السلام عليكم،
كان في شخص موجود في حياتي من جنسيه معينه وكانت علاقتنا وصلت سنه فانا صارحت الطرف الثاني انه لازم يتقدم للزواج على الأقل خطبه علما انه باقي جامعي وغير متخرج ، اول ما صارح اهله ولكوني من جنسيه غير عنه قالو كلام جدا جدا جدا سيء يمس شرفي وكرامتي وجدا كلام مؤذي بدون أي سبب وانا لحد الان كل يوم قبل ما انام يرجع نفس الكلام يتكرر في بالي ولا قادره اسامح هاييل الاشخاص
في لمقابل الشخص هاذا بعد رفض اهله وكلامهم باقي يحاول يتواصل معي من كل مكان ما يريد يقطع علاقته معي يتهرب من موضوع الزواج لكنه مش قادر يقوم بأي خطوه جديه
وانا في دوامه هل أكلم أهله عشان على الأقل اطلع الغضب مالي وبخصوص هالشخص ويش اسوي عشان يوقف يتواصل معي لاني حتى هددته اني ارفع عليه بلاغ وماوقف يتواصل معي ومتضايقه جدا من هذا الوضع لاني ما استاهله
وماعارفه وش هو الحل انا صح عندي مشاعر اتجاه هذا الشخص لكن ماحس تقدر تتصلح الاوضاع خلص خاصه انا ما ارضى زواج بدون الأهل ولا اقدر اصلا اخذه بعد كلام اهله
لعرض السؤال في فدني اضغط هنا
انا مريت بظروف صعبة من الطفولة حتى الآن أحس اني دايما بابتلاءات ومصاعب ومش هكون كدابة لو قولت انها من بداية الولادة اصلا ووالدي ووالدتي في مشاكل باستمرار وحتى لما اتجوزت وكنت فاكرة جوزي هيحتويني وحكتله جزء من مشاكلي مش كلها كان في البداية محسسني انه عوض وسند ليا بعد ربنا وانه في ضهري بس بعد الجواز اتغير
بقى اهمال عاطفي ومبقاش بيسمعني وساعات يعايرني بمشاكلي وسبت الشغل عشانه لانه اقنعني بده وان هيخليني ادور على فرصة احسن انا اتنازلت عن حاجات كتير عشانه عشان حسيت انه في ضهري
دلوقتي حاسة اني لوحدي انا مليش أصحاب قريبين ولا حد احكيله ومليش مصدر دخل ثابت بيديني مصروف على مضض وبيحسسني انه ضغط عليه انا حاسة اني لوحدي ومبقاش عندي طاقة أعمل اي حاجة
نفسيتي زي الزفت صحتي في النازل مكنتش كده انا لا مني بقيت سنجل وقادرة آخد قرارات في حياتي ولا مني متجوزة مستقلة بقرارتي في حياتي انا تعبت بجد وهو مبقاش بيسمعني وكمان مسافر وسايبني لوحدي
انا محتاجة احس بدعم صحي في حياتي مش عايزة ناس مزيفة مش عايزة علاقات مصلحة مش عايزة احس اني بحكي لدكتور وفي الآخر ادفع فلوس اخر السيشن وهو اصلا كل مرة ناسي موضوعي بيتعامل معايا شغل بس
صليت وحكيت لربنا كتير بس يمكن فرجه مش قريب بس انا محتاجة حد في حياتي بجد يكون داعم ليا حد فعلا بيخاف عليا مش لاقية وتعبت ومبقتش قادرة ولا فيه اي طاقة لاي حاجة مش عارفة اعمل ايه بجد
لعرض السؤال في فدني اضغط هنا
السلام عليكم
انا والدي كان بيشرب سجاير كتير في فترة بعدها وقف و حلف مش هيشرب تاني عشان ماما مبتحبهاش و بتدايق منه لما يشربها بس رجعلها تاني و بقا بيشربها ف السر هو عنده مشكلة في التنفس و عمل عملية و كان السجاير ليها أثر وحش عليه
المهم بعد العملية و صعوبتها قرر يبطل و ماما حلفته ان يوقفها و وقفها و رجع بس ماما مكنتش عارفه
انا كنت بصحى من نص نومي منغير اي منبه و مببقاش عارفه اي الي مصحيني دلوقتي و بطلع الاقيه بيشربها ف السر ف البلكونة و بقفشه كتير جداً جداً عشان انا مبحبش ريحتها ف بعرف ريحتها بسرعة المهم هو كذا مره يلاقيني قفشته يقولي مقولش لماما و ساعات يرميها عشان قفشته ونا فعلا مكنتش بقولها بعدها الموضوع زاد و بقا بيشربها قدامي عادي لو ماما مش معانا و كأنه اتأكد خلاص ان مش هقولها
المهم ماما كانت بتقفشه و كان بيفهمها انه خلاص هيسيب و يسيب و يرجع في السر و هكذا
ف النهارده ماما فتحت موضوع له علاقه بالسجاير بيني انا و اخواتي البنات و انها لقيته ف مره مخبيها و كدا ف روحت انا نصحتها قولتلها ركزي معاه في السجاير بالذات بعدها قالتلي ليه هو كان بيشربها ونا مش عارفه او شربها من ورايا قريب ؟
روحت فتنت و قولتلها و سكت في النص استوعب الي بقوله قالتلي احكي متخافيش انا مش الست الي هتتصرف ب غير عقلانيه تجاه الموقف ده ف كملت و حكيتلها الي كان بيحصل كله ادايقت شويه و قالت انها خلاص هتتصرف هي ،
مع العلم كانو اخواتي قفشوه كتير قبل كدا و كانو بيخبوا بردو و في منهم فتن بردو و في الأخر ماما قالتلي بس هو اهم حاجه مينفعش يعرف الي قولتيه ليا ده قولتلها ماشي و حذرت اخواتي محدش يقوله حاجه من الي اتقالت
انا معرفش المره دي هو فعلا بطلها بصدق ولا لاء بس انا فتنت و قولت الي حصل من قريب و من بدري ،
انا عارفه ان ماما مش هتوصلها لخناقه كبيره هي هتزعل عشان هي عارفه انه هيخاف ع زعلها و يبطل و هتتصرف كويس انا واثقة من كدا ،
بس سؤالي هنا هو الي عملته ده غلط و مكنش ينفع افتن و حرام و هاخد أثم عليه عشان هو وثق فيا ولا لاء؟
انا خايفه عليه عشان هو ابويا و السجاير هتأثر فيه بس انا عارفه ان هو لو عرف ان فتنت هيزعل مني جدا جدا ، ارجو الإفاده عشان الموضوع مخوفني
لعرض السؤال في فدني اضغط هنا
السلام عليكم ورحمة الله وبركاته
انا عندى 22 سنة بابا وماما متوفين واخواتى كل واحد فى حياته وعايشة لوحدى عندى احساس مبهم وحدة على ملل على اكتئاب رغم انى بدرس وكمان بحس انى ورايا حاجات كتير اعملها لكن فاقدة الشغف فى كل حاجة حواليا
وبما انى من الريف فكل الافكار والاعتقادات من حواليا انى استنى اتجوز عشان اقدر اعمل الى نفسى فيه وبسبب الفكرة دى ظهر عندى هاجس انى عنست وانى لازم ادور على الزوج بنفسى فغلطت واتعرفت على شاب من النت عن طريق آب متخلف كدا وبسبه حصلت مشاكل مع اخواتى واتعاقبت وتقريبا كدا بقت ثقتهم فيا صفر
ودا خلى فى ضغوط منهم اكتر واكتر خنقة انا مش ليماهم لكن تعبت من دورهم الى مجرد دور سجان بيضرب ويعاقب بس والاهم من كدا تعبت من فكرة انتظار فارس الاحلام اللي هيجى يصلح كل حاجة لانى مقتنعة انه مش هيكون ملاك يعنى بل الاسوء هو ممكن ميجيش اصلا ودا يكون نصيبى
