أنا أخويا عنده 14 سنةو اكتشفت أنه بيكلم بنات أعمل إيه
لعرض السؤال في فدني اضغط هنا
ابنى فى أولى كلية آداب جنوب الوادى في قنا فيه عيب كبير اتعلم يكذب فى كل حاجة علشان مزعقش معاه ومعارضهوش في حاجة مع العلم إن هو مكانش بيكذب وكان بيصلى وكان كويس لغاية تالتة إعدادى الظروف حكمت إني أنزل اشتغل طول النهار وارجع بالليل وهو طبعا واخد راحته برة واتعرف على صحاب جديدة واتغير من ساعتها ومرجعش زى ماكان برغم إني سبت الشغل بعد سنة وقعدت في البيت بس خلاص معرفتش ارجعه زي ما كان لانه كان شايف أن أصحابه هما اللى صح
ومن ساعتها وانا بقاسى معاه علشان يستقيم ويصلى ويكون واضح معايا وميكذبش ويكون صريح ويخاف من عقاب ربنا حتى لما بيشتغل بياخد من فلوس القبض ويقوللى مدانيش الفلوس كلها ويمر الوقت واكتشف أنه صرف الفلوس مع صحابه وطبعا السجائر وانا تعبت وطبعا مفيش مواظبة في الصلاة وانا تعبت قوى هو ممكن يرجع زى الاول ولا حيفضل كدة علطول ياريت تفيدونى اتعامل معاه ازاى وكمان بيتعرف على البنات فى الموبايل ويكون صداقة معاهم يعد طول الليل يتكلم معاهم من الموبايل
لعرض السؤال في فدني اضغط هنا
صباح الخير
أنا عندي بنت صغيرة عمرها ٦سنوات من حوالى أسبوع كدة بعد العيد يعنى بقت تسأل اسئله غريبه زى هو إن ممكن أعوذ بالله اشتم ربنا أو أشتمّ القران وبتسأل مامتها وتقولها أنا خايفه انك تموتي وأنا تعبت جدا وخايف على البنت ايه الحل
لعرض السؤال في فدني اضغط هنا
يواجه الكثير من الاشخاص، مشكلة عدم رؤية نفسهم "كشخصية مركزية" في حياتهم، أي يركزون على حياة اخرين ويرونهم هم المتألقين والمتقدمين في هذه الحياة،
وبالتالي يشعرون بعدم الثقة بالنفس والتقليل منها.
كيف يمكن للانسان ان يغيّر هذا داخله؟
لعرض السؤال في فدني اضغط هنا
أنا مرعوبه ومش عارفه اتلم علي اعصابي
جماعة أنا بقالي فترة ملاحظة في حاجه غلط علي موبيلي أن في حد بيفتح الفيس والواتس والايميل
بعدها عملت سوفت للموبيل واقيت رسائل على الموبايل إن كان في حد بيطلب الباسورد وكلمات الامان ومكنتش بتوصلي الرسايل دي
المهم في تطبيق علي الموبيل أنا عمري ما اشتركت فيه لقيت في حد مشترك فيه وكاتب عنوانه ورقم موبيله والشخص دا حد اعرفه
اقدم بلاغ فيه لانه كده معاه كل صوري وحساباتي والبطاقة وكل معلوماتي ولا اواجهه بس خايفه لما اواجهه ياخد احتياطاته قبل ما اعمل اي اجراء
مع العلم اني لما اكتشفت دا حذفت كل حساباتي اللي ع السوشيال وهو حس بكده وباين عليه
لعرض السؤال في فدني اضغط هنا
بنتى جاءت واخبرتنى عن شاب وقالت هو معجب بها وهو يكبرها بعام واحد فى سنتها الدراسية ويعمل معه. فى البداية من فترة اخبرتنى انها لا تريده وتريد إنهاء الكلام معه ومنذ ايام تكلمت معها وجدتها موقفها اختلف اصبحت تبادله نفس الشعور وتبريرها طلع محترم وعنده اخلاق ومتربى مش زى الشبان دلوقتى
المهم مشكلته الوحيده انه لازم ينتظر عام حتى يكون نفسه او ينهى دراسته او خاله مات ووالدته رفضت اى ارتباط فى هذه الفترة كل هذه الاسباب عنده شقة فى بيت مع اخوه وده مبدا ارفضه
الحكاية كلها مش مريحانى اطلاقا حاسة انه بيتسلى بيها من موقفها اللى اتغير فى فترة صغيرة وده مخوفنى عليها وطبعا شديت معاها وقلت لباباها وكلمها وقالت حنهى الموضوع بس بتتكلم فيه كتير اوى ومقتنعة بيه جدا وانا مش مريحنى خالص
اعمل ايه
لعرض السؤال في فدني اضغط هنا
يقول الفقهاء من شروط الصلاه البلوغ
لحديث "رُفع القلم عن ثلاث... منهم الصبي حتي يبلغ
وحديث اخر "اضربوهم عليها وهم اولاد عشر"
فما هو الصحيح؟
لعرض السؤال في فدني اضغط هنا
اختى عنيده جدا ومش بتسمع الكلام خالص ومش عارفه اصاحبها خالص وهى دايما شايفه نفسها صح وبترد على اى حد وبتزعق هى صغيره عندها ١٠ سنين محتاجه اعرف اتعامل معاها ازاى واصحابها واغيرها انا غصب عنى بزعق بس دا مش حل لان انا مبحبش اعمل كدا
+ مبقاش يفرق معاها وبترد عليا مش عارفه ازاى افهمها ان بتكلم علشان مصلحتها وهى لاحظت سلوكها مع اى حد غريب يعنى واقفه تتصور بنت جت جنبها قعدت تزعقلها علشان جت عندها هكذا ازاى اغيرها ويساعدها تتغير
