روحت اشكي لي بابا همي ما سمعنيش المفروض انا اعمل ايي ..؟ 💔
لعرض السؤال في فدني اضغط هنا
لو سمحتوا ممكن حد يفيدني انا عندي 24 سنه من زمان وحصلي مواقف كتير سيئة مع بابا وكذالك مع ماما وانا من زمان كل ما يحصل موقف او مشاحنة مع حد بجري اعور ايدي ورجلي بالموس نش عارفة اصلي ولا اعيش حياتي طبيعي انا شخصية حساسة اوي اقل حاجه بتخليني اعمل كدة طبعا دة مش من زمان دة بعد كذا موقف كلهم بسبب الاهل انا ماليش صحاب ولا حد حرفيا اتكلم معاه وبكتم جوايا بشكل بشع وغير كل دة انا عندي تبول لا ارادي ومن اسبوع عملت تحاليل لقيت السكر عندي 390 سكر تراكمي انا بنت مش متزوجة ماما بتقولي انتي مش محتاجة لدكتور انا كدة مش محتاجة لدكتور من فضلكم حد يفيدني 😔
لعرض السؤال في فدني اضغط هنا
السلام عليكم
أنا طالبة ف أولي جامعة .. بواجه بعض المشكلات اللي مأثرة علي حياتي بشكل كبير
بعتذر لو هطول شوية علشان هذكر كذا حاجه وربنا يجزيكم خير يارب
عندي مشكلتي الأولي في التعلق بالأشخاص وبالأماكن والماضي بالنسبالي مؤلم بشكل كبير اوووي ..
لو قابلت واحدة واتعاملت معاها مهما كانت الفترة قصيرة لو جت تمشي ممكن اتدمر نفسيا لمدة أسبوعين مش عارفة اركز في أي حاجه ف حياتي ودايما يكون أسيرة للمواقف الكويسة اللي كانت بيني وبين الأشخاص يعني لو حصل بيني وبين واحدة موقف كويس وضحكنا مع بعض ولو مرة واحدة بفضل بعدها مهما الشخص دا آذاني أو ضايقني بفتكر الموقف الحلو اللي كان بيننا ممكن الشخص يهينني تماما وانا أسيرة للحظة الكويسة اللي عيشناها ف يوم .....
غير فكرة الفراق دي بالنسبالي ودي طبيعة الحياة لكن أما مبقدرش اقاومها ابدااا حرفيا بتدمرني ..
سكنت شهرين في سكن خارجي وقدمت سكن جامعي لما جالي السكن الجامعي فضلت اعيط تلت ايام متواصل اني هسيب صحابي اللي سكنت معاهم شهرين وبعد تلت ايام حسيت اني هموت من الحزن وقلبي بيوجعني بشكل غير عادي قمت فضيت شنطي كلها ف آخر لحظة والمفروض اني أمشي وقررت اقعد معاهم في السكن لآخر السنة رغم أن العلاقات مكنتش لسه متوطدة اوي ولا اي حاجه وهكذا بقى حياتي كلها بالشكل دا كل فراق بيدمرني ....
**
تاني حاجه أني بستمد كل حاجه ف حياتي من الناس ..
لازم ارضي كل اللي حواليا وبهتم لنظرة الناس ليا لو حسيت لوهلة أن شخص واحد في المكان مش متقبلني مثلا أو كدا بفضل احاول اثبت له اني كويسة ومش وحشة لازم كل اللي حواليا يكون راضي عنه أو هحس اني تعبانة نفسيا و متضايقة ومقفولة بآجي علي نفسي دايما علشان الناس ترضي عني واكون شخص محبوب في وسطهم رغم اني دايما الحمد لله بكون شخص محبوب ف المكان اللي بكون موجودة فيه انا عارفة أن دا مش طبيعي لاني حرفيا بفني عمري كدا علشان ارضي الناس وده مش صح بس دا غصب عني
**
تالت حاجه بقى
اني من ساعة ما دخلت الجامعة وسافرت مش حاسة اني عايزة ارجع البيت تاني .. لما بنزل أجازة يومين بفضل اعد الثواني علشان ارجع السكن عكس باقي صحابي في السكن وعكس البشر عموما ... مع العلم اني في البيت مدللة كمان وطلباتي مجابة الحمد لله ومحدش بيضايقني بالعكس ماما مدلعاني كمان بس مفتقرة في البيت لجانب واحد وهو العاطفة مش بلاقيها نهائيا عندي ف البيت واصلا مش مستنياها من حد من البيت أو مش متقبلاها من حد منهم انا شخص عاطفي جدااااا برا واجتماعي اووي ويتكلم كتير واتحرك كتير بينما في البيت انا مش بتكلم خالص ومش عاطفية نهائيا .....
بابا وماما منفصلين ومفيش ترابط اوي بينا في البيت كل واحد ف حاله شوية .. مفتقدة لمصطلح الأسرة أو حتي العائلة مش بنروح عند اي حد ولا حد بييجي عندنا الا قليل ومش بنتجمع ولا بحس بأجواء أسرية نهائيا
وصلت لمرحلة اني مش متقبلة حتى اني الاقي أجواء عائلية أو أسرية منهم يعني حتى لما العيلة بتتجمع ف أفراح او كدا بكون دايما منطوية مع نفسي خصوصا اني من صغري كنت هادية خااالص فكنت بحس نفسي ديما مهمشة وسط العيال كانو بيقولو وما زلت يعني بيقولو عليا غلبانة ومش عارف ايه
بس ف الحقيقة أنا مش عارفة اتعامل مع أي حد في العيلة .. لو شافو حالي برا ف وسط صحابي هيندهشو اصلاا مع العلم انا لما بكون معاهم مش بعرف اهزر اصلا ولا اتكلم بشكل تلقائي زي ما بكون مع صحابي بلاقي نفسي ف وسط أفراد العائلة هادئة ومش عارفة اندمج مع أي حد فيهم ..
الموضوع بيأثر عليا نفسيا اووي وبيخليني نفسي افضل مع صحابي برا علطول ..
احس اني شخص مهم و لي مكان مهم وشخص ليه مواقف وفعاليات وشخص فارق مع اصحابي .. بحس اني بستمد كل حاجه انا محتاجاها منهم ...