فليه كل حاجة تبقى مرتبطة بيه تعبت من التفكير فيه ونفسى اطلع فكرة ان حياتى هتبدأ لما هو يجى تعبت من ضعفى وانا حاسة انى مربوطة ومستنيه يجى يفك قيودى وغير كدا مش هتتحل اعمل ايه حاسة ان بعذب نفسى وفي نفس الوقت حاسة انى محتاجاه معنويا جدا اعمل ايه؟
لعرض السؤال في فدني اضغط هنا
في واحده صاحبتي مخطوبه تمام وحصل انها جات في لحظه ضعف قالت لخطيبها حاجه حصلت معاها هو الكلام ده قبل ما تعرفه بس هي قالت له الكلام ده بقالو شهر ونص ان اخوها من ابوها حاول انه يتجاوز معاها حدود وانه في الوقت ده كان شارب وقعد يتأسف لها ويقولها سامحيني وراحت قابلته في كافيه من اسبوع ونص وهي قالت لخطيبها كل ده وهو اتجنن وقالها يا تختارني انا ياتختاري اخوكي
وهي مش عارفه تعمل ايه هي مش هينفع تقطع علاقتها بأخوها ومش هينفع تخسر خطيبها وهو مصمم علي كده وبيقول انه عمره ما هيحط ايده في ايد اخوها تاني وان كل ده قبل ما تعرف خطيبها بس هي قالت له من شهر ونص
ارجو تفيدوني
لعرض السؤال في فدني اضغط هنا
دلوقتي انا كنت بحب واحد وكانت صاحبتي بتكلمه عادي مفيش حاجه بينهم ده اللي انا شايفه انه بيحبني وانا بصراحه مكنتش عاوزه اخسر صحبتي وتفكر انه كلامها معاه هيدايقني وبعدين كانوا بيتكلموا على طول وهي انه بيكلمها ويفضلوا يضحكوا ويهزروا وان ممكن لوحدي في مشكله معاه بيحكلها كل حاجه وان لو حصل حاجه اتخانقنا او كده يروح يحكيلها
بس الموضوع كان بيديقني عشان في حاجات مكنش بيحكيلي عليها وبعرفها منها من ضمنها ان ظروفه وحشه ومكنش معاه فلوس يسد تمن حاجه في بيته لدرجه وبعدين في يوم كان بيكلمها وانا سألتها هي قولتلها انتي بتكلمي كذا قالت لي لا قولتها قولي الصراحه قالت لي انتي مش مصدقاني يعني وراحت رنيت عليه وقعدت تمثل كده وتقوله انا كلمتك النهارده وهو انا مسمعتش رده بس اللي هو لا وفي اي وانتي عامله ايه وانا كل ده مش سامعه حاجه ده كلامها
وبعدين كلمته وقولتله انت كنت بتكلم صحبتي قالي لا هي قالتلك اي قولتله انا بسألك انت بردو قالي لا قولتله تمام قالي هي قالت اي قولتله قالت اللي انت قولتله بس انا هقولك على حاجه انت كذا مره تكلمها وتقولي انك مش بتكلمها ليه بتكدب عليه هي كانت بتقولي انكم بتتكلموا وبعدين قالي عشان متزعليش عشان بحس انك بتزعلي لما بكلمها
وبعدين سكت شويه كده قالي اي المطلوب مني قولتله خلينا صحاب قالي ولا صحاب ولا حاجه سلام وبعدين راح كلمها وحكى كل اللي حصل ليها وقالها تقولي انه مش هيسمعني صوته تاني وانه حلف انه مش هيكلمني تاني وبعدين عدت عليا فتره وحشه خالص
اه كنت بكلم صحبتي بس مكنتش بجيب سيرته في حاجه نهائي كانت عادي هي بتكلموا وانا مكنتش بسألها وانا مريت بفتره وحشه عشان اناحبيت الشخص ده باخلاص ومن قلبي فكانت الايام صعبه عليا وكان بيبقى نفسي اكلمه بس مسمحتش لنفسي بكده وقلبي كان موجوع ومتأثر باللي حصل بس مكنتش عارفه اعمل ايه وبعد فتره بعت رسايل ورجع مسحها تاني وانا مهتمتش وبعد اسبوع بعت اني عامله بلوك ايه وكل شويه اعمله وافكه وان هو لو قعد عمره كله مش هيعملي بلوك بعتها الصبح ورديت عليه بليل وبعدين قالي انتي كرهتيني صح وانه عايز يرجع ويلاقي نفس مكانته عندي من تاني
وهو اللي رجع يكلمني ويقولي لسه معزتي موجوده انا دلوقتي مش عارفه اعمل ايه مش عاوزه اللي فات يتكرر تاني خصوصا اني الشك دخل واني مش واثقه فيه تاني عاوزه افهم هل انا غلط في اللي حصل ولا ده طبيعي واني كده بغير عشان انا مش كده وهما فاهمين غلط ان كل اللي كان يديقني انه مش صريح واني قولتله قبل كده اني مش بحب الكدب هل اللي حصل ده ميستاهلش اني ابعد واقفل الباب ده ولا اي وان االي حكيته ده لوحد مكاني كان هيعمل اي
لعرض السؤال في فدني اضغط هنا
انا عايشه ف مصر مع جدي وجدتي وبابا وماما مسافريين في البدايه يعني في المرحله الابتدائيه كنت شخصيه قويه جدا.. ومكنش يهمني رأي حد بس لما لاقيت انو حتى اللي عايشه معاهم واللي بحبهم بدأو يطلعون فيا عيوب دي شفايفها كذا وطولها وبشرتها القمحيه و و و.
ثقتي بنفسي قلت جدا وبقت أقل كلمه تزعلني وبقيت بتحرج لما حد يبص ف وشي مع انو انا مدركة انو ملامحي مش وحشه يعني دي عاديه وتوصل أنو هي كويسه جدا.....
وكان متزامن مع انو مليش صحاب ف الوقت دا فـبدأت العب لعبه خاصه بالاولاد (Free fire) وكنت بلعب عادي مره ف مره بدأت اكلم من عليها اللي بلعب معاهم بس كنت حريصة انهم يكونوا بنات لأنو. انا البيئه الخاصه بيا بتمنع الكلام مع الاولاد وخاصه انو احنا ارياف..
وأنا بذاتي كنت شايفه انو الكلام مع الصبيان غلط... ف مره ف مره بدأت اكلم اولاد واعتدت الكلام معاهم عادي.. وكان احيانا يدخل معايا أشخاص ويشتمو بدون سابق إنذار.. بس كنت بزعل جدا.. وأنا مشكلتي انو انا بتأثر من أقل حاجه والمشكله الأكبر انو بحسب كل الناس طيبه وبأمن بسرعه....
فحبيت شخص من على اللعبه. وهو قالي انو يحبني كان في فرق بينا ٣ سنين قعدنا نتكلم سنه وبعدها الاهتمام بدأ يقل وتجاهل كتير... فاتقال ليا كلام زعلني وبعدها مقدرتش ارجع طبيعيه ونهيت العلاقه دي...
ومن بعدها حاسه انو انا وحيده وكل شويه أدخل اللعبه واكلم ناس ولدرجه انو انا نزلت ابليكشن ناس بيتكلموا مع بعض.. مكنتش مدركة حجم خطوره الابليكيشن دا وظهر انو بتاع ناس كبيره ف العشرينات.. وكانو بيتكلموا ف جنس وكلام مش ينفع وبيبعتوا لبعض حاجات مش تنفع ولدرجه انو دخلت مع واحده بعتتلي جسمها وأنا كنت مكسوفه جدا وهي كانت بتقولي شوفي جسمي وعاوزه اخس وكانت الصوره بملابس داخلية....
