أنا شاب عندي 20 سنة متعاملتش مع بنات خالص والموضوع ده مأثر فيني حاسس في حاجه غلط وانا مش من النوع اللي بهتم أن اكلم بنات وكدا علشان شايف أن مفيش سبب يخليني اكلم بنت بس بعد كدا واحد قالي بما انك في فترة الجامعه حاول تتعلم انك تختلط معاهم وكدا بس لما جيت اجرب لقيتني طول الوقت ساكت مش بكلم عكس لما اكون مع صحابي بكلم ويضحك حتي البنات القريبين مني مش بعرف اتعامل معاهم زي اخواتي البنات أو اللي في العائلة عامة
،عايز حد يقولي ازاي اتعامل معاهم
لعرض السؤال في فدني اضغط هنا
أنا عندي بنات عم وكنت اهتم في نفسي واللي آبي
كانو يمدحوني وكنت اتشجع اكثر صنعنا ذكريات جميله وكنت اذهب لهن كنت احبهن كثيرا ولكن وقعت في شده وكنت اسأل عليهن لم اجد من يقف بجانبي
فسألت عنهم لاني كنت اظن اني فعلت شيء يسيء لهن وهذا ما جعلهن لا يشعرن بمصيبتي ولا يسأل عني وعندما رزقني الله برزق سألتني باستغراب كيف حصلتي عليه ماذا فعلتي قلت لهن كتب الله لي هذا الرزق
ومره كنا في مناقشه حاده قالت فيها احدى المتزوجات ان زوجها سيء معها وانهم يحبون نقل الكلام ويذكرون نساءهم بالسوء فاندفعت وقلت لن اتزوج الا من يذكرني بخير قلن لي بنات عمي لاتدرين يقصدن اني سأتزوج من شخص يذكرني بسوء
لقد صورنني بدون علمي وجعلن اخوتهن يرون صورتي مما وقعت فتنه وهذا ماجعل اخوتهم رأوو صورتي ووقعت بظلم واكتشفت انهن وقفن مع من ظلمني وعندما قطعت علاقتي بهن حاولن اصلاح العلاقه حتى صلحنا ولكن فضفضت لهن وذهبن ينقلن فضفضتي لزوجات اخوانهن ولاختي مما جعلني اندم واكتشف انهن منافقات
اذا قيل فيني كلام يصدقنه وهن يعرفنني ولكن عندما يقال عني كلام سيء يصدقنه والآن ادخلنني في قروباتهن وعندما تزوجت اختي تصورنا صوره جماعيه لا اعلم من غبائي تصورت معهن ولكني غطيت وجهي وعندما طلبت منها ان ترسل لي الصوره الجماعيه ارسلت لي صورتي قبل ان اغطي وجهي
لعرض السؤال في فدني اضغط هنا
حبيبي اتجوز اعمل ايه
لعرض السؤال في فدني اضغط هنا
كنت بحب ولد واتقدم وبعد كدا بابا موافقيش وهو قرر هيخطب وسيبنا بعض وجيت في تالت يوم كلمته كنت محتاجه فلوس وانا ليّ عنده فلوس... المهم اتخانقنا وقال لي أن أهله شافوا له عروسة واتفقوا وهو مش راضي ينزل علشان خاطري .. وأنا كنت شاكة فيه إنه نزل رحت مكلمة أخته واكتشفت أنه نزل وفي البلد برغم أنه قالي والله عامل معاهم خناقة لرب السماء ومش راضي أنزل أنا مش قادره أتخطى دا
لعرض السؤال في فدني اضغط هنا
ازاي قدرتو تتخطو أن حد بعد ما قدمت له كل حاجه وحبيته بجد قرر يبيعك ويسيبك ويختار كل الدنيا الا انت بعد ما كنت رافض الخطوبة والجواز قررت تفتح قلبك وللاسف وقعت وحبيت بس في الآخر محدش خسر غيرك
كنت فاكر الموضوع سهل عشان راجل وكده بس طلع الموضوع صعب وفعلا مش عارف أتخطى وبسأل نفسي كتير أنا كان في إيدي حاجه تانيه اعملها
أنا اللي غلطان من الأول ولا هي الدنيا كده
لعرض السؤال في فدني اضغط هنا
السلام عليكم ورحمة الله وبركاته
لقد خذلوني بعض الأشخاص ما كنت أظنهم هكذا أبدا وكنت أحبهم جدا أشعر أني خسرتهم وأن قلبي قد انكسر ولا حول ولا قوة إلا بالله.
ما الحل في مأزقي
لعرض السؤال في فدني اضغط هنا
السلام عليكم ورحمه الله وبركاته
في شهر ٩ اللي فات ده في حد دخل كلمني علي التلجرام انا كنت بنزل استوريهات وهو كان بيشوفها وكان بيعمل لايكات عليهم
فأنا كنت عاوزه اعرف بس هو مين
دخل وكلمني وانا قلت له انت مين فقالي رقمك متسجل عندي باسم والدي
وهو فعلا الخط كان متسجل باسم والده
بس انا لما جبت الخط ده مكنش مع حد وقتها قالي دي خوارزميات التلجلرام وقالي عارفه يعني ايه خوارزم
فقالي أنتي في ايه الاول علشان اعرف اشرح لك بطريقه مناسبه أو كويسه
فقلت له أنا كنت ف ايه ودلوقتي في إيه وعرف اسمي وكل حاجه
وقعدنا نتكلم كتير اوي بجد فأنا قلت له إن اللي احنا بنعمله ده غلط ومينفعش نتكلم كده قالي معاكي حق وممكن لما تحتاجي اي حاجه تكلميني فقلت له شكرا
وخلصت الموضوع في اليوم ده
جه هو بقي تاني يوم كلمني تاني هو كان بيسالني سؤال فرديت عليه عادي جدا
فنزلت استوريهات تاني وعلق عليها برضو وعمل لايكات ودخلي واتكلمنا كتييير وبقي كل يوم يكلمني ويتطمن عليا
وحكى لي كل حاجه حصلت في حياته وكان بيحكي لي اي حاجه مضايقاه
وكان كلامه كويس جداً معايا طول الفتره دي والمفروض أن هو دخل الجيش في شهر ١٠ اللي فات وهو كان متضايق جدا أنه داخل الجيش
فجه في ال٣ ايام اللي قبل الجيش دي مبقاش بيتكلم خالص ولا حتي بيقول صباح الخير زي عادته ومقاليش حتي أن هو مسافر فأنا معتبتهوش وقتها ولا قلت له أي حاجه عملت أن عادي مش فارقه معايا مع اني بجد كنت زعلانه جدا وعيطت وقتها ومش عارفه بجد هو ليه عمل كده
والمفروض أنه جه من الجيش الاسبوع اللي فات ده مكلمتنيش برضو ولا قال لي اي حاجه فكان منزل استوري فدخلت له قلت له حمد الله علي السلامه فقالي الله يسلمك وحشتيني وعامله ايه
وبرضو كلامه قليل اوي معايا
فعاتبته المره دي قولتله انت ليه بتعمل كده
ليه مبقتش بتتكلم خالص كده انا مش فاهمه بجد
قالي قبل الجيش كان فيه خطوبه اخويا وكانو اهلي معترضين ع الخطوبه فكان فيه شويه مشاكل
وكان لازم اعرف انا سلاح ايه فتوهت وقتها ومعرفتش
ودلوقتي انا جاي من الجيش تعبان جدا وعاوز ارتاح وانتي شايفه الاجازه اسبوع واحد بس
انا بقيت حاسس اني عامل زي العصفور اللي محبوس في قفص بيعمل اللي بينطلب منه وخلاص انا نفسي مش عارف انا ليه بعمل كده
وكلام كتير كده
انا عندي ١٨ سنه وبدرس حاليا وهو عنده حوالي ٢٣ أو ٢٤ ومخلص جامعه وشغال
هو قالي المره دي أن هو مسافر فلما سافر انا عملت له بلوك من كل حاجه عندي
انا بجد معرفش هو ليه بيعمل كده والله كان كلامه كويس جدا ف الاول وكان بيزعل لما كنت بتأخر عليه ف الرد وكان بيقولي انتي مطنشاني ليه
كان كل شويه بيدخل يتطمن عليا ويقولي بتعملي ايه وكان بيحكيلي يومه كان ماشي ازاي النهارده وانا بجد ارتاحت معاه ف الكلام وحسيت اني حبيته فقولتله انا حاسه ب كده
فسألته انت حاسس بحاجه فقالي وقتها اه
قالي انا برتاح جداً وانا بكلمك وببقي مبسوط اوي
برايكم
هو ممكن يكون بيعمل كده ليه
وهو فعلاً اللي بيدخل الجيش بيبقي مضغوط اوي كده
انا عملت بلوك مش عارفه انا كده صح ولا غلط
قولوا لي والنبي اعمل ايه لاني بجد تعبت وبقيت تايهه ومش فاهمه حاجه 😓😓
لعرض السؤال في فدني اضغط هنا
هل يوجد اختلاف بين الحب والتعلق الزائد ام لا؟
لعرض السؤال في فدني اضغط هنا
مساء الخير،
أنا بنت وعندي ١٨ سنة بدرس في أولى كلية تربية إنجليزي.
