السلام عليكم
ممكن اللي واخد شهادة معتمدة في مهاره معينه يشاركنا بتجربته ويحكي لنا عمل ايه بظبط عشان ياخدها و ازاي اخدها
و ايه أفضل الكورسات و المهارات الي هتنفع ف Cv و الي اقدر اخدها مع العلم حاليا انا ١٦ سنه حابه اخد كورس ف حاجه معينه تنفعني ف اي شغل بعد كدا او حتى ف تالته مع العلم انا علمي رياضه إن شاء الله و عندي موهبه الرسم
و ايه أفضل المواقع الي اقدر ادرس من عليها و بتقدم شهاده معتمده مجانيه من جامعات معروفه
لعرض السؤال في فدني اضغط هنا
ظهر ليا اعلان عن موقع بينزل عليه فُرص شغل ..حملت التطبيق ودخلت بحثت لقيت وظيفة عبر الانترنت واتقبلت فيها و مدير التوظيف ارسل ليا اللينك ومليت بيناتي وكده
وده اللي هو بعته ليا كـ محتوى الوظيفة وسيرها
محتوى وظيفتك هو قبول المهام من منصة ( اسم المنصه) عبر الإنترنت وقراءة الكتب المنشورة، وتستغرق قراءة كل كتاب بضع ثوانٍ فقط، وذلك لمساعدة عملاء الشركة على زيادة قراءة الكتب وعرضها. بعد الانتهاء من المهمة ستدفع لك الشركة عمولة. هذه وظيفة بسيطة وجيدة الأجر، ويمكن إكمال العمل في 5-10 دقائق، وسوف نقوم بتحصيل المبلغ من المعلن وندفع لك 60%-80% من الرسوم كعمولة، هل أنت مهتم؟
وبصراحه قبلنها وكده ودخلت على المهام لقيت في 5 مهام في اليوم المهمة الواحده بـ 10 جنية يعني القبض في الشهر 1500 جنية
المهم ان لما دخلت على المهمة لقيت المحتوى بالانجليري تمام ترجتمه وكده لقيته بيتكلم عن التكنلوجيا وكيف بدأت ومنين الفكرة جات ودي اول مهمة ومش مطلوب اننا اقرئها بس اني اعلي نسبة المشاهدة وكده
المهم عندي استفسار الفلوس دي لو اخدتها هتكون حلال ولا فيها شبهه عشان انا خايفة لتكون حرام خصوصا ان الشغلانة دي مفهاش تعب خالص؟
مع العلم بردك ان دخلت على مُهمة من المهام لقيت ان الكتاب تقريبا بيتكلم عن حياة شخص انه عاوز يفتح عياده عللج طبيعي ومكملتهاش كلها بصراحه
مش فاهمة الموضوع كويس
ممكن افاده؟
لعرض السؤال في فدني اضغط هنا
انا محتارة حد يفيدنى بسرعة
حالياً انا فى شغل تسويق اونلاين بسوق حاجات مش مجالى بس اهو بحاول وكنت قبل كده فى شغل داتا انترى وكنت مبسوطة بس حد قالى على شغل سيبتها بكل غباء علشان اشوف التانيه وبعد ما بعتت وكله تمام وكنت خلاص هنزل محدش رد خالص ما علينا انا دلوقتي بفكر ارجع لادخال بيانات مع العلم التسويق من 9ل5 وإدخال بيانات من 9ل4 بس التسويق كا راتب اعلى 1000 من إدخال بيانات وانا مسحوله تفكير
هل ارجع إدخال بيانات واكلم المدير فى المرتب ♥️
ولا اكمل فى اللى انا فيه 👍
لعرض السؤال في فدني اضغط هنا
السلام عليكم ورحمة الله وبركاته
كنت حابب استشير حد في مشكلتي
انا بشتغل في محل ملابس واكسسوارات حريمي المشكله هنا اني بشتغل فس شرم الشيخ وشغلي يعتبر ٨٠٪ منه مع اجانب وانا مش معاايا لغه والمشكله اني عندي مشكله فالذاكره مش بحفظ واي حاجه بتعلمها بنساها ومش عارف اتعامل مع الزباين الي بتدخل عندي لازم انادي لحد شغال معايا وبيعرف يتكلم لغه ودا محسسني بالعجز اعمل ايه علشان اتخطي المشكله دي
لعرض السؤال في فدني اضغط هنا
السلام عليكم ورحمة الله وبركاتة
انا حاليا في الماجستير، في كليه انا مش بحبها برغم أن اهلي وكل الناس شايفيني
فيها.
