ابنتي في الصف الأول الإعدادي ومن فترة اكتشفت أنها تسرق مني من أجل شراء الحلويات والاكسسوارات تكلمت معاها أكثر من مرة إلا أن وصل أنها سرقت اختها بمبلغ كبير لنفس الأسباب ولا نعرف ماذا نفعل وما الحل مع العلم أنها تأخذ. مصروف شهري
لعرض السؤال في فدني اضغط هنا
أختي بتتكسف من الشباب او الرجاله عامة،
في مره كده خالي كان مسافر بقاله فتره طويله فمرضيتش تروح معانا تسلم عليه علشان بتتكسف
ومرضيتش تكلمه في التليفون برضو علشان بتتكسف
كنا محتاجين طلبات من السوبر ماركت فراحت تيجيبهم
فجات ومجبتش حاجه علشان كان فيه شباب في السوبر ماركت
دي حتى مش بترضى تحضن بابا علشان بتتكسف ومش بترضى تقعد جمبه وحجات تانيه كتير .
انا بتكسف بس مش للدرجه بتاعتها دي
ولما بسألها واضغط عليها بتعيط وبتقولي هو شعور جواها ومن غير سبب
هو ده طبيعي
لعرض السؤال في فدني اضغط هنا
السلام عليكم
أنا كنت متزوج فترة ١٩ عام طوال هذه المدة كنت اعاني من إهمالها لي، كان أهلها رقم واحد عندها وانا لا اعتبار عندها سوى إحضار المال فقط وانفصلنا وبيننا ٤ بنات والأصح هي من قامت برفع دعوى خلع أنا الآن محطم نفسيا ولا استطيع ان التعايش مع الوضع الجديد افيدوني
لعرض السؤال في فدني اضغط هنا
خطيبي طيب اوي مع أصحابه ومع قرايبه وبحسهم بيضحكو عليها مره يقولوا له تعال اقعد معانا ويبقى بينقلوا من الشقه ويخلوه يعمل معاهم حاجات والمفروض انو رايح يقعد معاهم
وصحابه بيشوفوا الحاجه معاه بيبقى مستكترينها عليه ومن كتر البجاحة بيطلبوها منه وان هم عايزنها
في حاجات كتير سواء فلوس أو لبس او ساعه او اي حاجه وكمان بيطلبوا منه لو رايحين في حتة او شافوه في حتة إنه يوصلهم وانا تعبت من كده وحاسة انه كده ضعيف الشخصيه ومش قادره اتكلم معاه
وكمان في حاجه تانية
مفيش لغة حوار بيني وبينه، هو مكنش له علاقات سابقة وانا اول حد في حياته بس انا بحكمة اني اصغر وحده في اخواتي فعارفة حاجات في امور الحب والمطالبات المعنويه بس هو ميعرفش ولما بحاول اتكلم معاه او أشرح له حاجه مش بيرضى يسمع لي
اعمل ايه؟ هو بيعتذر وخلاص ولما بسأله انت المفروض تقول لي ايه السبب اللي مزعلك بيقول لي اصل انا بخاف تكوني زعلانة مني فاعتذر
لعرض السؤال في فدني اضغط هنا
يا جماعه انا تعبت ممكن حد يرد عليا
اولا انا عندى ١٧ سنة وفى ٣ ثانوى دلوقتي وده مأثر على نفسيتى وكل يوم وكل ثانيه بفكر في الموضوع ده ومأثر على مذاكرتى وطول الوقت خايفه
انا معايا توأم ولد كنا صغيرين اعتقد في ٣ ابتدائى كده كان ياخدني ويعمل حاجات مش كويسه المهم انا مرة على مرة كنت برفض وكنت معرفش أي حاجه ومعايا اخويا اكبر منى كان بيقف ورايا وكنت صغيره برضو كان بيعمل حاجات مش كويسه وكان بيمسكنى من أماكن مش كويسه.
المهم بلغت وقلت لماما وقالت لي متخليش حد يلمسك وبعدها كنت انا ونايمه بحس حد بيلمسنى وبعدها بتحرك وبعدها بلاقى اخويا الكبير اللي المفروض سندى المهم عرفت عن موضوع غشاء البكارة ده ومكنتش أعرف حاجه حرفيا لما عرفت وادركت حكيت لماما الموضوع لان انا يا جماعه لو عايزة حاجه غلط مكنتش حكيت لماما
المهم عاقبتهم وبطلو يعملو كده بس انا لسه مأثر فيا كل اللي كان يعملوه معايا وخايفه أوي اوي ليكون حصل حاجه في الغشاء مع العلم عمرى ما شفت دم غير في الطمث بس وهما لما كان بيلمسو يلمسو من برا المهم مأثر على نفسيتى وخايفة وانا حكيت لماما بس هيا شتمتهم بس وبطلوا قولولى اعمل ايه طمنونى
لعرض السؤال في فدني اضغط هنا
انا متقدملي عريس كويس ومحترم ومعتمد على نفسه بس مامته عندها مرض ضمور في المخ بس انا خايفه يكون المرض وراثي بس أخته متجوزه ومخلفه وعيالها كويسين الحمدلله
لعرض السؤال في فدني اضغط هنا
انا تعبانه وحياتي مدمرة بسبب بعيد تالته ثانوى لأول مره عارفة انه نصيب ولازم اكون راضية بكل حاجه بس انا حقيقي تعبت واتخذلت من صديقة عمري واستمرت بسببها انا قلبي مكسور بسبب حاجات كتيررر اه بدأت اذاكر بس انا مكنتش بفهم ولا بعرف احل انا دخلت هنا علشان ممكن حد يفهم وجعي واحساسي انا تعبت والله
لعرض السؤال في فدني اضغط هنا
أنا شاب عندي 20 سنة متعاملتش مع بنات خالص والموضوع ده مأثر فيني حاسس في حاجه غلط وانا مش من النوع اللي بهتم أن اكلم بنات وكدا علشان شايف أن مفيش سبب يخليني اكلم بنت بس بعد كدا واحد قالي بما انك في فترة الجامعه حاول تتعلم انك تختلط معاهم وكدا بس لما جيت اجرب لقيتني طول الوقت ساكت مش بكلم عكس لما اكون مع صحابي بكلم ويضحك حتي البنات القريبين مني مش بعرف اتعامل معاهم زي اخواتي البنات أو اللي في العائلة عامة
،عايز حد يقولي ازاي اتعامل معاهم
لعرض السؤال في فدني اضغط هنا
لو شخص بينظر ليا ولما اجي انظر لي يبعد عينو مثلا لما يكون في مسافه كبيره بينو وبيني بس يعتبر قصادي او كده بيبعد اكتر انا حتي مش قادره افهم من نظراتو هو معجب ولا كارهني ولا نظرات عادي
وش اسوي
لعرض السؤال في فدني اضغط هنا
السلام عليكم،
انا كنت بحب واحد معايا في الدراسه وقعدنا اكتر من سنتين مع بعض مكنش مجرد ارتباط بالنسبة لنا، ومن شهر ونص او اكتر ابن خالتي جه كلمني وكان عايز يتقدم لي رسمي.
انا في الاول رفضت بس اهلي مكنوش عاوزني ارفض علطول قعدوا يقولوا لي فكري فكري اشتغلت في حيرة كبيرة بسبب إن اهلي مش مقتنعين باللي بحبه بسبب ان هو لسه بيدرس وقدامه كتير لحد ما يجي رسمي
وكانو مقتنعين جدا بابن خالتي وانا مكنش عندي الشجاعه الكافيه او الثقه اللي تخليني اقنعهم باللي حبيته لحد ماجيه واتقدم رسمي وقرأنا فاتحة.