+ جو البيت اغلب الوقت عصبي فغصب احنا كمان بنتعصب لدرجه ان مش عارفه احسسها ان بحبها رغم أنها اهم حاجه عندى بس اسلوبها بيخلى رد فعلى وحش
لعرض السؤال في فدني اضغط هنا
ابني عنده ٢٥ سنه و حاولت معاه مرارا و تكرارا إنه يصلى.. لكنه مش بيستجيب.. دايما يقولى حاضر و ان شاء الله و ربنا يهدينى و ادعيلى و برضو مش بيصلى.. مع إنه محترم و مثقف و بيعمل في شركه في مجال دراسته و مبسوط فيها.. وأنا خايفه عليه من حساب ربنا و عملت كل ما في استطاعتى بكل الطرق الممكنه من شده و لين و رجاء و مافيش استجابه.. أعمل إيه ياريت تفيدونى
لعرض السؤال في فدني اضغط هنا
السلام عليكم
دلوقتى انا كنت فاكره انى اتخطيت فتره ابتدائى لكن الحقيقه أنه لا اكتر فتره مؤذيه بالنسبالى رغم إن اللي اذوني اطفال زيى لكن اذاهم منستوش وكرهونى في نفسي وحاجات كتير فيا حتى بعد ما كبرت اللي خلانى اعرف انى متعافتش هو إن اختى الصغيره داخله السنادي المدرسه ولقيت أن دماغى عماله تفكر كتير اوى واتخيل سيناريوهات زى أن حد ضربها أو شتمها وغيره ودى حاجه اكيد بسبب اللي انا مريت بيه من تنمر وصدمات ومواقف مؤذيه معتقدش حد كبير كان يتحمل كميه التريقه ما بالك طفله صغيره بس لما كبرت حاولت ولسه بحاول أتعافى
عندى وسواس يحصل ده في اختى ازاى امنع ده وازاى صاحبها هى حاليا 6 سنين وحاولت ادور على مدرسه كويسه بس الاطفال المؤذيين ف كل مكان ف مش هتفرق محدش يقلل من مشكلتى انا فعلا اتمنى اختى متشوفش حاجه وحشه ابدا
لعرض السؤال في فدني اضغط هنا
السلام عليكم ..
انا شاب عندي ١٧ سنه كمان شويه هخلص ثانويه عامه و اخش كليه
المهم .. انا عارف انه موضوع مش وقته و لسه حبه بس هو فعلا شاغلني
انا يا جماعه كنت متعلق جدًا بفكرة ان انا ابقي اب و يبقي ليا زوجه و اولاد اربيهم بطريقتي و احس احساس الابوة ، الاحساس بتاع رب الأسره عامًة لحد لما جيت في مره قعدت مع نفسي كده و قولت ازاي ؟؟! .. ده انا اساسًا عندي رهاب اجتماعي و ساعات بكون مش الشخص اللي هو ياخد قرار و هو اصلا متردد ، ومعنديش ثقه بنفسي و بتوتر علي طول ..
او ان انا بردو مش الشخص الجدير بـ إن انا اقدر اتعامل مع بنتي او ابني لو حصلهم موقف في المدرسه .. حد ضايقهم مثلا ، اه ممكن يلاقوني احن اب او زوج في الدنيا و ده اللي انا متاكد منه ، لكن في مواقف انا حاسس ان انا هعجز عن الرد فيها او اتعامل مع الموقف بشكل سليم
دا زائد ان انا عندي وسواس قهري و خايف لما اجوز و اخلف ولادي يلقطو مني الحوار ده
مع بردو ان انا مش شاطر الي حد ما في الحسابات حتي اللي ممكن تكون بسيطه .. بتلخبط و تلاقيني تركيزي ضايع لو حد قالي مثلًا ٤٣ و ٣٣ كام ، دماغي ساعتها بتهنج و مش لاقي حل خالص للحوار
مع العلم بردو ان انا عمري ما اشتغلت في اي حته فـ معنديش خبره بأي حاجه .. و انا اساسًا بردو مبحبش اخرج برا البيت و اتعامل مع ناس في العموم
بعد كل اللي حكيته .. ايه الحل في رأيكم ؟؟
لعرض السؤال في فدني اضغط هنا
السلام عليكم ورحمة الله وبركاته
انا ليا اخت في تانيه اعدادي تصرفاتها غريبه جدا اكتر من مره شفت موبايلها ان هي بتكلم ولاد واتكلمت معاها بالراحه وفهمتها ان ده غلط وعملت نفس الحاجه تاني وعرفت والدتي وعملنا معاها كل حاجه الشده واللين ومفيش فايدة برضو والدتي كسرت التليفون راحت من ورا والدتي خدت فلوس منها وصلحته ودي مش أول مره تاخد فلوس من ورانا وواجهناها بس بتنكر وقولنا لها اومال مين صلح لك التليفون تقول صحبتي ممكن اعرف نتصرف معاها ازاي
لعرض السؤال في فدني اضغط هنا
ابني عنيد وعصبي ويبكي بشدة إذا أراد شيئا لا ارغب في تلبيته له أرجو النصيحه وكيفيه التعامل معه
لعرض السؤال في فدني اضغط هنا
والداي كانت علاقتهم غير ناجحه وبعد مشاكل كثيرا انفصلا.. سكنت مع امي اخذتني معها.. والدتي تزوجت واجبرتني على معامله هذا الغريب بالنسبة لي كأنه أبي أناديه بأبي وأتصرف على هذا الأساس وكنت طفله لذا فرحت لأن هناك أب لي يهتم فيه ولكن أصبت بخيبه أمل وصدمة عندما كنت أرى تعامله مع ابنته الصغيره يختلف عني وحزنت عندما رأيت عدم اهتمامه بي وتركي عندما طلبت منه مساعده ..
