عنه بس هو اتأسف وقال مش هعمل كده تانى ويرجع يعمل مع انه فيه شخص تانى محترم وكويس جدا معجب بيا وكان عاوز يدخل حياتى وانا رفضت علشان الاول علشان انا بصونه وبحبه بس حاسه أنه مش بيحبنى زى ما بحبه كده
عاوزة نصائح والمفروض اعمل ايه
لعرض السؤال في فدني اضغط هنا
هل يوجد اختلاف بين الحب والتعلق الزائد ام لا؟
لعرض السؤال في فدني اضغط هنا
فيه واحد جاري كان مكلمني وبيحبني وكنا صحاب من واحنا صغيرين
كان دخل كلمني كذا مره وحتى لما اتكلمنا فهمته اننا صحاب وكنت بتقل عليه، انا بحبه بس كنت بتقل لان دا كان اول حب ومحبتش غيره واللي خلاه يعرف انه بيحبني انه كان عارف اني بحب واحد من شخص بس انا مش بحبه
حس بالغيرة ودخل كلمني بس كنت بتقل عليه وبعدين جينا بعد فترة بعد زن كتير قلت له اني بحبه، انا كنت عارفه اللي كلمهم قبلي لان كنا صحاب كنت مزعلاه مني في مره وقعدت اصالح فيه
بينزل استوريهات ومش بيرد عدى شهر ولسه كان معلقني لقيته منزل فيديو بتوحشيني قلت انا ودخلت بعت ومستنية يرد اكتشفت ان الاكس بتاعته عامله فولو وهو عامل فولو دخلت بعتله يمسح كل حاجه وربنا يوفقه وموضحتش حاجه بعدها بيومين لقيت الفولو اتشال مش مع بعض من الاخر
يومين او يوم بالظبط لقيته على التليجرام حاطط الصور اللي كنا بنحطها سوا بروفايل بتاعت الكابل طنشت المهم عدا فترة وركبنا سوا في العربية قعد يجيب سيرة الشخص انه فاكر اني بحبه هو شخص كويس واشطر واحد في دفعتنا وانه هيضربه من غير حاجه بعدها بشوية لقيته بعت اد على السناب انا مشوفتوش غير بعد شهر قبلته بهدف اننا صحاب وانا لسه بحبه
كان بينزل استريكات عن الفراق والحاجات دي في درس احنا سوا فيه واحنا طالعين بيقف يستناني زي لما كنا بنعمل واحنا مع بعض يعني كانت الولاد طالعه قبلنا
مره طلعت حوالي نص ساعه طلعت لقيته واقف مع صاحبه واول ما جيت مشى ورايا وقاله سلام بقا وبيشغل اغاني تلميح واحنا في الطريق حتى كنا في العربية هو طبيعته بيتكلم لما قعدت قدامه في العربية كان هادي بيلمح دلوقت باغاني باسمي مش عارفه اعمل ايه وخايفه ابقى ظالماه لان انا اللي سيبته
لعرض السؤال في فدني اضغط هنا
عاوزة الأقي الشخص الصح المناسب ليا بس دايرتي صغيرة اوي معنديش فرصة اتعرف علي حد جديد اعمل ايه
لعرض السؤال في فدني اضغط هنا
حبيت من طرف واحد💔 اعمل اي وهو اتخطب دلوقتي
لعرض السؤال في فدني اضغط هنا
كنا بنتكلم انا وهو وعادي بنهزر رساله عادي بتحبني قالي اه قولتله قد ايه قالي قد ما بحب اهلي وهو ملهوش غير أهله وعارفة أنه بيحبهم اوي هو كدا بيتكلم بجد ولا لا لان مثلا الأهل بيبقي غلاوة وكل واحد غلاوة معينة
لعرض السؤال في فدني اضغط هنا
سلام عليكم جميعا
اتمنى اللي عنده اي كلمة ممكن تفيدني في الموضوع ده ما يبخل علي
أنا شاب عمري 19 سنة وأدرس في كلية الهندسة. لدي رغبة كبيرة في الارتباط بفتاة (لم أعرفها بعد) أخطبها وأتزوجها في المستقبل، بحيث تكون العلاقة بيننا في إطار الحلال. أشعر بفراغ عاطفي كبير، وأحتاج إلى شريكة أتكلم معها وأشاركها مشاعري وأفكاري. أنا أتمنى الزواج، لكنني أعلم أنني غير قادر عليه الآن بسبب وضعي المادي الحالي كطالب. لذلك، أريد أن أبدأ بخطوبة فقط كخطوة أولى للتحضير للمستقبل.