وقتها كنت قطعت علاقتي باللي بحبه وحاولت على قد ما اقدر ابعد حاولت أنسى حاولت اتعلق بابن خالتي اكتر وبالفعل عملت كدا بس الواضح إن من الاهتمام ابن خالتي اتعلق بي اسرع
انا مجرد جسد بيتحرك وبس جسد بلا روح واللي بحبه بيتعذب بسبب فراقي انا عارفة اني ظلمته بس انا كمان ظلمت نفسي من الناحية التانية عشان مقدرتش اواجه قصاد حب حياتي وحاليا ابن خالتي اتعلق بيا جدا اللي هو بالنسبة له الموت اللي هيبعدني عنه فتعبت كل ما بشوفه قلبي بيوجعني وحاليا بيحاول يتواصل معايا وانا مش عارفه اعمل إيه ارجع في قراري ولا اكمل و ارفض اني اتواصل معاه تاني
لعرض السؤال في فدني اضغط هنا
انا متزوجه من 30سنه من شخص نرجسي هو عنده عقد كثيره اكبر عقده ان امه توفت وهو عمره سنه ونصف وابوه اتجوز اخت امه وهو واخواته اتربو في بيت عمتهم وبيت جدتهم ام ابوهم
في حين ان مرات ابوهم اللي هي خالتهم خلفت ثلاث اولاد وعاشوا عادي مع ابوهم و امهم معنديش تفاصيل كتير بس بحس ان جوزي بيعاملني انا كاني مرات ابوه و بينتقم مني كارهني كاره اولاده كلهم ما شاء الله مراكز
بخيل في كل حاجه حتي كلامه انا بعد هذا العمر تعبت نفسيا كتير كنت بفكر في الانفصال بس هو همه الشكل قدام الناس
ومفيش حد ألجأ ليه من اهله او اهلي و المشكله الاكبر ان عندنا بنت في الجامعه بتعاني من معاملته الجافه معاها عمره ما اتكلم مع اولاده بود دايما بيتكلم بجفاء وانا بقيت حاسه باكتئاب بالجأ لربنا كتير و بدعي كتير بس حاسه اني عايشه ميته بتمني موته بتمنى يخرج ميرجعش البيت ينام ميقومش او اني اموت وارتاح
انا خارجه من اسره ابويا بيحب امي وبيقدرها و بيقدرنا احنا كمان كأولاده و بيعبر عن حبه لينا اعمل ايه ساعات بفكر انهي حياتي بس خوفي من ربنا بيمنعني
لعرض السؤال في فدني اضغط هنا
السلام عليكم.
انا اهلي منفصلين بقالهم 10 سنين تقريباً
احنا 3 بنات وعايشين مع بابا، هو اتجوز من 9 سنين وطلقها بقالو تقريباً 8 شهور وفي نفس اليوم اللي طلقها فيه اتجوز واحدة تانيه
اللي اتجوزها تبقى اخت الشخص اللي كان خطيبي وقتها انا كنت مخطوبه لاخوها وهي وبابا اتكلمو وحبوا وبعض واتفقوا على الجواز وانه يطلق مراته
بابا كان في بينه وبين مراته مشاكل كتير فهو استغل دا عشان يطلقها ومسك على غلطه ليها وطلقها وكانت حاجه تافهة واتجوز في نفس اليوم.
من وقت ما اتجوز اهتمامه بيا انا واخواتي قل جدا زي ما قلت فوق احنا 3 بنات انا 22 سنه واختي الوسطي 21 سنه والأصغر 17 سنة.
أمي متجوزه بقالها 3 سنين وعايشه في بلد تانيه بنشوفها مره او مرتين في السنه بنقعد عندها شهر وبنرجع ودايما على تواصل معاها.
بابا من وقت ما اتجوز الست اللي هي اخت الشخص اللي كان خطيبي اللي هو اصلا اذاني نفسياً وصحياً وغيره وبابا كان عارف بدا وبردو اتجوز اخته
من وقت ما اتجوزها بقى الحب كله ليها هي، بقى عصبي معانا جدا وحنين معاها حتى لو غلطت مش بيزعقلها بيتكلم معاها بهدوء عكسنا خالص
طلباتها كلها مجابه واحنا طلباتنا كلها مرفوضة بحجج كتير مرة مفيش فلوس ومرة مش وقته حتى لو كان علاج لينا او كشف
ولو هي بدأت تكح بس بيجري بيها عند الدكتور فوراً هما حالياً متجوزين بقالهم 8 شهور تقريباً وهي حامل في أواخر الشهر الخامس ومن وقت ما عرفنا انها حامل اهتمامه بيها زاد اكتر وبقى شغل البيت كله عليا انا واخواتي
انا واختي الوسطي بنشتغل وبابا كمان بيشتغل عنده سوبر ماركت ودخله كويس جدا وبابا بياخد مرتباتنا كلها ولو اخدنا جزء صغير من المرتب بيحصل مشكله ولو مراته غلطت فينا مش بيتكلم لكن لو واحده مننا زعلتها بيتعصب جدا وممكن كمان توصل للضرب احياناً وهو رافض تماماً فكره اننا نعيش عند ماما واحنا مش عارفين نعمل اي ونفسيتنا وحشه اوي انا واخواتي أتمنى تلاقولي حل
لعرض السؤال في فدني اضغط هنا
السلام عليكم ورحمه الله وبركاته
انا زوجة من 17 سنة وزوجي عصبي و سباب وعديت امورى ف الاول لانى كنت ف الاول معنديش وعى كافى لان كنت متجوزه صغيره و ان الى فيه طبع عمره ماهيتغير وكمان كنت بحبه ومكنتش شايفه الدنيا من غيره مع العلم جوازنا عن حب وعشت ومريت باصعب الظروف والتقليل منى بشكل صعب وخلفت تلاته اولاد وانا شخص بحترم نفسى جدا وبراعى ربنا والله عمرى ماكنت سبب ف مشكله الا ان المشاكل بيدخلى بيها وجيت ف اخر خمس سنين زود العيوب عيب وبقى انسان خاين وعرف عليا واحده وبيكلم وعايش حياته بره وعايزنى اكمل وابقى عايشه وراضيه وانا كل الى كان مصبرنى حبى ليه ودلوقت الحب انتهى واتحول لكره بس من المشاكل الى عندى انى معنديش خيار تانى لان اهلى يعتبرو مش موجودين امى الى كانت مصدر الامان ليا ماتت وبابا اتجوز وجبهالى ان كل واحده تعيش ف قفا زوجها وتتحمل وحياتى وقفت ودلوقت انا مش عارفه اعمل ايه نهائى بس كل الى متأكده منه ان هو ضمني اوى وبيلعب ع الدور دا وبزياده
لعرض السؤال في فدني اضغط هنا
انا مخنوقه جامد ومش عارفه اتكلم مع مين حقيقي بس انا عندي مامتي حرفيا مش بتفهم كل همها كلام الناس وانا أولع عادي والموضوع دا من زمان انا حتي حاولت انتحر 3 مرات قبل كدا واخدت سم ومحصلش حاجه ودلوقتي انا ثانويه عامه وهي قرفاني حقيقي انا كل ما بصلي بقول يارب يجيلي كانسر واموت كنت ساعات اقوم بليل الفجر وادعي بكدا ودلوقتي عايزه أنتحر بس انا بخاف جدا من السكينه.وبفكر اهرب من البيت بس مش عارفه اروح فين انا.❤️🩹
لعرض السؤال في فدني اضغط هنا
متقدملي عريس فيه كل الصفات الحلوه اللي بتمناها في شريك حياتي بس المشكله الوحيده انه رقبته فيها مشكله ومعووجة على جمب أعمل ايه انا محتاره وصعبان عليا ارفض
