السلام عليكم،
أنا شاب في سن المراهقة، في الصف الثالث الثانوي، وكنت أجهز نفسي نفسيًا وجسديًا وماليًا للتقديم في الكلية الحربية المصرية. مؤخرًا كنت أتحدث مع صديقي الذي عاش في السعودية فترة من الوقت، واهتم بتطبيق الدين في حياته، وكان يرفض فكرة تقديمي في الكلية الحربية. فاستغربت وطلبت منه شرح سبب رفضه.
أوضح لي السبب الديني، حيث قال إن النظام الحاكم في مصر هو نظام "طاغوت" وظالم، مشيرًا إلى أن الأحكام الشرعية لا تطبق بشكل صحيح. وذكر أمثلة على ذلك مثل أن السارق لا يتم قطع يده بل يُسجن، والقاتل لا يُقتل بل يُسجن أيضًا، وهذا غير متوافق مع ما جاء في الشريعة الإسلامية. ثم أضاف أن الشرع والسنة لا يتم تطبيقهما في مصر بشكل صحيح.
ناقشني أيضًا قائلاً إن الجندي في الجيش المصري يشترك في نفس الحكم الذي يحكم به الحاكم، مستشهدًا بقصة فرعون في القرآن، حيث أهلك الله فرعون وهامان وجنوده معًا، مشيرًا إلى أن الجندي لا يختلف عن الحاكم في ذلك السياق. وقال لي أنني إذا انضممت إلى الكلية الحربية أو الشرطة، في المستقبل قد أُطلب مني تنفيذ أوامر تتعارض مع الشرع، وبالتالي سأكون مشاركًا في تنفيذ حكم "طاغوت".
ناقشت هذا الكلام مع والدتي، فقالت لي إنها لا تعلم، لكنها أضافت أن هناك ظلمًا فعلاً في مصر، مثل تعرض بعض الشيوخ للسجن بدون سبب واضح، وأشخاص آخرين تعرضوا للظلم، مما جعلها غير متأكدة مما يجب علي فعله.
حاليا أنا في حيرة شديدة. هل كلام صديقي صحيح؟ هل كل الضباط في الجيش والشرطة هم طواغيت؟ وهل إذا قدمت في الكلية الحربية أو الشرطة سأكون آثمًا؟
أنا أحب الحياة العسكرية وأرغب في الانضمام إليها، ولكن في نفس الوقت أحتاج إلى المال والسلطة. الأمور أصبحت معقدة جدًا بالنسبة لي، حيث أنني عندما أسأل أحدًا حول هذه الموضوع، يردون علي بأن الله أعلم أو يطلبون مني أن أسكت لأنه قد لا يتم تقبلي إذا عبرت عن رأيي.أحتاج إلى نصيحة وتوجيهكم في هذا الأمر، لأنه يؤثر على مستقبلي الشخصي والمهني والديني.
وشكرا لحضراتكم
لعرض السؤال في فدني اضغط هنا
السلام عليكم، أنا شاب في الثامنة عشرة من عمري، وأرغب في مشاركة تجربتي التي مررت بها، لعلني أجد من يرشدني أو يمد لي يد العون.
بدأت مشكلتي عندما أدمنت العادة السرية منذ سن الثالثة عشرة، خاصة مع امتلاكي لهاتف ذكي منذ الطفولة. كنت أمتلك ميولًا نحو بعض الفيتيشات الجنسية، لكنها لم تؤثر على حياتي اليومية.
لكن الأمور بدأت تتغير مع مرور الوقت، حيث ازدادت هذه الميول تدريجيًا. في صغري، كنت قد مررت بتجربة غير أخلاقية مع أحد أقاربي، لكنها كانت مجرد مداعبات بين طفلين غير واعيين لما يفعلونه. استمريت في مقاومة هذه الميول مع تقدم العمر، وحاولت التوبة مرارًا، لكنني كنت أفشل دائمًا، رغم دعائي المستمر لله بالهداية.
في السنة الماضية، بدأت بين الحين والآخر أتواصل إلكترونيًا مع بعض الشباب وأخطط للقاءات، رغم يقيني بأنني لن أنفذها. لا أعلم لماذا كنت أفعل ذلك، ولا لماذا كنت أطلب منهم صورًا شخصية. أخشى أن يكون هذا بداية لتغير ميولي الجنسية، خاصة بعد أن بدأت أشعر برغبة في ارتداء ملابس أنثوية.
ومع استمرار محاولاتي الفاشلة للتوبة، بدأت تراودني أسئلة حول الذات الإلهية، وأحيانًا كنت أتجاوز الحدود في تفكيري، لكنني كنت أعود سريعًا وأحاول التوبة مجددًا. إلا أن هذه الأفكار بدأت تتكرر، وأصبحت أحاول إقناع نفسي بأن ميولي طبيعية، رغم إدراكي بأنها ليست كذلك.
الحمد لله، حتى الآن لم أقدم على أي فعل محرم، ولم أمارس اللواط أو الزنا، لكنني أخشى أن يزداد الأمر سوءًا.
إضافة إلى ذلك، منذ عامين تراودني أفكار انتحارية لم تعد مجرد خواطر عابرة، بل أصبحت بالكاد أقاومها. أحيانًا أفكر جديًا في إنهاء حياتي، لكنني لا أعلم ما الذي يمنعني: أهو خوفي من الله؟ أم تمسكي الباهت بالحياة؟ أم مجرد عدم قدرتي على تنفيذ الفكرة؟
لم أعد أشعر بشيء، حياتي أصبحت بلا طعم، ولا أتذكر آخر مرة شعرت فيها بالسعادة أو الحزن. ومع ذلك، أمثل أمام عائلتي ومجتمعي أنني شخص طبيعي، لكن بداخلي هناك فراغ مخيف. خوفي الأكبر هو المستقبل: هل سأصبح شاذًا؟ متحولًا؟ ملحدًا؟ أم كل ذلك معًا؟
أسأل الله أن يهديني، وأطلب منكم الدعاء لي بصدق، وأتمنى أن أجد بينكم من يرشدني إلى طريق الصواب، أو يقدم لي نصيحة تخرجني من هذه الدوامة قبل أن أضيع تمامًا.
جزاكم الله خيرًا.