مشكلتي هي أنني لا أعرف كيف أبدأ هذا الأمر، ولا أستطيع فتح الموضوع مع أهلي في الوقت الحالي. إضافةً إلى ذلك، التفكير في هذا الموضوع يشغلني كثيرًا ويؤثر على قدرتي على التركيز في الدراسة، مما يزيد من شعوري بالضغط.
كيف يمكنني التعامل مع هذه المشاعر والرغبة في الارتباط بطريقة صحيحة حلال تناسب ظروفي الحالية، دون أن يؤثر ذلك على دراستي أو يسبب لي المزيد من التشتت؟
لعرض السؤال في فدني اضغط هنا
ماذا أفعل في فتاة أحببتها وتركتني لأني غير قادر، مرتين بخطوبات وتفشل.
الاولى فشلت لأن أحد ما أعلم خطيبها أنها كانت تحبني والثانية فشلت لأنه غير قادر على التاقلم معها فتركها وفي كل مرة تعود وتعتذر وتحاول إقناعي أن ماحدث بغير إرادتها وأهلها هم من اجبروها.
هى كنت أحبها بنسبه كبيره جدا وكنت أنصحها لتصرفاتها كثيراً وكانت تعند وتفعلها والآن بعد ما وصلت لسن ٣٠ وأنا ٤٣ تريد أن نبدأ حياتنا وهذا الحب أشعر بأنه كان ليس في محله فهى ليست بالجميلة وفقدت الأمل في الزواج من أي رجل وقلت ثقتها بنفسها ولا أعلم هل هذه صدمة نفسية لها وتسليم للواقع وإقناع نفسها أنها هي السبب في كل ما حدث
لا أنكر أني احيانا أشتاق إليها لكن لا اعلم هل هو حقيقي ام أنه فراغ عاطفي وهي من تأتي ببالي أولا لأن كانت بيننا عشرة.. أنا أحاول أن أقنعها إننا اختبرنا بعض وظهرنا أمام بعض على حقيقتنا وأن ما فات لن يعود لأن اللهفة التى كانت موجودة اختفت
وهى تحاول ارضائي بكل الطرق كي نرتبط وأنا تركت فكرة الزواج لمسؤوليات تخصني
بمعنى أصدق أصبحت صريحًا مع نفسي
كيف أبعدها عني؟
لعرض السؤال في فدني اضغط هنا
انا شاب عمري ٢٦ سنه انا وامي نرغب في فتح موضوع الزواج مع خالتي بخصوص بنتها التي لا أعرف كم عمرها بالضبط، ولكن اتوقع ان الفرق بيننا أكثر من ١٠ سنوات، افكر في الموضوع كثيرا مما زاد عندي حس التسويف وعدم التركيز ع ما يفيدني لتكوين نفسي ماديا او علميا، افكر كثيرا بفارق السن هل سيرضوا بفارق العمر، أنا كشخص حسب كلامهم لا خلاف علي " محترم، كريم، خلوق، حسن المظهر.... إلخ" من عبارات المدح ، ولكن جزئية رفضهم بسبب العمر تقلقني، وما يزيد تمسكي بالفكرة، هيا تربية خالتي، من كل النواحي ما شاء الله، وامي عندما علمت ان البنت صغيرة ترددت.
وهذا ما زاد قلقي أكثر، رأيكم في فتح الموضوع مع الخاله الان رغم صغر البنت ولم تصل ل١٨ سنه بعد، هل من الحكمة أخبارهم الان برغبتنا بالبنت؟ هل لديكم اي نصيحة او رأي تفيدنني به!
لا اريد التفريط بالبنت، البنت من كل النواحي كما رغبت وحلمت.
وأيضا مناسبه لوضعي، أنا لأسباب خاصة لم اكمل دراستي بعد والان ف بداية تكوين نفسي ماديا!
