زوجتي لسه متزوجين جديد احسها لا تحب العلاقة و تهرب منها و اتكلمت معاها.. كيف اخليها تحبها
لعرض السؤال في فدني اضغط هنا
راجع بعد وقت طويل يطلب مني احاول الاقيله شغل ف نفس مجال شغلي علشان محتاجه ضروري وطلب مساعدتي وقولتله هحاول وحاول يفكرني بكل حاجه بينا وقد ايه انا كنت فارقه ف حياته !
طلب افك بلوك الفيس هيبعتلي حاجه بخصوص الشغل
واول م فكيت البلوك بعدها بكام ساعه لقيته منزل صورته هو وخطيبته وعملي بلوك من كل مكان
طب انا ذنبي اي يرجع ويرجعني لنقطه الصفر تاني ويمشي ويسبني لوحدي !!؟
انا فضلت سنين بحاول اتخطاه دا كان حبيب عمري يا جماعه خرب حياتي تاني ومشي ..
لعرض السؤال في فدني اضغط هنا
انا بنت وكنت بحب شاب حب قوي اوييي وارتبطنا بس حصل كذا حاجه وهو رجع لحبيبته القديمه وانا اتأذيت اوي بس هو مكنش يقصد لانه هو كمان كان مأذي من البنت ديه وكان بيحبها اوي فرجعلها بس فضل مابنا الاحترام وهو شخص كويس جدا ومعملش حاجه تدايقني أو تجرحني قبل كده وموضوع رجوعه لحبيبته ده مكنش يقصد يجرحني بيه
المهم أن انا بعدت شويه عنه وبعديها بفتره ارتبطت بشاب تاني هو كويس جدا ومحترم وبيحبني اوي وبيخاف عليا وبيعمل كل حاجه عشان يرضيني وأنا بردو حبيته بس بعد ما ارتبطنا بشهر رجع الشاب الي كنت بحبه ف الاول وقالي أنه ساب حبيبته القديمه تاني وأنه خلاص مش عايزها تاني ف حياته وقد ايه هو ندم على خسارتي واكتشف أن هو بيحبني انا بس كان متعلق بيها هي وان وجودي ف حياته فرق اوي وهو نفسه نرجع وهيصوني ومش هيخسرني تاني وللعلم هو مكنش لسه عرف أن انا ارتبط بشاب جديد..
بس انا لما عرفته قالي خلاص أنا آسف ومستعد اخرج من حياتك خالص وربنا يخليكوا لبعض ويحافظ عليكي.. المشكله أن انا لما كلمني حسيت بانبساط وان لسه جوايا مشاعر ناحيته وخايفه اوي اكون لسه بحبه واظلم معايا الشاب التاني ومش عارفه اخد قرار ايه..
خايفه اكمل مع الشاب الجديد واطلع ف الاخر بحب اهتمامه بس ولسه بحب الشاب الاول واءذيه معايا جامد اوي وهو ملهوش ذنب و ف نفس الوقت خايفه ارجع لحبيبي القديم ويطلع متغيرش بجد ويأذيني تاني فأنا بجد مش عارفه احدد مشاعري واخد القرار الصح ومحتاجه مساعده وحد يدلني اعمل ايه✨
لعرض السؤال في فدني اضغط هنا
السلام عليكم
كنت دخلت في علاقة غير رسمية مع حد بس أنا كنت شايفة إنه بيحبني اوي اوي، قبل ما نرتبط كان عندي على الفيس ولاد وبتكلم معاهم عادي (عارفة إن دا غلط بس علاقتي مع أهلي وحشة وبحاول أهرب منها)
المهم ساعة ما ارتبطنا مسحت الفيس وبعدت عنهم وفضلت معاه لحد ما في يوم كان بينا مشاكل فرحت فتحت الفيس اكتشفت إن حد كنت اعرفه (ولد ) والده توفى قلت مليش دعوة ومش هكلم حد، بعدها اتصالحنا تاني وحصل مشاكل تانية فقررنا نبعد بعدها فتحت الفيس تاني وكلمت الشخص دا وعزيته وبعدها مكلمتوش تاني ومبقاش ليا علاقة بيه بعدها بيومين رجعنا أنا والشخص اللي كنت مرتبطة بيه يوم وعرف كل حاجة (لأني عطيته الايميل ) وقالي أنا من طريق وانتي من طريق وقالي قد إيه أنا شخص وحش وفضل يدعي عليا
عارفة إني غلطانة غلط كبير ومتضايقة من نفسي اوي بس حاسة مش هعرف أبقى إنسان كويس وهو معاه حق الموضوع مأثر عليا جامد حاسة إني إنسان وحش وكنت مؤذية وخايفة أفضل كدا
لعرض السؤال في فدني اضغط هنا
انا طالبه فرقه رابعه من اوائل دفعتي اول ما دخلت الكليه صاحبت بنات كانوا الاوائل بس كان ترتبيهم السابع والثامن وبعدين في تانيه بقوا أعلى وفي تالته لقيتهم مركز اول وتاني وانا التالت طيب كده ازاي الدكتور قال هما بيعملوا تحسين من سنه أولى يعني بياخدو مواد في الصيف ويحسنهوا المهم هما اصحابي وعملوا كده من ورايا ولم قلت ليه مقولتوش ليا قالولي كل واحد يخاف علي مصلحتوا وبقا يقولوا عليا اعداء النجاح وانا ببصلهم في نجحهم كرهوني في الكليه وفيهم واحده مش بتبطل كلام عليا حتي مع صحابي بنت فظيعه بجد مش عارفه اعمل ايه
لعرض السؤال في فدني اضغط هنا
سؤال مهم للغاية
السلام عليكم
أنا شاب في العشرينات من العمر دايما عندي إحساس أن أنا لم أنجز شي في حياتي كلها وأن أنا فاشل وأيضا لا أجد تقديرا من أحد البتة وما زلت في مكاني
لعرض السؤال في فدني اضغط هنا
السلام عليكم
انا دلوقتي في شخص انا عرفاه بيحبني وعايز يتقدملي فأنا صليت استخاره قبل ما انام امبارح و نمت وانا نايمه حلمت بشخص تاني كنت بحبه وكنت متعلقه بيه جدا بس احنا بعدنا من فتره " خمس شهور" مبقناش نتكلم اصلا مع العلم ان الشخص ده انا مش عارفه مشاعره ناحيتي ايه ولا فاهمه هو عايز ايه صحيت الصبح لقيته باعتلي مسدج كان بيسأل عليا
انا دلوقتي مش عارفه اعمل ايه خايفه اظلم يحيي وارفضه ويطلع هو اللي كان هيعوضني عن الاذي النفسي اللي التاني سببهولي وخايفه اقبل ميطلعش خير ليا انا خايفه ومش عارفه اتكلم مع حد مفيش حد هيفهمني
صليت استخاره تاني النهارده بعد الضهر بس بردو مش عارفه اعمل ايه
انا قلت ليحيي متكلمنيش الا اما افكر كويس وابلغك قرارى بس انا مش عارفه اعمل ايه
لعرض السؤال في فدني اضغط هنا
عندي فراغ عاطفي وأتعلق بالناس بسرعه وبمجرد ان حد يقولي كلمتين حلوين احبه واتعلق فيه وما يروح عن بالي حاسه ان دا بسبب اهلي لانهم عمرهم ما عطوني الحب اللي انا احتاجه وبابا شخص انتقادي جدًا دائما ينتقد تصرفاتي وشكلي بسبب ده بقيت احس ان مليانة عيوب وانظر للناس بنقص اشوف الناس احسن مني
اتخيل ان في حد بيحبني وبيعوضني عن كل شي بمر بيه لان انا فعلا محتاجه كدا محتاجه حد يحبني و احبه ودخلت علاقات كثيير من قبل وكلها حرام وتدمرت بسببها بس بعدين طلعت وما رجعت لها لانها حرام بس عندي شعور ان ما احد يحبني وعايزه احب نفسي بس مش عارفه كيف احب نفسي وايش سبب الفراغ العاطفي وكيف اتخلص منه
لعرض السؤال في فدني اضغط هنا
ازاي اتعامل مع بنات الجيل الجديد.