لعرض السؤال في فدني اضغط هنا
ماهي كفارة الحلفان بكتاب الله أو من يحلف بالمصحف الشريف
لعرض السؤال في فدني اضغط هنا
السلام عليكم انا عندي 17 سنة والحمد لله ليا اكتر من سنة موظب في العبادة والصلاة بس من فترة قريبة كل ما اقعد مع نفسي بتجيلي افكار أشبه بالكفر بالله وخاصة لما اكون بقرأ القرآن أو احفظ أو اصلي وقبل ما أنتظم في العبادة مكنش بيحصل معايا ده وانا خايف خالص من الموضوع ده ودي افكار بتجيلي غصب عني فكنت عايز حل او دعاء
لعرض السؤال في فدني اضغط هنا
السلام عليكم
انا بقالى اكتر من سنه مش بتكلم مع امى و دا كان بسبب خناقه الفكره انى مش عارفه سبب الخناقة دى اى
لقيتها مره وحده بتبعتلى على الواتس و بتغلط فيا و بتقولى انسي أن ليكى ام انا تلقائيا لما لقيتها بتتكلم معايا كدا قلتلها و من امتا انتى امى
المشكله ان احنا كنا لسه قبليها بيوم بنتكلم و عادى و بنهزر مفيش حاجه و لما لقيت الرساله دى رديت عليها بانفعال و المشكله انى حاولت اكلمها كذا مره علشان افهم فيه اى مردتش عليا ولا عيرتني و كمان عملتلى بلوك
علشان تفهموا اكتر علاقتى بامى هحاول اقولكو باختصار
ماما انفصلت هى و بابا من و انا صغيره و طبعا رحت قعدت معاها دى طبعا مش مشكله، المشكله أنها اوقات كانت كتير بتضربنى و بتقولى أنها عايزه تموتنى و اوقات كتير كانت فعلا بتحاول و اوقات تانى كانت بتحسسنى انى اغلى ما تملك و اوقات كتير تانى كنت لما بغلط أو اعمل حاجه تضايقها كانت لما تضربنى تقولى أنها بتكرهنى و أنها عايزانى اموت علشان تخلص من الرابط اللى بينها و بين بابا
وقتها اصلا انا كنت 7 أو 8 سنين المهم هى اتجوزت و عاشت حياتها و انا رحت عشت مع عمى و مراته اللى هى خالتى طبعا دول ماما و بابا من غير كلام لدرجه انى لما بعرفهم لصحابى بقول بابا و ماما لانى من و انا عندى 10 سنين و انا معهم و انا دلوقتي عندى 21 سنه
المهم فى ناس كتير من العيله بيقولوا انهم بيخلونى اشتغل خدامه عندهم مع أن دا العكس تماما
المشكله اللى دايقنمى انها لما شتمتنى من غير سبب قالت لى انى خدامه مع انى عندى بيت و أراضى ملك يعيشون ملكه من غير اى حاجه بس طبعا مينفعش اعيش أو اقعد لوحدى
اللى كسرنى اوى أن الكلمه دى طلعت من امى هوا ايوا مهما كان دى امى بس الكلمه دى كسرتنى اوى و خصوصا لما راحت بعتت لخالتي و دعت عليها و على بناتها وهى اصلا متعرفش أن احنا متخانقين فوريتها المحادثه
و من فتره خالتى قالتلى اروح ازورها و كأن مفيش حاجه وقتها فعلا مقدرتش انى اروح لانى موجوعه منها و تعبت فعلا و معنديش قدره استحمل حاجه تانى
هوا انا عارفه أن دا اسمه قطع صلا رحم بس انا فعلا مش قادره مع انها وحشانى هى و اخواتى بس مش قادره اسامحها على الكسره اللى كسرتهولى
و فى نفس الوقت مش عارفه اعمل اى محتاره بجد حاولت كذا مره انى اسامحها بس والله غصب عني مش بقدر
لعرض السؤال في فدني اضغط هنا
ياريت تجاوبوني على سؤالي
ايه حكم نبقى تلاته بنات زمايل واتنين يقعدوا يتكلموا مع بعض ويتجاهلوا التالت وكأنه مش موجود هل هيتحاسبوا
لو يعرفوا ان الشعور دا مؤذي بطريقة عمرهم ما يتجاهلوا الشخص التالت
قصدي في التجاهل يعني يفضلوا يوجهوا لبعض كلام ما يوجهوش للشخص التالت ويفتحوا مواضيع مع بعض ويملوا وقت فراغهم والتالت دا يا عيني عليه بجد
اتمنى يبقى ليهم حساب في الاخره ويتعمل فيهم كدا زي ما بيتجاهلوني
لعرض السؤال في فدني اضغط هنا
السلام عليكم ورحمة الله،
انا بنت عمري 14 سنه، فيه سؤال محيرني جدا، اللي هو، هل يوجد احد في الجنه الان، انا كنت فاكرة الرسول ﷺ، والشهداء اللي قال الله عنهم ( أحياء عند ربهم يرزقون) بس لما دققت في الاحاديث، قابلني حديث بيقول ان الرسول ﷺ اول من يقرع باب الجنة، يعني الرسول ﷺ مكنش فيها لأن هو اول من سيقرع باب الجنة،
والسلام عليكم ورحمة الله وبركاته ♥
لعرض السؤال في فدني اضغط هنا
السلام عليكم، انا بنت عمري 14 سنه، بشوف ناس مريضه، وناس يعني رجلها او ايدها مبتورة، فبقول ليه ربنا يعذب الناس دي ليه، وكمان بفكر ان ممكن حد يعني يكون عايش حياته عادي جدا ومبسوط، وربنا يكون كاتبله انه مثلا يقتل الشخص ده، فربنا هو اللي بيوجهوا ويخليه يعمل كدا، وهو بيعمل، وربنا بيقول من قتل نفسا بغير حق فكأنما قتل الناس جميعا، فربنا لما يخليه يعمل كدا، هيعذبه في الاخرة، والشخص اللي عمل الذنب ده ملوش دخل فيه لان ربنا اللي خلاه يعمل كدا، ولما مثلا يعني يعمل ذنب، ده بيبقي مقدر له من قبل ما يخرج للدنيا، وبعد ما يعمل الذنب ربنا بيعذبه،