مشكلتي إني عايزة أبقى أنجح حد في الحياة، وأبقى مترجمة ويبقى معايا لغة تانية وأسافر وأجيب عربية وأعيش حياتي وكله يبقى برضا ربنا.
تاني حاجة عرفت واحد من قريب، اتكلمنا وارتبطنا وحبيته أوي والطفلة اللي جوايا اتعلقت به أوي، حاسة معاه بالأمان وبيطمني، اللي أنا محستوش مع أبويا.
احنا لسا متقابلناش لسا هنتقابل قريب بس أنا عارفه إني لو قابلته هحبه أكتر وأتعلق به وفي نفس الوقت مش عايزة أمشي في السكه دي لأنه لو جه اتقدم مش عايزة أتجوز دلوقتي، لحد ما أحقق أحلامي وأعيش حياتي وأثبت لأهلي إني مش فاشلة وإني أنفع وأعرف أعمل أي حاجة وإني مش ضعيفة وفي نفس الوقت الطفلة اللي جوايا عايزاه وعايزة تحس بالأمان أو تملى فراغ الإحساس اللي جوايا اللي أنا فاقداه
مش عارفة، أوقات بحس إني مش فاهمة نفسي أو أنا مش عارفة أنا عايزة إيه وتايهة، أنا يمكن مش عارفة أشرح أو أعبر عن اللي جوايا أوي بس انتو فاهميني؟
لعرض السؤال في فدني اضغط هنا
مساء الخير يا جماعة
بجد شكرا ليكم ع وقفتگم جمبي وان كلامگم فادني جدا قد ايه انا عرفت ان محدش يستاهل ولا حتي كان يستاهل ان احارب عشانه، عملت حركة تاني اثبتتلي انو كان بيتسلى بيا مش بيحبني بس انا عمري ماهسامحه لمدى الحياه،،،
بس ف حاجه تاني عايزة اسالكم ع حاجه فيه واحد بعتلي ع الخاص مسنجر وعايز يرتبط بيا لمجرد شهر تعارف وبعدين يجي يكلم اهلي بصراحه كلامو كويس وكذا مرة اطلب منو ان يبعد بس بردو مش راضي وقال انا مش هسيبگ فمش عارفه اعمل ايه،
انا مخنوقه ومش عايزة اكلم حد تاني ان واد عمي ومرحمنييش وكان بيسلا بيا ما بقالگم بقاا يكون غريب،، و
فيدوني بالله عليكم
لعرض السؤال في فدني اضغط هنا
بحس باكتئاب على طول وان اصحابي مش موجودين معايا وبحس ان صدري مخنوق في التنفس
إيه انسب حل اقدر اعرف ناس جديدة واتخلص من الملل
لعرض السؤال في فدني اضغط هنا
حبيت شخص بكل جوارحي ووعدني بالزواج وكنت أحسه صادق كنا نزعل ويسوي حظر ويرجع يشيل الحظر ويحكي معي مؤخرا صار يتجاهل ولما أسأله ليش يحكي إنه مريض وكان مسوي عملية واستمر تجاهله.
أخذت موقف وماحكيت معه حرف فجأة لقيته عاملي بلوك حاليا اشعر بالضياع وماني فاهمة شي اريد اتخطاه ومو قادرة اريد ارسله رسالة بس كرامتي لاتسمح سؤالي ليش ممكن الرجل يعمل بلوك لوحدة حبها حسب ماكان يحكي انه يحبني
لعرض السؤال في فدني اضغط هنا
السلام عليكم ورحمة الله وبركاته
أنا اتخطبت لمده شهرين، المهم انا عايشة في ايطاليا و هو في المانيا اتعرفنا اونلاين ارتحنا البعض الموضوع اخد ١٠ ايام وجه اتقدم.
الظاهر شخص محترم و علي اخلاق و اهله ناس محترمه بس هو في الغربه بقاله ٩ سنين لوحده المهم في البدايه شخص محترم و كويس لكن آخر فتره بقى مثلا نكون بنتكلم فيديو الاقيه يحط ايه عند الكاميرا و يقولي بوسيها.
الموضوع اتكرر اكتر من مره طبعا اول مرتين أخذت الموضوع بهزار اللي هو بتهزر و بتاع آخره مره قفشت و مينفعش و قالي بشوفك مطيعه ولا لاء.
فهمته انو مينفعش تغصبني علي حاجه حتي لو اتجوزنا اعمل برضاي ...واحنا مخطوبين و حرام مينفعش احترم دا و اعتذر و بعدها بيومين عمل نفس الموقف قفشت و بعدين عاوز كتب الكتاب بسرعه قلنا شهر ٣ بدل ١٢ مستعجل لحد ما بابا وافق في الاخر.
بقوله هنعمل فرح إسلامي في مصر أو أي حاجه في مصر عاوزة افرح اهلي في مصر و غير كده انا اول فرحة اهلي مش راضي شويه يوافق و شويه يرجع في قراره ....
بعدين في وسط الكلام يقولي زي ما ابوكي حرمك مني انا هحرمك منه اخدت الموضوع بهزار و بعدين يقول لي انا بس اللي هيكون معايا مفتاح البيت و انتي هقفل عليكي ولا هقول لأهلك عنوان.
طبعا الحوار دا من ساعه لما قولنا كتب الكتاب يكون في شهر ٣... عديت بردو الموضوع دا بهزار اخر فترة لاقيته اتغير عن الاول في بقى يختفي مده طويله ظروف شغل و غيره منتكلمش غير شويه صغيرين في اليوم عكس المعتاد.