بحس بكياني وبثقة ف نفسي وانا معاهم علي عكس البيت بحس دايما اني ولا أي حاجه في العيلة ومش مندمجة مع أي شخص خصوصا ان بنات العيلة كلهم متكلمين وفكاهيين لكن انا بكون ساكته ومش عارفة اتكلم كلمتين علي بعض
حتى العاطفة بستمدها من صحابي في السكن مثلا .. بحس بحبهم وبعواطف كتيرة اووي متعودناش عليها ف بيتنا ومش محتاجاها من بيتنا .. يعني لو حصل واتغيرو في البيت مش هتقبل عواطف منهم خاالص
مش عارفة لما أسيب السكن في آخر السنة هعيش ازاي اصلا .. حاليا احنا ف أجازة نصف السنة نفسي ارجع السكن انهاردة قبل بكرة رغم اني لسه جاية البيت بعد شهر كامل هناك مفتقدتش أي حد من البيت طول الفترة دي .. وحاليا انا مفتقدة السكن كله مفتقداهم بشكل مش طبيعي وانا سيباهم من يومين بالظبط
لعرض السؤال في فدني اضغط هنا
السلام عليكم ورحمه الله وبركاته
انا عارفه ان انا هطول في قصتي جدا علشان انا عايزه احكيها بالتفصيل بس فضلكم هو اللي هيخليكوا تقرأوا كل ده
اولا انا دلوقتي في اولى ثانوي وعندي 16 سنه الموضوع كله بدا لما انا كان عندي 13 سنه وجالي تليفون جديد وخط جديد المهم يعني انا تعرفت على واحد اسمه محمد عرفته في شهر 12 سنه 2023 هو كان من محافظه وانا من محافظه تانيه خالص
المهم يعني العلاقه دامت ست شهور واخر شهر ده كان عباره عن خناقات ومشاكل كان يكلمني يوم ويسيبني 10 وهكذا تقريبا كان بيمارس عليا الصمت العقابي او بيعاقبني على حاجه انا ما عملتهاش وما اعرفهاش بجد كان انسان مؤذي قوي
المهم انا ما كانش في سبب اصلا لقطع العلاقه هو مبقاش يبعت فانا كمان علشان كرامتي مبقتش ابعت بس وبعد كده عدى 10 ايام بعدها انا بلكته من كل حته ومسحت الشات وكل حاجه حرفيا متعلقه بيه وكنت مفكره ان انا كده خلاص هنسى والموضوع هيخلص بقى
لحد دلوقتي عدى سنتين وانا مش قادره اشيله من ذاكرتي في كل لحظه في كل ثانيه في كل وقت دايما على بالي دايما طول السنتين ومن ساعه ما سيبنا بعض
وانا محافظه على صلاتي جدا علشان ادعي عليه في كل صلاه وفي كل سجده ان ربنا ما يدخلوش كليه الهندسه اللي هو كان بيحلم يدخلها وربنا ينتقم منه في اخواته البنات ودايما مقربه من ربنا وبدعي دايما ان ربنا يشيله من دماغي خالص ويروح عن بالي بس لحد اللحظه دي وبعده مرور الوقت ده كله ما قدرتش اشيله من بالي لحظه حتى لو انا في تجمع او وسط ناس دايما على بالي
طبعا دول السنتين دول انا لا بعثت له ولا هو بعث لي بس بالرغم من كل ده وبالرغم من ان انا بدعي عليه انا لسه بحبه وساعات اقول لا انا مش بحبه وساعات بقول انا لسه صغيره وساعات اقول انا مجنونه ولا انا ايه اللي بيحصل لي ولا انا عندي انفصام ولا ايه بالضبط
بجد انا ما بقتش فهماني انا حاولت اعمل حاجات كتير قوي علشان انسى بس انا مش عارفه
كنت بسمع بودكاستات عن الثقه بالنفس والتخطي وكنت دايما بحول اطور من ذاتي في السنتين دول ودايما بتعلم حاجات كتيره وجديده لدرجه ان انا بقيت اتعلم الحاجات اللي انا ما بحبهاش زي الرسم مثلا ودايما بحاول اشغل وقتي وبقول اكيد لما انا هبقى في تجمعات او وسط العيله او وسط اصحابي اكيد مش هتفكري فيه بس ده ما بيحصلش وبيجي على بالي برده
فهل ربنا بيجيبه في بالي علشان حاجه معينه وساعات يجي لي في الحلم مثلا مره يجي لي في الحلم وهو بيعيط فاصحى من نومي بعيط انا ما بقيتش عارفه اعمل ايه تاني علشان احاول انسى واتخطى بقى
تطوير وبحاول اطور من نفسي ومن ذاتي وبحاول اشغل وقتي وابقى دايما في تجمعات ووسط ناس ومحافظه على صلاتي جدا والورد اليومي كمان
فهل مثلا ربنا ليه حكمه في كده ان هو ما يخلينيش انساه علشان هو هيرجع في يوم من الايام مثلا او ربنا مثلا بيبعدنا عن بعض دلوقتي علشان نبقى مع بعض في الحلال
دماغي اتجننت من كتر التفكير من كتر ما انا عايزه انساه ومش عارفه انا محدش يعرف حاجه عن العلاقه دي ابدا وعلى فكره هو شكله عادي جدا شخصيته نرجسيه قوي وفي كبر وتعالي وثقه بالنفس زايده عن اللزوم
وساعات بحس ان هو مريض نفسي وكان بيطلع مرضه ده عليا
انا ما بقيتش فهماني انا بحبه ولا ما بحبوش انا عايزاه ولا مش عايزاه انا بكرهه ولا مش بكرهه بجد انا ندمت جدا على علاقتي بيه لانها دخلتني في متاهات ويعلم ربنا ان انا ندمت جدا اني عملت حاجه زي دي
وانا تبت جدا من بعدها وعمري ما كلمت ولد لا بعده ولا قبله ودايما مع ربنا تعبت جدا عايزه امسحه من حياتي كأنه ما كانش موجود انا بدعي في ليله النصف من شعبان وليله القدر وفي كل آذان وفي كل ايام رمضان وبدعي دايما في الايام المستحبه واللي مستجاب فيها الدعاء يمكن ربنا يستجيب لدعائي في يوم من الايام واقدر انساه
وساعات ارجع اقول ده لعب عيال وانه مكانش بيحبني اصلا وان ده كان حب مؤقت علشان احنا مراهقين لسه وكده يعني بس ارجع واقول انا لحد دلوقتي مش قادره انسى انا ساعات افضل كويسه شهر واثنين ومره واحده آجي واقعد افتكر كل حاجه وارجع اعيط تاني وساعات تانيه ادخل على حسابه على انستا علشان اشوف دعواتي عليه استجابت ولا لا بس بلاقي دعواتي ما استجابتش
وان هو عايش حياته وانه زي الفل هو كمان بيسافر لايطاليا مع والده وكده يعني عشان بيشتغلوا بره فبلاقيه خارج ومتفسح ودنيته تمام وارجع واقول طب اشمعنى هو عايش حياته وانا لا انا بدخل حساب الانستا مش علشان اراقبه ولا عشان اشوفه انا بدخل اشوف بس ارجع لي ولا لا بس بدخل الاقي كل حاجه زي ما هي وان الدنيا فل واحسن من الاول كمان
انا الحمد لله لحد دلوقتي بقى لي شهرين تقريبا ما دخلتش حساب و عاهدت نفسي اني مش هدخل حسابه تاني خالص وعملت بلوك للحساب كمان بس انا عايزه اعرف امتى حقي هيرجع لي وامتى هنساه وهل هو بيحبني ولا لا وانا ليه دخلت في كل المتاهات دي انا مش عارفه اخرج منها
يا رب اكون ما طولتش انا عارفه ان انا طولت والله واتمنى يعني ان حد يكون بيقرا كلامي ده دلوقتي ولو حد يعني عارف اي طريقه تخليني اعرف انسى او مثلا يقول لي حكمه ربنا في كده يا ريت يفيدني يا جماعه عشان انا عملت كله الطرق الممكنه في سبيل اني انسى وفي الاخر حابه اقول يا رب ينتقم منه يا رب ويتعمل فيه نفس اللي اتعمل فيه بس انا بحبه والله ومش عايزه ادعي عليه يا لهوي تعبت يا ناس مني
لعرض السؤال في فدني اضغط هنا
السلام عليكم ورحمة الله وبركاته
لو حد هنا مجتهد و كويس في دراسته او قدر يستمر في السعي ورا حلم و حققه يقولي اعمل ايه لو عايزه احقق احلام لي بس الاحلام دي بقالي سنين بعافر نفسي (جهاد النفس) علشان اتحرك و اشتغل عليها بس مش عارفه ليه سيناريوهات الخيال بتغلب الاجتهاد و الشغل في الواقع مع ان في حاجات كتير صعبه في حياتي و المفروض آخد الخطوه دي و اسعى علشان حرفيا ممكن ادمر لا قدر الله
قولوا لي ازاي اقدر اتغلب على نفسي و اشتغل على احلامي
لعرض السؤال في فدني اضغط هنا