لعرض السؤال في فدني اضغط هنا
السلام عليكم
أنا سيدة متزوجة بقالي20سنة وعن حب تزوجنا وعندنا 3بنات
حالتنا الماديه علي قدها بس مبسوطين وزوجي موظف، بعد مرور فتره كبيره اكتر من 16سنه ابتدت مشاكل تظهر بسبب التراكمات باختصار انفصلنا بشكل غير رسمي لمدة 4شهور واتفقنا ع الطلاق وكان في بيننا مشاكل صعبه
وكنت واخده قرار اني مستحيل ارجع وبعد محاولات منه كتير رجعت، ورحعت كأني واحده جديده مش انا
في فترة ال 4شهور وقبل ما نرجع بشهر والدي اتوفى، المهم رجعت حسيت نفسي واحده تانيه بحبه اكتر من الاول حتى أكتر من لما كنا مخطوبين
بقيت متعلقه بيه بشكل مش طبيعي ف عز حبي ليه زمان عمري ما كنت كدا ما بحسش بالراحه والامان الا وانا ف حضنه بحس ان الدنيا كلها وراحتها ف حضنه لدرجة اني بطلب منه كل شويه انه يحضني
نسيت اقول ان في فترة ال4شهور انفصال هو ارتبط عاطفيا بواحده تانيه وعلى حسب كلامه انه محبهاش كان بشوفها من ناحية الجنس بس وكان هيرتبط بيها علشان موضوع الجنس ولانه مش بيعمل علاقه ف الحرام
مع العلم ان الست دي عرضت نفسها عليه وهو رفض لانه عنده بنات وخايف عليهم مش عايز يعمل علاقه في الحرام
المهم هو حكالي كل حاجه بعد انا اكتشفت العلاقه دي من اول يوم رجعت له فيه عن طريق الشات اكتشفت غير احساسي القوي جدا بإن في حاجه غلط
أقسم ووعد انه خلاص قطع علاقته بيها وفعلا فضل ملتزم لحد امبارح النهارده لقيت رقمها ع سجل المكالمات ولما واجهته قال انه عايز منها خدمه ف الشغل، هي بتجيب عقود سفر وابن اخوه عايز يسافر فهو اتوسط له عندها بس انا رفضت الموضوع وانهرت قدامه اول ما شوفت رقمها واتعصبت وانهرت تماما
قالي انه عايز منها خدمه رفضت انه يبقي في علاقه بينهم من اي نوع وده حقي بعد ما قالي هعملك اللي انتي عايزاه وطبعا انا خلاص انعدمت الثقه ف اي كلمه بيقولها تماما ومش عارفه اعمل ايه مش قادره أبعد عنه مش هقدر انا مليش حد غيره ف الدنيا لا اب ولا ام ولا اخوات ولا حد انا اكتر من بحبه وهو كمان متمسك بيا
بس انا مش عايزاه يتعامل معاها ومش هقدر أثق ف ولا كلمه هيقولها غير انه قلب عليا الترابيزه وزعل علشان انا اتجسست ع الفون وحاليا انا منهاره وهو اللي زعلان مني انا مش عارفه اعمل ايه
معنديش حد اتكلم معاه ما اتكلمتش مع حد غيركم
اعمل ايه
لعرض السؤال في فدني اضغط هنا
أنا عايزة حد يرد عليا لأني قربت اتجنن أو اموت من قهرة قلبي وحسرتي على نفسي
انا كنت مخطوبة بقالي 4 سنين وكان فاضل شهرين علي فرحي وحماتي حسبي الله ونعم الوكيل فيها دمرت كل حاجه في لحظة بدون سبب
هو كان زميلي ف الجامعة حبينا بعض وقررنا نتخطب عشان كل حاجه تبقى في النور وهو كان خايف انى اضيع منه اتخطبنا في سنه تانية وبعدين اتفق مع اهلي ان اول ما هنتخرج هنتجوز وكان شغال وعنده شقته تمليك وكل حاجه تمام
اشتغل خلال سنتين الجامعة ووضب شقته وعملي كل الي انا عايزاه وكان طالع عينه حرفيا ما بين دراسة وشغل واتبهدل بجد عشاني ومبخلش عليا بأي حاجه ولا قصر ف دراسته بأي شكل ما شاء الله
بعد التخرج كان المفروض مالوش جيش عشان عنده إصابة في رجله لكن للأسف دخل الجيش وضاعت مننا سنة كمان ع الفاضي وبفضل الله عدت السنه وكانت صعبة اوى عليه وعليا نفسيا ومعنويا وكل حاجه وطبعا مقدرش في خلال السنة دى يحوش ولا يعمل اى حاجه
قبل ما يخلص جيش ب 4 شهور رتبنا انا وهو اننا هنجهز جمعية اول ما يخرج يرجع شغله اللي كان فيه ويدخلها نجيب بيها الفرش ونعمل الفرح ونتجوز علي طول بعد الجيش بشهرين
وكل حاجه كانت تمام واتفق مع اهلي ع كده
وطول فترة الخطوبة هو اللي بيتفق مع اهلي على كل حاجه وهو المسؤول عن كل حاجه لأنه شايل نفسه تماما وأهله شايلين ايدهم من كل حاجه وملهمش دعوه بيه في اى شيء كأنه مش ابنهم حتي انا واهلي لا كانو بيسألو علينا ولا بيودونا ولا لهم اى احتكاك بينا نهائي
في الاول انا ووالدتي كنا بنكلم والدته ونسأل عليها وساعات نروح لها لحد ما لقيناها مش مقدرة اى حاجه بطلنا تعامل احنا كمان او بالأخص ماما لكن انا كنت بكلمها من وقت للتاني اتطمن عليها ف المناسبات وخلاص
وكانت مش بترد اى حاجه بنعملها وتعاملها قمة ف قلة الذوق رغم اننا مجيناش علي ابنها ف اى شيء واحسن معاملة وترحاب مننا وكفاية اصلا ان اهلي قبلوا بيه وهو صغير كده ولسه قدامه كتير لكنهم توسموا في حسن أخلاقه واعتماده علي نفسه وانه شاريني وجد مش بيلعب ولا عيل صغير زى اى شاب ف سنه
المهم اول الشهر ده بقى خرج وظبطنا الجمعية بابا كتر خيره هو اللي جابهاله ودورنا ع اماكن للفرش وقاعات للفرح وكل حاجه كانت تمام وكان بقالي سنه جبت فيها كل جهازي حرفيا من الالف للياء من أجهزة لهدوم لرفايع ومفروشات وكل حاجه وبقيت حاطه ف كل حته حاجه ومبقالهمش مكان حرفيا
جت والدته اول ما عرفت باتفاقه مع والدي قلبت الدنيا وزعقت وعيطت ورفضت تماما كأننا هنعمل حاجه حرام او حاجه غلط ولا عيب وقالت له لأ أجل سنه عشان انا عايزة ابيع شققك انت واخواتك واشتري بيت عيلة!!!
يعني القرار ده وصلت له فجأة كده! طب ما كان عندك كل السنين الي فاتت تعملي كده اشمعنا دلوقتي!
وغير كده عندها حالة وفاة ابن اخوها مات تقوله لأ لازم نأجل سنه احتراما لحالة الوفاة
المفروض والطبيعي والمتعارف عليه اى حالة وفاة بيتأجلها شهر شهرين 3 بالكتير انما سنة!! علي واحدة مخطوبة بقالها 4 سنين؟!
مش بالذمة ده حرام! يعني ده ف شرع مين؟! وليه اصلا الافترا ده !