و بعدين اخر مكالمه بينا يقولي انا عاوز اخلف ١٢ عيل و معنديش ستات تاخد موانع حمل ...
غير كده في البدايه كان عنده موضوع الشك عدينا الشك فيه الغيره بشكل مبالغ فيها غير كده كان قالي انو كان بيدخن من سنتين لما سألته سنانك عاملة كده ليه قالي من السجاير و الحشيش بس هو مبطل بقاله سنتين قلت له انا مليش دعوه با الماضي المهم انك تبت ووقفت ..
السؤال بقا بعد اخر مكالمه بينا انا صحيت الصبح كلمت اهلي و عرفتهم اللي بيقوله و كده و انا حاسه اني مش مرتاحه قالولي خلاص سبيه فدعيت ربنا انو لو شر ليا ابعدو عني فسبته بقالي اسبوعين انا خايفه اكون ظلمته و خايفه من اني اكون اذيته لم سيبته لان بالنسبة له لما قلت له مش مرتاحه الاسباب مكنتش واضحه بالنسبة له.
لعرض السؤال في فدني اضغط هنا
أنا متجوزة بقى لي سنة ونص، كان بيني وبين جوزي مشاكل كثير قوي.
في الاول كنا واخدين بعض عن حب مع كثرة المشاكل دي مشاعره من ناحيتي اتغيرت وبدات ما احبش اتكلم معاه واحده واحده بعدنا عن بعض ما بقاش ما بينا شغف ولا مشاعر وجات في فتره واحده صاحبتي كانت سابت خطيبها وقالت لي اكلمه.
بعديها انا كنت فاقدة كل حاجه يعني ما كناش بتتكلم وكل ما نتكلم كان بيزعق لي فلما صاحبتي قالت لي اكلم خطيبها قبل كده كلمته عشان ارجعهم لبعض
فاعجب بيا وقعد يتكلم معايا ومن بعديها بقى ما كنتش عارفه ابعد عنه اني كنت رجعت تاني لقيت الحنان والطبطبه ولقيت حد يعني لان جوزي ما بيتكلمش ومهما اطلب منه الاهتمام ومهما اطلب منه اني يقول لي كلمه كويسه او يبطل يتريق عليا او يبطل يقعد ينقط فيا كان مزهقني جامد ما كانش معايا كده في الاول فكلمته فتره بعد كده حسيت بضميري تاعبني جدا وبعدت عنه وبعديها قلت اقرب منه هو احسن من جوزي وربنا هدانا يعني وبقينا كويسين مع بعض زي الاول بس انا دلوقتي ذنبي اللي انا عملته عايزه اكفر عنه واتوب الى ربنا عشان انا غلطت غلط كبير فمش عارفه اعمل ايه ضميري تاعبني ومانبني
لعرض السؤال في فدني اضغط هنا
مساء الخير
كنت عايزة طريقة ارجع بيها اللي كنت بحبه لان أنا تعبانه من غيره خالص وكل ما أدخل أكلمه يشتمني ويبلكني، فأرجوكم انصحوني بطريقة خلية يجي هو من نفسه
بتمنى المساعدة ضروري بالله عليكم
لعرض السؤال في فدني اضغط هنا
السلام عليكم و رحمة الله و بركاته
أولا معترف بذنبي راجيا من الله العفو و الغفران
أنا حبيت بنت محترمة جدا و طيبة و غلبانة أغلب من الغلب بس للأسف الشيطان خلاني فهمت ده غلط حبينا بعض و حبة حبة مسكة ايد مع تجاوز حدود حصل حاجة زي علاقة سطحية بس مجتش جمبها من ناحية الفرج خالص كان مداعبات من الخلف و الحمدلله من ستر الله و رحمته لم يحدث أي أدخال و لم نقع بالزنا الموجب للحد و هذا من فضل الله لأنه يعلم أني نيتي الزواج و لكن عدم المقدرة الحالية هو السبب السؤال هي بعدها بيوم رجعت و حست أنها تعبانة و بطنها وجعاها و كانت خايفة لا يكون في حمل بس الحمدلله بعدها ب٣ايام نزلت الدورة و قعدت ٦أيام و الشهر التاني قعدت برضو ٦أيام و نزلت طبيعي بس في حبوب في وشها و بتاكل كتير نسبيا هل كدة في حمل ولا الحبوب و الأكل دول طبيعين بسبب النفسية ؟
لعرض السؤال في فدني اضغط هنا
ازاي انهي علاقه الطرف التاني متجاهلني و محسسني فيها أن انا تقيله عليه ومش حاببني ولما بساله بيقول أن هو بيحبني وعاوزني ف حياته وانا مش مصدقه أنه فعلا بيحبني وعاوزني وكل شويه يتجاهلني وان انا مش فارقه معاه وانا بحبه ومتعلقه بيه والشعور ده وجعني اووي وعاوزه انهي العلاقه دي بس مش عارفه ازاي ابعد عنه ممكن تقولي اعمل اي
لعرض السؤال في فدني اضغط هنا
انا اعرف حد من سنين بس مش بتعامل معاه خالص كان آخرنا كل شهرين ازيك عامله اي وخلاص
من حوالي كام شهر كده فضل يبعتلي كل يوم تقريبا اخبارك ايه ويومك وكده
في حين انه قبل كده مكنش بيحصل
المهم مره واحده لقيته بيلمح انه عاوز يتقدم بس ظروفه حاليا مش سامحه
كلمني ف الموضوع ده مره واحده و اخد عنواني وقتها
بس كل يوم لازم يبعتلي نتطمن ع بعض
والحمد لله ولا قالي نرتبط ولا عشمني بحاجه بصراحه
بس بردو بنتكلم
انا مش عارفه هل هو ما زال عاوزني وبيتكلم علشان يسيب باب موارب
ولا مش عاوزني.. لاني بصراحه في حيره من امري ومش عاوزه اتعشم وابني احلام
لعرض السؤال في فدني اضغط هنا
لا يخفى عليك أيها القارئ الكريم
أن جُل الأسئلة تدور حول محورين:
قصص حب
كره للأهل
أظن أنه من المستحيل أن يكون سبب واحد وراء كل هذا...
