في مشكله عند حد اعرفه شخصيا المشكله دي بين اتنين ولازم دكتور نفسي يعرفنا نعمل ايه بس انا مش هقدر اكتب المشكله هنا لان البنت دي عندها برنامج فدني ولو عرفت ان الطرف التاني حكي كفضفضه هتبقي مصيبه بجد عايزه اعرف هل اقدر اتواصل مع دكتور علي الخاص من البرنامج هنا او ترشحولي برنامج المشكله متبقاش علي الملئ زي فدني وشكرا ليكم وادعو بصلاح الحال ليهم🤲🏻
لعرض السؤال في فدني اضغط هنا
زوجتي لسه متزوجين جديد احسها لا تحب العلاقة و تهرب منها و اتكلمت معاها.. كيف اخليها تحبها
لعرض السؤال في فدني اضغط هنا
راجع بعد وقت طويل يطلب مني احاول الاقيله شغل ف نفس مجال شغلي علشان محتاجه ضروري وطلب مساعدتي وقولتله هحاول وحاول يفكرني بكل حاجه بينا وقد ايه انا كنت فارقه ف حياته !
طلب افك بلوك الفيس هيبعتلي حاجه بخصوص الشغل
واول م فكيت البلوك بعدها بكام ساعه لقيته منزل صورته هو وخطيبته وعملي بلوك من كل مكان
طب انا ذنبي اي يرجع ويرجعني لنقطه الصفر تاني ويمشي ويسبني لوحدي !!؟
انا فضلت سنين بحاول اتخطاه دا كان حبيب عمري يا جماعه خرب حياتي تاني ومشي ..
لعرض السؤال في فدني اضغط هنا
يا جماعه انا مليش صحاب انا صاحب الكل ومليش صاحب ارتاحلو خالص كلهم صحاب بالاسم والموضوع ده تاعبني يعتبر انا مجرد صاحب احتياطي لأصحابي لو عاوزني ببقى معاه مش عاوزني ببقى مش فارق مع حد وتعبت اوي من الموضوع ده اعمل اي ومبقتش أذاكر وبقيت واحد فاشل حرفيا مليش اي هدف في الحياه
لعرض السؤال في فدني اضغط هنا
أنا شاب في الثلاثين من عمري وانفصلت عن زوجتي بسبب خلافات تفرقه من اهلي واهلها واوقعو بيننا المشاكل حتى تطلقنا أنا محتار ارجعها ولا اتجوز امرأة أخرى وانساها اريد حل مبسط مع العلم عندي ولدين منها والاولاد معاها لأنهم صغار مع العلم اريد ان ابعد عن الحرام ماذا افعل
لعرض السؤال في فدني اضغط هنا
التخطي صعب بعد الطلاق، كيف اتخطى زوجي بعد الطلاق
لعرض السؤال في فدني اضغط هنا
متقدملي شخص كويس جدا من عيله محترمه ومتعلمه وشيك جدا جدا جدا وهو ابن ناس يعني وتعليم عالي وشغال في شركة كويسه وكل حاجه مناسبة جدا جدا ما شاء الله
وجسمه رياضي ما شاء الله
بس عنده مشكله في عينه الشمال يعني مفتحها حاجه بسيطه كدا وشكلها مش ألطف حاجه ربنا يشفيه ويشفي كل مريض يارب العالمين
انا مرتاحه جداااا بس في نفس الوقت بفكر كتير اووي في عينيه وشكله لأن انا بنت برضو وكمان انا في رابعه كليه
ممكن حد يفيدني
أنا مرتاحه جداااا وفي نفس الوقت بفكر في موضوع عينيه ده
لعرض السؤال في فدني اضغط هنا
انا شخصيتي جريئه ومبخافش من حاجه او من حد فاللي بيضايقني بضايقه بذكاء وحكمه ودي حاجه انا بفتخر بيها وبالذات الصبيان لأن هم اكتر ناس في فصلي بتحب تنتقد اللي بعمله وده عشان انا شاطره بس انا عايزه اني لما البس الحجاب يبقى عندي نفس الجرأة مش عايزه اخاف واقول خلاص بقيت محجبه يبقى اتجاهلهم انا عايزه اخد حقي عادي
لعرض السؤال في فدني اضغط هنا
اشتي استشيركم بشي يخص زوجي
زوجي اتزوجته وهو بعمر الثلاثينات وهو مغترب وانا لساتني صغيرة مقارنة بعمره من النوع يحب ويعشق حاجة اسمها تقليل الذات له بالعلاقة (يحب اكون انا المسيطرة بالعلاقة ) ما يحب يكون هو راجل وانتوا افهموها وشاكة ان بسبب زواجته المتاخرة شاكة انه جرب الشواذ بغربته
و بعيد عن هذا
انه يحب اسمعه كلام قذر جدا قذر كلام مش محصور على الزوجين فقط بل على عائلته في البداية اتقبلت الموضوع الكلام القذر لما كان محصور بيننا لان هذي هي شهوته ...مجبرة اتقبلها بس لما اطور الموضوع اصبح يشتني كمان اتلفظ بكلام قذر عن امه وخواته صار الموضوع يضايقني انه صار يتخايل موضوع الجماعي مع اهله وصرت انفر منه برغم انه مغترب وصرت خايفة ان تكون هذي اعراض الدياثة
وسامحوني على الشفافية بس تعبت مش محصلة احد ينصحني
لعرض السؤال في فدني اضغط هنا
السلام عليكم ورحمة الله
سني في العشرينات كنت طول الوقت بحب العزله واني اقعد لوحدي ومش بحب اتكلم مع حد او اصاحب حد اوي وده علشان محسش بخيانه الصحاب او الكلام ده انا كنت بحب اكون لوحدي يعني حتى في التجمعات العائليه مبقتش أقعد زي الاول بقيت آخد جنب علشان محدش بيسمعني دايما انا بسمع وبسكت
بصراحه عندي صحاب كتير بس مزيفين يعني صحاب بالاسم بس فبكون عايزه آخد رأي ناس في حياتي بس مش بلاقي حد لأن معظم الناس اللي حواليه بحسهم مش عايزين يسمعوا... بس بحس اني عايزه آخد رأي حد في اللي انا بعمله ينفع او لا
هل العزله دي حاجه عاديه وله اوڤر
لعرض السؤال في فدني اضغط هنا
اتخطبت عن حب وهو شخص كويس جدا بي للاسف خنته والموضوع مكنش سهل فسخنا الخطوبة ورجعنا بعد كام شهر، المعاملة حلوة عادي بس للاسف هو لسا مش ناسي الجرح مش عارفه اتعامل ازاي
هل الموضوع هيأثر بعد الجواز ولا لا
حاسة اني ع كف عفريت
لعرض السؤال في فدني اضغط هنا
السلام عليكم
انا اتعرفت علي فتاه من علي الماسنجر ما كنتش اعرف هي منين بس لما سألتها قالت إنها من الصين وبتحب الكاميرون وسألتني انا منين انا متعود ان لما حد مش اعرف يسئلني انت منين مش بقول الدولة الحقيقة بس معاه قلت الدولة الحقيقة وقاعدين نتكلم عادي وقالت ليا ان محبتنيش وهتوجه الطاقة كلها عليا لما سألتها ايه طاقة الي هي بتتكلم عليها بعت صورة ٣ أشخاص لبسين ابيض و وقفين أمام مكتب وحطين علي رسم حاجات حمراء غريبة وللأسف انا روحت علي جوجل وجبت صورة عضو ذكري وبعتها ليها فا هي بعد ما بعت اول صورة بعت صورة لي ٣ أشخاص مختلفين واقفين حول شخص نايم وكلهم لبسين اسود فهي بعدها قالت لي اني مش هنجب أطفال وبعدها قالت لي اني هفضل طفل انا خفت لقيتها بعتت صورتين لي أعضاء ذكريه لي شخصين مختلفين وقالت لي انهم باعو الخصية الخاصة بيهم عشان يسدو وطلبت فلوس بس انا عملت إبلاغ عن الصفحه و عملت لي الصفحه حظر بس انا من وقت كل ده ما حصل وانا خيف لا انا مرعوب
بالله عليكم الي يعرف حاجه او معلومه يفدني عشان انا قاعد مرعوب جمد
ولم كلمن شيخ قال لي انها ساحرة انا اصلا ما بعت فويس او صور هي ما تعرف عن اسمي حتي بس انا خايف
لعرض السؤال في فدني اضغط هنا