بعدها والدتي انفصلت عن زوجها وتزوجت مره ثانيه وأخبرتني أن أتعامل مع زوجها الثاني كأنه أبي وقتها كبرت قليلا وكنت قلقه من هذه الخطوة، ماذا لو تألمت مره أخرى؟ وحاولت معاملته كأنه أبي وثقت فيه كثيرا كنت بحاجه لشعور بشعور الأب الأمان والحنان وكنت مراهقه حينها ولكن لم أجد شيئًا منه انكسرت كثيرا بسبب تصرفات زوج والدتي الثاني جعلني لا أثق بأحد...
حاولت التواصل مع ابي الحقيقي ولكنه لم يريدني جرحني كثيرا قبل أشهر من وفاته تجاهلني قال بأنه لا يريدني بعدما كبرت ..
وبيوم زواج والدتي للمرةالثالثة توفي أبي وانكسرت أكثر... الآن امي غاضبه مني لأنني لا اتقبل زوجها الثالث ولا أتعامل معه كأنه أبي.. أشعر كأنني كسرت كثيرا وتألمت وتعبت من التمثيل امام زوج والدتي،..
انا لا أحبه ولا يمكنني اعتبار شخص غريب ابي ثم يجرحني ويكسرني كالعاده لهذا انعزلت في غرفتي ابتعدت عنه وعن أمي التي تغيرت معي منذ وفاه والدي شعرت بأنها تبتعد عني أكثر...
انا تعبت كثيرا أرغب الآن سوى بالتخرج من الجامعه والخروج من المنزل والابتعاد عن امي وأزواج امي وأبناء امي وعن كل هذا...
لعرض السؤال في فدني اضغط هنا
السلام عليكم
انا كنت مسافر خارج مصر وانا اسكن في بيت عائلة
لما رجعت أخبرني والدي ان ابني الأكبر يقوم بسرقة الاموال من حافظة ابي وامي واي نقود داخل المنزل مع العلم لا يبخل عليه احد في المنزل يعطونه اكثر مما يطلب
انصحوني كيف اتصرف مع هذه المشكلة بشكل ديني وعلمي وعملي
وجزاكم الله خير الجزاء
لعرض السؤال في فدني اضغط هنا
السلام عليكم
انا تعبانة جدا ومحتاجة مساعدتكم احساسي بالذنب وأن مش عرفة أبطله مھما حصل وبيبقي غصب عني انا بنت عندي ١٨ سنة اوقات علاقتي بأمي وابويا مش كويسة لان انا عاقة لهم بمعني الكلمة
يعني ممكن لما يعصبوني اشتمھم وكده بس اول مابتخانق معاھم بادخل وابحث في التلفون عن عقاب العقوق وانة كبيرة من الكبائر وبروح اعتذر ليھم وافضل اعيط واقول يارب انا خلاص توبت بس برده مفيش فايدة مش عارفة
انا كرھت نفسي بسبب العقوق ليھم ده مع العلم ان بحفظ قرآن وبصلي وبحب ربنا جدا وخايفة أغضبه بس الوقت الي بشتمھم ده مش عارفة مش بحس بنفسي ولا إيه واقول ھو ازاي اقول كدة ھو انا ازاي شتمتھم والله نفسي اتوب ومرجعش اعمل كدة تاني خصوصا احنا في رمضان وعارفة كل افضالھم عليا وعرفة ان كده غلط وعارفة ان لو صبرت لما يعصبوني يبقي احسن بس مش عارفة
تعبت من كتر ما بغضب ربنا في كدة يمكن دي الحاجة الوحيدة الي بذنب فيھا ربنا بقول بقا انا مش بعمل الذنوب الصغيرة وبعمل كبائر الذنوب تعبت اوي وخايفة من غضب ربنا عليا
لعرض السؤال في فدني اضغط هنا
السلام عليكم،
المس بتاعت الدين قالت لنا ان لو واحد اتكلم علي واحد، التاني اللي اتكلم عليه برضو هيتكلم عليه مع واحد، الكلام ده حقيقي ولا لأ،، طيب لو حقيقي اللي بيتكلم علي حد اللي هي الغيبه والنميمه، هيتعذب صح؟،
طيب لو فعلاً ان حد اتكلم مع حد علي شخص الشخص التاني هيتكلم عليه،، بس اللي اتكلم الاول هو الغلطان، يبقي مين اللي ياخد ذنب اللي اتكلم الاول ولا اللي اتكلم التاني ولا ايه،، لانه لو مكنش الشخص الاول اتكلم التاني اكيد مكنش هيتكلم، لانه ربنا هو اللي هيخلي الشخص التاني يتكلم على الشخص اللي اتكلم عليه
لعرض السؤال في فدني اضغط هنا
في مشكله عند حد اعرفه شخصيا المشكله دي بين اتنين ولازم دكتور نفسي يعرفنا نعمل ايه بس انا مش هقدر اكتب المشكله هنا لان البنت دي عندها برنامج فدني ولو عرفت ان الطرف التاني حكى كفضفضه هتبقى مصيبه بجد عايزه اعرف هل اقدر اتواصل مع دكتور علي الخاص من البرنامج هنا او ترشحولي برنامج المشكله متبقاش علي الملئ زي فدني وشكرا ليكم وادعو بصلاح الحال ليهم🤲🏻
لعرض السؤال في فدني اضغط هنا
انا عندي مشكله اني اشارك في الانشطه المدرسيه وده بسبب أن انا في مره كنت بعمل بروفه والمس أحرجتني وقالت لي احنا عندنا ناس ممكن تعمل الدور ده بس احنا كنا بنجرب وجوه جديده وقالت لي احنا مش محتاجينك معانا فأنا زعلت عشان حسيت أن انا لو شاركت في أي نشاط هيبقى مليش لازمه ما في غيري يعمل فمعتش بعرف اشارك وللعلم انا شاطره في الدراسه وبعرف أقرأ ومش بتكسف في الفصل بالعكس عادي بس مش بعرف اشارك في الانشطه
لعرض السؤال في فدني اضغط هنا
انا في تانيه اعدادي، مدرستنا نظامها ان اولي اعدادي بنات واولاد يروحو في الصبح هما وتانيه اعدادي بنات بس، وتانيه اعدادي اولاد هما وتالته اولاد وبنات بيروحو في الضهر الفتره المسائيه.