لكن ربما هناك العامل الأكبر أو المؤثّر الأكبر، الذي يؤدي إلى هذه المشاكل
ما هي برأيك؟
لعرض السؤال في فدني اضغط هنا
وقت كنت صغير مريت بمشاكل نفسية كثيرة، فكنت احب العزلة وما احب أتداخل مع الناس وما أحب اتكلم مع أي حد الا بعد اعرفه كويس وعندي عصبيه مفرطه
وعندما كبرت استمرت العصبيه وبقيت ما عندي مشاعر بالذات يعني نفسيتي أثرت في تكوني للعلاقات مع الجنس الاخر و استمرت عزلتي وانطوائي لكن بصوره اقل من الاول
لعرض السؤال في فدني اضغط هنا
خطيبتي قبل ما اخطبها كانت مامتها مدلعاها اوي لدرجة انها لما كانت بتكلم ولاد كانت بتقلها وامها مكنتش بتقلها ان ده غلط فجيت خطبتها حبيتها جدآ فبصراحه لما عرفت هي كانت بتكلم وزميلة واحد صحبي فالموقف ده مخليني اشك فيها وكل شويه خناق وكان قبل الموقف ده كنت بحب بنت اوي وفي يوم من الايام لقيتها جايبة هديه لصديق لها وكلمتها لقيتها بتقولي هو عاوز يتقدملي وانت زي اخويا عمري ما حسيت من ناحيتك بحب
لعرض السؤال في فدني اضغط هنا
كنا مخطوبين وسبنا بعض وعدت سنين وهيه اتجوزت وانا اتجوزت بس مكملتش معاه وانا طول الفتره دي معرفتش انساها بس مفيش تواصل ابدا ومن فتره قصيره بعت ليها رساله علي واتس عملت حظر وبس مفيش رد فعل هل هيه مبقتش تحبني
لعرض السؤال في فدني اضغط هنا
انا في سن 15سنه وبحفظ القرأن الكريم وصوتي في الإنشاد والقرأن جميل ولكن احب أن أكلم بنات ليس لشيئ عيب أو هذا الكلام ولكن للدردشه فقط مش عارف أعمل إيه في هذه المشكله
لعرض السؤال في فدني اضغط هنا
دايما الكل يعاملنى وكأني حمل ثقيل عليهم ويلمحون لى بانهم لا يريدوننى معهم على رغم انى افعل كل مابوسعى لكن لا فائدة
لعرض السؤال في فدني اضغط هنا
محتاجه حد يعرف قصتي ويساعدني ضروري
انا عندي 19 سنه في تالته جامعه و اتعرضت لحاجات كتير اوووي تعبتني نفسيا وخلت عندي رهاب اجتماعي.
أول حاجه هم اهلي، وانا صغيره مكنش حد بيفهمني كانو شايفين أن البنت مش ينفع تدلع وان غلط الدلع للبنت كانو لازم اي حاجه تتقال تتنفذ كنت بخاف اوي منهم كنت بخاف اقولهم لا انا مش عاوزه دي لأن كانو بيزعقو وممكن توصل للضرب أو هم عارفين اني بخاف من الكلمه كانو يضلمو الشقه مع أن اهلي ناس كويسه جدا بس هم ربوني بطريقه غلط.
ولما كبرت في اي مشاكل بدخلها، جسمي كلو بيرتعش وبيكون معايا حق بس مش بعرف أواجه لأن اهلي كانو دايما اي حاجه لازم تتنفذ ومينفعش اتكلم.
انا كنت بحب تيته ام مامتي و توفت وكنت في كي جي ومن هنا بدأت أن لا انا عاوزه اروح ليها كنت بدخل اعياط بساعات في ضلمة ومحدش حاسس بيا وقررت أن هنتحر.
حاولت بحاجات كتير اووووووي وكنت بفشل.
مع إني قريبه من ربنا بس انا كنت نفسي حد يطبطب عليا يقولي كلمه حلوه بس اهلي كان ديما بيقارنو أن ازاي بنت عمك شاطره وبنت خالك شاطره انتي ليه متكونيش شاطره زيهم.
وصلت لي سن المراهقه وحرفيا انا كنت محتاجه اسمع كلام حلو كنت محتاجه حد يبقا معايا وحبيت واحد وطلع خاين واهلي عرفوا واتاخد الفون واضربت وكنت بتعامل باوحش معامله حرفيا وحصلت مره واتنين وتلاته وعرفت واحد وطلع مش كويس وخاين وانا من النوع لمه بحب بحب بجد مش بخون وله بخون الي قدامي.
وعن الصحاب فأنا كان ليا صحاب كتير بس وقت ما كنت بتحط في مشكله مش بلاقي حد احكي له مالي مع اني بسمع الكل وعمري ما سبت حد مضايق حتي لو معرفهوش والله.
ونقلت من مكان اللي كنت قاعده فيه ورحت لمكان تاني وعرفت ولد معايا في المدرسه كنت تانيه ثانوي وحبيته وفضلنا تلات سنين اتخانت اكتر من مره وكنت بسامح لحد ما بقيت مش قادره استحمل الشخص ده.
وكان ليا وحده صحبتي سبتني في نفس الوقت.
مريت بسنه كلها تعب كلها وجع محدش فهمني محدش عارف انا حاسه بإيه، بقيت اخاف من الناس اووووي.
حاولت انتحر بطرق مختلفة ربنا بيسترها معايا وجالي التهاب جامد في المريء بسبب الزعل وكان بيحصلي نزيف وكنت بعيط بالساعات ومحدش حاسس بيا.
كنت اقول لاهلي هخرج مع صحابي يقولو لا احنا مش عندنا الكلام ده وكنت اول سنه كليه مريت بحاجات كتير اووووووي وحشه، إني سبت اللي حبيته واتخانت وإن ملقتش صحبتي جمبي وسابتني وان بنت عمي اللي معايا في نفس الكليه ونفس السكشن بتتكلم في ظهري باوحش كلام.
ولما بقت احسن ربنا عوضني بواحد شبهي وحبتو وحبني بس مشاكلنا معظمها انو هو طبعو قاسي وانا محتاجه حد يطبطب عليا انا بعيط بالساعات ومش بيفرق معاه وفي نفس الوقت هو بيحبني وانا بحبه اوي وفكرت أن ابعد عنه مش هقدر حرفيا انا حاولت أريح نفسي من الدنيا دي بس برجع في اخر لحظه.
