أنا متزوجة و غضبانه و ف بيت اهلي .... و كنت تعبانه و زوجي رفض اني اطلب منه اي نوع ماديات أو أنه ييجي معايا عند دكتور .. و كان فيه حوارات كتير قبلها و ماديا بخيل جدا اخر فتره حتي ع بيته و انا مش معايا منه ولاد .... و من بعد سنه من جوازي اكتشفت أن والدته بتعمل سحر ليه و حاجات غريبة جدا. ..... و بدائت احاول اتخطي كل اللي بتعمله و حاولت افكك و كانت عامله ليا بالمرض ف لفتره الأخيرة عملت ليه أنه مش يطيق يشوفني خالص لدرجه اني حصل مناوشاات و حصل مد ايد .... عنده أهله و أمه و اخواته و نفسه و خروجاته و فسح كل دول الاول و انا لا في حين اني مقصررت معاه ف حاجه و يوميا الاكل بينزل ل والدته ... ع حسب رغبته و دي 4 مره اغضب ... غير كده اخر فتره مكنش فيه احساس بيا خالص وتعبت و اتبهدلت عند الدكاترة و كان هيحصلي جلطه و كان عندي مشاكل ف العصب السابع ... و لما طلبت منه ييجي معايا عند الدكتور رفض ... و مشيت و جيت بيت اهلي و من ساعتها ي بيبع ليا اخواته البنات ي اخوه بيتواصل مع اي حد من اهلي و هو مبيتكلمش الا لما بيعيب ف فيا و عصبيه و صوتها ف حين أنا مكنتش بحب أن حد يتدخل ف حياتنا بس هو اضطرني لما بدائت اشتكي و يتجاهل شكوايا ... و بقيت احس اني خدامه ف بيته مفيش من ناحيه ليا مشاعر و لا اي حاااجه ........ و لما روحت بيت اهلي مفكرش يسأل عليا و دائما عايز حياه فيها أنا غلطانه أو هو اللي غلطان دائما أنا اللي اعتذر و دائما أنا بكون رد فعل ليه ....بيزعل من كوني رد فعل .. ؟؟؟ و ديما مش بيشوف نفسه غلطان و أمه السبب ف كده .....
عايزاه تدوس عليا و خلاص ع حساب ابنها....
حرفيا .... أنا تعبت من حياه زي كده و نفسيتي بقت زفت جداا و ضغطي بيغلي مش بيوطاا و نسبه الجلطات عندي عاليه جدا ممكن ف عرضه ل اي حاجه تحصلي ....
مع العلم أنه مش ليقبل اي كلمه ع أمه أو اخواته أن ممكن يكون حد بياذية ..... و هي تفصيله عننا بيحكيها ل أمه...... و ف الفتره دي بقالي 40 يوم ف بيت اهلي من غير فلوس و لا لبس ليا و لا اي حاجه ..... مع العلم أنه ليخرج و بيروح و بيجي و من يوم ما جيت عند اهلي قعدت كام يوم و قفلت موبايلي خالص عشان احسسسه اني زعلت و أنه أهمل معايا و انا مقصرتش معاه ... و انا لما حبيت اخرج و اروح فرح نزلت استوري للفرح و انا مكنتش فيها راح عملي بلوك ..... حقيقي أنا اتدمرت عشان من حبي فيه كنت دائما باجي ع نفسي عشان أراضيه و زعلانه جدا ع نفسي لدرجه اني لما وقعت محدش ب ايديا و قالي أنا جمبك....... و جوازنا كان عن حب .... رجاء الحل ....
و هل فكره الطلاق ممكن تكون حل ....
هل دا بني ادم باقي ع مراته .......
أنا حقيقي تايهه جدا و تعبانة جدا
لعرض السؤال في فدني اضغط هنا
انا تعرضت الخيانة من طرف زوجي ...ماقدرتش اتطلق لاني بدون دخل و أهلي يرفضون أنه بناتهم يتطلقو.....الخيانة كانت مكالمات صوتية مع نساء
لعرض السؤال في فدني اضغط هنا
السلام عليكم ورحمة الله وبركاته
أنا شاب، أشرف على الدخول في مرحلة الثلاثينات...... درست و عملت مدة 5 سنوات بعد التخرج..... و الحمد لله وضعيتي المادية متوسطة ولكن مستقرة.
مشكلتي أنني أود الزواج و لكني متردد بحكم غلاء الكراء و غلاء المعيشة و هذا الشيء مخوفني جدا......
و هذا ما دفعني للبحث عن امرأة عاملة لتساعدني على تحمل هذه المسؤولية و لنوفر معا حياة كريمة لأنفسنا و لأولادنا.
المشكلة أن هذه الفكرة مرفوضة تماما في مجتمعاتنا العربية و بالخصوص في الجزائر، البلد الذي أعيش فيه.....
و هذا الأمر عقدني بحكم أنني حاولت عدة مرات، و كل مرة أرى نفس الرد و كأن النساء كلهم متفقين على رأي واحد " المسؤولية الكاملة للرجل" و حتى لو عملت المرأة فلن تساعد الرجل ماديا!!!! و بهذا أصبحت أرى المرأة مخلوقا استغلاليا ماديا لا يريد الا مصلحته الشخصية.
أفيدوني، أين المشكله؟ هل في أنا؟ أم في النساء؟ أم في الأوضاع الإقتصادية التي جعلتنا نفكر هكذا؟ و ما السبيل لحل هذه المعضلة التي لازمتني لسنوات، حتى أصبحت أفكر للهجرة لغرض الزواج و الإستقرار بعيدا عن عقلية النساء الاستغلالية و الأوضاع الإقتصادية الصعبة التي تعيشها مجتمعاتنا العربية.
لعرض السؤال في فدني اضغط هنا
انا قاعده في بيت عيله ودايما في مشاكل انا وحماتي وكل ما اقول لجوزي يقولي معلش استحملي ولما يقولها انتي عملتي كدا ليه تعيط علي طوال معملتش يا بني والله ما حصل مع العلم ان معنديش سلايف ولا حاجه يعني مرات ابنها الواحيد علي 3 بنات ومجوزين بس حماتي معرفاهم كل حاجه ف البيت لو حد كح بيكونوا عرفين وبيجوا قدامنا ولا كانهم يعرفوا حاجه.فأنا عايزه حل يخليني اقعد لوحدي اتعزل علشان معتش قادره والله من الزهق دا كل يوم كدا وهو طريقه كلامه اللي هو ميقدرش يبعد عن ابوه وامه اعمل اي ياريت حد يفدني
انا كل ما اقول لجوزي حاجه رافض الكلام ولو زعلان او في حاجه يقولي اسالي نفسك انتي مش عارفه يعني انتي عارفه انتي عملتي اي اعمل اي وزهقت جدا من البيت واللي فيه من ناحيه هو ومن ناحيه امه واخواته معتش عارفه ليهم حاجه
لعرض السؤال في فدني اضغط هنا
انا مخنوقه اوي كنت مرتبطه مره وخلصنا تخطيت وشوفت اني عملت حاجه حرام وتمام فقت من دا بس طبعا الموضوع اثر عليا بالذات اني كنت متعقده بسبب علاقتي ببابا وكدا المهم اتقدملي حد فيه عيوب وفيه مميزات وخلاص قعدت معاه وقولت اتخطب انا نفسي اتعوض المهم اتكلمنا ف الموبايل بحيث نتعرف وكدا عشان ف خطوبتنا اللي هي بالفعل قربت منكونش اغراب اتكلمنا وخدنا ع بعض كدا وحسيت ان خلاص قلبي هيتعوض
المهم فجاه لقيته بيقولي لا طبعا انتي ست وانا راجل وحاجات كدا فطبعا اتخانقنا سوا ومبنتكلمش بابا قال هيجيبوا هو وابوه ويشوف الدنيا عشان لو كدا نفضها سيره قبل ما نتخطب
مع اني انا عزمت الناس🙂
طب ليه ظهر انا كنت عايشه تمام و راضيه بس مكنتش عاوزه قلبي يتوجع مبقتش قادره والله تعبت اووووووي والله حاسه اني بتمني الموت نفسي اتعوض تعبت اوي طب جه ليه ربنا قال انه مش هيحملنا اكبر من طاقتنا بس والله انا تعبت اوي استغفر الله يارب
كمان انا روحت لدكتور نفسي من فتره سيشن واحد
بس لما هو ظهر قولت خلاص يمكن يعوضني ومحتاجش لدكتور بالذات اني معيش فلوس كتير والدكاتره غاليين اوي الدكتور كتبلي علي serlift ساعتها ملقتوش وخدت serpass بديل ليه وكمان كتبلي علي Amipride مشيت عليهم يجي اسبوع ووقفت و مروحتش هل انا غلطت فدا وكان لازم اكمل العلاج والجلسات!!!