فالسؤال هنا ليه ربنا بيكتب له يعمل الذنب ده وبعدين يعذبه، انا خايفه اكون يعني ذنب وانا بفكر كدا، وكمان زمان كان عقاب السرقه بتر الرجل او اليد، وفيه حديث عن النبي بيقول من صلي ركعتان بعد ما عمل ذنب، ربنا بيغفر له، ومن قال سبحان الله وبحمده مائة مره غفر الله له ذنوبه ولو كانت مثل زبد البحر، والرسول ﷺ كان عارف كدا، فليه مكنش مثلا يقول لحد سرق زمان انه يعمل كدا، والرسول ﷺ كان انا خير بين امرين اختار ايسرهم ممكن حد يرد عليا لاني خايفه اكون بعمل ذنب اني بفكر في حاجه ذي كدا، والسلام عليكم ورحمة الله وبركاته
لعرض السؤال في فدني اضغط هنا
سلام عليكم ورحمة الله وبركاته
أنا دايما بخاف من اني اكون مبسوطة ودايما بحس السعادة دي فخ لمن اكون مبسوطة بحس اني الحاجة المبسوط بيها ما حتبقى معاي حتروح لو ما راحت بكون منتظرها تروح ديما فكر اي حاجة صعبة ممكن تحصل لي ولا لي زول قريب لي
مرات بحس دا غلط واني مفروض يكون عندي حسن الظن بالله بقوم يستغفر ربي بس تاني بجيني نفس الاحساس
لعرض السؤال في فدني اضغط هنا
أنا بشوف حاجات وحشه وبعمل فنفسي حاجات وحشه من زمان تقريباً من وأنا عندي 17 سنه كنت وقتها معرفش اي اللي بعمله إللي بيحركني كان الفضول وكنت عاوزه اي ده وياريتني ما عرفت لحد ما بقى الموضوع بالنسبالي إدمان ولما بقى عندي 19 والدتي عرفت اللي بشوفه وحسيت إن دي اشاره من ربنا ابطل واتوب وفعلا تبت وبعدت وماما ساعدتني ونصحتني وابتديت اصلي وأحاول اقرب من ربنا وكنت سعيده حرفياً والله
عدى عل كده سنتين تقريباً بس من فتره رجعت فجأه لقيت نفسي ببعد عن الصلاه افوت فرض اتنين لحد متراكم عليا فروض وبعد كده بطلت أصلي لدرجه إني مش عارفه ارجع اصلي تاني حاسه بتقل الصلاه حرفياً كأن فيه حاجز بيمنعني وبالتالي رجعت للقرف اللي كنت بعمله تاني فنفسي أنا مقروفه من حياتي ومن كل القرف إللي بعمله فنفسي
أنا عارفه أنه حرام اللي بعمله ساعدوني ارجوكم عاوزه ابطل والله العظيم عايزه ابطل عاوزه ارجع اصلي تاني أنا والله والله حاولت ابطل وكل ما أحس إني خلاص بطلت تيجي لافته وارجع لنقطه الصفر أنا بضيع وحساني بغرق ومش عارفه اعيش حياتي بشكل طبيعي ليه ليه بيحصل فيا كده ليه مش ببعد عن القرف ده عشان أعرف اعيش حياتي في رضاك يا ربي ليه بعمل فنفسي كده ليه بغضبك ياربي مني
سامحني يارب يارب ابعدني عن الطريق ده ارجوكم ساعدوني ارجوكم من غير ما أرجع للطريق ده لأني والله تعبت خايفه اموت وأنا بعمل فنفسي كده عاوزه اتوب
لعرض السؤال في فدني اضغط هنا
انا بتعلم لغة جديدة فنزلت برنامج عشان يعني اتواصل مع أصحاب اللغة واتطور من لغتي فأنا بتكلم معاهم شات بنات واولاد وكل حديثنا بيبقى عن اللغة والثقافة وكدا ،هل حرام التحدث مع الشباب في هذه الحالة لأني حاسه بالذنب فمش عارفه رغم أن مفيش اي كلام خارج ابدا
لعرض السؤال في فدني اضغط هنا
حل لعدم الانتظام في الصلاه
لعرض السؤال في فدني اضغط هنا
يا جماعه أثناء الرقيه بتحصل حركات غريبه في عيوني ووجهي ماسببها 😭
لعرض السؤال في فدني اضغط هنا
السلام عليكم
انا مكنتش بسيب فرض نهائي و لا قراءة القرآن و كنت بعمل ورد كتير لدرجة كنت مخصصه ختمه معينه لما بركب المواصلات و ختمه معينه ف شغلي و ختمه ف البيت كنت منوعه جدا
و الراحه اللي كنت فيها متتوصفش...
و شفت الرسول عليه افضل الصلاه والسلام مرتين ف المنام و كنت بحلم بالكعبه ودايما مقتنعه ان ربنا بيرد عليا لما بسأله و كنت بحب اكلم ربنا جدا ف قيام الليل
و مفيش حاجه طلبتها من ربنا الا و كان مستجيب لكل دعواتي ولو محصلش كان بيعوضني بالاحسن
نيجي من حوالي سنه وشويه كل ده اتقلب رأس ع عقب
مبقيتش بصلي نهائيا ولا حتى بحس بالذنب واحيانا بتضايق اني مش ندمانه حتي
بقيت اضحك ع نفسي بإن مش عندي وقت بطلت كل حاجه بترضي الله عز وجل
و كتير اللي لاحظ تغيري ولما سألت قالولي، حسد واللي قالي اكتئاب واللي قالي مس