بس حرفيا انا تعبت اووووي ومش عارفه اعمل ايه ومحدش حاسس بيا وفاقدة الشغف وبقيت مهمله في دراستي ونفسيتي تعبت اوي وجسديًا تعبت، شعري بيقع رغم أن شعري كان تقيل اوووي وطويل بقت احس بغزات في قلبي وصدري قولوني بيتعبني جدا كأن سكين انا مش عارفه اعمل ايه
لعرض السؤال في فدني اضغط هنا
أنا و شخص بنحب بعض و بعد ما خلصت دراسه قعدت أقوله ييجي يخطبني علشان في عرسان بتيجي و أنا مش حابه أقعد مع حد غيره و هو وقتها كان عامل حادثه و صارف كتير على تصليح العربيه و كان لسه ناقل شغل جديد قالي أصبر شهرين و هييجي كنت برضو بزن و جه فعلاً بس بابايا مكنش ألطف حاجه معاه و زود حاجات كتير و طلبات كتير و زهقه ، هو دلوقتي مبقاش طايق البيت بتاعنا بسبب اللي بابا عمله معاه و بيقولي أنا معنديش مشكله معاكي أنا عندي مشكله مع باباكي و مش قادر ولا عايز أكمل و قالي أنا لسه بحبك بس مش قادر أكمل بالشكل دا فضلت أقوله يديني فرصه أخيره أرجع شغفه تاني و بعد إلحاح كتير وافق بس قالي أنا حقيقي مش قادر أكمل ، فأنا محتاجه أستغل الفرصه دي و أرجع شغفه بيا و بالعلاقه تاني و يكون حابب يكمل ممكن تنصحوني أعمل إيه علشان يرجع تاني لشغفه
لعرض السؤال في فدني اضغط هنا
انا شاب خاطب بنت محترمة و حافظة لكتاب الله
المهم خطبتها و حبيتها بسرعه جدا و هيا كمان حبتني و خدنا علي بعض جدا و المساحات بدأت تقل جدا و فجأه لقينا نفسنا بنتكلم مع بعض بطريقه تغضب ربنا
فرملنا مرة و اتنين ورجعنا بعد فترة نتكلم بنفس الطريقه ،، لحد ما في مره ابوها قام من النوم و كنا بنتكلم عادي مكانش في اي كلام وحش بس هو تقريبا اصر يشوف الشات و الشات طبعا زي ما قولتلكم ،
المهم انا ندمان جدا و لان ابوها كان بيحترمني جدا لأني المفروض ملتزم بس الذنب للأسف مفيش عليه كبير و خايف جدا انه يفركش ،، انا تبت لربنا من الذنب دا و عزمت اني مرجعش له تاني ،، وو الله نيتي اني اتجوزها و بحبها ،،بس انا مرعوب من انه يفركش الخطوبه لأني بحبها جدا 💔
تفتكروا الأمور هتمشي ازاي
ما بيردش علي تليفوناتي خالص
يارب سلم 💔💔
لعرض السؤال في فدني اضغط هنا
انا بنت عندي ٢٢ سنة لسه متخرجة جديد ، انا من عائلة محافظة بس مش متشددين اوي يعني عائلة عادية وبسيطة جداً ، انا شخصية بخاف على نفسي جداً وعلى سمعتي جداً مبحبش الاختلاط وبحب احط حدود في علاقتي مع اي شخص وخصوصاً الرجال ، بس كنت علي علاقة بشاب من قريب من نفس سني و كان في إعجاب بسيط مني، من ناحيته كان من طرف واحد ف الأول مكنش يعرفني
عارفة إن الموضوع نفسه حرام وانا أصلا شخصية مبحبش الارتباط والكلام دا عشان ربنا اولا ثم نفسي ثم اهلي ، بس كنت شايفة الموضوع بينجح مع بنات كتير اعرفهم فقلت اجرب حظي
للأسف الاعجاب دا بدأ يكبر جوايا يوم عن يوم فقررت أعرفه بمشاعري من ناحيته ، وبدأنا بعدها نتكلم كأصدقاء لإنه في صلة زمالة بينا اللي هيا واحدة صحبتي كانت معرفة ليه ف عرفتو اني اعرفو منها
شوية بشوية بدأنا نتكلم كمرتبطين ، وزي ما قولت كان من طرف واحد ف البداية فحاولت اخليه يحبني زيي ما حبيته وكنت فاكرة اني قدرت اعمل كده بس كان كله تمثيل مش اكتر
كتير حذرني وكتير كنت بحس أن في حاجة غلط وإنه مش الشخص المناسب وإنه مش بيحسسني بقيمتي ووجودي زي عدمه بس كنت بقول لنفسي هحاول معاه مرة كمان يمكن يفهم ويقدرني
شوية بشوية طلب نتقابل انا وافقت لإني كنت بثق فيه جداً ودايما كنت بقول له كده
بس لاحظت انو تصرفاته مش مظبوطة معايا وكان بيحاول يعمل تجاوزات من اول مرة شافني فيها ولما كنت بعاتبه كان بيقول أن دي طريقته وان دا هزار وانو عشان بيحبني بيهزر معايا كده، وانا مكنتش بتجاوب مع الطريقة دي وكنت بشد في الكلام معاه واعاتبه كتير اوي عشان مكنتش عاوزة اخسره وكانت نيتي سليمة من ناحيته فمكنتش بفكر ف حاجة غلط ، الموضوع اتكرر كذا مرة لغاية ما كرهته وبدأت اشغل عقلي اكتر لإن انا مستحقش اتعامل كده ولا البيت اللي انا جاية منو
كل مرة بقول خلاص يمكن يتغير ويحترمني بس مفيش فايدة ، دا غير أن مكنش فيه اهتمام الكلام كان ع القد وكنت بحس اني وحيدة بالرغم انو كان في حياتي
كل ما اعاتبه يقولي بسبب ضغط الشغل
كنت دايما بحس أن في حد تاني في حياته غيري أو يمكن اكتر كمان من حد بس كنت بكدب احساسي دايما للأسف . ومكنش بيتكلم معايا أبدا عن حياته الشخصية أو يعرفني أي حاجة شخصية عنه كان بيعرفني الحاجات اللي عاوز يعرفهالي بس بمزاجه
فضلنا نتكلم لمدة تلت شهور بعدها اهلي عرفو أننا بنتكلم منعوني منه ومن التلفون وفضلت مكتئبة شوية وقت بس هو محاولش حتي يتواصل معايا او يعرف انا كويسة ولا لأ
اتواصلت معاه من تلفون صحبتي وعرفته بس معملش أي رد فعل وقالي انه مش هيسبني وبس . حاولت كتير اقنعه انو يتقدم حتي لو مجرد ربط كلام بس، بس كان بيبرر دا انو لسه بيدرس وحالته المادية متسمحش وبعد شوية وقت قدرت اخد تلفوني واتواصلنا مع بعض تاني ورجعنا نتكلم بس بعدها الموضوع اتكرر لتاني مرة وكان الماضي اصعب واهلي شددو عليا اكتر من اول مرة لإنهم عرفو اني قابلته
حاولت اتواصل معاه تاني من وراهم بردو بررلي بنفس الشئ . وللأسف صدقته واقنعني
رجعنا نتكلم بعدها وبدأ يطلب مني انو يكلمو فيديو كولز وكان بيطلب صور مش كويسة بس كنت برفض دا واقفل كلام معاه وكان كل مرة بيزعل مني بسبب كده
بحجة انو مش اي حد وانو بيحبني ومش قصده حاجة وحشة والكلام دا بس انا عمري ما كنت بعمل اي حاجة من الكلام دا
واتقابلنا بعدها تاني ورجع يكرر نفس الغلط تاني وانا بمنعه لدرجة أننا اتخانقنا ف الشارع وسبته ومشيت
بعدها كلمني وقالي اني مزعلش منه، بس انا مصدقتش
وبطلت بعدها اشوفه تاني وكنت بحاول اختصر الكلام معاه ، وبعدها حصلت مشكلة بينا طلب باسورد الاكونتس بتاعتي بس انا رفضت لإن مهما كان دي خصوصيتي وحصل خلاف بينا بسبب كده
ومحاولش نتصالح ولا حاول يتكلم معايا خالص مع العلم اني مقولتش اي حاجة غلط
بعدها انا كنت جبت آخري فعملت له بلوك من كل الابلكيشنز وعلي الفون ومن كل حتة وقررت اقطع التواصل معاه نهائي بدون اي كلام .
لينا دلوقتي اسبوعين ونص وهو محاولش انو يتواصل معايا أبدا .
انا مرتاحة نفسياً اني بعدت عنه واني قطعت التواصل معاه تماماً.
بس بقي عندي خوف وقلق انو يحاول يشوه سمعتي أو يضرني بأي شكل من الأشكال كنوع من أنواع الانتقام .