ف بعدها اعتادت الموضوع ابتديت اتفرج على مقاطع إباحية وبعدها ارجع اندم..... ف انا مش عارفه بحاول انو مش انزل الابليكيشن دا ومش عارفه... حاسه بالوحده جدا... ويمكن كان سبب كبير انو انا نزلت بسبب بُعد اهلي عني لسنوات...
عاوزه حل لانو مش عاجبني كل دا وبيأثر على مذاكرتي
لعرض السؤال في فدني اضغط هنا
لو الشخص مش عارف يبقى كويس في حياته يعمل ايه؟ يعني كل حد بيقابل شخص وحش في حياته يتعامل مع ازاي؟ كصاحب كحبيب اي حد. دنيا بقت صعبه جدا. والاختبار بقى صعب قوي الحمد لله وكل حاجه. نفسي حد اتكلم معاه ممكن اغل فيها غلط؟
لعرض السؤال في فدني اضغط هنا
لو شاب مطلق بعد فتره زواج بسيطه جدا لانقطاع النصيب، هل من الممكن انو يقدر يتزوج بسهوله بنت متجوزتش قبل كدا؟ ايه رأي البنات في ده
لعرض السؤال في فدني اضغط هنا
السلام عليكم ورحمه الله وبركاته
أنا من النوع يمكن بيدمر نفسه لأنه دائما شايف نفسه فاقد اشياء كتير وليه مش مبسوط زي الباقي أو شاطر زي دي ودايما بحس بنقص عندي لاني دائما بفكر بسلبيه ودي صارت شي عادي بالنسبة لي وصعب ابطل تفكير كذا
واكثر شي مزعلني انو الجميع أو يعني الناس الشاطرين لما بيكلموا بعض مش بيخبوا مثلا لكن لما أكلم واحده احس أنها بتعاملني كاني خايبه أو غشاشه مع انو أنا الحمد لله مش النوع دا وبالذات المواقف اللي ينحط فيها بتضايقني جدا
وحتى لما اذاكر وأقول سهل اتفاجا اني يا دوب فاكره اشياء عاديه أو مش ليها لازمه ودايما درجاتي زفت حتى تلخيص الدروس بدأت ازهق منه أو اكتب الدرس كله على بعضه
بزعل قوي أو بغار لما الاقي ناس حاجتهم كلها منظمه ومركزين ومجتهدين وأهاليهم دايما معاهم أو على اتصال بيهم ودايما أخيهم مميزين وانا مش ليا صنف اللزمه اللي هيقولي مش تفكري كدا أو انت بس مكتئبة أنا بقالي كتير ومش أفكر بإيجابية وامي كل شوي تقول انتي كئيبة وسلبيه ومقرفه
لعرض السؤال في فدني اضغط هنا
ازاي اتعافي من الندم ندمانه على شيء معين حصل في حياتي مش قادره اسامح نفسي وبقيت شايفه الدنيا سوده وسمحت لناس تأذيني
ازاي أتعافى من اذيه ناس وثقت فيهم ؟
لعرض السؤال في فدني اضغط هنا
هو ليه أهل البنت خايفين لو ما اخدتش بنتهم معايا مع ان بنتهم نفسها مش معترضه بس هم عاوزين آخدها ، دلوقت انا شاب مسافر ومتغرب والحمد لله ميسور الحال ربنا أراد واتقدمت لبنت واتكلمت معاها وشرحتلها الوضع وهي متفهمه جدا ومعترضتش بل وأكدت ان دا الصح وان هي كمان مش حابه الاولاد إن أراد ربنا ان شاء الله في المستقبل يتربوا في مجتمع غربي ولا الكلام دا وهي فاهمه ان الوضع هناك عامل ازاي ولكن بعدها أهلها بيسألوا تاني وحابين اخدها معايا دلوقت انا حابب افهم هم اصرارهم دا بناء على ايه يعني
لعرض السؤال في فدني اضغط هنا
أنا كرهت نفسي عشان بقيت بكره ماما😭
بس والله غصب عني هي دائما بتفرق بيني وبين اخويا مع انو انا كبيرة زيو ومحتاجة اهتمام قعدت فترة أكره اخويا بس بعد م كبرت حسيت انو ملوش ذنب..
دايما بتعلق بالأشخاص اللي بيهتمو بيا وبيبقو حنينين عليا بحسهم بيملو الحاجة اللي ناقصاني لكن في الآخر بيمشو وبرجع اتعب انا مش عارفة اتخطى كدا من انا وصغيرة
والله م عندي طاقة الكلام😭
من كتر منا حاولت احل الموضوع دا بكل الطرق.. حاولت أنسى كتير بس يتكرر نفس الحاجة حكيت على فكرة وواجهت بقول لها ان عنده هو تهتمي به وعندي انا مش عايزة غير انو مجرد اساعدك في البيت وبس عشان تخفف عنك كأنو خدامة ..
بتدعي عليا وعارفة انو دعاوي الأم هتتقبل ده انتي حتى لو عارفة انو نا غلطانة من وجهة نظرك متدعيش اشمعنا عندي انا تدعي وعند اخويا مترضيش ابداً...
قلت والله كدا ومنفعش بحسها بتستهزء بكلامي
بصو أنا وبحكيلكو دلوقتي كأن روبوت بيتكلم إنسان بلا مشاعر حرفياً... دلوقتي وبعد محاولات ومعاناة بقى مبيفرقش عندي أي حاجة حرفياً بسببها تدعي وبقيت عنيدة وعصبية وكأنو ولد مش بنت
دايما بتمنى الموت مش بقول كدا شفقة بس بجد بتمنى الموت عشان انا اصلا بقيت ٢٠س وعقلي لسة قاعد صغير مش قد مسؤلية جواز وهي شايفاني انو على كدا عنست😅
فأخاف آخد حد أبقى مش عارفة اتصرف أصلا وماما وحاولت كتير وهتفضل زي ما هي عمرها ما هتشوف نفسها غلطانة
لعرض السؤال في فدني اضغط هنا
السلام عليكم ورحمه الله وبركاته،
أنا بعاني من مشكله انو مش بعرف أعبر عن كل مشاعري ولو عبرت بعبر بشكل غلط بيخلي اللي يسمعني يفهمني بشكل غلط واحيانا وقت زعل بيني وبين أشخاص معينين مش بقدر أبرر موقفي ويكتفي بالسكوت واللي قدامي بيحس انو انا مش مهتمه أبرر على الرغم انو انا عكس كده وهو شعور أو كانو حاجه بتقيدني عن التبرير والتعبير...