دخلتها برغم أن مجموعي عالي جدا عنها ولكن وقتها كان عندي رغبه ف كليه اعتمادها ع الواسطه والمال
ودا ماكنش متوافر وقتها معايا دخلت الكليه دي عِند ف نفسي وف حلمي اللي قعدت سنين عمري احلم بيه لدرجه اني كنت بتخيل شكلي فيه وصورتي بس ما قدرتش احققه
وعاهدت نفسي اني لازم اثبت نفسي وارتب اول دفعه في الكليه اللي دخلتها
ماقدرتش ارتب اول رتبت التانيه ع الدفعه الحمد لله بس حاسه بغصه ف قلبي
حاسه اني تعبانه حاليا بعد ما اتخرجت بقيت لوحدي من غير أصحاب ومن غير اي حد حتى نفسي مش حساها. انا
مش عارفه اكمل وقفت عند النقطه دي ولا عارفه اجتهد زي الاول ولا اشتغل ولا اعمل حاجه بقيت تايهه وبقيت بعيط يوميا
صعبااااان عليا اللي وصلتله مابقتش عارفه اكمل حياتي وانا حاسه بكميه الوحده والألم دا. اوقااات كتيررر بقول انا وحشه. مش عارفه اتعامل مع الناس دايما بحس انهم منافقين حاسه اني بشوف الناس ع حقيقتها ودا تاعبني نفسيا
اعمل اي 😭😭💔💔💔💔
لعرض السؤال في فدني اضغط هنا
انا تاجر بشتغل في تسويق وتجارة الملابس اون لاين وبعاني من فقدان الشغف ومن الملل ومن عدم النظام والكسل حتى إني بنسى اسعار المنتجات بتاعتي وابقى مش عارف ارد على الناس حاله غريبه جدا من الاجهاد المستمر بتستمر ايام طويله وممكن اسابيع ارجو مساعدتي في ثلاث حاجات واربعه فقدان الشغف عدم النظام والنسيان والكسل مش عارف ده يتسمى في الطب النفسي الحاله صعبه بصراحه ومحتاج مساعده
كمان ما ببقاش عارف ارد على الناس ومش عايز ارد على حد
لعرض السؤال في فدني اضغط هنا
ازاى اسجل ك محاسب قانونى فى سلطنه عمان
لعرض السؤال في فدني اضغط هنا
افضل مشروع من ناحية الاستثمار من حيث لا تقل قيمة راس المال في حالة الخسارة
لعرض السؤال في فدني اضغط هنا
انا في أولي جامعه عايزه اشتغل حاجه تكون كويسه واتأقلم فيها وعايزه اتعلم اللغه الانجليزيه
لعرض السؤال في فدني اضغط هنا
السلام عليكم ورحمه الله وبركاته
ممكن احد يفيدني بخصوص مجال التداول وانا طالب وعايز اساعد نفسي وأهلي وانا بجد معرفش اسيب كليتي وادور ع شغل لاني ف كليه عمليه وضغط جدا وشفت فيديوهات كتير عن المجال ده هل هو حقيقي وممكن اعرف اساعد نفسي منه بجد ولا اي
لعرض السؤال في فدني اضغط هنا
أنا عندي ٢٢ سنة اتخرجت السنة دي الحمد لله من آداب علم النفس الإكلينيكي جامعة كفر الشيخ في مصر بقالي تقرييا خمس شهور في البيت مش عارفة ابدأ ازاي المجال بتاعي، هل ابدأ بالكورسات والتدريبات العملية والنظرية في المستشفيات ولا آخد الماستر أحسن ولا أعمل إيه ومش عارفة أتخصص في إيه بالظبط.
كنت هتخصص في إدمان بس الدكتور بتاعي قالي المجال ده للأولاد مش البنات فمش عارفة إيه المجال الأفضل أرجو النصيحة.
لعرض السؤال في فدني اضغط هنا
السلام عليكم ورحمه الله وبركاته،
خريجه اقتصاد وعلوم سياسية القاهرة لكن لحد الان مشتغلتش لسه ومش لاقيه مجال مناسب أشتغل فيه ومحتاجه أشتغل عشان أخد كورسات فى مجالات تانيه ممكن لو حد نفس الكليه يقولى أعمل إيه وأقدم فى إيه عشان أتقبل على طول ولو حد يشارك ال CV لو كويس عشان لو هعمل حاجه
لعرض السؤال في فدني اضغط هنا
معايا مبلغ كويس وكنت عاوز افتح مشروع واكل منه بالحلال ولكم جزيل الشكر
لعرض السؤال في فدني اضغط هنا
السلام عليكم
أنا خريج تجارة ٢٠٢٠ وللأسف مشتغلتش بشهادتي نهائيا فدلوقتي حابب أشتغل بتعليمي ومش فاكر أي حاجة من الدراسة وعايز أطور من نفسي لسوق العمل مش عارف اعمل إيه أو أبدأ منين.