طبعا هو رفض تماما ووقف قدامها وزعق وعمل كل حاجه راحت عاندت معاه اكتر وقالت له ملكش شقق عندي روح اتجوز ف ايجار! مستغله ان الشقق باسمها اكمنها جابتهم وهما تحت ال21 فكاتبه كل حاجه باسمها
وابوه حرفيا مش موجود مالوش كلمه ولا رأي ولا حد عارف يرجعها عن اللي ف دماغها واخواته نفس الشيء مفيش حد واقف جنبه حتي لو من وراها كلهم بيخافو منها ومحدش عارف يقول كلمة حق ترضي ربنا
حسبي الله ونعم الوكيل كسرت فرحتي وقلبي وكسرت ابنها
وفوق كل ده قابلت اهلي وكلمتهم بمنتهي قلة الذوق واحرجتهم وقالت علي خطيبي كلام كله كدب عشان تطفش اهلي وتكرههم فيه وتقول انها كانت معترضة ع الخطوبة من الأول طب م كنتي تقفي وترفضي الخطوبة جاية دلوقتي تعترضي وتعملي كده ليه بعد بنت الناس اللي ربطوها سنين جاية دلوقتي ترفضيني انا واهلي وانتى مشوفتيش مننا اى حاجه وحشة
حتى لو كانت معترضة ع الأقل دخلت بيتنا وشافتنا ناس كويسين وشافتني اد ايه بحبه وبحترمه وشافته اشتغل ووضب شقته وربنا كرمه ودلوقتي بابا جابله جمعية
يعني كتر خيرنا وزيادة ليه بقى تقف ف طريقنا وتعمل كده
هو حد دلوقتي يطول ان ابنه يتجوز وهي كأم متعبتش ف جوازته بأي شيء! ده حتى شقته حاطط فيها اكتر من نص تمنها لأنه كان بيلعب كورة زمان وكان معاه فلوس
يعني تاخد منه شقاه وتعبه وتحرق قلبي انا ووالدتي ليل نهار بنعيط من الصدمة ومن رفضها لينا ومن كل الي حصل
لأن بجد اهلي عاملوه ع انه ابنهم ووقفوا جنبه واحترمو جدعنته واعتماده علي نفسه ومشافش مننا اى حاجه وحشة ليه دى تكون جزاتنا ؟!
انا هموت من الحزن وكسرة قلبي ومش عارفه ليه كل ده حصل !!!!
لعرض السؤال في فدني اضغط هنا
السلام عليكم ورحمة الله وبركاته
بواجه مشكلة إن أنا مش شخصية اجتماعية ولكن انا من جوايا عايزة أبقى شخصية اجتماعية وحقيقي حاولت كتير اووى فى الموضوع ده وسمعت نصائح وبودكاست ولكن لا نتيجة.
وخصوصا لما اكون في مناسبة عائلية وكل العائلة موجودة ببقى نفسي أدخل معاهم في نقاش أو أي حاجة علشان أكسر الحاجز اللي مخليني مش عارفة أبقى اجتماعية، ولكن بفشل وحتى لو جت الفرصة ودخلت في نقاش بفضل أسمع فقط ومبتكلمش وطبعا ناس كتير فضلت تقول لماما ليه بنتك قافلة على نفسها كده ليه حتى لما بكون في الجامعه ببقى شايفة البنات كلها مندمجة مع بعض إلا أنا ببقى لوحدي ومبديش حد فرصة حتى إنه يتكلم معايا مع إن أنا ببقى عايزة الناس تكلمني وأنا أكلمها لكن بفشل بجد
علشان كده برفض أروح أي تجمع هيحسسني إن أنا شخصية مش اجتماعية لدرجة إن لقيت نفسي بقيت منعزلة بسبب إني بقيت أرفض أروح أي مكان.
لعرض السؤال في فدني اضغط هنا
إزاي اعمل كنترول للساني
من بعد ما اكتشفت للمره المليون انه مفيش صحاب ولا بتنجان
كان معايا ٣ بنات في الاوضة في السكن، طبيعي نبقى صحاب لأننا عايشين مع بعض، كنت بعاملهم بأحسن معامله وكنت بعتبرهم صحابي بجد بس مش بجد قوي الحمد لله
المهم حصلت معنا مشكلة بينتهم كلهم على حقيقتهم وأنهم ميأتمنوش على أي كلمة
المفروض بقى ان كلامي يبقى بحدود
أعمل كده إزاي بقى
لعرض السؤال في فدني اضغط هنا
السلام عليكم ورحمه الله وبركاته
لو هناك مدرس من المدرسين يظهر في لمحات وجهه ويظهر على كلامه أنه يستهزئ بي وسبب ذلك أني أحاول جاهدًا أنأطيع ربي جل جلاله فأقيم الصلوات الخمس في جماعة وفي وقتها وما شابه ذلك مع العلم أنني غير مقصر في دراستي البتة فاذاكر واجتهد مع انني ايضا مجتهد في دراسه الشرعية فاتعلم القران واجتهد، لكني مثلا اذكر موقفا.
انني كنت في رحله من الرحلات المدرسيه التي تقيمها المدرسه فسألت أصليت العصر سؤال استهزائي، هذا يظهر من نبره صوتك. فقلت له ساصلي باذن الله ثم أتى ثانية فقال أصليت العصر؟ فلم ارد عليه.
فكيف اتعامل مع هذا النوع من المدرسين؟ جزاكم الله خيرا؟
لعرض السؤال في فدني اضغط هنا
زوجي رجل عملي وانا رومانسيه بيحب اتعامل بمشاعري
لكن هو لا بيعرف يتكلم كلام حب وحلو ولا بيعرف يعمل مفاجئات ولا بيعرف يجيب هدايا ورزين جداا لكن حاسه ان قلبي جف ونشف و لما بتكلم معاه بيقولي انتي عارفه اللي في قلبي ومتاكده. منه بس انا حاسه ان مشاعري قلبت وقلبي بقي فاضي وخلص ازاي ارجع اللي في قلبي ده تاني وازاي اخليه هو كمان يعبر ويحسسني بالحب ازاي
لعرض السؤال في فدني اضغط هنا
السلام عليكم
انا عندي اكتر من مشكلة كلهم بدأوا لما ماما اتوفت …
اتوفت فى شهر 1 اللى فات، انا فى تانيه كلية والاخت الكبيرة وعندي اخت فى ثانوية عامه واخ فى اولى اعدادي …
المهم مسؤولية البيت كلها بقت عليا فى اول كام شهر مكنتش حاسه بحاجه لان كان فى كذا حد بيساعدني بس من ساعة ما الدراسة بدأت والمسؤلية زادت خالص ومحدش بيساعدني نهائيا
والمفروض اكون واخدة بالي من نضافة البيت واحضر فطار وغدا وعشا وفى نفس الوقت اهتم بنفسي وشكلي وحفظي للقرآن لان دي وصية امي الله يرحمها
وبالدراسة لان دي السنه اللى هيترتب عليها التخصص وبرضو المفروض اسمع لاخواتي وأذاكر لاخويا الصغير لانه كمان صعب خالص ولو اتلهيت عنه بيبقا نزل الشارع
وطبعا بابا طول اليوم فى الشغل حرفيا وانا مبحبش اضغط عليه لانه فيه اللى مكفيه وبصراحه بخاف أقول له يقوم يفكر يتجوز …
انا بجد تعبت خلاص ومعنديش طاقة مبعرفش اعمل كل حاجه دايما لازم بيبقا فى نقص وكذا حد من قرايبي شايفين ان ده دلع وانى اقدر اخد بالي من كل ده بس بجد تعبت والله وحتي شكر وتقدير من اللى فى البيت مبلاقيش نهائيا