وبصراحه انا بقيت مش حباني كده حتى اصاحبي بطلت اكلمهم ولا اسال ولا حتي بيوحشوني بقيت مش بحتاج غير اوضتي وسريري ومتحركش حتي فوني بقيت بتخنق منه
افيدوني بالله
ومحدش ينصحني واللي هو لازم تصلي انا عارفه الكبائر وعارفه كل ده بس انا فعليا مش قادره
لعرض السؤال في فدني اضغط هنا
حكم من اغتسلت من الحيض قبل الفجر ونوت الصيام قبل الاذان بثواني ومكنتش تعرف ان غسل الاذنين واجب اثناء الاغتسال من الحيض معرفتش الا بعد الفجر وبعد ما نويت
وشكيت بس مش متأكدة ان في عضو مغسلتهوش اثناء الاغتسال
اعمل اي اكمل صيام ولا ايه
لعرض السؤال في فدني اضغط هنا
السلام عليكم
اردت معرفه شيئ قد شغل بالي منذ فتره و هو هل حرام ان اقرأ روايات خيال علمي ؟ و الروايات التي بها علاقه بالجن و العفاريت مثل روايه "خوف" مثلاً
هي غير حقيقية و انا مدركه ذلك و بها جن مسلم و جن كافر و هكذا ، فهل يجوز ان أُسلي وقتي بها ؟
لعرض السؤال في فدني اضغط هنا
إزاي اعرف أصحى على صلاة الفجر والله تعبت وانا بحاول أصحى بس مفيش حل ممكن مساعده الموضوع صعب جدا والله اني كنت بصحى حتى من غير منبه قبل الاذان ودلوقتي مستحيل أصحى حتى لو بطبله بلدي 😞
لعرض السؤال في فدني اضغط هنا
السلام عليكم ورحمة الله وبركاته،
انا بنت عندي 22 سنه رابعه صيدله ،افتكر وانا ف أولي كنت لسه داخله جامعه جديد وللاسف اتعرفت ع بنات مش كويسه جدا لابسين خمارات ومنهم نقاب بس لا اخلاق لاء خالص اتغريت وافتكرت صحبه صالحه انا قبل كده مكنش مقفول عاليا بس طبعا الجامعه عالم مختلف تماما،
كنت بروح كُتاب وبطلت للاسف بس حاليا بدأت حفظ قرآن تاني الحمد لله ،
منهم الي كان بيكلم شباب كنت بضحك عليهم لما يحكوا وبتاع وبقول انا عارفه حدودي وأخلاقي ،وكذا مره والله العظيم فعلا يجي ولد او صحابهم الولاد يقعدوا معانا اقوم لان عارفه حرام جدا وغير اخلاقي وكنت بحكي لماما تقولي ابعدي وتزعقلي
كانو البنات يجوا يكلموني وقالوا خلاص محدش هيقعد تاني وبتاع طلع انو لاء مش كده بس، دخلني جروب شلتهم بتاعه ثانوي بنات بس فعلا بس للاسف كان بيبعتوا فيه حاجات مش كويسه وانا اول مره ف حياتي اشوف كده ولا كان يخطر ف بالي كده اصلا
وشفت واحده منهم بقت تبعتلي ع الخاص فيديوهات من نوع ده( اباحي) وللاسف شفت ، بقيت مخنوقة وتعبت وجبت تقدير مش كويس وانا كليه صعبه اوى جبت تقدير وحش ربنا شال مني التوفيق ،
تبت بجد وخرجت صدقه بنيه التوبه والهداية عملت لهم كلهم بلوكات وخرجت من الجروب وعاهدت ربنا بجد ،الحمد الله ، قربت من ربنا من ساعتها من 3 سنين بقيت عاده اصلي ركعتين توبه عن اكبر ذنب انا عملته الي انا للاسف مش عارفه انساه
انا حاليا ف رابعه باقيلي سنه ، لما بآجي ادعي بالزوج الصالح اللي يصلحني اكتر بخاف بحس انو ربنا مش هيستجاب انا عصيته رغم اني تبت بس فعلا مش قادره انسى بخاف ربنا يعاملني بذنبي بقيه تعبانه جدا نفسيا بجد اعمل اي هل ربنا ممكن يعاقبني كده فعلا ،
لعرض السؤال في فدني اضغط هنا
أنا عندي مشكلة بقالي كذا سنة حياتي مش تمام ومقصرة ف الصلاة الاول كنت بزعل لما بفوت صلاة دلوقتي بحس ان قلبي مش فارق معاه و دي حاجه خنقاني أنا عارفة اني عمري ماهفلح في حاجة ولا هنجح وانا مش بصلي عشان حي علي الصلاة حي علي الفلاح
كمان بقالي شوية مخنوقة جامد وببقى عايزة اعيط من اقل سبب واتفه سبب حتى لو طفل صغير هزر معايا بعيط وانا م حابه دا ومعرفش السبب وكل شوية اتعصب من اقل حاجة وببقي عايزة ازعق جامد مش عارفة اظبط حياتي وعندي وسواس قهري وارق مش بعرف انام من التفكير وكل شوية ثقتي بنفسي بتقل
مش بظهر دا للناس اللي في محيطي وبحس أن دا اخد من طاقتي كتير ومعتش عارفة اخبي
لعرض السؤال في فدني اضغط هنا
فيه كام سؤال بجد عايز اعرف حكم الله فيهم عشان انا معرفش ومفيش حد اسأله....
احنا عندنا قطة في البيت لما باجي اتعامل معاها بلاقي جسمي بيتحرك هل دي شهوة وحرام؟!
بيحصل فيه جلسات عائلية وبيبقا فيه بنات العم والعمة وزوجة العم وهكذا (اقصد الأقارب الأجنبيات) وبيبقوا متبرجين هل الجلوس معهم يجوز؟!
وكيف النظر يعني حتى لو قعدت معاهم انا كده كده لازم ابص لاني قاعد معاهم يعني هبص في الأرض ساعتين ازاي يعني فهل اترك الجلسة من أوّلها ولو اتكلمت معاهم هكلم وانا مش ببصلهم؟!