لعرض السؤال في فدني اضغط هنا
ليه مش بنحاسب نفسنا علشان ما نجرحش حد ليه م بنفكر في غيرنا قبل ما نتكلم ؟!ا
لسلام عليكم
مش عارفه أبدأ منين او عايزه اقول بالمعنى ان انا مش مرتبه كلام علشان اقوله بس بفكر كتير اوي الفتره دي بفكر بليل كتير بس بصلي قيام الليل وبقرأ قرآن وبفضل قاعده لحد الفجر علشان اصلي وادخل انام بس حقيقي مش بعرف انام
المشكلة هنا إن التفكير محاوطني اوي بفكر في كلام اتقال عني مع ان دا محصلش قلت عادي مش مهم وهبعد فافتكرت آيه ف القرآن بتقول واهجرهم هجراً جميلا فحقيقي بعدت كدا كدا اصلا هما بعيد عني وكلامهم بالنسبه ليا ولا شاغلني ومش هيزعلني ف حاجه وافتكرت ان الكفار اتكلموا عن الرسول صلى الله عليه وسلم وقالوا انه شاعر ومجنون و اتكلموا عن ربنا وقالوا انه ليه زوجه وان ليه ولد بحاول دايما اصبر نفسي
وافتكر كدا يعني اتكلموا عن ربنا سبحانه وتعالى اللي هو أقوى من اي حد وإنه اللي بيلطف بينا ف بقول يعني مش هيتكلموا عننا احنا كبشر وقتها بحس ان بقيت هاديه شويه واخدت الموضوع هادي وببساطه عمري ما كنت من الناس اللي هي بتغير والله عمري دايما بتمنى الخير لغيري علشان الاقي اللي يتمنى الخير ليا بس بلاقي العكس
بس بجد ليه مش بيحاولوا انهم يبقوا كويسين ليه مش بيحاولوا انهم يتغيروا للآحسن دايما فاكرين ان كل اللي معاهم فلوس وعندهم عربيه وفيلا انهم مفيش حاجه بتبقا مزعلاهم مع اننا اكتر ناس حقيقي بتبقا متدمره نفسياً ليه فاكرين ان اي بلوجر او موديل حياتهم كويسه ليه مش بِيقَدروا اننا مطلوب ان احنا نطلع قدام الكاميرا دايما بنضحك ليه مش بيقولوا ان الفوتوز اللي بناخدهم وننزلهم أستوري واحنا كنا بنضحك فيهم اننا من وراهم وواجعين قلبنا اوي
هما كل اللي بيفكروا فيه ايه دا دي معاها فلوس وعندها عربيه وفيلا هتحتاج ايه من الدنيا ليه م بيقولوا اننا زينا زيهم بنزعل وبنفرح وبنوجع قلبنا اوي وبتدخل في تروما ليه بيبقوا كدا ليه بجد جوايا أسئلة كتير اوي
ولو فضلت اتكلم مش هخلص فيه ليييه كتير اوي بجد مش بيقولوا اننا وصلنا لكل اللي معانا دا بعد معافره وكنا ننكسر ونقوم نكمل من تاني حقيقي اكتر ناس بتبقا متدمره هما بتوع السوشيال بقا علشان بيبقا مطلوب مننا ان لازم نخلص الحاجه اللي قدامنا دي لازم نطلع بنضحك اوي ف وشهم ونقولهم ان الدنيا تحفه اوي ومفيش حاجه تستاهل ان نزعل علشانها
بس لأ فيه حاجات كتير اوي تستاهل اننا نعيط عليها مع انها مش هترجع بس بردو بنعيط مش علشان احنا مش راضيين باللي ربنا كتبه لينا لأ بالعكس بنبقا متيقنين جدا أن ربنا هيعوضنا خير عن أي حاجه وجعتنا بس بردو محتاجين ناخد وقت علشان نرجع للطبيعه بتاعتنا
التفكير الزايد وحش اوي بجد وبيتعب قلب الواحد بطريقه رخمه بس هنعمل ايه ما هي دي الدنيا ولازم كل دا يحصل علشان نتعلم
كان نفسي اوي الناس دي يبقوا بيقعدوا مع نفسهم بليل وبيقولوا ان هما غلطوا كتير اوي وان فيه حاجات كتير محتاجين انهم يصلحوها اكتر حاجه وجعتني اوي بجد وزعلتني وخليتني اندم مع ان عمري ما ندمت على حاجه بس ندمت لما اتعرفت على ناس مش شبهي مش عارفه ارجع لطبيعتي دايما كل أفكاري ليه حصل
بس دا كان خير الفتره اللي اتعرفت فيها على ناس مش شبهي وبعدت عنهم زعلت كتير اوي ودخلت في فتره كنت مش بخرج من اوضتي كنت اتمنى ابقا من الناس اللي هي مش بتعيط بسرعه دي ولا بيبقا فارق معاهم حاجه الدنيا دي مش عادله خالص
البنات كلها بتغير من بعضها تبقي مالكيش اي ريليشن بالبنت دي وتلاقيها بقا تقعد تشتم من غير سبب شعب فاضي اوي وبيحب يظهر نفسه على حساب غيره مش فاهمه ايه بيبقا الحاجه البيرفيكت في انها بنت وبتغير من بنت و انها بتشتم بنت علشان هي غيرانه منها مش هقول ان مفيش حد بيتكلم على التاني لأ احنا مش ملاك وكلنا بنغلط بس فيه مننا اللي بيبقا حريص اوي انه مايبقاش سبب في أذى حد
ليه هما بقا مش بيبقوا عندهم نفس الاوبشن دا ويفكروا في غيرهم والله الدنيا مش مستاهله اننا نعمل في بعض كدا بردو لسه فيه ناس في حياتي اتكلمت عني هما بردو من نفس الناس اللي كانت بتتكلم عني ف البدايه اصلا بس بقول مش مهم لو على الكلام فالكل بيتكلم اهم حاجه الأفعال والمواقف فسيباها على ربنا وعند الله تجتمع الخصوم
فلو انتوا كان فيه حد في حياتكوا وبيتكلم عليكوا من ضهركوا و قدامكوا بيبقا فل أوي وكأنهم مظلومين هتسيبوهم لسه في حياتكم ولا هتبعدوا؟!
مع العلم الناس دي ما اتعاملوش معايا غير شات وشافوا فوتوز ليا وخلاص ومش من نفس المكان اصلا بس بيتكلموا وانا مش شاغله بالي
لعرض السؤال في فدني اضغط هنا
السلام عليكم ورحمة الله وبركاته
انا فترات كتيره بحس اني مخنوقه وغير مقبله علي الحياه حتي علاقتي مع ربنا ومع امي العلاقه سيئه جدا لدرجه اني حسيت اني مش عايزه اتعامل معاها هي دايما مش بتحس بيه عمر دماغها يتوافق مع دماغي مش عارفه اعمل ايه
لعرض السؤال في فدني اضغط هنا
بحب ولد وقالي انه هيتقدملي بعد سنتين مجرد مايخلص الجامعه ماما عارفه بيه لكن بابا لا هو متعلق بيا لدرجة تخوف ومش راضي يسيبني هل كدا فيها حرمانيه اني اقعد سنتين بكلمه من غير علم بابا وهو خايف يفاتح بابايه لان باباه حالف عليه مش هيتقدم غير وهو مخلص جيش هو قالي هيفاتح بابايه من ورا ابوه حتي يقرا فاتحه لغايه سنتين اهو يبقي حجزني بس خايف لبابا يرفض ويبعدنا عن بعض انا بدأت اتعلق بيه بس خايفه احبه ليكون مش من نصيبي وعشان خايفه ليكون حرام
لعرض السؤال في فدني اضغط هنا
انا حبيت شخص علي موقع تعارف وبعد ما حبيته كدبت عليه في حاجات كتير في البدايه ماكدبتش عليه علشان اضحك عليه بس كدبت عليه في الاول لان ماكنتش واثقه فيه وكنت خايفه إنه يعرفني منين ويقول لاهلي بس بعد ما عرفت الشخص ده فتره حسيت إنه قد الثقه واقدر اقوله كل حاجه عني بس في نفس الوقت كنت خايفه اخسره فمرضيتش اقوله
بس هو كان بيقولي انا حاسس انك بتخبئ عني حاجه وانا بطلت أوثق فيكي وفي كلامك وهو كمان كان بيحبني بس من كتر ما كدبت عليه بطل يحبني يعني انا في الاول كنت حاطه صوره غير صورتي علي الموقع بس بعدها هو عرف وقالي عايز اشوفك انتي وشافني وبردو كمان فضل بيحبني بعد ما شافني
بس انا كنت قلت له أن عايشه في المنصوره وانا من الصعيد وهو كان بيدني فرص كتير وسامحني كتير وفي آخر فرصه انا قررت اقوله اني من الصعيد وهو قالي إنه مش هينفع يتزوج من الصعيد لانه مش بيرتاح لاهل الصعيد وقالي تعرفي لو كنت بحبك زي الاول كنت حاولت علشانك بس دلوقتي وافق وقالي هاتي رقم اخوكي وعنوانك بس احس انه وافق من كتر الزن عليه وأنه قلت له انا عارفه اني غلطانه اني كدبت عليك بس انا بحبك مع العلم انا لسه 19 سنه
لعرض السؤال في فدني اضغط هنا
أنا أواجه مشاكل كثيرة في حياتي أنا انطوائية وعندي ١٨سنه ومخطوبه بواجه صعبه فى الحوار فى الكلام لا احب ان اكون فى مكان مليء بالناس ولا التحدث مع أحد، ليس عندي مهاره الحوار والتحدث فى حياتى كلها ولا أحب اشارك تفصيل حياتى مع أحد حتى لما أواجه مشكله لا اتحدث مع أحد عن هذه المشكله وكمان معرفش أجد لها حل
عايزه اتعلم ازاى أكون اجتماعية واتحدث مع الناس من دون خجل ولا خوف عايزه اتعلم مهارات الحوار والتحدث واتعايش مع المجتمع
لعرض السؤال في فدني اضغط هنا
يمكن سؤال عبيط بس بجد بواجه مشاكل كتيرة نفسيا بسبب الحوار ده و مش عارفة اتعامل مع الشخصيات الخبيثة و يمكن مبعرفش افصل اللي هو تعاملي مع كل الشخصيات واحد ،
ازاي اتعامل مع شخص خبيث بمعنى ان ممكن يتعامل عشان ياخد منك حاجة بس انت اول لما تسأله علي حاجة يقولك لا معرفش او يطلع نفسه عبيط و مش عارف عشان يعرف قدر المعلومات اللي عندك ،
ازاي مكنش شخصية بتدي كتير و بتقول كل الي عندها بسهولة ازاي اعمل limit ، الكلام ده مش في شغل بس الكلام ده حتي في الحاجات العادية اليومية ، المشكلة بجد بتاذيني لدرجة اني اوقات بندم علي التعامل الكويس اللي تعاملته مع الشخص خصوصا اني شخصية بتحب المشاركة جدا
و اوقات مبعرفش كمان اتعامل مع الشخصيات اللي بتلقح وانت عارف انها قصدها عليك التلقيح ممكن يكون في شغل ، طباع شخصية بس كلامه بيكون مبهم اوقات بقول التجاهل افضل حاجة بس ساعات بقول ليه مردش عليه طالما الكلام ضايقني
لعرض السؤال في فدني اضغط هنا