شكرا
لعرض السؤال في فدني اضغط هنا
انا عندى 25 سنه وبحب واحد غير جوزى وهو بيحبني ومستعد يجبلى نجهه من السماء وعندى بنت 4 سنين وجوزى على طول مسافر مفكر انى ديما الفلوس هتعوضنى عنو بس اصلا انا مش بحبو لان جوزى ديما بيشتم وممكن توصل بيها انو يضرب عادى وهو دلوقتي مسافر وطار ورايها عند أهلى واهلو هو جو علشان يرجعونى البيت بس انا رافضه انى ارجع علشان هو اصلا مش موافق ارجع بيقولى عايزه تروحي روحي وسبب المشكله اني كانت تعبانه وراحت المستشفى وإحدى بقولو كانت بموت قالى لم تموتي زنبك يبقي في رقبتى وانا مش عارفه اعمل ايه حبيبي بيقولى قبل ما تفكرى فى اى حاجه فكرى فى بنتك انا مستعد اخدك انتى وهى بس هو مش هيرضى وانا وانتى متعلقين بيها جامد وانا مش عارفه اعمل ايه رغم انى جوزى ديما أهلى مش شايفين غير الحلو اللى هو عايز مش الوحش اللى انا شايفه ومش عارفه اعمل ايه انا عند أهلى دلوقتي هل اطلق واعيش انا وبنتى ولا اهو قعده علشان بنتى رغم اني لم بكون تعبانه وبيصرف عليه فلوس بيعيرنى بيها حد يحل معايا مش عارفه احل انا هل اطلق ولا اروح مش غير ما هو يقولى روحى
لعرض السؤال في فدني اضغط هنا
انا بحب واحد وهو بموت فيا اووى وجه اتقدملى بس هو مبيعرفش يكتب ويقرا ولا معه كليه بس هو جزار وشاطر اووى فى مهنته بس انا بحبه وفى نفس الوقت انا فى ثانوى وناويه إن شاء الله على طب بس انا مش قادره ابعد ولا قادره اقرب مش عارفه اعمل اى بس تعبت اووى بصراحه ومش عارفه اعمل ايه بس وهو لو طائل يموت نفسه عشان انا ابقى له هيموت نفسه حرفياً
فانا مش عارفه اعمل اصلا بس احنا دلوقتى بنتكلم وهو بسبنى اذاكر كتير وبيجى عندنا كل يوم اصلا
لعرض السؤال في فدني اضغط هنا
السلام عليكم ورحمة الله وبركاته
كنت احب شابًا ولم أخبر احدا اني احبه وكان هذا الحب في قلبي فقط وكان هذا الحب بيني وبين الله و كنت بدعي انه يكون من نصيبي ويوم الجمعه الماضي اكتشفت ان هو خاطب واول ما عرفت الخبر انهرت انا قولت ان ده اختبار من ربنا وقلت الحمد لله لكن قلبي مش قادر يتخطى الأمر وأريد حلا له مع العلم اني دعيت كتير اني اقدر اتخطى الأمر وانساه وانا عندي يقين في الله انه هيعوضني
لعرض السؤال في فدني اضغط هنا
خطيبتي قبل ما اخطبها كانت مامتها مدلعاها اوي لدرجة انها لما كانت بتكلم ولاد كانت بتقلها وامها مكنتش بتقلها ان ده غلط فجيت خطبتها حبيتها جدآ فبصراحه لما عرفت هي كانت بتكلم وزميلة واحد صحبي فالموقف ده مخليني اشك فيها وكل شويه خناق وكان قبل الموقف ده كنت بحب بنت اوي وفي يوم من الايام لقيتها جايبة هديه لصديق لها وكلمتها لقيتها بتقولي هو عاوز يتقدملي وانت زي اخويا عمري ما حسيت من ناحيتك بحب
لعرض السؤال في فدني اضغط هنا
كنت بحب خطيبتي اوي ومن اقبل ما نتخطب كنت بعشقها وكانت امي رافضاها وحاربت علشانها سنة وف الاخر امي رضيت اني اخطبها وحصلت مشاكل تاني في الاتفاق للجواز ورغم كده عدت باتفاق اني هتكفل
بكل ما في الشقة علي عكس العرف والمشاركة، ودلوقتي لينا ١٠ شهور خطوبة وحاسس اني مشاعري تجاهها قلت اوي مفيش اللهفة اللي كانت عندي زمان وهي حاسة بكده علطول بقيت حاسسها شخص عادي ف حياتي
بكلمها كل يوم بس مش بلاقي كلام اقولو ومش عارف اعمل ايه ولا فاهم ايه حاصلي!
لعرض السؤال في فدني اضغط هنا
السلام عليكم ورحمه الله وبركاته
بجد اتمني اي حد يفيدني
انا عندي ١٨سنه ومش مرتبطه حاليا انا بكمل دراستي بعد ثانوي فني، بركب مواصلات كتير وكده علي ما اوصل المعهد بتاعي ومن ضمن المواصلات دي في باص وانا بركب فيه فصاحب الباص ده انا كان معايا رقمه علشان أقوله انا هستناه فين واعرف التفاصيل علشان كنت اول مره أركب وكده
فهو حبني وكان بيكلمني بس مكنش عبر عن اللي حاسس بيه وبعدين قلت له انت بتكلمني ليه فقالي انا عاوز أتكلم معاكي في موضوع مش ينفع احكي فيه ف التليفون قولت تمام فركبنا انا وهو نفس المواصلات واتكلمنا وقالي وقتها إن هو بيحبني وقالي كلام حلو كتير مش كلام حب وكده ...