النساء ذو المحارم بيبقى ساعات لبسهم برضو فيه تبرج او فاتن او ملفت كده ازاي اتعامل معاهم
وانا مش لاقي حد أسأله يعني مفيش غير اشخاص عاديين او بكتير اوي انهم يكونوا طلاب علم اما مفيش طبعا عالم اسئله ثقة
لعرض السؤال في فدني اضغط هنا
دلوقتي انا تزوجت فتاه عرفيا وعقد كامل زي العقد الصوري انا وهي فقط واساسه الرضا والاشهار العقد فقط غير مكتوب عليه انه عقد زوج عرفي فأنا كتبت عليه بخط اليد ده يبطل العقد ؟ وهل لو العقد اتقطع كدا الجواز مع اني لم اطلق
لعرض السؤال في فدني اضغط هنا
انا حاليا تزوجت زوجتي الحمد لله وكانت كل الامور تمام ازدادت المشاكل وقلت انتي طالق لو نزلتي وانا كان في نيتي التهديد هل ديه تحتسب طلقة انا دفعت كفارة اليمن الحمد الله بس حابب اعرف كدا طلقة تحتسب او لا
لعرض السؤال في فدني اضغط هنا
السلام عليكم أنا مقصر في الصلاة شوية اقصد أنه بكون فيه تأخير رغم اني بكون سامع الاذان أو مثلا جاهز للصلاة و توضأت بس بتأخر بردوا (التقصير هنا اقصد اني بتأخر )
انصحوني و شكرا
لعرض السؤال في فدني اضغط هنا
انا عندي١٣ سنه كان شخص احبه وهو ايضا كان عايز نرتبط وانا وفقت بعدها بي سنه انفصلنا هل هذا محرم؟
لعرض السؤال في فدني اضغط هنا
ياريت صلة الرحم سهله ساعات مبنقدرش حتى نتخيل رجوعنا معاهم بعد الأذى الى بيحصل الحقيقه كلمه مني على كلمه منها مكانش سهل ارجع انا وهى (اختى )
الحقيقه الكلام كان جارح جدا لدرجه انو وصل للدعاوى عموماً ربنا يسامحنا لكن انا مسامحه بس مش قادره ارجع مع اننا مكناش كده وكنا قريبين جدا جدا لبعض معرفش ايه الى حصل ومش مهم لكن هى كانت بتعمل حاجات تأذينى نفسيا لحد ما قلت لها كلام معرفش ازاى لسه عايشه ف البيت معايا بعده لكن كل ده كان بردو بسببها
عموما انا عاوزه اقول انى حاولت مره واتنين وعشره الموضوع مش سهل إطلاقا وخصوصا في وجود ذكريات مش كويسه بينا متعلقه بكلام محدش يستحمله ابدا ابدا محاولات من بابا وماما للصلح بس مبنقدرش نكلم بعض لان فعلا الى حصل مش قليل خالص فعلا
دلوقتى انا وهى كده ايه وضعنا هل بناخد ذنب ولا لا علما اننا تقريبا عادى كل واحد اتعود انو يتجنب التانى مع اننا عايشين في بيت من اوضتين وصاله لكن بقالى تقريبا 3 سنين واكتر مبنتكلمش فعلا انا اتأقلمت وهى اتأقلمت وانا مبقتش حابه اتكلم معاها سبحان من نزع من قلبي الحب اللي كان بينا مش عاوزه اقول حسد وعين وكلام فارغ بس الأفعال المؤذيه كانت اقوى لانهاء حبي ليها
عموما كنت عاوزه اعرف هل انا هتحاسب والموضوع مش سهل ويفيد بإيه كلامى معاها لو حصل وانا هكون معنتش بحبها حتى لما بيحصل معاها حاجه بحس انى مبقتش متأثره واما بيحصل ليها حاجه تفرح مبقتش بتأثر لا بزعل ولا بفرح بعدى الموقف وكأن شفت خبر مفادنيش مثلا فمبيكونش عندى اى مشاعر فانا في المستقبل هتحاسب على عدم كلامى معاها لأن لولا ابويا وامى معتقدش هنشوف بعض
لعرض السؤال في فدني اضغط هنا
سلام عليكم ازاي شخص يعالج نفسه من الدياثة بالذات على زوجته أو شريكة حياته وأهله لا
مارس الدياثة كتير مع واحدة كانت في حياته
ويا ريت لو حد متخصص يرد
لعرض السؤال في فدني اضغط هنا
كيف افرق بين الارهاب والسلف
لعرض السؤال في فدني اضغط هنا
أنا مشكلتي اني أنا عايزه اصلي ومش عارفه مفيش سبب بس بحس بكسل او مش قادره ولما بصلي مش بحس بحاجه ولا برتاح عارفه انا ان هي التواصل بين العبد وربه بس مش بحس بخشوع وبكون عايزه اخلص بسرعه الناس بتتكلم عن حلاوه الصلاة وانا مش حاسه بيها أعمل إيه؟
لعرض السؤال في فدني اضغط هنا
لقد احببت فتاه من دين آخر وهي تحبني وتحب ديني وتريد أن تدخل الاسلام لكن خائفه من اهلها ماذا تفعل
لعرض السؤال في فدني اضغط هنا
السلام عليكم ورحمة الله وبركاته
اسالكم بالله انا بخاف ربنا وبعاني كتير من الالتزام بصلاة الجماعه في المسجد بتكاسل كتير ومرات حتى في البييت بكون مركز مع الجوال وبأخر وقتها وحاولت كتير ألتزم بالصلاه في وقتها وفي المسجد بس بلتزم ايام وتاني برجع الموضوع مضايقني جدا والله افيدوني لو سمحتو
لعرض السؤال في فدني اضغط هنا
انا منزله ابليكيشن لتحفيظ القرآن الكريم
بشغل القرآن جمبي وأنا بنام وافضل اردد وراه وأنا نايمه
دا حرام عليا؟
لعرض السؤال في فدني اضغط هنا
السلام عليكم ورحمة الله وبركاته
كيف حالكم ايها السيدات والسادة ارجو من الله ان تكونوا بخير وعلى خير ما يرام
لدي عدة اسئلة
اولا كيف تبتعدون عن وسائل التواصل الاجتماعي وتكونون أكثر انتاجية على ارض الواقع اريد ان اقلل التواصل على وسائل التواصل الاجتماعي
كيف انظم وقتي هلا اقترحتم علي
***
انا اصمم تصميمات ثلاثية الأبعاد مبتدئ فيها واكتب قصصا للاطفال ولكن لا اعلم من اين ابدا
***
انزلت تطبيق اسمه القران مباشر واسمع فيه لمده ثمانية عشر دقيقة كل يوم ووصلت لسورة الشورى برواية ابن جماز عن ابي جعفر ولكن هذا التطبيق وجميع تطبيقات المقارئ التي اعرفها لا تجيز وانا اريد الاجازة وكلما طلبتها من احد طلب مني المال وانا لست موظفا ولا اعمل وما زلت في الدراسة فما نصحيتكم لي وانا حافظ لكتاب الله سبحانه وتعالى براوية حفص عن عاصم