دلوقتي أنا كنت نزلت بوست من اكتر من سنة بسأل فيه أسئلة عن البنت اللي كنت مرتبط بيها في الكلية و سبنا بعض، هي اتخطبت و هتتجوز أهي بس انا مش عارف أنساها، على الرغم إنه هي لو طلبت نرجع حتى هرفض و مش هطيق ابص في وشها بس أنا بقالي سنتين كل يوم بفكر فيها حتى بعد ما اتخرجنا و مش عارف انسى لحظة بيننا و لما باجي أنام نفس النظام و بجد مش عارف اعمل إيه يعني حياتي واقفة من ساعتها اللي هو ازاي استغنت عني بسهولة كدة حتى إنها سابتني بدون مبرر و انا كنت حنين و كويس و في نفس الوقت مش كل حاجه موافق و مش كل حاجه برفض بس بعد كل ده لما شوفت صورة خطوبتها والله كان هيجيلي جلطة و من سنتين لحد دلوقتي الدنيا مش بخير في نظري
لعرض السؤال في فدني اضغط هنا
انا حبيت واحد كان انسان وحش اوي وبيشرب مع كدا قررت اتقرب منه واغيره للاحسن فعلا نجحت وغيرته مقصرتش معاه ف حاجه ابدا وهو بنفسه بيقول كدا بس اكتشفت انه عارف بنت عليا وبيكلمها بالساعات وانا حسيت بنار جوايا قلت له انا بكرهك وانت ضحكت عليا والكلام دا وشكرا وقفلت كل حساباتي بس المشكله اني اعرفه من عشر سنين! كل حاجه بحياتي هوا مش عارفه هتخطي ازاي ولا اعمل ايه تنصحوني بإيه؟
لعرض السؤال في فدني اضغط هنا
السلام عليكم ورحمة الله
عندى مشكله بقالى ١٢ سنه بشرب حشيش وكل اصحابى بيشربوا بقالى سنه ونص مبطل وحاسس اني بقيت احسن معا الاستمرار
فى الاول كنت بقعد معا اصحابي وهما بيشربوا وبيحاولوا يقنعوني انى ارجع اشرب تانى بحجة ان مش هتعرف تكمل وهترجع تشرب معا الوقت وانا مصمم على قرارى انى مش هشرب تانى
دلوقتي قطعت علاقتي بكل اصحابي علشان لسه بيشربوا ومش عارف اصاحب ناس جديده
بس حاسس انى عايش في تحدى معا نفسي ومعا الناس ومش عارف ابعد عن الناس علشان بخاف من احساس الوحده ومش عارف اعمل ايه
لعرض السؤال في فدني اضغط هنا
ينفع ارجع الماضي ولا لا
انا واحده كانت دائما تنصح اللي حوليها إن الحب من ورا الأهل حرام وبعيد عن أنه حرام أنه مش يدوم وكنت دائما ثابته علي قراري ده بس في فتره مش قريبه لقيت شخص بعتلي وانا كنت اول مره أقبل أني اكلم شخص غريب بس انا الفتره دي كنت محتاجه حد اتكلم معاه بعيدا عن اهلي فمره وره مره بقيت اتكلم معاه ويوم ورا يوم اتعلقت بيه ولدرجه اني اتعلقت بيه كنت بسمع كلامه في كل حاجه علشان مش يبعد عني حرفيا كل حاجه كنت مغمضه عيوني وبسكت عقلي لما يفضل يقولي غلط ودلوقتي انا مش عايزه كده وتعبت حاسه نفسي متقسمه نصين بس انا مش عايزه اعمل كده تاني
لعرض السؤال في فدني اضغط هنا
احساس صعب وانت شايف وحاسس ان في ناس انت بتحبهم اوي بيبعدو وهما عارفين وانت مش عارف تعمل حاجه وتلاقيهم استغنوا عنك بس لسه مش عارفه اطلعهم من حياتي ببساطه لأنهم الناس الي أنا لتربيت معاهم وقرايبي
ليه لما الناس بتكبر لازم يبعدوا عن بعض حقيقي ساعات بكره إن إحنا كبرنا واحنا مع بعض كانت حياتنا احلى وكلنا مع بعض ومش بنخبي على بعض حاجه لكن دلوقتي بقينا نتحجج علشان مش عايزين نقعد مع بعض علشان في حاجات اهم اللي اتجوز واللي اشتغل
أنا مش عايزه نشوف بعض في المناسبات بس ونسلم ونقعد احنا مكناش كده إحنا كنا بنتحسد على لمتنا بس اتفرقنا خلاص أنا مش هموت من غيرهم بس هما كانوا حاجه حلوه أوي وهنفضل ذكرى حلوه للأسف قعدتهم كانت تخليك تضحك من قلبك وتبقى مطمن من غير فلوس ولا حاجه كانوا علاج النفسيه بس للأسف بقوا ذكرى
لعرض السؤال في فدني اضغط هنا
انا عندي١٣ سنه كان شخص احبه وهو ايضا كان عايز نرتبط وانا وفقت بعدها بي سنه انفصلنا هل هذا محرم؟
لعرض السؤال في فدني اضغط هنا
انا دلوقتي كنت مرتبطه بولد وكان عندي امتحان وكنت في ليله الامتحان وهو قالي انا زعلان منك قلت له ليه قالي لما تخلصي امتحان هقولك عشان ميشتتنيش بعد كده تاني يوم انا نسيت هو جه اتخانق معايا عشان انا نسيت وقالي انتي نسيتي زعلي وانا مش مهم بنسبالك وانا بقنعه اني كان عندي امتحان ونسيت غصب عني
قالي انا ميخصنيش وبتاع واتعصب عليا هو انا كده غلطانه فعلا ولا هو مكبر الموضع مع العلم انا لما سألته كان زعلان مني في ايه طلع زعلان مني في حاجه تافهه هو حسسني بالذنب جامد وقعد يعيط كمان
كان دايما بيطلب مني اركب معاه العربيه وانا دايما برفض في مره حطني قدام الأمر الواقع انا قعدت أرفض وهو يتحايل عليا لدرجه انه شدني من ايدي وركبني معاه العربيه وكان عايز يبوس رجلي بغرض انه يفرحني بس انا اتكسفت جدا وكنت مضايقه بس مدتش رد فعل عشان مزعلوش ودايما ببجبرني اعمل حاجات مش عايزاها
وبصراحة هو اتمادى معايا جدا واتحرش بيا بس انا ما عرفتش امنعه دلوقتى انا نفستي مدمره جدا وهو وحشني بس مش عايزه ارجع له وانا مفيش حد ينفع واحكي له وبابا متوفي وصاحبتي بعدت عني انا تعبانه اوي وحاسة بوحده ومفيش حد يقف جمبي ومش عارفه اتخطى الموضوع
لعرض السؤال في فدني اضغط هنا
انا عندي 23 سنه واختي الكبيره مخطوبه والاصغر مني مخطوبه وانا بحب شخص ومستنياه يخلص ويجهز علشان يخطبني
انا بيجيلي عرسان كتير وانا اللي برفض ومبحكيش لأهلي
واهلي عندهم فكرة اني مبيجيليش حد واني نفسيتي تعبانه وغيرانه من اخواتي بس انا مش كده انا كل الحكايه اني مستنيه شخص انا بحبه مستنياه يخلص
ولكن مشاكلي بدأت تزيد اكتر معاهم وحالتي النفسيه مبقتش احسن حاجه حاسه نفسي اني مبقتش قادرة استحمل كلامهم اللي مليان كلام موذي من اهلي ومن اخواتي اللي هو انتي كبرتي وانتي محدش بيجيلك معرفش ليه بيتعاملو كده معايا وشتايم تجرح وانا كنت الاول بستحمل وبسكت بس دلوقتي مبقتش بقدر استحمل اي كلام من الكلام الموذي ده
واللي زاد بقى ان الشخص اللي بحبه وف حياتي عنده مشاكل ومبقاش معايا ولا بيسمع لي ولا جمبي وانا بقيت حاسه اني لوحدي واوقات كتير بيجيلي رغبه ف اني عاوزه اذي نفسي ارمي نفسي من البلكونه او اعور نفسي او اخد ادويه واموت نفسي علشان ارتاح من كل اللي انا فيه ده
الناس بقت موذيه اوي اوي سواء كلام اهلي او بعد الشخص اللي ف حياتي عني
أنا مبقتش فاهمه مين معايا ومين ضدي ولا بقيت عارفه احكي لمين ولا بقيت عارفه اي حاجه
كل ال محتاجاه اني محتاجه ارتاح واريح اي حد مني💔💔💔
لعرض السؤال في فدني اضغط هنا
محتاجه دكتور نفسي يساعدني
انا بنت عندي 23سنة انا مش شخصية اجتماعية وعندي صحاب كتير بقالي 5 سنين عندي خوف مش طبيعي من الناس او اني اتعامل معاهم لاني اتأذيت كتير جداً جداً ودايما بفكر ف غيري ازاي يكون مبسوط وعمري ما فكرت في نفسي
اتعرضت للتحرش والاهانة وضرب كتير جداً من والدي وحاليا انا اوضتي هي ملجأي الوحيد بعيط طول الوقت واضحك لما حد يكلمني ف البيت ولا كأني كنت منهارة وصلت لدرجة ان اي حد بيقولي كلمة وحشة انا بنهار وبصرخ وبقيت بنام ساعتين او تلاتة ف يومين بس بقيت بخس بطريفة ملحوظة جداً
ودايما عندي عدم تركيز وعدم ثقة ف كل الناس واوقات بشك ف نفسي ان عملت حاجه وانا مبكنش عملتها غير النسيان والسرحان طول الوقت والسجاير الكتير اللي بقيت بشربها واوقات كحوليات انا حتى طفولتي كانت سيئة انا بقعد بالشهور ف البيت محدش بيشوفني خالص وبنزل للضرورة فقط انا نفسي اكون انسانة طبيعية واتخطى كل حاجه وحشه حصلت لي ومؤثرة فيا لحد دلوقتي من صحاب واهل نفسي أتخطى اتمنى حد يساعدني
لعرض السؤال في فدني اضغط هنا
السلام عليكم
أنا مخطوبه من سنه خطيبي قعد معايا ٢٠يوم وبعدين سافر وأول ما نرجع هنتجوز حرفيا مش بطلب منو اي شئ حتي حجز الميكب والفستان بتحرج جامد أتكلم معاه فيهم وهو أصلا لو مش جيبت سيرتهم في وسط الكلام
هو مش بيسألني ولا بيفتح الكلام في الحاجات ادي أصلا طول فتره الخطوبه مش شحنلي غير مرتين ولو خارجه مع صحابي عمرو ماقلي محتاجه حاجه حتي لو عزومه مع العلم انو مش بخيل خالص وكل الي حواليه يشهدو بكدا
هو المفروض أصلا دا عادي ولا المفروض اي الي يحصل
لعرض السؤال في فدني اضغط هنا
كنت مرتبطه بواحد م الصعيد من حوالي سنتين وسبنا بعض ونا م البحيره برغم اننا متقبلناش ولا مره ولا كلمتو فديو كول ولا مره بس كنت بدمنو حرفيا كنت متعلقه بيه اكتر من امي وابويا وكنت بخاف عليه م الهوا واكتر من نفسي بس هوا اذاني كتير من بعدها مش عارفه احب ومشاعري ماتت وقلبي مات وحسسني اني وحشه ومتحبش،
اتأذيت كتير منو ومن صحابي بس برغم كل الي عملو فيا مسامحة كان بيكلم عليا يجي 30 بنت وكنت عارفه بس فضلت مكمله معا وخطب ونا بكلمو وفضلت مكملة معا وبعد ما سابها فضلت مكمله معاه
كنت بقول لنفسي دا اكيد عملي سحر عشان بحبو الحب دا كله ف كتير عايزين يكلموني ويجو يخطبو بس انا مبقاش عندي ثقه ف حد ولا فنفسي ونا ف اولي جامعه وضايعه حرفيا بالله اي شخص يشوف المنشور ده يدعلي دعوه من قلبو ويديني نصيحه❤🩹.