يعني مثلا اليوم اللى معملش فيه اكل تلاقيهم بيقولو انا مش قد المسؤولية وماما مكنتش بتعمل كدا اعصابي تعبت كل يوم بصحى بدري احضر فطار وبعد كدا غدا والبس وانزل الكلية وانا مستعجلة ولو نزلت بدري اكيد بيبقا الاكل متعملش وارجع تعبانه مش عارفة اعمل اي ولا اي
لعرض السؤال في فدني اضغط هنا
السلام عليكم ورحمة الله وبركاته
انا جوزي هاجرني ليه شهرين ونص ع الرغم انه عايش معايا مش بيسافر ومتجنبني خالص اسلوبه في البيت أوامر بس اسلوبه معايا حازم جدا كأنه بيتعامل مع حد غريب ولا ضحكه ولا هزار والبيت كله اكتئاب بيرجع من الشغل يقعد ع الفون لحد ميدخل ينام وانا مليت جدا عندي طفلة عندها سنتين والهجر في العلاقه برضو
لعرض السؤال في فدني اضغط هنا
أنا مليش صحاب، وأنا والله العظيم ويشهد ربنا إني طيبه مع الكل اللي أعرفه واللي معرفوش ، واللي مصحباه واللي مش مصحباه ، يعني بإختصار أنا والله طيبه مع الناس كلها ، وأي حد بيعوز مني كتاب ، ملخص ، أحلله واجب ، مش ببخل ولا مرضاش ، بساعده وربنا شاهد بكدا ،
**
النهارده لما كنت في المدرسه كنت محتاجه أشوف معنى كلمة في ملخص ، وأنا كان في بنت جنبي في الدسك والبنت دي بالذات والله العظيم بديها وبعملها أي حاجه ،
قلت لها ممكن يا اسماء الملخص لحظه ، نتشته من ايدي وقالت لي لأ أنا مش عايزه حد يغش ، مع إننا وقتها مكناش في امتحان ،
وقبلها كانت مدياه لبنت تاني ، وأنا اللي كنت متأكدة وواثقة انها هتقولي ايوه خديه ، طلعت غير ظني ، ووقتها أنا قلت أستأذنها برضوا ، بس طلعت خبيثه بمعني الكلمة،
وكذا مره أسألها عن سؤال مش عارفاه أو مش متأكده منه ، تديني إجابة غلط وتقولي زي ما انا حالاها وأروح أصحح أنا وهيا ، تطلع اللي ادتهالي غلط وتبقي غير بتاعتها ، ولما جيت أقولها قالتلي آسفه أصلي مقرأتش السؤال حلو ، مع انها قرته حلو والله ،
وفي بنت تاني برضوا بساعدها وأعملها كل حاجه فإيدي والله اسمها إسراء ، كنت قاعده أنا وهيا وكنت بقولها حاجه ، وهيا مطنشاني مع اني انها سمعاني ، والله العظيم والله العظيم قلتها لها أكتر من عشر مرات وكل ماجي أقولها لها تقولي ايه وأقعد أقول بحس اني بكلم نفسي ، وأنا بجد 🥺 والله تعبت وزعلت قوي
لعرض السؤال في فدني اضغط هنا
السلام عليكم أنا بنت أنا دلوقتي عندي 14 سنه من كام سنه يمكن لما كان عندي 11 أو 12 سنه أمي أخدتني عند دكتورة مخ وأعصاب وقالتلها اني مجنونة وعملت لي إشاعة على المخ ، اللي بيحطو للواحد أسلاك كهربا ملونة علي شعره ، المهم،انا وقتها الحمد لله طلعت سليمه ومش محنونة وهي عارفه كدا بس معرفش هيا بتكرهني ليه
وقتها لما أخدتني مكنتش عارفه رايحين فين ومقالتليش هي أصلا وعرفت أخويا اللي أصغر مني بسنتين انننا رايحين عشان أعمل اشاعة علي المخ ، ودلوقتي أنا مش قادره أتخطى الموقف ده بقالي أكتر من سنتين أو تلات سنين
ولما آجي أقولها متعمليله كدا ( قصدي على أخويا) تقولي هو مش مجنون ، وأنا مش قادره أسامحها ولا متخيلة إن يجي يوم من الأيام وأنسي الموقف ده وأنا وعدت نفسي اني مش هسامحها في يوم من الأيام والموقف موجود في ذاكرتي زي ما يكون حصل امبارح،
وكمان هي في حاجات كتيره بتفرق بيني وبين أخويا ، حتي بابا قبل ما يتوفى بكام يوم كان موصيها انها متضربنيش أو تزعلني والله ، أدعو له بالرحمه بالله عليكم ، والسلام عليكم ورحمه الله وبركاته
لعرض السؤال في فدني اضغط هنا
السلام عليكم ورحمة الله وبركاته
زوجي مريض كهرباء علي المخ وما شاء الله ربنا يهديه يارب كويس وطيب وخدوم مع كل الناس إلا معي
محى شخصيتي تماما ، الكلمة كلمته والرأي رأيه والشورة شورته ، عصبي عليا كتير
لو أردت شراء ابسط الأشياء لنفسي حتى لو كانت إبرة ، يغضب لأني لم أستأذنه ،
بيستكتر عليا النعمة ومش عايزيني اجيب حاجة رغم ان فلوس الحاجة دي من اهلي
يا إما اضع في يده المال وهو يتصرف يإما لا اشتري
ولو اخد المال مش هايجيب لي شئ وهاياخده
يإما يغضبني ويهددني روحي بيت اهلك مش عايزك
ما الحل في هكذا شخصية !! انا بقول عصبيته بسبب الكهرباء على المخ وبخاف ازعله ،
لا اريد انفصال ، اريد طريقة تعامل بما يرضي الله معه !!
لعرض السؤال في فدني اضغط هنا
السلام عليكم
انا عندي 19 سنه بعاني من مشاكل في حياتي منهم اهلي
اهلي يعتبر هما بياخدوا قرارات في حياتي المعاناه بدأت من ٦ سنين بداو يحطمون أحلامي ومستقبلي وفي عادات وتقاليد عند اهلي ان البنت مسيرها تتجوز وتعليم لا ومش مهم مين يكون الشخص المهم عندهم اني اتجوز وامشي من عندهم
جبت مجموع في الثانوي 94 في الميه ورفضوا رفض تام اني اكمل ومن تلات سنين اتقدملي واحد قريب بابا وانا كنت رافضه بس ذنوا عليا لحد ما وافقت من الضغط اللي انا فيه والحمد لله اتفسخت الخطوبه والمشكله الشخص دا عاوز يرجع تاني وانا رافضه عشان بعد الخطوبه اكتشفت انو شخص مش كويس وكداب وخاين وأهلي موافقين ان ارجعلو تاني وانا رافضه ومش عاوزة أرجع له لاني حاسه اني هروح لسجن اهلي ضاغطين عليا جامد وانا بعيط من اول ما بصحا لحد ما انام وضرب واهانه انا بصلي وبدعي ربنا كتير واسفه اني طولت وأرجو الإفادة
لعرض السؤال في فدني اضغط هنا
السلام عليكم