ايه الحل؟
لعرض السؤال في فدني اضغط هنا
انا عندي مشكله اني اتكلمت في مره مع شخص بغرض الارتباط وكده بس كان أسلوبه وحش جدا وبالذات أن معظم كلامه فيه إيحاءات جنســيه فحسيت اني مش مرتاحه وبعدت عن الشخص ده وعملتله بلوك وكان تعارفنا على التليجرام وانا تبت الحمدلله وعرفت أني لما اتعرف على حد أو ارتبط من غير حاجة رسمي ده حرام والحوار ده بقاله فتره بس امبارح لاقيته بعتلي كلام زباله اوي وكلام بشع وألفاظ وحشه جدا وعملتله بلوك للمره التانيه ولاقيته برضو النهارده باعت مع اني متاكده اني عملاله بلوك وراجعت البلوك ليست برضو وكلمت دعم تليجرام انا حاليا مخطوبه لشخص محترم جدا وعلى خلق وخايفه من الشخص ده خصوصا علشان حوار الرسائل اللي بيبعتها وانا عاملاله بلوك عاوزة حد منكم يساعدني أو يقولي اعمل اي وانصرف ازاي
لعرض السؤال في فدني اضغط هنا
تعبت مش عارفه اخلص من العزله اللي منعتني اعمل اي حاجه عندي 23 سنه ما عملتش ولا شغل ولا اصدقاء ولا حاجه، اكتئاب وخوف من اي حاجه جديد خوف من الشغل والناس مش عارف انا عايش ليا حتى اي امل بحس بيه بحس انه ايه اخرتها بفكر في دايما في الأسوء اعمل ايه عشان حت اعرف انزل اشتغل
لعرض السؤال في فدني اضغط هنا
السلام عليكم
تعرفت علي بنت عن طريق النت وكنا مشتركين في اشياء كثيره. وكنا بنحب بعض واتفقنا علي الزواج. وهي اخبرت امها علي وكلمت امها.
بعد كدا ابن خالها تقدم لها بس هي قالت لي مش عايزه تتجوزه عشان بتحبني انا
بس اهلها غصبوا عليها وعملوا الخطوبه.
انا لما شفت صور الخطوبه كانت بترقص ومبسوطه
لما قلت لها أنني كنتي بترقصي وتضحكي قالت لي انا كنت فرحانه بالفستان وكنت برقص مع اصحابي بس
وقالت لي هما غصبوا علي. وضربوني عشان البسه
رحت قلت لها لي مش تقولي لابن خالك انك مش عايزاه. قالت لا مش هينفع. اقوله كدا
للمعلومه. احنا بنتكلم. دلوقتي وهي مخطوبه. وهي بتقوال انا مش بكلم خطيبي غير كل فين وفين
دلوقتي انا مش عارف اعمل ايه افضل متمسك بيها. ولا اسيبها. وشكرا
لعرض السؤال في فدني اضغط هنا
انا كل لما اشوف حد مرتين كده احس اني بكراش عليه اوي و بحب جدا من غير حتي ما نتكلم و لما نتكلم احس بقرف منو و مش عاوزه اكلمو و انا ازاي كنت بكراش علي حد كده و اسيبو و هو يكون متعلق بيا شويه أو هو بيحسسني ب كده و اعرف في نفس الثانيه انو بيكلم واحده تانيه ف ابقي عاوزه ارجعلو تاني انا بقرف اوي من نفسي من كتر ما بيحصل كده و بتخنق برضو أن هو طلع اصلا يعرف واحده تانيه و ده مش واحد ده كذا واحد بحس العيب فيا مع اني حلوه و ناس كتير بتقول شخصيتي حلوه بعيد عن الحب و اي حاجه
لعرض السؤال في فدني اضغط هنا
ما المقصود بالذكاء العاطفي ؟
لعرض السؤال في فدني اضغط هنا
يا جماعة،
والله تعبت من تصرفات خطيبتي اللي عندها ١٩ سنة 💔. أنا كنت متابعها على برنامج من السوشيال ميديا، يعني كل فترة أخش أطمن عليها وأشوف إيه الأخبار، لحد النهارده دخلت ٣ مرات في اليوم … فجأة لقيت قائمة الزيارات عندها، وبعدها بشوية عملت إلغاء تنشيط للحساب!
قلت أكيد زعلانة أو حاجة بسيطة، بس اكتشفت إنها غالبًا عملت حساب جديد! وبرضو على الإنستغرام، نفس الحالة…
يعني يا بنتي، هو كل ده عشان دخلت أطمن عليكي؟! 🙄💔
مش عارف أعمل إيه بجد … هل هي تصرفات عيال وممكن تكبر وتتعقل مع الوقت، ولا أسيبها وأرتاح؟
لعرض السؤال في فدني اضغط هنا
مشكلة بتواجه مجتمع فدنى كتير
بقالى مدة ملاحظة مشاكل بنات وشباب على الارتباط وخذلان بعد سنين ده بيبقى سببه إيه؟
هل عدم تقارب وصحوبية الاهالى لأبنائهم او مفيش مثلا اهتمام من الأهل فبيدوروا عليها بره مع اى شخص؟
ولا عدم تقارب من ربنا وقلة الدين وسن مراهقة بحس ان الانسان بيحب بيجرب الحاجة إلى حواليه حتى لو هاتأذى وممكن يكون الشخص ده عارف نهاية العلاقة وبدأها وهو خايف من النهاية ومع ذالك مكمل وهو مستنى نتيجة غير الحقيقة اللي عرفها.
يمكن زمان كان فعلا الزمن الجميل زى مابيقولوا، خالى من التكلونوجيا ومفيش صحوبية وكدا، بلاقى سن ١٢ وكسر من حب وتسليه سن صغير جدا على مر التجربة دى.
دايما بشوف ان ثقة الاهل لو اتكسرت مش هاترجع تانى وحرام نضيع وقت وطاقة لأشخاص مش صادقة، اه تجربة الحب جميلة واى بنت تتمناها حتى انا عادى بس بضوابط حب كل ناس عارفة مش كأننا عاملين جريمة والى يحبك عمره ماهيرضى يكلمك ولما يتقدم ساعتها هيقول على وحدة مكنش بيكلمها ببساطة بتبقى مجرد نزوة وتضيع وقت.