لعرض السؤال في فدني اضغط هنا
مقهورة وقلبي واجعني و انا شايفة كل اللي في سني و جيراني و صحابي وزمايلي كلهم اتخطبو وانا لسه و بحب واحد جدا لكنه لسه متقدمش و قسما بالله انا مش وحشة ولا بحقد علي حد بس زعلانة لاني نفسي افرح زيهم نفسي اكون مع اللي بحبه بشكل رسمي و هو بني ادم محترم اوي و مأجل غصب عنه فعلا مش كدب والله لكني تعبت من الانتظار و موجوعة اوي نفسي البس دبلته و نفسي افرح زي اي بنت
لعرض السؤال في فدني اضغط هنا
أنا متجوزه بقالى سنه جوزى قبل الجوز كان حاجه ودلوقتي حاجه تانيه كل ميحصل مشكل بينه البيت كله يعرفه هو امه ميته ومرات عمه إلى مربيه بس مدخلة في كل حاجه في حياتنا حتى في لبسى بتدخل فيه... من اسبوع رحت لأهلي وجوز سالنى هتروحى بإيه قلتله بى دريس عادى رحت لأهلي رنت عليه قالتله مراتك وهى ماشيه حاطه مكياج ولابسه ضيق رن عليه واتعاركنا وقعدت غضبانة اسبوع رجعت بعد الاسبوع اتغير اكتر واكتر معايا وعشان قلتله أنا مش عايز حد يدخل في لبسى غيرك راح قالهم في البيت دا مش عجبه وكمان بتتشرط عليه ويقولى ويقولى لم تعوزى حاجه العلاج ليكى متطلبيش منى حاجه اطلبي من عمتى مع العلم ان حامل في الشهر الخامس مبقتش عارفه اعمل ايه ونفسيتي زى الزفت وبتسوء اكتر ومبقتش اطيق اتكلم معه حد يفدنى اعمل أى 😓
لعرض السؤال في فدني اضغط هنا
معجب بوحده معايا في الشغل وحاسسها المناسبة لي ..بس الفكره اني من قريه وهي تعتبر عيشتها كلها مدن وكدا هي طيبه كويسه حاجه جميله ملتزمه بالصلاه الخ الخ( حاليا عايش في اكتوبر للشغل ) ...
ولكن متردد اتقدملها للاسباب دي:
-- هي عايشه في زايد حاليا فحاسس ان هيبقي فيه فرق مادي.!
-- مقلق من الاختلاط هي اه في نطاق الشغل بس لما تضحك وسط العمال الخ الخ انا بشيط ..
-- فكره السكن عندي شقه في بلدي بس مش في اكتوبر هنا وغالبا مش هتقبل تعيش في ارياف بعد ما قعدت عمرها كله مدن يعني صعبه اوي ...وعشان اقدم علي شقق اسكان هياخد وقت وفلوس اللي هتقدم بيها اصلا ده غير المشاكل العائلية ( انا وحيد فاهلي عاوزني ابقي معاهم في البلد طبيعي )
-- فكره انها تشتغل تمام بس فكره ان مدير يزعقلها الخ الخ هتبقي بتوجع اوي
رايكم اعمل ايه انا مش عارف بصراحه متردد اوي
لعرض السؤال في فدني اضغط هنا
انا متجوزه من ٤ اشهر وكانو الاهل متفقين ان انا هعيش مع مع حماتي ولكن بعد جوازي فضلت في شقتي ومنزلتلهاش
وكلنا اتعودنا علي كدا
دلوقتي جوزي اتكلم معايا ان احنا ننزل ناكل ونطبخ كلنا سوا ونقعد معاهم ..اعمل الغدا تحت واتغدا معاهم وبعد كدا نطلع شقتنا بس انا مش حابة كدا وعاوزه طريقه اقوله بيها اني مش هعرف اعمل كدا لان مامته شديده وانا مبعرفش اتعامل معاها
لعرض السؤال في فدني اضغط هنا
انا ندمانة جدا ومخنوقة ومحتاجة افضفض لأني مش قادرة احكي ده لأي حد في حياتي انا عندى 23 سنه وانا 19 ف اولي جامعة قابلت زميل ليا وحبينا بعض جدا وهو انسان محترم وطيب وراجل وبيحبني جدا جدا وعشان كده صمم انه يتقدملي ونكون مع بعض بشكل رسمي لأنه مش حابب يكون شكلنا مجرد اتنين ماشيين مع بعض او اى شيء يضر سمعتي قدام زمايلنا فبعد سنه اتقدملي وكان صريح جدا مع اهلي بكل ظروفه هو عنده شقه تمليك لكن مش متوضبة وكان بيشتغل في مكان ما ومرتبه يعني كويس كمرتب مؤقت لحد ما يتخرج الاول اهلي اعتراضهم علي صغر سنه وانى كده هستناه كتير وانه قدامه كتير جدا علي ما يكون نفسه وأهله كمان اعترضو ومحبوش طريقة الخطوبة بالشكل ده لكن مع الاسف ضغطنا عليهم ووافقوا لأن كان كل همنا نكون مع بعض بشكل رسمي عدت السنين واتخرجنا وكان واثق انه هياخد إعفاء من الجيش عشان اصابه ف رجله ولسوء الحظ محدش اعفاء ودخل الجيش ودلوقتي فاضله شهرين ويخلص المشكلة بقا انه للأسف الشديد مقدرش يخلص غير نص الشقة بس ولسه فاضله توضيب اكتر من نصها + الفرش والفرح وهكذا ومحدش من أهله هيساعده لأنهم علي قد حالهم جدا وظروفهم مش احسن حاجه فهو بطوله وبيصرف علي نفسه من زمان وصرف كتير جدا اثناء فترة الجيش لأن طبعا مفيش شغل أثناء الجيش المهم احنا دلوقتي بقالنا 3 سنين ونص مخطوبين والكلام كتر حوالينا عن هنتجوز امتي وكلام ناس وحش وخنقني وانا كمان تعبت من ضيق الحال ونظمت انى وافقت نتخطب بالشكل ده والظروف دي ضغطنا نفسنا ومفيش حلول دلوقتي قدامنا نهائي غير اننا لسه هننتظر تاني مش اقل من سنتين تاني وطبعا دى فترة كبيرة جدا ومحدش عندي بقا متقبل الوضع كده ومش لاقيين جمعيات تكفي كل المصاريف اللي هنحتاجها وهو من كتر الضغط بقا حزين ومكتئب طول الوقت وانا كمان ومش لاقيين حل كنا بنقول لو مكانش دخل الجيش كان زمان السنه دى خلصنا خلالها ع الأقل الشقة لكن اللهم لا اعتراض ربنا كان عايز كده بس انا تعبت جدا جدا ونفسيتي بقت صفر ومبقيناش عارفين نتعامل مع بعض وكل حاجه متعسرة قدامنا ومفيش حد هيساعدنا ، بابا عرض انه يجيبله قرض وهو يسدده لكن للأسف برضو مش لاقيين قرض مناسب وف نفس الوقت مش حابه ان المساعده والتحرك يكون من اهلي لأن أول مرة لما قبلنا نتخطب كده اهله استقلوا بينا وفكروهم عايزين يخطبوني وخلاص وكان والدته بتتكلم عننا وحش ان ازاى قبلنا بطالب كده لا وراه ولا قدامه غير حته شقة ومش متوضبة كمان بس اهلي ملهمش ذنب انا اهلي ناس مش ماديين وشافوه انسان جد وداخل البيت من بابه وشاريني وبنحب بعض قالو مش مهم يكونو قدامنا ف النور احسن ومكناس نعرف ان الدنيا هتخبط معانا كده مع العلم انه والله عمل كل الي عليه وزيادة وطول فترة الخطوبة مقصرش ف اى حاجه وكان مموت نفسه شغل ودراسة وده كل الي قدر عليه انا مش طالبه حلول بس نفسي ارتاح من الهم والتفكير ده ندمانة اوى وبقول ياريتني م كنت اتخطبتله وجوايا حزن كبير اوى علي نفسي وعليه وهو مفيش بايده حاجه تاني
لعرض السؤال في فدني اضغط هنا
السلام عليكم ورحمة الله وبركاته
أنا شاب في الثامنة والعشرين من عمري، أسعى جاهداً لنيل رضا ربي والالتزام بسنة رسوله صلى الله عليه وسلم.