انا محتاره جدا ومش عارفه اخد قرار انا بحب واحد جدا وبحبه بصدق وهو بيحبنى بس على طول يتكلم معايا ف كلام خارجى كلام عيب خالص وانا كذا مرة نبهته وبعدت عنه بس هو اتأسف وقال مش هعمل كده تانى ويرجع يعمل مع انه فيه شخص تانى محترم وكويس جدا معجب بيا وكان عاوز يدخل حياتى وانا رفضت علشان الاول علشان انا بصونه وبحبه بس حاسه أنه مش بيحبنى زى ما بحبه كده
عاوزة نصائح والمفروض اعمل ايه
لعرض السؤال في فدني اضغط هنا
انا عندي 14 سنة زعلانه اوي على عمري اللي عدى وانا معملتش حاجه رغم كل الي في سني عملوا انجازات كتير
أنا دايما مدمره بعيط من غير سبب ممكن اكون قاعده عادي بضحك وبهزر فجأة الاقي نفسي بعيط وانا مش بحكي حاجه لاي حد ولا حتى لاهلي لاني بكل بساطه لو حكيت لهم هيحبوطني اكتر مش هيطمنوني
لا هيقعدوا يقولوا كنتي فين من زمان جاية تفتكري دلوقتي انتي الي عملتي كده في نفسك وبيقعدوا يدعوا عليا اشد الدعاء وعقدوني من كل حاجه في حياتي بجد
سهل عندهم انهم يقولولي كلام يجرح او يضايق ممكن اكون طالعه رايحه الدرس ماما تدعي عليا تقولي يا رب ما ترجعي خلوني مش عندي ثقه بنفسي دايما اللي على لسانهم انتي دمك تقيل انتي بتعملي كده ليه
شوفي الناس بتتعامل ازاي شكلك وحش اوي بجد يا رب تموتي
دا كل الي علي لسانهم ودايما يعايروني، أنا بقيت مش حاسه ب الامان من الدنيا دي خاالص أنا بجد تعبت اووي ومش قادره اتحمل بقيت بمشي في الشارع عنيا بدمع واعيط كان نفسي يبقوا غير كده واحكيلهم كل الي في قلبي ويطمنوني بس هما مش مقدرين اي حاجه كذا مره كنت بقول لاختي هنتحر تقولي ياريت بس بره في الشارع بقا علشان متجبليناش هنا مصيبه أنا بجد مش عارفه اعمل ايه أنا تعبت منهم اوي وتعبت من حياتي محدش محفزني علي حاجه
حد يقولي اتصرف ازاي معاهم
لعرض السؤال في فدني اضغط هنا
السلام عليكم
في موضوع زاعجني جدًا ، أمي دائمًا بتنتقدني قدام عماتي أو العيلة بشكل عام او اهلي واخواني كثير أو بيني وبينها ع انفراد ، حكيت لها لا تنتقديني على أقل مش قدام الناس بتحكيلي اذا ما انتقدت ما بتتعلمي لهيك مش عارفه شو اسوي دائمًا كلامها بجرحني وبزعلني وبأثر فيني كثير وبفقد ثقتي بنفسي خصوصًا إنها امي مش حدا غريب بس بحاول اسكت عشان أبرها شو بتنصحوني اعمل ؟
لعرض السؤال في فدني اضغط هنا
ممكن حد يساعدني ضروري انا كان في واحده صاحبتي معايا بقالها سنين
في مره واحده قلت اعمل حساب فيك واكلمها منه واعرف هي بتحبني ولا لا فكنت بعرف منه هي عايزه اي واجبهولها من الحساب الأساسي بتاعي
هو انا اسمي ملك والحساب كان اسمو ريتاج
ريتاج كانت بتقولها انا صاحبه ملك جداا وبقعد معاها في البيت وهي كانت بتصدق. مر الوقت ومن حساب ريتاج بدأت اتحكم في البنت واقولها اعملي كده ولا متعمليش
يعني كنت بقولها مفيش نزول وكنت بقولها تفضلي قاعده على الموبيل ومش هتقومي إلا لما تقولي وكنت بشتم فيها لو قفلت من غير ما تقولي بس البنت كانت بتعيط فكنت بقولها انتي لو قفلتي من غير ما تقولي تاني الموقع هينزل صورك علي التيك توك وكدا
فكانت بتعيط وتموت من العياط وكانت تقعد تتاسف كتير كتير اوي بجد انا كنت بزعلها اوي والله كنت بحبها معرفش عملت كدا ازاي
عدى الوقت وقولتلها لو عايزه الموقع والأحكام تبعد عنك تبعتي لي100ج ساعتها انا أخدت ال 100ج دي وجبت بيها هديه لشخصيه بلوجر وخليت واحد فان ليها بعتها لها ونزلت حاله وشكرتنا وساعتها فرحت
فأنا سمعت ان في شيوخ كتير قالو اظلم براحتك ربنا مش هيسيبك يا اللي كنت بتخوف الناس ولو حد ليه عندك حق وكلام كتير... انا لما بسمعو بعيط بجد
فأنا قبل ما اقفل حساب ريتاج دا بعت لصحبتي منه قلت لها سامحينا انا وملك لو زعلناكي قالت مسامحاكم لقيتها تاني يوم عامله اعاده نشر علي التيك توك انها مش بتسامح حد قلت لها انتي بجد مش مسامحه؟ اومال اي اعاده النشر دي قالت مسامحه دا مش عليكو مش لازم يبقا ليكو فأنا قولت تمام وقفلت الحساب.....
عدى وقت ودخلت لصحبتي من حسابي الحقيقي قلت لها نرجع البنت رفضت قالت انا حياتي كانت كلها كدب معاكم وكلام كتير فصحبتي دي لسه بتحبني بس انا مش عارفه اعمل اي تاني
لعرض السؤال في فدني اضغط هنا
لو سمحتم اتمنى تجاوبوني بكل صراحة، هل لما تبقا أم عريس وبتدور لابنها على عروسة وواحدة صاحبة ماما ترشحني كعروسة، فصاحبة ماما تتصل بينا وتقول ابعتوا صورة للبنت علشان ام العريس تشوفها.
هل بقا تصرف ده بيقلل مني؟
أرجو تجاوبوا بصراحة، لأن بحس إني بقلل من قيمتي معرفش ليه وبحس إن لا مش عايزه ابعت صورة، وساعات ببعت صورة فصاحبة ماما تقولها لا البنت احلى من صورة بكتير الصورة ظلمها، فبحس إنه ياريت ما كنت بعت من الأول أصلا.
أنا اتقدملي قبل كل ده عرسان بس مش بطريقة دي، يعني اتقدملي قبل كده عريس شافني في فرح ومحصلش نصيب، وعريس تاني قبل كده شافني في رؤية شرعية ومحصلش نصيب بردو، لكن موضوع الصورة ده أول مرة يحصلي وموترني ومش عاجبني اصلا
لعرض السؤال في فدني اضغط هنا
السلام عليكم و رحمة الله و بركاته
اخويا عنده 7 سنين في أولى ابتدائي لكن منزلش المدرسة من اول الترم عشان كان عامل عملية في رجله، هو من الاجازة و هو قاعد في البيت، و معندوش صحاب اوي يعتبر و مؤخرا بقينا ننزل بيه آخر الاسبوع للنادي يلعب شوية بس هو ميعرفش حد هناك.
انا الأخت الكبيرة و عندنا اخت وسطانية بس كل واحد مشغول في حاجة سواء انا سواء ماما سواء بابا ف عشان ينشغل عننا شوية بنديله الموبايل يتفرج.