آسفة على الاطالة بس حبيت اكلم عن الموضوع
لعرض السؤال في فدني اضغط هنا
من يومين جارنا بعتلى طلب صداقة على الفيس كل عيلته يعتبر عندى الصراحة طنشت رجع جدد الطلب تانى قولت عادى دول جارنا من زمان يعتبر متربين سوا كانت ماما وممتو يودونا عند نفس المدرسين وكدا بس مكنش ليا كلام معاه قبلت الطلب قعد يعلق على الحاجة إلى بنزلها بعدها لقيتو بعت رسلتين على مسنجر ومسحهم تانى الصراحة اقعد افكر هو كان كاتب اى ومسحو بعد كدة بعتلى انو من زمان فى مشاعر من نحيتى انا معرفتش ارد لانى مش عارفة هل انا حباه ولا لا بقيت متلغبطة شويه احس انى اتبسطت وساعات لا معرفش هو ده الشخصية الى عاوزاه ولا لا وحاسه انى اتصرفت غلط لما قبلت الطلب وبفكر اعمل بلوك وانا طبيعتى مش بكلم حد
لعرض السؤال في فدني اضغط هنا
انا بحب واحد بقالنا سنه مع بعض فحصل سوء تفاهم بينا ف يوم فسيبنا بعض بعدها طبعا كنت منهاره وبموت بعدها بيومين لاقيته بيكلمني بيصالحني وبيسمع مني ورجعنا وكله قالي مترجعيش لان دايما بيجيب سيرة البعد ف كل مشكله المهم بعدها كل شويه ف وسط كلام انا مش مرتاح مش مبسوط فاقد الشغف مش عارف دي فتره ولا هفضل كده معاكي ف طبعا اضايقت وقلتله نسيب بعض وانا بحبه اوي رده كان كويس انك متفهمه شعوري وعدم راحتي ف العلاقه دي وقفلنا الكلام طبعا مقدرتش ودخلت كلمته بعد محاولات كتير معاه وافق ان احنا نرجع بس بعد مرجعنا انا مش مرتاحه نهائيا وحاسه اني جيت علي كرامتي اوي معاه لدرجة انه عشان اتاكد منه حبي ليه ف بيعمل فيا كده وحقيقي تعبلي نفسيتي اوي محتاره من اني اسيبه او اكمل معاه ولو سيبته مش هكون مرتاحه ومحتاجه حد اتكلم معاه بطريقه ادق للشرح حاسه اني مش موصله
لعرض السؤال في فدني اضغط هنا
السلام عليكم
انا على علاقه مع شخص ومؤخرآ يطلب اللقاء جدآ مع انني قابلته مره او مرتين والان لا اريد ان اخرج لانه ليس هناك شيء رسمي انا أريده ولكن قال لي إن لم تخرجي معي غدآ فسوف يذهب كل من في حال سبيله ارجوكم ساعدوني انصحوني
لعرض السؤال في فدني اضغط هنا
انا كنت بحب واحد قعدنا ست شهور مع بعض وحصل مبينا علاقه محرمه وبعدها قرر انو يخطبنى وقرينا فاتحه 4 شهر وبعد كده بدأت مشاكل كتير مبينا وكل شويه نفركش ونرجع وانا أهلى خايفه اعرفهم أن حصل علاقه.
انا وهو ودلوقتى هو بيكلم واحده ومتعلق بيه ومبقاش يكلمنى وقالى عوزانا نتجوز اجوزك مع اهلو فى الشقه وانا اهلى مش هيوافقو بكده أو حد يسلفه مبلغ وهو يسده كل شهر وياخد عليه وصل امانه وبكده هيرجع لى انا مش عارفه حد يقف معايا فمش عارفه اعمل إيه حد يدينى الحل بالله عليكم انا عندى 17سنه الى يقدر يساعدني يقف جنبى
لعرض السؤال في فدني اضغط هنا
انا عندي 16 سنه عارفه اني صغيره علي الموضوع اللي هحكيه دا بس اهو حصل..
حبيت واحد هو قدي بس من محافظه تانيه كنا متعرفين عن طريق ابلكيشن ارتبطنا بعد ما عرفنا بعض بفتره بس مش كبيره.
جه يوم و اخويا عرف اني مرتبطه وحصل مشاكل بس بأمانه ربنا هو فضل جمبي و متخلاش عني و قال لأخويا انو بيحبني و هييجي يتقدملي بعد تالته ثانوي و اخويا قالو تمام بس قال له اننا منتكلمش ولا يكون في تواصل بينا بس رجعنا نتكلم تاني ولسه بنتكلم بس اهتمامه قل و اتغير كتير اوي عن الاول.
في الاول كان بيهتم بيا اوي و بيخاف علي زعلي وكنت فارقه معاه لكن دلوقتي انا مش فارقه معاه ولا مهتم بيا زي الاول و بقى بيكلم بنات و بيقولي انهم صحاب و بس انا رفضت الفكره دي و اتخانقنا سوا بس هو قالي انو بيحبني و حلف لي و وعدني انو هيفضل معايا ومش هيسيبني وانا بجد بحبه اوي و اتعلقت بيه جامد بس انا بقيت بتعب من اللي هو بيعمله ونفسي ابعد و انساه بس مش عارفه حاولت اتحكم في مشاعري و اخد خطوه البعد معرفتش بجد انصحوني و ياريت اللي عندو كلمه كويسه يقولها واللي معندوش ميقولش حاجه اتمني مشوفش تعليق وحش انا مدمره نفسيا لوحدي❤️🩹
لعرض السؤال في فدني اضغط هنا
في بنت كنا مع بعض في شغل و بعد كده قربنا لبعض اكتر لحد ما بقينا زي المرتبطين بس مش قايلين لبعض بنتكلم كل يوم و كده لحد ما في يوم هي قررت تبعد… و من ساعتها و انا مش عارف اتخطى لحد دلوقتي.. و الكلام ده حصل من ٣ سنين و انا لحد دلوقتي مش عارف اتخطى ولا عارف ابطل افكر فيها و دايما حاسس ان حياتي وحشة اوي من غيرها و دايما بقول فترة وجودها كانت احسن فترة في حياتي و ده فعلا… دي البنت الوحيدة اللي حبتها بجد حتى بعدها بسنتين كنت مع بنت تانية بس سبتها عشان انا لسه بفكر في الاولانية و روحت لثيرابيست و برضه مفيش حل انا فعلا مش عارف اعمل ايه و تعبت و قلبي تعب و خايف معرفش اكون مع حد تاني بسيب التفكير في دي و و الله العظيم جربت حاجات كتيرة عشان انساها و اتخطاها معرفتش… تعبت.. الكلمة منها بتأثر على مزاجي و حياتي و في ثانية اكون مبسوط و ثانية لا و هي فاكرة دلوقتي انه خلاص الموضوع مات عشان من ٣ سنين و عايشة حياتها عادي
لعرض السؤال في فدني اضغط هنا
السلام عليكم ورحمة الله وبركاته
اتعرفت علي شخص عن طريق برنامج بتاع تعرف اصدقاء وكده يعني بس احنا الاتنين صحاب وارتبطنا ومهم كانوا لما نجي نتكلم يقولي اتكلمي انتي وانا هسمعك ومهم بتكلم عن صحابي وكده وحاليا عرفت انو اسمو غير الاسم للي انا عارفه يعني كده هو كداب او لا ولما سالت قالي عادي وكده المهم انا مش عارفه اعمل ايه وهو بيقول لي اللي بيحب بسامح وانا بحبك وعايزك في حياتي وكده وانا مش عارفه أحدد مشاعري اصلا وتايهة
لعرض السؤال في فدني اضغط هنا
السلام عليكم و رحمة الله
انا في قصة حصلت لي و الصراحة اثرت في نفسيتي و دراستي و اظن اني الوحيدة اللي انتبهت لها.
من كم شهر كنا مسافرين نغير جو و لما كنا راجعين انتبهت لرقم غريب على تليفون ابويا و فيه رسائل حب و وحشتني و كدا طبعا في البداية حاولت انكر او اقنع نفسي بأي حاجه بس بعد شهر تقريبا كنا رايحين نحضر حفلة و انتبهت على نفس الرقم و تقريبا نفس نمط الرسايل.