خلال فترة إقامتي في بلادي، كانت لدي رغبة في الزواج، وقد وفقني الله الى فتاة احسبها ذات خلق ودين، وكان عندي النية لاتقدم اليها. لكنني واجهت ولا زلت أواجه صعوبات في العثور على وظيفة مناسبة تعينني على الزواج.
بعد اندلاع الحرب في بلادي، اضطررت للهجرة إلى مصر بحثاً عن فرص أفضل. وخلال فترة وجودي هنا، أعجبت بفتاة مصرية تسكن معي في نفس العمارة. الفتاة هادئة ومحترمة ومن أسرة بسيطة واجد نفسي منجذبا اليها حتى انني افكر في طلب يدها، لكنني لا أعرف عنها الكثير ولم أتحدث معها بعد، بل أراها فقط، وانا الآن في حيرة من أمري، اذ لم تكن هذه المشاعر متوقعة بالنسبة لي بعد ان عزمت على الفتاة الاولى، فكيف تنصحونني في هذه الحالة؟ علماً أن أهلي ليسوا في مصر وهي من جنسية أخرى؟
لعرض السؤال في فدني اضغط هنا
محتاجه ال يساعدني ف مشكلتي هل من مساعد؟
كنت عايزه احكي مشكلتي لان مش قادره اتخطي ال انا فيه 😥💔💔💔💔
انا كنت مخطوبه صالونات بقالي 7 شهور وانا تعليم عالي وخاتمه القران وخطيبي تعليم متوسط وبيسافر الامارات بس محستش بفرق خالص وحبينا بعض وكنا متفاهمين جدا وكاننا نعرف بعض من زمان قعد معايا 10 ايام بس بعد الخطوبه وسافر والتواصل كان مكالمات صوت وفديو وكنا بتكلم كتير كان بيكلمني قبل الشغل يتطمن عليا وبعد الشغل وقبل ماينام وكنا نحكي يومنا لبعض ولو اي مشكله قابلته كان بيحكي لي ونفكر فيها سوا وانا برده كدا ف شغلي انا اخصائيه تخاطب وبحفظ قران طول الوقت حلوين مع بعض ولو حصل خلاف بنتصالح ع طول عمرنا ماتخاصمنا ولا ادينا فرصه للشيطان يوقع بينا كان اللي يزعل التاني يصالحه ع طول هو والده متوفي وعنده مامته و3 اخوات بنات واخ متجوز ومسافر برده وفي يوم وهما جاين زياره تعتبر اول زياره لهم بعد ماهو سافر مامته واخواته ومرات اخوه كانت القعده كويسه جدا وهما مروحين ماما قالت خدو ارقام بعض واتصاحبو وكدا لقيت والده خطيبي واخته الكبيره بيقولولي لا هيا اللي تاخد ارقامنا وتتصل بينا المهم مشو من غير ماناخد ارقام بعض زعلت اللي هو انتو اهل العريس وانا اول مره اقعد معاكم ومستنيين انا اللي اخد ارقامهم كلهم واتصل عليهم انا معنديش مشكله بس ابدأوا انتو علشان احس بكرامتي وبعد كدا انا مش هاقصر على العموم فضلوا طول فترة الخطوبه مايتصلوش عليا ولا يزروني ومامته كل اما اتصل عليها واكلمها تقولي اتصلي ع بناتي خطيبي زعل وقالي متكلميش حد هما اللي يكلموكي الاول ويسالو عليكي يجي عيد ميعيدوش عليا ولا يسألوا خالص وقلت عادي مش هاخلي الموضوع دا اللي يخرب عليا لان بحب خطيبي وكل اما والدته تكلمني تقولي كلام يزعلني يعني في مره بتصل اتطمن عليها لقيتها في نص الكلام بتقولي انا ابني مفيش فيه ولا غلطه اما نشوف انتي بقى دا الناس طالعه بيكي السما اما نشوف وجعتني بكلامها وقلت فوتي علشان خطيبك كانت بتقولي عايزينك تيجي في اليوم اللي بناتي بيجو فيه وتقضي يوم معاهم ف الاول كنت محروجه ولما قالتلي تاني قولتلها موافقه مفيش مشكله ومن بعدها معدتش قالت خالص تعالي واليوم اللي اهلي يروحو لها زياره تحدد لنا اليوم اللي نزورها فيه اللي هو اليوم بتاع بناتها لحد قبل مانفركش باسبوعين كدا لقيت أخت خطيبي الكبيره بتقول ان فيه ناس بيقولوا لها ان انا عايزه اتقسم وان انا هارمي مامته واخواته دول وان انا متكبره وتنكه وشايفه نفسي ولقيت خطيبي بيكلمني بيقولوي فيه واحده بتقول لاختي كذا كذا ورحي لها وشوفي دي مين اللي قالت عليكي وقالت كدا ليه قولتله تمام هاروح ولما روحت لاخته لقيت مقابلتها وحشه وكلامها صعب اخته دي عندها 43 سنه وانا عندي 25 ولما كنا زعلانين بسبب المكالمات فماما قالت لها ان انا زي بنتها زعلت وقالتلي وانا عندها ف البيت انتي زي بنتي ازاي انا صغيره انا اختك الكبيره وطريقه وحشه جدا هيا بتكلمني روحت معيطه وخطيبي زعل منها والموضوع عدي بس مامره من بعد اليوم صالحتني وقالتلي حقك عليا وف نفس المكالمه لقيت سلفتي بتكلمني ع المطبخ وتقولي هاتي حاجات من النضيفه هاتنفعك وهاتي مفروشات من النضيفه ولقيت مامته برده بعدها بكام يوم تكلمني تقولي انتو هاتعملو مطبخ خشب والا المونتال قولتلها مش عارفه لقيتها بتقولي اعملي الومتال لان الخشب بيجيب صراصير واطلبي كدا من ابوكي البنات كلها بتتطلب سكت وبعدها كل مكالمه تقولي نفس الكلام قولتلها اطلبي من بابا اللي انتي عايزاه انا عمري ماهاقول لبابا حاجه انا مالي لقيتها كلمت خطيبي وقالتله ان انا بزعق لها وبكلمها وحش وبعدها بعتو لنا كل شي نصيب ولقيت خطيبي بيكلمني وفضل يعيط وانا اعيط وقولتله طب نرجع قالي خلاص مبقاش ينفع ولما كلمته بعدها بكام يوم لان مكنتش قادره نبعد واقوله نرجع لقيت طريقته اتغيرت خالص وبدا يجرح فيا ويقولي ان انا صعبه وعندية وان انا منفعش زوجه وام وكلام كله يوجع وبعدها برده رجع يقولي انا بقولك كدا علشان تكرهيني 💔
لعرض السؤال في فدني اضغط هنا
لينا شهرين من الجواز وكل مره تحصل مشكله مش عجباني طباعها ودايما تقلب المشكله في صالحها وتغلطني انا
وتحوير ولف ودوران
انا محتار ومش عارف اعمل ايه ومش عايز اخسر لو خدت قرار صعب
حد يفيدني بحل ينفع الطرفين
لعرض السؤال في فدني اضغط هنا
عايزه نصايح عن تجارب لفتره الفرح خصوصا انى بجد نفسيتى مش كويسه خالص الفتره دى وبيحصل مشاكل كتير لدرجه كنت هفك الخطوبه خالص
وحاسه أن عندى ضغط نفسي اوڤر وبضايق من اقل حاجه سواء ع عفش أو اى حاجة بجد انا ف حاجه وحشه خالص ف ياريت لو حد عنده نصيحه تهدينى وتنفعنى اكون شاكره ليه جدااا 🤍.