انا متزوجه من شاب انا اكبر منه بعشر سنين بعد قصة حب واتجوزنا رغم عن أهله بقالنا اربع سنين ولسه ومخلفة بنت عمرها 3 شهور الآن وخلاني آخد مانع الحمل حقن كل ثلاثة أشهر والان هو يعيش قصة حب مع مغربية ويوميا يتحدثون معا وتركني وحدي كيف اتغلب على ذلك انا حزينة جدا لانها لديها امكانيات اكتر مني هي حلوة ورفيعه وصغيرة في السن وانا تخينه وعجزت ماذا افعل بقلبي يتمزق والبكاء يزرف تلقائيا
لعرض السؤال في فدني اضغط هنا
السلام عليكم ورحمة الله وبركاته
كنت محتاج رايكم في حاجه انا نفسي اتجوز واحده من قرايبي بس هما حالتهم الماديه عاليه اوي اوي وانا حالتي الماديه متوسطه نفسي أتجوزها اوي بس خايف اتقدملها يقول اني طمعان فيهم وخايف متقدمش اندم بس فيه فرق طبقات مجتمع عاليه اوي وانا ثانيا مقدرش اصرف عليها حتي او اجيب متطلباتها بس انا بحبها اوي وغير كدا يعني قريبي ده ميفكرش لمده ثانيه اني ممكن اتقدملها علشان فرق طبقات المجتمع عاليه ارجو انو حد يعرف يفدني
لعرض السؤال في فدني اضغط هنا
اصبحت لا اشعر بالسعاده من اي شيء حتى الاشياء التي كنت اريدها بشده
منذ سنوات وانا بحلم افتح حضانه اطفال وخاصه ان زوجي لا ينجب ولا يوجد لدينا اطفال والحمد لله زوجي فتحها لي من سنه ونص اصبحت حاليا غير مهتمه بها على الاطلاق ومش بحب اروح عكس الاول تماما
كان زوجي بيزعقلي عشان كنت بقعد هناك من 7ل7وعملاها فترتين الان بعد بالاسبوع متحججه اني تعبانه ومبروحش ده على سبيل المثال منذ سنوات بحلم اطلع عمره وبفضل الله زوجي وداني منذ شهر ونص تقريبا وقعدنا اسبوعين وكنت فرحانه جدا لما قالي جهزي نفسك هنسافر عمره لدرجه اني بوست ايده وطول الوقت مشغله اناشيد للعمره
ومش هقولكم مجرد ما جيت وانا حاسه اني مش مبسوطه وتعبانه وكل شويه بتعصب عليه جدا وسلفتي هتطلع عمره رمضان وهتسيب لحماتي اطفالها وجوزها واحنا اصلا بيت عيله بنفطر سوا في رمضان والاطفال بيحبوني جدا وكل شويه يقولولي لما ماما تسافر نقعد معاكي او تذاكري لنا بس انا رغم اني بحبهم احساسي اني مش عاوزه اقعد معاهم وبفكر في حجج من دلوقتي عشان مكنش معاهم
والصراحه حماتي كويسه بتسبني براحتي منكرش ان سلفتي كمان كويسه وكل حد في حاله بس بتعرف تغيظني وتقول العمره هي رمضان يعني الي انا روحتها ولا حاجه وان عمره رمضان بثواب حجه مع الرسول بس هي طالعه مع امها بورثها من ابوها الله يرحمه لكن انا ربنا يخلي والدي وجوزي طلعني على قد ما قدر مش عارفه فاهميني ولا ايه طولت عليكم بس الخلاصه اني اصبحت علطول حزينه وسهله الغيظ وسهله العصبيه بدون سبب ومكنتش كده
لعرض السؤال في فدني اضغط هنا
انا بنت وكنت بحب شاب حب قوي اوييي وارتبطنا بس حصل كذا حاجه وهو رجع لحبيبته القديمه وانا اتأذيت اوي بس هو مكنش يقصد لانه هو كمان كان مأذي من البنت ديه وكان بيحبها اوي فرجعلها بس فضل مابنا الاحترام وهو شخص كويس جدا ومعملش حاجه تدايقني أو تجرحني قبل كده وموضوع رجوعه لحبيبته ده مكنش يقصد يجرحني بيه
المهم أن انا بعدت شويه عنه وبعديها بفتره ارتبطت بشاب تاني هو كويس جدا ومحترم وبيحبني اوي وبيخاف عليا وبيعمل كل حاجه عشان يرضيني وأنا بردو حبيته بس بعد ما ارتبطنا بشهر رجع الشاب الي كنت بحبه ف الاول وقالي أنه ساب حبيبته القديمه تاني وأنه خلاص مش عايزها تاني ف حياته وقد ايه هو ندم على خسارتي واكتشف أن هو بيحبني انا بس كان متعلق بيها هي وان وجودي ف حياته فرق اوي وهو نفسه نرجع وهيصوني ومش هيخسرني تاني وللعلم هو مكنش لسه عرف أن انا ارتبط بشاب جديد..
بس انا لما عرفته قالي خلاص أنا آسف ومستعد اخرج من حياتك خالص وربنا يخليكوا لبعض ويحافظ عليكي.. المشكله أن انا لما كلمني حسيت بانبساط وان لسه جوايا مشاعر ناحيته وخايفه اوي اكون لسه بحبه واظلم معايا الشاب التاني ومش عارفه اخد قرار ايه..
خايفه اكمل مع الشاب الجديد واطلع ف الاخر بحب اهتمامه بس ولسه بحب الشاب الاول واءذيه معايا جامد اوي وهو ملهوش ذنب و ف نفس الوقت خايفه ارجع لحبيبي القديم ويطلع متغيرش بجد ويأذيني تاني فأنا بجد مش عارفه احدد مشاعري واخد القرار الصح ومحتاجه مساعده وحد يدلني اعمل ايه✨
لعرض السؤال في فدني اضغط هنا
السلام عليكم
انا مبقتش عارفه أبقى اجتماعيه مع الناس خالص نفسي أبقى اجتماعيه وأتكلم مع الناس واتعرف على الناس بس ديما بيبقي جوايا خوف والأشخاص اللي في حياتي يتعدو على الايد ودلوقتي بداؤ يبعدوني عني وبقيت احب ديما افضل لوحدي وبتعامل مع الناس القريبه مني وبس اللي هما اهلي والأشخاص اللي يتعدو على الايد دول بس انا زهقت من الحياه دي عاوزه اكسر حاجز الخوف ده ومش بعرف ونفسي تبقي شخصيتي قويه ممكن تدلوني حل اسفه علي الاطاله
لعرض السؤال في فدني اضغط هنا
انا بنت عمري ١٩ سنة اجا شخص وتقدم لخطبتي وحسب الشرع والعادات قعدنا سوا كم مرة رؤية شرعية وكنت كثير مبسوطة ومرتاحة للامر لكن بعد أن تم كتب الكتاب ( عقد القران او عقد الزواج ) بدأت احس اني ما بدي أكمل رغم انه ما كمل يومين ع الموضوع بس طول الوقت يجي ببالي هاد الشي ولما يكلمني يقول كلام حلو أو هيك شي احس اني ببكي ما بدي كل هالقصص، هو مش شخص سيء بالعكس هو شخص جيد و لطيف ويعطي حب مش طبيعي لاهله بس احس انو مابدي خلص اكمل بنفس الوقت انا كنت بعرف انه هو مكسور وزعلان لما صارت مشاكل قبل ان يكون في بينا ارتباط رسمي فمحتارة شو الحل
لعرض السؤال في فدني اضغط هنا
متزوجه من 10سنين وزوجي لا ينجب وأشعر بالوحده وجربنا كل العلاجات والعمليات ووصلنا لانه مفيش حل وفكرنا في الكفاله منذ سنتين واهلي رفضوا وقالو لو عاوزه أطفال اتطلقي وانا بحبه وهو يحبني وكويس معايا
انا بقالي سنتين واهلي شويه مقاطعني وحاليا بنتكلم وبروحلهم بس المعامله فيها مناوشات ومع زوجي بيتجنبوا تماما لا بيجولي ولا هو بقي بيروحلهم بسبب معاملتهم له مع العلم كل لما أروح عندهم يسألني سألو عليه فلما اقوله لا يقولي ربنا يهديهم انا حاليا بدأت في ورق الكفاله وخايفه منهم يقاطعوني تاني ومش عارفه افتح معاهم الموضوع ازاي
لعرض السؤال في فدني اضغط هنا
اريد نصيحه لوجه الله
متجوزه من 13سنه وزوجى متعدد العلاقات عالنت واجهته كتير لكنه يرى انه لايفعل شىء وسالت شيوخ وكان الرد ان هوه اللى هيشيل وزره بس بحس انى منافقه انا من جوايا رافضه انه يكلم حد بس بعامله عادى لانى لما بواجهه مبيوصلش لحل وتعبت تنصحونى اعمل ايه
للعلم احنا بنا 3اولاد
لعرض السؤال في فدني اضغط هنا
السلام عليكم..