انا عندي 17سنه من وانا في سن ال13بدأت الاحظ حاجات غربيه فيا والموضوع كل مدى بيزداد سوء زي أن انا بواجه صعوبه كبيره ف اني افرق ما بين الحقيقه والخيال ودائما بحس بالخوف واحس ان الناس عاوزه تئذيني بشم روائح غريبه أو أنهم بيتكلمو عليا ودائما بشوف حاجات غريبه وانا بس اللي بشوفها رغم ان انا بكون مع حد يعني مش لوحدي وبقيت منعزله ومش بحب اختلط بالناس ومبثقش في حد وبحس الناس بتقرأ أفكاري وبحسهم نسخ وعندي هلاوس وأصوات في دماغي واحيانا اعصابي بتهج وببقي عاوزه اقتل ال قدامي ومبقدرش اتحكم في نفسي وبحس ان انا استيعابي بقي بطئ ودايما احس ي بالفراغ الشديد وبالحزن الشديد واحيانا بيجي وقت مبتحركش ولا بتكلم لدرجه بنسي صوتي بعدين بقي انا دائما عندي افكار سوداويه وبعدين بنجذب لحاجات غريبه برضو
لعرض السؤال في فدني اضغط هنا
هل جرح الأهل وبخاصة الام يشفى؟ مش قادره اكون كويسه تعبانه جدا والله مش بعرف اشكي راكمت اصل مينفعش احكي واصحابي او لحد عن مشاكل هقول ايه امي برضوا لحد ما بقيت نفسيا ادمرت مش قادره فعل،
مبقتش في لغه تفاهم او حوار بينا ابدا مش بيعجبها حاجه مني ، كنا صحاب بس للاسف حاليا لاء ،بتعصب وازعل علي نفسي اوي مش بعيط ادامها بتقعد تقولي اعملي نفسك مظلومه بس فعلا انا تعبانه ومحدش حاسس ،اعمل اي بجد اسفه ع الاطاله
لعرض السؤال في فدني اضغط هنا
انا مش عارفه ابدا بايه بس هحاول انا عندي 19 سنه المشكله اني مش عارفه انا غلط ولا صح بجد
مشكلتي ان انا وانا صغيره كنت احب العب واخرج زي اي حد عادي كانت مهمله ف درستي مكنتش بذاكر اوي دي كانت مشكلتي مع ابي انتي مبتزكريش ليه
انا بحب التعليم بس اصاحبت ع بنات هما محترمين بس كانو بيبعدوني عن مذاكرتي ان كل يوم بنتكلم ونخرج انا وانا صغيره مكنتش مستوعبة اللي بيحصل، عادي فيه اي لو خرجت
جت فتره بتاعت الامتحانات اخر اسنه بابا قالي لو مجبتيش مجموع يدخلك اعدادي وكان بيحاربني ف سنه سته ابتدائي ويقولي لو مجبتيش مجموع حتى لو قليل لا لازم المجموع اللي ف بالي قلت تمام إن شاء الله ربنا هيعوضني
الامتحانات كانت حلوه الحمد الله وذاكرت علشان خفت منه ساعتها حلف بالطلاق ع ماما وانا خفت قلت لا لازم اكون جايبه المجموع اللي عايزه
نجحت وبمجموع كويس قالي ماشي بس مش هدخلك اعدادي عام علشان ممكن متمشيش فيه بقول له ليه علطول شايفني وحشه انت ليه بتعاملني بالاسلوب ده حرام مضيعش مستقبلي مش كده اديني فرصه مش ممكن اعرف وأطلع احسن من اللي انت فاكر كمان
يقولي لا مفتكرش
كان ع طول كسر خاطري لحد معاد التقديم قالي قدمتلك ع الاساس ف الاعدادي اكتشفت ف اعدادي مهني يعني ازبل مدرسه شفتها ف حياتي
بقول له ليه يقولي انتي عايزه تخشي اعدادي عام ولو جبتي مجموع وحش وشيلتي السنه عايزه بلاي ستيشي قدام الناس عامل ازاي لا طبعنا انتي اسمعي كلامي واضح وي اللي هقولو تسمعي قلت حاضر ماشي
رحت الاعدادي المهني عايزه اقول البنات هناك عاملين ازي ما توصفوش فعلا استغفر الله وهو شاف بعينه
كان بيوديني ع الامتحانات بس و مقعدني ف البيت كل اللي يسألني من أصحابي يبنتي فينك انتي مبتجيش معانا المدرسه ليه اكدب و أقولهم باخد دروس خاصة الدروس اونلاين خلاني اكذب وانا مش كده 😔
لحد ما الامتحانات قربت راح وداني قالي اياكي تكلمي حد هناك خليكي ف حالك وبس انتي فاهمه و يزعق يقولي منك لله ع الفضيحة دي و أقول له هو انا اللي قلت آجي هنا و اعيط لحد اخر امتحان ف الترم الاول ف الاعدادي المهني
انا عندي تلات اخوات غيري احنا تلات بنات و شاب كل ده احسن مني
المهم خدني بهدلني ورحنا البيت ضربني و حبسني من غير ما أعرف حاجه و قالي مفيش تعليم ليكي انا مبحبكيش انتي نقطه سوده انتي ربنا غضبان عليكي
انا والله مليش ف الكلام مع الشباب وشغل ده مش بتاعي خلاص و كله عارف كده اشوف سبب واحد بس عملته مش لاقيه حاجه عملتها و بيحاسبني عليها
المدرسه اختياره والبنات مش كويسه خالص و انا ف حالي مليش دعوه لحد فعلا قالي مفيش تعليم انسي انتي هنا اقعدي اخدمينا احنا و اخواتك مامتك كتر خيرها انتي اطبخي و روقي بعد ضرب وإهانة لحد دلوقتي
وانا عمالة اكبر سنه ورا سنه و بقيت عندي 19 مفترض ابقي ف جامعه حاليا
اخواتي الكبيره متزوجه و معاها طفل جامعه ادب تاريخ 25 دلوقتي و بعدها اخويا جامعه تجاره عندو 22 سنه و بعدين انا و اختي انا اكبر منها بسنتين هي ف تانيه ثانوي عام
انا حاولت معاهم ارجع اتعلم تاني بيرفضو هو كل شويه يهيني قدم اخواتي باجي اشكي ليه ماما تقولي ابعدي عني انا من النوع اللي بكتم مش بروح اقول اي حد حاجه ولا بقعد معا حد ولا مصاحبه حد ولا حد يعرفني
اخواتي بيستعرو يمشوا معي انا هنا معاهم بس مهمتي اروق وي اعمل كل علشان هما متعلمين مينفعش حد يعمل حاجه ف البيت غيري بخلص اللي وريا واخش ع الاوضه انام و اعيط بشوف حياتي اللي راحت و مستقبلي اللي راح
نفسي اخرج وي ارجع اتعلم تاني بس بيرفضو بابا يقول مش هتخرجي غير ما أقول مخواتك يتجوزوا و بعدها اي صنايعي يجيلك ف ساعتها ارميكي ف بيت جوزك فاقعدي يا وش الفقر هنا و الكلام ده قدام اخواتي و ماما
اي حد يجي لينا يقولو خشي متخرجيش عشان حد ميسالكيش معاكي ايه تكسفينا انا تعبت وي مش عارفه هعمل اي
بقالي 8 سنين قعده زي مانا وإهانة و كلام وحش ولحد دلوقتي مبيحبش يتكلم معي لحد ما شكيت اني مش اختهم
نفسي اخرج و اطلع اشتغل اجيب فلوس و اقدم ع المدرسه
دلوقتي قلبي جمد اوي مبقتش ف حاجه اخاف عليها مستقبلي ضاع اللي فاضل لي سمعتي واحترامي وبس وانا الحمد لله عمري ما هفكر اعمل حاجه تغضب ربنا ولا تيجي على سمعتي ابدا دلوقتي نفسي اشتغل و عارفه مش هيوافق بس هعمل ايه هو مبسوط جد و عنده مصانع يعتبر كمان عندنا فيلا غير بيت العيلة
هو اهم حاجه عندو برستيجو ومظهره قدام الناس انا اولع عادي
انتو شايفين اي العمر بيجري و انا هنا بتعذب لو كانش الانتحار حرام كنت عملتها من بدري الحاجه الوحيده اللي كنت مش منتظمه فيها الصلاه بس حاولت الحمد لله بقيت انتظم في الصلاه
كل نفسي فيه أحول اطور من نفسي يوم ارجع اي حاجه ضاعت مني زمان قلت اشتغل بس انا عارفه اكيد مرفوض بس عايزه احاول، هقول له بدل مره اثنين ثلاثه عشان لما اعمل حاجه غلط اكيد مش حاجه تمس سمعتي ولا شرفي بس احاول اشتغل ويكون الشغل مناسب ليا برده قلت اكمل تعليمي مش فارقه معايا جواز خالص نهائي غير يبقى معايا شهاده زي اخواتي ويجي لي واحد محترم وابن ناس يشرفني ويعوضني بكل حاجه حصلت لي
هل كلامي فيه غلط اكيد كل حد بيغلط بس انا مش لاقية حاجه عملتها عشان خاطر اسكت عشانها ولا اصبر عليها
والله العظيم انا تعبت ودخلت في نفسيه زي الزفت بحاول اسكت واداري بس معدتش قادره هل قراري غلط معلش حد يساعدني هعمل ايه ولا اواجههم ازاي ولا اقول لهم هشتغل ازاي انا عارفه ان هو الطلب مرفوض كل ده عشان خاطر المظهر انا عارفه اني طولت عليكم بس حد يساعدني ارجوكم 🥺🙂
لعرض السؤال في فدني اضغط هنا
ماذا نفعل عند الانهيار الذاتى ؟
لعرض السؤال في فدني اضغط هنا
انا بفضل طول اليوم استجمع معلومات وطاقات سلبية وإيجابية وفي نهاية اليوم ببقى حاسة إني عايزة أحكي لحد كل اللي أنا مريت بيه طول اليوم وطبعا بآجي أحكي لماما تقولي طب اعملي كذا طب مش هنتكلم دلوقتي وساعات بنتخاصم أنا ومامتي بسبب إن أنا بتعصب بسبب كده وغصب عني ببقى عايزة أقطع النوتة بتاعتي أو أكسر أي قلم رصاص أو اطرش حبر القلم الجاف وكنت بحاول إني أكتب في النوتة بدل كده بس لقيت نفسي مش برتاح زي ما بحكي لمامتي.