لعرض السؤال في فدني اضغط هنا
لو سمحتو أنا معيد بالجامعة وكنت بحب واحدة ووعدتها اني أجيلها بالفعل كلمت أبوها أبوها بعدها بأسبوع قالي كل شئ نصيب ولما اتكلمت عرفت ان باباها مستقللني وبيقول انه بادئ حياته، عشان بنته في الشرطه هل هو عنده حق مع اننا بنحب بعض
لعرض السؤال في فدني اضغط هنا
لماذا لا يتقدم لي الخطّاب هذا الموضوع يؤذيني نفسيًا، احس اني فيني شي ناقص و انا لا اعرفه انا بلغت من العمر 28 عامًا، بينما أرى أن معظم الفتيات يأتيهنّ الخطّاب بانتظام؟ أنا محافظة على صلواتي، ملتزمة بالاستغفار، وأتمسك بالتعاليم الدينية بجدية، فما هي المشكلة؟
لعرض السؤال في فدني اضغط هنا
جوزي من فتره كان شغال في البلد مع والده وقبل ما اتخطب له قلت له يروح يشتغل في شرم عشان يبقى له مرتب ثابت ويغير مكان لانه كان زهق من مكان تحت ما كانش في تقدير فقلت له يسافر بالفعل سافر وجاب ثلاث سنين في فندق وكانت المعامله مش احسن حاجه بس كان بيستحمل ويصبر والاكل برده ما كانش احسن حاجه ولا المرتب صبر ثلاث سنين وبعد كده ربنا رزقه في فندق جديد والنفسيه ارتاحت والاكل نضيف بس الشغل ياما وفلوس كويسه بس جه اخوه في فندق ثاني قديم عايز ياخده معاه هناك وانا مش موافقه لان انا مش برتاح لأخوه ومش لاقية اي سبب اللي انا اوضحه له غير ان هو شايف ان انا مش بحب اخوه ومش عايزه اخليه يروح هناك وانا بالفعل مش عايزاه يروح هناك بس انا عايزة انصحه بطريقه كويسه ان هو يسمع لي وان هو يفضل في الفندق اللي هو فيه وما يروحش مع اخوه لان انا حاسه ان اخوه عايز يوقعه في اي حاجه وكمان مراته مش كويسه وهي اللي بتسيطر عليه فارجوكم قولولي ازاي افتح حوار معاه ان هو ما يسيبش الشغل ده ويفضل فيه لان بجد انا شلت القرف معاه قوي في اول شغلانه وكان مطلع عيني وعلى طول كان بيتعذر لي بالشغل ده فانا مش عايزه ابدا تاني في الحوار ده و اللي هو بقى كويس نفسيته بقيت كويسه فانصحوني بجد وشكرا
لعرض السؤال في فدني اضغط هنا
زوجي غير واضح ابدا، دائما اشعر بكرهه لي وانتقاصه مني او من اهلي يعاملني برسمية لدرجة انه يخاف ان يخبرني مشاكل عند اهله او اصدقائه او ربما حتي جيرانهم
يتعامل وكاني غريبه عنه وبرغم من كده يستمسك. بي جدا عند الخلاف
اهلي مستواهم افضل لكن هل هذا سبب ليخلق الفجوه بينا
نصيحتكم كيف اتعامل معه
لعرض السؤال في فدني اضغط هنا
انا وخطيبى داخلين ع سنتين خطوبة هو اشترى شقة ف القاهره بس لسه محتاجه تشطيب ف هو الشايل مسؤلية نفسه بعد ما اهله جابولة الشقة مع العلم هو بقاله سنه متخرج بس انا وهو خرجين صيدلة ، بس لسه ظروف مش سامحه انه يبدأ ف الشقة لحد دلوقتى جمع ٨٠ الف للتشطيب فقط ف ماما قالتلى لو هو حابب ياخد شبكه تساعده ف التجهيز ويعوضها بعد كدا اول يكتبها ف قايمه مفيش مشكله ف انا عرضت عليه رفض واتخانق معايا وقالى انا مش جاهز شوفى حد غيرى وقالى غورى من وشي انى بقوله كدا !
بقاله ٣ ايام مش بيتكلم ولا بيبعت هو انا اجرمت انى عرضت عليه يعنى ول اى مش فاهمه 🥲
لعرض السؤال في فدني اضغط هنا
انا عندي 22 سنه اتعرفت على بنت بس أهلها واهلي مكنوش يعرفو بعد فتره اكتر من 6 شهور كدا مثلا ولدتها عرفت وطلبت أنها تكلمني وانا مقصرتش وكلمتها وقلتلها أن انا لسه قدامي فتره أن اقدر اجي اتقدم وكدا لأن انا في الواقع معنديش ولا شقه ولا عندي اي حاجه هقدر احوش ازاي 300 الف اقل واجب لو هجيب شقه ف حته معفنه حتي
المهم والدتها قلتلي ماشي هكلمك تاني بس مكلمتنيش تاني ولا حاجه وقالت لبنتها اعمليلو بلوك طبعآ البنت جت حكتلي ومعملتش بلوك وانا معرفتش الاقي حل وخدت رقم ولدها أن أكلمه بس معرفش هكلمه اقله اي بصراحه فرجعت ف كلامي وفعلا قللت معاها كلام مع انها كانت بتحبني وانا مكنتش عايز احطها في مشاكل مع اهلها أو اخلي شكلها وحش لان احنا مش عيال صغيره المهم بقا ممكن تكلمني كل فين وفين ارد عليا وحش كدا يعني وتخانقت انا وهي وعملت بلوك بسبب أن بكلمها وحش جت بعد فتره من قريب دخلت كلمتني وشالت البلوك وقالتلي أن جيلها عريس وبتاخد رأيي تعمل اي بس مجبتش سيره أنها بتطلب مني مثلا أن انا اتقدم أو اي حاجه كانت بتكلمني في تفاهات زى البس اي وكدا وطبعا قلتلها معرفش براحتك بعد ما جه العريس لقتها بعتهالي بتقولي ابويا هيغيرلي الخطوط وعملت بلوك
انا افتكرت أنها رفضت العريس فأبوها زعل ف عمل كدا
بعدها بيومين تلاته دخلت على اكونت الفيس بتعها لقتها منزله صور الخطوبه وأنها اتخطبت دخلت كلمتها ومفهمتش منها حاجه بصراحه بس هي بتقول انها شبه زعلانه شويه وبتقول أنهم وافقوا عليه وبعد كدا خدو رأيها في الاخر خالص..... انا كنت بعيد عنها بس كنت بقول اللي ربنا رايده هيكون ويا عالم انا هشتغل ويمكن ظروفي تتبدل وبعد كدا اقدر اتقدملها مثلا ولا حاجه... مكنتش مدي احتمال أنها تتخطب بالسرعه دى خالص😂
وبصراحه مش عارف اعمل إيه إي المفروض اعمله انسحب والخيرة فيما اختاره الله ولا اسألها انتى عايزاني ولا لا ولو قالت اه اكلم ابوها
طب لو كلمت ابوها أقول له إيه وانا يعتبر محلتيش حاجه انا حتي معيش أن انا اجبلها شبكه حتي
وعارف أن انا لو قلت لاهلي برضو مش هيساعدوني بحاجه لان انا شايف الظروف ماشيه ازاي
انا شغلي بجيب منه 3000جنيه في الشهر يعنى عشان احوش تمن شقه ولا تمن شبكه محتاج سنين
محتاج حد يقولي اعمل اي وتصرف ازاي
لعرض السؤال في فدني اضغط هنا