لا هو قال كلام محترم بجد وقتها بس هو بجد كلامه محترم جدا وهو محترم معلمش اي حاجه غلط ولا قال اي حاجه غلط فقال أنا كنت عاوز اروح لابوكي بس قولت اعرف رأيك انتي الاول علشان رأيك انتي اللي يهمني وانتي اللي هتعيشي معايا ولو وافقتي هروح لابوكي واطلبك منه وحكالي كل حاجه عنه ووقتها كنا وصلنا المكان اللي كنا رايحينه وقالي في نقطه عاوز اكلمك فيها قولتله طب قول ايه هي
قالي هيطول شرحها جدا واحنا كنا وقتها وصلنا المكان فقالي قولي رأيك ايه فمردتش عليه قال تمام هسيبك تفكري كل الكلام ده حاصل يوم السبت اللي فات ده ولحد الان احنا بنتكلم بس لسه مردتش عليه وكل ما نتكلم يقولي قولي رأيك ايه وانا بقوله إن انا بجد متلغبطه ومش عارفه افكر خالص دلوقتي
دخلت ع الاكونت بتاعه ع الفيسبوك وعرفت أنه عنده ٣٣ سنه وعرفت أنه كان متجوز قبل كده فلما قلت له قولي ايه هي النقطه اللي انت كنت عاوز تقولي عليها قالي مش هعرف احكيلك كده عاوز نتقابل علشان بس تفهميني فقلت له انا شاكه ف حاجه ولو صح انا مش هوافق فقالي قولي شاكه ف ايه فسألته انت كنت متجوز قبل كده قال اه بس والله انا مش اخترتها دي كانت جواز صالونات واتجوزتها علي اساس الكلام اللي سمعته لما سألت عليها ومكنتش مرتاح معاها في الخطوبه بس بقى اهلي بيقولولي هترتاح بعد الجواز فاتجوزت ومكملتش ٣ شهور وحصل بيني وبين امها خلاف وامها حلفت لاطلقها وفي الاخر بعد ما طلقتها اكتشف أن هما جماعه من جماعه الاخوان
المهم انا قلت له انا مش موافقه ع كده قالي والله العظيم اللي حصل كان غصب عني وبعدين انا برضو انسان وعندي احساس وعندي مشاعر ومن حقي أحب برضو وقالي والله العظيم انا شاريكي بجد وانا مش بلعب ولا بتسلى والله انا عاوزك بس تقولي انك موافقه وانا هاجي لابوكي واطلبك منه
وقالي أقسم بالله العظيم انا من اول ما كلمتك اول مره وانا كنت بقوم ف نص الليل ادعي ربنا انك تكوني من نصيبي وقالي انا عاوز اقولك كلام كتييير انا حاسس بيه تجاهك بس مستني بس إن أي حاجه تتم ما بينا خطوبه أو حتي قراءة فاتحه.
حسيت اني ممكن اوجعه جدا لو قولتله انا مش موافقه وحاسه من كلامه أن هو فاهم الدنيا كلها وفاهم الصح من الغلط ولو غلطت بيقولي أن ده غلط وبيقولي ع الصح انا بجد مش عاجبني وضع أنه كان متجوز قبل كده خالص قالي انا عارف ان اتحسبت عليا جوازه بس والله كل ده مكنش بأيدي هو ده نصيبي وده اللي مكتوب لي عند ربنا بجد والنبي قولولي اعمل ايه وانا متاكده أن اهلي برضو مش هيوافقو علي حكايه الجوازه اللي فاتت دي ولا حتي هيوافقو علي السن
رجاءا فيدوني
لعرض السؤال في فدني اضغط هنا
كل لما بعجب بحد بلاقيه معجب ببنت تانيه في الغالب بتكون صاحبة ليا أو على معرفة بيا...... إيه السبب؟
لعرض السؤال في فدني اضغط هنا
مبقتش فاهمة نفسى ولا بعرف اخد قرار حتى فحياتى، يعنى ابن خالى اعترف بحبه ليا من فترة قلت له لا وزى اخويا دلوقتى لا، بقيت حباه وبغير عليه.