لعرض السؤال في فدني اضغط هنا
أنا دائما حاسة أن كل ال حواليا مش حابني او بيخونوني ولو حبيت حد بغير عليا غيره صعبه محدش يستحملها ممكن اغير عليه من أهله ومن والدتي والكل بدء يزهق مني، الشخص اللي أنا معاه ممكن لو شخص تاني معاه ميتحملش يكون معاه بالتصرفات ال بيعملها زي ضرب وزعيق لكن أنا بستحمل ومش عارفه ابعد عنه ومش عارفه اي السبب ودائما بزعق وبعيط وبشك ف اهلي وف والدتي دائما ومش عارفه ارتاح
لعرض السؤال في فدني اضغط هنا
اتعرفت على واحد وحبيته جدا وارتبطنا لمده ٤ سنين اكتشفت انه متجوز ومخلف بنت انا مكنتش اعرف سبته لكن انا لسه بحبه وروحي فيه حاول يكلمني كذا مره يعتذرلي كنت بهزقه ورفضت كتير الكلام معاه وفضلنا ع الوضع ده سنه وبعد ما السنه عدت دخل واعتذر تاني وسامحته لكن بدون رجوع ليه وحصل نقاشات كتير بيني وبينه وقالي انا بحبك ومش هخسرك ومش هسيبك افتح معاه الخطوه الجايه ايه ف علاقتنا يقولي مش عارف بس مش هسيبك سبته انا عشان ده غلط وقلتلو مش هخرب على بنت زيي بيتها انا مرضاش بكدا وقاطعتوا ولكن لسه متمسك بيا وانا لسه بحبه جدا معرفش ده صح ولا غلط ومش عارفه اتصرف ازاي ولا اعمل ايه حتى ....
لعرض السؤال في فدني اضغط هنا
السلام عليكم
مش عايزه حد يفهمني غلط كدا دا غصب عني انا عندي ١٩ سنه ارتبطت من اكتر من سنتين كنت بحبه اوي ولحد دلوقتى كان بيخليني اكلمه بلبس مكشوف وأحيانا من غير علشان يعمل العاده السريه على جسمي واغلب الأوقات كان بيقى غصب عني وبعدها انهار وأقوله انت بتحبني حب شهوه لحد ما جه يوم ولما رفضت هددني أنه يجي يعرف بابا ويبعتله الفيديوهات الكول وقتها زعلت منه
ولما فاق من اللى فيه قالى انه غصب عنه وكان بيهدد بس وانه بيحبني مكنتش قادره اسامحه لحد من شهر طلب مني اننا نخرج علشان يصلحني وافقت وخرجت معاه بس قالى أنه هيجيب التحليل من الدكتور ومن ثقتي فيه رحت معاه وتهجم عليا رغم توسلاتي ليه يسيبني ويرحم ضعفى بس هو مش جه نحيتي يعني لسه بنت كان كله على الهدوم من بعدها خدني لأهله علشان اسلم على امه
كنت خايفه منه وروحني مبقتش اتكلم معاه بسبب اللى عمله وهو اتغير بطل يعمل العاده السريه واتغير بس مقدرتش اسامح من يومين عملت له بلوك وقلت له مش قادره اسامح وابعد عني ومش عيزاك ترجع زي الاول واتقي الله ف اللى هتتجوزها قالى إن شاء الله هتكوني انتي ولو مكنتش بحبك مكنتش وديتك لاهلى وكلام من دا بس عملت بلوك ليه
من ساعتها تعبانه نفسيا والحوار دا بين قلبى وعقلي قلبي انتي عارفه اللى فيه دا حب اكتر من سنتين عقلى دا ازاي كتير مش دا الشخص اللى يستاهلك أو يكون اب لعيالك مش دا المستوي اللى يناسبك انتي مقامك مستوي أعلى قلبي سامحي وضحي علشان حبك عقلى اوعى تسامحي مهما حصل قلبى عارف اني اتأزيت كتير بس دا حبك الأول والأخير عقلى لا مش هسامح لو حب مكنش هيأذي قلبى لا حبك وانتي عارفه ومتأكده عقلى اعترف اه حبني وانا حبيته بس أذاني لدرجه مبقتش قادره اغفرله قلبى لو جه اتقدم هوافق واحارب علشانه عقلى انتي غبيه دا اذاكي هترفضيه مش هتوافقي اعمل اي انا تعبانه نفسيا اوي ومش عارفه اتخطي يوم ما اتهجم عليا
لعرض السؤال في فدني اضغط هنا
اذا كنت شخص لا يتعلق باناس كثر و ليس سهلا عليه حتي أن يتعلق بأحد أو حتي يقدر على أن يحب بسهوله ولا يمكنه إعطاء اهميه الا لأناس معينين ،،، افضل اني اتكلم بالعاميه احس انها توصل الشعور اكتر ،،، "
حتى انا معرفش اي السبب و اي اللي بيشدني للاشخاص دي بالاخص لاني فعلاً صعب جدا احب حد أو اتعلق بوجوده بس ده بحسه جوايا فجأه مع اني بقابل ناس كتيير بس ممكن حتي من غير م اتعامل مع الشخص ده احبه و احب و ابقي عايزه اني اتعرف عليه و فعلاً مع اني مش طبيعتي اني بروح لحد و اتكلم معاه و كدا بس انا بروح و نتكلم و هكذا و من هنا لهنا بنبقي اقرب اتنين و علاقتنا بتبقي كويسه جدا
و هنا ببقى فعلاً وصلت لمرحله اني اتعلقت بزياده و حبيت اوووي و هي دي مشكلتي اني مبتعلقش و مبحبش بس لما ليظهر حد حقيقي بياخد مني كل حاجه بمقدار مستحيل يتحدد حقيقي يمكن غريب اللي هقوله لان مش ده الأغلب الناس بتعيشه بس انا عندي 17 سنه لحد الان دخلت تلات مدارس و بلعب رياضه فا بردو روحت نوادي كتير و ده غير بقي الحياه الطبيعيه و كم الناس اللي بقابلها
برغم من اني رحت كذا مدرسه و كذا نادي بس لحد اللحظه دي معنديش غير صديقتين اتنين بس في حياتي اللي أقدر اقول عليهم صحابي لأن دول اللي حسيت اني حبيتهم اوي اتعلقت بيهم يعرفوا عني كل حاجه و هكذا بقى دورهم في حياتي الصحاب الحقيقيين عندي زمايل كتييير و بتكلم مع أشخاص كتير عادي ،،
انا ناضجه شويه عن سني و بفكر بأسلوب مختلف بعيد عن تفكير الناس و واللي بنشوقه احيانا مع بعض الناس عندي صعب من يومين اقول عالشخص ده صديقتي و تبقي عارفه عني كل حاجه لا مستحيل ده مبيحصلش الا لما أحس اني من جوايا فعلا عايزه ده يحصل و لما تثبت المواقف أن الشخصيه دي تستحق تبقي في المكانة دي في حياتي بس فبالنسبالي كلمه صداقه و اصدقاء دي كبيره اوي لاني فاهمه معناها كويس فأنا يستخدم كلمه زمايل عادي و مش بشوف أنها كلمه قديمه و الجو ده لا عادي ده مصطلح موجود طول الوقت مش بيتغير مع الزمن لانه لقب بيطلق عالاشخاص بس ،،
فالمهم كل ده و قربت و قرب مني اتنين بس منهم اصلا واحده مبقناش صحاب بعدنا أو بعدت من فتره كبيره لأسباب محدش يعلمها غيرها و غير اللي بتتكلم معاهم انا عن نفسي معرفش أو مش مستوعبه لحد دلوقتي بس عادي كملت حياتي و هي مشيت اه يمكن اوقات بحس انها واحشاني و اني لسه بحبها و اني كدا كدا عمري ما هكرهها بس اهي مشيت و الدنيا مشيت و أنا كملت اتوجعت و اوقات بحس اني لسه بتوجع و بتيجي على بالي كتير بس أعمل اي يعني كدا كدا مضطره اكمل و اكمل كدا علي نفس الوضع ده لاني عارفه أن عمرها ما هترجع و لو رجعت اعتقد اني هقفل الباب ده لأنها فعلاً و برغم حبي ليها بس هي وجعتني ،،
أما التانيه فاحنا اكتر من اخوات حقيقي بجد بحبها جدا و هي كذلك بتحكيلي و بحكيلها وجودنا مهم بالنسبالنا في حياة بعض و جدا مع بعض في كل حاجه و اي حاجه حقيقي زي الاخوات ،، بس المشكله اني مضايقه من حاجه و هي العطاء المفرط طول الوقت ف كل حاجه ،،
معنديش مانع اني اديها و أنها حقيقي تستحق بس بتحكم شويه مش بافراط بالشكل ده اقدر اتحكم في مشاعري و كلامي و العالي عالاقل في بعض الأحيان مش عايزه ابقى علي طول سخنه و بقول و بدي بدي بدي لأن برغم كل حاجه بس هي في اوقات كتير بتبقي هاديه عادي انا عايزه ابقي كدا ابقى متحكمه في مشاعري و كلامي مش حبي اللي يتحكم فيا ،،
الحياه عادي حبه فوق و حبه تحت و العلاقات كمان كدا عادي يعني ده الطبيعي