انصحوني بارك الله فيكم
لعرض السؤال في فدني اضغط هنا
السلام عليكم ورحمة الله
لو سمحتم أنا شغال في محافظة غير محافظتي وفي مهنة غير مهنتى بس المشكلة أطفالي متضررين من عدم وجودي وبيسألوا عليا كتير.
بقعد أسبوعين في الشغل وأرجع إجازة ٤ أيام بس فهل أترك الشغل وأشوف شغل قريب منهم ولا طالما الشغل الحالي موفي احتياجات بيتى ماديا أكمل فيه مع مراعاة وضع وظروف البلد وشكرا
لعرض السؤال في فدني اضغط هنا
دلوقتي انا بعمل مشروع أنشطة تعليمية للأطفال وعملت صفحات على مواقع التواصل الاجتماعي وبدأت انزل فيديوهات تشويقية للأنشطة بس للأسف حصل ظرف والأنشطة هتتأخر حوالي شهرين او تلاتة.
هل ممكن بدل ما أقفل الصفحات دى أعمل أنشطة من البيت أي أم تقدر تعملها في البيت للطفل وأنزلها بحيث الصفحات تكبر ولا اسيبها كده؟
لو عملت الأنشطة هل لما أنزل الانشطة بتاعتى للبيع هتتباع ولا لأ؟
لعرض السؤال في فدني اضغط هنا
سلام عليكم
جماعة، أنا جالي شغل في ماكدونالدز في السعودية
وراتب مقبول ،،، لكن ،،لكن ،،
أنا مش قادر اتخطى حتة ان دا ماكدونالدز راعي الإرهاب في العالم وإن فلوسه بتروح للصهاينة و حلفاؤهم ،،، وفي نفس الوقت انا مبعرفش انام من التفكير وقاعد مبشتغلش وخاطب ويعتبر لسا معملتش حاجة ومفيش شغلانة في البلد ممكن تظبطلي أموري على ما أعتقد ،،،، ومش عارف أعمل إيه ,,,
لعرض السؤال في فدني اضغط هنا
انا بعاني اوي في شغلي وبيلقحو عليا كلام كتير مش فيا والله
زي اني مش سوية نفسيًا وده عشان برفض ان حد يتنمر عليا مثلا بيتريقوا علي جسمي وشكلي وطولي ومناخيري واحنا عارفين كويس ان حرام كده بس برضو فعشان كده انا قماصه ومش سوية نفسيًا 😂
المهم ان كمان المديره شخصيتها ضعيفة اوي يعني أسهل حد تيجي عليه انا وبدل ما تقول ده عيب وغلط لا هي طريتقها اتغيرت معايا عشان ترضي الباقي وبجد مبقتش طايقة الشغل مع اني بحبه اوي وبحب الي بعمله وشاطره فيه وبشهادة الناس اللي مش سوية نفسيًا زي كده عشان هما بيقولو كده برضو 😂
المهم اني بحاول أنكر الي أنا فيه دلوقتي بس الموضوع مش بالسهولة دي ولا حل اني اسيب الشغل بسهوله خالص بس مش عارفة انا بحكي ليه اصلا فضفضه ولا عايزة حلول ربانيه كده عايزه حاجه تهون عليا لاني داخله في سكه اني اصدق كلامهم
لعرض السؤال في فدني اضغط هنا
انا طالب بدرس في كلية هندسة وبصرف على نفسي بفهم في السوفت وير ومحتاج شغل عشان اساعد نفسي في مصاريف الدراسة
ارجو الإفادة وشكرا مقدما.
لعرض السؤال في فدني اضغط هنا
السلام عليكم ورحمة الله
زي كل شباب مصر في الآونة الأخيرة تقطعت بهم السبل ولم يجدوا إلا الهجرة سبيلاً للنجاح وتحقيق أحلامهم لأن الوضع هنا أصبح يبعدك عن تطلعاتك مهما اشتغلت أو اجتهدت.
فكلمت صديق يشوف لي سكة سفر قال لي ممكن تطلع زيارة على الامارت شهرين وبعدها ربنا يسهل.