نفسي اطلع كل اللي جوايا... انا مليانه غلطات في التعامل منها عصبيتي ووقت الزعل بيطلع مني كلام يجرح كتير بس والله غصب عني وحاسه انو جوايا مشاعر كتيره مكتوم مش عارفه اعمل اي؟
لعرض السؤال في فدني اضغط هنا
عارف لما تبقى حاسس إن مفيش حاجه عجباك مفيش حاجه ماشيه زى ما أنت عايز كل حاجه واقفه فى حياتك حاسس انك معندكش شغف لدراستك ولا إنك تكلم حد عارف لما تبقى حاسس انك خايف تشوف الناس حاسس انك مش مبسوط وسط حد أو انك تقيل دايما عليهم وانى زهقانه كده منهم وفى نفس الوقت متضايقه ان حاسه ان مبقاش عندى شخص قريب اوى منى بس بردو حاسه انى مش عايزه حاسه إن حتى اهلى مش عاجبينى ......والاوحش انك مبوظ حتى علاقتك مع ربنا بطريقه صعبه ومش قادره أصلح اى حاجه ولا حتى عايزه اعيش الحياه اللى بالنسبالى صعبه
اعمل اي ياخواتى؟
لعرض السؤال في فدني اضغط هنا
موضوع للنقاش وليس للسخرية
انا 27 سنه عشت حياتي لدرجه وشغل وحاليا بدون شغل مش مرتبطه وطول عمرى وحيده وكنت مستنيه ابن الحلال يجي وبعد فتره شيلت الفكره من دماغي لكن حاليا بقيت أحس ان محتاجه اعيش حياتي وحد يكون جنبي يسمعني في حلال ربنا بس بصراحه الموضوع طول وربنا مبعتش حد وخايفه اموت وانا وحيده ومعرفيش ليه الفتره دي نفسي اتخطب زي باقى البنات بس انا شكلى عادي ونفسيتي تعبت من كتر تفكير ان محدش هيجي عشان انا عاديه
لعرض السؤال في فدني اضغط هنا
بحس نفسي غريبه عشان انا بحب الكوره و نفسي ادخل هندسة ميكانيكا و من كتر كلام صحابي و الناس اني كدا كأني ولد و أن دي حاجة الولاد بقيت بحس نفسي اني مش بنت انا ف الطبيعي مش بتأثر بكلام الناس لكن بليل الover thinking بيموتني هو انا فعلا مش بنت؟
و بقيت بحس اني عبء كبير على المجتمع عشان عندي ربو بس انا بحاول محسش اني كدا و وفاة عمتي كانت اكبر حاجة مؤلمه عليا ماتت قبل عيد ميلادي عمتي هي الي كانت مربياني هي الي حبتني و اهتمت بيا بجد مش زي بابا الي كان بيفرغ غضبه فيا كل يوم ولا زي امي الي سابتني وأنا عندي شهرين بس و مسألتش عليا
نفسي اروح واتكلم مع دكتور نفسي بس بابا مش راضي انا بجد تعبت من حاجات كتير معنديش ام معنديش اخوات مش هعرف العب في بيراميدز عشان عندي ربو و عمتي مش هشوفها تاني و ثانويه عامه السنه الجايه ضغوط كتيره محدش فاهمها و ابتديت اتجه لطريق غلط مش عارفه ارجع منه و هو العادة السرية بقيت بقرف من نفسي جامد
لعرض السؤال في فدني اضغط هنا
أهم حاجه نعملها في سن العشرينات اننا نحافظ على نفسنا من التفاهة الموجوده الأيام دي, , من سنتين أخدت قرار اني استثمر في عقلي و ابعد عن التفاهة والنهارده بقيت شخص مش بيسمع أغاني مش بيبص على بنات مش بيلبس لبس غريب مش بيضحك علي اي حاجه مش بيتكلم في اي حاجه، دكتور محمد الغليظ بيقول أسوأ حاجه ممكن تحصلك أنك تكون فاضي,
حسن من تفكيرك وعقلك إنت لو سمعت أغاني ومهرجانات عقليتك هتتشكل من كلامهم ولو سمعت ناس بتتكلم في بيزنس وتطوير ذات مثلا عقليتك برضو هتتشكل من كلامهم,
و دا كله فضل ربنا علينا , بس بزعل جدا لما بشوف شباب من سني وكل همهم يكلمو فلانه ويبصو على فلانه وبنات كل همها تلبس كدا وتحط ميك اب كذا, أنا مش بقول اني أحسن واحد ولا بقول كدا عشان أبينلكو حاجه حلوه فيا, دا بس عشان أخد نفسي مثال عشان أوصل وجهة نظري
لعرض السؤال في فدني اضغط هنا
داخل على خطوة خطوبه ومش عارف المفروض مع ارتفاع الاسعار دى نتفق على كام جرام دهب؟
لعرض السؤال في فدني اضغط هنا
مش عارفة الصراحة ابدأ ازاي بس انا حالياً في تالتة ثانوي و و بابايا عايش الحمدلله بيشتغل سواق لشركة ما بس المصاريف زيادة اوي عليه ف لو حد عنده اقتراح مهارة اتعلمها تكون بسيطة اقدر اعملها بجانب الدراسة تدخلي دخل كويس ياريت يفيدني أو شغل ينفع يكون جزئي بردو عشان حقيقي الوضع صعب و انا مش عايزة اني أفقد فرصتي في اني اتعلم و اخليه فخور بيا
و شكراً مقدماً
لعرض السؤال في فدني اضغط هنا
انا مشكلتي مع امي ديما مخلياني شايله المسؤليه عن أي حد ف البيت والموضوع دا بخنقني وحولت اتكلم معها لكن هي مش بتفهمي وبتتخانق معايا وتزعل ومش عارفه اعمل اي وممكن توصل المشكله إنها تخاصمني وديما تقولي انا تعبانه ومش قادره اعمل اي بقي
لعرض السؤال في فدني اضغط هنا
كنت بحب واحدة أووي وبعدين كلمت بابا عليها قالي مينفعش تتجوز واحدة قدك المهم عدت الايام ولما عرفت أنها خلاص مش ليا بطلت أبص عليها حوالي 3 أسابيع لكن لما بشوفها بحس أنها ملاك مش ممكن يجماعة الطرحة معمولة عشانها وشها مرسوم في الطرحة والمشكلة كل ما أشوفها أحس أن مستحيل ألقي زي دي فاتضايق وأبقا عايزها هو اي دا بقى؟
لعرض السؤال في فدني اضغط هنا
كيف يمكن إنكار المنكر في هذا الزمن الصعب الذي يحوي من الجهل والتعصب الأعمى وهجمات الإعلام والمسلسلات والأفلام التي تهدم الدين بطريقة ناعمة
وما طريقة تكوين الفكر السليم الوسطي المعتدل
لعرض السؤال في فدني اضغط هنا
السلام عليكم
انا أم عندي 50 سنه معايا ولد وبنت
البنت عندها 14 سنه والولد 12 سنه، قبل ما يتوفى ابوهم
الله يرحمه قالي انه عايز يحط مبلغ في البنك للبنت عشان تتعلم بيه وأجهزها بيه بس انا قلتله متحطلهاش وانا
مش هخليها تحتاج حاجه هو وافق، احنا ساكنين في بيت ملك فأنا اقترحت عليه اننا نبني الدور التاني لإبني ونعمله شقه فيه هو وافق وعملنا الشقه ومفاضلش
غير السيراميك والدهان فقط، احنا صبّناها وابني كان عنده تقريبا 8 سنين، وجهزنا باقيها من كم شهر كده،، والشقة اتكلفت كتير بصراحه،،