فكان بيحصل اوقات مواقف مش كتيره بس حصل أن اوقات كنت بحس انها مش مدياني نفس الاهتمام نفس الحماس نفس الشغف نفس الحب نفس الاهميه و اوقات كنت بحس ان لا شخصيه تانيه خدته كان بياثر عليا في اوقات معينه و بضايق و بقول لا انا هتحكم و مش طول الوقت يعني مش معنى ان البني ادم يبقي بيحب الشخص اللي قدامه يبقي كدا لا انا ممكن ابقى بموت في الشخص اللي قدامي بس ابقى هاديه عادي كدا كدا في جميع العلاقات الهدوء مطلوب بس مكنتش بعرف اعمل ده و كنت بكمل زي م انا عادي ،،
لحد امبارح حصل موقف حقيقي ضايقني بالذات الموقف ده امبارح كان عيد ميلادها حقيقي كنت مهتمة جدا بيها و باليوم و بالهديه بجد عملت حاجات زي مثلا الهديه بجد كنت عايزه حاجه مميزه و جميله و تبقي احلى حاجه و ده تعبني جدا و مكانش عندي اي مشكله بس اقيت أن ف الاخر ملقيتش اللي كنت مستنياه أو حتي جزء منه لا يعني كان عادي اه انبسطت بس عادي و مابدتش ربع الاهتمام اللي كان مطلوب حتى ف اي حاجه ولا ف اي وقت و حقيقي ده ضايقني لأن بعد كل المجهود ده و كل الحب و الاهتمام و الشغف و الحماس و كل حاجه لقيت أنه لا الموضوع كان حلو عادي بالنسبالها
عارفه انها احيانا مبتعرفش تبين اللي جواها بس مش للدرجه و كمان كانت مهتميه بشخصيه تانيه صديقه مشتركه بيننا بس اقرب لها هي لانها تعرفها قبلي فطبيعي بس حقيقي ادتها اهتمام كبييير اوي مقابل اني تقريباً ماخدتش حاجه و ده ضايقني لأن حقيقي اللي عملته اعتقد محدش عمله و عارفه اني شخص غيور و ده لعب ع حته اني اتضايقت من اهتمامها ليها بس هي كمان غلطت ،،
عايزه اعرف ازاي اقدر اتحكم في افعالي و مشاعري و كلامي و ازاي اقدر اقدر المواقف صح و اي اللي يتقال دلوقتي و اي اللي ميتقالش و اتعامل و اتصرف في الموقف ده ازاي و هكذا و ده في حياتي عموما مش بس في العلاقه دي ،، لأن حقيقي ده بقي بياثر عليا نفسيا جدا و حتي اجتماعيا
و اسفه اني رغيت كتير حقيقي اعتذر بس انا رغايه عارفه😂
لعرض السؤال في فدني اضغط هنا
كيف أكون شخص اجتماعي؟؟؟
علما انني اخاف من التعامل مع أي شخص لا أعرفه ولا اعرف سبب الخوف ويمكن أن يكون هذا سبب لجلوسي معظم الأوقات وحيدا
حتى وان وجدت أشخاص من الممكن أن يكونوا أصدقاء أشعر بخوف وتوتر غير طبيعي وأشعر بزياده في الادرينالين في اي مواقف اجتماعيه
لعرض السؤال في فدني اضغط هنا
السلام عليكم ورحمة الله وبركاته
سؤالي بإختصار
تقدمت لفتاة وكانت الطلبات فوق طاقتي ثم حدثت تلك الفتاة بذلك وقلت لا أن مقدرتي كذا وكذا وقلت لها سوف أخبر والدها بذلك قالت لي لا تخبره ثم بعد ذلك توفي والدها وهي ما زالت تكلمني وانا لم أرد تركها في تلك الفترة واكملت معها لمدة ٤ شهور وانا لم أكن أريد أن أكمل حفاظا عليها ولكن الظروف التي تمر بها جعلتني لا استطيع ذلك خشية عليها ثم بعد ذلك جاءت وعملت بلوكات واخبرتني اني قد قصرت معها
وما إلى ذلك واني اشهد انها طيبة ومحترمة جدا ولكنها اخذت تلومني وقامت بعمل بلوك وانا اعلم كم المعاناة التي تمر بها ولا أريد أن اكون سبب في حزنها يكفيها ما تمر بها . رأيكم اي جزاكم الله خيرا .
لعرض السؤال في فدني اضغط هنا
السلام عليكم
أنا طالبة ف أولي جامعة .. بواجه بعض المشكلات اللي مأثرة علي حياتي بشكل كبير
بعتذر لو هطول شوية علشان هذكر كذا حاجه وربنا يجزيكم خير يارب
عندي مشكلتي الأولي في التعلق بالأشخاص وبالأماكن والماضي بالنسبالي مؤلم بشكل كبير اوووي ..
لو قابلت واحدة واتعاملت معاها مهما كانت الفترة قصيرة لو جت تمشي ممكن اتدمر نفسيا لمدة أسبوعين مش عارفة اركز في أي حاجه ف حياتي ودايما يكون أسيرة للمواقف الكويسة اللي كانت بيني وبين الأشخاص يعني لو حصل بيني وبين واحدة موقف كويس وضحكنا مع بعض ولو مرة واحدة بفضل بعدها مهما الشخص دا آذاني أو ضايقني بفتكر الموقف الحلو اللي كان بيننا ممكن الشخص يهينني تماما وانا أسيرة للحظة الكويسة اللي عيشناها ف يوم .....
غير فكرة الفراق دي بالنسبالي ودي طبيعة الحياة لكن أما مبقدرش اقاومها ابدااا حرفيا بتدمرني ..
سكنت شهرين في سكن خارجي وقدمت سكن جامعي لما جالي السكن الجامعي فضلت اعيط تلت ايام متواصل اني هسيب صحابي اللي سكنت معاهم شهرين وبعد تلت ايام حسيت اني هموت من الحزن وقلبي بيوجعني بشكل غير عادي قمت فضيت شنطي كلها ف آخر لحظة والمفروض اني أمشي وقررت اقعد معاهم في السكن لآخر السنة رغم أن العلاقات مكنتش لسه متوطدة اوي ولا اي حاجه وهكذا بقى حياتي كلها بالشكل دا كل فراق بيدمرني ....
**
تاني حاجه أني بستمد كل حاجه ف حياتي من الناس ..
لازم ارضي كل اللي حواليا وبهتم لنظرة الناس ليا لو حسيت لوهلة أن شخص واحد في المكان مش متقبلني مثلا أو كدا بفضل احاول اثبت له اني كويسة ومش وحشة لازم كل اللي حواليا يكون راضي عنه أو هحس اني تعبانة نفسيا و متضايقة ومقفولة بآجي علي نفسي دايما علشان الناس ترضي عني واكون شخص محبوب في وسطهم رغم اني دايما الحمد لله بكون شخص محبوب ف المكان اللي بكون موجودة فيه انا عارفة أن دا مش طبيعي لاني حرفيا بفني عمري كدا علشان ارضي الناس وده مش صح بس دا غصب عني
**
تالت حاجه بقى
اني من ساعة ما دخلت الجامعة وسافرت مش حاسة اني عايزة ارجع البيت تاني .. لما بنزل أجازة يومين بفضل اعد الثواني علشان ارجع السكن عكس باقي صحابي في السكن وعكس البشر عموما ... مع العلم اني في البيت مدللة كمان وطلباتي مجابة الحمد لله ومحدش بيضايقني بالعكس ماما مدلعاني كمان بس مفتقرة في البيت لجانب واحد وهو العاطفة مش بلاقيها نهائيا عندي ف البيت واصلا مش مستنياها من حد من البيت أو مش متقبلاها من حد منهم انا شخص عاطفي جدااااا برا واجتماعي اووي ويتكلم كتير واتحرك كتير بينما في البيت انا مش بتكلم خالص ومش عاطفية نهائيا .....
بابا وماما منفصلين ومفيش ترابط اوي بينا في البيت كل واحد ف حاله شوية .. مفتقدة لمصطلح الأسرة أو حتي العائلة مش بنروح عند اي حد ولا حد بييجي عندنا الا قليل ومش بنتجمع ولا بحس بأجواء أسرية نهائيا
وصلت لمرحلة اني مش متقبلة حتى اني الاقي أجواء عائلية أو أسرية منهم يعني حتى لما العيلة بتتجمع ف أفراح او كدا بكون دايما منطوية مع نفسي خصوصا اني من صغري كنت هادية خااالص فكنت بحس نفسي ديما مهمشة وسط العيال كانو بيقولو وما زلت يعني بيقولو عليا غلبانة ومش عارف ايه
بس ف الحقيقة أنا مش عارفة اتعامل مع أي حد في العيلة .. لو شافو حالي برا ف وسط صحابي هيندهشو اصلاا مع العلم انا لما بكون معاهم مش بعرف اهزر اصلا ولا اتكلم بشكل تلقائي زي ما بكون مع صحابي بلاقي نفسي ف وسط أفراد العائلة هادئة ومش عارفة اندمج مع أي حد فيهم ..
الموضوع بيأثر عليا نفسيا اووي وبيخليني نفسي افضل مع صحابي برا علطول ..
احس اني شخص مهم و لي مكان مهم وشخص ليه مواقف وفعاليات وشخص فارق مع اصحابي .. بحس اني بستمد كل حاجه انا محتاجاها منهم ...