انا خريج تربية إنجليزي وشغال هنا موظف استقبال في أحد الفنادق الشهيرة لغتي الانجليزية ممتازة إلى حد ما وهو ما يشجعني للتفكير في السفر
هل أعامر وآخذ المخاطرة ولا اظل في مصر؟
لعرض السؤال في فدني اضغط هنا
السلام عليكم ورحمة الله وبركاته
عندي مشكله اجتماعيه و مهنية كبيرة
أعاني من البطالة منذ فترة طويلة حيث لا أستطيع ان اعمل إلا عمل معين و هو العمل الاداري و مش عارف ألاقي نفسي في عمل آخر و مش لاقي فرصة في هذا المجال وأصبحت عبئا ثقيلا على والدتي المريضة ارجو مساعدتى فى الحصول على فرصه عمل مناسبة
لعرض السؤال في فدني اضغط هنا
أنا دائماً ما بحبش أشتغل في مكان بيتم فيه مشاركة المعلومات الشخصية حتى لو أصحاب العمل هما اللي بيشاركوني بيها.
بحب أن الشغل يكون عملي أكثر مبحبش يكون المكان كأنه بيت، يعني في الغالب ما احبش العشم في الشغل يعني ما حبش إن أصحاب الشغل يكونو عشمانين في بزيادة إني أطول عن معاد الشغل أو ادي أكثر من طاقتي عشان هما بيتعاملو كأننا مكان واحد
اي نعم أنا وزملائي نكون اصدقاء بس الدنيا ما تكنش سائحة كده
لعرض السؤال في فدني اضغط هنا
أنا حالياً شغالة في مكان لسه بقالي أسبوعين والبنت اللي كانت ماسكة المكان قبلي موجودة عشان تدربني وتعودني على المكان على الرغم من أنها مش مضطرة تفضل هي فاضلة عشان أصحاب المكان ناس كويسين ومحترمين جداً وعشان تعلمني أكثر وتزود خبرتي
بس ظهر لي فرصة شغل أكثر عائد واريح وأكثر استقراراً وأقرب من بيتي وأقل عدد ساعات وأنا قدمت فيها بس لسه احتمال الرفض أو القبول بس احتمال القبول أكبر
فأنا كنت شايله هم الناس اللي أنا معاهم دلوقتي عاوزة اسيب المكان بدري مع أني لسه مش متاكده من الفرصة الثانية عشان لو كده الشخص الجديد اللي هيجي مكاني يلحق يتعلم شوية من البنت القديمة وكمان لو ربنا كرمني بالفرصة الثانية في خلال أسبوعين أو شهر وجالي القبول ما اسيبهمش بعد ما خلو البنت دي معايا وكمان هما كويسين جداً وأنا مش عاوزة اسببلهم أي ضرر عشان لسه هيدورو على حد ثاني
على الرغم إني مش متاكده أن فرصة الشغل الثانية دي هتجيلي أصلا بس مجرد خوف أن الناس دول ممكن يحصلهم أي مشكلة حتى ولو بسيطة بسبب إني هسيبهم بعد مدة قصيرة مع أني مش متاكده أصلا مسببالي أرق ووجع ضمير ومش عارفة أعمل اي
لعرض السؤال في فدني اضغط هنا
السلام عليكم ورحمه الله وبركاته
ممكن نصيحة، دلوقتي نفسي اجيب عربيه تويوتا سوزوكي ومش معايا غير مقدم،
أجيبها ولا اعمل ايه؟
نفسي بيكا عندي مصلحه اشتغل بيها وخايف اخسر علشان الفلوس دي مش فلوسي لوحدي والله العظيم انا تايه وخايف اخد الخطوه ونفسي فيها جدا علشان تحسن دخلنا إن شاء الله
لعرض السؤال في فدني اضغط هنا
ممكن حد يفيدني اشتغل اون لاين ازاي
لعرض السؤال في فدني اضغط هنا
السلام عليكم
اولا:
اعرفكو على نفسي اسمي: اسماء عمري ١٤سنه ، أنا للصراحه أول مره استخدم التطبيق دا، نبدأ في الموضوع أنا كنت قرأت عن طرق كسب المال من الإنترنت فعرفت عن شيء اسمه الإستطلاعات عبر الانترنت متعمقتش في أوي ودخلت على كذا موقع سجلت ومعرفتش اكمل أنا بس كنت عاوزه اعرف هل دا حقيقي أم كدب ممكن تشوفو الموضوع تافه شويه
{اسفه على الإطالة في الحديث وشكرا على أنكم كملتم}
لعرض السؤال في فدني اضغط هنا
السلام عليكم ورحمة الله وبركاته
مش عارف آخد أي خطوة في حياتي خالص وبصراحه انا مش عارف العيب فين او أحله ازاي. عمري جري مني وانا لس معملتش اي حاجه من اللي نفسي فيها كل ما أروح شغل اتشتت ويجيلي شغل أعلى في المرتب اسيب الأول واروح الجديد وضليت على كده عمري 26 سنة وأروح اشتغل، شوية منتظم وبعد كده أجازات كتير واكسل فطبعا كل ده وقت وبيجي من عمري ومش عارف اعمل ايه وتعبت من الوضع ده جدااا ومعنديش اي هدف فقدت الشغف.