في طابور الصباح، المدير او الاخصائيه الاجتماعيه، بيوقفوا البنات في جهة والاولاد في جهة، بس في بنات بيضحكوا ويتكلموا ويرغوا في الطابور من غير سبب،
وكذا مره المدير يحذرهم وبرضو، كل يوم نفس الحال، المهم النهارده، وصلت المدرسة وهما بيعملوا الطابور، وتفاجأت وصدمت 🙂 انهم موقفين صف اولاد وصف بنات، والمدير مخليهم لازقين في بعض حتي مفيش سنتي واحد بينهم،
في مدرستنا احنا محجبات ونروح بجلباب، الاولاد في المدرسة قليلين أدب جدا جدا، وانا طبعا زيي زيي باقي البنات، وقفت زييهم،
وبيقول انه الولد مش هياكل منك حته دا زي اخوكي، والله الكلام دا كان ينفع لو محترمين، المهم انا واقفه وجنبي ولد سنه اولي بيقول ايه القرف ده والله ماهاجي المدرسة دي تاني، ويبصلنا يعني بقرف كدا مع انه هو المقرف، فكان قاعد يزيح فيا كدا لحد ما كنت هقع، روحت دوست علي رجله بكوتشي اووووي بس كان كاتم الصرخه،
وانا دلوقتي مش عايزه اروح المدرسة تاني لان هيحصل كدا كل يوم وانا مش مستعدة اتعرض للمهزلة دي كل يوم، ولو غبت قبل شهر رمضان هنقص درجات، شهر رمضان عادي نغيب فيه، بس فاضل له 16 يوم، بفكر اني اروح متأخر بعشر دقائق لحد ما يدخلوا الفصل، واروح عشان ما اقفش،
بس كدا همضي وانا قبلها ماضيه مره عشان لبس مخالف، ولو مضيت اكتر من تلات مرات هاخد فصل بس هرجع بس كدا هنقص درجات، فأنا كدا مفيش قدامي اي حل غير اني مروحش وانقص درجات يا اما اروح ويحصل اللي يحصل، لو احد عنده حل يقول وجزاه الله خيرا
لعرض السؤال في فدني اضغط هنا
انا اخويا الكبير في سنه أولى ثانوي وعنده ١٥ سنه ومطَّلع بطاقه وعايز يشتغل عشان بابا لما بييديله فلوس بيذله بيها واحيانا يكون متضايق يقوله امشي وانا معتش مديلك فلوس ولما بييديله مصروف يقوله صرفته في ايه واخويا بيتضايق مصروفي ومش عارف اصرفه وللاسف بابا رافض حكاية أنه يشتغل واخويا مخنوق ولما بيطلب فلوس زياده بابا يقوله ليه وهتعمل بيهم ايه وللعلم اخويا مش بيحب المذاكره بس بياخد دروس وبيعمل اللي عليه وبيجيب درجات حلوه والمدرسين في الدرس بيشكروا في اخويا
لعرض السؤال في فدني اضغط هنا
ابني عمره 12عام يعاني من الكتابة والقراءة والتركيز يلخبط في الحروف ينسى بسرعة اتخذت معه كل اساليب التعليم ولم ينفع
هو اجتماعي ومحبوب وخارجيات الحياة يحفظها ويركز معها يعاني صعوبه التعلم لا اعلم كيف اساعده ادخلته برنامج نور البيان اكثر من مرة في المسجد لا يستطيع التركيز واحيانا هو يزعل من نفسه ويقول لدي مشكلة في راسي لايمكنني التعلم
ارجو المساعدة رجاء هو الاكبر بين اخوته والاصغر منه ممتازين ، احيانا احسه متمرد لا يحب القراءة.