انا متجوزه بقى لي سنه وشهرين وانا عندي 20 سنه وكنا بنحب بعض انا وجوزي وفجأه بعد الجواز كل حاجه اتغيرت... بقى يتريق عليا وعلى وضع جسمي كنت قبل الفرح كنت انا اللي بعمل كل حاجه ما كنتش تخينه قوي كنت وزني 65 كيلو بعد ما نزلت ال 50 طبعا باين على جسمي فقعد يتريق عليا ومن بعدها ما بقتش احس اللي هو بيحبني وهو كل اما احاول معاه ان يحبني او اطلب بطلب منه الاهتمام ودايما بيقل مني ودايما بحس لو مش بيحبني رغم ان هو بيقول لي انا بحبك لو رجعت زي ما كنت الاول مليانه وحلوه رجعت وكده بقيت باجي من السفر بعمل مثلا ورده على الارض وعلى السرير ورومانسيه وكل حاجه ما فيش فايده وجيت بعد فتره بيقول لي كل الحاجه اللي انت كنت بتعملي كل ما اشوفك زعلانه او خاسه او فيك حاجه بزعل ما بيجيش يصارحني وهتزعلي بيخليني انا اروح اصالحه ودايما مش بيرن عليا انا اللي بروح ارن واسال عليه ومش بيحكي لي على اي حاجه في تفاصيل حياته ما اعرفش عنه حاجه يعتبر مش عارفه اعمل ايه وكل حاجه بزعيق وشخط وانا بتعب هو اه شغال بره وشغل في شرم وشغال برده لما بينزل تحت مع والده فما بيرتاحش فانا بدي له العذر ده انا مش عارفة اتصرف معاه ازاي ولا اخليه ازاي اللي هو بيحبني انا مش عارفه محتاره جدا يا ريت تفيدوني
لعرض السؤال في فدني اضغط هنا
اريد الزواج ولكن متخوف ومتردد من امر العلاقة ؟
لعرض السؤال في فدني اضغط هنا
انا خطيبي بيحبني جدا و دايما بيحاول يسعدني بأي حاجه سواء هدايا او خروجات او حتي بكلامو بس انا مش بحبو و حاولت كتير معرفتش و قررت اسيبو مع اننا مخطوبين بقالنا اربع سنين و هنتجوز شهر 11 المفروض و كل مفتكر ان جوازنا قرب يجيلي قبضه ف قلبي و اضايق و رغم كده محسستوش ابدا اني مش حباه
انا سيبتو من اسبوع و من ساعتها بيحاول يرجعلي بس انا رافضه و قولتلو اننا افكارنا مختلفه بس هو صعبان عليا جدا و ف نفس الوقت مشمئزه منه و مش عارفه احبه مهما حاولت و حاسه بتأنيب ضمير و اهلي ضغطين عليا جدا اني ارجعلو و بجد مش عارفه اذا كنت هقدر فعلا احبو بعد الجواز رغم اننا بقالنا اربع سنين و ده محصلش و كمان بدايق من اي ملامسه بسيطه بينا زي مسك الايد مثلا
لعرض السؤال في فدني اضغط هنا
انا جوزي مش. عايز يشيل مسؤولية خالص بيكتفي أنه بديني الفلوس في أيدي واصرافي انتي بقي علي البيت وعليا انا كمان حتي مابيخوتش قرار من نفسه ولوخده بيبقي غلط.
هل خطأ مني ذلك؟
لعرض السؤال في فدني اضغط هنا
انا متجوزه بقالي ٣ سنين وجوزي بيسافر ربنا رزقنا بطفل هو عندو دلوقتي ٩شهور جوزي مش مديني اي اهتمام قليل لما بيتكلم معايه على طول بيكلم أهله لكن قليل لما يكلمني وحتي مش بيعرفني اي حاجه بتحصل معاه اي حاجه تخصو مش مديني اي اهتمام خالص وانا بفكر اني أطلق منه وخايفه عشان ابني ونفسي اخد قرار كل ماجي افكر اني مطلقش منه واقول خلاص دي عيشه وخلاص بس مبقدرش عايزه يكون جنبي لما احتجلو الاقيه معايه نفسيتي تعبانه جدا ومش عارفه اعمل ايه عايزه حد يقولي الحل
لعرض السؤال في فدني اضغط هنا
عندي مشكله زوجي يتحدث مع اختو علي علاقتنا ان وجدت مشاكل يحكي معها ويتحدث معها مع العلم انها من نفس سني ومتجوزه معي في نفس اليوم هو مغترب وبيقول عني كلام مش حلو عني ليها ودا ومش عاجبني دلوقتي هو نازل من غربته خلال 3شهور كدا وهي ساكنه في. بلد بعيدة عننا وهي بتقول ان اول ما جوزي ينزل الي هو اخوها هي هتيجي تقعد عندنا اسبوع هي تبقي بنت عمي وهو ابن عمي يعتبر قرايب في بعض انا دلوقتي عندي شعور انه لما ينزل من الغربه دي وهي تيجي يقعد يتكلم معاها ويحكيلها خصوصاً انو في مشكله ما بينا حاليا وانا نفسيتي تعبانه اووي انا مش عارفه اتصرف اززاي ولا اعمل ايه ومش عارفه هي لما تيجي اعمل ايه اتعامل معاها ومعاه اززاي مش عارفه بجد حد يديني الحل ضروري 😭 😭 😭 😭 😭 😭 😭 😭
لعرض السؤال في فدني اضغط هنا
السلام عليكم
كنت متجوزة قبل كده وانفصلت ومعايا اولاد حالتي الماديه ضعيفه جدا والسبب اني انا اللي بعول نفسي وبعول اولادي وضعف مرتبي
ارتبط بشخص كويس جدا وعلي خلق عالي
وميسر ماديا الى حد ما اتقدملي علي الطريقه الشرعيه اللي هي يدفع مهر ويكتب مؤخر ويجيب هو فرش البيت كامل ومتقبل اولادي ومصمم علي وجودهم معايا وكمان رافض اني اشتغل وهو متكفل بكل مصاريفي انا واولادي
لما جيه اتقدم اهلي طلبو منه طلبات تعجيزيه وهي شقه باسمي وشبكه ومهر هو رفض وشايف ده ظلم منه اهلي ليه وطلب مني اني اسافر معاه محافظة تاني انا واولادي ونتجوز هناك بما اني عايشه لوحدي ومفيش حد بيساعدني وبيقولي مصلحتك انتي واولادك معليا انا عاوزه حل
لعرض السؤال في فدني اضغط هنا
كان يوجد خلاف بيني وبين زوجي وكنت كاذبه عليه في موضوع قديم جدا وفات عليه شهور ولكنه عرف الموضوع وزعل مني زعل شديد للغايه ويقول لي انا كنت واثق فيكي وانتي كسرتي الثقه دي المشكله هنا انا مش زعلانه من اني كسرت الثقه او كدا لاني متواجده مع اهله ولما كذبت عليه كنت عند اهلي الي اقصد اوضحه اني لما كنت عند اهلي عملت موضوع كدا وخبيت عليه ودلوقتي انا عند اهله ف الثقه دي مش مازمه عندي حالياا
انا كل الي مزعلني التجاهل التام منه ليا ارجو الحل عاوزة حد يقولي اززاي اتعامل مع التحاهل دا مع الغلم اني اعتذرت كتير اووي ومعنديش اي اعذار تاني اززاي اتعامل مع التجاهل
لعرض السؤال في فدني اضغط هنا
متقدملي ولد كان خاطب قبل كدا هل ف اول مقابله لينا اساله السبب اللي خلاهم يسيبو بعض مش قادره اتخطي الموضوع وهموت واعرف ولا اصبر ومع الوقت هفهم اذا كان بينساني بيها ولا لا وبعدين انا وافقت اقابله بدون مصلي استخاره
هل الاستخاره لما اقعد معاه الرؤيه الشرعيه وبعدها اصليها عشان اشوف هوافق ولا لا ولا كان المفروض اصليها قبل ما ارد اصلا واقول اني موافقه اقعد معاه
لعرض السؤال في فدني اضغط هنا
موقف مزهقني فيه وحده معجب بيها في الشغل كتا بنوزع منتج بتعنا علي العماله فعملت حسابها ( هي مهندسه ) وطلعت مكتبها واديتها وكدا الفكره بقي وهي بتسالني ايه ده انا اترددت وتهتهت والدنيا خربت معايا لحد مخدت نفس وظبط الكلام ومعرفتش اقول الفي دماغي حتي🤦🤦انا مضايق جداااااااااااااا حقيقي 🤦🤦...