ممكن تفيدوني؟
لعرض السؤال في فدني اضغط هنا
عايزة تجارب شخصية في ازاي اقدر اعمل محتوى واسوق علي منصات التواصل الاجتماعي وايه القنوات والكورسات المجانية الي ساعدتك توصل لطريقك وبالفعل تحقق مصدر دخل باقل الامكانيات والخبرات وفكرة محتوي سهلة ومختلفه
لعرض السؤال في فدني اضغط هنا
كيف بدأت عمل اونلاين
وكيف ابدأ انا
لعرض السؤال في فدني اضغط هنا
هل يمكن أن تحكي لي قصتك عن اول عمل في شركة عن بعد كيف حصلت عليها
لعرض السؤال في فدني اضغط هنا
انا متخصص في مجالي كيف اصبح خبير في الموقع؟
لعرض السؤال في فدني اضغط هنا
جماعة،
انا ٢٤ سنه متخرج من دبلوم سياحه وفنادق الاورمان، مدخلتش جيش دلوقتي حاسس اني متردد ف القرارت ودا غلط بس عاوز النصيحه منكم دلوقتي انا اقدم ف معهد هل دا هيضيف لي ف حياتي؟
مع العلم متخرج من ٢٠٢١
ولا اخد كورسات لغات؟ هل دا هيضيف لي ف ما بعد ف حياتي الكورسات دي؟ ولا اعمل مشروع مع ان راس المال معايا ضعيف شويه ٢٠ الف ودول ابويا قالي هساعدك عادي بيهم وابقي ادهوملي.
دلوقتي اعمل ايه ف حياتي والعمر الي بيجري دا فدوني افادكم الله.
وهل شهاده المعهد او الكليه هتبقي حاجه كويسه لو اتقدمت لبنت او كدا؟
اسف طولت عليكم
لعرض السؤال في فدني اضغط هنا
السلام عليكم
أنا أعمل بمجال التخاطب بعد أن أخدت كورسات تخاطب عديدة وأصبحت متميزة فيه على الرغم أنه غير تخصصى وانى فى اليسانس علم اجتماع تقديرى مقبول وأخدت بعد ذلك دبلومه تربويه بقدير جيد جداً فهل أستطيع أن أحصل على شهادة معتمدة للتربيه الخاصه وعمل دراسات عليا في هذا المجال سنى 42 واقيم فى الأقصر الرجاء ساعدونى
لعرض السؤال في فدني اضغط هنا
السلام عليكم
انا اعمل مدرس احياء وعلوم متكاملة ..وأريد أن أبدأ دروس ولا اعرف كيف ابدا بالخطوة الاولى يعني باقي التفاصيل اعرفها الي حد كبير ولكن الخطوة الأولى لا اعرف كيف ابدا..
هل اروح للسنتر أقوله عايز اكون مجموعة ؟
ولكن بحس اني كده يقلل من نفسي فاهم ..