يا جماعه انا مبقتش عارف اعيش حياتي طبيعي .. انا بقيت باخد بالي من كل تفصيله .. كل نظره .. كل نبره صوت غير المعتاده ، بقيت شخص حساس جدًا ممكن تعاملي يتغير مع شخص معين بسبب نبره صوته اللي كانت متغيره بسبب مثلا ان كان مرهق في اللحظه اللي انا كلمته فيها
بقيت حاسس ان انا بعمل كل حاجه غلط ، حاسس ان الناس دايمًا اعلي مني مش عارف ليه
مش عارف اكّلم مش عارف اعبر عن اللي جوايا
مش عارف اسال الاساتذه حتي في الدروس علي الاجزاء اللي انا مش فاهمه ، بقيت حاسس ان انا لما اتعامل مع حد ببقي تقيل عليه
كل ده وصلني لدرجه سيئه جدًا بتخليني حتي مش عارف امشي في الشارع حاسس ان كله بيبص عليا و بيعلق عليا ، خطواتي بتبقي تقيييله اوي كل ده مخليني افكر في اني مش هعرف اكون اب كويس و لا حتي شريك حياه كويس و لا هعرف اجوز (و دي مشكله تانيه ان انا حتي مش هلاقي اللي ترضي بيا بسبب ان انا مش زي بقيت صحابي .. شكلي مش ممكن يجذبهم و لا حتي طريقتي بسبب انطوائيتي )
بالاضافه ان انا بتجيلي افكار زي ان هو استغفر الله العظيم ان * انا مكاني مش هنا و فكره كوني اني انا بني ادم بتتعبني و عايز اموت عشان انا مليش في العيشه* دي بس انا بحاول اقاوم الافكار دي لاني بحسها حرام و ميصحش افكر فيها ، و اللي تاعبني اكتر ان انا مش معايا فلوس حتي اروح لدكتور نفساني او معالج نفسي ده زائد ان اهلي اصلا مش مقتنعين بـ ان التعب النفسي زيه زي اي تعب جسدي و لازم يتعالج بسرعه
انا مقهور يا جماعه و مش قادر اعيش طبيعي مش عارف اعمل ايه مع ان علاقتي مع ربنا الحمد لله كويسه و منتظم في الصلاه
لعرض السؤال في فدني اضغط هنا
السلام عليكم
انا بقالى اكتر من سنه مش بتكلم مع امى و دا كان بسبب خناقه الفكره انى مش عارفه سبب الخناقة دى اى
لقيتها مره وحده بتبعتلى على الواتس و بتغلط فيا و بتقولى انسي أن ليكى ام انا تلقائيا لما لقيتها بتتكلم معايا كدا قلتلها و من امتا انتى امى
المشكله ان احنا كنا لسه قبليها بيوم بنتكلم و عادى و بنهزر مفيش حاجه و لما لقيت الرساله دى رديت عليها بانفعال و المشكله انى حاولت اكلمها كذا مره علشان افهم فيه اى مردتش عليا ولا عيرتني و كمان عملتلى بلوك
علشان تفهموا اكتر علاقتى بامى هحاول اقولكو باختصار
ماما انفصلت هى و بابا من و انا صغيره و طبعا رحت قعدت معاها دى طبعا مش مشكله، المشكله أنها اوقات كانت كتير بتضربنى و بتقولى أنها عايزه تموتنى و اوقات كتير كانت فعلا بتحاول و اوقات تانى كانت بتحسسنى انى اغلى ما تملك و اوقات كتير تانى كنت لما بغلط أو اعمل حاجه تضايقها كانت لما تضربنى تقولى أنها بتكرهنى و أنها عايزانى اموت علشان تخلص من الرابط اللى بينها و بين بابا
وقتها اصلا انا كنت 7 أو 8 سنين المهم هى اتجوزت و عاشت حياتها و انا رحت عشت مع عمى و مراته اللى هى خالتى طبعا دول ماما و بابا من غير كلام لدرجه انى لما بعرفهم لصحابى بقول بابا و ماما لانى من و انا عندى 10 سنين و انا معهم و انا دلوقتي عندى 21 سنه
المهم فى ناس كتير من العيله بيقولوا انهم بيخلونى اشتغل خدامه عندهم مع أن دا العكس تماما
المشكله اللى دايقنمى انها لما شتمتنى من غير سبب قالت لى انى خدامه مع انى عندى بيت و أراضى ملك يعيشون ملكه من غير اى حاجه بس طبعا مينفعش اعيش أو اقعد لوحدى
اللى كسرنى اوى أن الكلمه دى طلعت من امى هوا ايوا مهما كان دى امى بس الكلمه دى كسرتنى اوى و خصوصا لما راحت بعتت لخالتي و دعت عليها و على بناتها وهى اصلا متعرفش أن احنا متخانقين فوريتها المحادثه
و من فتره خالتى قالتلى اروح ازورها و كأن مفيش حاجه وقتها فعلا مقدرتش انى اروح لانى موجوعه منها و تعبت فعلا و معنديش قدره استحمل حاجه تانى
هوا انا عارفه أن دا اسمه قطع صلا رحم بس انا فعلا مش قادره مع انها وحشانى هى و اخواتى بس مش قادره اسامحها على الكسره اللى كسرتهولى
و فى نفس الوقت مش عارفه اعمل اى محتاره بجد حاولت كذا مره انى اسامحها بس والله غصب عني مش بقدر
لعرض السؤال في فدني اضغط هنا
السلام عليكم
انا عندي ١٧ سنه، كنت شخصيه اجتماعية جدا ومتفوقه في الدراسة ودايما من الأوائل ولكن بقالي سنتين نزل مستوايا ومعنديش ولا صديقه ولا حد وفي السنتين دول مطلعش من البيت كتير مخنوقه ولوحدي ومحدش بيسأل عليا
وانا في ثانوية عامه وفضل ثلاث شهر علي امتحاناتي ونفسيتي مدمرة وأهل حاطين امل كبير فيا بما اني البنت الكبيره ومش عاوزه اكسرهم ولا ازعلهم
تعبت اووي ضايعه مش عاوزه مستقبلي يضيع عندي طموحات واحلام عاوزه احققهم بس مش عارفه اخد الخطوه ممكن حد وكنت قريبه من ربنا وبعدت ودلوقتي بحاول أرجع تاني من صلاة وقيام وصوم ممكن حد يساعدني
السنتين دول حاسه انو هما راحو من عمري بدون ما استفاد منهم ممكن حد يساعدني بسرعه
لعرض السؤال في فدني اضغط هنا
كيف يتم علاج الرهاب الاجتماعي عند شاب يبلغ من العمر 19 عاماً وهل اذا تم التأكد من وجود الرهاب الاجتماعي هل له حل لدى الشخص البالغ ام هو فقط له حل عند الاطفال الصغار ؟؟؟؟
لعرض السؤال في فدني اضغط هنا
السلام عليكم،
اولا انا عمري،14 سنه، صف ثاني اعدادي بالمدرسة، ان من طبيعتي اني اقعد هاديه في البيت برا البيت مش تصنع يعني، ومن وقت ما دخلت المدرسه لدلوقتي متخانقتش مع حد ابدا، او حد اشتكى مني، وكل المدرسين عارفين اني هاديه جدا وشاطره، والله انابقول الحقيقه دي شخصيتي،
وعلطول باخد في السلوك عشره من عشره، بس المشكله ان لما انا مليش صحاب او بمعني اخر مش بعرف اتعرف على صحاب، والبنات اللي معي بالفصل يعني، فاكرين اني يعني عندي توحد او معقده او عبيطه، المهم انهم فاكرين اني مش طبيعيه، لانهم علطول بيتكلموا في الحصه ومشاغبين وانا والله مش بعمل كدا،
انا دلوقتي عايزه افهم اذا كنت حقيقي معقده او عندي توحد لاني الموضوع ده مضايقني، دلوقتي مصاحبه واحده معاي في الفصل مصحباها من السنه اللي عدت، ودي بتصرف معاها علي طبيعتي جدا، واتكلم كتييير جدا معاها، هيا سمعتها وحشه اوووي، بس انا مش بمشي معاها، انا بتكلم معاها في الفصل، تقولي انا مش بثق في حد، زيك انتي، في مره راحت المقلمه بتاعتها في الفصل، فتشت الشنط كلها ومرضيتش تفتش شنطتي
لعرض السؤال في فدني اضغط هنا
السلام عليكم
كنت دخلت في علاقة غير رسمية مع حد بس أنا كنت شايفة إنه بيحبني اوي اوي، قبل ما نرتبط كان عندي على الفيس ولاد وبتكلم معاهم عادي (عارفة إن دا غلط بس علاقتي مع أهلي وحشة وبحاول أهرب منها)
المهم ساعة ما ارتبطنا مسحت الفيس وبعدت عنهم وفضلت معاه لحد ما في يوم كان بينا مشاكل فرحت فتحت الفيس اكتشفت إن حد كنت اعرفه (ولد ) والده توفى قلت مليش دعوة ومش هكلم حد، بعدها اتصالحنا تاني وحصل مشاكل تانية فقررنا نبعد بعدها فتحت الفيس تاني وكلمت الشخص دا وعزيته وبعدها مكلمتوش تاني ومبقاش ليا علاقة بيه بعدها بيومين رجعنا أنا والشخص اللي كنت مرتبطة بيه يوم وعرف كل حاجة (لأني عطيته الايميل ) وقالي أنا من طريق وانتي من طريق وقالي قد إيه أنا شخص وحش وفضل يدعي عليا
عارفة إني غلطانة غلط كبير ومتضايقة من نفسي اوي بس حاسة مش هعرف أبقى إنسان كويس وهو معاه حق الموضوع مأثر عليا جامد حاسة إني إنسان وحش وكنت مؤذية وخايفة أفضل كدا