عموما هي اكبر مني سنه او اتنين مش اكتر بس الارجح سنه فقط..
وحاسس من كلامها انها مش بتبادل نفس الشعور ردها قصير او يمكن شيفاني الصغير (ده غير بحب الهزار والضحك )ببقي بحاول اغلس شويه عشان اجر معاها كلام بس هي بتحاول تقلل الي حد ما
اوقات بقول كدا هي بتصدني واوقات ميمكن هي بتلمح عاوز حاجه بيتي مفتوح ( وهنا خايف اروح اترفض ويكون دي علامات رفض) ...
مش عارف بصراحه رايكم ايه؟!!
ده غير اتاكد ازاي من مشاعري برضو يعني مش حاسس اني بحبها يعني بس حاسس اني متعلق + هي ذكيه ومجتهده جدا و ده العجبني فيها اوي مش عارف احكي معاها اكتر عشان اعرف كل مزاياها هي طيبه جدا علي نياتها يعني حته سكره بصراحه.....
وهنا حاجه مهمه علي حسب السكن بتعها فهي في مكان مرموق السكن بس اعلي من مرتبي فحاسس دي ريد فلاج برضو ...
الموقف الفوق ده مضيقني بشكل رهيب حتي معرفتش انام من كتر تفكير في موقف ده حقيقي شكلي وحشششششش
عارفين الفكره ان اغلب الناس يمكن ٩٠٪ عارفين او شاكين اني معجب بيها الا هي 🤦🤦
لعرض السؤال في فدني اضغط هنا
السلام عليكم ورحمة الله وبركاته
بينما أتصفح حسابي على الفيسبوك صباح اليوم قابلتني مشكلة مرسلة لإحدى الصفحات، ملخص المشكلة أن الزوج أهان زوجته إهانة بالغة من ضرب وسب في الشارع حال الحمل والكثير من التصرفات الأخرى.
هذه الزوجة كانت معززة في بيت أبيها، وكان يكن لها مكانة خاصة؛ ولذا عندما عادت له بأولادها مطلقة للمرة الثانية تقريبًا التزم بها وبرعاية أطفالها دراسيًا ونفسيًا وتربويًا وترفيهيًا.
المشكلة أن والد الأطفال ذهب لبيت الجد وشتم وسب وخاض في عرض جدة الأولاد.
فما كان من الجد إلا أن أعطاه أبناءه وطلب منه عدم العودة تحت أي مبرر.
الأم الآن في حالة يرثى لها، قلبها يتمزق على أبنائها، ووالدها رافض أي احتكاك ببيت عديله السابق.
المشكلة أين؟
في التعليقات نصحتها صاحبة الصفحة أن تقاتل لاستعادة الأبناء!
السؤال: تقاتل من؟ هل رأي صاحبة الصفحة صائب؟ هل هو ذنبها هذا الوضع؟
يعني ألم يكن من الممكن أن تهدئها قليلًا قائلة لها أن الأولاد في أمان مع أبيهم مثلًا لا تقلقي أو ما شابه؟
برأيكم، كيف تُحسب هذه الأمور؟
لعرض السؤال في فدني اضغط هنا
انا متزوجه من ١٣ سنه ولدي طفلين وزوجى انسان محترم ورجل يحتذى به فى الكثير من المواقف حقا.
لكنه عند الخلاف يعتقد انه دائما لديه الحق وانا المخطئة كما أنه يتجنبنى ويتجاهلنى تماما لا يتحدث معى أبدا وإذا احتاج الامر أن يبلغنا شيئا ما يقول لأحد ابنائى (قل لأمك كذا......)
يتجنب حتى النظر إلى وجهي بالإضافة إلى أنه ينام فى غرفة أخرى.
يستخدم الضغط النفسي معى حتى أحاول انا إنهاء الخلافات بغض النظر من هو المخطئ
مستغله أنني لا أحب جو المشكلات فى البيت
ويحب أن ألح فى الصلح دائما وفى بعض الاحيان ورغم كل ذلك يتكبر فى المناقشات ويتهكم على أسلوبي بأنى جاية على نفسي
هل معقول أن في وقت الخلاف عندما تحاول الزوجة إنهاء الخلافات عليها تبذل المجهود الجبار فى ارضاء زوجها سواء هى المخطئة أو لاوالزوج حسب هواه يرضى يتصالح او لا ........ فى حين عندما يفكر الزوج فى أن يلمح أنه يريد الصلح بإشارة من اصبع رجله الأصغر يجب على الزوجة أن تأتيه طالعة راكعة تحت رجليه وتقول له هيت لك
كل ماأريده منه أن يراضيني هو ....لكنه يريدني أن أراضي نفسي بنفسي
ماذا أفعل حتى يراضيني ولايهون عليه الخلاف والبعد
لماذا لايكون للطيبين حظ فى دنياكم فى حين أن هناك من يلعب بالبيعة والحجر وسعيد فى حياته وجميع من حوله يتمنى له الرضا يرضى؟
لعرض السؤال في فدني اضغط هنا
انا سني 20سنه متجوزه في الصعيد متجوزه ابن عمي عن حب 4سنين بقالي سنه متجوزه ولسه ربنا مكرمنيش بالذريه الصالحه روحتلو السعوديه وقعدت معاه 7شهور وكنا سمنه علي عسل 7شهور وبعدها نزلت الصعيد علشان بيتي هناك عند اهلو الي هما يعتبر اهلي انا كمان بس انا من اسكندريه معشتش في الصعيد خالص ولا اعرف حاجه عن عيشه الصعيد بس بحب جوزي اووي ومن ساعه ما نزلت من السعوديه من تاني يوم حصلت مشاكل مع حوزي علي حجات تافهة ومبقاش طايقني خالص قعدنا شهر متخانقين علي حاجات المفروض كنت متفقين عليها بس انا عارفه انو دا حسد بينا وحد يقولي اعمل ايه للحسد دا بشغل قران ومش نافع وبخور ومش نافع بس انا هحاول اقرأ قران واصلي واعمل الي عليا حد ينصحني كدا كام نصيحه علي الماشي
لعرض السؤال في فدني اضغط هنا
في وحده اعرفها متزوجه وعمرها هي وزوجها ب ٥٠ سنه زوجها اي وحده بتقلو بدي مساعده بساعدها وفجا اكتشفت انو عندو ارقام بنات هي خايفه تفتش تقهر وتزعل وتخرب حياتها انصحها وانا رح وصلها شو لازم تعمل وللعلم هو مبيجه أطفال وهي رضيت هي خايفه يخونها
لعرض السؤال في فدني اضغط هنا
في شخص متقدملي وانا صليت استخارة وحاسة اني مرتاحة
وانا ف الكلية وماما مش هتوافق عشان لسه بدرس وهتقولي لما تخلصي دراسة يبقى نشوف موضوع الجواز وانا حاسة اني مرتاحة وعايزاه لانه فيه الصفات الي عايزاها وخايفة م الاقيش زيه واندم انه راح مني ف اقنع ماما ازاي او اعمل اي عشان توافق انه ييجي يتقدم
لعرض السؤال في فدني اضغط هنا
انا امراة وصلت إلى عمر ٤٢ ولم يسبق لي الزواج واشعر بالوحدة كثيرا مع ان لي عملي وصديقاتي واهلي ولكن احساس الوحدة والحاجة للعاطفة يتملك كل تفكيري واشعر بالوحدة احيانا وانا وسط الاهل ولا استطيع اخفاء مشاعري اصبحت حساسة جدا اشعر بان قلبي يؤلمني وان سالتوا لماذا لم اتزوج للان فهذا نصيب وعندي تشوه في جسدي مع اني متصالحة مع ذلك لكن لم استطع تقبل اني وحيدة ولم استطع ان اصبح زوجة وام كيف اتقبل ذلك فلقد تقبلت كل شيء الا هذا الشعور اصبح يطبق على صدري