ياريت لو حد عنده فكره عن ازاي ابدأ يقولي من فضلكم
بس انا عايز أوضح حاجة ..انا اقسم بالله مببص للموضوع على أنه مادي وفلوس وكده ..انا فعلا نفسي اخد فرصة من ربنا اني احاول اصلح حاجة في الجيل اللي طالع لان كل مدى والجيل بيبوظ والفتن بتكتر ..نفسي ربنا يديني الفرصة ويستخدمني في إصلاح ولو حاجة بسيطة في المجتمع..لان ده اللي اتعلامناه في الأزهر الشريف من صغرنا ..وياريت لو حد يعرف سنتر أو حاجة يسيبلي رقم تلفونه أكلمه
انا ازهري
لعرض السؤال في فدني اضغط هنا
العمل شرف وامانه
وهنا اتساءل اذا كان هناك كفيف لكنه بفضل الله حاصل على دكتوراه في اللغه الانجليزيه فهل هنالك من مهن مناسبه له؟
لعرض السؤال في فدني اضغط هنا
انا شاب عندي 23 سنه لا املك اي حاجه حرفيآ
ول شقه ول مبلغ مالي ول اي حاجه
مع العلم انى بشتغل وبقبض 2500 جنيه خيالي وطموحي
وانا صغير هو ال قتلني حرفيا مكنتش أتخيل أن أعيش كدا خالص
كنت حاطط خيالات أن انا اول ما اوصل ل سن زى دا هيبقا معايا كل حاجه وقادر أخطب وقادر اساعد اهلي وقادر اعمل كل حاجه
بس سبحان الله لم انجح ف اي حاجه تخيلتها ل نفسي
بحس ساعات ب احباط وان لازم اعيش على الواقع وان هو مش نصيبي أن أعيش عيشه سهله أو أن يبقا معايا فلوس تأهلني أن اعمل اي حاجه حتي ولو شغل خاص بيا أو ان يبقا معايا فلوس أن أخطب أو اتجوز
مع العلم أن عندي هوس ب حته أن الأيام بتجري بندم على كل شهر بيضيع مني وانا موصلتش ل اي حاجه ومتطورتش بندم على كل يوم وكل سنه بتضيع من عمري وانا مستفدتش اي حاجه
وان حالي بيسوء اكتر كل يوم مش بيتحسن
نفسي حد يدلني اعمل اي حد يكون بدء من تحت الصفر زى ووصل للنفسو فيه
يقلي المفروض اعمل اي او اشتغل اي أو اتصرف ازاي
يقلي هل استسلم وعيش على قدي وخلاص
ول اتصرف ازاي
بجد مش عايز كلام تحفيزي على قد ما محتاج أن حد يقولي اعمل اي على أرض الواقع🙏🏻
لعرض السؤال في فدني اضغط هنا
السلام عليكم ورحمة الله وبركاتة"
انا دلوقتي شغالة سكرتيرة في عيادة وباخد مرتب ١٢٠٠وفي زيادة الشهر ده ٢٠٠جنيه والمواعيد م ٦,١٢س وحالياً جالي شغل في حضانة تدريب شهر وفي بدل مواصلات والمرتب الأساسي ١٥٠٠فأنا خايفة لاخد التدريب وبعد كدا تشوف حد تاني وتمشيني.علما انا بكالوريوس اداب قسم علم اجتماع.وبسمع أن في ناس حصل معاها كداويبقي خيرة الاتنين
ايه رايكم اعمل ايه
وايه الاحسن برأيكم وياريت بتوع المدارس والحضانات يردوا عليا.
علما بان العيادة ممكن تنقل لمحافظة تانية.
لعرض السؤال في فدني اضغط هنا
كيف أكون ناجحة ومتفوقة في عملي وحياتي
لعرض السؤال في فدني اضغط هنا
بيئة العمل فيها شخصية مش بقدر اتعامل معاها وحاولت كتير أتواصل معاها لمواجهتها بمشاعري وحل الأمور ولكن لم يجدي لكن الحل الوحيد هو الخنوع لها واعمل كل اللي هي عاوزاه وانا شخصية ماحبش اكون في مكان مليش فيه رأي ولا كلمة
لكن بعض الناس بيقولي افضلي في المكان الشغل عشان تكتسبي خبرات في التعامل مع الناس عشان الشخصية دي ممكن تكون اختبار ولازم تتعلمي تتعاملي معاها إزاي
بس أنا رأيي إني لو مش مرتاحة في مكان مش مضطرة أفضل فيه واعافر مع شخص مالوش مكانه مهم في حياتي غير أنها زميلة عمل لا أكثر ولا أقل
فما هو رأيكم؟
لعرض السؤال في فدني اضغط هنا
انا دخلت كُلية طفولة مبكرة قسم تربية خاصه وده في تخصصات زي الإعاقة العقليه،و التوحد و صعوبات التعلم،