لعرض السؤال في فدني اضغط هنا
بتتعاملوا ازاي مع خذلان الصحاب وغدرهم وازاي بتتخطوهم
لعرض السؤال في فدني اضغط هنا
اريد معرفة هل يمكن لتقص الفيتامينات ان يلعب دورًا في الصحة الجسدية والنفسية ويمكن ان يسبب نوبات الهلع و الخوف من الجنون بكثرة التفكير والخوف من الموت أم ان الاكتئاب له علاقة في الأمر ،
فأنا في سن 19 عام واشعر بمشاعر سلبية ولا استطيع ان اعيش سعيدة مثل اصدقائي، حتى نفسي اهملتها، اهملت دراستي، أحس كأنني في مكان مظلم ولا يقدر اي شخص ان ينقدني من ذلك المكان.
اصبحت لا استطيع التحمل و عندي آلام في بطني في بعض الأحيان يكون شديد و عندي شحوب الوجه و وبدأت افقد وزني و احس بآلام مستمر في ظهري وعقلي لا ينتهي من الأفكار السلبية وانني لن اتخلص من هذه الحالة الصعبة وانني سأجن في الآخير.
كل هذا يجعلني ليس لديّ الشهية للأكل اهلي ما حابين انني اذهب لطبيب نفسي ابدا وانا اعيش مرحلة من حياتي صعبة جدا انفعل و اتألم و ومللت من كل شيء لدرجة لم اجد حل فأريد حلا ارجوكم ارجوكم انا حقا في حالة صعبة
لعرض السؤال في فدني اضغط هنا
السلام عليكم
انا اسمي محمود انا تعبان نفسيا من كل حاجه، كل الدنيا جاي عليا واهلي ضاغطيني، وحيد مليش صحاب مليش حد محدش بيسمعني كل بيضغط عليا حتى حبيبتي سبتني انا لوانتحر دلوقتي ممكن ربنا يسامحني بسبب كثر الضغوط دي
لعرض السؤال في فدني اضغط هنا
السلام عليكم
انا اسمي علي عندي 25 سنه
بتوتر وبقلق وتقريبا عندي القولون العصبي لاني بحس دايما ان بطني (قافشه) مع ضيق في النفس وخنقه
وانا اساسا عندي حموضه وارتجاع مرئ بس مباخدلهمش علاج
عايز نصايحكم في روتين يومي صحي عضويا ونفسيا
من الاكل والشرب والسوايل
عايز افضفض مع دكتور يسمعني وميديليش علاج كيميائي علي ادما يديني نصايح وروتين امشي عليه يكون مفيد لحالتي
وشكرا جدا يا حضرات 🩵
لعرض السؤال في فدني اضغط هنا
انا عندي 20 بميل لنفس نوعي انا انسان عايش بهويتين الاول مع نفسي والثانية مع اصحابي ودراستي وشغلي حصل ممارسة قبل كدا وانا صغير وانا نفسي اتعالج وارجع طبيعي ياريت ال يعرف يساعدني يحاول يساعدني
لعرض السؤال في فدني اضغط هنا
السلام عليكم
أنا عندى ٢٣ سنه، أنا عامة بتعب من السفر أو العربيات وبدوخ جدا من أنا وصغيره مؤخرا من اربع شهور كدا بقيت فى الطريق أشوف أي عربيه ماشيه في الشارع اتخيل أنها عدت عليا وعملت حادثه وكل عربيه بتعدى بشوف نفسى ميته تحتها بطريقه شكل وبقيت بدوخ لما اشوف العربيات وبحس بهبوط ،
فأنا مش عارفه ليه بيحصل كدا وهل دا عااادى 😔💆
لعرض السؤال في فدني اضغط هنا
مشكلتي اني بنت عندي 16 سنه عايشه في عيله سعيده جدا لحد ما اكتشفت خيانه والدي لوالدتي من وقتها وانا مش عارفه اعيش زي ما كنت بقيت مش طايقه والدي حرفيا لأن ماما مش مقصره معاه في حاجه وبقي عندي خوف اني لما اتجوز جوزي يخونني لأنو انا ممكن مكونش بنفس كمال ماما ف مش عارفه اتعايش حاسه حياتي باظت مبعرفش انام تفكير دايما
لعرض السؤال في فدني اضغط هنا
السلام عليكم..
أنا منذ سنه ونصف تشخصت اني اعاني من الانفصام..
وانا صغيره كان عمري٧ امي وابي كانو يتتشاجرون كثيرا لذلك في ذات يوم هرعت لغرفتي وأغلقت اذني خوفا منهم وقتها شعرت بنقر علي كتفي وعندما رفعت راسي وجدت ٥ شبان امامي مر وقت وانا معاهم وبدأت في تسميتهم وما إلي ذلك كنت فقط اسمع أصواتهم بعد ذلك بدأت أراهم والمسهم ..
اقرب شخص لي كان فتي يكبرني بي سنه ..تعلقت به كثيرااااا أحببته أكثر من نفسي ومن عائلتي ومن كل شي كان هو كل شي في حياتي كان النور الذي اتي الي ظلماتي ..كان كل شي بنسبه لي بعد فتره بعدما علمت بأنني لدي انفصام
الخمس اشخاص اختفو ولم أرهم مره اخري لأنني وقتها قررت بأن اعالج نفسي(امي رفضت أن اخذ الدواء الذي كان يوقف الهلووسات ..لانه كان يجعلني انام كثيرا) لذلك قررت معالجه نفسي لم اعد اري الخمس شبان ولكن اتي غيرهم طردتهم مرارا وتكرارا ولكن لا فائده منذ استيقاظي حتي وقت نومهم بجانبي ثم بدأ الأمر يتحول الي كابوس
بدأت اري اشياء غريبه كيان غريب المظهر والشكل لدرجه انني كنت ابكي خوفا..كلما احاول ان تتجاهل الاصوات والتخيلات كلما زادت بشكل اسوء وافظع..
كنت احاول ان استمر في طردهم وتجاهلهم وعدم الطلب من خمس شبان بأن يعودو لانني قلت بأنني بتأكيد سوف التعافي في يوم وان جعلتهم يعودو سوف اتعلق بهم أكثر وهكذا عندما يحين وقت العلاج لن أخذه لأنني سوف اكون متعلقه بهم كثيرا..
لا اعلم ان كان كلامي مفهوم أشعر بأن كلامي غير مرتب وهذا يقلقني ولكن في نهايه أنا لا اعلم ماذا افعل افكر الاستسلام لهذه مرض
لعرض السؤال في فدني اضغط هنا
السلام عليكم،
أنا رجل عمري ٤٢ عام و أعاني من مشكلة تؤرقني و هي عدم قدرتي على التحكم في عواطفي في المواقف الحزينة أو المؤثرة. المشكلة أنني لا أستطيع التحكم في دموعي و هذا يسبب لي بعض الاحراج لانني ابدو عاطفيا بشكل مبالغ فيه.