مش عارفة اعمل اى هو لسه بيحبنى ولا لما قلت له لا شال الموضوع من دماغه وخايفة اصحى في يوم الاقيه لحد تانى وللعلم هو كان هيتقدم مش هنتكلم وكدا عاوزة أعرفه انى حبيته وفي نفس الوقت حاسة انى هاكون بقلل من نفسى مش عارفة فكرت ادخل حد يقول له، مش لازم انا يعنى بس مترددة ومش عارفة اعمل اى خايفة بجد يضيع فعلا معرفتش قيمة الحاجة لا وهى بضيع منى
لعرض السؤال في فدني اضغط هنا
انا تعبان جداً اوى ياجماعه انا قلبي كل يوم بقي يوجعني وهيتقطع من جوه من كتر الألم مش عارف احكيه
حتي مش قادر اعيط بس جيت ف يوم خرجت شويه مشاعر مش عارف هيا مكبوته ولا اي من زمان بس بعدها ارتاحت
انا كانت حياتي بايظه ومازالت بايظه بس لما روحت اشتغلت وقابلت زميلة ليا في الشغل اتغيرت كل حاجه قعدت افكر فيها كتير واتخيلها وهيا معايا ولو هيا بقت بتاعتي ف الحلال هيا اكبر مني بحوالي سنتين كده او سنه باين والمهم بنتكلم وبتاع عادي بس عمري م لمحتلها بحاجه ولا إني معجب بيها ولا بحبها انا مكسوف اوي أنا بقيت بحب اروح الشغل عشانها هيا واشوفها واشوف عينيها
هيا مبتقعدش كتير معايا وكمان بقو يلاحظو كلامنا ف الشغل مع بعض ويرخمو، المهم انا حاسس إني بحبها وفي مشاعر تجاها جوايا مش عارف اقولها ولا اي
وفي حاجه تانيه إنها طلعت مضطربة نفسياً وعندك احتياج عاطفي كبير وده خلاها تخش ف علاقات كتير مع شباب ولما خدت بالي وعرفت الأمر اتضايقت جداً ومبقتش عارف احاول واقولها وبعدين اخطبها ولا هيا متستاهلش انا مش عارف هيا ليه بتكلم شباب من يومها وقلبي بيتقطع وبقيت انام اقوم افكر فيها وسيبت مستقبلي واهملت كليتي انا لسه ف تانيه كليه
ومش شغال وظيفة تدخلي دخل محترم ولا معايا حاجه اتقدم بيها بس مش عارف اعمل اي انا تعبان وبقيت اشرب سجاير تاني بس ده بسبب الخنقة والضغط النفسي اللي عليا من البيت وكده والديون اللي عليا اللي بفكر فيها كتير وتعبت ومبقاش عاجبني حالي وبفكر اموت نفسي وارتاح انا مكسوف اروح اقولها بحبك وهيا شكلها مرتبطه اصلا وحالتها حالة وتعبانه جامد نفسياً وتوكسيك بس حاسس إني ممكن اغيرها
انا بفكر اقعد معاها بعد الشغل واحكيلها ويارب توافق لأن هيا شكلها اصلا هتمشي من الشغل وانا هزعل جداً لو عملت كده بجد
لعرض السؤال في فدني اضغط هنا
اتصرف ازاي في حالة لو الشخص اللي بحبه قالي احنا مضطرين ننتظر 7 سنين لان اهله مش عاوزين قبل التلاتين وبيقولوله كون نفسك وبيقولي لو جالك جد ارفضي ومعني ده اني هدخل في دراما شرقية هدفعها تمنها لوحدي وبيقولي نفضل كده نتكلم بدون ما اهلك يعرفوا لاني مش هرد علي مامتك انا اختارت التضحية والحب عشانه بس واضح مبقاش يحبني بيقولي الشخص بتاع دلوقت غير اللي كان زمان وفسريها لوحدك ومش هيقدر ياثر علي اهله الحجة بتاعته ان اخواته مجوزوش قبل التلاتين وانه لسة فاتح موضوع الجواز معاهم من يومين بس اتصرف ازاي انا بحبه لكن انا مدركة ان كده هخش في تحديات ممكن مكونش قدها قدام اهلي
لعرض السؤال في فدني اضغط هنا
انا عندي 18 سنه معايا زميلي في الجامعه اكبر مني ب 3 سنين هو انا حاسه اني بقيت بحبه طول الوقت بفكر في حتى ف أحلامي مبيسبنيش بس مفيش بينا كلام نظرات بس هو مش مرتبط عامة بس انا مش قادره اعتبره موضوع عادي وان دي نظرات عاديه لاني بشوف ف عينه حاجه بتشدني ليه اوي دي اول مره يحصل معايا كده انا مكنتش بحب فكره الارتباط والحب دي وهي دي مشكلتي دلوقتي اني مكسوفه اوي ادخل اعترف له بحاجه ودايما كنت بكره فكره ان البنت هي اللي تعترف لانه ممكن يشوفني مش كويسه ف انا مش عارفه اعمل اي ولا اتصرف ازاي هو مش عايش ف نفس بلدي واخر سنه ليه معايا ف الجامعه يعني انا خايفه افضل مخبيه ويمشي ومعرفش اشوفه او اوصله تاني وهو حد كويس جدا ومحترم ياريت تفيدوني
لعرض السؤال في فدني اضغط هنا
السلام عليكم
انا محتاجه حل بسرعه علشان لازم اخد قرار انا كنت بحب شخص ومخطوبين بس كان بيخوني دايما وحتي بعد لما اتخطبنا وعملنا قعدات وكدا وكان أسلوبه مش احسن حاجه بس احنا كنا بنحب بعض.