قبلها بسنه ابني قالي انه عايز موبايل جبتله موبايل، بعدها قالي انه عايزة عجله (دراجه)
زي ابن خاله، جبتهاله، وبنتي دلوقتي عايزاني اجبلها تابلت
عشان هي داخله اولي ثانوي السنه الجايه، بس انا مرضيتش
وقولتلها معاكي موبايل، هي معاها موبايل خالها جايبهولها
وانا كل شويه بهددها بيه ان لو مسمعتش كلامي هبيعه
مع ان تمنه دلوقتي بعد ما بقي مكسر ميجبش الف جنيه،
وكذا مره اشيله منها، وقلتلها لو خرب مش هصلحه وهو تقريبا قرب يخرب،،،، المشكله انها من سنتين تقريبا قبل
ما يتوفي ابوها لما كنا قاعدين نتكلم وهو قالي عايز يحطلها فلوس بأسمها هي سمعتنا ومن وقتها كل ما تقولي علي حاجه وانا ارفض تقولي كده وتقولي الفلوس اللي عملتي بيها لابراهيم كانت المفروض ليا، انا عملت كده ليه عشان اضمن مستقبله،، مش بتروح دروس عشان عايزاني اجبلها طقمين خروج وانا رفضت وتقريبا مراحتش اي درس، الكتب الخارجيه مجبتلهاش والاله الحاسبه كمان،، كل شويه تقولي
انتي ظالمه وانا مش مسمحاكي، انا بضربها عالطول لما مش
بتسمع كلامي وبقارنها بباقي البنات،، بس بعمل كده عشان
تبقي زيهم، ابني الكل بيشتكي منه انه بيسب الدين ولسانه
طويل وهي لما بتسمع كده. بتقولي اخيرا حد عرف ابنك
علي حقيقته، كل شويه تقولي انتي مش امي ابراهيم بس
اللي ابنك، لاني بضربها ومش بضربه، كل يوم تحلم اني
بضربها واني دبحتها بالسكينه وانا بقولها ده وسواس لانك
حاطه في بالك كده، بقيت مبتحسش باجي اضربها مش
بتتحرك ولا بتدافع عن نفسها ولا حتي بتعيط ولا بتجري
زي الاول،، مش بتزعل مني مهما ضربتها واتخانقت معاها يعني بقي عندها تبلد عاطفي،، هي رجليها
واجعاها ومحتاجه عمليه ب 19 الف فيها لان الدكتور
قال ان معملتهاش بمرور الزمن حركتها هتقل تدريجياً
وده اللي بيحصل الان، ابوها قبل ما يتوفي جبلها حلق
4 جرام ففمره كانت اختي عندنا فقلتلها لو عايزاني
اعملك العمليه هاتي الحلق ابيعه واعملهالك، هي ضحكت
وقتها بس بعد ما مشيت اختي، عيطت واتخانقت وقالتلي ليه تقولي كده قدام حد والعمليه انا مش عايزه
اعملها لانك عايزة تاخدي مني حقها كأني مش بنتك زي ابراهيم،، انا قلتلها خلاص متعمليهاش، عدي علي الكلام
ده شهر ورجليها بقيت تعباها اكتر وحركتها بدأت تقل قولتلها
هعملهالك قالتلي والله ما هعملها حتي لو ببلاش والان هي رافضه تعملها وكل شويه تقولي انتي ظالمه وانا مش
مسمحاكي وانتي وهو بتكرهوني،،، انا مره قلتلها انتي كافره، لانها مكنتش بتصلي بانتظام وكان عمرها وقتها 12 تقريباً،، قولتلهاانتي مريضه نفسيا ومجنونه، وفعلا من سنتين روحت
كشفتلها عند دكتور مخ واعصاب لاني شكيت انها
كده، بس النتيجه طلعت سليمه ومن وقتها وهي بتقولي
اني ظالمه واني زي ما عملت ليها اعمل ليه هو كمان، وانا
قلتلها ان ابني مش زيها، هو عاقل ومؤدب مش زيها،
دلوقتي عايزة اعرف هل انا ظالمه زي ما بتقول ولا لا؟؟
لعرض السؤال في فدني اضغط هنا
الغضب مش مشكلة.
المشكلة إننا يا بننفجّر… يا بنكتم.
والإتنين بيدمرونا.
إحنا اتربّينا إن “الهادي المحترم ميزعلش”.
فبقينا نكتم…
نكتم…
نكتم…
لحد ما ننفجر في أي حاجه بسيطه.
لكن الحقيقة؟
إدارة الغضب مش إنك تمسك نفسك بالعافية… ولا إنك تفضل ساكت.
إدارة الغضب يعني تعرف تعبّر من غير ما تأذي… ومن غير ما تبقى ضعيف.
تعالى أقولّك خطوات بسيطة هتساعدك تتحكم في غضبك ومن غير ما تكتم مشاعرك:
🌟اعترف إنك غضبان.
مش هتبقى ضعيف لما تقول: “أنا متضايق”.
🌟 سيب نفسك تفهم الموقف وتستوعبه … بس مش لازم تتصرف فورًا.
الغضب مش قرار…
لكن تصرفك وقت الغضب قرار.
🌟اسكت 10 ثواني.
ادي مساحة لمخك أنه يفهم ويفكر صح.
🌟 قول اللي جواك بوضوح.
قول: “اللي حصل ضايقني… وأنا محتاج نحله من غير ضغط”.
🌟 اختار الوقت والمكان.
مش لازم نناقش المشكلة واحنا في قمة الانفعال.
🌟 مسموح تعبر… مش مسموح تجرح.
الصوت العالي مش قوة…
القوة في السيطرة على الكلام.
🫰🏻وفي النهاية…
الغضب مش عيب.
الضعف الحقيقي إنك تنفجر في الناس…
أو تكتم لحد ما تتآكل من جواك.
اسمع غضبك… وافهمه… وبعدين عبر عنه بوعي.
ده مش ضعف…
ده نُضج
لعرض السؤال في فدني اضغط هنا
سؤال شخصي مؤثر
في بنت حبيتها وكنت قربت اخطبها ولكن كل ما بفتكر ان ليها ماضي بتراجع عن قراري ونفس الوقت عايز أبعد عنها ومش عارف البنت بتعيط جامد لو جبت سيرة ان احنا مش هنكمل مع بعض هي متعلقة بيا جدا ومتعشمة جدا ان احنا هنتجوز ومتمسكة بيا لآخر لحظة
وبتقولي انا هفضل معاك حتى لو نسبة الأمل اننا نتجوز 1% انا هفضل على الأمل ده انا بحبها ولكن مش قادر آخد الخطوة بسبب ان عندها ماضي وبيجي في دماغي مخاوف كتير لبعد كدة وكل ما ازعلها أو نقعد كام يوم منتكلمش أو نحاول نبعد عن بعض بنقعد أقصى مدة 3 أو 4 ايام وهي اللي بتيجي تكلمني وانا مش بقدر أكسر بخاطرها مش عارف اعمل اي
ملحوظة الموضوع مؤثر نفسيا جدا فيا وفيها افيدوني افادكم الله اعمل اي
لعرض السؤال في فدني اضغط هنا
في البدايه... انا اولى ثانوي مدرسه مشتركه بين الصبيان والبنات... المهم الفصول مختلطه كمان.. ف ولد بيفضل يبصلي ونا بدايق وغصب عني ببص ليه وبيكون عاوزه اقوم ازعقلو أو اقولو مش يبصلي بس مش بقدر.. هو كرر الموضوع دا كتير
دا اي إعجاب ولا مش طايقني ولا اي .
المشكله عندي كمان انو لما حد يركز معايا أو يبص ف عيني مباشر بتوتر جامد وجسمي كلو بيسخن تلقائيا
ف مش عارفه هل أخد موقف ولا مش اهتم...