الأول كان معجب بالبلابل و جبناله بلابل كتير يلعب بيها دلوقتي بقى معجب بلعبة poppy playtime و الشخصيات اللي فيها لدرجة ان ماما و بابا جابوله دبدوب شخصية huggy و هو بقى مرتبط اوي باللعبة و كل شوية مصدعنا بيها
و اليوتيوب كله عبارة عن الفيديوهات دي المشكلة ان هو بيقلدهم، عشان هي لعبة رعب فلما يتعصب بيقعد يعمل حركات زيهم كأنه بيخوفنا و يقعد يطلع صوت زيهم بالظبط و طول النهار ع كده و احنا ١٠٠ مرة نقوله متتفرجش ع الحاجات دي و نزعقله و ناخد منه الموبايل و نقوله اقفل بس هو برده مُصر ان هو يتفرج عليه،
فعايزة حل للمشكلة دي، ممكن ناس تقول كانت غلطتكم من الاول ان انتو اديتوله الموبايل يتفرج، هي الفكرة كلها ان احنا كل واحد بيبقى مشغول في حاجة و هو بيزهق لما بيلعب لوحده احنا بنلعب معاه بس بعد كده بنسيبه ف بنخليه يتسلى بيه شوية
لعرض السؤال في فدني اضغط هنا
السلام عليكم ورحمة الله
والدتي كانت منفصله عن والدي لمده 15 ورجعت من سنتين
ولكن للاسف مش بيحسسنا بحنيه ولا باي حاجه تماما يعني مفيش دماغه غير الفلوس والشرب ومفتقده ان يكون عندي اب يدعمني الفتره الي فاتت والي جايه لاني في 3ث
وخايفه فقداني لاب يخليني اكلم شاب زي البنات تقريبا كل الي حوليا كدا انصحوني احافظ علي نفسي ازاي
لعرض السؤال في فدني اضغط هنا
أنا عندي بنات عم وكنت اهتم في نفسي واللي آبي
كانو يمدحوني وكنت اتشجع اكثر صنعنا ذكريات جميله وكنت اذهب لهن كنت احبهن كثيرا ولكن وقعت في شده وكنت اسأل عليهن لم اجد من يقف بجانبي
فسألت عنهم لاني كنت اظن اني فعلت شيء يسيء لهن وهذا ما جعلهن لا يشعرن بمصيبتي ولا يسأل عني وعندما رزقني الله برزق سألتني باستغراب كيف حصلتي عليه ماذا فعلتي قلت لهن كتب الله لي هذا الرزق
ومره كنا في مناقشه حاده قالت فيها احدى المتزوجات ان زوجها سيء معها وانهم يحبون نقل الكلام ويذكرون نساءهم بالسوء فاندفعت وقلت لن اتزوج الا من يذكرني بخير قلن لي بنات عمي لاتدرين يقصدن اني سأتزوج من شخص يذكرني بسوء
لقد صورنني بدون علمي وجعلن اخوتهن يرون صورتي مما وقعت فتنه وهذا ماجعل اخوتهم رأوو صورتي ووقعت بظلم واكتشفت انهن وقفن مع من ظلمني وعندما قطعت علاقتي بهن حاولن اصلاح العلاقه حتى صلحنا ولكن فضفضت لهن وذهبن ينقلن فضفضتي لزوجات اخوانهن ولاختي مما جعلني اندم واكتشف انهن منافقات
اذا قيل فيني كلام يصدقنه وهن يعرفنني ولكن عندما يقال عني كلام سيء يصدقنه والآن ادخلنني في قروباتهن وعندما تزوجت اختي تصورنا صوره جماعيه لا اعلم من غبائي تصورت معهن ولكني غطيت وجهي وعندما طلبت منها ان ترسل لي الصوره الجماعيه ارسلت لي صورتي قبل ان اغطي وجهي
لعرض السؤال في فدني اضغط هنا
اشعر بالحيره والتردد في امر الزواج ويصعب علي اختيار شريك مناسب ولا اعلم من هو الرجل المناسب
مثلا تقدم لي متزوج واستخرت كثيرا ولكن الامر لم يكتمل
وكيف اعرف الرجل المناسب
لعرض السؤال في فدني اضغط هنا
من قبل كم يوم نقلت من مدرسه لمدرسه ابداً م كنت حابه ادخلها وكنت ابكي عشان إني مش عايزه بس كنت مجبوره لان مافي قدامي غيرها المهم دوامت وتعرفت عشخص بينا صدف كثيرر زي انو من نفس البلد حقتي وأنو جيرانا وهو قال شو معجب فيني وجاء اعترف وقالت انو استنى لين م اتخرج وهيك وهو قال تمام بس مع الوقت صار شي عدم تفاهم بينا م كنا كتير بنحكي المهم كان بتجيلي رسايل من بنات المدرسه انو ابعد عنو وم بعرف شو رحت حكيتلو وقال أنا مالي علاقه ! المهم كل يوم من بعد م تركنا أشوف ارقام ساعه مشابه أبدا م كان بيحصلي هالشي بس هالفتره كل م افتح فوني أشوف ساعه مشابه يعني 5:55 2:22 وغيرها هل ده له علاقه؟؟؟
لعرض السؤال في فدني اضغط هنا
إزاي اقدر أتخطى اي حد خذلني وأكمل حياتي
أنا بنت ف أواخر العشرينات بحاول اشغل نفسي بالدراسات العليا وحفظ القرآن ودروس العلوم الشرعية
ولكن برجع لنقطة الصفر ومش قادرة أتخطى الناس اللي خذلتني مش بقدر أحس غير بالوحدة هو الاحساس الوحيد الي مسيطر ع كياني
اعمل ايه غير الي ذكرت فوق اني بعمله علشان اشغل عقلي وانتبه لنفسي اكتر من كده
لعرض السؤال في فدني اضغط هنا
انا اكبر اخوتي وأحاول البر بأمي ولكنها تقسو عليّ باستمرار
يوجد لدي نت في جوالي وأمي طلبت مني أن أفتح لها ولكن بطارية هاتفي نفدت وقلت اريد ان اشحنها ولكن امي غضبت مني وقالت كل مرى وجوالك بالشاحن
وانا قلت بعد ما اشحن هاتفي سافتح لها نت حتى تنفد البطاريه ولكن امي غضبت علي فقررت ان افتح لها شبكه وهاتفي يشحن وكل مره تطلب تقول افتحي الشبكه غصب عنك وتطلب مني ان افتح لها وتصرخ علي
وعندما تطلب مني شيء تطلب بقسوه
هذا اليوم اتت اختي الصغيره وقالت انقلعي افتحي لأمي شبكه ففتحت واليوم دخلت الصاله فصرخت علي امي لكي انفذ طلب فقلت لها نفذت طلبها وبينت لها اني مستاءة من تعاملها معي وقلت لست صغيره فصرخت علي وغضبت علي
لعرض السؤال في فدني اضغط هنا
انا مطلقه عمري ٢٦ أدرس بالمتوسطه انتساب وانا متفوقه فيها احفظ القرآن وعرض علي فرصه عمل بإحدى حلقات القرآن
انا في قريه والحلقه في المدينه ولم تتيسر لي الفرصه ويتقدم لي خطاب منهم متزوجين ونادر من يتقدم لي أعزب
تقدم لي ابن عمي متزوج عمره٣٠ موظف وشكله جميل ويحبني ويريدني زوجه ثانيه بحجه ان زوجته نسبه الإنجاب لديها ضعيفه جدا لديها ابنان كانت ستموت عندما انجبت طفلها الثاني وهي حسوده لا تتمنى لي الخير أبدا وتظن اني احسدها وانا لا افكر فيها ابدا.
زوجها يريد زوجه ثانيه رغبة في الإنجاب وطمع فيني لاني جميله ولدي مواصفات متفوقه في دراستي وانيقه وواذا حدثت اي مشكله يحاول المساعده، توجد مواقف كثيره حاول مساعدتنا فيها.
هو يرغب بزوجه ثانيه من وقت طويل جدا وعندما تتزوج فتاه يغضب ويحزن رغم انه متزوج وكانت زوجته تعلم وتغضب من تصرفاته وتفرح اذا تزوجت اي فتاه عزباء لكي لا تأخذ زوجها هي كانت تخاف على زوجها مني وتخاف ان اتزوج زوجها وكانت تتكلم عني وتنشر كلام سيء وتقلل مني وكانت تحاول ان توقعني وجعلت اخوها ياخذ رقمي لكي يتواصل معي ويراسلني لكي تثبت له اني اكلم رجال وانا لا اكلم الرجال
وانا رددت على اخوها وقلت له انا لا اكلم الرجال ولكنه حاول كثيرا لكي اكلمه طلب مني ان اتعرف عليه ولكني قلت له تقدم من الباب بدون تعارف واخبرته اني شريفه وحاول اعطائي هديه وكان يرسل كثيرا ولكني حظرته وكانت خطه منها لكي تثبت لزوجها اني كلمت اخوها.
كانت تخطط مع اخوها وكان زوجها يحاول التواصل معي من ارقام غريبه واحظره واكتشف ابن عمي اني لا اكلم الرجال ولا اتواصل معهم وهو يحترمني كثيرا وحاولت امه ان تضغط على بالزواج منه واخواته يمدحونه لي ولكني رفضت خوفا من زوجته اخاف من اذاها اعتذرت منهم وهو حزن لاني رفضته واخواته
استخرت وبعد الإستخاره التقيت بزوجه ابن عمي وكان تقول وتلمح انها ستتطلق وانها ستنتحر وكانت تنشر بحاله الواتساب حزن وكانت مقهوره لأن زوجها تقدم لي
لعرض السؤال في فدني اضغط هنا
إيه الأسباب اللي حمت مصر من إنها يحصل فيها زي ما حصل في سوريا الـ١٢ سنة اللي فاتوا؟؟
لعرض السؤال في فدني اضغط هنا
السلام عليكم،
أنا كنت في الجامعة وانا شخصيتي هادية تعرفت على صديقات كويسين او انا ظنيت كده، المهم بعد سنتين جت بنت معانا والبنت كانت بتعمل تصرفات تكيد فيا وتقلل مني وخلافه وتوقع بينا لحد ما فاض بيا واشتكيت لواحدة منهم من اللي بيحصل وإني تعبت
ويشاء ربنا صاحبتي نقلت الكلام والبنت عملت دراما وقلبتهم كلهم عليا وكل اسبوع حوار وكلام عليا ونفسيتي تعبت وهي الظاهر بقا ان بتحفظ قران وتصلي فباينة مثالية وانا وحشة عشان مبقولش ان بعمل زيها ده...