انا في سنة أولى منكرش اني كنت متحمسه للكليه وكده بصراحه بس لما حد بيسألني انتي ف كليه ايه بلاقي نظرة كده مش عارفه اقولكو بس تخيلوها كده اكني كنت معشماهم بحاجةة وخيبت ظنهم مع ان دي ناس اول مره اشوفها وبقول اسمي الكلية ونا متحمسة اوي بجد بس حاسه اني بقيت بخجل منها
انا مش فاهمةة اعمل اي بصراحه احول طيب ولا اروح جامعه خاصة ولا أهليه وحتى لو عاوزة اعمل كدت انا معنديش هدف معين
انا بس عاوزة اقدر اتكفل بنفسي فاهمين بس بردك م فاهمةة الناس مالها؟
ممكن حد يفدني بس يعني مش عادي احكولي بنظرة واقِعية مش مواساه شايفين الشغل ف المراكز كويس وازاي اقدر اتعامل مع الموضوع ده لاني في الغالب بعد كده لو لقيت حد بصلي النظرة دي تاني هقولو هو حضرتك بتبصي كده ليه هواجهم عادي لي النظرة دي.؟
لعرض السؤال في فدني اضغط هنا
انا كنت عاوزه اي وظيفه من خلال الانترنت ازود بيها دخلي غير الفيديوهات او غيرها مع العلم اني ربة منزل و لدي اطفال وشهادتي دبلوم
لعرض السؤال في فدني اضغط هنا
السلام عليكم
دلوقتي انا شغالة سكرتيرة ف مركز علاج طبيعي ولكن انا شغالة مع الدكتور صاحب المركز ولكن تبع المستشفى باخد الراتب بتاعي من هناك يعني و بورد الفلوس هناك اخر كل يوم وبقالي 6 شهور
المهم الدكتور صاحب المركز قالي هيحصل مشكله معاه ومع المستشفى دي قالي هتروحي تقوليلهم الدكتور مشاني وقالي مش عاوزك ف انا المفروض اعمل اي قالي شوفي هيقولولك اي لو قالولك اشتغلي اي حاجة ف المستشفى وعجبتك خلاص كملي واشتغلي هناك لو معجبتكيش قوليلهم مش عجباني وتعالي كملي شغل معايا ومش هيبقى ليكي علاقة بيهم خالص هكون شغالة معاه هو يعني مستقلة عنهم تماما هو بيقولي انه هيعمل كده عشان متفق معاهم ع حاجات بس هما م نفذوش الي اتفقوا عليه.. فقالي انا هعمل الحركة دي عشان أأدبهم وييجو يقعدوا معايا وقالي هجيب واحد مكانك ف الفترة دي وفعلا جاب واحد النهاردة وقالي فهميه شغلك وفهمته...
الموضوع دا هيحصل المفروض يوم السبت هييجي المحاسب ويقولي روحي ومش عايزينك وانا هروح اقولهم كده وفي حاجة كمان قالي ان الشاب الي هو جابه دا هيستقر معانا ع طول معرفش ليه بس هو قالي كده
والصراحة انا حاسة ان في حاجة غلط بتحصل حاسة ان الدكتور عايز يمشيني مع اني والله معملتش حاجة والي مخليني شاكة انه جاب واحد بس برده هو قالي انه عايزني معاه ف الشغل وقالي مش هسيبك وانتي ملزومة مني ف انا مش عارفة اعمل اي اسيب الشغل خالص ولا اسمع كلامه ولا اعمل اي وانا والله مش من النوع الي يتحمل مشاكل ولا حاجة انا قلبي ضعيف جدا وبزعل من اي حاجة ومش بستحمل ف حد يفيدني بالله
لعرض السؤال في فدني اضغط هنا
السلام عليكم
انا محمد عندي 17 و شوي و المدرس قال ان في مجموعة مش عارف اسمها بس زي shark الناس المستثمرين دول لو حد يعرفهم بس هنا في مصر في مسابقه او برنامج مش لما بشارك مش بقدم منتج او حل لا انا بقدم الفكرة بس و لو كويسه ممكن اسافر بره مصر و أنفذها فأنا عندي معلومات كتير بس مع عارف اربطها و محتاج مساعده و شكرا
لعرض السؤال في فدني اضغط هنا
نفسي اشتغل اي حاجه حتى لو بسيطة انا شاطرة وبتعلم بسرعة وياما اشتغلت ف حاجات كتيرة من صغري بس ولا مرة كفيت نفسي
مقصرتش نفسي اشتغل بس من البيت عشان برعى اختي
حاولت اتعلم مجال من المجالات اللي مطلوبة حاليا محتاجه لاب
زهقت من احساس العوز والحاجه تعبت اوي
لعرض السؤال في فدني اضغط هنا
ازاي الاقي شغل في كتابة المحتوي انا تعبت جدا عشان اتعلمه وبقدم علي لينكد ان ومفيش حاجه بتيجي و عملت كذا تاسك لحد عشان يختبرني يعني كبديل لانترفيو ومفيش حد بيكلمني
لعرض السؤال في فدني اضغط هنا