لعرض السؤال في فدني اضغط هنا
أنا دايمًا بكون منجذبه لفكرة الزواج والعلاقات والموضوع ده بيخليني أكون مشتته وخاصة إني في ثانوية عامه يعني المفروض إنه مش وقته
عمري ما كلمت ولد، وبحب العلاقات اللي فيها رحمه و الأفراح الإسلاميه والحاجات الجميله دي
بس المشكله إن ده بالنسبه لبابا لسه بدري أوي
علشان أنا متفوقه في دراستي والحمد لله خاتمه القرآن ولابسه النقاب بس المشاعر الفياضه دي بجد أحيانا بتخليني أكتئب لإني عارفه إن أي منفذ لخروج المشاعر دي من المتوفر حاليا من العلاقات الغير شرعيه هيكون حرام وفي نفس الوقت الحاجه الحلال لسه على المدى البعيد
لعرض السؤال في فدني اضغط هنا
السلام عليكم
أنا محتاجة افكار سوشيال ميديا اعملها انا عندى تروما ماضى علاقات وأحداث وحابة افيد غيرى اقدر اقدمها ازاى
لعرض السؤال في فدني اضغط هنا
أنا في بنت معايا في الجامعة اتريقت على اسم والدي وهو إسمه ميمي وقالت في راجل إسمه كده كانت واقفة بتتكلم معايا والدكتور بياخد الغياب ومكنتش تعرف إن ده إسم والدي وقالت لي هو إنتي ومشيت والموضوع عدى لكن زهقانة علشان قالت كده
وحاجة تاني معنديش صحاب في الجامعة بمشي لوحدي وبقعد طول الوقت لوحدي ومتضايقة جدا ومش بعرف أتكلم مع حد وأسلوبي جاف وبطلع الابتسامة بصعوبة لكن مش بإرادتي فالناس بتبعد لكن كلهم بيبقوا واقفين مع بعض وأنا لوحدي وببقي عايزه أعيط وفي أوقات كثير بعيط فيها ودايما مكتئبة
لعرض السؤال في فدني اضغط هنا
انا عندي 13سنه اول موقف اني مثلا يكون بحب الشخص جدا وعزيز على قلبي لكن في حاجه فيا مش مفهومه لما الشخص ده بيبقى تعبان أو بيعيط مش بخاف عليه مش بحس أن زعلانه عليه ولا اي حاجه رغم أن الشخص ده بحبو جدا ومفيش حاجه عملهالي وحشه
تاني حاجه اني عندي واحده صحبتي بتحبني جدا وانا نفس الشعور لكن بعد فتره مش قليله بقيت مش بحب الشخصيه دي مش حباها خالص بتجنبها بطريقه مش طبيعيه بقيت مش بحبها نهائي بدون سبب خالص البنت بتحاول تقرب مني وكده لكن انا بجد مش طايقاها خالص
حتى لما حد من صحابي أو اي حد يمسك ايدي من وانا صغيره مش بحب حد يمسك ايدي خالص بحس اني مخنوقه وبخاف من اي صاحبه حركتها عفويه مش قصدها بفكرها حاجه تانيه مش عارفه بجد اي سبب كل
لعرض السؤال في فدني اضغط هنا
صاحبتي او بمعنى ادق الشخص الي هكمل نص ديني و عمري معاه حاسس انه مش هنبقي متوافقين احنا مع بعض بقالنا 3 سنين و المشاكل الي احنا فيها من أول ما عرفنا بعض هي هي
مثلا هي عندها صحاب ولاد من زمان و انا منعت ده خالص كلام و نزول و كل حاجة بقت مقتصرة انهم ممكن يقعدوا مع بعض و انا معاهم يعني واحد او اتنين من صحابهم الشباب و انا و الباقي بنات 3 او 4 بنات مثلا و كل 4 شهور مثلا مرة الحوار ده
بس انا بتخنق من الموضوع ده و مش عارف امنعه عشان هي متعودة ع كدة و انا مش كدة خالص و قبلت بده عشانها و قلتله تدريجيا هنقطعه بس هي مش مقتنعة و بتقولي لما نتجوز هنروح نزورهم و ييجو يزورونا و هبل كدة
إذا كان انا صحابي الشباب مش هدخلهم بيتي عشانك و انتي عادي كدة و حاسس بجد اننا مش شبه بعض و مش هنعرف نتأقلم خالص بس انا وهي بنحب بعض اوووي و متعلقين اووي ببعض بس النقطة دي بالنسبالي نقطة فاصلة ممكن اسيبها بسببها و انا هبقى تعبان طبعا عشان بحبها بس مقبلش على نفسي كدة عايز حل يا اخواتي انا مش عارف اعمل ايه
لعرض السؤال في فدني اضغط هنا
مش عارفة اسامح امي على اللي عملته هي للاسف مش شديدة في الحقوق اخويا طمع في حاجة المفروض البنت بتدخل بيها في جوازها وادتهاله يعني يعتبر راحت لمراته وبتقول انا بساعد ابني
دا غير عقار وايجار حقنا فيه لم يتنازل عنه وبتديله الايجار بحجة تسديد الديون وهو اصلا بحسه كداب كل شوية يشتري حاجة ويتداين عشان يفضل ياخد منه
بصراحة حاجة تحتسب في حقها مع انه هو السبب في طمعه وجشعه
تفتكرو اسامحها ازاي عشان هي مغلوبة على امرها برضو وهو شغال عليها الله ينور مع ان ما شاء الله كل حاجة معاه سواء اسرة او عربية او شغل
لعرض السؤال في فدني اضغط هنا
السلام عليكم ورحمة الله وبركاته
جماعه أتمنى محدش ياخد الموضوع بتريقه او بطريقه خطأ ويفهمني خطأ لان نفسي الاقي حل بصراحه انا شهوتي عاليه بحاول أسيطر عليها عشان انا لسه بنت بس ساعات بفشل وده تاعبني جدا في حياتي تقريبا حياتي متوقفه سواء دراسه أو أي عمل اخر بسبب تفكيري
أتمنى الاقي الحل لاني حاليا لسه ربنا مارادش وجه نصيبي اللي مفروض هايبقي زوجي إن شاء الله بإذن الله وشكرا
لعرض السؤال في فدني اضغط هنا
معجبه بشخص في نفس منطقتي لإني حسيت إنه معجب بيا هو في ٣جامعه وأنا في ٣ ثانوي
ماحصلش بينا أي كلام أو نظرات أو أي حاجه حرام هو مامته غالبًا قالت له عليا لما شافت فيا صفات كتيره حلوه وصفات مشابهه لصفات ابنها
بس مفيش أي كلام مباشر خالص بس أنا حسيت من تلميحات الأم المتكرره عنه
أنا حاسه إني بدأت أتعلق بيه شويه بس كل حاجه بيني وبين نفسي
وبقيت بفكر فيه كتير حاسه إن التعلق ده من كتر كلام مامته عليه قدامي
وفي نفس الوقت أنا حاسه إنه لو حصل مقدمة للخطبة بابا ممكن مايوافقش لأسباب بالنسبه لبابا حاجات مش مناسبه بس بالنسبالي عادي جدا لإن تفكيري مختلف عن أبي
لعرض السؤال في فدني اضغط هنا
اهلا بكم
منذ كنت طفلا في الدراسة كنت اعاني من الوحدة رغم وجود ناس كتير حولي ففي المدرسة منذ الصف الاول الابتدائي كنت اهرب من المدرسه لاني كنت اتعرض للضرب والاهانة من طلاب الفصل ولا حياة لمن تنادي
وعندما كنت ارجع للاسرة كنت اضرب لاني تركت اطفال يضربونني و استمر الحال لمدة طويلة مما جعلني انطوائي و اكره العلاقات
اما حاليا انا سني ٢٠ عام في الكلية حاولت الدخول في علاقات عاطفية حتى في الكلية لكني فشلت وحتي هذا اللحظة عندي أصدقاء فقط على الورق اذا اعتمدت عليهم في أتفه شيء او حزنت منهم لم أجدهم نهائيا
وبالنسبة للاسرة فهي مفككة ومليئة بالنزاعات و التهديدات وبالنسبة لي انا فمدمن على الإباحية و مشاهدة الشواذ و العاده السريه وحتى هذه الايام كلما بحثت او حاولت الاعتماد على صديق يعاملني بالمثل افقد الامل و قلبي يكسر واندم اني فكرت
احاول اكون اجتماعي للحظة فرجاء تحدثوا معي بكل شفافية بدون اي احراج انا اتقبل اي شيء وشكرا لكم
لعرض السؤال في فدني اضغط هنا
انا بكلم شاب على الفيس وأعجبنا ببعض
انا بنت محترمه ومش بتاعت ارتباط أو اي شيء من ده و كلمته قولتلو لو فعلا بيحبني يستناني لحد ما أخلص دراستي و بعدها ييجي يتقدملي بس هو قاللي لا متقلقيش وانا هتقدملك وانا جاهز و محترم و مش بتسلى و لحد كده كويس...