مثلا اذا رأيت موقف ابن بار بأمه اجد دموعي تذرف، اذا سألني أحد عن والدي المريض أذرف الدموع، اذا فكرت في اخواننا الجوعى و اليتامى وهم في البرد بلا طعام ولا مأوى اذرف الدموع.
الموضوع فعلا يسبب لي احراج في بعض المواقف أمام الناس.
هل هناك طريقة للتحكم في المشاعر و أهم شيء التحكم بالدموع؟
لعرض السؤال في فدني اضغط هنا
ياجماعه معلش ف بنت حكتلي أن عمها كان بيقولها تعالى هلعب معاكي لعبه بس متقوليش لحد وهي كنت طفله عندها ٨ سنين لسه مش فاهمه حاجه المهم اللعبه دي كانت ألعاب جنسيه هو كان بيشبع رغباته بيها لانه مريض نفسي بجد وهي مكنتش فاهمه ايه دا لحد ما كبرت واستوعبت وحرفيا هي عندها ١٩ سنه وكل ما تفتكر تحس انها بتكره نفسها ومش متقبلة فكره الجواز على الرغم انها عايزه تتجوز وتعمل أسرة وهي شخصيه كويسه بس كل ما تفتكر أن هي بعد الجواز هتبقى مع جوزها وهيحصل علاقه زوجيه تخاف وتترعب وترفض الفكره انا حاولت أنصحها كتير أنها تتخطها وهي بنت الحمدالله مفقدتش عذريتها بس مش عارفه اعمل ايه لو حد عنده نصيحه ياريت بجد
لعرض السؤال في فدني اضغط هنا
كيف يمكنني التوقف عن ادمان الهاتف وادمان الاشياء غير المهمة والسيئه والنظر للاشياء الجيده بحماس لاني اجدها مملة
صحيح ان الاشياء التي أدمن عليها مسليه لكنها تستنذفني من جميع النواحي
لعرض السؤال في فدني اضغط هنا
السلام عليكم ،
مشكلتي هي ان حاسه بخسر الناس الي بحبها بسبب الجواز
بجد انا بكره الجواز شبه الموت بياخد الناس الي بنحبها ، من ونا صغيره و انا متربيه مع بنات قرايبي كنا شله ، حياتنا كلها سوا نهزر سوا و نحكي سوا و نصيف سوا ، كنت انا اصغر واحده فيهم ، كبرنا كلنا و طبعاً بدأ اول اتنين اتجوزو ورا بعض مشوفتهمش من ساعه فرحهم بعد كدا و هم غصب عنهم مبقوش ييجوا ولا بقيت اشوفهم خالص واحده منهم كنت بتواصل معاها بس بردو مكنتش بشوفها ولا بنتكلم كتير ذي زمان و التانيه قطعت خالص مبقتش تتكلم معانا ، اتبقى في العيله انا و واحده قريبتي
و طبعاً نظراً إن عمرنا متقارب ف بقيت قريبه منها اوي عن الأول كمان و بقيت بالمعنى الحرفي حياتي كلها معاها و بثق فيها اوي و بحبها اوي ، كنا متفقين سوا لا انا اتجوز ولا هي و نعيش سوا نشتغل على نفسنا و نجيب بيت و نعيش فيه و بنينا احلام كتيره على الأساس ده ،و فعلا ولا انا كنت بعجب حتى ب واحد ولا هي ، كانت شخصيتنا مختلفه عن الإتنين التانيين ، كنا اصلا فكره ان نحب واحد دي مش في بالنا و كنا بنكره الجواز جداً
مرت الأيام و السنين و هي فعلا عشان اكبر مني بقت بترفض كذا واحد يتقدملها و تقول انها مبتفكرش في الجواز و إن هي لسه صغيره و مش حِمل جواز خالص ، لحد مجيه واحد اتقدملها و وافقت عليه انا فرحتلها اوي اوي بس بعد كدا زعلت و ادايقت انها هتسيبني ، مفيش غيرنا في العيله كدا متبقاش غيري بس الي ف العيله ، بمعنى اصح بقيت وحيده ،مش قادره اتخيل ان العيله تتجمع و هي مش موجوده ذي الي قبلها مبقوش موجودين معانا بردو ، انا كنت بحب تجمعات العيله عشان اقابلها و نقعد سوا و نسهر سوا ، دلوقتي خلاص بقيت لوحدي ، معتقدش ان هحضر تجمعات العيله و انا لوحدي منغيرهم ، بجد زعلانه اوي اوي ،نفسي اعرف ليه ؟ ليه الجواز بياخد الناس الي بنحبها و ليه اصلا الجواز بجد انا بكرهو بشكل مش عادي و كل مدى مبكرهو ، ليه ييجي واحد يبوظ كل حاجه ف العيله
مش عارفه اتخلص من الإحساس ده و مش عارفه اكون جمبها ، لدرجه فكرت محضرش الفرح ، و مينفعش ابينلها إن أنا زعلانه محتاره اوي و مش عارفه اعمل ايه بجد
لعرض السؤال في فدني اضغط هنا
السلام عليكم
انا بنت عندي ١٧ سنه يعني ف ٣ث
بواجهة مشكله كبيره اني الزم نفسي بالمذاكره و ببعد عني اي حاجه بتخليني اسوف و مع ذلك مفيش اي تحسن ...انا باخد كل المواد اونلاين ما عدا ماده حتى دي بحاول اني مغبش و احضر الحصص بانتظام و للاسف بيحصل عكس كدا بردو.
والدي دايما شايف اني بدلع و اني مش هفلح لان انا فاشله و كل الكلام ال كلنا عارفينو
من ونا صغيره وهو حاطط عليا الستيكر ده ..دايما يقل مني
مامتي بتدفع كل مصاريف دراستي و بتحاول و بتتسلف علشاني بس ..مش عايزه اخيب املها والله و عايزه افرحها هي اكتر من اي حد تاني
انا بعتقد ان الموضوع نفسي لابعاد تانيه منهم اننا من سنتين نقلنا محافظه تانيه ده اثر عليا جدا و معاملة والدي ليا من صغري مش احسن حاجه..هو مش وحش بالكامل بس الاغلبيه يمكن
و ان وضعنا المادي مش كويس.. في كذا حاجه.
و للمعلومية انا الحمدلله اللهم لك الحمد بصلي و بقرب من ربنا اكتر
مش عارفه اعمل اي و احل مشكلة التسويف دي ازاي انا خلاص مش معايا وقت
و كذلك الفتره بقيت حاسه بتعب جسدي زي شعور بالاستفراغ و عدم القدره على الاكل و وجع في الصدر ناحية القلب و صداع و ده بيحصل لما اكون مضايقه .