هنا انا مقدرتش انكر اكتر و مرضت لاني فعلا ماقدرتش احكي لأي حد حتى لأمي خوفا من اني اخرب البيت وخفت اصارحه لاني الصراحة ماتعودش اكلم حد في العيلة في المواضيع دي و انا امبارح شفت نفس الرقم ونفس الرسايل و كل مرة بشوف فيه الرقم بمرض و بزعل و بيجيلي ارق
يا ريت تقولولي اعمل ايه من غير ما اواجه اي حد فيهم
لعرض السؤال في فدني اضغط هنا
اعرف شخص منذ عامين وهو يحبنى ومحترم ومن عيله كويسه وسوف يكون فى وظيفه كويسه وكان يرد ان يتقدم لى فكنت بقدم فى معهد وقلت له اصبر لحين ام اشوف هقبل فيه ام لا وهو كمان كان يدرس ف المعهد بتاعه فصبر عليا والعام الماضى قلت له تعالى اتقدم عشان انا مش عاوزه اكلمك من وراء اهلى وكمان مش هقبالك من وراء اهلى عشان غلط وانا بخاف ربنا قالى لى بعد ان يتخرج من المعهد سوف يتقدم لى قلت ماشي هصبر معاه والان تخرج قالت له انت شارينى وعاوزنى قال لى ايوه طبعا قلت له طب تعالى اتقدم قالى اما اضبط حالى لانه لسه مستلم شغله ولا عرف مكان عمله والمرتب الذى سوف ياخذه ولسه مش دلوقتي خالص وانا زهقت وبخاف من عقاب ربنا ليا فى الاخره وقلت له سوف اقدم مره اخرى قالى لى خلاص قدمى انتى وانا معاكى وجنبك متقلقيش عقبال انا ماكون ضبط حالى مش عارفه هل بعد كل ده هيجى يتقدملى حتى لو استننا بعض ولا اى
لعرض السؤال في فدني اضغط هنا
السلام عليكم
تم خذلاني من شخص كان عزيز ولا أستطيع تقبل الأمر عندما شاركت الموضوع قاموا بلومي انني لا أهتم لذاتي لانه شخص مخادع ولا يستحق المحاوله لأجله مما زاد الأمر سوءًا لا استطيع الدراسه ابدا اتذكره عندما أدرس لان مكان الجمع بيننا كان دراسه ماذا أفعل لا استطيع الاستمرار في حياتي بينما هو منطلق لا اراقبه منذ الخذلان ولكنه لا يذهب عن ذهني يوما حوالي شهرين. كنا نتحدث واختفي فجأه ولم يرد علي اي رساله وكان اون لاين وينشر لكني لم أشاهد ما نشر فقط انظر من بعيد
لعرض السؤال في فدني اضغط هنا
السلام عليكم ورحمه الله وبركاته
لو سمحتم كنت عايزه اكبر قدر ممكن من الافاده
انا واحده منفصله ومعايا بنت حاليا اتقدم لى اكتر من شخص وللاسف مش موافقه من اسبوعين فاتو رن فونى وهو زوج صحبتى و بيقولى انى مفيش راحه ما بينهم وانا عايزك انتى تكونى حلالى فى أول الكلام قولت له لا علشان خاطر صحبتى وكدا وهو برضو مصمم ويقول مالكيش دعوه انا اللى بقولك انا عايزك ومحدش يقدر يزعلك ولا يعملك حاجه بسبب قرارك وحاليا هو داخل من الباب وعايز يجى لبابا بالفعل وانا صراحه مو عارفه اعمل اي اوافق ولا لا مع العلم أنه بيقولى انا مسافر ومش هسيبك هنا ولو اهلك موفقوش من اول مره هاجى مره واتنين وتلاته ومش هسيبك وصراحه انا حاسه بارتياح من ناحيته فا ياريت الكل يشارك بالراى
لعرض السؤال في فدني اضغط هنا
بيئة العمل فيها شخصية مش بقدر اتعامل معاها وحاولت كتير أتواصل معاها لمواجهتها بمشاعري وحل الأمور ولكن لم يجدي لكن الحل الوحيد هو الخنوع لها واعمل كل اللي هي عاوزاه وانا شخصية ماحبش اكون في مكان مليش فيه رأي ولا كلمة
لكن بعض الناس بيقولي افضلي في المكان الشغل عشان تكتسبي خبرات في التعامل مع الناس عشان الشخصية دي ممكن تكون اختبار ولازم تتعلمي تتعاملي معاها إزاي
بس أنا رأيي إني لو مش مرتاحة في مكان مش مضطرة أفضل فيه واعافر مع شخص مالوش مكانه مهم في حياتي غير أنها زميلة عمل لا أكثر ولا أقل
فما هو رأيكم؟
لعرض السؤال في فدني اضغط هنا
ما هي العلاقة السطحية ؟
لعرض السؤال في فدني اضغط هنا
السلام عليكم
انا زميلتي ف الشغل متقدملها واحد وهي وافقت ولسه هيعملوا قعدة تعارف وكده المهم هي بتحكيلي ان في واحدة جابت لها عريس وبتقولها مهندس فهي قالتلها هو في مشروع خطوبة ولو فشل هقولك ولقيتها من ساعتها اتغيرت 360 درجة واتقفلت من اللي متقدملها ووافقت عليه دا وفضلت تقولي انها عايزة واحد من مستواها وعايزة الاحسن
المهم هي ف الشغل اي شاب ييجي بتفضل تتكلم معاه كتير اوي وتضحك وتهزر اقولها يا بنتي متهزريش مع حد انتي في واحد متقدملك ونتي وافقتي تقولي دا لو حصل نصيب بقى ان شاء الله
واي واحد مثلا يتكلم معايا تبقى متضايقة وعايزاه يكلمها هي بس حتى لو بنتكلم ف شغل
واي حاجة عموما بتحب تظهر انها هي الي فاهمه كل حاجة واحنا مش فاهمين حاجة انا تعبت من الاسلوب بتاعها دا بجد ومش عارفة اتصرف ازاي معاها
لعرض السؤال في فدني اضغط هنا
ده حاجه بسيطه من كل اللي فيا
سلام عليكم..
انا اول مره أفصح بالكلام ده، بس من صغري وانا متربي تربيه قاسيه واتمنعت من كل حاجه تقريباً حتي مكنتش حاسس بحب الأهل لحد دلوقتي واتربيت علي الطيبه زياده عن اللزوم وده مش كويس وكبرت علي كدا.
وبتحرج من اقل حاجه ومبعرفش اقول رأيي ورهاب اجتماعي ودايما انطوائي ومعنديش صحاب غير اتنين تلاته بس ومبعرفش اتعرف علي حد سواء بنت او ولد، وبسبب تربيه اهلي ليا تفكيري معقد في كل حاجه وفي اوقات كتير مش ببقي معترف بحاجه زي دي.
وعلطول بقيت احس بانعدام شخصية ودي حاجه بتأذيني نفسيا ولو قاعد مع جروب عيله أو صاحب ومعارف مبعرفش اتكلم وبفضل ساكت ولو حصل لي مشكله مبعرفش اخد حقي لأن ابويا تفكيره من الجيل القديم ودايما كان بيقولي لو حد عملك حاجه في المدرسه متاخدش حقك بنفسك روح للميس أو ايا كان.
كبرت ومبقتش اعرف اخد حقي.
معلش طولت عليكم بس محتاج نصيحه تغير حالي لأني في تانيه جامعه ومبقتش قادر اتاقلم وكمان خايف لاني لو دخلت علاقه وخطبت مبقاش قد المسؤولية مع اني فاهم كويس في كل حاجه بس مبعرفش أطبق بسبب المشاكل دي كلها
لعرض السؤال في فدني اضغط هنا
لعرض جميع الاسئلة في فدني اضغط هنا