لعرض السؤال في فدني اضغط هنا
بعد مشاكل كتير وخلافات شخصيته الحقيقيه ظهرت مبقتش متقبلاه ولا شيفاه زوج وهوا كمان مبقاش بيعمل اي مجود عشان يملا عاطفتي وبالذات بقيت لما اطلب منه اي تصرف بيعاند ويصمم ميعملوش
بيتجنب نهائي يود اهلي ويزورهم مع ان ده بيسعدني
بيصمم يهين مني ويقل كرامتي قدام سلفاتي الاتنين
كل حاجه ممكن توجعني بيصمم يعملها وده موصلني لاحساس عدم رغبه في تواصل معاه وبقيت حاسه بمشاعر مكبوته جوايا اني نفسي احب حد ويبادلني الشعور
وحاولت كتير ادخل برامج شات واعمل اكونت واتعرف ع حد واقوله اني مطلقه بس مبكملش كلام
بس جوايا بيزيد الاحساس وحده وحده وكل مره بقدم خطوه
في طريق ده حاولت كتير اتناقش معاه بس بنوصل لحيطه سد بقيت بحس اني عايشه معاه بس كضل راجل بيصرف وقاعد مع عياله غير كده مش حاسه
لعرض السؤال في فدني اضغط هنا
حابه اشرح لكم مشكلتي يمكن حد يفيدني ويساعدني ويقول لي اعمل ايه دلوقتي انا متجوزه من ثلاث سنين بس انا وجوزي ما بنفهمش بعض خالص دماغنا مش واحده بس واخدين بعض على حب عندي طفل عنده سنه ونص المهم نخش في اساس المشكله مش عايزه اطول عليكم من شهر ونص جوزي قعد يدلع على الراجل صاحب الشغل اللي بيشتغل عنده وهو بيشتغل سواق المهم اتخانق مع صاحب الشغل وصاحب الشغل مشاه قعد يقولي ويقنعني أن يعني عادي هيشوف شغل والدنيا هتمشي وزي ما كانت وفعلا فضل يدور على شغل زي ما هو بيقول ومش لاقي والمشكله ان انا وهو على طول بقينا بنتخانق على اسباب تافهة ما بقاش في حاجه في حياتنا حلوه او ليها طعم المهم واحد كلمه امبارح معرفه وقال له تعالى هتشتغل معايا رجع امبارح متبهدل وكده من الشغل متعور في ايده ده غير ان الراجل ما قدروش كويس يعني في الفلوس وكده وقعدت اقول له معلش ونحمد ربنا وهتتعدل وكل الكلام ده بحاول ادعمه يعني المهم بقت اكتر مشاكلنا دلوقتي على اسباب تافهه وهي الفلوس يعني مثلا اخر موقف النهارده اتخانقنا صحي من النوم لاني واخده 20 جنيه عشان اجيب فطار انا وابني نفطر بيه يعني فضل يزعق ويقول لي ارحميني انا الاقيها منين ولا منين انت مش حاسه بيا ما تطفحي باي حاجه من التلاجه هو اصلا ما فيش حاجه في الثلاجه الواحد ممكن ياكلها فقعدت اقول له اعمل ايه يعني رحت جبت فطار اصوم يعني عشان ابين لك ان انا حاسه بيك راح قال لي انت ست مفتريه وعمرك ما هتحسي رحت قلت له ست مفتريه عشان خدت 20 جنيه جبت فطار وبقت كلي خنقاتنا على اسباب تافهه زي كده من ناحيه الفلوس وانا والله العظيم نفسيتي تعبانه ومضغوطه شايله مسؤوليه عيل صغير ومسؤوليه نفسي ومسؤوليته ونفسيتي زي الزفت مدمره وهو بيزيد عليا مع العلم ان هو عمره ما كان بخيل بس هو من ساعه ما قعد من الشغل وهو بقى كده بنتخانق عشان خاطر الفلوس واحيانا بنتخانق عشان خاطر حاجات تانيه برده تافهه وانا ما عنديش المقادير ان انا استحمله اكثر من كده لان انا نفسيتي متدمره ومش لاقيه حل بجد ده غير ان انا من ساعه ما قعد من الشغل وانا مش حاسه بالامان حاسه ان كل حاجه بتضيع من ايدي نفسي حد يطمني دايما بيتهمني ان انا مش حاسه بيه بس في الاساس هو اللي مش حاسس بيا من زمان من قبل ما يقعد من الشغل
لعرض السؤال في فدني اضغط هنا
أخبرت زوجي باحتاجي العاطفي له، واني محتاجه دعم وانه يطمني، وهو كان رده الصمت احيانا واحيانا يخبرني اني لا استحق ولازم ابذل المزيد لايستحق حبه وحنانه، أخبرته ان يطلقني وهو رفض، وانا شايفه ان الطلاق مش حل الفتره دي عندنا ٣ اولاد بنت وتؤام اقل من سنتين
ازاي اوصل لوضع مستقر (مش عاوزه خناق كل شويه لان ده بيتعب اعصابي) لحد ما الاولاد يكبروا ويكون عندي وقت اشتغل!!!
وازاي اقدر انام لاني بحب انام في حضنه!!!
مع العلم انها اصلا بيبخل معايا ماديا وأهلي يساعدوني؟؟
لعرض السؤال في فدني اضغط هنا
انا متجوزة بقالي سبع شهور ولحد الآن معملتش علاقة كاملة مع زوجي لاني شايفة ان الحياة الزوجية مش مهم فيها الجنس يعني مش بحس انو مهم فبالتالي مش لازم اننا نعمل كده وبشوف انها حاجة مقرفة هو صابر بس بيتكلم معايا في الموضوع ده كثير وانا بجد مش عايزة اعمل كده وفي نفس الوقت انا بحبه بس هحس اني مقرفة وكمان مش كويسة لو عملت كده انا عارفة انو حلال بين المتزوجين بس حساه ملهوش لازمة
لعرض السؤال في فدني اضغط هنا
السلام عليكم ورحمة الله وبركاته
انا عندي20 سنةبدرس وبشتغل ف في واحد عندي ف الشغل عايز يتقدملي هو فيه الصفات الي انا بتمناها كلها ودايما كنت بدعي ربنا انه يرزقني براجل فيه الصفات دي لان خالي فيه نفس الصفات ومن حبي ف خالي كنت بدعي ربنا انه يرزقني براجل زيه وهو زيه ف كل حاجة فعلا حتى الشغل بيشتغلو نفس الشغلانه سبحان الله
بس انا ف الجامعة وهو خارج من ثانوي وعنده 38 سنة هل اوافق لانه فيه الصفات الي بتمناها ولا كبير عني اوي ومش هينفع وكمان موضوع فرق التعليم هل ممكن يعمل مشاكل ولا عادي
لعرض السؤال في فدني اضغط هنا
هو أنا مش عارفة دا من إيه ومش عارفة اقول ايه اصلا... بس هو انا ساعات بحس اني عندي ثقه ف النفس وان محدش يقدر عليا اصلا واحيانا بحس ان ضعيفه الشخصيه ومهزوزه اووي مع العلم مليش صحاب واللي كانو زميلي اخري معهم السؤال ع السوشيال وصحابي كلهم كانو سوشيال ولكن واقع مليش مبعرفش اكون اجتماعيه اللي هو ازاي انا لما بتكلم مع حد ومدنيش الاهتمام اللي أنا عوزاه او سبني واكلم مع غيري فبزعل واشيل جوايا واحس اني قليله اوي.