لعرض السؤال في فدني اضغط هنا
محتاجة مساعدة نفسية ضرورية انا عندى هلع قوي وتوتر حاد بالذات عن الموت وسواس موت حياتي واقفة خالص توقفت مرة واحدة بعد ما كنت انسانه طموحة حيوية خلاص بقيت منعزلة نهائيا مبخرجش من اوضتى بغيب من جامعتى انا اولى جامعه وصلت بسبب التوتر انه اغيب من امتحانات
كمان بقى عندى مشاعر مبالغة فى كل حاجة حزن مبالغ وخوف مبالغ اعراض جسدية بحسها انها موت دوااار دوووخة ضيق تنفس خفقان رجفة بالجسم تشنج بكل اعصابى وعضلاتى مش حابة نفسي كدة ومش عارفة اخرج نفسي من الى انا فيه حاسة انى معنتش قادرة اتحمل الضغط النفسي وكمان مثلا سمعت خبر امبارح ان اخويا راجع من السفر بعد مدة كبيرة بدل ما افرح توترت جامد وهلعت وحاسة معنتش جاهزة لاى موقف بالحياة حاسة بموت بالبطىء ساعدونى
لعرض السؤال في فدني اضغط هنا
نصيحه لاخوكم
انا عندي 16 سنه في اولى ثانوي مش عارف اعمل ايه في حياتي تايه مش عارف اركز على الدراسه ولا الجيم ولا اتعلم مهاره تايه ما بين الحاجات دي وفي الاخر ما بعملش حاجه ممكن نصحتكم وركز على ايه في السن ده
لعرض السؤال في فدني اضغط هنا
ليس لدي شعور مع شريكه حياتي، ما هوا الحل انا احبها كثير لكن افقد الشعور الكامل معهاا
لعرض السؤال في فدني اضغط هنا
السلام عليكم ورحمة الله وبركاته،
ممكن مش مشكله كلامي بس حاسه اني عاوزه اتكلم انا 21 ، مريت قبل كده بخطوبه سابقه من سنتين بس الحمد لله مكنش فيه نصيب لان مكنتش متقبلاه او مفيش راحه بعد استخارات كتيره ،
اتقدملي كتير قوي بس منهم الي بيشرب سجاير ومنهم الي مش ملتزم برضوا ومنهم قلبي بيتقبض وبكون مش قابله للموضوع اساسا او اصلي ولاء برضو وهكذا ،
ملقتش فيهم الشخص الي عاوزاه ببساطه ،
انا أمة لله بأدي العبادة كما اُمرت بحفظ قرأن بدرس عقيده الحمد لله، ملتزمه بلبسي كمسلمه ،عاوزه حد بجد بعيني علي طاعه ربنا صالح بيتقي الله وبيحب الله ورسوله صلى الله عليه وسلم ،بدعي دايما بكده من حوالي 7 سنين حتي لما كنت مخطوبه مكنتش بعرف ابطل الدعوه دي ،
لما حد يقولي محدش لفت نظرك أعجبتي بيه وهكذا بقول لاء فعلا دي الحقيقه بحس الي قدامي مش مصدق قريبتي بتهزر وبتقولي روحي اكشفي قلب ليكون مش موجود ،
مش عارفه انا طبيعي ولا هو اي المفروض اعمل اي انا والله ربنا يعلم أقسم بالله مُتقيه الله ،،واحده صاحبتي كان متقدملها حد والله اكبر ما شاء الله لا قوه إلا بالله بتقولي انه في كل الصفات الي كنت طلبتها من ربنا كزوج صالح وقتها قلتلها صلي ركعتين شكر لله بجد وعملت كده فعلا فرحتلها جدا من قلبي اقسم بالله،
بس بعدها انا طمعانه ف ربنا طب وانا يارب ،زعلت من نفسي انا مش قصدي انانيه والله انا بس طمعانه في كرمه حسيت اني مينفعش اقول كده ،مش عارفه حد فاهم قصدي بس حبيت ا تكلم
لعرض السؤال في فدني اضغط هنا
انا شاب عمري22 سنة مدمن قصص الحب كل يوم اشوف قصص الحب ابحث عنهم
عندي مشكل هو كي (لما) نشوف بنت تحب ولد او صديق يحب صديقه ومتعلقة فيه نحس بسعادة ونفرح كي بنت تحب هذاك الشاب وتضحي لأجله تحترمو وما تخونوش نحس انا نعيش في قصة حب نحس بالسعادة والأمان
وكي نشوف بنت تخون ولد او متحبوش او اتفعلو مشاكل او هو يحبها وهي باردة معاه نحس الاكتئاب والحزن والقلق
انا انسان انطوائي منحبش ندخل في علاقة حب نحب نشوف الكوبل يحبو بعضهم فقط، هذي سعادتي
أنا أملأ الفراغ العاطفي عندي بقصص الحب فقط، نحس انا في مكانهم فقط نكره علاقة فيها مشاكل منحبهاش وكي نشوفها يجيني اكتئاب وأتعصب كثير ونقول في راسي لماذ خانته لماذا تنفر منه لماذ كذا لماذ كدا وأتعصب.
هذي حالتي عندي 5سنين في هاذي الحالة مفهمتش هل انا طبيعي او مرض منقدرش نحبس (نوقف) القصص صار عندي إدمان معرفتش كيفاه نحبس نحب نشوف كامل ناس اتحب بعضها بدون حقد او حسد او خاينة هذي هي قصتي ادعولي.
لعرض السؤال في فدني اضغط هنا
السلام عليكم
منذ أن كنت صغيرة كنت كثيرة التفكير فى كل شىء وكنت متفوقه جدا فى دراستى و كنت اتعرض للتنمر كثيرا ولم يكن عندى اصدقاء حتى الآن وعندما وصلت للصف الاول الثانوى قل مستواى الدراسى جدا مع التوبيخ من اهلى وكنت من كثرة التفكير اغلق على نفسى الغرفه و أطفئ النور واظل افكر فى اى شئ أو اى سيناريو سعيد من مخيلتى واسمع الكثير من الاغانى مع تخيلاتى وابتعدت عن اهلى وعن الدراسه ولا اخرج من المنزل لأى سبب
والآن أنا فى الصف الثالث الثانوي لكن لا اذهب للمدرسه ولا الدروس وسوف أؤجلها للسنه القادمه و اشعر ان التفكير الزائد قل كثيرا جدا ولا افهم مناهج الدراسه نهائيا وقَلت ثقتى بنفسى بل انعدمت بسبب التنمر
ولم اعد اهتم بنفسى ولا بشكلى ولا اخرج من المنزل حتى لا يرانى احد ومنذ أيام قمت بحلق شعرى نهائيا لانى أكرهه كثيرا مع أنه كان جميل جدا ومنذ ثلاث سنوات أصبت بكهرباء زائده فى المخ وتعالجت منها 7 اشهر وخلال الفترة اضربت عن الطعام ونقصت اكثر من 20كجم
"عمرى18 عام" اتمنى المساعده
لعرض السؤال في فدني اضغط هنا
السلام عليكم ورحمة الله
أنا بنت وعندي 13 سنه عندي اخت اكبر مني عندها 24 سنه وبتكرهني وبتتكبر عليا ولما تيجي تضربني والمسها عشان بتوجع تقول لاهلي اني ضربتها وجالي اكتئاب نفسي بسبب الموضوع ده واهلي كلهم كانو بيحبوني وانا بعاملهم حلو ولما اختي تضربني واجي المسها بس عشان بتوجعني تقوم تكسر عليا كذا حاجة وتقول اني كسرتها وضربتها وشتمتها وكل ما احاول اجي اصالحها تصالحني
واليوم الي بعده تضربني وتهزقني وانا تعبت ناس كتير قالولي اعمل كذا حاحه وفعلا عملت وكذلك مفيش فايده وتبقا بتقول لماما انا هروق الشقه كلها وفي الاخر أمي تمشي وتقولي انتي اعملي كذا كذا كذا وهي تقول هتعمل كذا
وفي الاخر بتخليني اعمل كل حاجه وانا بقولها حاضر وتعبت من كلمة حاضر وزهقت ومحدش بيحس بيا حتى لما بتشتكي بيضربوني انا بنت وعندي 13 سنه المفروض يحترموني يعني حتى مش يحترموني عشان سني طب عشان جنسيتي حتى كنت ههرب من البيت صديقتي المفضله ليا قالت لي مش هتضيعي نفسك عشان واحدة زاي دي وصديقتي هي الي مدياني امل علي اني هكون في حياة افضل لو حد عنده حل يقولي والنبي.😭