بحس بكياني وبثقة ف نفسي وانا معاهم علي عكس البيت بحس دايما اني ولا أي حاجه في العيلة ومش مندمجة مع أي شخص خصوصا ان بنات العيلة كلهم متكلمين وفكاهيين لكن انا بكون ساكته ومش عارفة اتكلم كلمتين علي بعض
حتى العاطفة بستمدها من صحابي في السكن مثلا .. بحس بحبهم وبعواطف كتيرة اووي متعودناش عليها ف بيتنا ومش محتاجاها من بيتنا .. يعني لو حصل واتغيرو في البيت مش هتقبل عواطف منهم خاالص
مش عارفة لما أسيب السكن في آخر السنة هعيش ازاي اصلا .. حاليا احنا ف أجازة نصف السنة نفسي ارجع السكن انهاردة قبل بكرة رغم اني لسه جاية البيت بعد شهر كامل هناك مفتقدتش أي حد من البيت طول الفترة دي .. وحاليا انا مفتقدة السكن كله مفتقداهم بشكل مش طبيعي وانا سيباهم من يومين بالظبط
لعرض السؤال في فدني اضغط هنا
السلام عليكم ورحمه الله وبركاته
انا عارفه ان انا هطول في قصتي جدا علشان انا عايزه احكيها بالتفصيل بس فضلكم هو اللي هيخليكوا تقرأوا كل ده
اولا انا دلوقتي في اولى ثانوي وعندي 16 سنه الموضوع كله بدا لما انا كان عندي 13 سنه وجالي تليفون جديد وخط جديد المهم يعني انا تعرفت على واحد اسمه محمد عرفته في شهر 12 سنه 2023 هو كان من محافظه وانا من محافظه تانيه خالص
المهم يعني العلاقه دامت ست شهور واخر شهر ده كان عباره عن خناقات ومشاكل كان يكلمني يوم ويسيبني 10 وهكذا تقريبا كان بيمارس عليا الصمت العقابي او بيعاقبني على حاجه انا ما عملتهاش وما اعرفهاش بجد كان انسان مؤذي قوي
المهم انا ما كانش في سبب اصلا لقطع العلاقه هو مبقاش يبعت فانا كمان علشان كرامتي مبقتش ابعت بس وبعد كده عدى 10 ايام بعدها انا بلكته من كل حته ومسحت الشات وكل حاجه حرفيا متعلقه بيه وكنت مفكره ان انا كده خلاص هنسى والموضوع هيخلص بقى
لحد دلوقتي عدى سنتين وانا مش قادره اشيله من ذاكرتي في كل لحظه في كل ثانيه في كل وقت دايما على بالي دايما طول السنتين ومن ساعه ما سيبنا بعض
وانا محافظه على صلاتي جدا علشان ادعي عليه في كل صلاه وفي كل سجده ان ربنا ما يدخلوش كليه الهندسه اللي هو كان بيحلم يدخلها وربنا ينتقم منه في اخواته البنات ودايما مقربه من ربنا وبدعي دايما ان ربنا يشيله من دماغي خالص ويروح عن بالي بس لحد اللحظه دي وبعده مرور الوقت ده كله ما قدرتش اشيله من بالي لحظه حتى لو انا في تجمع او وسط ناس دايما على بالي
طبعا دول السنتين دول انا لا بعثت له ولا هو بعث لي بس بالرغم من كل ده وبالرغم من ان انا بدعي عليه انا لسه بحبه وساعات اقول لا انا مش بحبه وساعات بقول انا لسه صغيره وساعات اقول انا مجنونه ولا انا ايه اللي بيحصل لي ولا انا عندي انفصام ولا ايه بالضبط
بجد انا ما بقتش فهماني انا حاولت اعمل حاجات كتير قوي علشان انسى بس انا مش عارفه
كنت بسمع بودكاستات عن الثقه بالنفس والتخطي وكنت دايما بحول اطور من ذاتي في السنتين دول ودايما بتعلم حاجات كتيره وجديده لدرجه ان انا بقيت اتعلم الحاجات اللي انا ما بحبهاش زي الرسم مثلا ودايما بحاول اشغل وقتي وبقول اكيد لما انا هبقى في تجمعات او وسط العيله او وسط اصحابي اكيد مش هتفكري فيه بس ده ما بيحصلش وبيجي على بالي برده
فهل ربنا بيجيبه في بالي علشان حاجه معينه وساعات يجي لي في الحلم مثلا مره يجي لي في الحلم وهو بيعيط فاصحى من نومي بعيط انا ما بقيتش عارفه اعمل ايه تاني علشان احاول انسى واتخطى بقى
تطوير وبحاول اطور من نفسي ومن ذاتي وبحاول اشغل وقتي وابقى دايما في تجمعات ووسط ناس ومحافظه على صلاتي جدا والورد اليومي كمان
فهل مثلا ربنا ليه حكمه في كده ان هو ما يخلينيش انساه علشان هو هيرجع في يوم من الايام مثلا او ربنا مثلا بيبعدنا عن بعض دلوقتي علشان نبقى مع بعض في الحلال
دماغي اتجننت من كتر التفكير من كتر ما انا عايزه انساه ومش عارفه انا محدش يعرف حاجه عن العلاقه دي ابدا وعلى فكره هو شكله عادي جدا شخصيته نرجسيه قوي وفي كبر وتعالي وثقه بالنفس زايده عن اللزوم
وساعات بحس ان هو مريض نفسي وكان بيطلع مرضه ده عليا
انا ما بقيتش فهماني انا بحبه ولا ما بحبوش انا عايزاه ولا مش عايزاه انا بكرهه ولا مش بكرهه بجد انا ندمت جدا على علاقتي بيه لانها دخلتني في متاهات ويعلم ربنا ان انا ندمت جدا اني عملت حاجه زي دي
وانا تبت جدا من بعدها وعمري ما كلمت ولد لا بعده ولا قبله ودايما مع ربنا تعبت جدا عايزه امسحه من حياتي كأنه ما كانش موجود انا بدعي في ليله النصف من شعبان وليله القدر وفي كل آذان وفي كل ايام رمضان وبدعي دايما في الايام المستحبه واللي مستجاب فيها الدعاء يمكن ربنا يستجيب لدعائي في يوم من الايام واقدر انساه
وساعات ارجع اقول ده لعب عيال وانه مكانش بيحبني اصلا وان ده كان حب مؤقت علشان احنا مراهقين لسه وكده يعني بس ارجع واقول انا لحد دلوقتي مش قادره انسى انا ساعات افضل كويسه شهر واثنين ومره واحده آجي واقعد افتكر كل حاجه وارجع اعيط تاني وساعات تانيه ادخل على حسابه على انستا علشان اشوف دعواتي عليه استجابت ولا لا بس بلاقي دعواتي ما استجابتش
وان هو عايش حياته وانه زي الفل هو كمان بيسافر لايطاليا مع والده وكده يعني عشان بيشتغلوا بره فبلاقيه خارج ومتفسح ودنيته تمام وارجع واقول طب اشمعنى هو عايش حياته وانا لا انا بدخل حساب الانستا مش علشان اراقبه ولا عشان اشوفه انا بدخل اشوف بس ارجع لي ولا لا بس بدخل الاقي كل حاجه زي ما هي وان الدنيا فل واحسن من الاول كمان
انا الحمد لله لحد دلوقتي بقى لي شهرين تقريبا ما دخلتش حساب و عاهدت نفسي اني مش هدخل حسابه تاني خالص وعملت بلوك للحساب كمان بس انا عايزه اعرف امتى حقي هيرجع لي وامتى هنساه وهل هو بيحبني ولا لا وانا ليه دخلت في كل المتاهات دي انا مش عارفه اخرج منها
يا رب اكون ما طولتش انا عارفه ان انا طولت والله واتمنى يعني ان حد يكون بيقرا كلامي ده دلوقتي ولو حد يعني عارف اي طريقه تخليني اعرف انسى او مثلا يقول لي حكمه ربنا في كده يا ريت يفيدني يا جماعه عشان انا عملت كله الطرق الممكنه في سبيل اني انسى وفي الاخر حابه اقول يا رب ينتقم منه يا رب ويتعمل فيه نفس اللي اتعمل فيه بس انا بحبه والله ومش عايزه ادعي عليه يا لهوي تعبت يا ناس مني
لعرض السؤال في فدني اضغط هنا
أنا فتاة لدي ١٣ عاما هناك شاب لديه ٢٢ عاما كان يحبني و لم نعد مرتبطين لأنه لا يفهمني وهو يرسل لي كل يوم ولم أعد أتخيل حياتي بدونه ولكن لا أريد أن أعود إليه ولا أعلم ماذا أفعل مع العلم عائلتي لا تعلم هذا الأمر
لعرض السؤال في فدني اضغط هنا
محتاج نصائح فعالة لتخطي العلاقات الي ليها فترة طويلة ممكن لو حد عندو تجربة في الموف اون من علاقة طويلة يحكي هو قدر يتخطاها ازاي ويبقى كويس نفسيا بعدها ويرجع من جديد لحياته الطبيعية وايه البديل اللي كان بيحل محل العلاقة دي في حياته وشكرا جدا
لعرض السؤال في فدني اضغط هنا
دلوقتي انا مخطوبه بقالي ٤شهور وقرايه فاتحه سنه قبلها، خطيبي كان عصبي جدا في أول العلاقة بسبب حاجات نفسيه عنده وقفت معاه كتير اوي وكنت في الاول حرفيا مهمله نفسي جدا بسبب اني بسمع له في الاول كنت إنه عندي مشاكل وهو بردك عنده مشاكل
كنا بنسمع لبعض بس كنت بآجي علي نفسي اوي لاني كنت في علاقه قبل كده ومدمره اعصابي فنفسي اكمل في علاقه فمشيت شويه عصبيه شويه كويسين وهكذا
كان بيهتم بيا بشكل اوفر اوي بيتصل كتير جدا علشان يحكي مشاكله ونتكلم شويه وكده كان بيحاول يبقي كويس بيا واحده واحده وتقريبا انا نفس الكلام بس انا اعصابي هاديه بتعامل بهدوء اوي بس كنت عاوزه علاقه صح بقا كل ده كان زمان وخلاص
المهم حبينا بعض بدأ بقا يهتم شويه ويهمل شويه كنت اكلمه عن الاهمال وده مينفعش وانا محتاجه اهتمام وبتاع بدأ شويه يهتم لما اقوله ويرجع تاني وهكذا لحد ما وصلنا لمرحلة قبل الخطوبه بشويه كده إهمال وعصبيه الاتنين مع بعض
الاول كنت مستحمله علشان كان في حاجه قصاد حاجه لقيته بيتلكك وحاجات كتير فسيبنا بعض اسبوع كده هو في الأسبوع ده كلم حد ومهم مقدرش يكمل معاه رجعنا تاني وانا مكنتش قادره بصراحه اعيش لوحدي انا عدوي اعيش لوحدي بجد وكنت زعلانه بشكل مش طبيعي الفتره دي بعدها رجعنا لبعض كويسين جدا واتخطبنا دلوقتي