أنا من صغري مقربش من حد ولو قربت هما بيبعدو معرفش اي السبب ولما كبرت وحبيت بعد هو كمان وغيرو وغيرو والشخص اللي مبعدش وفضل جمبي اهلي بعدوني عنو وجوزوني غصب عني أنا متجوزه من شهرين الا يوم ومش حاسه اني مرتاحه وحياتنا كلها مشاكل والمشاكل من ناحيته وناحية اهله... أنا مش مقصره ف اي حاجه برغم نا مش مرتاحه معاه ومش بحبه واحنا مش شبه بعض ف الطباع ولا المعاملة ولا الاسلوب مختلفين ف كل حاجه وهو اكبر مني ب10سنين أنا 21 هو 31
أنا مش عرفه اعمل إيه🙂
لعرض السؤال في فدني اضغط هنا
السلام عليكم انا تعبانه اوي واتمني حد يفدني انا متقدملي حد عنده 27 سنه وانا 20 انا في كليه وهو معاه دبلوم صنايع بس عنده محلين خاصين بتوعه ملك وعنده شقه ملك وهو شكله كويس جدا وشيك انا لسه مقعدتش معاه بس اتقالي انه بيصلي وهو شكله محترم وعيتله كبار ومحترمين وكمان كان خاطب قبل كدا انا مش عارفه اعمل ايه انا كان من سابع المستحيلات اوافق علي حد ف معهد اقوم موافقه ع حد حتي معهوش تعليم فوق متوسط
بس مشكلتي اني وحيده نفسي حد يعفني ويشيل معايا شويه الشيله انا تعبت دايما عايشه ف مشاكل اهل وتوتر وعياط
دخلت علاقه من فتره وسيبته بسبب انه كان من سني وكان عيل كدا ومتوافقناش وسيبته بس عماله اقارن دلوقتي دا كان ف كليه لكن دا دبلوم مع ان الجديد شكله احسن واكبر مني برضو هيقدر يحتويني مش زي اللي من سني
بس انا اصلا حاسه اني تعبانه دماغي قسما بالله مبتوقف تفكير
وبغيرررر من. كل حاجه ولازم احط الناس ف حياتي بحب اكون قدام الناس واوووو فكون اني هرتبط بحد اقل من تعليمي هبقي عاديه ف نظر الناس هل انا مريضه ومحتاجه اتاهل انا حاسه كدا
وهل فرق التعليم بيأثر ف العموم مع انه شيك وشكله كويس
لعرض السؤال في فدني اضغط هنا
زوجي كثير النسيان ينسي أحداث وكلام وأشياء،مهمة وهذا يسبب بينا مشاكل كثيرة
لعرض السؤال في فدني اضغط هنا
انا فيا طبع تاعبني جدا، بعدي الحجات اللي بتضايقني من الناس اللي حواليا لحد م بيجي وقت كبير ممكن سنين
بكون خلاص مليت منهم حصل كده مع اختي واخويا واغلب عيلتي ودلوقتي مع جوزي لدرجة اني نفسي اطلق خلااص
وانا معايا اطفال ومش حابه اعمل معاه كده واقفل منه
بس مش عارفه بقيت خلاص قرفانه منه ومش مسمحاااه على اي حاجه قديمه عملها لدرجة اني نفسي احب واتجوز وانا مطلقتش لسه بس عندي المشاعر دي
ارجو منكم الرد
لعرض السؤال في فدني اضغط هنا
رايح اتقدم لواحده النهارده دعواتكم
خصوصا اني حاسس نفسي تعبان جدا لكن للأسف ملتزم بمعاد مينفعش اخلف من اولها
دعواتكم و ان شاء الله خير
تعديل رحت و اليوم مشي علي خير
ادعولي النتيجه تطلع و انجح بقي 😁
لعرض السؤال في فدني اضغط هنا
مخطوبين بقالنا سنتين ولاحظت فيهم
انه بيتريق وبيعيب على اي حاجة واى حد ماشي بحجة الهزار وساعات بيرمي كلام زى ده فى الهزار بتاعه معايا بيكون دبش ولما بقوله كدة بيقولي بهزر خايفة يكون كدة بعد الجواز والموضوع يزيد معاه وانا شخص حساس جدا مع العلم انه بيحبني جدا
لعرض السؤال في فدني اضغط هنا
جوزي بيكلم واحده صاحبته مع في الشغل ومهتم اوي بيها ولما جيت واجهته قالي مفيش حاجه بيني وبينها غير انهم زملاء شغل مش عارفه اعمل ايه علشان ميكلمهاش تاني من ورايا وعندنا طفل
لعرض السؤال في فدني اضغط هنا
انا مشكلتي اني بتكسف اوي اثناء العلاقه مع زوجي بحس بخجل شديد وفي حاجات ممكن اكون نفسي اعملها بس بتكسف اوي وبحس بعدم الثقه في نفسي معرفش ليه كده وببقي خجوله اوي في الحظه دي بس بجد نفسي القي حل للمشكله دي وازي اقوي ثقتي بنفسي وكون واثقه من نفسي
لعرض السؤال في فدني اضغط هنا
اعمل ايه مع شخص انا معاه بقالي داخلين ف سنتين بحب شخصيته و اهتمامه بيا و حبه ليا و عطاءه و كرمه و كل حاجه مش بيستخسرها فيا و ف نفس الوقت فيه حاجات مش بحبها فيه صفات بالاخص .. حاسه عشان داخلين ف الجد و أن خلاص هيحصل حاجه رسمي حاسه اني مش مؤهله ل حاجه زي دي حاسه اني هكون فرحانه عادي بس مش طايره من الفرح مع أنه زي القمر بس هو اطول مني ب ٥ سم مثلا و انا كان حلمي اخد واحد طويل و عريض زي اي بنت لما بتحلم و ف نفس الوقت بقعد اقول اللي شوفته منه محدش يقدر يقدمهولي و ف نفس الوقت بقول لنفسي ما يمكن الاقي الاحسن اللي الاقي فيه اللي انا عايزاه و كنت بحلم بيه مش عارفه اعمل ايه اكمل ولا مكملش و ف نفس الوقت هو اتقدم مره هو و مامته و حصل سوء تفاهم بينا و بين مامته قعدها ٣ شهور لحد دلوقتي مش بنتعامل مع مامته ف انا كده يعتبر هدخل اسره كرهاني و لان هو عامل هاله ل مامته كبيره جدا هو باباه متوفي بس ده مش معناه يكون كده مع مامته بقعد اقول يمكن ابن أمه زي ما بيقولوا بس بقعد اقول ما هو لو كان كده كان زمانه لما حصل سوء التفاهم مبقاش معايا و بيعافر لحد ما مامته توافق ف انا مش عارفه اعمل ايه انا خايفه اسيبه اندم و خايفه افضل معاه و اندم بردو ؟
لعرض السؤال في فدني اضغط هنا
لعرض جميع الاسئلة في فدني اضغط هنا