والسلام عليكم ورحمة الله تعالى وبركاته
لعرض السؤال في فدني اضغط هنا
انا عندي انهزام دايما من كل حاجه لا عارفه اركز في مذاكرتي ودائما عندي صراع داخلي وقلبي دائما يوجعني وحتى الأشياء اللي كنت بحبها كرهتهاوبقيت اشوفها عادي هو انا طبيعيه ولا فيني حاجه
لعرض السؤال في فدني اضغط هنا
وانا عندي ٩ سنين كانت بنت عمي بتفرجني علي اباحيات لغايات لما وصل سني ١٢ بطلت اشوفها لأنها سافرت وابتديت انا لوحدي اشوف وادخل عالمواقع دي الموضوع بقا زي الإدمان وبتفرج اكتر لما اكون متعصبه وانا عندي ١٣ سنه اتعرضت للتحرش من ابني عمي وقلت لاهلي بس معملوش حاجه ومن ساعتها وانا بقيت بسمع الاباحيات بس بصوره مختله بقيت بستمع لما بشوف شواذ اكتر من العلاقه الطبيعيه حاولت اوقف كتير لكن معرفتي بحب اشوف الراجل فوضع الست
لعرض السؤال في فدني اضغط هنا
عندي 16 سنه وعندي تبول لا ارادي والموضوع مسببلي ازمه كبيره طبعا وعملنا كل التحاليل والاشاعات اللي ممكن تتعمل ومفيش سبب ومش عارفه اعمل ايه حد عنده حل
لعرض السؤال في فدني اضغط هنا
بحاول بكل الطرق اوقف عصبية بس عصبيتي بتبقى على اي حد و اي حاجة و اوقات كتير بفقد اعصابي بدرجة انا نفسي بخاف من نفسي و الاسباب مش بتبقى واضحة لحد ما بقى كله بيوصفني با اني مش مفهوم ،موضوع اني لازم ابرر تصرفاتي و ان كتير بيفهمني غلط ده عملي مشاكل ايه الحل
لعرض السؤال في فدني اضغط هنا
احتاج إلى حل لهذه المشكلة بشكل سريع لانها لا تجعلني امارس حياتي بشكل طبيعي تجعلني وانا في الشوارع انظر إلى الرجال بشهوة وفي اثناء الصلاة قد افكر في اشياء من هذه النوعية افكار شاذه
لقد بدأ الامر معي منذ كان عمري 15وانا الان عمري 18
عندما كان عمري 15امتلكت اول تليفون ولم اكن اعرف ما معني العلاقات الجنسية ولا اعلم اي شيء ولكن اصدقائي كانو يتكلمون دوما بخصوص هذه الامور وكان عندي فضول ان اعلم ما الذي يتكلمون عنه وبما اني امتلكت هاتف فقمت بالبحث حيث وجت مقاطع اباحية ظهرت عندما بحثت وهنا شعرت لاول مره كيف تكون النشوة الجنسية وكنت قد بلغت منذ عمر 14 ولم اكن اعرف ما معنى هذا الشعور لكنه اعجبني فأصبحت اشاهد كثيرا واستمني كثيراً حتي علمت ان هذه تسمي العادة السرية وانها محرمه في الاسلام ومضره بالصحه فعندما اردت ان اوقفها لم استطع أبداً بل واصبحت من هذه اللحظه اشتهي الرجال لكن يوجد سبب اخر
كنت في عمر ال14وكنت قد بلغت ولم اكن اعرف ما معنى البلوغ او ماهي علاماته كنت عند الحلاق مع اقاربي وكان الحلاق قريبنا أيضاً فعندما ذهبنا لنحلق كانو يتكلمون انهم يريدون مشاهدة مقاطع اباحية فعندما شغلها الحلاق كان الفيديو لرجال عراة تماما واول شيء شاهته رجل ضخم وتخين وعار وعندما رايته ذهبت من المكان ورحلت
ومن هنا اتت شهوتي للرجال السمان
اريد حلا لهذه المشكلة لانها تؤثر علي حياتي من جميع النواحي حتي انه يوجد صديق لي أحيانا افكر فيه واشتهيه
وشكرا لكم
لعرض السؤال في فدني اضغط هنا
انا اتصاحبت علي واحدة من اربع سنين وحرفيا كنت بحبها اكتر من روحي ولما كانت تطلب مني حاجه كنت بعملها لها من غير ما افكر هتضرني ولا لا ولما كنا نتخانق وتبقي هي الغلطانة كنت اروح واصالحها بردو علشان بحبها
المهم كانت دايما تبعد وتسيبني بس من حبي ليها كنت انا اللي بروح واكلمها علشان روحي متعلقة بيها وكنت بسببها بعيط كتير اوي ولما فقت وبعدت عنها راحت بوظت سُمعتي في المدرسة ودعت عليا في اهم يوم في السنة وهو يوم عرفات واتكلمت عليا بأوحش الكلام وانا دلوقتي بسببها متدمرة نفسيا وبتمني ربنا يردلها اللي عملتوا فيا اضعاف ونفسي اخد حقي منها بس مش عارفه تنصحوني اتصرف ازاي؟
لعرض السؤال في فدني اضغط هنا
عندي مشكله ان انا حاسه بخنقه و ارهاق و ثقل في صدري وانا منعزله و عندي لامبالاه قويه زي ناس من قرايبي ماتو و انا محستش بي زعل حتى لو بسيط و المشكله دي عندي بقالها ٥ سنين
لعرض السؤال في فدني اضغط هنا
مساء الخير كان عندي سؤال
انا عندي وسواس قهري ديني وكذا نوع آخر
فبيجيلي افكار ان اي حاجه بعملها او بحبها كفر
المغنيين او الممثلين بالذات لو كفار انا كدا بتحاسب علي حبهم؟ مع العلم انا بحب شخصيتهم اكتر وشكلهم بعيدا عن دينهم او أفعالهم وبتبرأ منهم وبتكلم هنا عالستات طبعا لان اكيد اي ممثل او مغني راجل حرام *
تاني سؤال في وقت الكريسماس انا بحب اشوف افلامهم فقط انا لا بعيد عليهم ولا بزين زيهم بس هل حرام احب
الألوان او الاجواء؟
آخر سؤال برضو هل حرام ألون رسومات أجواء كريسمس؟
لعرض السؤال في فدني اضغط هنا
الوقتى انا اهلى رافضيين اروح لا استشارى نفسى وانا كنت حابه اروح واستحاله انى اروح من وراهم اى الحل هما رافضين اى تواصل ليا مع استشارى نفسى بس انا حاسه انى محتجاه جدا.
أنا بصلى وبقرأ قرآن واذكار وقريبه الحمد الله وبسعى في قربى اكتر واكتر من ربنا بس محتاجه دكتور نفسى اعمل ايه فيدونى
لعرض السؤال في فدني اضغط هنا
مرحبا اريد السؤال عن نوبات الهلع، هل هي حقيقيه؟
لاني منذ اشهر اعاني من اكتئاب شديد واوجاع غريبه واشعر بالعصبيه والخوف لان الدكاترة لا تؤمن بها فقد قمت بزياره الطؤارئ مرتين هذا الشهر أعاني من تنميل في الوجه والفك واطراف اليدين والقدمين ووجع في الصدر
يعملون لي فحوصات ويرجعونني للبيت، عملت جميع فحوصات الدم كلها جيده ما عدا فيتامين ب ١٢ ليس نقص ولكن قريب من النقص على الحدود
وايضا اعاني للان من التنميل والتخدير في الفم متل وجود إبره بنج في فمي ولحد الان لا اعلم ما هذا وما سببه
ايضا ذهبت لطبيب القلب وكل شي جيد وزرت طبيب أعصاب طلب مني فعل فحص MRI للراس ومن بعدها لزيارته
اريد فقط ان اعرف ما الذي يجري معي لأنه شعور سيئ جدا ومرعب انا جدا خائفه ومكتئبه
لعرض السؤال في فدني اضغط هنا
أنا ثالثه ثانوي عام، مش عارفه اذاكر ولا عارفه أركز في دراستي وديما في معظم امتحانات الدروس بغش عشان المستر ميزعقش ونفسيتي وحشه ومش عارفه أنتظم في الصلاة. نفسي أفضل اصلي واحفظ قرآن ويبقى عندي معلومات عن الدين لأن فعلا فعلا في أسواء حالاتي.