السَّلام عليكُم ورحمةُ اللِّـهِ وبركاتُه
كنت عاوزة استفسر عن قسم التربية الخاصة و قسم علوم إعاقة اللِّي فِ جامعة القاهِرة لـ كُلية التربية للطفولة المُبكرة
واي الفرق بين القسمين
حابة اوضح حاجةة بس انا ف الاول كنت هدخل قسم علوم إعاقة بس ده قسم بمصاريف زياده شويتين تلاته تمام فَ كتبت اول رغبة تربية خاصه لانه مصاريفة مصاريف الجامعه العاديةة اللتي لا تتعدى الـ ٣٠٠٠ تمتم بس انا شايفة ان علون إعاقة متخصصة اكتر مش عارفةة بس اتمنى حد يفدني وشكرا
لعرض السؤال في فدني اضغط هنا
السلام عليكم
حاليا انا قدمت نظم ومعلومات وكنت حابه اعرف اي الكورسات اللي اخدها عشان اقوي من نفسي في المجال دا وابقا لي خبره فيه وعاوزة اعرف عنه اكتر واي مجالات توظيفه بعد التخرج
وشكرا
لعرض السؤال في فدني اضغط هنا
السلام عليكم
انا كنت في تالته ثانوي وكنت شاطره والدنيا ماشيه تمام لحد ما سقطت فيها علي مادتين عدت السنه وذاكرت بس برضو سقطت في نفس المادتين ويعتبر دي السنه التالته اللي هعيد فيها قلت خلاص انا هشوف حياتي قصاد المذاكره لاني خليت محور حياتي تالته ثانوي فقط رحت قدمت في معهد قراءات متقبلتش دورت على شغل مش لاقيه حاولت امشي في اني اخد لغه مش عارفه
وبالنسبه لقربي من ربنا مش اوي بس بحاول. لكن انا حاسه ان كل حاجه ماشيه ضدي بحاول اظبط حاجه تقوم تبوظ وانا مش عارفه اعمل ايه وحاسه اني تايهه
لعرض السؤال في فدني اضغط هنا
كنت بدور على شغل ليا اون لاين
انا اولى جامعه علميه ومصاريفى كتير جدا فكنت عايزه شغل moderator لأى page على ال Facebook او Instagram
لعرض السؤال في فدني اضغط هنا
السلام عليكم
كنت بشتغل فى شركة بمجال دراستى وبصراحة مبحبش المجال ومن ساعة ما اشتغلت وانا بفكر اسيب الشغل فضلت فى الشغل ٦ شهور وكنت بغيب ومديرى عملى لفت نظر وقبل ما قررت أمشى رفدنى وكأنى ما صدقت مع العلم كان فى فرصة ارجع على طول ومن زمايلى بس انا كنت مصمم ما ارجعش وبعد كام شهر المهندس كلمنى وكان فى زميل ليا كان مشى وطلبو منه يرجع زى ماطلب منى فرجعت معاه ورحت واشتغلت طول اليوم وقررت فى الاخر مش راجع تانى واصلا انا رجعت علشان زميلى رجع.
والمشكلة بقى انى مش عارف اشتغل ايه وفين وعلى مدار المدة اللى انا قعدتها إلى الآن لما بنزل ادور على شغل مرات أسأل ومرات ماسألش خالص والف واعدى من قدام الشركات وما اسألش ومرات حد من صحابى بيدور على شغل انزل معاه ندور مع بعض ونسأل وفى الاخر مفيش نتايج خالص حتى فى مرات بلاقى شغل ومنزلوش وبقدم على وظايف على النت فى شركات ولو جاتلي مقابلة مبروحاش وهى مرة مثلا كل شهر بدور.
ولما سبت الشغل كنت حاسس انى هعمل حاجة تانية، اي هى مش عارف ودخلت فى ٧ شهور دول دايرة خمول وكسل مش عارف اطلع منها وبحاول بس مش عارف اكسرها مع العلم انى ايام الشغل مكنتش واخد على روتين الصحيان والنوم بدرى وحاولت اتأقلم معرفتش وكنت بغيب كتير وبفكر كتير والنشاط عندى بالليل عالى حتى لو جايلى نوم وميال ومتعلق بالزراعة اوى فكريا بردو ومبنفذش فى اى حاجة ولا عارف ابدا فى ازاى كهواية حتى ولا بتعلم فى حاجة وطول الوقت بفكر فى اى حاجة وكل حاجة فى اى وقت بدون جدوى ومعنديش اى مصدر دخل خالص والموضوع ده عاملى تحديات كتير جدا ومش قادر ولا عارف اشتغل انا عارف ان دى مسؤليتى وإن شاء الله ليها حل الموضوع متعلق بمعنى حياتى مش لاقى المعنى بوضوح والحمد لله بصلى وبادعى بس نفسيا مشوش الفكر .وأرجو الإفادة شكرا
لعرض السؤال في فدني اضغط هنا
لعرض جميع الاسئلة في فدني اضغط هنا