لعرض السؤال في فدني اضغط هنا
السلام عليكم
ارتبطت بشخص من سنين كتير ولظروف عائليه سبنا بعض وكله فتره بنرجع نتكلم ونرجع تاني نسيب بعض ظروفنا الشخصيه اتغيرت خالص وكل حد بقn مع ناس تانيه والحياه Hخدت كل واحد منا ف سكه مختلفه لكننا برغم من كدا كل فتره بنرجع نتكلم ونسيب بعض تاني اخر مره انا قررت اقفل الحكايه وابعد خالص لكني عندى شعور كبير انى اتواصل تاني وخايفه من عواقب كدا لكن احتاج جدا للتواصل معاه اعمل ايه ارجو الافاده
لعرض السؤال في فدني اضغط هنا
انا طالبه فرقه رابعه من اوائل دفعتي اول ما دخلت الكليه صاحبت بنات كانوا الاوائل بس كان ترتبيهم السابع والثامن وبعدين في تانيه بقوا أعلى وفي تالته لقيتهم مركز اول وتاني وانا التالت طيب كده ازاي الدكتور قال هما بيعملوا تحسين من سنه أولى يعني بياخدو مواد في الصيف ويحسنهوا المهم هما اصحابي وعملوا كده من ورايا ولم قلت ليه مقولتوش ليا قالولي كل واحد يخاف علي مصلحتوا وبقا يقولوا عليا اعداء النجاح وانا ببصلهم في نجحهم كرهوني في الكليه وفيهم واحده مش بتبطل كلام عليا حتي مع صحابي بنت فظيعه بجد مش عارفه اعمل ايه
لعرض السؤال في فدني اضغط هنا
حصلت مشاكل بيني وبين أهل زوجتي وأبوها قام بطردي وحاليا انا مقاطع لهم رغم محاولات العودة لكن كل زيارة لها سب فيا وفي نفس الوقت انا قررت مفيش إنجاب لأنها لا تتحمل مسؤولية هي ممكن تكون طيبة لكن فعلا مش بتشيل همي مطلقا
لعرض السؤال في فدني اضغط هنا
انا مشكلتي نفسية وهي الوحدة ، انا سني 23 عام ولكني وحيدة تماما بسبب ظروف المحيطين بي ودا عملي اكتئاب وتفكير زايد جدا جدا محتاجه اتكلم مع حد حاسة اني هتتجنن وانا لوحدي ودا عملي ارق كمان مبقتش عارفة انام بشكل طبيعي
حتى مليش اصدقاء كتير اتكلم معاهم مبحسش براحة وأنا بتكلم معاهم
محتاجة اتكلم مع دكتور نفسي ولكن غالي عليا جدا😥 اعمل ايه ؟
لعرض السؤال في فدني اضغط هنا
باختصار أن تأذيت من واحدة كانت تعني لي الشيء الكثير كنت مكبراها في داخلي وبأهتم بيها وكنت بأخاف عليها ما اعرفش ليه كل ده بس ده اللي حصل وخذلتني كم مره لحد ما جابت آخرها وعملت تصرف بايخ فقررت أني أرد عليها بطريقتي فضلت شهر ما بكلمهاش ابدا ولا بسلم لحد ما اخذت بعضي ومشيت من المكان اللي كان بيجمعنا ...وكرهتها وعدت فتره طويله ما اعرفش ليه بتجي في بالي كل فتره تعبت بجد خلاص انا اتقرفت ما اعرفش ودائما افكر نفسي اد ايه هي وحشه جدا ومش بس انا اللي تأذيت منها بس انا اديتها مكانه ما بتستحقهاش ايه اللي بيحصل معايا يا ناس
لعرض السؤال في فدني اضغط هنا
أنا خايفه من نفسي و من حياتي اوي و مش عارفه اتعامل مع الناس و دي حاجه مزعلاني و مخليني مقهورة و حاسه بقلة ثقه جامده في نفسي
امي اذتني جامد في حياتي وجعتني حطتني في مواقف كتير صعب حطتني في مواقف وعمري ما حد يتخيلها قالت عني كلام عمره ما حصل مشكله مش عارفه هي بتعمل معايا كده ليه دايما بتحاول ان هي تاذيني في مستقبلي دايما بتحاولوا ان هي تخليني ما كنتش شاطره يعني لما بتعرف ان انا متميزه في حاجه بتحاول تدمرني فيها
لو حد قال عني كلمه كويسه ما بتسيبش الشخص ده غير لما تزهقه في حياته عشان ما يتدخلش ثاني عشان ما يقولش عني حاجه كويسه ثاني قالت عني حراميه وانا عمري في حياتي مديت ايدي على جنيه دايما بتالف عني مواقف والله وبالله عمرها ما حصلت دي بتستغل ان انا مثلا اعمل شغل جامد في البيت بالمناسبه بيتنا ده كبير اهلي تجار في العطاره يعني بيتنا مليان بضاعه ومليان كركبه وحرفيا بيبقى عايز كل يوم يتنظف بل كل ساعه
وهي استغلت في يوم او كل مره بعمل فيها كده بنظف تنظيف جامد ببقى من فوق لتحت تراب والاقيها واقفه في الشارع بتصوت وتزعق وتقول ده انا محدش بيشل معلقه من مكانها ده محدش بيعمل لي حاجه تخليني لسه غاسله كم مواعين من وراه بتبقى عامله فيهم حاجات يعني بتبيعها مش اكل ولا واقفه بردك في الشارع تقول ده انا لسه غاسله مواعين ده انا لسه عامله ده انا لسه مسويه
وانا اللي واقفه بغسلهم مش هي وما عنديش حد بيغسل لي حاجه وما عنديش حد بيعمل لي حاجه برده لما تيجي تبوظ حاجه تقول ان انا اللي عملتها حتى في يوم كان ضايع منهم حاجه ودورت معاهم وجبتها قالت ان انا اللي كنت مخبياه وقالت ان انا اللي مدوخاهم عليها حتى هدومي تخليني نشره هدومي وترميها مش فاهمه دماغها هتهبل
انا تعبت بجد حاولت امشي من البيت ما عرفتش حاولت اعمل اي حاجه ما عرفتش ومصيبه انها امي يعني مش مرات ابويا وانا عمري ما عملت حاجه في حياتي يتقال عليها ان هي دي السبب ما فيش ده انا مش عارفه اتعامل مع الناس من كتر ما انا قاعده في البيت بشوف الناس وشي بيحمر وبيعرق وبخاف وبتوتر ما بعرفش اتعامل مع حد مش عارفه اعمل ايه نفسيتي تعبانه كل اما اقول هفوق لنفسي وخلاص هقول استحمل ايام اللي هعيشها معاها حرفيا انا مش عارفه اتعامل مع نفسي حتي
لعرض السؤال في فدني اضغط هنا
سؤال مهم للغاية
السلام عليكم
أنا شاب في العشرينات من العمر دايما عندي إحساس أن أنا لم أنجز شي في حياتي كلها وأن أنا فاشل وأيضا لا أجد تقديرا من أحد البتة وما زلت في مكاني
لعرض السؤال في فدني اضغط هنا
السلام عليكم ورحمة الله وبركاته
أنا بنت وحيده لاسرتي وعندي أخين ولد بابي صعب شوي وعِندي بالذات معايا من وأنا صغيره كنت بتعاقب على حاجات كتيره أخوي مثلا الي عملها بدافع كنتي فين وهو بيعمل كده مع العلم أنا اكبر من اخويا بسنتين بس يعني طفله زي زيو فأكيد مش هعرف آخد بالي منه مهم
وصلت لمرحله ابتدائيه كده في الصف الرابع الابتدائي كنت متوحده مكنش عند صحاب ولا بتكلم مع حد
ده مش مرض ده كان بمزاجي وف نفس وقت كان عندي خوف رهيب من اي ولد يكون كبير مثاا شاب او مدرس او حته عمو معدي ف شارع عند 6 ابتدائي كده كنا ف زياره لبلدنا احنا كنا عايشين ف بلد تانيه غير بلد اهلي بحكم شغل بابي في الفتره الي ككنانه فيها اجازه رجعت شفت ابن خالتي قبل ما نسافر لشغل بابا
كنت أنا وماما واخواتي عايشين ف بلدنا لم ماما خلفت اخويا 3 كنت تانيه 3 ابتدائي ف ماما كانت بتسبني عند خالتو وكنا بنلعب مع ابن خالتي ده هو وحيد لخالتو وقت م رجعت زياره وشوفناه كنت أنا اتغيرت مكنتش بكلم كتير غير ضروره
كنت بيكلم ونا بحب اسمعلو ونضحك عل كلامه وأنا كنت بحب العب معاها ونا صغيره كنت بحسو بيعوضني عن حاجات كتيره فانولد حب طفوله كده
المهم جه اول اعدادي وكنا ف بلد تانيه عادي مهم لقيت ابن خالتي بعتلي رساله وكده ف رديت مين وطلع هو، كنا بنكلم عىل اساس اخوات وكده وبعدين انقطع م بين الكلام وشويه ظروف وأنا مع بابي كان الاول يقولي لو مجبتيش كليه الطب ولا أنتي بنتي ولا اعرفك تمام
كنت وقته تانيه اعدادي ف 3 اعدادي رجعت بلدي مع ولدتي واخواتي فبفضل الله والحمد الله جبت مجموع كويس جداا ف 3 اعدادي ودخلت ثانوي عام وبمجموع كويس جداً ومرحله اوله ثانوي عام وفي تالتة كنت بكلم مع ابن خالتي وكنت بحبو اوووي لانو كان بيهون عليه كتير اووي ف 3 اعدادي كده بدا يجيلي عرسان وكده ف الاول اهلي كانوا بيرفضو عشان تعليمي