زمان كنت منتظمه لكن دلوقتي لا، كان في حياتي شخص ما وبسببه عملت حاجات كتير وحشة تزعل ربنا، فأنا نفسي ربنا يسامحني وأي حاجه وحشه تتمسح من عند ربنا او حتى تخفف الدنيا عليا وكل ما أحاول أعمل ده واقرب من ربنا انتظم كام يوم وارجع تاني أنا مش عارفه اعمل ايه محتاجه حل ضروري لاني تعبانه جدا ومكسوره
لعرض السؤال في فدني اضغط هنا
عندي مشكلة اني دائما بخاف أقرب من اي انسان مع اني اجتماعية بس بخاف أصدق الكلام والمدح، بخاف اتعلق و اول حدا بعطيه فرصة وأجرب أقرب بصير خايفة خوف مو طبيعي انو يمشي و بضل قول انت هتمشي و نفسيتي تتعب وفوت باكتئاب بدون ما يصير شي اول ماحس انه ها الحدا ممكن يمشي بنت او ولد
وعند أقل مشكلة بفكر ان كلشي انتهى او انو كان كلامه كلو كذب ها المشكلة الها عندي ٤ سنين ماعم اعرف لا اعطي ناس فرصة جديدة ولا اتخطى الناس القديمة
لعرض السؤال في فدني اضغط هنا
أنا عندي مشكلة، دائما أمي مش قادره تفهمني وانا مبعرفش اتكلم معاها
اولا علشان بحس إن اللي في دماغها مش بيتغير وكمان بحس إن في حاجز كبير بيني وبينها وبكون مكسوفه منها بس رغم كل ده بحس إن أي كلمه بتقولها بتأثر فيا مع اني كبيرة ٢٥ سنه مش المفروض إن أي كلمه تقولها لي تبقي مأثره فيا كده
كلامها السلبي بيموتني ومش بعرف أتجاهل ده مع إني عارفه أنه مش بيكون قصدها بس كلامها سم مش بعرف أطلعه وفي نفس الوقت بفقد الثقه في نفسي بحس اني ولا حاجه
فبفضل افكر اني عاوزه أشتغل علي نفسي اوي علشان يبقي ليا قيمه فالبتالي كلامها ميأثرش فيا وفي نفس الوقت اللي بفكر فيه اني لازم يبقي ليا قيمه بفكر اني مش هعرف اعمل حاجه واني بضحك علي نفسي وبفضل اخترع مواقف من دماغي، فشل وزعل وكره لناس وبفضل في صراع كبير مع نفسي وبحس أن مفيش حد هيتقبلني واني لو نجحت لازم هي تساعدني علشان أنا لوحدي مش كفايه
لعرض السؤال في فدني اضغط هنا
إزاي تتخطي مرض الاكتئاب مع وجود متلازمة القولون العصبى
لعرض السؤال في فدني اضغط هنا
أنا في تالتة اعدادي والامتحانات يوم ١٨ وانا مش مظبط في المواد، يعني الإنجليزي حالل تقريبا ٤ محافظات بس مش مراجع على جرامر كويس بس مذاكر منهج الحمد لله
والماث مخلص المنهج بس أنا مش بآخد درس فيه أنا بذاكر من ع النت، فيه مدرس شاطر جدا على يوتيوب بيشرح ماث انا بجد مش بفهم غير منه وهو عامل مراجعة بس حاسس إنه بيشرح المسائل الصعبة بس وكمان مش بيشرح وهو بيحل فأنا مبقاش مستوعب اوي فدلوقتي بقيت بسمع مراجعات بتاع السنة اللي فاتت
والعربي لسالي تقريبا درس واحد قراءة واكون خاصت المنهج والنحو معرفش فيه حاجة يعني مذاكر المنادى كويس بس مش حالل عليه كويس صراحة والباقي على الله
والدراسات مبدأتش أحل محافظات محلتش ولا محافظة وانا مذاكر المنهج بس حاسس اني جايلي غيبوبة والمنهج كله أنا مش فاكره بالذات الجغرافيا معقدة اوي وداخلة في بعضها والساينس بآخد درس وخلصت المنهج الحمد لله، بس انا قلقان عشان أنا مش هغش إن شاء الله وربنا يثبتني على الفتنة دي بجد
فانا خايف مجبش مجموع ثانوي وانا بذاكر ومش بضيع وقت في اليوم بس بحس اني مش بنتج يعني ممكن اذاكر ٥ ساعات بس برضوا احس انس معملتش حاجة او مظبطش المنهج بس اكون بذاكر بتركيز والله
وثاني حاجة بحس ان الدروس مش بستفاد منها ومجرد تضييع للوقت وبحس بإحباط لما اروح درس ومستفدتش حاجة زي العربي درس عربي مراجعة النحو مش ببقى فاهم حاجة وبضيع في الوقت بس وهكذا الانجليزي بحس اني لو كنت ذاكرت في البيت كان أحسن لي وانا لو عليا اذاكر في البيت بس المدرسين هيخدوا عني فكرة وحشة وهكذا وعندي وساوس قهرية بجد بتضيع لي وقتي كل يوم ومش بذاكر بسببها
واهلي بيطلبوا مني طلبات كتير وانا عايز اذاكر ومش فاضي صراحة وانا مش عارف مفروض اصبر على ده ابتلاء ولا ايه مش عارف
لعرض السؤال في فدني اضغط هنا
السلام عليكم ورحمة الله وبركاته
انا اسمي فتحي عندي 19سنه طولي 159 عاوز أغير حياتي بعمل غلطت كتير ونفسي اغير حياتي شخصيتي ضعيفة، نفسي اغير حياتي للأحسن.
لعرض السؤال في فدني اضغط هنا
يا جدعان انا دلوقتي مش عارف مالي بس انا مش لاقي نفسي، معرفش ايه مشكلتي ولا بدأت ازاي وهل عندي مشكله اصلا ولا لا بس انا مش مرتاح من جوايا
حاسس بحرقه وقهر ومعرفش انا بوصف صح ولا لا، بقيت في النازل في كل حاجه دراستي وعلاقاتي مش عارف أرضى بحاجه وطاقتي مفيش، ع طول متوتر وقلقان ومش مطمن وبقيت أعاند وادخل في جدالات ع الفاضي مطفش الناس مني
حاسس انا المفروض ادوس ع زرار يرجع كل ده معرفش المفروض أبقى عامل ازاي ولا ابقي ايه بس انا مليش نفس اعمل اي حاجه
واشتغلت فتره لو حد قالي اشغل نفسك شغلت نفسي بس برضو طول ما في الشغل حاسس اني عندي مشكله ودايما بدور عليها او حاجه نقصاني وبتأثر اوي بكلام والناس وبأفكاري حتى لو حد بيقصدش بتأثر وبفهم الكلام ع مزاجي والمواقف ع مزاجي
حاسس اني عايز افضل كده ومش عايز اتحسن بقيت اندفاعي ومش بعمل حساب لاي حاجه بعملها ولا بقولها
لعرض السؤال في فدني اضغط هنا
انا ابويا اتجوز بعد وفاه امي من ٤ سنين ونص وجابها تعيش معايا انا عايشه في عذاب وبتقعد دايما تقولي ياعانس وكلامها لسه لحد دلوقتي مأثر فيا مع اني لسه صغيره ابويا جابلها شقه تانيه عشان المشاكل بس لما بشوفها صدفه اعصابي بتتوتر وبحس في رعشه في جسمي كله وانا نفسيتي مش عارفه اصلحها خالص اعمل ايه قولولي اعمل ايه انا تعبت جدا
لعرض السؤال في فدني اضغط هنا
انا مامتي متوفيه الله يرحمها من ٥ سنين وانا شايله مسئولية البيت ابويا واخواتي الولاد بس بحس بالوحده دايما امي كانت ماليا عليا حياتي اتخطبت ٣ مرات وبتتفشكل وزهقت ياترى المشكله فيا ولا فيهم
لعرض السؤال في فدني اضغط هنا
مشكلتي اني كتومه وومش بعرف اعبر عن حبي للشخص اللي قدامي
و بخاف أتكلم علشان محدش يحس بضعفي
و المشكله دي ظهرت جدا لما انخطبت مش بتكلم معاه كتير و مش بحكي له عن اي حاجه حصلت و دة عكس اللي هو بيعمله دايما بيحكي
حاولت اكتر من مره أغير دا لكن ابدا مش عارفه اتغير
و دا عامل مسافه بينا .
انا اصلا مشاعري مشتته اوقات بحبه و اوقات لاء بحس ان انا اتعودت عليه
واوقات بحس ان انا مش طيقاه
حاسه اني ضايعه بالمعنى الحرفي
لعرض السؤال في فدني اضغط هنا
لعرض جميع الاسئلة في فدني اضغط هنا