وشكرا
لعرض السؤال في فدني اضغط هنا
انا عندي 16 سنه وعندي اخت أكبر مني بسنتين وأخ أصغر مني بسنتين وعايشين مع أم اقل شيء يقال عنها أنها نرجسيه وشايفه ان عشان هي أم يبقى لها الحق انها تدوس علينا عادي ودا بيحصل معظم الوقت
ومن وانا صغيرة جدا وهي بتإذيني جسدياََ لدرجة ان لما كنت ف أولى ابتدائي عشان معرفتش احل مسألة رياضه عورتني ف وشي و الندبه موجوده لحد دلوقتي ومش انا بس اللي بتأذي بالطريقه دي اخواتي كمان وابويا بيحبها ربنا يديمهم لبعض وعمره ما جه ف صفنا حتى لو هي الغلطانه
واخر حاجه النهارده اتخانقت مع اخويا وضربته جامد لدرجة انه عيط جامد وحسيته هيحصله حاجه فدخلت احوش بينهم قالتلي اطلعي برا قولتلها لا مش هطلع عشان متعمليش فيه حاجه قالتلي انتي انتهيتي بالنسبه ليا وموتى كل دا عشان بس حوشت بينهم لأن اخويا مش ضعيف وكان ممكن يمد ايده عليها والحوار يكبر
وبجد هي السبب ف حاجات كتير اوي وحشه بعملها منها اني بعمل سيلف هارم كتير اوي وبقيت بشرب فيب وبحاول ابطل وبجد انا مسلمه وموحده بالله وبحاول اصبر ومخليهاش تزعل مني عشان ربنا ميغضبش عليا بس بجد تعبت جداََ
وكمان ابويا مسافر طول السنه تقريبآ وهي بتنقله الكلام غلط وبيجي علينا احنا ف الاخر ف بجد انا محتاجه طريقه اخليها تبعد عني وتبطل تإذيني عشان بجد الموضوع كبير اوي وبقاله سنين وانا مش عارفه اعمل ايه واسفه على التطويل
لعرض السؤال في فدني اضغط هنا
ابن سلفى فى كى جى 2 و عنده ذكاء اجتماعى بس فى الدراسه بلاحظ أنه مش مركز و بيهرب من المذاكره عنى اختبار ذكاء طلع طبيعى 110 مش عايز ولا بيحاول يقرأ و لما يجى يذاكر عايز يسمع بس
لعرض السؤال في فدني اضغط هنا
إزاي أقدر أجيب أفلام كرتون وأحملها من زمان جدا ما شاهدها إلا من خلال قنوات الكارتون بس مش من الناس اللي تفضل أولادها يبقوا يتفرجوا على حاجات جديده من غير ما أراجعها أو والدتهم ما تكون بتراقبهم وكمان توفيرا للوقت ممكن أعرف بتتحمل ازاي فضلا عن إني مش بحب المسلسلات والأفلام لأنها صراحه يغلب عليها الباطل ومش حابب وسوسة تجاه الموضوع ده فحابب اتفرج معاهم كذالك بس من فين أقدر أحملها وهل في مواقع مجانيه وشكرا؟
لعرض السؤال في فدني اضغط هنا
هل يصح استمرار الزواج بوجود إهانة وعدم احترام وتقدير وخيانة وعدم الصرف على الزوجة في أشياء شخصية مثل اللبس وأى شيء يخصها، المباح لها الاكل مع كسر الخاطر
المشكله بوجود أولاد والتأثر بتصرفات والدهم واتباع تعلماته خوفا منه من تقليل من شأني كأم
لعرض السؤال في فدني اضغط هنا
السلام عليكم
انا بصراحه مضايقه جدا مصدومه وانا بكتب الكلام ده بس انا مش لاقيه حد يساعدني
انا اكتشفت ان اختي بتجيب للأسف سجاير وتشربها على السطح فوق لما نبقي نايمين وصدفه كانت نايمه العلبه في جيبها، ماما شافتها وخدنا الموضوع بهدوء، عديناها وهي قالت مش هعمل كده تاني وخلاص
سكتنا بس بعدها باسبوع كانت هتجيب لبس وهي عايزة تلبس قصير بلوزه مثلا علشان كده كده هي بتلبس جيبه زي أصحابها بس احنا مستحيل نعمل كده
المهم اتخانقت انا وهي ومجبتش فكنت قاعده انا وامي وأختي التانيه يعني تحت وبعدها طلعت عليها فجأة لان بصراحه مكنتش مرتحالها ففعلا لقيتها معاها علبه تاني
انا عيطت كتير قدامها وامي ضربتها وقالت مش هتعمل كده وقعدت تحلف كتيرر الموضوع عدي بس انا مش مرتاحة
في آخر كام يوم بقت تطلع فوق وتنزل بسرعه مش عارفه ليه والنهارده طلعت وقعدت كام دقيقه ونزلت أنا سايباها لان عندي امتحانات بصراحه وكمان أنا بقول هي بتعمل كده علشان تتطمن ان احنا مش مركزين معاها فترجع تعمل كده تاني
أنا مش عارفة أعمل إيه وابوي مسافر ولو عرف ممكن يتجلط فيها وانا تعبت بجد انا كل يوم بعيط وبدعي لربنا يهديه
بجد مش قادره استحمل المنظر والله كنت بخاف اراقبها مثلا اشوف المنظر ده ارجوكم اعمل ايه واسفه على الاطاله
لعرض السؤال في فدني اضغط هنا
بنت اختي بتسرق فلوس من جدتها وامها مش عارفه أخبر امها ولا لاءمع العلم أن بنت اختي عندها ١٩ سنه
اعمل ايه ارجو الافاده
لعرض السؤال في فدني اضغط هنا
أنا أم لبنت عشر سنوات تعبت من الضرب فيها والعقاب هي ردها وحش وأسلوبها لدرجة أن الكل بيقول عليها مش محترمه، نفسي أسلوبها يتغير وتعدل من ردها وتسمع كلامي حد يقولي حل
لعرض السؤال في فدني اضغط هنا
ابنتي في الصف الأول الإعدادي ومن فترة اكتشفت أنها تسرق مني من أجل شراء الحلويات والاكسسوارات تكلمت معاها أكثر من مرة إلا أن وصل أنها سرقت اختها بمبلغ كبير لنفس الأسباب ولا نعرف ماذا نفعل وما الحل مع العلم أنها تأخذ. مصروف شهري
لعرض السؤال في فدني اضغط هنا
السلام عليكم و رحمة الله و بركاته
اخويا عنده 7 سنين في أولى ابتدائي لكن منزلش المدرسة من اول الترم عشان كان عامل عملية في رجله، هو من الاجازة و هو قاعد في البيت، و معندوش صحاب اوي يعتبر و مؤخرا بقينا ننزل بيه آخر الاسبوع للنادي يلعب شوية بس هو ميعرفش حد هناك.