وعلى اول ثانوي اهلي يوافقو ويسالوني فأنا قولت لابن خالتي وفتره ادي اعترفنا ان احنا بنحب بعض وأنا اهلي مصرين إني اتخطب ومش عارفه اي
فضلت ارفض واقولهم أنا عايزه اكمل تعليمي وآخد واحد متعلم زيي
في تانيه ثانوي ف بدايه جالي عريس كان متقدم من 3 اعدادي فضل يجي كذا مره ف بابا قعد معاها بره البيت هو دبلوم ومعاها اراضي ومسافر وشغال حلاق 🙂
بابي وافق وقعد يقنع فيه وأنا رافضه وبعد فتره جالي واحد متعلم ومعه اراضي واكبر مني ب 9 سنين وفضلو يزنو عليه ونا رافضه أنا مش عاوزه اتخطب الوقتي وفي حد ف قلبي
بابي بدا يعاملني اوحش حاجه وبقيت اكره خميس وجمعه الايام الي بيجي فيه كل م اعمل حاجه يزعقلي اي قرف ده كل م اعمل حاجه حلوه اخواتي واهلي يقولي حلوه اوي بابي يقولي انتي مخترعتيش كانت ناقصه وناقصه لا وحشه
و بعدهاا قالو طيب قعدي قعده شرعيه طيب و بعتلي عمي يزعقلي يقولي انتي عايزه اي قولتي متعلم وجهه مش عاوزه تخطبي ليه قعدت اقوله يعمو نا مش عاوزه اتخطب نا ثانوي ومحتاجه اكمل وقالي وبعدين قولتلو بس وطبعا كنت قلت لابن خالتي فبعدين من كتر الضغط وافقت عليه قبل م يبعتوا الرد
كان ابن خالتي اتقدم وأنا قلت لماما أني بحبو وبعدها بيوم قلت لماما إني بحبو وعايزه ابن خالتي بابا رفض رفض تام سبب ان ابن خالتي حاله من حالات شباب كتيره هو بيصرف على نفسو
باباه مش ليه علاقه بيه هو ف 3 كليه حاليا مهم بابا ساب البيت ومشي لما قلت له لانو قالي هو مش هيصرف عليكي ومش هيعملك حاجه ومش عارفه اي وهتندمي وأنا مش موافق فضلت حزينه اووي دي كانت اول مره اطلب من بابا حاجه نا عمري م طلبت حاجه زي اخواتي بعده فتره من الالام بابا وافق وعمي موافقش فكانت معامله وحشه اووي مهم قرأنا فاتحه وجاب دبله واتفقوا اني البس باقي شبكه بعد 3 ثانوي رغم ني اخترت الي اختارو قلبي بس أنا مكنتش عايزه اتخطب الوقتي
ف مدرسه بيعاملوني ني مخطوبه ف اكيد مش شاطره ونا والله شاطره وبعمل الي عليه وبيعملو على تحفيل ونا مكنتش عايزه كده كل حاجه بحسه باختيار بابا مفيش حاجه ليه لم نتجمع وكده واكلم نا و خطيبي بابا يقولي لا ومتعمليش كده نتي عارفه ربنا ونا والله ما عملت حاجه غلط وكل حاجه بحدود والله
المهم كل شويه بابا يزعقلي نا خطيبي بيشتغل عشاني وكده وبيت وشبكه وكده ف نا براسلو لم بيرجع من شغل بس بهون عليه لانو بيتعب اووووي فبابا يجي يقولي خفي شويه وكل لم اقول حاجه بسطتني من خطيبي لماما يزعق ف فتره دي وكده عيد ميلادو ف حبت ليه هديه وكده ف باب ا شافه وقالي اي ده انتم مش مخطوبين اوووي دي مجرد قرايه فاتحه فبشاور عل دبله وبقول دي اي قالي لسه مجبش شبكه كله
قلت له يعني اي يعني قالي هو كده ف بقولو نا وماما كنا بنفكر انن منعملش خطوبه وباقي دهب يلبسوا ف اي مناسبه لينه قبل فرح يعني قالي وتفكري نتي ليه نا الي اقول واقرار ده بمزاجي انا ملكيش دعوه ولا نتي ولا امك نا هنا بس الي اقول اعمل اي صراحه نا شايفه فتره قليله جدا نا حاليا تانيه ثانوي ترم تاني وهو بجد بيتعب اووووي فبابي بيحب انا اسفه بجد الفشخره انا لزام اعمل نا محدش اقلل مني نا شايفه فتره قليله ونا مش عايزه كده
أنا كنت حابه زم كانت ف بيت وناس قريبه حضرت وخلاص مفروض دي حياتي ونا اختار انم كل حاجه بابا لا بابا قالي وقتي لو مجبش شبكه الي تدخل دماغي نا هفركش طيب ليه افركش نا عمري م حد كان حنينه عليه بطريقه دي طريقتوا حلوه اوووي ومتدين وعارف ربنا وكل لم يجي يزورنا ايدو مليانه وكل حاجه بحبه يجبه ليه طب حته شوكولا الي بيجبه وكده بابا يقولي هاتيه قسمه عل اخواتي اي حاجه مثلا بتعتي ونا اكون جايبه من مصروفي ياخدوه اخوتي ونا اقولهم لا عشان بكون حارمه نفسي من حاجات كتيره عشان اجيبه
واخوتي بيوظ حاجتي بابا يزعقلي ويقولي بطلي انانيه هنا مفيش حاجه اسمه حاجتك بيت كله اي حاجه فيه حاجتي نا علفكره عل عكس اخواتي اي حاجه نفسي فيه كنت بجيبه لنفسي من مصروفي حته حاجتي شخصيه ملتزمات المدرسه دروس وموصلاتي كله من مصروفي متخيلن 250 جنيه وساعات 200 جنيه حته هدومي نا الي بوحش واجيبه نا مش بحيب لبس عيد وكده نا لم بحوش ماما بتحطلي من فلوس شغله وتشترلي لبس ماما هي الي بتدفع اكلنا و غاز كهربا مياه مصريف بيت مصروفي نا واخواتي كل حاجه وقرض بابا واخده هي بتدفعوا بابا مرتبه 2000 جنيه تقريبا بيخلصوا عل مصاريفه الشخصية ومش بنشوف منهم حاجه
حاولنا تقنعوا يسيب شغل ويشوف حاجه براتب افضل مش موافق ف اني يكون ف حياتي راجل بيحبني وخايف عليه وخايف عل زعلي وبيعمل مستحيل عشاني اسيبو ازي نا لدرجه ني متعودتش حد يجبلي كنت برفضو او ارده وكان يزعل مني نا بجد بقيت حزينه اووووي ف حاجات كتيره مقدرتش اكتبه عشان الاطاله وأنا صعب عليه اقوله بس
أنا خايفه خطيبي ميلحقش يعمل كل ده ضغط والله كبير عليه اوووي ونا مقدرش اسيبو رغم ني مش عايزه اتخطب وقتي معامله بابا ومش هغيره ربنا يهديه ويحنن قلبو علينا نا مامتي تعبانه وكشفه نهارده ماما بتشتغل فوق شغله اتنين امي صغيره ف سن وحاليا الي يشوفه يقوله نه كبيره امي معتدش تقدر تقف عل رجليه وهي 35 سنه امي دكتور قاله انه عندهاا مشاكل ف الكبد والعصران الاعور تقريبا ف بقوله تقعد من شغل تريح وتعمل تحليل وتريح فتره دي بابا زعقلي وقالي منتي مش حاسه ب حاجه هتاكلو منين وتروح دروس 🙂
بقيت احس ني بجد جالي اكتئاب عندي صحبتي طول وقت تقولي تعالي نروح بدكتور نفسي نتي تقول وقت تايههه واو نايمه او ناسيه ي بنتي مينفعش كده ونا اقوله اكيد مش اكتئاب انا حوارتي بسيطه بقيت دايمااا هاديه ومش عايزه اعمل اي حاجه حته بقيت اكره اذاكر او اعمل حاجه لمستقبلي اي هو الحل
لعرض السؤال في فدني اضغط هنا
مشكله كبيره اتمني مساعدتي وافادتي بخصوصها
انا في مشاكل كتير وكلها حصلت مع بعض ومطالب مني مبالغ ماليه كبيره انا بالفعل شغال بس الشغل مش هيغطي كل دا بس انا مرتاح فيه وفي حياتي اللي انا فيها حاليا لاني كنت مدمن وحاليا متعافي اللهم لك الحمد
مره واحده حياتي انقبلت للأحسن من مدمن وحورات ومشاكل لشغل وحياه مختلفه وناس جديدة ودا مفرحني جدا ومخليني مكمل في دا عشان حسبتها مع نفسي وحسيت ان ربنا مديني فرصه عشان عايزني معاه وفي عبادته دايما
لاني الاول كنت بعيد عن العبادات بكل أشكالها ومغيب واوقات كتير كنت بوصل لمرحله اني خلاص ميت ومواقف كتير عدت ولما بفتكر بقول ازاي دا حصل انا المفروض كنت ميت دلوقتي وبسبب كل دا مشيت وراء الاشارات بتاعت ربنا وحاليا بصلي وملتزم في كل حاجه
بس من الضغط الموجود دماغي بتسوحني انا سهل اعمل فلوس بس مش عايز اعمل كدا بالطريقه اللي دماغي مسوحاني ليها انا تبت قدام ربنا واخدت عهد اني معملش دا تاني وبجد مش عارف اعمل ايه حاليا لاني لو مدفعتش هتحبس وهيحصل مشاكل كتير وانا كبير عيلتي ووالدتي شافت كتير مني فبحاول اعوضها عن كل اللي حصل مني زمان هي واخواتي
انا كنت مدمن هيروين مع مواد مخدرة اخري بس المادة الاساسيه عموما هيروين واقدر اجيب فلوس بإني اشتغل فيها واعمل مصالح بس كل دا هيغضب ربنا ويبعدني عن كل الحلو اللي انا فيه ويبعدني عن عيلتي اللي ما صدقت انهم سامحوني على اللي عملتو
وفي نفس الوقت لو مسددتش اللي عليا دا هيدخلهم في ضغط كبير ووالدتي هتتعب انا بجد مشتت جدا ومش عارف اعمل ايه