المهم كان كل مره يقولي خلاص والله يحلفلي وكدا ويرجع تاني يبعت مسدج مثلا ل اى واحده المهم من فتره انفصلنا وقعدت كتير قلت كدا كفايه خيانه وأسلوب وحش وكنت أمر بأيام صعبه معاه جدا.
وفعلا خدت قرار وبعدت وحاول يرجع كتير بس أنا مرضيتش، المهم فضل يقنع ف امي لحد لما فضلت تزن عليا واقنعتني اني اجرب وأشوف لو ارتحنا تمام لو لا خلاص واني ارجع ورجعت أكلمه رغم رفضي الشديد اللي كان ف الاول اعتذر ليا كتير وقررنا نكمل كلام ونشوف بعدين هنرتاح ولا اىه.
المهم هو المفروض اخد قرار وانا تعبت الفتره دى وقف جمبي وبيسأل عليا ف تعبي وكدا ف حرفيا مش عارفه أقوله اني عاوزه ابعد ولما قلت وقلت له اني مش واثقه فيه وعاتبته وقالي أن اقسم بالله اتغير وهو حرفيا حياته باظت بعد عن أصحابه وعن كل حاجه وانا بجد مش عارفه اعمل ايه هو صعبان عليا وخايفه اكون بظلمه بس ف نفس الوقت انا مش واثقه فيه وقولتله كدا حتي نظرات أهله ليا هتبقي زفت لان هم عارفين موضوع الخيانه ده وانا قلت لا خلاص مش راجعه وقتها وكدا فحرفيا لو رجعت مش هيبقي ليا كرامه بعد كدا ولا احترام.
ولكن المشكله ان امي تقولي انو شكله اتغير وهو حرفيا بيحاول وحياته كلها بايظه وانا مش عارفه ابعد ولا اقرب خايفه م القرب جدا وف نفس الوقت طيب لو هبعد هبعد ازاى ف الحاله دي بيقولي متسبنيش وبيحلف انو اتغير وكمان كل حاجه باظت ف حياته انا مش عارفه اعمل اى ابعد ازاى ؟ ولا اكمل ولما نتجوز المواضيع دى هتتحل ولا ايه؟ ابعد ولا لا وابعد ازاى اتمني الرد !! انا خايفه ونفس الوقت بقول هو انسان وحرفيا الي انا شايفه إن انسان خلاص جاب آخره علشان يبقي معايا وحرفيا شايفه انو بجد بيحبني المرادي غير بس انا مش عارفه وانا بردو انسانه وبحس
لعرض السؤال في فدني اضغط هنا
ازاي اتخطى تعلقي بشخص خصوصا أنه بقى جزء من يومى معمليش حاجة بس علاقة ملهاش مستقبل
لعرض السؤال في فدني اضغط هنا
ما هي العلاقة السطحية ؟
لعرض السؤال في فدني اضغط هنا
في البداية عايزه احكي مشكله كبيره بمر بيها والي عنده حل ياريت يساعدني بيه لان في امس الحاجه لكدا
زمان كنت اتعرفت على واحد في جروب ع الواتس وحبينا بعض وجت بعد فتره ماما اكتشفت الموضوع ولما اكتشفت ذلتني انا وهو ذل واهانه مفيش زيها بقت عماله تشتري وتبيع فيه وتحطه في مواقف وحشه وخليت اخويا يبعتله رسايل بافظع الشتايم ورغم كل دا هو صبر واستحمل علشاني وكمل معايا رغم كل حاجه حصلت فيه وبعد ما خلص جيش راح اشتغل برا مصر وحوش اول سنه وجه خاطبني وبردو مامتي عاملته بطريقه وحشه وعدم تقدير ليه وبعدين هو سافر وبعت اهله يوم الخطوبه ويلبسوني الشبكه وكدا وماما عملت معاهم موقفين عدم احترام وقله تقدير ليهم وهو لما شاف كل دا قرر انه يسيبني علشان اتاذى من امي جامد وهانته وهانت كرامته وقالي انا عملت كل حاجه علشانك بس عند كرامتي وكرامه اهله كل حاجه تهون وقرر انه يسيبني وانا والله ما ليا ذنب في اي حاجه ولا عمري رضيت ع اي حاجه حصلت وانا اتبهدلت اصلا بسبب ماما واذتني اذى مفيش ام تعمله في بنتها ف مفروض اعمل ايه علشان ميسيبنش لو حد عنده حل يقولي بالله عليكم انا بحبه اوي وهو بيحبني اوي بس هو وجعه زاد اوي
لعرض السؤال في فدني اضغط هنا
انا عندي دلوقتي ١٧ سنه وأنا كنت ف علاقه مع ابن بنت عمي من ٣ اعداي لحد دلوقتي.