***
بدات اليوم اشاهد مقاطع للفقه الميسر للاستاذ علاء حامد وشاهدت اليوم اول مقطع فهل تعتبر هذه بداية جيدة لي في الفقه
***
ما معنى كتابة المحتوى؟
اريد تعلم الفوتوشوب والاليستراليتور والانديزين بشكل افضل فماذا افعل
انا في كلية الصيدلة واريد ان احسن مهاراتي واصنع ادوية وهكذا فبما تنصحوني وهناك العديد والعديد من الاسئلة ولكنني اكتفي بهذا القدر
لعرض السؤال في فدني اضغط هنا
ابن عمتي دا أقرب حد ليا فالعيله من واحنا صغار متربيين مع بعض وكل صغيره وكبيره عنو بيحكيلي عنها وبياخد رايي فيها هوا كان مصاحب من الطفوله وهيا سابته ف اعدادي ومن بعدها مرتبطش
كان بيكلم بنات بس صحاب وكده يعني انا عارفه انو غلط والله وبحاول اقنعه واحده بواحده لعند ما بقى ف اولى ثانوي واكتر مرحله بقى طايش فيها وتصرفاته كلها مش عجباني عايز يمشي مع الترند ف اي حاجه وبرضو بكلمه واحدهواحده وبحاول أفهمه براحه ومضغطش عليه بكلمه بأسلوب اللي هوا اخليه يفكر باللي هوا بيعمله من منظور اخر عشان يلحق نفسه
وتمر الايام لعند من يومين كده جالي وبيقولي انو ارتبط لا وكمان بمسيحيه انا كنت هتجنن بس تماسكت ومقولتلوش حاجه مش عارفه لاول مره فحياتي اقولو اي عايزاه يفوق لنفسه وللي بيعمله بس مش عارفه ازاي 😔
لعرض السؤال في فدني اضغط هنا
السلام عليكم ورحمة الله وبركاته 🤍
أرجوا ان اللي يرد يكون فعلا متخصص في تفسير الأحلام لإن الموضوع مهم وشاغل بالي 🤍
أنا في الفترة الأخيرة كنت بفكر كتير في النقاب واني متردده ألبسه ولا لأ، المهم لبسته مرة من عند اختي وحسيت شكلي وحش فرجعت فقراري بس بردوا انا مش مستريحه حسيت انه هو انتي مش بتلبسيه عشان شكلك وانه لازم يكون فيه صعوبه مش هتاخديه كده فمن كتر ضغطي وانا بصلي دعيت ربنا انه يطمن قلبي برؤيا وحلفت لربنا انه لو جتلي رؤيا صريحه البسه مش هنزل من البيت غير وانا لابساه ، وكمان دعيت انه ملبسهوش غير ابتغاء وجهه ، المهم عدى يومين وانا فعلا شيلت الفكرة من دماغي ، حلمت النهارده كانا الفجر وكنت اللي هو صاحيه بس نايمه يعني المنبه رن وكنت هقوم بس بقاوم يعني بصحى وأقوم صحيت اقفل المنبه وغمضت عيني شوفت واحده لابسة نقاب ماليزي وواقفه زي على كوبري وتحتها النيل وانا كإني واقفه من بعيد وبقول حتى دي انتقبت او اتحجبت وانا لا مش فاكرة قولت ايه المهم فوقت واختي بتقولي الفجر أذن اعتقد فغمضت تاني وحلمت بنفس البنت وقولت أكيد البنت دي مهمه او البنت دي مهمه ده في عقلي اللي بيقول ، بعدين فوقت قفلت المنبه تاني وغمضت لقيت بردوا واحده لابسه نقاب لون تاني ماليزي بردوا بس وشها كان ظلام مش واضح بالنسبه لي وفوقت تاني وانا بقول اكيد البنت دي مهمه.
كنت قبلها بتفرج على بنات منتقبه كتير وحاجه قالتلي من كتر ما بتتفرجي عليهم هتحلمي بيهم على اساس انهم رؤيا
فهل ده حديث نفس فعلا ولا رؤيه
انا بنت وعندي ٢٠ سنه
وجزاكم الله خيرا وآسفه على الاطاله لكن الموضوع بجد شاغل بالي ومش قادرة أقرر
لعرض السؤال في فدني اضغط هنا
احتاج إلى حل لهذه المشكلة بشكل سريع لانها لا تجعلني امارس حياتي بشكل طبيعي تجعلني وانا في الشوارع انظر إلى الرجال بشهوة وفي اثناء الصلاة قد افكر في اشياء من هذه النوعية افكار شاذه
لقد بدأ الامر معي منذ كان عمري 15وانا الان عمري 18
عندما كان عمري 15امتلكت اول تليفون ولم اكن اعرف ما معني العلاقات الجنسية ولا اعلم اي شيء ولكن اصدقائي كانو يتكلمون دوما بخصوص هذه الامور وكان عندي فضول ان اعلم ما الذي يتكلمون عنه وبما اني امتلكت هاتف فقمت بالبحث حيث وجت مقاطع اباحية ظهرت عندما بحثت وهنا شعرت لاول مره كيف تكون النشوة الجنسية وكنت قد بلغت منذ عمر 14 ولم اكن اعرف ما معنى هذا الشعور لكنه اعجبني فأصبحت اشاهد كثيرا واستمني كثيراً حتي علمت ان هذه تسمي العادة السرية وانها محرمه في الاسلام ومضره بالصحه فعندما اردت ان اوقفها لم استطع أبداً بل واصبحت من هذه اللحظه اشتهي الرجال لكن يوجد سبب اخر
كنت في عمر ال14وكنت قد بلغت ولم اكن اعرف ما معنى البلوغ او ماهي علاماته كنت عند الحلاق مع اقاربي وكان الحلاق قريبنا أيضاً فعندما ذهبنا لنحلق كانو يتكلمون انهم يريدون مشاهدة مقاطع اباحية فعندما شغلها الحلاق كان الفيديو لرجال عراة تماما واول شيء شاهته رجل ضخم وتخين وعار وعندما رايته ذهبت من المكان ورحلت
ومن هنا اتت شهوتي للرجال السمان
اريد حلا لهذه المشكلة لانها تؤثر علي حياتي من جميع النواحي حتي انه يوجد صديق لي أحيانا افكر فيه واشتهيه
وشكرا لكم
لعرض السؤال في فدني اضغط هنا
مساء الخير كان عندي سؤال
انا عندي وسواس قهري ديني وكذا نوع آخر
فبيجيلي افكار ان اي حاجه بعملها او بحبها كفر
المغنيين او الممثلين بالذات لو كفار انا كدا بتحاسب علي حبهم؟ مع العلم انا بحب شخصيتهم اكتر وشكلهم بعيدا عن دينهم او أفعالهم وبتبرأ منهم وبتكلم هنا عالستات طبعا لان اكيد اي ممثل او مغني راجل حرام *