بعد إذن الجميع محدش يتريق ويقول كلام محبط ثانيا لو في اي شغل اقدر اعملو اونلاين بجانب شغلي ياريت اللي يعرف دا يفدني ويساعدني طالما بالحلال واسف لو طولت في كلامي اتمنالكم جميعا حياه سعيده وكل سنه وانتو طيبين
لعرض السؤال في فدني اضغط هنا
السلام عليكم
انا دلوقتي في شخص انا عرفاه بيحبني وعايز يتقدملي فأنا صليت استخاره قبل ما انام امبارح و نمت وانا نايمه حلمت بشخص تاني كنت بحبه وكنت متعلقه بيه جدا بس احنا بعدنا من فتره " خمس شهور" مبقناش نتكلم اصلا مع العلم ان الشخص ده انا مش عارفه مشاعره ناحيتي ايه ولا فاهمه هو عايز ايه صحيت الصبح لقيته باعتلي مسدج كان بيسأل عليا
انا دلوقتي مش عارفه اعمل ايه خايفه اظلم يحيي وارفضه ويطلع هو اللي كان هيعوضني عن الاذي النفسي اللي التاني سببهولي وخايفه اقبل ميطلعش خير ليا انا خايفه ومش عارفه اتكلم مع حد مفيش حد هيفهمني
صليت استخاره تاني النهارده بعد الضهر بس بردو مش عارفه اعمل ايه
انا قلت ليحيي متكلمنيش الا اما افكر كويس وابلغك قرارى بس انا مش عارفه اعمل ايه
لعرض السؤال في فدني اضغط هنا
مساء الخير
انا مشكلتي ان كنت مرتبطه بواحد فتره كبيره مش قليله للأسف حصل تجاوزات في شات وكدا وبس ومدركه تماما ان دا غلط انا كبيره كفايه بس كنت بحبه وانا تبت لربنا بجد ومش محتاجه ان حد يعنفني الموضوع دا لان انا شخصيتي اصلا بتاذي نفسها وبعنفني كدا كدا في كل ثانيه المهم في يوم اهلي اكتشفوا دا وشافو الشات طبعا انا اضربت وسمعت كلام صعب ومن ضمنهم ان ازاي انتي واحده كبيره ومركز وتعملي كدا
اتقالي كتير المهم فوني اتسحب مني شهر بسبب شغلي وحاجات كتير طبعا بقيت باخده اوقات معينه ومش عليه باسورد دخلت في الشهر التاني بقيت باخد الفون اغلب اليوم بس بليل وقت النوم يتاخد مني انا بقيت حاسه ان نفسيا من الضغط بسبب كتير ومن ضمنه القصه تعبت دا غير ان فكرت كتير ان انتحر لان مفيش حاجه بتتحل لدرجه ان بدعي بقيت بحس ان مفيش حاجه بتتغير كل اللي حواليا بيقولوا فتره وتعدي
بس انا فعلا تعبانه بسبب كتير وهما بيضغطوا عليا حتى فوني بيتسحب مني انا عايزه اعرف هي حياتي كدا خلاص اخدت لون اسود ومش هيلون تاني وانسا كل حاجه حلوه ولا اعمل ايه انا فعلا بقيت حاسه ان مش بحس بمشاعر سعاده كل حاجه عندي واحد واخده لون واحد وهو حزن عايزه اطمن ان كل حاجه يمكن في يوم هتتحل ولا مستحيل وفوق دا كله هو باعني وعايش حياته انا اللي بحاسب على كل حاجه مع ان و الله نيتي كانت كويسه عمري ما كنت وحشه انا غلطت بس ان اشيل كل دا لوحدي كتير اوي اوي والله
لعرض السؤال في فدني اضغط هنا
اختى تزوجت من شخص كان باين عليه انه متزوجها علشان شكلها حلو بس وملحقوش يعرفوا بعض تقريبا فتره الخطوبه كانت ٤ شهور بس كان ظهر عليه حاجات اثناء فتره الخطوبه تدل لا انه مش مناسب تماما وانه عديم الشخصيه ومش مسؤول بس اختى كانت بتحبه ووالدى ووالدتى وافقوا على الرغم انهم عارفين انه مش ده اللى يبقى زوج بنتهم بس لان كده اخواتى هيبقو سلايف ف بيت واحد ودى كانت بالنسبالهم اهم حاجه
المهم اختى من اول ما تزوجت تانى يوم الفرح علطول تعبت وراحت لكذا دكتور وراحت المستشفى كمان وطلع عندها حصوه على الكلى فطبعا اضطروا ياخروا فتره شهر العسل فدى كانت البدايه بقى
بعد ما خلاص الحمد لله بقت كويسه والحصوه نزلت سافروا والحمد لله قضوا شهر العسل ورجعوا فبعدها بكام يوم قالولها لا م تعملى تحليل حمل فعملته وطلعت حامل فعلا
راحت للدكتور قالها لازم تقعدي عند والدتك فتره لتثبيت لجنين واكتشفنا ان عندها سكر والدكتور قال لها انه لو السكر منزلش احتمال يؤدى لتشوهات للجنين فطبعا كله زعل وزوجها قعد يعيط فقعدت عند ماما فعلا فتره ورجعت لبيتها
الفتره دى كان اهل زوجها مسافرين فقام جيبها عند ماما البيت بيقول انه خايف عليها ومامته بنفسها قالت هو مش هيعرف يشيل مسؤوليتها المهم جت عند ماما
جه بقى معاد إعادتها بعد حوالى شهر ونص والدكتور قال لازم تنزل الجنين مفيش نبض طبعا بقى كله زعل تانى وهو عيط بردو حتى مواساهاش ولا طيب خاطرها هو بس بيعيط
مرت فتره الإجهاض عند ماما لحد ما بقت كويسه وبابا عملهم مفاجأة وروحها البيت الليله دى بقى حصلت مشكله كبيره وزوجها زعلها وسابها لوحدها في غرفتها زعلانه وطبعا سكرها على وتعبت وجالها تشنجات فتقريبا روحت تانى فى وسط الأسبوع علشان السكر ورجعت على طول يعنى مطولتش هو كده كل متتعب حتى لو صداع يروحهالنا وياخدها كويسه
التشنجات دى كانت أول مره تظهر عندها منه هو وزادت التشنجات. وكان بيغمى عليها كتير وكان بيضربها لما بيبقى عاوز يفوقها ضرب فعلا على وشها
طلع اشتكى لمامته انه مفرحش من يوم متجوز وكلهم عاتبوا اختى انها مبتهتمش بصحتها وان هى الغلطانه و كل شويه عند دكتور عندهم حق بس ما هي كمان مفرحتش وهى كانت داخله الفرخ كويسه ومكنش عندها اى حاجه كلنا مستغربين
ده كله لسه مش المشكله قريب كده لما التشنجات زادت عندها اهل الزوج أصروا تكشف عند دكتور مخ واعصاب بس ماما مكنتش موافقه تماما وعملت مشكله معاهم لأنها كانت مقتنعه ان معمولها سحر
بس ف الاخر كشفت وطلع عندها. مرض مشهور اسمه m.s بيزيد من كتر الزعل وبيسبب توتر ونسيان وهكذا فالمهم اتحجزت ف المستشفى ٥ أيام حاليا ومن يوم ماتحجزت لحد اليوم التالت محدش من اهل الزوج اتصل حتى مش زارها يطمن عليها وزوجها كان مجرد رنه واحده ف اليوم ولسه زارها النهارده اللى هو تالت يوم بس ده علشان بابا اتصل عليهم وعاتبهم وهما بكل برود قالوا ما انتم اصلا مكنتش عاوزين تكشفوا عليها مخ واعصاب يعنى هما السبب وتانى يوم بعد الاتصال زوجها جه زارها
بابا وماما قرروا انها تنفصل لأسباب كتير اعتقد عرفت عرفتوها من كل اللى قلته بس اختى مش عارفه مصلحتها وهبله وبتحبه بس هو بياذيها بجد ومش بيهتم وعايش دور الضحيه هو حاليا قال لبابا هنقعد شهر يقرر هيتفصل ولا هيكمل بعد منتيجه تحليل تظهر
مشكله قرار الانفصال خايفين منه على اختى لان المرض اللى عندها بيتاثر بالحاله النفسيه وطبعا السكر
لعرض السؤال في فدني اضغط هنا
السلام عليكم ورحمه الله وبركاته
بمر بأزمة ماليه كبيره وكله ضاغط عليه اهلي وخطيبي الكل
محدش بيراعي مشاعري انا حاسه بايه بيجعوني بالكلام واكتر وحده بتوجع منها امي بتحسسني بالنقص بتخليني ابكي من كتر الزعل بقيت افكر في الانتحار مبقيتش عوزه اتجوز كل الي بفكر فيه هو الانتحار أو الهروب
من كتر الزعل بقيت بحس بمعدتي بتوجعني نظرات كل الي حوليه شفقه صحبتي الوحيده طلعت بتتريق عليا كل ما احكيلها مشكله تقولي مش انتي لوحدك اخوي الي سندي في الدنيا الي مفروض احس معاه بالأمان بيعذبني بمد ايدو
انا فاكره موقف اتحفر في مخي اما اسامه جيه يقرا الفاتحه امي قالت معلش عروستنا سمره حسستني بالنقص وفي موقف تاني بتقولوا لو زعلتك حط رقبتها تحت رجلك حسستني مليش غلاوه وأ انا مش بنتها دي جيبلالي جهازي اي كلام وساكته متكلمتش قلت اهم حاجة اطلع من البيت دا
ابوي ابوي المفروض يكون عزوتي بس طلع غير كدا خالص بيقولي كلام وشتائم مينفعش اكتبها خالص انا تعب والله وقلبي بيوجعني من كتر الكتمان حاسه قلبي هيقف