جت فترة واهالينا كلهم عرفوا الموضوع وأنا ف ٣ ع وباباه كلم امي وكده لكن امي رفضت لاني كنت في سن صغير جدا وعدت ٣ سنين علي الموضوع بس كنا بنتكلم ونشوف بعض كل فتره مش دايما.
المهم في شهر ٨ اللي فات ده لقيت ستوه الي هيا مرات عمي بتقولي احنا عاوزينك لابن بنتي هما كلهم عارفين القصه من ٣ ع ضحكت وقلت لماما واخويا الكلام معاهم هي ردت ما احنا قولنا لهم وعمي اللي هوه ابوه جه لماما وقالها بس انا مكنتش عارفة.
ولان انا وماما قريبن من بعض ومش بخبي عليها حاجه في الموضوع ده بالذات فسالتها وهي ردت قالت آه، بس اخوكي قال ان لا لسه بدري علي الحوار اللي هوه فاضل سنتين على فكره الارتباط.
المهم رن عليا بعض الحوار ده، انتي لسه بتحبيني انا لسه عاوزك انتي متاكده انهم هيوافقو وقعدنا نتكلم علي فكرة إنه استنى ٣ سنين وهيستنى كمان ٢ اهوه بس يبقى متاكده ان في موافقه لان اتقدم مره ف اعداي ومره ف ثانوي قلت له أنا ضامنه ماما اخويا معرفش لان ممكن يكون شايف او عارف حاجه احنا مش عارفينها.
قفلنا والدنيا كانت جميله وطلب يشوفني وتقابلنا وكده حصل بقا موقف واحنا قاعدين انا فوني كان مع صحابي كلنا قاعدين مع بعض ف بصيت في الساعه بتاعت الفون بتاعه لاقيت بره ضحك وقلوب واسمين لبنات.
إيه ده هات وريني وشد الفون، هوه شده وحلف اني مش مسكاه وأنا سكت إنه حلف قعدت زعلانه وهوه عمال يصالحني ورحت زعلانه، رنين بقا بسال من ده وحده صحبتي وكل كلام الي كنت بقولوه رد حاجه وحده وهيا معنديش رد
معرفش اعدنا ٣ ايام مش بيرد بأي شكل وبلكني يوم ٢٤ /8 رن عليا وقالي حقك عليا انتي زي اختي ومحصلش حاجه بنا قلت ازاي بتهزر صح ولله ابدا من امتا وفي حاجه بينا طب و٣ سنين وعمو الي تكلم هما الي كانوا عاوزين مش انا
طب ازاي احنا كنا بنتكلم وبتقولي انك مستنيني وبتحبني والمكالمه كانت عباره عن كده محصليش ويفكرني بحاجات حصلت زي اني كان شكلي حلو ف الفرح وإني بيحب ضحكتي وكانت مكالمه تعبانه وفي اخرها قالي اخر الاسبوع هكون خطبت وعرفت ان في بنت بيحبها بقالو سنة ونصف واهله مش موافقين وناس قالت لي انهم نفسهم ياخدوني وهو قالي اني ساعة ما أخطب هتلاقيني نزلت وكان مخاصم أهله ومش بيكلمهم عشان خاطرها وكده بس دلوقتي كلمهم.