تاني سؤال في وقت الكريسماس انا بحب اشوف افلامهم فقط انا لا بعيد عليهم ولا بزين زيهم بس هل حرام احب
الألوان او الاجواء؟
آخر سؤال برضو هل حرام ألون رسومات أجواء كريسمس؟
لعرض السؤال في فدني اضغط هنا
انا كنت فتالت سنه فالكلية مكنتش لسه ملتزم دينيا ومكنتش اعرف ان فوايد البنوك حرام
رحت عملت فايدة فالبنك لمدة تلت سنين تقريبا وحاليا انا مخلص الكلية بس لما قريت وعرفت ان الفوايد حرام مستحرم الفلوس دي
ايه الحل مع فلوس اللي طلعت من الفايدة خصوصا اننا استخدمته جز ء من الارباح دي فكام حاجه
لعرض السؤال في فدني اضغط هنا
انا كنت في الدرس القاعة او المكان الي بناخد فيه الدرس في السينتر فيه فراغ في النصف والولاد قاعدين في ناحية الشمال والبنات قاعدين يمين
انا دخلت قعدت في أول الصف خالص وفي الجنب الي في النص الي صعب اشوف فيه البنات يميني وكمان كنت لابس الكبتشوه بتاعت راس ده عشان مشفش البنات خالص على يميني فالمهم واحنا في نص الحصة تقريبا الاستاذ طلع بنت من مكانها وقالي اقوم وتقعد في صف اول معايا بس مش جنبي يعني قوي في الوسط
فالمهم انا قعدت في الطرف ووالصف الأول ده هو دسك واحد طويل وكرسي متركب فيه طويل برضوا فانا قعدت في الطرف وهي دخلت في النصف وبعدين انا غضيت بصري خالص ومكنتش شايفها اصلا وهي اصلا دخلت قعدت في الطرف الناحية الي عشمال جنب الحيطة
المهم سؤالي انا مش عارف ليه حسيت ان جالي شهوة كده تقريبا من تفكيري وجسمي بيتحرك ومش فاكر كان في تلذذ ولا لا صراحة وانا اصلا يعني مكنتش مفوق يعني عايز انام اصلا فانا إيماني مش أعلى حاجة
المهم انا طب زعلت وخرجت من الدرس كنت الي عايز اعمله اني اصلي ركعتين توبة فالمهم انا مفروض اصلا بعد ما الدرس خلص اروح لتيتة عشان اتغدى هناك عشان متفق مع ابويا على كده فالمهم انا قلت هروح بيتي مشي اصلي ركعتين وبعدين اروح على تيتة لقيت ابويا في العربية وانا في الطريق وركبت معاه
وصلنا لتيتة ومصلتش ركعتين توبة عشان انا ابويا عصبي جدا وفي الوقت ده اصلا هوه كان متعصب وفوق ده كله كان متعصب مني فأنا خفت اصلي ركعتين قبل الغدا فاتغديت وروحت البيت ودلوقتي حاسس اني عملت حاجة غلط وفي النفس الوقت انا كنت غاضض بصري ومعرفش اصل شكل البنات هناك ولا اي حاجة ومعرفش دي شهوة الي جتلي ولا ايه انا مش فاهم ياريت حد ينصحني
لعرض السؤال في فدني اضغط هنا
السلام عليكم ورحمه الله وبركاته
انا كان لي سؤال ديني يريد حد ممكن يكون من اهل العلم يفيدني فيه.
معلش هو انا كان في مبلغ كنت حاطاه في البريد وبعد كده اخويا مثلا اداني مبلغ ثاني وقال لي خذي احتفظي لي بيه فانا خفت ان هو مثلا ان هصرف منه او كده فقلت عشان احفظه له فرحت برضه حطيته له في البريد معايا.
في وقتها جيت سألت الموظف البريد بقول له انا عايزه اعرف المبلغ ده عامل كم والمبلغ ده عمل كم من الفوائد راح قال لي لا احنا الفوائد بتاعتنا مش زي البنك لها نسبه ثابته.
احنا هنا بتبقى على حسب المشاريع اللي بنستثمر فيها سواء كانت كسبانه السنه دي او خسرانه فاحنا ملناش نسبه ثابته
فبناء على كلام وانا وقتها كنت صغيره في السن غير دلوقتي طبعا بناء على كلامه هو قلت خلاص تمام كده يبقى كده هو يعني طلعت من دايره إن تكون فوائد ربويه أو كده، وبناء عليه فانا كنت عادي بقى بلاقي فوايد بلاقي 200 زادت 500 زاد ما بقى ما بتكلمش
فدلوقتي كنت شايفه افتاء على احد الجروبات يعني قالت لا يعني بريد غير بريد هي برضه فوائد وبرضه هي ربويه ومحرمه
ودلوقتي مش عارفه اعمل ايه يعني هل هي فعلا محرمه؟ ولو هي فعلا محرمه طب انا اعمل ايه في اللي فات؟
انا مش هقدر افتكر كل سنه مثلا كان فيها قد ايه بس انا والله على طول والله يعني ربنا اللي بيعطي بس على طول ببقى فاكره يعني ان انا اراضي ناس تكون ظروفها تعبانه وكده فكنت عايزه اعرف يعني هل هو ده صح اللي انا بعمله ولا ده غلط ولا اروح مثلا البريد واوقف الفوايد اصلا ولا اعمل ايه واكفر عن اللي فات ازاي برضه يا ريت حد يفيدني يعني الموضوع مضايقني قوي
لعرض السؤال في فدني اضغط هنا
كانت عاوزة اسال سؤال، هل لو أخدت مقطع فيديو عجبنى و نزلته على اليوتيوب مع تعديلات بسيط حرام
لعرض السؤال في فدني اضغط هنا
ابي متوفي و ليس لدي أخ و أريد السفر للخارج للتعلم للأسف بسبب الحرب تدمرت الجامعات و انا ملتزمه فما هو الحكم في هذه الحالة اسافر ام لا؟
لعرض السؤال في فدني اضغط هنا
السلام عليكم ورحمة الله وبركاته
انا بحب أمريكا اوي بجد مش معنى إن هي بتدعم إسرائيل يبقى أكرهها، بصراحه بحبها اوي حتى كمان اللي حصل مع لوس أنجلوس دا ولا فارق معايا يعني حاسه انو بقى مش فرحانه زي كل المبسوطين اصل احنا كلنا بشر وفيه كتير اوي من أمريكا بيدعموا القضيه الاسلاميه رغم ان مش كلهم مسلمين بس فيه مسيحين بيدعموا القضيه دي بيدعموا فلسطين وكانت كل حاجه بينزلوها عن فلسطين