بعد الخطوبه كان من اسبوعين كده تعبان المهم انه اجازه من الشغل اهتميت به جدا هو وصل لمرحله مش بيسأل عليه اصلا قلت اكيد تعبان وكده الاسبوع الي بعده اخد اجازه من الشغل نزل يجيب كمبيوتر هو كان عايزه حرفيا يعتبر نساني خالص ولا بيسأل اصلا اتكلمت معاه بحسه بيعاند اكتر ومش بيتكلم اصلا بيتعصب بس قلت له كده مينفعش سمعته مامته بتقول محدش بيقدر حد ولا بيقف معاه وبعدها مش بيتكلم الا بالليل دقيقه كده ويروح انا بقا مش قادره نهائي ولا اسيب ولا اكمل بالاهمال ده واسفه علي تطويل❤️
لعرض السؤال في فدني اضغط هنا
اخويا هيتجوز قريب ونفسي تكون اخت لينا خايفه اعاملها كاخت ونقرب لبعض ونكون صحاب لكن ارجع اتندم لان بسمع كتير مرات الاخ عمرها ما تكون اخت فدووني
لعرض السؤال في فدني اضغط هنا
ابن عمتي دا أقرب حد ليا فالعيله من واحنا صغار متربيين مع بعض وكل صغيره وكبيره عنو بيحكيلي عنها وبياخد رايي فيها هوا كان مصاحب من الطفوله وهيا سابته ف اعدادي ومن بعدها مرتبطش
كان بيكلم بنات بس صحاب وكده يعني انا عارفه انو غلط والله وبحاول اقنعه واحده بواحده لعند ما بقى ف اولى ثانوي واكتر مرحله بقى طايش فيها وتصرفاته كلها مش عجباني عايز يمشي مع الترند ف اي حاجه وبرضو بكلمه واحدهواحده وبحاول أفهمه براحه ومضغطش عليه بكلمه بأسلوب اللي هوا اخليه يفكر باللي هوا بيعمله من منظور اخر عشان يلحق نفسه
وتمر الايام لعند من يومين كده جالي وبيقولي انو ارتبط لا وكمان بمسيحيه انا كنت هتجنن بس تماسكت ومقولتلوش حاجه مش عارفه لاول مره فحياتي اقولو اي عايزاه يفوق لنفسه وللي بيعمله بس مش عارفه ازاي 😔
لعرض السؤال في فدني اضغط هنا
مساء الخير
ايه الحاجه اللي ممكن تخليكي تفسخي الخطوبه حتى لو الشخص محترم
انا مش مبسوطه خالص ومش مرتاحه ولا عارفه احبه ولا اتبسط معاه كنت بحاول اقنع نفسي في الأول انه كله تمام وان مقتنعه بيه بس عشان انسان كويس ومحترم بس مش قادرة وبصلي استخارة وحاسه بضيق دايما
هل لو فسخت الخطوبه هيكون في ظلم ليه او ربنا يغضب عليا
ممكن لو حد عنده تفسير ديني يرشدني اعمل ايه
مع العلم ان حصل بينا خلافات كتير بسبب انه عنيد جدا ومسيطر وانا بشتغل وعندي حياه وتمرين وصحاب وهو معندوش اي اهتمامات تانيه بحس ان تفكيرنا بعيد عن بعض في كل حاجه عايزني ابقي شبه وشبه اهله في الطباع عشان هو اتعود علي كده بحس طول الوقت ان مع طفل مش حاسه برحولته ولا حاسه بأنوثتي بحاول اقنع نفسي اكمل بس خايفه المشكلة دي تكبر بعد الجواز
لعرض السؤال في فدني اضغط هنا
دلوقتي اناخايفه ومتوتره اوي، انا بحب واحد لسه مكملناش اسبوع وهو راح جيش واناخايفه خالص يخلف وعده معايا، قدامه سنه ويخلص
طيب هوبيحبني بجد ولا لا مش متاكده بس كل شويه بيطمني بس ازاي حد يكون بيحبك يضرك في نفس وقت ويطلب منك تتكلم وراء اهلك اولا هو مش عاوزني اقول لاهلي حاجه ولا أصحابي واناخايفه مش عارفه ده صح ولا غلط خايفه غلط يكبر وهروح بكره مخصوص لدكتور نفسي بتاعي احمد عبد العزيز هو قليل كلام خايفه ميفهمنيش وبيدلي نفس علاج وخلاص لكن مش بيريحني بالكلام
لعرض السؤال في فدني اضغط هنا
السلام عليكم
كان معايا زميل في الشغل بس انا سبته حاليا كان كلمني ماسنجر وقالي انا حابب اتعرف من حوالي ٤ شهور قلت له عشان نتعرف لازم يبقي البيت عارف ده يبقى أفضل قالي اصبري شويه متقوليش دلوقتي
قلت له انه مش هينفع فقالي لو حابه تقولي لهم ماشي فأنا قلت لوالدتي عليه فرحت بعتله علي الماسنجر قلت له انا احنا منتكلمش لغايه ما نتقابل وكده قالي يعني مش عايزاني ابعت لغاية ما نتقابل قلت له ايوه قالي ماشي نبقى نشوف يوم نتقابل فيه برا يعني وفي وجود والدتي
وسكت بعد منها بيومين بعت اعتذار وقالي ان طريقتي معه قليلة ذوق وانه بيعتذر فأنا قلت له انا مقولتش حاجه فيها قلة ذوق مني وسكت
بعد منها بفترة كلمني بردو وقالي نتعرف تاني قلت له نفس الكلام لازم يبقي البيت عارف قالي ما أنتي قولتلهم قبل كده خلينا نكلم شهر منغير ميعرفو نشوف اذا كنا هنرتاح لبعض ولا لا قلت له بردو مش هينفع خليهم يتعرفو عليك أحسن بردو قعد يتكلم قالي طالما هيعرفوا يبقي كده هنتكلم شهرين أو ٣ لكن لو مش هيعرفوا هنتكلم شهر
ومن في كلامه طلب مني صورة قلت له انا مش ببعت صور خلينا نتقابل احسن وقلت له بردو اقولهم ولا لا عليك قالي قولي لهم فقلت لوالدتي تاني مرة عليه فلقيته بردو بعت تاني بيقولي انه مش مرتاح فأنا رحت عملاه بلوك لاني زهقت وحسيته واحد قليل ذوق فوالدتي اخدت رقمه وكلمته قالت له ميصحش انك تقولها تكلمك من ورانا وبتطلب ليه صورة انت مش شوفتها قبل كده بيقولها انا شوفتها مرتين او ٣ لأني كنت في دور وهو كان في دور تاني وغير كل كلامه اللي قاله لي
قالها ممكن يجيب والدته عشان العيلتين يتعرفو علي بعض وقال كلام مقلهوليش اصلا وانا لقيته علي الشات مسح الاعتذار لكن بعته تاني مرة والمسدج لما طلب مني صورة الحاجه تانيه هو عملي بلوك بعد ما انا عملتله بلوك الموضوع يعني بقاله زي ٣ شهور كده هو لما لقى الاكونت بتاعي الجديد عملي عليه بلوك بردو بعد ماوالدتي تواصلت معه عملها بلوك على الواتساب مش عارفه ليه ورجع فكه هو بس انا اللي مضايقني بلوك على الحساب من غير اي سبب وانا مكلمتهوش اصلا ومرة دخل شاف الاستوري بتاعتي اللي انا كنت منزلها
لعرض السؤال في فدني اضغط هنا
عندي مشكلة اني دائما بخاف أقرب من اي انسان مع اني اجتماعية بس بخاف أصدق الكلام والمدح، بخاف اتعلق و اول حدا بعطيه فرصة وأجرب أقرب بصير خايفة خوف مو طبيعي انو يمشي و بضل قول انت هتمشي و نفسيتي تتعب وفوت باكتئاب بدون ما يصير شي اول ماحس انه ها الحدا ممكن يمشي بنت او ولد
وعند أقل مشكلة بفكر ان كلشي انتهى او انو كان كلامه كلو كذب ها المشكلة الها عندي ٤ سنين ماعم اعرف لا اعطي ناس فرصة جديدة ولا اتخطى الناس القديمة
لعرض السؤال في فدني اضغط هنا
يا جدعان انا دلوقتي مش عارف مالي بس انا مش لاقي نفسي، معرفش ايه مشكلتي ولا بدأت ازاي وهل عندي مشكله اصلا ولا لا بس انا مش مرتاح من جوايا
حاسس بحرقه وقهر ومعرفش انا بوصف صح ولا لا، بقيت في النازل في كل حاجه دراستي وعلاقاتي مش عارف أرضى بحاجه وطاقتي مفيش، ع طول متوتر وقلقان ومش مطمن وبقيت أعاند وادخل في جدالات ع الفاضي مطفش الناس مني
حاسس انا المفروض ادوس ع زرار يرجع كل ده معرفش المفروض أبقى عامل ازاي ولا ابقي ايه بس انا مليش نفس اعمل اي حاجه
واشتغلت فتره لو حد قالي اشغل نفسك شغلت نفسي بس برضو طول ما في الشغل حاسس اني عندي مشكله ودايما بدور عليها او حاجه نقصاني وبتأثر اوي بكلام والناس وبأفكاري حتى لو حد بيقصدش بتأثر وبفهم الكلام ع مزاجي والمواقف ع مزاجي
حاسس اني عايز افضل كده ومش عايز اتحسن بقيت اندفاعي ومش بعمل حساب لاي حاجه بعملها ولا بقولها
لعرض السؤال في فدني اضغط هنا
السلام عليكم ورحمة الله وبركاته.
انا بنت ١٧ سنه ف ٣ث، دخلت لتطبيق عشان اتعلم اللغه الانجليزيه بطلاقه، التطبيق عليه اجانب وعرب وكل حاجه وناس من حوالين العالم،
المهم انا ابتديت ابعت لناس هناك ع التطبيق هو عامل زى الواتساب كده بس هو مش بيظهر اى معلومات عنك الا اللى انت عايزه، فأنا دخلت باسم غير اسمي اكيد وبصوره عاديه غير صورتى من على جوجل بس هى صوره واقعيه،
اتكلمت مع ناس كتير من بره مصر اللى من الهند واللى من السودان، اللى بيقل ادبه بحظره عادى منهم ولاد وبنات عشان انا مش داخله غير عشان اتعلم معنديش اى نيه تانيه،
كان من ضمن الناس دي، واحد اجنبي من امريكا بيتكلم انجلش بس، واتعرفت عليه وقالى انه هو مسيحي وباباه قسيس.. بس هو طلع من المسيحيه عشان مضايق من الرب، بس هو مقلش لأهله حاجه،
هو عامل نفسه انه مسيحي بس هو طلع، كمان هو قدي ١٧ سنه برضو، ايوا انا متأكده انه من امريكا عشان الموقع بتاعه ظاهر عندي، وانا عارفه التطبيق ده كويس، كنت مسجله عليه من سنه فاتت بس حذفته ورجعت ليه تاني السنادى من الزهق واني عايزه اتعلم،
المهم الشاب ده احنا قعدنا نتكلم عادى كنت بستخدم ترجمة جوجل يعني عشان افهم هو بيقول ايه وعشان اعرف ابعتله وارد عليه، كلمته عن دين الاسلام وخليته فضولي يعرف عنه، خصوصا بعد ما شاف اخلاقي وكلمته عن حاجات كتير ف الاسلام وسمعته قرآن، وقريتله قرآن بصوتي، عشان انا صوتي كويس ف القرآن، وهو حب صوتي جدا (عارفه ان ده غلط انا اسفه )
بعد ٤ ايام من الكلام وانبهاره بالاسلام، وانا حطيت حدود بيني وبينه، كأصدقاء (عارفه ان مفيش صداقه بين ولد وبنت انا اسفه برضو اول مره تحصل)..