لعرض السؤال في فدني اضغط هنا
حد يقولى اعمل إيه أنا في صراع ارجوكم
بنت عندي ٢٠ سنة في جامعة تربية وحبيت ابن عمي ارتبطنا تلت سنين ودي غلطة سودة ف حياتي وندمانه ندمانه وااله
المهم دبلوم تجارة ومش ببشتغل وبصراحة هو مش لاقى شغل او مدورش مش حاول وبعدين هو حاليا ف الجيش وأنا بيتقدملى عرسان وهو لما لقى كد اتقدملى وبابا رافض تماما حد قريبي اصلا ورافض إنه ميكنش معاه مؤهل تعليمي ورافض رفض تماما
مفييش نقاش المهم هو كل ما حد يتقدملى بيقولي ارفضي ومش هسيبك وهآخدك واصبري لما اخلص جيش بس وانتى لو سبتيني هتدمريني أنا بحبك ومش هعرف اشوفك مع حد تانى أنا بحبك أنا أنا أنا انتي هتبعدي عني وتسمعي كلام ابوكي أنا هضيع مش هسامحك هتعيشيني ف حالة وحشة مبقدرش ابعد
دلوقت بقا أنا اعمل اي اسمع كلام مين بابا طيب هو صح فعلا طب لو سمعت كلامه حد اتعلق بيا هظلمه لي خايفه اوي خايفه يحصلو حاجه اصلا بسببي نا مش عارفه اعمل اي والله مش بنام
لعرض السؤال في فدني اضغط هنا
عندما كنت في الكليه خطبت لابن عمتي وفي الحقيقه لم احبه ولامور خاصه تركنا بعض وفي اثناء فترت خطوبتي معه دخل لي شخص على الواتس اب وحدثني ومن صورة الغلاف علمت انه اخو صاحبتي.
انا احظر اي شخص يكلمني وان كان من يكون ولكني لم اتجرأ هذه المره ان احظر هذا الشخص الي ان تطورت علاقتي به وأصبح صديقا لي اتشارك معه تفاصيل يومي وفي الحقيقه في تلك الاثناء عرض علي الزواج وانا رفضت مرت الايام وانتهت الفتره الدراسيه وجاءت الاجازه الكبيره وقل كلامي معه بحكم اهلي ومع مرور الوقت تغيرت أنا وبفضل الله من الأسوأ الي الأحسن والتزمت مع الله
عدت إلى الصلاه وتركت التبرج ومع معرفتي لديني كتر علمت مدى حرمة ان تتحدث الفتاة مع شاب اجنبي عنها وتركته وعملت له بلوك قعدنا فتره ما تكلمنا فيها مع بعض بعدين هو حاول يكلمني وعملت له بلوك ثاني ومرت شهور ورجع كلمني مره تانيه عن طريق الفيسبوك وأيضا عملت له بلوك
وبصراحه على الرغم من اهلي كانو شايفين ان النقاب هكون عائق للزوج الا اني كنت مقتنعه ان الزواج ده رزق من الله واكيد مش طاعتي لربنا هي الي هتقطع الرزق ده وفعلا كان بيجيني خطاب وماشاء الله احسبهم على خير ولكن انا كنت معجبه بالشخص الذي قلت لكم عليه كان مجرد إعجاب
في مره دخلت على تلجرام ولقيت رقم غريب لكن غير مسجل ومن خلال تليكورر عرفت ان ده رقم الشخص الي كنت بكلمه وبصراحه مقدرتش المره دي احكم نفسي ودخلت فكيت البلوك وكلمته وبعد مابررت موقفي وقلت له إني اسفه اني رجعت اكلمه بس بصراحه مقدرتش اتحكم في نفسي وهو كان الأمر عنده عادي بل يمكن اسعده ولقيته بعت لي رساله وبيطلب انو يخطبني بصراحه انا موفقتش على طول اترددت بس في الاخر وافقت وعدت الايام واحنا بنتكلم مع بعض بس بحدود جدا
وللامانه هو إنسان محترم عمره ما تخطى حدوده معايا المهم بعد مرور شهر ونص انا ندمت على كلامي معا وقلت له وصارحته انو لو هو عايزني بجد يتقدم لي عن طريق اهلي وطبعا وافق وخلى اخته تكلمني وانا اديتها موافقتي طبعا بعد ما أخدت رأي اهلي وعدت فتره كمان ومفيش اي جديد
قلت اسأله سوال غير مباشر المهم قالي ان في عنده حالة وفاة وده فعلا لان انا كنت بشتغل في بلدهم وقالي كمان لما بابا يخلص امتحانات الطلبه عدا شهر واحد وخلصت الامتحانات ودخلنا علي شهر اثنين وبرضو مفيش اي تطور رحت انا قلت له ان احنا منكلمش بعض ال الما تحصل خطوه رسميه طبعا هو اعترض وانا بقى ما زلت مصره على موقفي
ولو بعت مسج احيانا برد على قد السوال واحيانا بتجاهل علشان يعرف ان انا على موقفي بس وهو قالي انو هيكلم اهله وبعدها وعدا اليوم وهو برضو مقاليش رد اهله وانا بصراحه قلت اكيد مش هفاتحه في الموضوع ده تاني لان ممكن يفتكر إني برمي نفسي عليه وانا الحمد لله العرسان كانت بتجيلي حتى في الفتره الي كنت بكلمه فيها
بصراحه محتاره ومش عارفه اعمل ايه وليه هو في كل مره يقولي انه كلم اهله وان اهله موافقين ومبياخدش خطوه مع ان انا قلت له ان هو لومش مستعد دلوقتي عادي نأجل الموضوع الغريب انو بيقول انو مستعد
بجد انا اتعلقت بيه والموضع ده عاملي ضغط نفسي ومخليني مش عارفه اركز في حياتي الشخصيه افيدوني جزاكم الله خيرا
لعرض السؤال في فدني اضغط هنا
السلام عليكم ورحمة الله وبركاته
انا بنت وعندي 18سنه معاناتي كلها مع اهلي بالذات امي بصراحه انا تعبت منها وبسببها انا حاولت اعمل كذا حاجه فنفسي والله
باختصار شديد اني عرفت ان امي بتخون بابا من وانا ف 6 ابتدائي انا حاليا ف3ث وهما اهو لسه عارفين دلوقت و حتي لما عرفو قالبين الموضوع عليا انا
حقيقي محدش كلمها و بابا كأنه معمي عنها بجد انا تعبت اوي والله وحاولت معاها كتير قبل ميعرفو انها تبطل و منفعش هي كانت بتخونه شاتات فالاول كنت مفكره ان الشاتات دي عاديه لحد السنة الي فاتت شفت شات قذر ومقرف واخر قلة ادب
انهرت وكان عندي امتحان بعدها بكام ساعه روحت الامتحان وانا برتعش ومش عارفه احل و تايهة وخايفه المهم انهم لما عرفو مكنش ف اي رد فعل من بابا كل الي حصل ان اخويا الكبير مبفاش يكلمها داخلين في سنه اهو وانا للاسف كنت بكلم حد عرفوا في نفس الوقت برضو هي كل محد يتكلم تقول انه مش بيكلمهم بسببي انا مع ان هو بقى بيكلمني خلاص هي بقى مش عاجبها انه ميكلمهاش و بتضربني
بتخلي اخواتي الصغيرين يعاملوني وحش واختي الاصغر مني كأن هي الكبيره بجد امي كانت خنقاني من رقبتي وبتقولي والله لاموتك و دلوقت انا إيدي كلها وارمه و بايظه وكلها اورام عشان ضربتني وحقيقي والله من غير سبب انا تعبت و حاولت انتحر كتير وبقيت بكلم نفسي وانا حاليا 3ثانوي عام مش عارفه اركز ولا اذاكر ودماغي جواها فرح اعمل اي بجد
لعرض السؤال في فدني اضغط هنا
السلام عليكم يا جماعة الخير
انا شخص خاطب و أكلم خطيبتي يومياً و كلمتها في الليل مرة متأخرا فعلم ابوها فغضب بشده
ثم هدأ بعد عدة أيام فلما هدأ قلت لخطيبتي لن نتكلم ليلا و لكننا رجعنا نتكلم ليلا فحدث موقفاً بعد فترة اخري فقلت اعاهد الله أنني لن اكلمها ليلا و ازعم انني وفيت بالعهد و الله اعلم مني و منكم و بقيت علي ذلك شهرا كاملا حتي بدأت خطيبتي تتململ جدا خاصة و ان دراستها بدأت و انا في العمل و لم نعد قادرين علي التواصل اكثر من عدة دقائق يوميا بالنسبة لي هذا شىء طبيعي اما هي ف غاضبة فهل هناك مخرج من العهد او ان هناك حل للمشكله اصلا
لعرض السؤال في فدني اضغط هنا
عندي فراغ عاطفي وأتعلق بالناس بسرعه وبمجرد ان حد يقولي كلمتين حلوين احبه واتعلق فيه وما يروح عن بالي حاسه ان دا بسبب اهلي لانهم عمرهم ما عطوني الحب اللي انا احتاجه وبابا شخص انتقادي جدًا دائما ينتقد تصرفاتي وشكلي بسبب ده بقيت احس ان مليانة عيوب وانظر للناس بنقص اشوف الناس احسن مني
اتخيل ان في حد بيحبني وبيعوضني عن كل شي بمر بيه لان انا فعلا محتاجه كدا محتاجه حد يحبني و احبه ودخلت علاقات كثيير من قبل وكلها حرام وتدمرت بسببها بس بعدين طلعت وما رجعت لها لانها حرام بس عندي شعور ان ما احد يحبني وعايزه احب نفسي بس مش عارفه كيف احب نفسي وايش سبب الفراغ العاطفي وكيف اتخلص منه
لعرض السؤال في فدني اضغط هنا
الموضوع غريب شوية....