طيب ما مصر اصلا بتستورد منتجات من إسرائيل مش قالوا الشيبسي تبع إسرائيل ونص المصريين بياكلو شيبسي لا مش نصهم دول كتير اوي هما بجد تفكيرهم غلط اصلا يعني انا عندي صحبتي اجنبيه امريكيه مسلمه بتدعم فلسطين طبعا بس هي عايشه في أمريكا نيويورك يعني نيويورك اصلا فيها اكتر من المسلمين بجد يعني هما كتير ومش بإيديهم حاجه هما اتولدوا لقوا نفسهم في دوله بتدعم إسرائيل
هيعملوا ايه يعني وبعدين بيصلو ويصوموا وكل العادات دي بيعملوها وكل عبادتنا بيعملوها أعتقد ان ربنا ما مش هيبقى غضبان عليهم يعني والله أعلم بس ما مسلمين رغم كل الأذى اللي هما فيه ومحاَوطهم الخوف والقلق وفيه مصريين كتير هنا في أمريكا بيشتغلوا هناك واتجوزوا اجانب
هو علشان إسرائيل بتاخد اسلحتها من أمريكا يبقا هي كدا بتدعهم دا مصدر من فلوسهم علشان ياخذوا بلادهم بردو
مش عارفه هل كدا حرام عليا علشان بحب أمريكا ولا ايه مش عارفه خايفه يكون ذنب كبير بس خلونا نبص للواقع بردو
أسئله كانت في ذهني وحبيت أسأل ياريت إجابات تبقى لطيفه، في ناس كتير كانت غلط وحبت انها تروح للطريق الصح بعض الناس ف أمريكا خرجوا من الظلمات إلى النور وفيه ناس كتير. في لوس أنجلوس مسلمين طيب ما احنا كمسلمين نصنا غلط ونص اللي بنعمله غلط يعني الصلاه معظمنا مش بيصلي
نصنا مش عارف يعني قرآن، نصنا كمان مش عارف اي حاجه عن الدين لما نوقف الشباب والبنات في الشوارع ونقول اسم الرسول ايه بيضحكوا زي الكفار ويقولوا ما نعرفش طيب ما تقولوا ترند نلاقيهم بيرقصوا ويغنوا عليه
خلونا مع الحق بردو فيه معظم الناس من أمريكا عارفين دين ربنا كويس اوي واكتر كمان مش ذنبهم بقا انهم قاعدين في مكان غلط مع العلم ان لما حد من المصريين بيروح أمريكا بتحترمهم َبتقدم ليهم كل الحمايه الكامله وبتسيبهم لعبادتهم
مش عارفه بجد انا بقول كدا ليه بس شايفه انه دا الصح وان لازم أسأل بردو ومن حقي ان أسأل وخايفه ان اكون اللي بعمله دا غلط وربنا يغضب عليا
لعرض السؤال في فدني اضغط هنا
أفضل وقت لقيام صلاة الليل لاستجابة الدعاء؟
لعرض السؤال في فدني اضغط هنا
كان جايلي عريس اعجب بيا وأتقدم وانا وافقت عليه عشان محترم ومتدين قعدنا ٢٤ يوم نتكلم تعارف قبل قراية الفاتحة وقالي انه بيحبني وكده وبعدين اكتشفت فيه عيوب مكنتش هقدر استحملها فقولتله باحترام مفيش نصيب وإن شاء الله ربنا يعوضك بالأحسن مني بس كده ماما بتقولي انتي جرحتيه عشان رفضتيه ومش هيسامحك لو هو فعلا اتجرح ومسامحنيش هدخل النار ولا انا مظلمتهوش في حاجة فمش عليا ذنب؟؟
لعرض السؤال في فدني اضغط هنا
السلام عليكم ورحمة الله وبركاته
عايزاكم تفيدوني في موضوع اني كل شويه اتوب من ذنوبي وابقى خلاص بقا اروح ارجع تاني
يضايق جدا من كدا ومش عارفه اعمل وحاسه اني من كتر الذنوب اللي بعملها قلبي مات معتش بيحس بأي طاعه
حتى ذنوبي لما آجي اتوب منها بحس اني مش حاسه بالذنب مش عارفه اعيط مش حاسه اني ندمانه
ارجوا أنكم تفيدوني
السلام عليكم ورحمة الله وبركاته
لعرض السؤال في فدني اضغط هنا
السلام عليكم
انا بقرأ الأذكار قبل ما أنام والحمد لله بدأت أنتظم على الصلاة والأذكار، ليه بحلم بأحلام وحشة مع إني بقرأ الأذكار قبل النوم وهل دى بتبقى أضغاث احلام؟
وهل فعلا الصدقة وعدم تفسير الحلم بتمنع وقوع الأحلام الوحشة لأن انا خايفه جدا مع إن الأحلام الوحشه مجتش إلا فى الفترة اللى نفسيتى بدأت تتحسن فيها وحاسة إنى هرجع تانى لنقطه الصفر بسبب الأحلام الوحشة دى
نفسيتى كانت تعبانه بسبب إن عندى وسواس من الموت والمرض وفعلا مريت بفتره صعبة جدا
لعرض السؤال في فدني اضغط هنا
يا جماعة الخير أنا كنت بشتغل عند واحده غنية جدا كنت تمريض وجليسة
المهم ايدي تطاولت والله انا بتقطع وانا بكتب وأخذت مال ولكن هي معرفتش لان المال كثير كنت أخدت مبلغ صغير
المهم أنا كلمت احد من اولادها وقلت لهم اني اخدت دين من والدتكم بحيث إني استر نفسي وقلت لهم ان يخلوها تسامحني وإني هتصدق باسمها أو هحوش وأرجع المال
هل لو سامحتني وبإذن الله هرجع المال ولو قالت مسامحة مش عايزة المال، هل كدا فيه اثم بردو ولازم أقول إني سرقت ولا أستر نفسي لو هي سامحتني أفيدوني بموت من الندم
لعرض السؤال في فدني اضغط هنا
بحاول كتير أبدأ انتظم في الصلاة واستقيم بس من كتر انشغالي مش عارف وساعات بيكون عندي كسل او حاجة شبه الكسل فلو حد يقدر يفيدني ازاي اقدر انتظم وشكرا
لعرض السؤال في فدني اضغط هنا
مطلقة و الدورة جائت بعد الطلاق بثلاثة ايام و جائت الشهر الثاني و الثالث بعد الطلاق و هي الدورة المعتادة لي هل انا مش حامل و اقدر اتزوج من اخر ام لا لأني سمعت ان هناك نساء تحمل و لا تكتشف الحمل و يكون دورتها منتظمة الا بعد الشهر السادس
لعرض السؤال في فدني اضغط هنا
السلام عليكم ورحمة الله وبركاته، صباح الخير عليكم،
احنا في رجب يعني الحسنات تتضاعف وكذلك السيئات ،قولو طاعات نتجازي عليها ونآخذ الاجر كلنا ،.....
لعرض السؤال في فدني اضغط هنا
لعرض جميع الاسئلة في فدني اضغط هنا