وأنا معرفش حاجه عن حوار البنت انا بقا ساعتها معملتيش حاجه غبر اني بضحك وصحابي خايفين عليا وكل شويه انتي كويسه وكده المهم من اسبوع بس ادركت الي انا فيه وعادت عيط مش على شخص على فكره وتوجعت اوي لما عرفت حوار سنه ونص ده وعماله كل يوم اعيط وبفكر ابعت له مسدج أقول له فيه اني مش مسامحاه وفي حبه من صحابي بيقولو هوه عمل كده عشان تركزي ف مذاكرتك وإنه لسه عاوني وفي ناس بتقول لا هو مش عاوزك ونا مش عارفه اعمل ايه ف لو سمحت لو في حل حته للنسيان وللوجع الي انا فيه ده يا ريت تبعتو 💖💖
لعرض السؤال في فدني اضغط هنا
السلام عليكم
اتمنى ان تفيدوني القصة انني اعرف شاب منذ سنه وهو يعلم عني كل شيء طلب مني مره ان نتقابل وذهبت معه وثاني مره كانت إلى منزله وانا لا أعلم في وقتها كيف ذهبت ولكن من بعدها حصلت مواقف لم تعجبني منه ومن بعدها بدأت في الإبتعاد بتجاهل رسائله والان كنت اكلمه وكنت اتكلم عن جريمة حصلت وانا خائفه لأنني رأيت صور الجريمه وهكذا واصبحت اخاف من لجميع وهو أخبرني متى سوف نلتقي وانتي تهمليني جدآ انا احبك ولكن انتي هكذا وهكذا وهناك حساب فتاة يقال انها قرايبته لم اسمع صوتها الا مرتين وبدأت أشك واخر شيء تقول انها متزوجه لا تستطيع أن تسمع صوتها حتى لو لصديقتها زوجها لا يقبل هكذا تقول لي لم اقتنع جدآ ولكن لا أعلم قال لي اني رأيتني مع فتاة أخرى لاتقولي عني خائن وانا تضايقت لا اريد ان ادعه ولكن ليس هناك شيء رسمي وانا اخاف كان يقول دائما يريد خطبتي ولكن الآن لا أعلم هو فقط يقول انك اهملتني لم أعد أعلم ان كنت يمكنني أن اطلبك لم أعد اريد شيء ماذا أفعل افيدوني هل اصدقه ام لا ماذا أفعل ارجوكم جاوبو بأقرب وقت جزاكم الله خيرآ ملاحظه انا عمري ١٩ عامآ
لعرض السؤال في فدني اضغط هنا
السلام عليكم
في واحد كان بيحبني بس اكتشفت ان مفهوش الصفات الي بدور عليها كان كئيب. شايف الدنيا سودا ومش حلوة وشايف اننا مينفعش نعيش عشان الدنيا وحشة والناس كلها جاية عليه وهكذا فرفضته هو بقى عمال يحاول معايا كتير كل فترة يكلمني عشان ييجي يتقدملي ويقسم لي انه اتغير ويقولي التغيير اللي عايزاه قوليلي عليه واعمله هكون زي ما بتتمني وانا بصده ومش بديه فرصة ولا بحاول بس هو مُصر وبيحاول كتير معايا اعمل اي
لعرض السؤال في فدني اضغط هنا
في بنت بحبها فحاولت اوصلها لمده ٦شهور لحد ما جبت رقمها وعرفت اكلمها وطلعت مبادلاني نفس الشعور وبتحبني كمان فارتبطنا وكنا بنحب بعضنا قوي ولا يمكن ندخل حد في مشاكلنا وفي حياتنا لاننا مؤمنين انو دا هيبوظ كل حاجة.
فالمهم زادت المشاكل ما بينا كل شويه و بنبعد كل شويه ونرجع مع اني بحبهاا جدا مؤمن انو دي مش نهايتنا فهي بتبيعني كتير وهي معايا مبقيتش تقولي كلام زمان ولا نفس شعور زمان بس انا حبي ليها بيزيد اكتر واكتر فلما قلت اني اتوب لربنا وارجع لعقلي طلعت انا الوحش وانا المؤذي فرجعت عادي.
وحاليا انا متعلق بيها لدرجه كبيره جدا وهي شايفاني اني بضحك عليها و بمثل عليها وكدا فأنا مش عارف انساها وهي حاليا معايا وبكلمها كل يوم بس انا مدمنها لدرجه كبيره وبحبها بس كل ما انساها افتكرها وارجع لها واضطر اني اعتزر لها وهي بتسامحني بس واحنا مع بعض مبعرفش اذاكر كويس وانا في ثانويه عامه فلازم اذاكر بس لما متكلمش معاها قلبي بيتأذي وبفضل احلم بيها كتير واضطر ارجعلها وماشيين على دا الحال
لعرض السؤال في فدني اضغط هنا
انا عمري 17سنة من فترة دخلت في علاقة مع ولد نفس سني وانا عارفة انها علاقة محرمة لكن مكنتش اعرف حاجه ولا كنت تبت لله سبحانه وتعالي وهو انسان مهذب جدا ومتدين حبينا بعض ولكن هو سابني ارضاء لله عز وجل وانا بدعي ان ربنا يرزقه بخير مني لكن كل يوم ببكي وأحيانا بوصل لحالة من التعب الجسدي والنفسي كل يوم اعيط وافتكر ذكريات بيننا حاولت ابطل تفكير وادعي ربنا واقول يارب شيله من تفكيري طالما مفيش بيننا نصيب لكن مش قادرة حاسه ان حياتي توقفت من يوم ما سابني مش عارفة اذاكر مع اني في تالتة ثانوي لكن انا مش عارفه اتخطاه بسبب حبي الكبير ليه فابتمني ان اي حد يساعدني ازاي ابطل تفكير وازاي ابقي كويسة نفسيا وازاي أوقف الحب اللي لسا مستمر مع انه مش موجود
والسلام عليكم
لعرض السؤال في فدني اضغط هنا
لعرض جميع الاسئلة في فدني اضغط هنا