انا الأخت الكبيرة و عندنا اخت وسطانية بس كل واحد مشغول في حاجة سواء انا سواء ماما سواء بابا ف عشان ينشغل عننا شوية بنديله الموبايل يتفرج.
الأول كان معجب بالبلابل و جبناله بلابل كتير يلعب بيها دلوقتي بقى معجب بلعبة poppy playtime و الشخصيات اللي فيها لدرجة ان ماما و بابا جابوله دبدوب شخصية huggy و هو بقى مرتبط اوي باللعبة و كل شوية مصدعنا بيها
و اليوتيوب كله عبارة عن الفيديوهات دي المشكلة ان هو بيقلدهم، عشان هي لعبة رعب فلما يتعصب بيقعد يعمل حركات زيهم كأنه بيخوفنا و يقعد يطلع صوت زيهم بالظبط و طول النهار ع كده و احنا ١٠٠ مرة نقوله متتفرجش ع الحاجات دي و نزعقله و ناخد منه الموبايل و نقوله اقفل بس هو برده مُصر ان هو يتفرج عليه،
فعايزة حل للمشكلة دي، ممكن ناس تقول كانت غلطتكم من الاول ان انتو اديتوله الموبايل يتفرج، هي الفكرة كلها ان احنا كل واحد بيبقى مشغول في حاجة و هو بيزهق لما بيلعب لوحده احنا بنلعب معاه بس بعد كده بنسيبه ف بنخليه يتسلى بيه شوية
لعرض السؤال في فدني اضغط هنا
انا اكبر اخوتي وأحاول البر بأمي ولكنها تقسو عليّ باستمرار
يوجد لدي نت في جوالي وأمي طلبت مني أن أفتح لها ولكن بطارية هاتفي نفدت وقلت اريد ان اشحنها ولكن امي غضبت مني وقالت كل مرى وجوالك بالشاحن
وانا قلت بعد ما اشحن هاتفي سافتح لها نت حتى تنفد البطاريه ولكن امي غضبت علي فقررت ان افتح لها شبكه وهاتفي يشحن وكل مره تطلب تقول افتحي الشبكه غصب عنك وتطلب مني ان افتح لها وتصرخ علي
وعندما تطلب مني شيء تطلب بقسوه
هذا اليوم اتت اختي الصغيره وقالت انقلعي افتحي لأمي شبكه ففتحت واليوم دخلت الصاله فصرخت علي امي لكي انفذ طلب فقلت لها نفذت طلبها وبينت لها اني مستاءة من تعاملها معي وقلت لست صغيره فصرخت علي وغضبت علي
لعرض السؤال في فدني اضغط هنا
من فترة كنت بنزل مع والدي المكتب وأتعلم الشغل، لكن فجأة ألاقيه بيزعق وصوته جايب كل المكتب بالرغم إني مغلطش في شيء لسه.
المهم أمس كنا بنتكلم وكان بيعاتبني أنا علي الموقف دا إنه لما عمل كدا أنا زعلت على افتراض إني مليش حق أزعل، وبيكمل كلامه إن فيه حد من جنسية ما كان بيعلم أخوه برضو وفجأة راح ضارب أخوه كف عشان غلط .
فأنا برد عليه إنك معجب بدا وعايز تعمل كدا معايا ، فهو أنكر دا بل وكمان زعل مني اني قلت دا وفكرت في كدا.
لعرض السؤال في فدني اضغط هنا
ابني في سنه سته ابتدائي مديره المدرسه الابتدائيه طلعته في طابور الصباح وفتشته أمام زملائه ايه إجراء المطلوب مني انا كوالد التلميذ
لعرض السؤال في فدني اضغط هنا
انا كلمت شخص وبابا اكتشف دا وبعدين قرر يعاقبني بعد ما ضربني قرر يعاقبني تاني وانا اكتر حاجة بحبها دراستي فحرمني من دروسي وانا دلوقتي بروح المدرسة عادي بس هو رافض يوديني الدروس وأنا مش فاهمة أي حاجه في المنهج وكمان سحب مني التليفون والرسالة دي من تليفون بنت خالتي لما دخلت على حسابي من تليفونها علشان اسألكم اعمل إيه
لعرض السؤال في فدني اضغط هنا
هل الثقة الزائدة والسذاجة و مشاعر الأنثى ممكن تتسبب في إنها تتعرض لعملية خداع مدبرة تهدف لتدمير حياتها من شخص معدوم الأخلاق والتربية والضمير وهل اللوم بيقع عليها ولا علي الشخص المستغل مشاعرها؟
(يُرجى الضغط علي الإجابات لتقرأ إجابتي كاملة وشاركني برأيك أيضًا)
لعرض السؤال في فدني اضغط هنا
السلام عليكم
عندي طفل 10 سنوات وطفله 6 سنوات
الولد شقي جدا وديما بيكدب مع اني لم اعاقبه عندما يعترف بخطئه ولكن هو دائم الكذب ويري ان انا ووالدته نفضل اخته الصغيره عنه كحال الاخوه في هذه المراحل العمريه ولكن اسلوبه غير مهذب مع والدته في بعض الاحيان ودائما يفعل نفس الأخطاء مع العلم انه اللهم بارك متفوق جدا في المدرسه
اختو دائما تخبرني بكل ما يفعله ولا اعلم هل المفروض امنعها واقول لها انها لا تخبرني بهذا ام لا لاني اخشي ان تصبح عاده لديها في نقل الكلام
لعرض السؤال في فدني اضغط هنا
لا يخفى عليك أيها القارئ الكريم
أن جُل الأسئلة تدور حول محورين:
قصص حب
كره للأهل
أظن أنه من المستحيل أن يكون سبب واحد وراء كل هذا...