بإختصار عرفت بنت من فترة وحبيتها جدا وهي حبيتي ومكنش فيه اي تجاوزات بينا نهائى عشان متبقاش سبب اننا نبعد عن بعض حتى مشاعرنا مكناش بنعترف بيها لبعض المهم طلبت منها أتقدم لها كتير واكلم باباها بس كان باقي ايام على مركز التدريب قالت ادخل وأطلع أتقدم على طول دخلت وطلعت لقيتها اتخطبت بالغصب ودايما بتعيط وجالها اكتئاب وبتروح لدكاترة نفسيين كتير المشكلة أهلها مش راضيين يفهموها نهائى وعندهم رأي البنت ملهوش لازم حتى اللى مخطوباله نفس الموضوع مش فارق معاه رأيها المهم ان أهلها موافقين
دلوقتي فاضل على كتب الكتاب فترة بسيطة يعتبر أيام وهي كل يوم بتنهار أكتر والصراحة مش عايز اخسرها
هل فيه طريقة؟
لعرض السؤال في فدني اضغط هنا
بجد تعبت من كل حاجه، كل حاجه ماشيه غلط خالص، حتى اهلي اللي المفروض يفكو عني هما اكتر ناس بيجو عليا بجد انا تعبت من غدر الناس و الناس اللي كلها شبه بعض دي بجد زهقت و جوايه كلام كتير مش عارفه اتكلم❤️🩹
لعرض السؤال في فدني اضغط هنا
السلام عليكم ورحمه الله وبركاته
انا اعاني من كره الذات بحيث انني اجلد وأذم في نفسي بشكل كبير جدا بالاضافه الى عدم رضايا عن حياتي واحساسي بالفشل وايضا عدم القدره مع التعايش مع المجتمع.
كمان كنت أعور نفسي من كتر كرهي لها يعني حاسس اني مهما تعبت وذاكرت واشتغلت فاشل برده ومعملتش اي انجاز في حياتي يعني مثلا دراسه مجبتش الكليه الي انا كنت حاببها واهلي بيذموا فيا ومبيعملوش اي حاجه غير انهم يعتبو علي ويقارنوني بفلان وفلان
انعزال.وحده. بتيجي في دماغي افكار واسئله ربنا يسامحني عليها بتكون متعلقه بالذات الالهيه بس مع اني بصلي وقريب من ربنا بس انا مبعرفش ابطل تفكير في كل حاجه من كتر التفكير انا بقيت بكلم نفسي اقعد اتخيل مواقف خياليه واضع نفسي فيها مع انها مش حقيقيه بس بيوصل بيا الحال اني بعيط دايما متوتر مشوش مش مركز وبنسي كتير اوي يعني لدرجه ان الحاجه بتكون في إيدي وأنا ناسيها
كمان الموضوع مآثر علي الجانب الدراسي في الجامعه يعني بكون بذاكر سهران طول الليل وبعد كدا اروح الامتحان التوتر وأنسى بدأت احس إني بدأت اتجنن حاولت بدل المره مليون مره انظم حياتي وارتبها وأبدأ من جديد بس مبعرفش اركز وبقع في نفس الخطأ تاني ياريت حد يفيدني باي حاجه
لعرض السؤال في فدني اضغط هنا
السلام عليكم
اوقات كتير بحس اني تايهه ومش عاوزه حد معايا ودايما ببقي محتاجه حد جمبي وبالذات من ساعة ما اهلي انفصلوا وأنا مشيت مع امي هي بتعاملني كويس بس أنا تعبانه نفسيا بسبب بعدهم عن بعض ومش ممكن يجتمعون تاني
لعرض السؤال في فدني اضغط هنا
متقلب المزاج ، وبمل بسرعة حتى فى العلاقات ..
ساعات كتير مزاجى بيكون سئ جدا زاى دلوقتى ومابحبش اتعامل مع حد.. وساعات بكون تمام
بتهاجمنى ساعات كتير ذكريات ومواقف سيئة وخوف من المستقبل وندم و افكار سلبية دايما..
ساعات كتير مابعرفش انا عاوز اى ولا قارى نفسيى.. ولما افكر مع نفسى بحس بعدم الرضا عن حياتى عموما...
حاجات كتير مضيقانى وعاوز اغير حياتى بس مابعملش حاجة ف الاخر والوقت يعدى والعمر معاة مالوش معنى..
لعرض السؤال في فدني اضغط هنا
السلام عليكم
مش عارفه ابتدي منين
كل حاجه وحشه بتحصل جوا الانسان بتبقى من الطفوله دايما اول كل حاجه بتبقى معلمه جوا الانسان وانا دا تعبي النفسي
الطفوله عباره عن ضرب واهانه وزول ومرمطه وشقا الخ شفت ايام كل يوم بتاثر عليا كنت فاكره اني هنسى بس لما كبرت كل حاجه بتتثبت اكتر حتى اول حب ف حياتي كان سبب في تعبي بعد 5سنين حب اهلي بعدوني عنه عشان كان احسن منهم وهو ساعدهم في دا ولما حاولت احب بعده واخيرا حبيت وعرفت اعمل موڨ اون واقيت انسان حنين بجد قالي انا ماحبتكيش... انا لقيتك بتبتدي بتحبني قلت اجرب بس انا معرفتش احبك
اهلي.. هما السبب الرئيسي فكل حاجه وحشه متشوفتش حاجه كويس منهم لما بشوف ام اي بنت بتسمعها وبتقعد تتكلم معاها زي صحبتها ببقى بتحسر على امي اللي بتعاملي اني ماليش رأي وماليش كلمه وان كلمتها هي اللي تمشي وهي اللي صح حتى لو غلط بس ف الاخر تقولي انتي مين اصلا انتي ملكيش كلمه اللي انا أقرره هو اللي هايمشي انتي مالكيش راي
ابويا.. لازم اي اب يبقا حنين على بنتو عشان ماتحتجش للغريب وماتدورش على حد يحضنها برا ويحسسها بالامان انا بقا ابويا عمل كدا فخلاني اشوف الامان برا
واشوف حد يطبطب عليا ويقولي معلش لاني مش لاقيه اللي يعمل كدا وفي الاخر طلعو كلهم زي بعض مفيش حد حنين
ماليش صحاب ماليش بيست معرفتش اعمل صاحبه واحده لاني مش عارفه اثق ف حد
الشغل بقا تعب جدا بس لازم اكمل فيه عشان انا اللي شايله نفسي فمستحمله قرف وزعيق وصوت عالي مدمرني حتى في الشغل في صوت عالي مبقتش عاوزه حاجه ولا اكمل في حاجه كل اللي عاوزه اخد المنوم وأنام
وف الاخر لا طولت اللي حبيته وحبني وخطب وعاش ولا طولت اللي حبيته وهو ماحبنيش وكان لازم احترم مشاعره وابعد ولا عاوزه اهلي لانهم تعبوني نفسيا حتى اني نفسي اكمل تعليمي زي صحابي بس انا نزلت الشغل عشان ابويا قالي مش هجهزك عشان مصاريف البيت واخواتك انتي الكبيره جهزي نفسك وشيلي نفسك وعاوزه تكملي تعليم بعد الدبلوم مع نفسك كنت جايبه 88٪ جالي الالسن اللي كان نفسي فيها وماقدرتش ادخلها دا غير اني باذي نفسي وصحتي بحاجات كتير وحشه زي الشيشه والڤيب والسجاير بحاول اطلع النفس اللي جوايا بحاجه مرتاحها معاها وبحبها فعلا برتاح معاها
محتاجه اروح لدكتور نفسي
لعرض السؤال في فدني اضغط هنا
لعرض جميع الاسئلة في فدني اضغط هنا