وبعدين بقى واضح جدا قد إيه هو معجب بأخلاقي عشان البنات ف امريكا مش كده وخصوصا اني رفضت اوريله صورتي، هو تفهم عكس ناس كتير كانو مسلمين وعملت لهم بلوك، بعدين لقيته بيقولي انه عايز يدخل الاسلام عشاني، عشان يعرف يتجوزني،
انا رفضت قلتله مينفعش انا مش موافقه لو هتدخل عشاني انا رافضه (هو كان جاد جدا، بس انا حتي لو هو جاد انا مش ساذجه برضو) عشان مينفعش تدخل عشاني لازم تدخل وانت مقتنع، المهم رفضت انو يقولي يا حبيبتي وكده، وهو اتأسف لأنها عندهم عادي،
انا النهاردة قررت احذف التطبيق عشان اركز في مذاكرتي، مش باقي غير ٤ شهور علي الامتحان عشان ف شهر ٦، فانا قولت همسحه عشان بيضيع وقتي، قلتله لقيته بيقولي انه بيحبني ومش هيقدر يبعد وكده(طبعا هو مفكرني بعرف ف الانجلش) قلت له عشان دراستي وكده، قالي تمام وانا هستناكي، عشان انا قلت له هرجع بعد ما اخلص امتحانات، وقلت له اني كمان بحبه، عارفه انا غبيه جدا،
معرفش انا قلت كده ليه، ضميري ما زال بيأنبني، بس انا معنوياتي مرفوعه جدا، مش عشانه، عشان انا عايزه دلوقتي اذاكر واجتهد عشان أرجع مرفوعة الراس وانا محققه حلمي عكس م كنت قبلها، بس انا مش عارفه اعمل ايه،
هو قعد يقولي انه عمره ما قابل حد زيي وان لو البنات ف امريكا شبهي كانت امريكا هتكون بخير وافضل وقالي ان اللي هيتجوزني محظوظ (انا مش بتباهي وربنا)، وكمان قالي انه لو اسلم ودخل الاسلام ومكنتش انا لسه متجوزتش هيجي ويتجوزني،
انا مش ساذجه والله، بس انا استمتعت بالموضوع، انا مشاعري ناحيته عادي، يعني مش عارفه بس، اوووه ياالله انا مش عارفه هو في ايه.. ممكن حد يكلمني انا حاسه اني هتجنن، عمري ما تصورت ان ممكن يحصلي كده، انا لو اهلي عرفو اصلا هيطلعوني من البيت،
انا تركت له القرآن كامل من على يوتيوب بالإنجليزي وقلت له علي كام كتاب يقرأهم وانا مش معاه، واحد عن سيرة الرسول، وخصوصا انه مش بيحبه بسبب المعتقدات الخطأ اللي وصلاله، وكتاب عن تفسيرات القرآن وكتاب بيشرح الاسلام بطريقه سهله، وكل ده بالإنجلش ووعدني انه هيقراهم وهيبحث في الاسلام، عشان يعرف اى الصح من الغلط.. هممم اعمل اى بقا..
لعرض السؤال في فدني اضغط هنا
السلام عليكم ورحمة الله وبركاته
انا فتاة أبلغ من العمر ٢٠ عامآ وهذه هي قصتي
منذ ٣ او ٤ سنوات تعرفت على شخص وكان معي محترم جدآ وهو دارس ومتحرر ولكن حينها كنت انا مراهقه وهو الآن يبلغ من العمر ٢٥ او اكثر اي ناضج كما اظن وحينها عندما كنت مراهقه كنا نتكلم جنسيآ شات
بفكري ان ذلك حب او شيء وكما هو يقول لي ذلك يقوي العلاقه ولكن حينها رغم انني كنت لم أكن أريد أي علاقه رسميه وغبنا عن بعضنا شبه السنة ولم يبتعد عني هو والان راسلني منذ كم يوم وقال لي انه لا يزال يريدني ولا يريد أن تكون مجرد علاقه يريد نهايتها الزواج
وقال لي لذلك اريد ان اجرب كل شيء معك الا أن تفقدي عذريتك طبعآ وقال انه لو لم يحبني لما قال ذلك وانا أرفض ذلك
اقول له هذا ليس حب انا من وجهة نظري اني اخاف الله بك وهو تعصب وقال لي كيف تفكرين ومن هذا الكلام
فأرجو ان تساعدوني
ماذا أفعل انا معجبه به بشده ولكن بعد أن نضجت لا احب ان أشارك مثل تلك الأشياء مع أي شاب بل على العكس احب أن تكون العلاقه بريئه فماذا افعل ماذا رأيكم هل انا على حق الحب والجنس شيئان مختلفان
ارجو الأصدقاء الرجال أن يجاوبو على سؤالي اكثر شكرآ لكم ...انصحوني ساعدوني
لعرض السؤال في فدني اضغط هنا
انا بنت وعندى 25سنه
مخلصه كليه ومعايا بكالوريوس وعلى قدر كافى من الاخلاق والجمال والدين
كنت مخطوبه قبل كدا وقررت ان افك خطوبتى لانه مكنش شخص سوى
وأنا زي أي بنت وبالعكس أحلامى بسيطه وحتى الاحلام البسيطه دى مش راضيه تتحقق واثقه في ربنا جدا انه هيدبرها ويعدلها بس انا زهقت وعايزه ارتبط يكون حد معايا وجمبى سامعنى وفاهمنى اى وقت غير ناس كتير سايبنى وحدى كدا❤️🩹
لعرض السؤال في فدني اضغط هنا
عاوز أنسى واحده مش عارف اتخطاها خالص، موجوده خلال 24 ساعه بفتكرها وبتناسها مش بنساها ده ف ذات حده عملى ضغط
الحياه بينا مجرد سؤال كل فين وفين ردها بارد بيقتلنى موضوع الرجوع صعب عاوز أنساها وفى نفس الوقت شاغلة تفكيرى ولا عارف اكون مرتاح ولا عارف اتخطها
مش عارف اعمل بلوك يمكن ده السبب
اللي تعبنى اكتر سؤالين دايما ف بالى
هى حبتنى بجد
وازاي قدرت انها تنسي كل اللي بينا
لعرض السؤال في فدني اضغط هنا
كنت في ريليشن وأنا وهو سيبنا بعض، بعد فتره هو رجع وانا وافقت ارجع لان بحبه بعدها حصلت مشاكل خلافات تاني ما بينا بعدين هو قرر يسيبني انا قلت له لا وبتاع وبعدها بوقت انا وهو حصل بينا خلاف على موضوع مهم وهو كان بارد في رده فسيبنا بعض من غير ما نقول ان احنا سيبنا بعض.
السؤال بقي ليه المره دي انا تعبت زي كان أول مره نسيب بعض مش المفروض اكون تعودت؟ والحل ايه عشان ابقى كويسه لان مش هكلمه لان كرامتي متسمحش ليا بدا
لعرض السؤال في فدني اضغط هنا
كنت علي علاقة بشاب لمدة شهور وكنت حاسة إني بحبه لوحدي، مكنش فيه اهتمام منه ولا كلمة حلوة كان كلامه قليل حتي في الشات مكنش بيحكي معايا في أي تفاصيل عنه ولا عن أهله، وكان معظم كلامه بيبقي فيه ايحاءات وكلام مش كويس
وكنت لما بواجهه أو بعاتبه ع الطريقة دي يقولي بهزر ودي طريقة كلامي للأسف قابلته كذا مرة وكان بيحاول يعمل تجاوزات معايا وانا كنت برفض وكان بيتضايق بسبب كده واتصورت معاه في تلفونه سيلفي.
كان مقرب مني اوي وأنا اسفة يعني في اللفظ بس قبلته من خده طلب مني كده وأنا كنت مغيبة ووافقت.
كنت خايفة ورفضت في الاول وهو أقنعني إنها للذكري وكده ولما قلت له فين الصور دي راح قالي متحفظوش في الموبايل.
أنا مش عارفة هو بيكدب عليا ولا لا طريقته دي كانت بتزيد وكان استغلالي معايا اوي شهواني مع العلم ان طريقتي معاه كانت عادية جدا ولبسي محترم وكنت بعامله بأحسن ما يكون وبثق فيه و كنت بعديله وبعاتبه كتير علي أمل إنه يتغير بس مكنتش بتجاوب معاه في كل حاجة وكان بيبقي بيجبرني إنه يعمل كدة بس كنت بقاومه علي قد ما اقدر.
أنا عارفة إني غلطت وعكيت كتير وندمانة أوي ع العلاقة دي وتبت لربنا وشيلته من حياتي تماما وعملتله بلوك من كل حتة وشلته من دماغي وهو محاولش حتي يتواصل معايا تاني.
لينا دلوقتي 4 شهور ونص تقريبا بعيدة عنه وهو متواصلش معايا أبدا من ساعة ما عملت بلوك بس الهدوء ده مخوفني وخايفة لايكون بيكدب عليا في موضوع الصور وتكون لسه معاه وممكن يستعملهم ضدي أو يحاول يرجع يهددني بيهم أو يهددني عموما.
ايه الحل؟!
لعرض السؤال في فدني اضغط هنا
لعرض جميع الاسئلة في فدني اضغط هنا