لكن ربما هناك العامل الأكبر أو المؤثّر الأكبر، الذي يؤدي إلى هذه المشاكل
ما هي برأيك؟
لعرض السؤال في فدني اضغط هنا
انا مدرسه وفي عندي طفل امه بتقول تشخيصه adhd هو الطفل وشاطر بس متمرد وعنيد وعايز يتعلم علي هوا
ومعنديش خبره في النوع ده اول مره اشوف طفل بشخصيته ...انا حازمه بس بخاف احزم معاه يتمرد
ايه الطريقه الصحيحه لتواصل معاه و ان يستوعب مني بشكل افضل ...وانا ملاحظه امه مدلعه وبتتحايل عليه مش عارفه تسيطر عليه
ارجو الافاده من متخصيص ايه افضل طريقة لتعامل المدرس مع اطفال adhd
لعرض السؤال في فدني اضغط هنا
السلام عليكم
محتاجه متخصص يفدني ف المشكله دي ياريت وازاي اقدر اتعامل معاها ،انا عندي 24 سنه واختي الصغيره عندها 8 سنين من فتره ابتديت الاحظ ان تصرفتها غريبه ودايما بتتأخر ف الحمام وبلاحظ انها لما بتدخل الحمام بتقلع البنطلون بالكامل برا وابتديت اقولها انتي ليه بتقلعي برا الحمام بتقولي عشان لما اغسل ميجيش عليه مايه قولتلها لا مينفعش هل لو احنا برا عند ضيوف ينفع تقلعي برا قالتلي لا واتوترت ومشيت ، الموضوع بدأ يتكرر بردو وبالصدفه اتأخرت كتير ودخلت عليها لاقتها قاعده ف المانيو وفاتحه رجليها ومشغله المايه ع الاخر والمايه نازله ع منطقه البكيني بالظبط ولما شافتني وشها جاب الوان وكأنها عارفه انها بتعمل شئ غلط وسألتها انتي بتعملي ايه اتلغبطت وقالتلي انا بغسل رجلي الصراحه حاولت اتجاهل واعدي لكن انا حاسه ان تصرفتها مش طبيعيه وابتديت اراقبها ف لاقيت انها اوقات كتير بتدخل الحمام عشان تعمل الحركه دي مش عشان تعمل حمام ولما بتشوفني بترتبك جدا وبتخاف بس مش عارفه هي لي بتعمل كدا دي طفله وازاي اقدر اتعامل مع الموضوع او افهمها انا كتير بقعد اكلمها براحه بس بردو الموضوع بيتكرر واحنا ف بيتنا عندنا حمامين ف حمام ضغط المايه فيه عالي جدا وهي دايما بتبقي مصمهه تعمل حمام ف الحمام دا وبلاحظ انها بتفضل مشغله ضغط المايه وهي بتغسل لنفسها كتير وكأنها حابه الشعور دا ،انا اسفه ف كلامي والله لكن انا خايفه تأذي نفسها ياريت حد يفدني ؟
لعرض السؤال في فدني اضغط هنا
السلام عليكم
طفلتي عمرها ستة أشهر من حين لآخر وهي نائمة تكاد أن تكون في مراحل البكاء إن احسست بها أقوم واهدؤها لحد ما تهدأ وتنام وإن ما احسست بها تبدأ بمراحل البكاء ثم تصرخ وهي نائمة
ما سبب ذلك رجاء افيدوني
لعرض السؤال في فدني اضغط هنا
انقاذ من سقوط غير مستحب
السلام عليكم ورحمة الله وبركاته
لدي أخ في الثانية عشر ورغم ان حياتنا مستقرة ولاينقصنا شيء الحمد لله الا انه اذا وجد شيئا ملقى في أي مكان أخذه وفي بعض الاحيان يكون الشخص قد وضعها هنا وسيأتي لاستردادها لاحقا ورغم ان أمي ووالدي حذراه كثيرا وعاقباه الا انه لم يكتفي يخشيان ان يكون سارقا عافاه الله من ذلك ووالدي يزيد من عقابه ويناديه بلفظ سارق إلى أن تحدثت انا مع أبي وأخبرني ان اتحدث معه ولكن لا أعرف ماذا أقول له
لعرض السؤال في فدني اضغط هنا
السلام عليكم
في اخت طلبت مني اسأل حضراتكم عن حالة اخوها الصغير غريب الأطوار هو واضح أنه مش طبيعي لكن يحتاج مختص ودا نص السؤال .