لقيته بيسألني اني ابعتله صور اكتر ليا عشان بيحب يشوفني فبعتلو صور ليا بالحجاب عاديه مفيهاش حاجه
بعدها لقيته بيسألني اني ابعتله صور جسمي ( صور عاديه ليا يعني بس هو عايز يعرف شكل جسمي) فأنا اقوله لا مينفعش وان كده حرام بس هو حسسني أن انا اللي فيا حاجه غلط وان دي حاجه عاديه انو يطلبها و مفهمني أنو بيطلب ده عشان بيحبني بس انا بردو برفض
بعدها يرجع يقوللي عايز اقابلك عشان اشوفك وانا قولتلو هحاول برغم اني عارفه أني انا بخون ثقة اهلي فيا و دي حاجه مزعلاني وانا حاسه ان هو مش كويس ومش عارفه ارفضه بالذوق ازاي وخايفه يطلع مش كويس في الاخر و يهددني أو يعمل حاجه تأذيني...اعمل ايه
لعرض السؤال في فدني اضغط هنا
أنا متعلقه بشخص وبحبه اوي وبجد بحبه حب صادق بس انا وهو ارتبطنا اكتر من تلت سنين وعمرنا متقابلنا بس كنا بنشوف بعض بالصدفه والله وعمره ما طلب مني اي حاجه وحشه وساعدني انو كمان سنتين ويجي يخطبني رسمي ومتاكده انو بيحبني بجد وانا باقيه عليه زي مكنت فاكره وعمره مغلط ف حقي وعيلته كلهم عارفين وعيلتي برضو بس انا عرفت ان علاقتناا ده حرام فنا م عاوزه اكمل عشان ارضي ربنا وضميري يرتاح اعمل اي بس ف نفس الوقت م عاوزاه يزعل وعاوزه يفضل يحبني ويعمل بوعده
لعرض السؤال في فدني اضغط هنا
السلام عليكم
أنا في تالته ثانوي ومدمن على الفيسبوك
فبضيع بعض الوقت اللي أحتاجه في المذاكرة و السبب إني بخاف أضيع التريندات والأخبار بتاعت العالم فبخاف لما حد يسألني من صحابي أو من إخواتي عن تريند أو حادثة كانت مشهورة علي الفيسبوك ومعرفهاش فبشعر إني مختلف ومبقتش مواكب الأحداث فإيه الحل
لعرض السؤال في فدني اضغط هنا
لي أخت عندها ٢٢ سنه بتقعد تتف علينا وتزوم وتهبد بأصوات عاليه جدا وتشتمنا وخصوصا بابا وانا حطانا في دماغها زيادة عن اللزوم متوقعه انا احنا بنضايقها وبتعمل حاجات تنرفزها لو حد تنحنح غصب عنه ولا حتى بابا كح ولا سمعت صوته انه بيتكلم مش عايزه تسمع صوته نهائي ومتوقعه لو انا دخلت الاوضه اجيب حاجه يبقي كده انا بضايقها تقعد تتف عليا جامد وتزوم معتقده اني بضايقها
على طول تشتم بألفاظ سيئه بس بتكون قصد بالكلام بابا حاطه في دماغه زيادة عن اللزوم ولو ماما تكلمت وقعدت تتخانق معها بتفكرها انا بدافع عننا تقعد تخبط وتقفل في باب الاوضه جامد وتدخل الحمام تعمل نفس الأصوات بدايه من أول ما تصحى من النوم مش بتفصل حركاتها ولا اصواتها
حاولت نكلم معها وأقرب منها مش متقبله حاجه ولا طايقانا ولا طايقه حد لما تتعصب وشها يحمر بعينها وتقعد تبرق بعينها كلنا في البيت مش طايقين بعض بسبب الضغط اللي بتسببه لينا معتقده اننا بنضايقها طول الوقت
ساعات تبقى كويسه عادي بتتكلم واغلب الأوقات في الحركات وحالة العصبيه اللي فيها وفي مرة بابا شدها من شعرها وقعدت تصوت وتحدفه بحاجات وبقت في حاله هياج وقعدنا قافلين الباب بسبب انها عايزه تضربه في دماغه بالازازة والطاسات وتصوت وتعلي في صوتها وتشتم شتيمه مش حلوه ايه تصرف معاها نعمل ايه المفروض
لعرض السؤال في فدني اضغط هنا
فى بنت شوفتها عجبتنى كلمت حد من اهلها قعدوا كام يوم يفكروا و البنت شافتنى من بعيد كشكلا يعنى وبعدين ادونى رقم ابوها
كلمته قالى تنورنى نشرب مع بعض كوبايه شاى السؤال هنا المفروض هروح اعمل ايه وهل هيقعدنى معاها قعده التعارف فى اليوم دا ولا المفروض بيحصل ايه؟
لعرض السؤال في فدني اضغط هنا
في ست كبيره عندها حاجه و 50 سنه تقريبا اتعرفت عليها من قريب هي بتبيع حاجات وعندها مكتبه في مقرأه عندنا هنا في المنطقه انا وهي كنا معلمات المقرأه دي انا عندي 18 سنه ومن طريقه كلامها المستمره عن ابن ليها اكتشفت انها بتحاول تلفت انتباهي لابنها ده ابنها ده متدين وحد كويس يعني واكبر مني بثلاث سنين بس هي بتستمر في الكلام عليه
يعني اي موضوع بنفتحه انا وهي سواء موضوع شراء او مقرأه او اي حاجه بتجيب سيره ابنها قدامي متعمده وبتشكر فيه دايما بس انا مش عارفه اتعامل معاها ازاي انا بسكت يعني انا لما بس انا حسيت اني بدأت افكر وشخص كويس جذبت انتباهي له
عندها بنت صغيره البنت كشفت الموضوع كله وقالت لي انت هتتجوزي امتى وبدأت تسأل شويه اسئله كده خلتني اكتشف منها ان في حاجه ورا الاسئله دي فأنا بصراحه مش عارفه
انا عارفه ان القرار كله او الموضوع كله بيد الله كل دي اقدار ونصيب يعني وكمان يعني القرار في الاخر برده لبابا فانا بصراحه يعني مش عارفه وكمان بحب أشتري منها لانها بتهتم بيا جدا الحاجه اللي بقولها عليها بالظبط كويسه جدا جدا في البيع معايا انا بالاخص غير تعاملها مع بقيه الناس
كمان هي المصدر الوحيد يعتبر في منطقتي ان انا اشتري منها الحاجات اللي انا بحتاجها فانا مش عارفه يعني بصراحه موضوعي ده المفروض اعمل فيه ايه انا طالبه اصلا لسه صغيره او هو كمان لسه طالب بس برده في مشاعر جوايا في ان انا بشوف شخص معين بنجذب ليه
لعرض السؤال في فدني اضغط هنا
السلام عليكم
للأسف كنت متابعة مع دكتورة نفسية كلمة مريضة قليلة عليها كانت بتأذيني بكلامها وتتريق عليا وعلى تصرفاتي وتقلل مني ومن مشاعري ومن ضمن الحاجات كانت تقعد تقولي معرفش انت مش زي البنات ليه ده بنتي فيها كذا وكذا مش انت وكانت بتأذيني في موضوع شخصي هي عارفاه وتكلم ماما تقولها ده بنتك دي حبيبتي والجلسه اللي بعدها تطلع عيني ومكنتش بتكتبلي أدوية مع اني كنت بترعش قدامها ومستبيعه كل حاجه وحياتي واقفه
حاليا انا شبه مدمرة وحاسه بالذنب لاني كنت بحكيلها حاجات شخصية اوي وحاجات في البيت وهي عارفانا على المستوي الشخصي اصلا بخاف تبعت لاهلي كل الورق اللي كنت كاتباه بحكيلها فيه كل حاجه ومنها حاجات خاصة لماما وبابا هي إنسانه مريضة بتعمل العمله وتعمل نفسها مستغربة اللي قدامها
كرهتني في نفسي بقيت بعيط بسبب ومن غير سبب وحياتي متكعبله وعلاقتي بأهلي اتحسنت واهلي لو عرفوا اللي كنت يحكيهولها هيتصدموا جامد و هتبقي قافلة بينا بالمناسبة تابعت بعدها مع ثيرابيست كل اللي حكيته لها حكيته لاهلي كله تفصيلة تفصيلة قدام الدكتور اللي بتكتبلي العلاج واحرجتهم واهلي اتصدموا بس الدكتورة الأولى حاكيالها كل حاجه حرفيا
لعرض السؤال في فدني اضغط هنا
انا عندي أخت أصغر مني بسنتين وبحبها جدا ...ونفسي اعرف انصحها بطريقه كويسه تقتنع اننا بنخاف عليها وعايزين ليها الخير ...هي دخلت في موضوع الانستا وسوشيال ميديا والموضوع ده ومش عارف ابعده ازاي عنها من غير ما اخسر الأخوية اللي بيننا بحكم اني ذكر ورجل بطبعي الغيره علي اهل بيتي واللي يخصني ..