انا عاوزة اتخطى الموقف وابطل افتكرهم او اجيب سيرتهم وان مضايقة من ال بيعملوه وحقيقي بعافر مش عارفة اعمل ده
لعرض السؤال في فدني اضغط هنا
آديلي فترة بصراحة مش مبسوطة خالص وقلقانة ومضايقة لسبب معين هو اني بحب شخص او معجبة بية مش عارفه بس اديلي سنة براقب الاكونت بتاعة بتاع الفيس وبراقب كل حاجه حرفياا بينزلها او حتة الاستوري بس الي مضايقيني انة وبعدين يعني هل هفضل كدا وكمان هو ميعرفنيش وميعرفش اني عايشة فالوجود اصلا🙂 وهو بصراحه داخل دماغي اووي وعايزة أخليه ياخد باله ويعرف اني موجودة بس بطريقة حلوة وكمان انا مبعتلوش طلب صداقة او حاجه لأنه مينفعش يعني زي عيب كدا او انا نفسي تيجي منه هو او يعرف اني موجودة فانا معرفش اعمل اي انصحني وانا عندي 18 سنة والشاب اكبر مني تقريبا ب سنتين او تلاتة ف انصحوني اعمل اي واي الحل واعمل اي فالموضوع دا كله
لعرض السؤال في فدني اضغط هنا
اي النصايح الى ممكن تقدمها لحد عشان يحارب شعور ان حياته بلا قيمة وانه عايش فى الفراغ وخلاص ومابيعملش حاجة مفيدة ؟ ازاى تحسس حد بقيمة حياته؟
لعرض السؤال في فدني اضغط هنا
لست ملاك بدون ذنوب فأنا اذنب واتوب مراراً وتكراراً ولكن لم أكن أتخيل ان العالم مكان مرعب اشبه بالجحيم
منذ الطفوله أتفاجأ بمدى العنف في افلام الرعب ولكن لم اتخيل ان هذا اقل من 1٪ بما يحدث مع ملايين الناس حول العالم بإسم محاربة الارهاب والرغبه فى تحقيق السلام لم اهتم ان اعرف عن السياسه ولكن عندما بدأت الاخبار تنتشر تفاجأت ان برغم هذا التقدم ومناشدات حقوق الإنسان إلا انه يوجود عمليات اباده جماعيه
ورغم ان هذا يكون على مسمع الجميع إلا ان الصمت كان الخيار الوحيد
انا الان ما يدور فى عقلى هو كيف يوجد اشخاص معنا بهذه الوحشيه؟ هل هم ليسوا بشر ؟ اى إنسان يحب ويتلذذ فى تعذيب اخيه الانسان باختلاف الديانات والثقافات؟
سيظل الموضوع غريب وغير منطقى كيف يستطيع النوم واكمال حياته طبيعي ، عند انتشار صور المجرمين اصحاب النفوذ والعمليات الشيطانيه اجد انهم متزوجون ولديهم اطفال يظهرون حبهم فكيف يكونوا لديهم اكثر من شخصيه ؟
كيف يكون الإنسان منهم شيطان وذئب بشرى وفي نفس الوقت زوج وأب مثالى يسعى لحماية أسرته ؟
اسأل نفسي مراراً وتكراراً هل اولاده لا يعرفون جرائم والدهم وعند معرفتهم لماذا لم يقوموا برد فعل ؟
احترام الانسان لأخيه وعدم ايذائه شىء ليس بحاجه للتعليم فهو شىء طبيعى لا اعرف لماذا هذا الشيء لم يحدث معهم.
الاف بل ملايين الصور والفيديوهات اتسائل كيف ينام الشخص بعد ارتكاب افظع الجرائم كيف يستطيع الاكل والشرب بالرغم أن هناك اشخاص مثلي لم يعيشوا حياه فيها عنف ولكن بالرغم من مشاهدتهم الجرائم على التلفاز يدخلون فى نوبه بكاء وكوابيس
كيف هذا الشىء لا يحدث معهم ؟
انا فقط اقول كيف يكون انسان بهذه العدوانيه ضد الاطفال والنساء والشيوخ وايضا الرجال عند وجود تبريرات للقتل بهدف السلام فأين السلام هل تكوين هؤلاء البشر يختلف عنا هل ليس لديهم مشاعر ام نحن ضعاف المشاعر ، عندما تتزوج سيده من حاكم طاغيه مفسد في الأرض ماذا يدور فى تفكيرها هل كانت جاهله بتصرفاته ؟ كيف تستطيع حب شخص بهذه العدوانيه؟
انا أشعر انى على وشك الاصابه بالجنون هل هؤلاء بشر مثلنا اريد أن افهم كيف يكون شخص عدوانى وفي نفس الوقت زوج مثالى واب مثالى بالنسبه لعائلتهم هل هؤلاء الاشخاص لديهم عقل؟
لعرض السؤال في فدني اضغط هنا
انا عندي واحدة صاحبتي انا وهي صحاب من زمان بقالنا حوالي ٣ سنين ونص صحاب بس اكتشفت مؤخرا انها بتستغلني مثلا خارجين مع بعض متجيبش فلوس وانا اللي ادفع مش مره ولا اتنين ده الطبيعي
في الأول قلت جايز مش معاها بس اكتشفت ان هي بيبقى معاها فلوس ومش بتجيب ومش بس كده بتستخدم الداتا بتاعتي على طول وانا كاتبة لها الباسورد بتاع النت بتقعد تنزل حاجات كتير لدرجه ان في مره النت خلص بسببها ومواقف من دي كتير انا مش عارفه هل اقطع علاقتي بيها ولا لا انا مش رضيه علشان العشره
لعرض السؤال في فدني اضغط هنا
عاوزة أعرف إيه الاختلاف بين الزواج عند مأذون و الزواج على يد محامى.. ما الافضل بينهم و ما هي الفروق ؟ و ماهى الطريقه السليمة مع العلم إن الشخصين اللذين سيتم عقد قرانهم أعمارهم ٥٠ عاما تقريبا..
لعرض السؤال في فدني اضغط هنا
حبيبي اتجوز اعمل ايه
لعرض السؤال في فدني اضغط هنا
هل ممكن ان الخوف يكون سبب ف ان البني ادم يكذب كتير عشان خايف يخسر شخص؟
لعرض السؤال في فدني اضغط هنا
من فترة كنت بنزل مع والدي المكتب وأتعلم الشغل، لكن فجأة ألاقيه بيزعق وصوته جايب كل المكتب بالرغم إني مغلطش في شيء لسه.
المهم أمس كنا بنتكلم وكان بيعاتبني أنا علي الموقف دا إنه لما عمل كدا أنا زعلت على افتراض إني مليش حق أزعل، وبيكمل كلامه إن فيه حد من جنسية ما كان بيعلم أخوه برضو وفجأة راح ضارب أخوه كف عشان غلط .
فأنا برد عليه إنك معجب بدا وعايز تعمل كدا معايا ، فهو أنكر دا بل وكمان زعل مني اني قلت دا وفكرت في كدا.
لعرض السؤال في فدني اضغط هنا
لعرض جميع الاسئلة في فدني اضغط هنا