طفل عنده 12 سنة بيحب دايما في لعبه أنه يتضرب وبيستمتع بالضرب وبيطلب من اخواته الأكبر منه سنا أنهم يضربوه وبيستفزهم للحصول على الضرب ويضحك ونادر جدا أنه يبكي عندما يكون ضرباً مبرحا وبيلسع نفسه بالنار ولا يستجيب للكلام أبدا وبيقول بصراحة أنا بحب اتضرب وبيتفرج على فيديوهات عنف ذبح وقتل ومشاجرات وما شابه وجبان جدا ومالهوش صحاب وبياكل بشراهة وسلوكه سئ جدا والفاظه قبيحة .
لعرض السؤال في فدني اضغط هنا
كيف اتخلص من النميمه
لعرض السؤال في فدني اضغط هنا
السلام عليكم ورحمه الله وبركاته
كنت حابه اعرف ازي امسك اعصابي مع ابني في معاملتي معاه ساعه المذاكره مثلا اي موقف في المدرسه مش بعرف اعديه بسهوله انا نفسي أعصابي تكون هاديه واخد المواضيع بهدوء خالص واتعامل معاهم ايه الخطوات اللي ممكن اعملها
لعرض السؤال في فدني اضغط هنا
مشكلة بتواجه مجتمع فدنى كتير
بقالى مدة ملاحظة مشاكل بنات وشباب على الارتباط وخذلان بعد سنين ده بيبقى سببه إيه؟
هل عدم تقارب وصحوبية الاهالى لأبنائهم او مفيش مثلا اهتمام من الأهل فبيدوروا عليها بره مع اى شخص؟
ولا عدم تقارب من ربنا وقلة الدين وسن مراهقة بحس ان الانسان بيحب بيجرب الحاجة إلى حواليه حتى لو هاتأذى وممكن يكون الشخص ده عارف نهاية العلاقة وبدأها وهو خايف من النهاية ومع ذالك مكمل وهو مستنى نتيجة غير الحقيقة اللي عرفها.
يمكن زمان كان فعلا الزمن الجميل زى مابيقولوا، خالى من التكلونوجيا ومفيش صحوبية وكدا، بلاقى سن ١٢ وكسر من حب وتسليه سن صغير جدا على مر التجربة دى.
دايما بشوف ان ثقة الاهل لو اتكسرت مش هاترجع تانى وحرام نضيع وقت وطاقة لأشخاص مش صادقة، اه تجربة الحب جميلة واى بنت تتمناها حتى انا عادى بس بضوابط حب كل ناس عارفة مش كأننا عاملين جريمة والى يحبك عمره ماهيرضى يكلمك ولما يتقدم ساعتها هيقول على وحدة مكنش بيكلمها ببساطة بتبقى مجرد نزوة وتضيع وقت.
آسفة على الاطالة بس حبيت اكلم عن الموضوع
لعرض السؤال في فدني اضغط هنا
اخواتي بيعملو حجات كتيره وحشه و بابا مبقاش طايقهم بس بابا بيعاملني انا واخواتي وحش بس انا معملتش حاجه انا اقرب وحده من اخواتي لبابا وزعله بيضايقني بس انا تعبت ومش عارفه اتصرف ازاي مش عارفه ليه بابا بيعاملني انا كده بقى كل ما أقول حاجه يتنرفز عليّ وعلطول مش فاهمني ولا عاوز يسمعني علطول شايف اني قصدي اعانده وانرفزه و لما اقوله علي حاجه او استشيره يقول اعملي اللي انتي عايزاه انتي حره متخديش رأيى في حاجه ولما بسأل ماما قالتلي حتلاقيه متضايق شويه بس الموضوع عدا عليه كتير وانا مش عارفه اتصرف ازاي ومش عارفه ارضيه
ممكن تقولولي اعمل ايه
لعرض السؤال في فدني اضغط هنا
بنتي عمرها 3 سنوات هي عندها نشاط زايد في الحركة واحيانا تتكلم بصيغة السؤال والجواب ما بين شخصيتين مثلا بتفترض أنها بتكلم بنت اسمها رحمه وتقولها عاملة ايه يا رحمة وتروح ترد وتقول أنا كويسة وأحيانا يكون الحوار طويل زي أنها تعبر عن زعلها بسبب منع والدتها الهاتف فتشتكي لصاحبتها الافتراضية دي وكأنها بتسألها انتي زعلانه ليه فترد عشان ماما اخدت التليفون انا خايف تكون دي مشكلة نفسية
لعرض السؤال في فدني اضغط هنا
السلام عليكم
اخويا ٢ع ازاي أتعامل معاه بطريقة تقربه مني بحيث يتقبل مني رأي أو نصيحة وأقربه من ربنا وابعده عن المعاصي هو عصبي وعِندي ومش بيتقبل النصيحة ومش بيصلي خالص ولا بيهتم بمذاكرته ولا بدرجاته ولا عايز يحسن من نفسه وعلى طول بيقول مش عايز اكمل تعليم ودايما محبط انا عارفه ان البيئة اللي عايشين فيها غير سوية وعايزة على قد ما اقدر مخليهوش يتأثر حقيقي تعبت معاه وانا عيزاه شخص كويس وسوي وناجح في حياته وميعش اللي انا عشته بس مش عارفة
لعرض السؤال في فدني اضغط هنا
السلام عليكم ورحمه الله وبركاته
نفسى اساعد ابنى انه يحفظ القرآن الكريم بسهولة ويسر فهل فى طريقه تساعدينى ابنى ازهرى الصف الثالث الابتدائي
لعرض السؤال في فدني اضغط هنا
لعرض جميع الاسئلة في فدني اضغط هنا