بس برضوا محتاج اتحكم في عقلي شويه وغيرتي بدون ما اتعصب او اخسر الأخوية اللي بيننا وبدل ما تلجأ ليا تروح تلجأ للغريب ...كل ما احاول اقفلها كل ايميل هي بتعملوا على انستا او الفيس او اي حاجه مرتبطه بالسوشيال وبيخلي دماغها تتسحل مع القرف سوشيال ميديا الاقيها بتعمل واحد تاني من ورايا وممكن والله اعلم تكلم ولاد ...
احنا ناس اتربينا على الدين من صغرنا وكل حاجه بس برضو السوشيال بيخلي كل الناس تتسحل وتنسى هو وظيفته ايه في الحياه ...
خلاصه الكلام قصدي انا مش عارف اتصرف حد عنده فكره او حل ...وازاي اتعامل مع الموضوع ده ...لاني مش عايزها حد يضحك عليها او تخسر دينها او تخسر الاخره وتتلهي بالدنيا عايز أنصحها واكلمها واتفاهم معاها ..حد عنده حل ...ولو يعرف ينصحني ازاي اتعامل معاها زي ما قال الله ورسوله وجزاكم الله خيرا
لعرض السؤال في فدني اضغط هنا
كنت بتعامل بحسن نيه وكنت شاريها وعاوزها رغم اللي اتقالي وسمعته عنها ...
حبتها غصب عني عملت عشانها كتير وللأسف كل دا مع أول مطب انا مش سبب فيه اتنسى
زعلان أوي على حبي الأول اللي كنت عاوز أدخله في سياق حلال وأخطبها زعلان أوي اني حاسبت علي غلطاتها و عكها قبلي وانا كنت بغيرها عشان تبقي ليا
لعرض السؤال في فدني اضغط هنا
اولا السلام عليكم ورحمة الله وبركاته
انا عندي مشكله كبيره بالنسبالي إني مش بعرف أحضن امي مهما عملت بحس بشعور اني مش قادره أقرب وحتى لو امي حاولت تحضني تلاقيني تلقائيا ببعد.
حاولت أكثر من مره أكسر الحاجز ده بس فشلت 💔
انا قاعده في سكن جامعي بروح لأهلي كل أسبوعين . امي بتبقى مستنيه اني آجي احضنها 😭 💔 بس انا مش بعمل كده بالرغم من اني انا نفسي اعمل كده جدا وكتير ما ببقى محتاجه حد يحضني .
فالنهارده رجعت من السكن و امي مش كانت ف البيت ف لما جات من بره استقبلتها على الباب بابتسامة وسلمت بأيدي عادي فقالت لي حد بيسلم كده قلت لها بأسلوب بارد عكس اللي جوايا انت عيزاني اسلم عليكي إزاي فكانت لسه هتجادل معايا ولكن جم اخواتي وعملوا دوشه وامي انشغلت معاهم . ففي وسط الكلام اخواتي بيقولو لي حاسين ان بقالك فتره طويله بعيده عننا مش اسبوعين عكس كل مره كنا مش بنحس بغيابك ، كنا بنحس انك بتيجي بسرعة فبسأل امي لو كان الكلام ده صح فأكددت لي أن كلامهم صح .
ودي مش اول مره قبل كده من سنه قعدت شهر الامتحانات كله مروحتش البيت فأمي حضنتني وجت تبوسني فبعدت بسرعه جدا بشكل محرج.
انا جرحت مشاعر امي واحرجتها أنا قرفانه من نفسي ومش طيقاني
الموضوع ده كسرني جدا جدا من جوايا دموعي بتنزل لوحدها و انا بكتب
امي احسن ام في الدنيا كلها ضحت كتير علشان انا نفسي اعوضها ولو بشيء بسيط
انا مش عارفه انا ليه بعمل كده
لعرض السؤال في فدني اضغط هنا
انا حاسس إن أنا فارغ عاطفيا فبقول لنفسي لازم تشوف وحده تعاملها كحبيبة ليك عشان تسد الفجوة دي لكن انا في الكلية كل ما اجي احاول اعمل علاقة مع وحدة الاقي نفسي مش عارف اتكلم وببصلها على طول بس ما عنديش الجرأة أني اروح اكلمها،
انا قادر اكلمها بس مش قدام حد وممكن عشان انا مش عارف افتح محادثة معاها ازاي ، لا انا جربت موضوع انك تخلي واحدة حبيبة حقيقية ليك ،دا هيخليك تبعد عن عادة وحشة وفعلا انا قربتها وفرقت معايا بس الدنيا باظت،
وبالذات انا طالب وحالتي المادية تعبانة شوي لأني باخد فلوس كتير من ولدي للدراسة وكورسات الكلية ،عشان سبب الحالة المادية ثقتي بنفسي ضعيفة
فإيه الحل
لعرض السؤال في فدني اضغط هنا
محدش يتريق عليا بس لما اكون شخصيه انطوائية وعندي رهاب اجتماعي اني اعمل شخصيه وهميه في دماغي انا وأحبها واكلمها طول الوقت وأحكي لها على كل حاجه بتحصل معايا انا كدة طبيعيه ولا لا بجد يمكن الدافع أن الناس مبقاش فيها ثقه
لعرض السؤال في فدني اضغط هنا
هو في أي طريقة الإنسان يثبت نفسه بيها و هو لسه متجوزش يعني يثبت نفسه من الانتظار و الزعل انه مش قادر يلاقي حد مناسب أنا عارفة ان كل ده قسمة ونصيب بس الموضوع ساعات بيكون صعب عليا جدا وأنا والله بحاول أصبر بس عايزة أحس اني مش عايشة مستنية الجواز بس طول الوقت
لعرض السؤال في فدني اضغط هنا
السلام عليكم
انا بعانى من سرعه شديده في الكلام وحاسس ان الوقت بيجري وعندي فرط حركه وساعات بتهته في الكلام ومش بعرف اتكلم اصلا مش من الشباب اللي بيعرفو يتكلمو كل ما اتكلم في موضوع ولا أي حاجه اللي قدامى يقولي ايه الى بتقوله ده
بقيت حاسس اني كاره نفسى وحاسس ان كله جاى عليا وعارف ان كده غلط بس قلت احكي لعلى وعسى
لعرض السؤال في فدني اضغط هنا
لعرض جميع الاسئلة في فدني اضغط هنا